தகவல் களஞ்சிய பகுதிக்கு அன்புடன் வரவேற்கிறோம்
19.05.2025 -
பூமியில் ஹைட்ரஜன்
பூமியின் மேலோடு பகுதியில் அதிகளவில் ஹைட்ரஜன் இருக்கிறது. இது 1.70 லட்சம் ஆண்டுகளுக்கு தேவையான எரிபொருளை பூர்த்தி செய்யும் அளவுக்கு உள்ளது என பிரிட்டனின் ஆக்ஸ்போர்டு, துர்ஹாம், கனடாவின் டொரண்டோ பல்கலை நடத்திய ஆய்வில் தெரிவிக்கப்பட்டுள்ளது. புதுப்பிக்கத்தக்க ஆற்றல் உதவியோடு, நீரிலிருக்கும் ஹைட்ரஜன் அணுக்கள், ஆக்சிஜன் அணுக்களை பிரிப்பதன் மூலம் பசுமை ஹைட்ரஜன் தயாரிக்கப்படுகிறது. இது சுற்றுச்சூழலை பாதிப்பதில்லை. உலகில் சில இடங்களில் ஹைட்ரஜனில் இயங்கும் ரயில், பஸ் அறிமுகப்படுத்தப்பட்டுள்ளது.
18.05.2025 - சனியில் மழை
சூரிய குடும்பத்தில் பூமிக்கு அடுத்து வானில் இருந்து மழை பெய்து ஆறு, ஏரி உள்ளிட்டவை நிரம்புவது சனி கோளின் நிலவுகளின் ஒன்றான டைட்டனில் தான். இது சனியில் உள்ள மொத்த நிலவுகளில் (274) பெரியது. இந்நிலையில் டைட்டனில் மழைத்துளி என்பது பூமியைப் போல தண்ணீராக இருப்பதில்லை. அதற்குப்பதில் மீத்தேன், ஈத்தேனாக இருக்கிறது என நாசாவின் ஜேம்ஸ் வெப் டெலஸ்கோப் ஆய்வு தெரிவித்துள்ளது. அதே போல பூமியில் வாயுக்களாக இருக்கும் ஹைட்ரோகார்பன்கள், டைட்டனின் குளிர்ச்சியான சூழலில் குளிர்ந்த திரவங்களாகச் செயல்படுகின்றன.
17.05.2025 -
கார்பனில் இருந்து எரிபொருள்
சூரிய ஒளியை பயன்படுத்தி கார்பன் டை ஆக்சைடை துாய்மையான எரிபொருளாக மாற்றும் தொழில்நுட்பத்தை தேசிய தைவான் பல்கலையுடன் இணைந்து இந்திய விஞ்ஞானிகள் கண்டுபிடித்துள்ளனர். இது ஒரு புதுப்பிக்கத்தக்க எரிபொருள் என்பதால், பருவநிலை மாற்றத்தை தடுக்கும் ஐ.நா.,வின் முயற்சிக்கு உதவிகரமாக இருக்கும் என தெரிவித்துள்ளனர். சுத்தமான எரிபொருள் உற்பத்திக்கு இன்னும் சக்திவாய்ந்த தொழில்நுட்பங்களை கண்டுபிடிப்பதற்கு செயற்கை நுண்ணறிவை தங்களது ஆய்வில் ஒன்றிணைக்க திட்டமிட்டுள்ளதாக தெரிவித்துள்ளனர்.
16.05.2025 - பிரபஞ்சம் அழியுமா
பிரபஞ்சத்தில் உள்ள நம் சூரிய குடும்பத்தில் எட்டு கோள்கள் உள்ளன. இதில் பூமியில் மட்டுமே உயிரினங்கள்வாழ்கின்றன. இந்நிலையில் பிரபஞ்சத்தில் உள்ள சூரியன் உட்பட அனைத்து நட்சத்திரங்களும் ஏற்கனவே கணித்ததை விட அதற்கு முன்னதாகவே மறைவதற்கு வாய்ப்பு உள்ளன என நெதர்லாந்தின் ராட்பவுட் விஞ்ஞானிகள் கண்டுபிடித்துஉள்ளனர். இதன்படி 'குயின்விஜின்டில்லியன்' ஆண்டுகளில் (1க்கு அடுத்து 78 பூஜ்ஜியம்) இது நடைபெறும் என தெரிவித்துள்ளனர்.முன்னதாக (1க்கு அடுத்து 1100 பூஜ்ஜியம்) ஆண்டுகளில் நிகழும் என கணிக்கப்பட்டிருந்தது.
15.05.2025
உலகின் பெரிய டெலஸ்கோப்
தென் அமெரிக்க நாடான சிலியின் அட்டகாமா பாலைவன மலைப்பகுதியில் ஐரோப்பிய வானியல் அமைப்பு சார்பில் டெலஸ்கோப் அமைக்கப்பட்டு வருகிறது. சராசரி கடல் நீர் மட்டத்தில் இருந்து 9993 அடி உயரத்தில் அமைகிறது. 2011ல் திட்டமிடப்பட்டு 2012ல் பணி தொடங்கியது. 2023ல் இதன் பாதி பணி நிறைவடைந்தது. 17 ஆண்டுகளுக்குப்பின் 2029ல் முழு பணியும் நிறைவடையும் என தெரிவிக்கப்பட்டுள்ளது. இதன் உயரம் 260 அடி. விட்டம் 305 அடி. டெலஸ்கோப் மொத்த எடை 6100 டன். டெலஸ்கோப்பின் முதன்மை கண்ணாடியின் அகலம் 129 அடி. இதில் 798 அறுங்கோண பகுதிகள் உள்ளன.
தங்கத்தை குவிக்கும் வங்கிகள்
இந்திய ரிசர்வ் வங்கி உட்பட பல நாடுகளின் மத்திய வங்கிகளும் தங்க இருப்பை அதிகரித்து உள்ளன. 2009ல் இருந்து 2024 என 15 ஆண்டுகளில் உலகின் மத்திய வங்கிகளின் மொத்த தங்க இருப்பு, 26 ஆயிரம் டன்னில்இருந்து 32 ஆயிரம் டன் ஆக உயர்ந்துள்ளது. இதன் வளர்ச்சி சதவீதம் 4.1. தங்களது மொத்த அந்நிய செலாவணி இருப்பில், அதிக சதவீதம் தங்கத்தை வைத்துள்ள நாடுகளில் அமெரிக்கா 75%, ஜெர்மனி 74.4%, பிரான்ஸ் 72.3%, இத்தாலி 70.8%, ரஷ்யா 32.1% முதல் ஐந்து இடங்களில் உள்ளன. இதில் இந்தியா 11.4 சதவீதத்துடன் (2009ல் 6.9%) 15வது இடத்தில் உள்ளது
div>
01.01.2025 - ஒளிரும் சிறகுகள் வண்ணத்துப்பூச்சியின் சிறகுகள் பல வண்ணங்களில் ஒளிர்கின்றன. இது பார்ப்பதற்கு அழகாக இருக்கும். இந்த சிறகுகளின் மேல் நுண்ணிய செதில்கள் உள்ளன. அதன் நுனியில் நுண்துகள்கள் உருவாகின்றன. இவை ஒவ்வொரு வண்ணத்துப்பூச்சிக்கும் உடற்கூறு செல்களின்படி மாறுபடும். உடற்கூறு செல்கள்தான் வண்ணத்துப்பூச்சி நிறத்துக்குக் காரணம். இந்த வண்ணத்துகள் கைகளில் ஒட்டும் அளவு மிக மென்மையானவை. வண்ணத்துப்பூச்சியின் நிறம் நம் கைகளில் ஒட்டிக்கொண்டால், அந்த இறகுப்பகுதி நிறமற்று வெளிர் நிறமாகக் காட்சியளிக்கும். தகவல் சுரங்கம் ஆங்கில புத்தாண்டு தினம் ரோமானிய காலண்டரில் ஜன., பிப்., மார்ச், ஏப்., மே, ஜூன், செப்., அக்., நவ., டிச., என 10 மாதம் ஒரு ஆண்டாக கணக்கிடப்பட்டது. மார்ச் 1ல் தொடங்கி ஏப்., 31ல் நிறைவடைந்தது. பின் ஜூலியஸ் சீசரின் 'ஜூலியன் காலண்டர்' அறிமுகப்படுத்தப்பட்டது. இதில் 12 மாதம் இடம்பெற்றன. ஜன., 1 புத்தாண்டானது. பின் 'ஜூலியன் காலண்டரில்' உள்ள 'லீப் இயர்' கணக்கீடு சரி செய்து 1582ல் 'கிரிகோரியன் காலண்டரை' அறிமுகப்படுத்தினார் போப் கிரிகோரி. இதில் ஜூலை, ஆகஸ்ட் சேர்க்கப்பட்டு 12 மாதம், ஒரு ஆண்டு என நிர்ணயிக்கப்பட்டது. ஜன., 1 புத்தாண்டாக அறிவிக்கப்பட்டது.
02.01.2025 - பாலின் வெள்ளை நிறம் எப்படி குழந்தைகள் முதல் பெரியவர்கள் வரை 'பால்' பயன்படுத்துகின்றனர்.பாலில் புரதம், கொழுப்பு, வைட்டமின் உள்ளன. இதிலுள்ள புரதங்களில் அதிகமாக 'கேசின்' புரதம் இருக்கிறது. இதில் கால்சியம், பாஸ்பேட்டுடன் சிறிய கொத்தாக சேர்ந்து 'மைக்கேல்ஸ்' எனும் சிறிய துகள்களை உருவாக்குகின்றன. இதில் ஒளிபடும்போது சிதறல் அடைகிறது. பால் அனைத்து ஒளி அலைநீளங்களையும் பிரதிபலிக்கிறது. எதையும் உறிஞ்சாது. இதனால் பால் வெள்ளை நிறமாக தோன்றுகிறது. பாலில் கொழுப்பு அதிகமாக இருப்பதும் அதன் வெள்ளை நிறத்திற்கு ஒரு காரணம்.
03.01.2025 - ஆயுளை குறைக்கும் சிகரெட் புகை பிடிப்பதால் புற்றுநோய், காசநோய், ஆஸ்துமா, மாரடைப்பு உள்ளிட்ட பாதிப்புகள் ஏற்படுகின்றன. சிகரெட்டில் 4000 ரசாயனங்கள் உள்ளன. இந்நிலையில் ஒவ்வொரு சிகரெட்டும் வாழ்நாளில் 17 நிமிடத்தை குறைக்கிறது. இதுவே பெண்களுக்கு 22 நிமிடம் குறைகிறது என லண்டன் பல்கலை கல்லுாரி ஆய்வு எச்சரித்துள்ளது. இது 2000ல் எடுக்கப்பட்ட ஆய்வை விட இரு மடங்கு அதிகரித்துள்ளது. புகை பிடிக்காதவர்களின் சராசரி ஆயுட்காலத்துடன் ஒப்பிடுகையில், புகை பிடிப்பவரின் ஆயுட்காலம் 10 - 11 ஆண்டுகள் குறைகிறது என ஆய்வில் தெரிவிக்கப்பட்டுள்ளது. தகவல் சுரங்கம் : செயற்கையான நீர்வழிப்பாதை மத்திய தரைக்கடல், செங்கடலை இணைக்கும் விதமாக செயற்கையாக உருவாக்கப்பட்ட நீர்வழிப்பாதை சூயஸ் கால்வாய். இதன்மூலம் ஆசியா - ஐரோப்பா இடையிலான நீர்வழி போக்குவரத்து எளிதாகியது. அரபிக்கடலில் இருந்து லண்டன் செல்லும் மொத்த துாரத்தில் 9,000 கி.மீ., குறைந்தது. எகிப்தில் அமைந்துள்ள இக்கால்வாய் பணி, 1859ல் தொடங்கி 1869ல் நிறைவடைந்தது. நீளம் 193 கி.மீ. கடல் நீர், கால்வாய் வழியே பாயும் வகையில் உருவாக்கப் பட்டு உள்ளது. ஒரு நாளைக்கு 97 கப்பல்கள் இரு வழியிலும் சென்று வருகின்றன. இதில் பெரும்பாலானவை சரக்கு கப்பல்கள்.
04.01.2025 - கோள்களின் அணிவகுப்பு சூரியனை வெவ்வேறு பாதையில், வேகத்தில் கோள்கள் சுற்றுகின்றன. இந்த அடிப்படையில் சில நேரம் ஒரே நேர்கோட்டில் சில கோள்கள் வரும் வானியல் நிகழ்வு தோன்றுகிறது. இதன்படி இந்தாண்டு ஜன., இரண்டாவது வாரம் முதல், தினமும் சூரிய மறைவுக்குப்பின் வெள்ளி, சனி, வியாழன், செவ்வாய் கோள்கள் வானில் தெரிவதை பூமியில் இருந்து பார்க்கலாம். இதில் ஜன. 17, 18ல் வெள்ளி, சனி பூமிக்கு அருகில் வருவதால் அவை கூடுதல் ஒளியுடன் தென்மேற்கு திசையில் தெரியும். யுரேனஸ், நெப்டியூன் கோள்களும் தெரியும். ஆனால் இதற்கு 'டெலஸ்கோப்' தேவைப்படும். தகவல் சுரங்கம் : உலக பிரெய்லி தினம் ago-btn உலக பிரெய்லி தினம் பார்வையற்றோர் விரல்களால் தடவிப்பார்த்து படிப்பதற்கு ஏற்ற 'பிரெய்லி' எழுத்து முறையை உருவாக்கிய லுாயி பிரெய்லியின் பிறந்தநாள் (ஜன.4) உலக பிரெய்லி தினமாக கடைபிடிக்க படுகிறது. லுாயி பிரெய்லி 1809 ஜன. 4ல் பிரான்சில் பிறந்தார். மூன்று வயதில் தையல் ஊசி கண்ணில் குத்தியதால் பார்வையை இழந்தார். கல்வி கற்க விரும்பிய இவர், பார்வையற்றோருக்கான வாலன்டின் ஹேய் எழுத்து முறை கடினமாக இருந்ததால், தானே ஒன்று முதல் ஆறு புடைப்பு புள்ளிகளை கொண்டு எழுதும் புதிய முறையை உருவாக்கினார். இதற்கு பிரெய்லி முறை என பெயரிடப்பட்டது.
06.01.2025 - பனித்துளி உருவாவது எப்படி பனித்துளி உருவாவது எப்படி காலையில் புல், செடியில் பனித்துளியை பார்த்திருப்போம். இது மழைத்துளி போல வானில் இருந்து விழுவதில்லை. ஒரு காலி பாத்திரத்தில் பனிக்கட்டியை வைத்தால், பாத்திரத்தைச் சுற்றி நீர்த்துளி உருவாகும். வெப்பக் காற்றில் கலந்திருக்கும் நீராவி குளிர்ந்த பரப்பைத் தொடும்போது, குளிர்ந்து நீர்த்துளிகளாக உருமாறுகிறது. தாவரங்கள் மீதும் பனித்துளி இவ்வாறுதான் உருவாகிறது. பொதுவாக காற்றில் ஓரளவு நீராவியும் (ஈரப்பதம்) லந்திருக்கும். இரவில் தாவரம் குளிர்ந்திருந்து, அவற்றை வெப்பக் காற்று தொடும்போது, காற்றிலிருக்கும் நீராவி குளிர்ந்து பனித்துளி உருவாகும். தகவல் சுரங்கம்: வேஷ்டி தினம் மற்றும் சர்வதேச போர் அனாதை தினம் * தமிழர்களின் பாரம்பரிய உடை வேட்டி. இன்றைய இளம் தலைமுறையினரிடம் வேட்டி அணியும் பழக்கத்தை அதிகரிப்பது, கைத்தறி நெசவு தொழிலை பாதுகாக்கும் நோக்கில் ஜன. 6ல் வேட்டி தினம் கடைபிடிக்கப்படுகிறது. * உலகில் நாடுகளுக்கு இடையே, உள்நாட்டுக்குள் நடக்கும் போரினால் குழந்தைகள் உட்பட பலர் ஆதரவற்றோராக மாற்றப்படுகின்றனர். இவர்களுக்கு உரிய வசதி, பாதுகாப்பு வழங்க வலியுறுத்தி ஜன. 6ல் சர்வதேச போர் அனாதை தினம் கடை பிடிக்கப்படுகிறது.
07.01.2025 - தனிமையே தள்ளிப்போ.... தனிமையில் இருப்பது இதய பாதிப்பு, பக்கவாதம், தொற்றுநோய், நீரிழிவு உள்ளிட்ட பாதிப்புகள் உருவாக காரணமாகிறது என பிரிட்டன் ஆய்வு தெரிவித்துள்ளது. பிரிட்டனில் 40 - 69 வயதுக்குட்பட்ட 42 ஆயிரம் பேரின் ரத்த மாதிரியை எடுத்து புரோட்டின் அளவை சோதனை செய்ததில் இதை கண்டறிந்தனர். தனிமை நேரத்தை தவிர்த்து விட்டு நண்பர்கள், குடும்பம், உறவு களுடன் அதிக நேரம் இருப்பது, கலந்துரையாடுவது, ஆரோக்கியமாக இருக்க உதவுகிறது. இது நோய் எதிர்ப்பு சக்தியை அதிகரித்து மேற்கண்ட உடல்நல பாதிப்புகளை தடுக்க உதவுகிறது என தெரிவிக்கப்பட்டுள்ளது. தகவல் சுரங்கம் உலகின் வயதான பெண் உலகின் வயதான பெண்மணி ஜப்பானின் டோமிகோ இடூகா (116 ஆண்டு, 220 நாள்) சமீபத்தில் காலமானார். இதையடுத்து தற்போது வயதான பெண்ணாக பிரேசிலின்கனபெரா லுாகாஸ் (116 ஆண்டு, ௨௧௩ நாள்). இருக்கிறார். உலகில் நீண்டநாள் வாழ்ந்த பெண் பிரான்சின் ஜியானி கால்மென்ட். இவர் 1875ல் பிறந்து 1997ல் (122 ஆண்டு, 164 நாட்கள்) மறைந்தார். இப்பட்டியலில் இரண்டாவது இடத்தில் 2022ல் மறைந்த ஜப்பானின் கானேடனாகே (1௧9 ஆண்டு, 117 நாட்கள்) உள்ளார். மூன்றாவது இடத்தில் 1999ல் மறைந்த அமெரிக்காவின் சாரக் நாஸ் (119 வயது, 97 நாட்கள்), உள்ளார்.
08.01.2025 -
08.01.2025 - வண்ண ஒளி விளக்குகள் வண்ண ஒளி விளக்குகள் எல்.இ.டி., தொழில்நுட்பம் மின்விளக்கு, லேப்டாப், அலைபேசி, பிரிட்ஜ், டார்ச் லைட் பல பொருட்களில் பயன்படுகிறது. எந்தவிதமான குறைமின்கடத்தி வேதிப் பொருட்களைக் கொண்டு எல்.இ.டி., பல்புகள் தயாரிக்கப்படுகிறதோ,அதை பொறுத்தே அவை வெளியிடும் நிறங்களும் அமையும். அலுமினியம், காலியம், இண்டியம், பாஸ்பேட் கலந்து தயார் செய்யும் எல்.இ.டி., பல்புகள் அதன் கலவை விகிதத்தை பொறுத்து சிவப்பு, ஆரஞ்சு, மஞ்சள் ஒளியை உமிழ்கின்றன. இண்டியம், காலியம், நைட்ரைடு கலவை கொண்டு பச்சை, நீலம், வெள்ளை நிற ஒளி உமிழும் பல்பு தயாரிக்கப்படுகிறது. தகவல் சுரங்கம் : பூமி சுழற்சி தினம் ago-btn பூமி சுழற்சி தினம் சூரியனை பூமி தினமும் சுற்றுகிறது. ஆனால் ஜன.8ல் பூமி சுழற்சி தினம் கடைபிடிக்கப்படுகிறது. பூமி தன் சுற்றுவட்டப்பாதையில் சூரியனை ஒருமுறை சுற்றிவர 365 நாட்கள் ஆகின்றன. தன்னைத்தானே ஒருமுறை சுற்றுவதற்கு 24 மணி நேரம் ஆகிறது. இந்நிலையில் பூமி தன்னைத்தானே சுற்றிக்கொண்டு சூரியனையும் சுற்றுகிறது என 1851ல் முதன்முதலாக உலகிற்கு செயல்முறை விளக்கம் செய்து காட்டியவர் பிரான்ஸ் விஞ்ஞானி லியோன் பவுல்காட். இவரது சாதனையை அங்கீகரிக்கும் விதமாக இத்தினம் உருவாக்கப்பட்டது. ஒளியின் வேகத்தை கண்டறிந்தவரும் இவரே.
09.01.2025 - பறக்கும் தட்டு எந்த திசையிலும் (360 டிகிரி கோணத்திலும்) பார்க்கும் வசதி கொண்ட பறக்கும் தட்டை அமெரிக்க நிறுவனம் உருவாக்கியுள்ளது. இதன் பெயர் 'இன்வோமூன்'. சிறிய கார் அளவில் இருக்கும். நீளம் 16 அடி. எடை 1130 கிலோ. இதன் வேகம் மணிக்கு 400 கி.மீ. சுற்றும் பரப்பளவு 482 சதுர கி.மீ. இதில் மூன்று பேர் பயணிக்கலாம். 20 - 30 நிமிடத்தில் சார்ஜ் ஏறி விடும். இதன் சத்தம் (ஒலி) 45 டெசிபல். 2028ல் இது பயன்பாட்டுக்கு வரும் என தெரிவிக்கப்பட்டுள்ளது. இதன் விலை ரூ. 3 கோடி. எதிர்காலத்தில் உற்பத்தி அதிகமாகும் போது விலை ரூ. 50 லட்சமாக குறையும். தகவல் சுரங்கம் : வெளிநாடு வாழ் இந்தியர் தினம் வெளிநாடு வாழ் இந்தியர் தினம் இந்தியாவின் வளர்ச்சியில் வெளிநாடு வாழ் இந்தியர்களின் பங்கு முக்கியமானது. வெளிநாடு வேலைக்கு செல்லும் இந்தியர்களில் சிலர் காலப்போக்கில் அங்கேயே குடியுரிமை பெறுவது அதிகரிக்கிறது. அவர்களையும் நாம் இணைக்க வேண்டும் என்ற நோக்கில் 2003ல் ஜனவரி 9, வெளிநாடு வாழ் இந்தியர் தினமாக அப்போதைய பிரதமர் வாஜ்பாய் அறிவித்தார். காந்தியடிகள் தென் ஆப்ரிக்காவில் இருந்து 1915 ஜன. 9ல் இந்தியாவின் மும்பை வந்து சேர்ந்தார். இத்தினத்தை நினைவுபடுத்தும் விதமாக இந்த நாள் தேர்ந்தெடுக்கப்பட்டது.
11.01.2025 - டைனோசரின் கால்தடம் பூமியை தாக்கிய விண்கற்களால் 6.5 கோடி ஆண்டுகளுக்கு முன் டைனோசர் இனம் முற்றிலும் அழிந்தது. இந்நிலையில் பிரிட்டனில் 200 டைனோசர்களின் கால் தடத்தை , ஆக்ஸ்போர்டு, பிர்மிங்ஹாம் பல்கலை விஞ்ஞானிகள் இணைந்து கண்டறிந்துள்ளனர். ஆய்வுக்குழுவை சேர்ந்த 100 பேர் 2024 ஜூனில் ஒரு வாரத்துக்கு ஆய்வு மேற்கொண்டனர். ஆய்வு முடிவில் டைனோசர்களின் ஐந்து வழித்தடம் கண்டறியப்பட்டது. இதில் ஒன்றின் நீளம் 490 அடி. இது உலகில் இதுவரை கண்டறியப்பட்ட டைனோசர்களின் கால் தடங்களில் பெரியது என தெரிவிக்கப்பட்டுள்ளது. தகவல் சுரங்கம் : நாடுகளின் சுவாரஸ்யம் நாடுகளின் சுவாரஸ்யம் உலகில் 210க்கும் மேற்பட்ட நாடுகள் உள்ளன. இதில் ஐ.நா., சபையில் உறுப்பினராக 193 நாடுகள் உள்ளன. இவற்றின் ஆங்கில பெயரின் முதல் எழுத்துப்படி, டபிள்யு, எக்ஸ் என இரண்டு எழுத்தில் தொடங்கும் நாடுகளே இல்லை. 'ஓ' - ஓமன், 'கியூ' - கத்தார், 'ஒய்' - ஏமன் என மூன்று எழுத்துகளில் தலா ஒரு நாடு மட்டுமே உள்ளது. அடுத்து 'இசட்' எழுத்தில் ஜிம்பாப்வே, ஜாம்பியா என இருநாடுகள் உள்ளன. எப், ஜே, ஆர், வி ஆகிய எழுத்துகளில் தலா மூன்று நாடுகள் உள்ளன. 'எஸ்' என தொடங்கும் எழுத்தில் தான் அதிக நாடுகள் (26) உள்ளன. 'ஐ' எழுத்தில் இந்தியா உட்பட 8 நாடுகள் உள்ளன.
12.01.2025 - ஆபத்தில் நன்னீர் உயிரினங்கள் பூமியில் ஆறு, ஏரி, நன்செய் உள்ளிட்ட நன்னீர் பகுதிகளில் பல்வேறு உயிரினங்கள் வாழ்கின்றன. 1970 உடன் ஒப்பிடுகையில் உலகில் நன்னீரில் வாழும் உயிரினங்களில், 25 சதவீதம் அழியும் நிலையில் உள்ளன என இயற்கை பாதுகாப்புக்கான சர்வதேச அமைப்பு (ஐ.யு.சி.என்.,) தெரிவித்துள்ளது. இதுதொடர்பாக அமெரிக்காவின் வடக்கு அரிஜோனா பல்கலை, மீன், நண்டு, இறால், தட்டான் உள்ளிட்ட 23,946 உயிரினங்களை ஆய்வு செய்தது. மாசுபாடு, அணைகளின் பரப்பளவு குறைதல், விவசாய இடங்கள் குறைவது உள்ளிட்டவை இதற்கு முக்கிய காரணம் என தெரிவித்துள்ளது. தகவல் சுரங்கம் : தேசிய இளைஞர் தினம் ' தேசிய இளைஞர் தினம் இளைஞர்களுக்கு வழிகாட்டியாக விளங்கிய சுவாமி விவேகானந்தரின் பிறந்த தினமான ஜன. 12, தேசிய இளைஞர் தினமாக கொண்டாடப்படுகிறது. 1863 ஜன., 12ல் கோல்கட்டாவில் பிறந்தார். சிறுவயதிலிருந்தே ஆன்மிக சிந்தனை கொண்ட இவர் பிரம்ம சமாஜத்தில் சேர்ந்தார். 1881ல் ராமகிருஷ்ண பரமஹம்சரை சந்தித்தார். 1886ல் துறவியானார். சாதுக்களாக மட்டுமல்லாமல் வீரமாகவும் துறவிகள் இருக்க வேண்டும் என்பார். நாட்டின் பல பகுதிகளுக்கு சென்று பண்பாடு, கலாசாரம் குறித்து போதித்தார். அமெரிக்கா உள்ளிட்ட நாடுகளிலும் சொற்பொழிவு நிகழ்த்தியுள்ளார்.
13.01.2025 - காட்டுத்தீக்கு காரணம் அமெரிக்காவின் லாஸ் ஏஞ்சல்ஸ் நகரில் ஏற்பட்ட காட்டுத் தீயை அணைக்கும் பணியில் அந்நாடு போராடுகிறது. உலகில் பல்வேறு இடங்களில் அவ்வப்போது இந்நிகழ்வு ஏற்படுகிறது. காடுகளின் அழிவுக்கு காட்டுத்தீ முக்கிய காரணமாகிறது. காடுகள் தோன்றிய காலம் முதலே காட்டுத்தீ நிகழ்வுகளும் தொடங்கின.இதற்கு இயற்கை, மனித தவறு உள்ளிட்ட பல காரணங்கள் உள்ளன. காட்டுத்தீ அதிகரிக்க வெப்பம்,ஆக்சிஜன், எரிபொருள் மூன்றும் முக்கிய காரணியாக அமைகிறது. இதில் ஒரு அளவை குறைத்தால், தீயின் அளவையும் குறைக்கலாம். தகவல் சுரங்கம் : 'எவரெஸ்ட்' பெயர் எப்படி 'எவரெஸ்ட்' பெயர் எப்படி சராசரி கடல்நீர் மட்டத்துக்கு மேல், உலகின் உயரமான சிகரம் எவரெஸ்ட். இதன் உயரம் 29,031 அடி. இது இமயமலைத்தொடரில் நேபாளத்தில் அமைந்துள்ளது. இதன் உச்சியில் பல மலையேற்ற வீரர்கள் ஏறி சாதித்துள்ளனர். 1852ல் இந்தியாவில் இருந்த ஆங்கிலேய அரசு, இதை ஆராய்வதற்கு ஜார்ஜ் எவரெஸ்ட் தலைமையில் ஒரு குழுவை நியமித்தது. இக்குழுவில் இருந்த கணிதவியல் நிபுணர் ராதாநாத் சிக்தார், சிகரத்தின் உயரம் உள்ளிட்ட பல தகவல்களையும் சேகரித்து குழுவிடம் அளித்தார். தகவல்களை பரிசீலித்த அரசு, குழுவை பாராட்டி அதன் தலைவர் எவரெஸ்ட் பெயரையே சிகரத்துக்கு சூட்டியது.
14.01.2025 - அதிகரிக்கும் வெப்பநிலை உலக வரலாற்றில் 2024 தான் வெப்பமான ஆண்டு என விஞ்ஞானிகள் தெரிவித்துள்ளனர். 2023ல் பதிவான சராசரி வெப்பநிலையை விட, 2024ல் 0.12 டிகிரி செல்சியஸ் அதிகம். இது 2015ல் பாரிஸ் ஒப்பந்தம் நிர்ணயித்த அளவை மீறும் முதல் வருடமாக அமைந்துள்ளது. தொழில்வளர்ச்சிக்கு முந்தைய காலத்தில் (1850 - 1900) இருந்த சராசரி வெப்பநிலை அளவை விட, கூடுதலாக 1.5 டிகிரி செல்சியசுக்குள் கட்டுப்படுத்துவதுதான் இந்த ஒப்பந்தம். ஆனால் 2024 இறுதியிலேயே இந்த கூடுதல் அளவான 1.5 டிகிரி செல்சியஸ் வெப்பநிலையை தொட்டு விட்டது என தெரிவிக்கப்பட்டுள்ளது. தகவல் சுரங்கம் பெரிய முட்டை தரையில் வாழும் உயிரினங்களில் பெரிய முட்டையிடுவது நெருப்புக்கோழி. முட்டையின் எடை 1.36 கிலோ. இது நெருப்புக்கோழியின் மொத்த எடையில்2 சதவீதம் தான். முட்டையின் நீளம் 15.24 செ.மீ. முட்டையை குஞ்சு பொறிக்க 42 நாட்கள் ஆகும். நெருப்புக்கோழியில் இரு வகை உள்ளது. இது பறக்க இயலாது. தரையில் வேகமாக ஓடும் பறவை இதுவே. இதன் பூர்வீகம் ஆப்ரிக்கா. நெருப்புக்கும் இதற்கும் சம்பந்தம் இல்லை. வெப்ப பிரதேசத்தில் தாக்குப்பிடிக்கும் உடலமைப்பு பெற்றுள்ளதால் இப்பெயர் வந்தது.உயரம் 6-9 அடி. ஆயுட்காலம் 30-40 ஆண்டு.
15.01.2025 - கொசுவை ஒழிக்க புது வழி டெங்கு, மலேரியா உள்ளிட்ட பல்வேறு நோய்கள், பெண் கொசுக்களால் ஏற்படுகிறது. உருவத்தில் சிறியதாக இருந்தாலும் இவை ஏற்படுத்தும் பாதிப்பு பெரியது. இவற்றை அழிக்க, கட்டுப்படுத்த விஞ்ஞானிகள் பல வழிகளில் முயற்சிக்கின்றனர். இந்நிலையில் ஆஸ்திரேலிய விஞ்ஞானிகள் நச்சு விந்தை பரப்பும் மரபணு மாற்றப்பட்ட கொசுவை உருவாக்கியுள்ளனர். இவை, பெண் கொசுக்களுடன் இனப்பெருக்கம் செய்யும் போது, நச்சை கலந்து பெண் கொசுக்களை அழிக்கிறது. இதன்மூலம் அதன் எண்ணிக்கையை கட்டுப்படுத்த முடியும் என தெரிவித்துள்ளனர். தகவல் சுரங்கம் ராணுவ தினம் ஆங்கிலேயர் ஆட்சியில் இந்திய ராணுவ தலைமை பொறுப்பு அவர்கள் வசம் தான் இருந்தது. 1949 ஜன., 15ல் இப்பொறுப்பை ஆங்கிலேயர் ராய் பட்சரிடம் இருந்து, இந்தியாவின் 'கரியப்பா' ஏற்றார். இந்த வரலாற்று நிகழ்வை கவுரவிக்கும் விதமாக ஜன. 15ல் ராணுவ தினம் கொண்டாடப்படுகிறது. தன்னலம் பார்க்காமல் நாட்டை பாதுகாக்க எல்லையில் பணியாற்றும் நம் ராணுவ வீரர்கள் தான் தேசத்தின் உண்மையான ஹீரோக்கள். வெயில், குளிர், மழை, இரவு, பகல் என பார்க்காமல் மக்களுக்காக பணியாற்றும் ராணுவ வீரர்களை என்றும் போற்றுவோம்.
16.01.2025 - டயர்களுக்கு கறுப்பு நிறம் ஏன் வாகனங்களில் அதன் நிறங்கள் வேறுபட்டாலும், அவற்றின் சக்கர டயர்கள் கறுப்பு நிறத்தில் தான் இருக்கும். துவக்க காலத்தில் வெள்ளை நிறத்தில் டயர் தயாரிக்கப்பட்டது. ஆனால் அவை நீண்டகாலம் உழைக்கவில்லை. அதனால் துாய்மையான ரப்பருடன் 'கார்பன் பிளாக்' வேதி சேர்மத்தை கலந்து டயர்கள் தயாரிக்கப்பட்டன. இதனால்தான் டயர் கறுப்பாக உள்ளது. உராய்வு காரணமாக டயரில் ஏற்படும் வெப்பத்தை 'கார்பன் பிளாக்' கடத்துவதால், டயருக்கு நீண்டஆயுள் கிடைக்கிறது. சூரியனின் புற ஊதாக்கதிர்களை ஈர்த்து, வாகனத்தின் மற்ற பகுதி வெப்பமாகாமல் தடுக்கிறது. தகவல் சுரங்கம் தேசிய 'ஸ்டார்ட் அப்' தினம் 'ஸ்டார்ட் அப்' நிறுவனம் தொடங்குவதை எளிமையாக்குதல், வங்கிக்கடன், வரி சலுகை வழங்குதல் போன்றவற்றின் வாயிலாக நாட்டில் தொழில்முனைவோரை ஊக்குவிக்கும் வகையில் மத்திய அரசு 2016 ஜன. 16ல் 'ஸ்டார்ட் அப் இந்தியா' திட்டத்தை தொடங்கியது. இத்திட்டத்தில் 1.58 லட்சம் 'ஸ்டார்ட் அப்' நிறுவனங்களுக்கு அங்கீகாரம் வழங்கப்பட்டுள்ளது. இதனால் வேலைவாய்ப்பும் அதிகரித்துள்ளது. இத்திட்டத்தை மேலும் விரிவுபடுத்தும் விதமாக 2021 முதல் மத்திய அரசு சார்பில் ஜன. 16ல் 'தேசிய ஸ்டார்ட் அப்' தினம் கடைபிடிக்கப்படுகிறது.
17.01.2025 - புகையா... நீராவியா... கண்ணாடி டம்ளரில் ஐஸ் கட்டியைப் போட்டு வெளியே வைத்தால் அந்த டம்ளரின் வெளியே நீர்த்துளிகள் திரண்டிருக்கும். காற்றில் உள்ள நீராவி, ஐஸ் நிரம்பிய டம்ளரில் பட்டுக் குளிர்ந்து திரவ நிலையை அடைவதால்தான் இந்த நீர்த்திவலைகள் தோன்றுகின்றன. அதே போல நம் வாயிலிருந்து கொஞ்சம் ஈரப்பதத்துடன் காற்று வெளியே வரும்போது அதில் உள்ள நீராவி கடும் குளிரில் குளிர்ந்து திரவமாக மாறி நுண் திவலைகளாக உருவாகும். அதுதான் புகை போல, நம் கண்ணுக்கு தென்படுகிறது. அந்தப் புகை என்பது மிக நுண்ணிய நீர்த்திவலைகளின் தொகுப்பு. : உலகின் உயரமான ஏரி தகவல் சுரங்கம் : உலகின் உயரமான ஏரி உலகின் உயரமான ஏரி வடகிழக்கு மாநிலமான சிக்கிமின் மங்கன் மாவட்டத்தில் இமயமலை தொடரில் உள்ளது 'குருதோங்மர்' ஏரி, இது இந்தியாவின், உலகின் மிக உயரமான ஏரி என அழைக்கப்படுகிறது. நன்னீர் ஏரியான இது சிக்கிம் தலைநகர் கேங்டாக்கில் இருந்து 190 கி.மீ., துாரத்தில் உள்ளது. கடல் மட்டத்திலிருந்து இதன் உயரம் 16,929 அடி. பரப்பளவு 132 ஹெக்டேர். ஹிந்து, சீக்கியர், புத்த மதத்தினருக்கு இது புனித நதியாக கருதப்படுகிறது. ஏப்ரல், மே, டிசம்பர் மாதங்களில் சுற்றுலாப்பயணிகள் இதை ரசிக்கலாம். இங்கிருந்து 5 கி.மீ., துாரத்தில் இந்தியா - திபெத் எல்லை அமைந்துள்ளது.
18.01.2025 - நிறம் மாறும் உயிரினம் சூழலுக்கு ஏற்ப நிறத்தை மாற்றும் உயிரினம் பச்சோந்தி. இதற்கான உடல் அமைப்பை அது பெற்றுள்ளது. இதுபோல வேறு சில உயிரினங்களிடமும் இத்திறன் உள்ளது. பொன் ஆமை வண்டு, மைமிக் ஆக்டோபஸ், நண்டுச் சிலந்தி, பசிபிக் மரத் தவளை, சில கடல்குதிரைகள், கணவாய்மீன் போன்றவை சூழ்நிலைக்கு ஏற்பத் தன் நிறத்தை மாற்றிக்கொள்ளும் உடல் அமைப்பைப் பெற்றிருக்கின்றன. இந்த நிறத்தை மாற்றிக்கொள்ளும் பண்பு மூலம், எதிரிகளிடமிருந்து தப்பித்துக்கொள்ளவும், தேவையான இரையைப் பெற்றுக்கொள்ளவும் இந்த உயிரினங்களால் முடிகிறது. தகவல் சுரங்கம் : குறுகிய கடல் எல்லை ுறுகிய கடல் எல்லை உலகில் 130க்கும் மேற்பட்ட நாடுகளில், கடல் எல்லை உள்ளது. உலகில் நீண்ட துார (2.65 லட்சம் கி.மீ.) கடல் எல்லையை கொண்ட நாடு கனடா. அட்லாண்டிக், ஆர்க்டிக், பசிபிக் என மூன்று கடல்கள், இதன் எல்லையாக உள்ளன. குறுகிய துார கடல் எல்லையை கொண்ட நாடு மேற்கு ஐரோப்பாவின் மொனாகோ. இதன் வடக்கு, கிழக்கு, மேற்கு என மூன்று பக்க எல்லையாக பிரான்ஸ் உள்ளது. தெற்கு பக்கம் மட்டும் 5.6 கி.மீ., துாரத்துக்கு எல்லையாக கடல் (மத்திய தரைக்கடல்) அமைந்துள்ளது. இது உலகில் பரப்பளவு அடிப்படையில் வாடிகன் சிட்டிக்கு அடுத்து 2வது சிறிய நாடு (பரப்பளவு 2.02 சதுர கி.மீ.).
19.01.2025 - செயற்கைக்கோளை ஒன்றிணைத்தல் உலகின் நான்காவது நாடாக, சமீபத்தில் இரு செயற்கைக்கோளை ஒன்றிணைத்து இந்தியா சாதித்தது. உலகில் முதன்முதலாக 1966 மார்ச் 16ல் 'ஜெமினி 8' என்ற திட்டத்தின் கீழ் அமெரிக்க விண்வெளி மையம் 'நாசா', இரு செயற்கைக்கோளை வெற்றிகரமாக ஒன்றிணைத்தது. இதற்கடுத்து 1967 அக். 30ல் சோவியத் யூனியன் (ரஷ்யா), 'காஸ்மோஸ் 186', 'காஸ்மோஸ் 188' என இரு ஆளில்லா விண்கலத்தை இணைத்தது. மூன்றாவதாக சீனா, 2011 நவ. 2ல் சீனா அனுப்பிய 'ஷென்சு' ஆளில்லா விண்கலம், 'டியான்கங் 1' என்ற விண்வெளி மையத்துடன் இணைக்கப்பட்டது. தகவல் சுரங்கம் : நீளமான 'ரோப்' கார் நீளமான 'ரோப்' கார் இரு மலைகளுக்கு இடையே, தரைப்பகுதியில் இருந்து மலையின் மேலே என பல வழிகளில் 'ரோப்' கார் திட்டம் செயல்படுத்தப்படுகிறது. இந்தியாவில் முதன்முதலாக 1960ல் பீஹாரின் ராஜ்கிர் மலைப்பகுதியில் 1 கி.மீ., துாரத்துக்கு ரோப் கார் அமைக்கப்பட்டது. உத்தரகண்டின் சமோலி மாவட்டத்தில் அவுலி பகுதியில் 4 கி.மீ., துாரத்துக்கு அமைக்கப்பட்ட ரோப் கார் தான் இந்தியாவில் நீளமானது. இது உலகளவில் 2வது இடத்தில் உள்ளது. முதல் இடத்தில் வியட்நாமின் பியூ கியூக் தீவில் உள்ள ரோப் கார் சேவை உள்ளது. நீளம் 7.8 கி.மீ.,
20.01.2025 - நிறமற்ற வாயு எது பிரபஞ்சத்தில் ஹைட்ரஜனுக்கு அடுத்து அதிகமாக உள்ள தனிமம் ஹீலியம். மந்த வாயுக்களில் ஒன்று. இதன் அணு எண் 1. பிரான்சின் பியரி ஜான்சனுடன் இதை இணைந்து கண்டுபிடித்தவர் பிரிட்டனின் நார்மன் லாக்யர். அனைத்து வேதிப் பொருட்களுடனும், இது எளிதில் வினைபுரிவதில்லை. எம்.ஆர்.ஐ., ஸ்கேனர், கடலுக்கு அடியில் நீந்திச் செல்லும் ஸ்கூபா டைவிங்கில் பயன்படுத்தப்படுகிறது. இது நிறமற்ற, சுவையற்ற, நச்சுத்தன்மையற்ற வாயு. சூரியனில் மட்டுமல்லாமல், பூமியிலும் ஹீலியம் இருப்பதை 1895ல் ஸ்காட்லாந்தின் வில்லியம் ராம்சே உறுதிபடுத்தினார். தகவல் சுரங்கம் : பென்குயின் பாதுகாப்பு தினம் பென்குயின் பாதுகாப்பு தினம் பருவநிலை மாற்றம், வெப்பநிலை உயர்வு உள்ளிட்டவற்றால் பென்குயின் எண்ணிக்கை குறைந்து வருகிறது. இவற்றை பாதுகாக்க வலியுறுத்தி ஜன. 19ல் உலக பென்குயின் விழிப்புணர்வு தினம் கடைபிடிக்கப்படுகிறது. பென்குயின் ஒரு பறக்காத பறவை. மணிக்கு 25 கி.மீ., வேகத்தில் நீந்தும். வாழ்நாளில் 75 சதவீதத்தை நீருக்கடியில் உணவு தேடுவதற்கே செலவழிக்கிறது. இது நீந்துவதே பறப்பதை போல தோன்றும். அன்டார்டிகா உட்பட கடும் குளிர், பனிப்பாறைகள் நிறைந்த, ஆள் நடமாட்டமே இல்லாத தீவுப் பகுதிகள் இவை வாழ்வதற்கு ஏற்ற இடங்கள்.
21.01.2023 - வரிசை கட்டும் கோள்கள் சூரிய குடும்பத்தில் எட்டு கோள்கள் சூரியனை வெவ்வேறு பாதையில், வேகத்தில் சுற்றுகின்றன. இந்த அடிப்படையில் சில நேரம் ஒரே நேர்கோட்டில் கோள்கள் வரும் வானியல் நிகழ்வு தோன்றுகின்றன. இன்று (ஜன. 21) சூரிய மறைவுக்குப்பின் வெள்ளி, செவ்வாய், வியாழன், சனி, யுரேனஸ், நெப்டியூன் என ஆறு கோள்களும் நேர் கேட்டில் வருகின்றன. அவரவர் இருப்பிடம், வானிலையைபொறுத்து இதை பார்க்கலாம். இந்நிகழ்வை பார்க்க தவறவிட்டால், அடுத்து 2025 பிப்.28ல் ஏழு கோள்கள் வருகின்றன. ஏப். 15ல் நெப்டியூன், புதன், சனி, வெள்ளி கோள்கள் வலம் வருவதை பார்க்கலாம். தகவல் சுரங்கம் அமெரிக்க அதிபரின் 'மேஜை' அமெரிக்காவின் 47வது அதிபராகியுள்ளார் டிரம்ப். அதிபரின் அதிகாரப்பூர்வ இல்லமான வெள்ளை மாளிகையில் பயன்படுத்தப்படும் 'மேஜை' பிரபலமானது. இதன் உயரம் 2.72 அடி. அகலம் 6 அடி. எடை 590 கிலோ. இதை 1880ல் பிரிட்டன் இளவரசி விக்டோரியா, 19வது அமெரிக்க அதிபர் ரூதர்போர்டிடம் அன்பளிப்பாக வழங்கினார். இது பிரிட்டனின் 'எச்.எம்.ரெசொல்யூட்' எனும் மூழ்கிய கப்பலின் உடைந்த பாகங்களிலிருந்து தயாரிக்கப்பட்டது. 1963ல் அதிபர் ஜான் கென்னடி சுட்டுக் கொல்லப்பட்ட பின், இந்த மேஜை அகற்றப்பட்டது. பின் 1977ல் அதிபர் ஜிம்மி கார்டர் மீண்டும் கொண்டு வந்தார்.
22.01.2025 - நிலவை சுற்றி ஒளிவட்டம் பூமியின் ஒரே துணைக்கோள் நிலவு. பூமியில் இருந்து 3.84 லட்சம் கி.மீ., தொலைவில் உள்ளது. வானில் நிலவை சுற்றி ஒளிவட்டம் தோன்றுவதை பார்த்திருப்போம். இது ஒன்றும் அதிசய நிகழ்வு அல்ல; இயல்பாக தோன்றும் வானியல் நிகழ்வு தான். நிலவு ஒளியானது, வானில் மேல் மண்டலத்திலுள்ள பனி படிகங்கள் மீது படுகிறது. இது கண்ணாடியைப் போல் செயல்பட்டுஒளியைப் பிரதி பலிக்கின்றன. இதனால் நிலவை சுற்றி வட்டம் உருவாகிறது. அப்போது வானவில்லை போல வண்ணங்களில் இந்த வட்டம் இருக்கும். இதுபோல் சில நேரங்களில் சூரியனைச் சுற்றி ஒளிவட்டம் ஏற்படுவதுண்டு.
23.01.2025 - விவசாயத்தை பாதிக்கும் வறட்சி உலகில் 1980ல் இருந்து 2018 வரை ஒப்பிடுகையில் ஆண்டுக்கு 50 ஆயிரம் சதுர கி.மீ., பகுதிக்கு வறட்சி ஏற்படுகிறது. இது சுவிட்சர்லாந்தை விட பெரியது என அந்நாட்டு விஞ்ஞானிகள் ஆய்வு தெரிவித்துள்ளது. இது விவசாய உற்பத்தி, மின் உற்பத்தியில் பாதிப்பை ஏற்படுத்தி பொருளாதாரத்தையும் பாதிக்கிறது. அதிகரித்து வரும் வெப்பநிலை உயர்வு, பருவநிலை மாற்றமே இதற்கு காரணம். மேலும் இவை மழைப்பொழிவில் அதிக ஏற்ற இறக்கங்களுக்கு வழிவகுக்கிறது. நிலத்தடி மண், தாவரங்களில் இருந்து நீர் ஆவியாதலையும் அதிகரிக்க செய்கிறது.Tweet தகவல் சுரங்கம் பராக்கிரம தினம் ராக்கிரம தினம் இந்திய தேசிய ராணுவப் படையை உருவாக்கி ஆங்கிலேயரை எதிர்த்து போராடியவர் சுதந்திர போராட்ட வீரர் நேதாஜி சுபாஷ் சந்திர போஸ். இவரது பிறந்த தினமான ஜன.23, மத்திய அரசு சார்பில் 'பராக்கிரம தினமாக' கடைபிடிக்கப்படுகிறது. 1897ல் ஒடிசாவின் கட்டாக்கில் பிறந்தார். சுதந்திர போராட்டத்தில் பங்கேற்பதற்காக தன் உயரிய சிவில் சர்வீஸ் பணியை ஒரே ஆண்டில் ராஜினாமா செய்தார். ஆங்கிலேயரை எதிர்த்து போரிட வேண்டும் என்ற எண்ணத்தை உருவாக்கினார். நாட்டுக்காக 11 முறை சிறை சென்ற இவரது வாழ்வில், 20 ஆண்டுகள் சிறையிலேயே கழிந்தன.
24.01.2025 - வெள்ளை சுறாவின் வரலாறு பசிபிக் பெருங்கடலின் தெற்கு பகுதியில் 90 லட்சம் ஆண்டுகளுக்கு முன் வாழ்ந்த வெள்ளை சுறாவின் புதை படிவம் பெரு நாட்டில் கண்டுபிடிக்கப்பட்டது. இது சுறாக்களின் மூதாதையராக இருக்கலாம். இதன் பற்கள் 9 செ.மீ., நீளம் உடையது. என விஞ்ஞானிகள் தெரிவித்து உள்ளனர். தற்போதைய வெள்ளை சுறாக்களின் நீளம் 21 அடி. எடை 4.80 லட்சம் கிலோ. இது மணிக்கு 25 கி.மீ., வேகத்தில் நீந்துகிறது. இதற்கு 300 பற்கள் இருக்கும். இதில் சில மட்டுமே பயன்படுத்துகிறது. இதன் ஆயுட்காலம் 70 ஆண்டுகள். பிறக்கும் போதே சுறாவின் குட்டி, 6 அடி நீளத்துக்கு இருக்கும். தகவல் சுரங்கம் : தேசிய பெண் குழந்தைகள் தினம் தேசிய பெண் குழந்தைகள் தினம் பெண் குழந்தைகளுக்கு சம வாய்ப்பு, உரிமை வழங்க வலியுறுத்தி மத்திய அரசு சார்பில் ஜன.24ல் தேசிய பெண் குழந்தைகள் தினம் கொண்டாடப்படுகிறது. 2008ல் இத்தினம் உருவாக்கப்பட்டது. ஆண் குழந்தைகளுக்கு கிடைக்கும் கல்வி, சுகாதாரம், சத்தான உணவு உள்ளிட்ட அனைத்து வசதிகளும், பாலின பாகுபாடின்றி பெண் குழந்தைகளுக்கும் வழங்கப்பட வேண்டும் என இத்தினம் வலியுறுத்துகிறது. பெண் குழந்தையை சுமையாக கருதாமல், அவர்களை கொண்டாடும் தற்போதைய இளம் தலைமுறை பெற்றோர்களால் சமூகத்தின் பார்வை மாறத் தொடங்கி இருக்கிறது.
25.01.2025 - பெண்களை முந்தும் ஆண்கள் உலகில் நுாறு ஆண்டுகளில் வாழ்க்கை சூழல் மேம்பட்ட நாடுகளில் மனிதனின் உயரம், எடை அதிகரித்துள்ளது. பெண்களை விட, ஆண்கள் உயரத்திலும், எடையிலும் அதிகரித்துள்ளனர் என லண்டன் ருகாம்ப்டன் பல்கலை ஆய்வு தெரிவித்துள்ளது. ஆயுட்காலம், தனி மனித வருமானம் உள்ளிட்டவற்றை வைத்து உலக சுகாதார மையம் வெளியிட்ட மனித வளர்ச்சி குறியீட்டில் முன்னணியில் உள்ள நாடுகளில், சராசரியாக பெண்கள் 1.7 செ.மீ., உயரம், 2.7 கிலோ எடையும், ஆண்கள் 4 செ.மீ., உயரம், 6.5 கிலோ எடை அதிகரித்தனர். தகவல் சுரங்கம் : தேசிய வாக்காளர் தினம் தேசிய வாக்காளர் தினம் இந்திய தேர்தல் ஆணையம் 1950 ஜன. 25ல் தொடங்கப்பட்டது. இது ஒரு தன்னாட்சி அதிகாரம் மிக்கது. இதன் 60வது ஆண்டுவிழாவை சிறப்பிக்கும் விதமாக 2011 ஜன. 25ல் தேசிய வாக்காளர் தினம் தேர்தல் ஆணையத்தால் தொடங்கப்பட்டது. நாட்டில் ஊராட்சி தலைவர் முதல் பிரதமர் வரை மக்கள் ஓட்டளிப்பதன் மூலம் தேர்ந்தெடுக்கப்படுகின்றனர். 18 வயது பூர்த்தி செய்த ஒவ்வொருவரும் தவறாமல் ஓட்டளிப்பது ஜனநாயக கடமை. அதே போல 18 வயது நிரம்பியவர் வாக்காளர் பட்டியலில் பெயரை சேர்ப்பது அவசியம். அடையாள அட்டையும் பெற்றுக்கொள்ள வேண்டும்.
26.01.2025 - வெப்பத்தில் பாறை உருகுமா... . நிலம், கடல் பகுதிகள் அடங்கியது பூமியின் மேற்பரப்பு. நிலக்கோளத்தை தாங்கிபிடிக்கும் பூமியின் மேல் ஓட்டின் அடிப்பகுதி 100 கி.மீ., ஆழத்தில் 1000 டிகிரி செல்சியஸ் வெப்பத்தில் இருக்கும். அதன் கீழே கவசம் (மேன்டில்) எனும் பகுதி 3500 டிகிரி செல்சியஸ், பூமியின் கருவம் (கோர்) 5000 டிகிரி செல்சியஸாக இருக்கும். எனவே 100 கி.மீ.,க்கு கீழ் உள்ள அனைத்தும் குழம்பு, திரவ நிலையில் உருகி தான் இருக்கும். எனவே 20 - 30 கி.மீ., ஆழத்தில் வெப்பநிலை 500 டிகிரி செல்சியஸ் தான். அங்கே உள்ள அழுத்தத்தில் இந்த வெப்பம், பாறைகளை உருக்க போதுமானது இல்லை. தகவல் சுரங்கம் : உலக சுங்கத்துறை தினம் உலக சுங்கத்துறை தினம் உலக சுங்கத்துறை கழகம் 1952 ஜன.26ல் தொடங்கப்பட்டது. இதில் 183 நாடுகள் உறுப்பினராக உள்ளன. தலைமையகம் பெல்ஜியத்தின் பிரஸ்செல்ஸ் நகரில் உள்ளது. அனைத்து நாடுகளிலும் சுங்கத்துறை உள்ளது. இத்துறை அதிகாரிகளின் சேவை முக்கியமானது. போதைப்பொருள், தங்கம் உள்ளிட்டவற்றின் கடத்தலை தடுப்பது, சுற்றுச்சூழல், நாட்டின் நலனை பாதுகாத்தல் உட்பட பல்வேறு சேவைகளை செய்து வருகிறது. இத்துறையினரை பாராட்டும் விதமாக ஆண்டுதோறும் ஜன.26ல் உலக சுங்கத்துறை தினம் கடைபிடிக்கப்படுகிறது.
27.01.2025 - ஒலியின் வேகம் எப்படி ஒவ்வொரு ஒலிக்கும் குறிப்பிட்ட சில பண்புகள் உள்ளன. நாம் ஒருவருக்கொருவர் தொடர்புகொள்வதற்கு ஒலி முக்கியம். ஒரு பொருள் அதிர்வுக்கு உட்படுத்தப்படும் போது ஒலி உருவாகிறது. ஒலி என்பது ஒருவகை ஆற்றல். ஒலி வெற்றிடத்தில் பரவ இயலாது. ஒலி பரவுவதற்கு காற்று, திரவம், திடப்பொருள் தேவை. ஒலியின் வேகம் திரவங்களை விட திடப்பொருள்களில் அதிகம். ஒலியின் வேகமானது வெப்பநிலை, அழுத்தம், ஈரப்பதம் உள்ளிட்ட பண்புகளை பொருத்து மாறுபடும். வெப்பநிலை அதிகரிக்கும்போது ஒலி வேகமும் அதிகரிக்கிறது. தகவல் சுரங்கம் : பெரிய வளைகுடா பெரிய வளைகுடா 'மெக்சிகோ வளைகுடா' பெயரை மாற்றுவதாக அமெரிக்க அதிபர் டிரம்ப் சமீபத்தில் அறிவித்தார். பெரும்பான்மையான நிலப்பரப்பால் சூழப்பட்ட கடல் பகுதி வளைகுடா என அழைக்கப்படுகிறது. அட்லாண்டிக் கடலில் அமைந்துள்ள மெக்சிகோ வளைகுடா, உலகில் பெரியது. 30 கோடி ஆண்டுக்கு முன் உருவாகியிருக்கலாம். இதன் பரப்பளவு 15 லட்சம் சதுர கி.மீ. இது அமெரிக்கா, மெக்சிகோ, கியூபாவை எல்லையாக கொண்டுள்ளது. இதன் கடற்கரை நீளம் 5000 கி.மீ. சராசரி ஆழம் 5300 அடி. இதில் மிசிசிபி, ரியோ கிரான்டி, ஜமபா உள்ளிட்ட சில ஆறுகள் இதில் கலக்கின்றன.
28.01.2025 - அணைகள் நீர்மட்டம் பூமியில் ஒரு இடத்தின் உயரம், சராசரி கடல்நீர் மட்டத்தை அடிப்படையாக வைத்து குறிப்பிடப்படுகிறது. உதாரணமாக எவரெஸ்ட் சிகரம், சராசரி கடல்நீர் மட்டத்தில் இருந்து 29,029 அடி உயரத்தில் உள்ளது. குளம், ஏரி, கண்மாய்களில் நீர் மட்டம் சலனமற்று இருக்கலாம். ஆனால் கடலில் எப்போதும் அலைகள் உண்டு. சில சமயம் பெரிய அலைகளும் இருக்கும். எல்லா நேரமும், எல்லா இடத்திலும் கடல்நீர்மட்டம் ஒரே மாதிரி இருப்பதில்லை. இதற்கு காரணம் பூமி மீது நிலவு செலுத்தும் ஈர்ப்பு சக்தி, காற்று. இதனால் தான் சராசரி கடல்நீர் மட்டம் என குறிப்பிடப்படுகிறது. தகவல் சுரங்கம் இன்றைய தொழில்நுட்ப உலகில் அனைத்து துறைகளிலும் டிஜிட்டல் பயன்பாடு அதிகரித்துள்ளது. பெரும்பாலான தகவல் சேமிப்பு, பரிமாற்றங்கள் ஆன்லைன் வாயிலாக நடைபெறுகிறது. இதனால் ஒருவரது தகவல் பாதுகாப்பு முக்கியத்துவம் பெறுகிறது. தகவல் பாதுகாப்பு பற்றி விழிப்புணர்வு ஏற்படுத்தும் விதமாக ஜன. 28ல் அமெரிக்கா, கனடா, இஸ்ரேல், நைஜீரியா, ஐரோப்பா உள்ளிட்ட 47 நாடுகளில் தகவல் தனியுரிமை தினம் கடைபிடிக்கப்படுகிறது. உலகில் சமீபத்தில் அதிகரிக்கும் இணைய குற்றங்களை தடுப்பதற்கு தரவு பாதுகாப்பு அவசியமாகிறது.
29.01.2025 - உயர்கிறதா கடல்நீர்மட்டம் கார்பன் டை ஆக்சைடு உள்ளிட்ட பசுமை இல்ல வாயு வெளியீடு தொடர்ந்து அதிகரித்தால் 2100க்குள், உலகில் கடல்நீர்மட்டம் 6.2 அடி உயரும். கடற்கரை பகுதிகள் நீரில் மூழ்கும் ஆபத்துள்ளது என சிங்கப்பூர் நனியங் தொழில்நுட்ப பல்கலை ஆய்வு எச்சரித்துள்ளது. இதற்கு முன் 2023ல் ஐ.நா., வெளியிட்ட ஆய்வில் 2100க்குள் கடல்நீர்மட்டம் 1.9 - 3.2 அடி வரை உயரும் என தெரிவித்திருந்தது. அதேபோல சமீபத்தில் லண்டன் விஞ்ஞானிகள் வெளியிட்ட ஆய்வில் பருவநிலை மாற்றத்தால் 2099க்குள், ஐரோப்பாவில் 50 லட்சம் பேர் வெப்ப அலையால் பாதிக்கப்படுவர் என தெரிவித்துள்ளது. தகவல் சுரங்கம் : தேசிய நாளிதழ் தினம் தகவல் சுரங்கம் தேசிய நாளிதழ் தினம் ஜனநாயகத்தின் நான்காவது துாண் நாளிதழ். இவை உண்மை தகவல்களை உடனுக்குடன் மக்களுக்கு தெரிவிப்பதில் முக்கிய பங்கு வகிக்கின்றன. மாணவர்கள் தங்கள் அறிவை வளர்க்கவும், வாசிப்பு திறனை அதிகரிக்கவும் தினசரி நாளிதழ் படிப்பது அவசியம். 1780 ஜன. 29ல் 'ஹிக்கிஸ் பெங்கால் கெசட்' வார இதழ் கோல்கட்டாவில் வெளியானது. இது இந்தியா ஆசியாவின் முதல் அச்சிடப்பட்ட செய்தித்தாள். ஜேம்ஸ் அகஸ்டஸ்ஹிக்கி இதை தொடங்கினார். இதை நினைவுப்படுத்தும் விதமாக இந்தியாவில் ஜன.29ல் தேசிய நாளிதழ் தினம் கடைபிடிக்கப்படுகிறது.
30.01.2025 - தொழுநோயை ஒழிப்போம் உலகில் ஆண்டுக்கு 2 லட்சம் பேர் தொழுநோயால் பாதிக்கப்படுகின்றனர். 120 நாடுகளில் பாதிப்பு உள்ளது. இது 'மைக்கோபாக்டீரியம் லெப்ரோமாடோசிஸ்' பாக்டீரியாவால் உருவாகிறது. இது குணப்படுத்தக்கூடியது. இதுபற்றி விழிப்புணர்வு ஏற்படுத்த உலக சுகாதார நிறுவனம் சார்பில் உலகளவில் ஜனவரி மாத கடைசி ஞாயிறு, இந்தியாவில் ஜனவரி 30ல் தொழுநோய் ஒழிப்பு தினம் கடைபிடிக்கப்படுகிறது. 'ஒன்றுபடு, செயல்படு, ஒழித்திடு' என்பது இந்தாண்டு மையக்கருத்து. துவக்கத்திலேயே சிகிச்சை மேற்கொண்டால் விரைவில் குணப்படுத்தலாம். தகவல் சுரங்கம் : தியாகிகள் தினம் தியாகிகள் தினம் இந்திய சுதந்திர போராட்டத்தை தலைமையேற்று நடத்தியவர் மகாத்மா காந்தி. சுதந்திரம் பெற்ற நேரத்தில் கூட, ஒற்றுமையை வலியுறுத்தி கோல்கட்டாவில் உண்ணாவிரத போராட்டம் நடத்தினார். 'அகிம்சை' கொள்கையை வாழ்க்கை முழுவதும் கடைபிடித்தார். 1948 ஜன.30ல் சுட்டுக் கொல்லப்பட்டார். இவரது நினைவு தினம் உயிர் தியாகம் செய்த சுதந்திர போராட்ட வீரர்களுக்கு அஞ்சலி செலுத்தும் விதமாக ஜன.30ல் தியாகிகள் தினமாக கடைபிடிக்கப்படுகிறது. சுதந்திர போராட்ட வீரர்களின், வீரச் செயல்களை இன்றைய தலைமுறையினருக்கு தெரிவிப்பதே இதன் நோக்கம்.
31.01.2025 - யாருக்கு ஊதியம் அதிகம் எந்த துறையிலும் திறமை, ஆர்வம், தன்னம்பிக்கை இருந்தால் யார் வேண்டுமானாலும் சாதிக்கலாம். இதற்கு மற்ற எதுவும் தடையில்லை என நிபுணர்கள் தெரிவிக்கின்றனர். ஆனால் அமெரிக்க ஆய்வு வித்தியாசமான முடிவை வெளியிட்டுள்ளது. ஒருவரின் உருவ அமைப்புக்கும் - அவரது தொழில் வெற்றிக்கும் தொடர்புள்ளது என அமெரிக்க ஆய்வு தெரிவித்துள்ளது. அந்நாட்டில் 40 ஆயிரம் எம்.பி.ஏ., பட்டதாரிகளிடம் ஆய்வு நடத்தினர். இதில் அழகாக இருப்பவர்கள், மற்றவர்களை விட 11 சதவீதம் கூடுதல் ஊதியம் பெறுகின்றனர் என கண்டறிந்தனர். தகவல் சுரங்கம் சர்வதேச வரிக்குதிரை தினம் தகவல் சுரங்கம் : தியாகிகள் தினம் சர்வதேச வரிக்குதிரை தினம் குதிரை இனத்தை சேர்ந்த விலங்குகளில் ஒன்று வரிக்குதிரை. இவற்றை பாதுகாக்க வலியுறுத்தி ஜன.31 சர்வதேச வரிக்குதிரை தினம் கடைபிடிக்கப்படுகிறது. பாலுாட்டி வகையை சேர்ந்தது. இவை கூட்டமாக வாழும். மூன்று வகைகள் உள்ளன. நின்றுகொண்டே துாங்கும். இரண்டு வரிக்குதிரைகள் ஒன்றின் மீது ஒன்று தங்களின் கழுத்துப் பகுதியை வைத்துக் கொண்டு நின்று ஓய்வு எடுக்கும். இதன் உயரம் 3 -- 7 அடி. நீளம் 7 -- 10 அடி. மணிக்கு 68 கி.மீ., வேகத்தில் ஓடும். எடை 250 -- 500 கிலோ. ஆயுட்காலம் 20 -- 30 ஆண்டுகள். ஒரு வரிக்குதிரையின் வரி, மற்ற வரிக்குதிரையிடம் இருந்து வேறுபட்டது.
01.02.2025 - பாதிக்கும் கடல்வாழ் உயிரினங்கள் உலகில் கடல்நீர் வெப்பநிலை கடந்த 40 ஆண்டுகளில் நான்கு மடங்கு உயர்ந்துள்ளது என இங்கிலாந்தின் ரீடிங் பல்கலை ஆய்வு தெரிவித்துள்ளது. ஒவ்வொரு பத்தாண்டுக்கு 0.27 டிகிரி செல்சியஸ் அதிகரிக்கிறது. மேலும் கடந்த 40 ஆண்டு உயர்வை, அடுத்த 20 ஆண்டிலேயே எட்டிவிடும் என ஆய்வு தெரிவிக்கிறது. உலகின் கார்பன் வெளியீடு அளவை 'பூஜ்யம்' நிலையை நோக்கி குறைப்பதே இதற்கு தீர்வு என தெரிவிக்கப்பட்டுள்ளது. கடல் வெப்பமடைவதால், மீன்கள் உள்ளிட்ட கடல்வாழ் உயிரினங்கள் பாதிக்கப்படுகிறது. இதனால் மக்களின் வாழ்வாதாரமும் பாதிக்கிறது. தகவல் சுரங்கம்: கடலோர காவல் படை தினம் இந்திய கடலோர பாதுகாப்பை உறுதி செய்வதில் கப்பல்படைக்கு உதவும் விதமாக 1977 பிப்.1ல் கடலோர காவல் படை உருவாக்கப்பட்டது. இது கப்பல்படையுடன் இணைந்துசெயல்படுகிறது. இதன் தலைமையகம் டில்லி. இது தவிர மும்பை, சென்னை, கோல்கட்டா, போர்ட் பிளேர், காந்திநகரில் மண்டல தலைமையகங்கள் உள்ளன. கப்பல், ரோந்து படகு, போர் விமானங்கள் இப்படையிடம் உள்ளன. 20 ஆயிரம் வீரர்கள் பணியாற்றுகின்றனர். கடலோர காவல் படையினரின் அர்ப்பணிப்பை பாராட்டும் விதமாக பிப்.1ல் கடலோர காவல் படை தினம் கடைபிடிக்கப்படுகிறது.
04.02.2025 - இஸ்ரோ 'நுாறு' எப்படி இந்திய விண்வெளி ஆய்வு மையம் (இஸ்ரோ) சமீபத்தில் நுாறாவது ராக்கெட் ஏவி சாதித்தது. 1975 ஏப்.19ல் தன் முதல் செயற்கைக்கோளை (ஆர்யபட்டா), ரஷ்ய ராக்கெட்டில் விண்ணில் செலுத்தியது. 1979 ஆக.10ல் முதல் ராக்கெட் பயணத்தை தொடங்கியது. பெயர் 'எஸ்.எல்.வி.-3இ1'. இதில் 'ரோஹிணி' செயற்கைக்கோளை ஸ்ரீஹரிகோட்டா ஏவுதளத்தில் இருந்து ஏவியது. ஆனால் இது தோல்வியில் முடிந்தது. இதன்பின் ஏ.எஸ்.எல்.வி., பி.எஸ்.எல்.வி., ஜி.எஸ்.எல்.வி.,எஸ்.எஸ்.எல்.வி., என பல்வேறு ராக்கெட்டுகளை தயாரித்து விண்ணில் செலுத்தி வருகிறது.
05.02.2025 - முதல் விண்வெளி நடை சர்வதேச விண்வெளி மையம் 1998ல் அமைக்கப்பட்டது. அமெரிக்கா, ரஷ்யா, ஐரோப்பா, கனடா, ஜப்பான் விண்வெளி ஆய்வு மையங்கள் இணைந்து இதை உருவாக்கின. 1998 டிச. 7ல் ஜெரி ரோஸ், ஜேம்ஸ் நியூமேன் இணைந்து முதன் முறையாக விண்வெளி மையத்தில் இருந்து வெளியே வந்து விண்வெளி நடை (7 மணி, 21 நிமிடம்) மேற்கொண்டனர். இதுவரை 274 விண்வெளி நடை (அமெரிக்கா 201, ரஷ்யா 73) மேற்கொள்ளப்பட்டது. அதிகபட்சமாக 2007ல் 20 முறை, குறைந்தபட்சமாக 1999ல் ஒரு விண்வெளி நடை மேற்கொண்டனர். தகவல் சுரங்கம் : பெரிய உப்பு நீர் ஏரி பெரிய உப்பு நீர் ஏரி உலகின் பெரிய உப்பு நீர் ஏரி காஸ்பியன் கடல். இதன் பரப்பளவு 3.71 லட்சம் சதுர கி.மீ., இது ஆசியா - ஐரோப்பாவுக்கு இடையில் உள்ளது. இந்தியாவின் பெரிய உப்புநீர் ஏரி ராஜஸ்தானில் ஜெய்ப்பூர் மாவட்டத்தில் உள்ளது. இதன் பெயர் 'சம்ப்ஹார்' ஏரி, இதன் பரப்பளவு 5700 சதுர கி.மீ. நீளம் 35 கி.மீ. அகலம் 3 - 11 கி.மீ. இதன் ஆழம் 2 - 9.8 அடி. இந்த ஏரியை சுற்றி, அனைத்து பக்கமும் ஆரவல்லி மலை அமைந்துள்ளது. இதற்கு ஆறு ஆறுகளில் இருந்து நீர்வரத்து கிடைக்கிறது. இங்கு வெப்பநிலை கோடையில் 45 டிகிரி செல்சியஸ், குளிர்காலத்தில் 5 டிகிரி செல்சியஸ் என இருக்கும்.
06.02.2025 - சூடாகும் கடல் நீர் உலகளவில் கடல்நீர் வெப்பநிலை கடந்த 40 ஆண்டுகளில் நான்கு மடங்கு அதிகரித்துள்ளது என ஆய்வு தெரிவித்துள்ளது. 1980க்கு முன் ஒவ்வொரு பத்தாண்டுக்கு 0.06 டிகிரி செல்சியஸ் என உயர்ந்த வெப்பநிலை, தற்போது 0.27 டிகிரி செல்சியஸ் என்ற அளவில் அதிகரித்து வருகிறது. இந்நிலை தொடர்ந்தால் கடந்த 40 ஆண்டுகளில் உயர்ந்த கடல்நீர் வெப்பநிலை, அடுத்த 20 ஆண்டுகளிலேயே எட்டி விடும். கார்பன் வெளியீடு அளவை பூஜ்யம் நிலைக்கு கொண்டு வருவது ஒன்று தான், கடல்நீர் வெப்பநிலையை குறைப்பதற்கான வழி என தெரிவித்துள்ளனர். தகவல் சுரங்கம் :சர்க்கரையில் இந்தியாவின் நிலை சர்க்கரையில் இந்தியாவின் நிலை உணவுப்பொருட்கள் தயாரிப்பில் சர்க்கரை முக்கிய பங்கு வகிக்கிறது. எத்தனால் தயாரிப்பிலும் சர்க்கரை முக்கியமானதாக உள்ளது. சர்க்கரை உற்பத்தி, சந்தைப்படுத்துதல் உள்ளிட்வற்றை ஒருங்கிணைக்கும் விதமாக சர்வதேச சர்க்கரை அமைப்பு 1968 டிச. 3ல் தொடங்கப்பட்டது. தலைமையகம் லண்டன். இதில் இந்தியா உள்ளிட்ட 85 நாடுகள் உறுப்பினராக உள்ளன. உலகின் சர்க்கரை உற்பத்தியில் 86 சதவீதம், சர்க்கரை நுகர்வில் 64 சதவீதம் இந்நாடுகளில் உள்ளது. உலகின் சர்க்கரை உற்பத்தியில் கியூபாவுக்கு அடுத்து இரண்டாவது இடத்தில் இந்தியா உள்ளது.
07.02.2025 - சிறிய 'எஸ்கலேட்டர்' விமான நிலையம், ரயில் நிலையம், ஷாப்பிங் மால் என பல இடங்களிலும் 'எஸ்கலேட்டர்' எனும் நகரும் படிக்கட்டு பயன்படுத்தப்படுகிறது. இந்நிலையில் உலகின் சிறிய 'எஸ்கலேட்டர்' ஜப்பானில் பயன்பாட்டில் உள்ளது. இது உலக கின்னஸ் சாதனை புத்தகத்திலும் இடம் பெற்று உள்ளது. இதன் உயரம் 2.8 அடி. ஐந்து படிகள் மட்டுமே உள்ளன.பயண நேரம் 6 வினாடி. அதே போல உலக கின்னஸ் சாதனை புத்தகத்தின் படி, நீளமான 'எஸ்கலேட்டர்' ஹாங்காங்கில் பயன்படுத்தப்படுகிறது. இதன் நீளம் 2624 அடி. 1993ல் அமைக்கப்பட்டது. தகவல் சுரங்கம் : பிசியான விமான நிலையம் எது பிசியான விமான நிலையம் எது பயணிகள் எண்ணிக்கை அடிப்படையில் உலகின் பிசியான விமான நிலையமாக அமெரிக்காவின் ஜார்ஜியா நகரில் உள்ள 'ஹார்ட்ஸ்பீல்டு ஜாக்சன்' சர்வதேச விமான நிலையம் உள்ளது. இங்கு ஆண்டுக்கு 10.46 கோடி பேர் பயணம் செய்கின்றனர். இரண்டாவது இடத்தில் துபாய் சர்வதேச விமான நிலையம் (8.69 கோடி), உள்ளது. அடுத்தடுத்த இடங்களில் அமெரிக்காவின் 'டாலாஸ் போர்ட்' விமான நிலையம் (8.17 கோடி), பிரிட்டனின் லண்டன் ஹீத்ரோ விமான நிலையம் (7.91 கோடி), ஜப்பானின் டோக்கியோ (7.87 கோடி) உள்ளன. 10வது இடத்தில் புதுடில்லி சர்வதேச விமான நிலையம் (7.22 கோடி) உள்ளது. தகவல் சுரங்கம் :சர்க்கரையில் இந்தியாவின் நிலை பிசியான விமான நிலையம் எது பயணிகள் எண்ணிக்கை அடிப்படையில் உலகின் பிசியான விமான நிலையமாக அமெரிக்காவின் ஜார்ஜியா நகரில் உள்ள 'ஹார்ட்ஸ்பீல்டு ஜாக்சன்' சர்வதேச விமான நிலையம் உள்ளது. இங்கு ஆண்டுக்கு 10.46 கோடி பேர் பயணம் செய்கின்றனர். இரண்டாவது இடத்தில் துபாய் சர்வதேச விமான நிலையம் (8.69 கோடி), உள்ளது. அடுத்தடுத்த இடங்களில் அமெரிக்காவின் 'டாலாஸ் போர்ட்' விமான நிலையம் (8.17 கோடி), பிரிட்டனின் லண்டன் ஹீத்ரோ விமான நிலையம் (7.91 கோடி), ஜப்பானின் டோக்கியோ (7.87 கோடி) உள்ளன. 10வது இடத்தில் புதுடில்லி சர்வதேச விமான நிலையம் (7.22 கோடி) உள்ளது.
08.02.2025 - சூடாகும் கடல் நீர் வெப்பமான மாதம் குளிர்ச்சியான 'லா நினா', அமெரிக்காவில் நிலவிய வழக்கத்திற்கு மாறான குளிர் உள்ளிட்டவை இருந்த போதும் ஜனவரி மாத வரலாற்றில் இந்த (2025) ஜனவரி மிக வெப்பமான மாதமாக மாறியுள்ளது என ஐரோப்பாவின் காபர்னிகஸ் பருவநிலை மாற்ற சேவை ஆய்வு தெரிவித்துள்ளது. இதற்கு முன் வெப்பமான ஜனவரியாக 2024 இருந்தது. கடந்தாண்டு ஜனவரியை விட இந்தாண்டு 0.9 டிகிரி செல்சியஸ் அதிகரித்துள்ளது. கார்பன், மீத்தேன் உள்ளிட்ட பசுமை இல்ல வாயுக்கள் வெளியீடு அதிகரிப்பே இதற்கு முக்கிய காரணமாக உள்ளது. தகவல் சுரங்கம் : கண்டம் தாண்டிய பஸ் கண்டம் தாண்டிய பஸ் இந்தியாவின் கோல்கட்டாவில் இருந்து பிரிட்டனின் லண்டனுக்கு பஸ் சேவை, 1957 - 1976 வரை இயக்கப்பட்டது. இது உலகில் நீண்டதுாரம் பயணித்த பஸ் என கருதப்படுகிறது. இது லண்டனில் இருந்து பெல்ஜியம், ஜெர்மனி, ஆஸ்திரியா, பல்கேரியா, துருக்கி, ஈரான், பாகிஸ்தான் உள்ளிட்ட பல நாடுகளை கடந்து டில்லி, ஆக்ரா, பிராயாக்ராஜ், வாரணாசி வழியாக கோல்கட்டாவை வந்தடையும். பயண துாரம் 16 ஆயிரம் கி.மீ. பயண காலம் 50 நாட்கள். உணவு, தங்கும் வசதி சேர்த்து இதற்கான அப்போதைய பயணக்கட்டணம் ரூ. 9300 என இருந்தது. EO E11 மற்றும் Orbit Reader (Braille Refreshable Display) ஆகிய உதவி உபகரணங்களை கையாள்வது குறித்த பயிற்சிக்கான அழைப்பிதழ். பார்வையற்ற மாணவ மாணவியருக்கு அவர்கள் தங்கள் கல்வி தேவைகளை பூர்த்தி செய்து கொள்வதற்கு உதவும் கருவிகளான EO E11 மற்றும் Orbit Reader (Braille Refreshable Display) ஆகியவற்றை பயன்படுத்துவது குரித்து 15 பிப்ரவரி 2025 சனிக்கிழமை அன்று காலை 10 மணி முதல் மாலை 5 மணி வரை கர்ணவித்யா மற்றும் டெல்லி சக்சம் அமைப்பு இணைந்து பயிற்சி தர உள்ளது. இப்பயிற்சியில் பங்கேற்று பயன்பெறும்படி பார்வையற்ற நண்பர்கள் அனைவரையும் கேட்டுக்கொள்கிறோம். பயிற்சியில் பங்கேர்ப்பதர்க்கு பதிவு செய்தல் அவசியம். பயிற்சி நடைபெரும் இடம் Karna Vidya, 5th floor, RR Tower 1 and 2, Guindy. பதிவு செய்ய- அரவிந்தன் 8610966643 Ramkumar: 6379114394
10.02.2025 - நடனமாடும் செடி தாவரங்களில் பல வகை உண்டு. இதில் 'டெஸ்மோடியம் கைரான்ஸ்' எனும் தாவரவியல் பெயர் கொண்ட செடி, 2 - 4 அடி உயரம் வளரும். இச்செடிக்கு வெப்பம் அதிகம் தேவை. இச்செடியில் உள்ள சிறிய இலைகள் சூரிய ஒளிக்கு ஏற்ப அனைத்து திசையிலும் நகர்கிறது. இது பார்ப்பதற்கு நடனம் ஆடுவதை போல இருக்கும். இதனால் 'நடனமாடும் தாவரம்' என அழைக்கப்படுகிறது. இச்செடியில் 'பிங்க்' நிற மலர்கள் பூக்கின்றன. இவை வங்கதேசம், இலங்கை, பூடான், மலேசியா, தாய்லாந்து, வியட்நாம், மியான்மர், நேபாளம் உள்ளிட்ட நாடுகளில் காணப்படுகின்றன. தகவல் சுரங்கம் : உலக பயறு வகை தினம் தகவல் சுரங்கம் : உலக சுகாதார அமைப்பு பயறு வகைகளின் முக்கியத்துவம் பற்றி விழிப்புணர்வு ஏற்படுத்தும் விதமாக ஐ.நா., சார்பில் 2019 முதல் பிப். 10ல் உலக பயறு வகை தினம் கடைபிடிக்கப்படுகிறது. பலரும் தினசரி உணவில் ஏதாவது ஒரு பயறு, பருப்பு வகையை சேர்ப்பது நலம். காய்கறியை விட இவற்றில் சத்து அதிகம். புரதச்சத்தில் பயறு வகைகள் முன்னணியில் உள்ளன. * சவுதி, ஓமன், ஏமன், யு.ஏ.இ., உள்ளிட்ட பகுதிகளில் வாழும் அரேபிய சிறுத்தைகளை பாதுகாக்கும் வகையில் ஐ.நா., சார்பில் பிப். 10ல் சர்வதேச அரேபிய சிறுத்தைகள் தினம் கடைபிடிக்கப்படுகிறதஉ
11.02.2025 - அதிகரிக்கும் வாய்ப்பு வரும் 2032 டிச. 22ல் பூமியின் ஏதாவது ஒரு பகுதியில் '2024 ஒய்.ஆர்.4' எனும் விண்கல் மோதுவதற்கான வாய்ப்பு 1 முதல் 1.2 சதவீதம் மட்டுமே உள்ளது என ஏற்கனவே அமெரிக்காவின் 'நாசா' விஞ்ஞானிகள் தெரிவித்திருந்தனர். தற்போது இது 2.3 சதவீதமாக அதிகரித்துள்ளது. 43க்கு ஒன்று என்ற கணக்கில் வாய்ப்பு உள்ளது என கணித்துள்ளனர். இந்த விண்கல் அகலம் 200 அடி. இது 2024 டிச.27ல் கண்டறியப்பட்டது. 4.34 கோடி கி.மீ., துாரத்தில் இருந்தது. ஆனால் சில நாட்களிலேயே, நாசாவின் 'பூமிக்கு அருகே வரும் வாய்ப்புள்ள விண்கல்' பட்டியலில் சேர்க்கப்பட்டது. தகவல் சுரங்கம் அறிவியலில் பெண்களுக்கும் சம வாய்ப்பு வழங்க வலியுறுத்தி ஐ.நா., சார்பில் பிப்.11ல் அறிவியலில் பெண்கள், மாணவிகளுக்கான சர்வதேச தினம் கடைபிடிக்கப்படுகிறது. அறிவியல் துறையில் பாலின வித்தியாசத்தை குறைப்பது இத்தினத்தின் நோக்கம். 'அறிவியல் தலைமைத்துவத்தில் பெண்கள் - நிலைத்தன்மைக்கான புதிய சகாப்தம்' என்பது இந்தாண்டு மையக்கருத்து. சர்வதேச அளவில் ஆராய்ச்சியில் 33.3 சதவீதம், இன்ஜினியரிங்கில் 28 சதவீதம், கம்ப்யூட்டர், ஐ.டி., துறையில் 40 சதவீதம் மட்டுமே பெண்கள் உள்ளனர். இது அதிகரிக்கப்பட வேண்டும்.
12.02.2025 - ஆயுளை கூட்டும் ரத்த வகை ஒவ்வொருவருக்கும் ரத்தம் ஒரே மாதிரி இருக்காது. இதில் ஏ, பி, ஓ, ஏபி என ரத்த வகை உள்ளன. ஒருவரது ஆயுட்காலத்துக்கு உடல் நிலை, உணவு முறை, உடற்பயிற்சி உள்ளிட்ட பல காரணங்கள் உள்ளன. இந்நிலையில் ரத்த வகைக்கும், ஆயுளுக்கும் உள்ள தொடர்பு பற்றி ஜப்பான் டோக்கியோவில் 100 வயதுக்கு மேல் உள்ள 269 பேரிடம் விஞ்ஞானிகள் ஆய்வு நடத்தினர். இதில் மற்றவர்களை விட, 'பி' ரத்த வகை உள்ளவர்களுக்கு வயது மூப்படைவது குறைவாக நடக்கிறது என கண்டறிந்தனர். இருப்பினும் இது தொடர்பாக மேலும் ஆய்வுசெய்ய வேண்டியுள்ளது என தெரிவித்துள்ளனர். தகவல் சுரங்கம் : டார்வின் தினம் டார்வின் தினம் அறிவியல் துறைக்கு சார்லஸ் டார்வினின் பங்களிப்பை கவுரவிக்கவும், மாணவர்களிடம் அறிவியல் ஆர்வத்தை ஏற்படுத்தவும் விஞ்ஞானி டார்வின் பிறந்தநாள் (பிப்.12) 'டார்வின் தினமாக' கடைபிடிக்கப்படுகிறது. 167 நாடுகளின் 400 விஞ்ஞானிகள் 1909ல் லண்டனின் கேம்ப்ரிட்ஜ் பல்கலையில் சந்தித்தபோது, இத்தினம் உருவாக்கப்பட்டது. 1809 பிப்.12ல் பிரிட்டனில் பிறந்தார். தன் அறிவியல் கண்டுபிடிப்புகளை 1859ல் 'உயிரினங்களின் தோற்றம்' என்ற நுாலாக வெளியிட்டார். 'குரங்கில் இருந்து பரிணாம வளர்ச்சி பெற்று மனிதன் உருவானான்' என கூறினார். 1882 ஏப்.19ல் மறைந்தார்.
13.02.2025 - பனியில்லாத ஆர்க்டிக் பருவநிலை மாற்றத்தின் காரணமாக அதிகரித்த வெப்பநிலை, அதிக மழை, வறட்சி என உலகம் பாதிப்பை சந்தித்து வருகிறது. இந்நிலையில் வெப்பநிலை கூடுதலாக 2.7 டிகிரி செல்சியஸ் அதிகரித்தால், கோடையில் ஆர்க்டிக் பகுதி முற்றிலும் பனி இல்லாத பகுதியாக மாறி விடும் என கனடாவின் மனிடோபா பல்கலை ஆய்வு தெரிவித்துள்ளது. உலகின் மற்ற பகுதிகளை விட ஆர்க்டிக் பகுதியில் வெப்பநிலை நான்கு மடங்கு அதிகமாக உள்ளது. இது கிரீன்லாந்து தீவில் பனிக்கட்டி உருகுவதற்கும் காரணமாக அமைகிறது. பூமியின் வட முனையில் ஆர்க்டிக் பகுதி அமைந்துள்ளது. தகவல் சுரங்கம் : ரேடியோ, பெண்கள் தினம் ஐ.நா., சார்பில் பிப். 13ல் உலக ரேடியோ தினம் கடைபிடிக்கப்படுகிறது. எதிரொலி அடிப்படையில் மின்காந்த அலையை, ஒலி அலையாக மாற்றும் கருவியை ஜேம்ஸ் கிளார்க் மாக்ஸ்வெல், மைக்கேல் பாரடே கண்டறிந்தனர். பின் மின்காந்த அலைகளை, டிரான்ஸ்மீட்டராக ஹென்றிச் ஹெர்ட்ஸ் மாற்றினார். இத்தாலியின் குலீல்மோ மார்க்கோனி வானொலியை கண்டுபிடித்தார். * விடுதலை பற்றி பல கவிதை, பாடல் எழுதியவர் சரோஜினி நாயுடு. இவரது பிறந்த நாள் பிப். 13ல் தேசிய பெண்கள் தினமாக கடைபிடிக்கப்படுகிறது.
14.02.2025 - பருவநிலையை காக்கும் 'மாங்குரோவ்' கடல் அலைகளில் இருந்து கடற்கரையை 'மாங்குரோவ்' காடுகள் பாதுகாக்கின்றன. இந்நிலையில் இவை, தென் கிழக்கு ஆசியாவில் 50 சதவீத கார்பன் வெளியீட்டை குறைக்கிறது என ஆய்வு தெரிவித்துள்ளது. பருவநிலை மாற்றத்துக்கு முக்கிய காரணம் கார்பன் வெளியீடு. இந்தியா, வங்கதேச எல்லையில் உள்ள சுந்தர்வன காடுகள், மியான்மர், வியட்நாம், தாய்லாந்து, இந்தோனேஷியாவில் மாங்குரோவ் மரங்கள் அதிகளவில் உள்ளன. இவை கார்பனை ஈர்த்து மண்ணுக்குள் சேர்க்கிறது. இதனால் ஆண்டுக்கு 77 கோடி டன் அளவு கார்பன் வெளியீடு குறைகிறதஉ தகவல் சுரங்கம் : காதலர் தினம் காதலர் தினம் இன்று பிப். 14 'காதலர் தினம்'. இது உருவான கதை சுவராஸ்யமானது. 14ம் நுாற்றாண்டில் ரோம் அரசர் 2ம் கிளாடியஸ், இளைஞர்களை ராணுவத்தில் சேர அழைத்தார். இதற்கு வரவேற்பு இல்லாததால் காதல், திருமணத்திற்கு தடை விதித்தார். இதை மீறி பாதிரியார் வேலன்டைன், காதலிக்கும் இளைஞர்களுக்கு ரகசிய திருமணம் செய்து வைத்தார். இதனால் ஆத்திரமடைந்த அரசன் அவருக்கு மரண தண்டனை விதித்தார். அவரது நினைவுநாளையே 'வேலன்டைன் தினமாக' கொண்டாட தொடங்கினர். 20ம் நுாற்றாண்டின் பிற்பகுதியில் வேலன்டைன் தினம் 'காதலர் தினமாக' மாறியது
15.02.2025 - தண்ணீரின் முக்கியத்துவம் மனித உடலில் உள்ள ஒவ்வொரு செல், திசுக்கள், உறுப்புகளுக்கு தண்ணீர் குடிப்பது மிக அவசியம். செரிமானம் முதல் மூளை செயல்பாடு வரை தண்ணீர் முக்கியம். உடலில் தண்ணீர் குறைந்தால் எப்படி பாதிப்போ, அதுபோல அதிக நீரும் ஆபத்துதான். இந்நிலையில் தினமும் ஆண்களுக்கு 3.7 லிட்டர், பெண்களுக்கு 2.7 லிட்டர் தண்ணீர் தேவை. இது ஒருவரது வயது, உடல்நிலை, பாலினம், வேலை, காலநிலை, உணவு முறை ஆகியவற்றை பொறுத்து வேறுபடும் என அமெரிக்காவின் தேசிய அறிவியல், இன்ஜினியரிங், மருத்துவ கல்வி ஆய்வு தெரிவித்துள்ளது. தகவல் சுரங்கம் சூரியனை சுற்றும் கோள்கள் சூரியனை சுற்றும் கோள்கள் பூமி உட்பட அனைத்து கோள்களும், சூரியனைச் சுற்றி வருகின்றன என்ற உண்மையைக் கண்டறிந்து 1616ல் உலகிற்கு தெரியப்படுத்தியவர் 'கலிலியோ கலிலி'. ஆனால் அவர் கூறியதை உண்மை என யாரும் அப்போது நம்பவில்லை. பின்னர் கலிலியோவின் கூற்று உண்மைதான் என உலகம் உணர்ந்தது. இத்தாலியில் பிப். 15ல் பிறந்தார். கணிதப் பேராசிரியரான அவர் இயற்பியல், வானவியலில் அதிக ஆர்வம் கொண்டிருந்தார். வானியல் ஆய்வுகளுக்குப் பயன்படுகிற தொலைநோக்கியை (டெலஸ்கோப்) முதன் முதலில் கண்டுபிடித்தார்.
16.02.2025 - தென்னையின் தனித்தன்மை புயல் வீசும் நேரத்தில் தென்னை மரங்கள் எளிதில் விழுவதில்லை. அதற்கு காரணம் அவற்றின் திசுக்களின் அமைப்பு தான். தென்னை மரத்தில் வெளிப்பகுதி கனமாகவும், உட்பகுதி பஞ்சு மாதிரியும் இருக்கும். அது, ஓரளவு வளைந்து கொடுக்கும் தன்மையைப் பெற்றிருக்கும். இதனால் காற்று வீசும் போது இணக்கமாக ஈடு கொடுத்து, மீண்டும் பழைய நிலைக்கே திரும்பி விடும். எனவே எளிதாக விழுவதில்லை. பனை போன்ற தாவரங்கள் புல்லினத்தை சேர்ந்தவை. அதன் திசுக்கள் மாறுபட்டுள்ளன. இதனால் புயல் நேரத்தில் இவை விழுவதற்கு வாய்ப்பு அதிகம். தகவல் சுரங்கம் : முதல் பெட்ரோல் கார் முதல் பெட்ரோல் கார் இன்று பலரும் கார் பயன்படுத்துகின்றனர். பல நவீன வகை கார்கள் அறிமுகமாகி விட்டன. முதன்முதலில் எரிபொருளில் இயங்கும் காரை உருவாக்கியவர் ஜெர்மனியின் கார்ல் பென்ஸ். 1844ல் பிறந்த இவர், இன்ஜினியரிங் முடித்தார். மனைவி பெர்தா ரிங்கருடன் இணைந்து 1872ல் இரண்டு ஸ்ட்ரோக் இன்ஜினை உருவாக்கி காப்புரிமையும் பெற்றார். மேலும் வாட்டர் ரேடியேட்டர், ஸ்பார்க்பிளக், கிளட்ச், கியர் ஷிப்ட் உள்ளிட்ட கருவிகளையும் கண்டுபிடித்தனர். பின் 'பென்ஸ்' நிறுவனத்தை தொடங்கி, 1886ல் பெட்ரோலில் இயங்கும் உலகின் முதல் காரை உருவாக்கி சாதித்தார்.
17.02.2025 - பனி நிலநடுக்கம் உலகின் பெரிய தீவு கிரீன்லாந்து. பூமியில் அண்டார்டிகாவுக்கு அடுத்து பெரிய பனிப்படலம் இங்குதான் உள்ளது. இதன் பனிக்கட்டியின் தடிமன் 1.67 கி.மீ. முதல் 3 கி.மீ., வரை இருக்கிறது. 1.8 கோடி ஆண்டுகளுக்கு முன் இவை தோன்றியிருக்கலாம் என விஞ்ஞானிகள் தெரிவிக்கின்றனர். இந்நிலையில் இதன் பனிப்படலத்தின் ஆழத்தில், ஆயிரக்கணக்கான பனி நிலநடுக்கத்தை விஞ்ஞானிகள் கண்டுபிடித்துள்ளனர். இது பனிப்பாறைகளின் இயக்கம், சர்வதேச காலநிலை பற்றிய நம் எண்ணத்தை மாற்ற வேண்டும் என்பதை வலியுறுத்துகிறது என தெரிவிக்கப்பட்டுள்ளது. தகவல் சுரங்கம் : வருவாய் ஈட்டும் சுற்றுலா வருவாய் ஈட்டும் சுற்றுலா சுற்றுலா கொண்டாட்டத்தின் ஒரு பகுதி மட்டுமல்ல. இது பல்வேறு கலாசாரம் உடைய உலகை ஒன்றிணைக்கிறது. வளரும் நாடுகள், நடுத்தர வருமானம் உடைய நாடுகளில் வருவாய், அன்னிய கரன்சி, வரி வருவாய், வேலைவாய்ப்பு, பொருளாதாரம் உள்ளிட்டவைகளில் சுற்றுலா முக்கிய பங்கு வகிக்கிறது. மக்களை இயற்கையுடன் சுற்றுலா ஒன்றிணைக்கிறது. சுற்றுலா துறையின் வளர்ச்சி நெகிழ்வு தன்மை கொண்டதாக இருக்க வேண்டும் என வலியுறுத்தி ஐ.நா., சார்பில் பிப். 17ல் சர்வதேச சுற்றுலா நெகிழ்திறன் தினம் கடைபிடிக்கப்படுகிறது.
18.02.2025 - கேட்க முடியாத ஒலி வெற்றிடத்தில் ஒலி பயணிக்க முடியாது. ஒலி பரவ மூலக்கூறுகள் (திட, திண்ம, வாயு) அவசியம். மனிதர்களால் கேட்கக்கூடிய ஒலியின் அதிர்வெண் 20 ஹெர்ட்ஸ் - 20 ஆயிரம் ஹெர்ட்ஸ். இதற்குக் குறைவான அதிர்வெண் கொண்ட ஒலி 'தாழ் ஒலி' (இன்ப்ராசோனிக்) எனவும், அதிக அதிர்வெண் கொண்ட ஒலி 'மீயொலி' (அல்ட்ராசோனிக்) எனவும் அழைக்கப்படுகிறது. இந்த இரண்டையும் மனிதர்கள் கேட்க முடியாது. ஆனால் வவ்வால், டால்பின் போன்ற விலங்குகளால் இந்த ஒலி அளவை கேட்க முடியும். ஒலியை அளக்கப் பயன்படும் அலகு 'டெசிபல்'. W தகவல் சுரங்கம் ஐ.நா., சபை நோக்கம், கொள்கைகளை மேம்படுத்துவதில்ஆராய்ச்சி படிப்புகளை வழங்கும் விதமாக ஐ.நா., பல்கலை., 1972ல் ஐ.நா., சபை சார்பில் ஜப்பான் தலைநகர் டோக்கியோவில் தொடங்கப்பட்டது. 2017 கணக்கின் படி இங்கு 335 மாணவர்கள் படிக்கின்றனர். முதுநிலை, பிஎச்.டி., படிப்பு வழங்கப்படுகிறது. ஜப்பான் மட்டுமல்லாமல் பெல்ஜியம், ஜெர்மனி, மலேசியா, சீனா, கானா, நெதர்லாந்து, கனடா, பின்லாந்து, பேர்ச்சுக்கல், வெனிசுலா, ஐஸ்லாந்து, அமெரிக்கா என மொத்தம் 1௩ நாடுகளில் இதன் கேம்பஸ் செயல்படுகிறது. இந்தியாவில் இதன் கிளை இல்லை.
19.02.2025 - டெங்குவை அதிகரிக்கும் பருவநிலை பருவநிலை மாற்றத்தின் காரணமாக உலகளவில் டெங்கு பாதிப்பு அதிகரித்து வருகிறது என உலக சுகாதார நிறுவனம் எச்சரித்துள்ளது. . 'ஏடிஸ்' பெண் கொசுக்கள் கடிப்பதால் மனிதர்களுக்கு டெங்கு காய்ச்சல் ஏற்படுகிறது. வட, தென் அமெரிக்காவில் மட்டும் 2023ல் 41 லட்சமாக இருந்த டெங்கு பாதித்தவர் எண்ணிக்கை, 2024ல் 1.06 கோடியாக அதிகரித்துள்ளது. உலகளவில் 2024ல் 1.4 கோடி பேர் டெங்குவால் பாதிக்கப்பட்டனர். 10 ஆயிரம் பேர் பலியாகினர். இதில் பெரும்பாலான பாதிப்பு மழைக்காலத்தில் தான் ஏற்பட்டுள்ளது என விஞ்ஞானிகள் தெரிவித்துள்ளனர். தகவல் சுரங்கம் : முதல் பறவைகள் சரணாலயம் கரிக்கிலி பறவைகள் சரணாலயம் ஏரிக்கரை சீரமைப்பு துவக்கம் முதல் பறவைகள் சரணாலயம் இந்தியாவில் 2023 நவ. கணக்கின் படி, 573 பல்லுயிர் சரணாலயங்கள் உள்ளன. இவற்றின் மொத்த பரப்பளவு 1.22 லட்சம் சதுர கி.மீ. இதில் 53 புலிகள் காப்பகம், 33 யானைகள் காப்பகம் உள்ளன. இந்தியாவின் முதல் பறவைகள் சரணாலயம், செங்கல்பட்டு மாவட்டத்தில் உள்ள வேடந்தாங்கலில் 1936ல் அமைக்கப்பட்டது. பரப்பளவு 74 ஏக்கர். பல வெளிநாட்டு பறவைகள் வலசை வருகின்றன. நாட்டில் பரப்பளவில் பெரிய வனவிலங்கு சரணாலயம் (7506 சதுர கி.மீ.) குஜராத்தில் உள்ள கட்ச் மாவட்டத்தில் உள்ளது. அந்தமான் தீவில் தான் அதிக (96) பல்லுயிர் சரணாலயங்கள் உள்ளன.
20.02.2025 - தண்ணீரே ஆக்சிஜன் மனிதர்களால் நீருக்குள் சுவாசிக்க முடியாது. ஆனால் மீன் போன்ற நீர்வாழ் உயிரினங்கள் இதற்கான உடல் தகவமைப்பை பெற்றுள்ளன. நமக்கு நுரையீரல் போல மீன்களுக்கு செவுள்கள் (கில்ஸ்) உள்ளன. இவை ஆக்சிஜனை பிரித்து எடுத்துக்கொண்டு, கார்பன் டை ஆக்சைடை வெளியேற்றுகிறது. இதன்படிதான் அதன் சுவாசம் நடைபெறுகிறது. கடல் மீன்களின் வாய் வழியாக உள்ளே செல்லும் நீர், செவுள்களில் இருக்கும் நுண்ணிய துகள் வழியாக ஆக்சிஜனை உறிஞ்சி ரத்தத்தில் சேர்க்கிறது. நன்னீர் மீன்கள், செவுள்கள் வழியாகவே தண்ணீரை உள்வாங்கிச் சுவாசிக்கின்றன. தகவல் சுரங்கம் : உலக சமூகநீதி தினம் உலக சமூகநீதி தினம் உலகில் மக்கள் அனைவருக்கும் கல்வி, வேலைவாய்ப்பு, சுகாதாரம் உணவு, பொருளாதாரம், பாலினம், மொழி உட்பட எவ்வித பாகுபாடும் இல்லாமல் ஒரே சமூகமாக மகிழ்வுடன் வாழ வேண்டும் என்பதை வலியுறுத்தி ஐ.நா., சார்பில் பிப். 20ல் உலக சமூகநீதி தினம் கடைபிடிக்கப் படுகிறது. 2007ல் இத்தினம் உருவாக்கப்பட்டது. 'அதிகாரமளித்தல் மூலம் சமூகநீதி இடைவெளியை குறைத்தல்' என்பது இந்தாண்டு மையக்கருத்து. நாட்டின் சமூக வளர்ச்சிக்கு 'சமூக நீதி' மிக அவசியம். மக்களிடையே வறுமை, வேலைவாய்ப்பின்மையை போக்கவும் இத்தினம் வலியுறுத்துகிறது.
22.02.2025 - அதிகரிக்கும் வாய்ப்பு '2024 ஒய்.ஆர்.4' எனும் விண்கல் 2032 டிச.22ல் பூமி மீதுமோதுவதற்கான வாய்ப்புள்ளது என அமெரிக்காவின் நாசா சமீபத்தில் கண்டுபிடித்தது. துவக்கத்தில் இதற்கான வாய்ப்பு ஒரு சதவீதம் என இருந்தது. பின் 2.3 சதவீதமாகஅதிகரித்து, 43க்கு ஒன்று என்ற கணக்கில் வாய்ப்பு உள்ளது என கணித்தனர். தற்போது இது 3.1 சதவீதமாகவும், 32க்கு ஒன்று எனவும் வாய்ப்பு அதிகரித்துள்ளது என தெரிவிக்கப்பட்டுள்ளது. இந்த விண்கல் அகலம் 200 அடி. இது 2024 டிச.27ல் 4.34 கோடி கி.மீ., துாரத்தில் இருந்தது. சில நாட்களிலேயே, 'பூமிக்கு அருகே வரும் வாய்ப்புள்ள விண்கல்' பட்டியலில் சேர்க்கப்பட்டது. உலக சாரணர் தினம் சாரண இயக்கத்தின் தந்தை என அழைக்கப்படும் பிரிட்டனின் பேடன் பவுல் 1857 பிப்.22ல் பிறந்தார். இளம் வயதில் தந்தையை இழந்தார். 1876ல் ராணுவத்தில்சேர்ந்தார். 1907ல் 20 மாணவர்களுடன் சாரண இயக்கத்தைத் தோற்றுவித்தார். பின் இது உலகம் முழுவதும் பரவியது. நாட்டுப்பற்று, அன்பு, கருணை, பணிவு, பிறருக்கு உதவி செய்தல், தன்னம்பிக்கை உள்ளிட்ட பண்புகளை மாணவர்களிடத்தில் உருவாக்குவதே இதன் முக்கிய நோக்கம். சாரணர்களைப் பயிற்றுவிக்கும் ஆசிரியர்கள் ஸ்கவுட் மாஸ்டர்கள், ஆசிரியைகள் 'கைடு கேப்டன்கள்' என அழைக்கப்படுகின்றனர்.
23.02.2025 - ஏழு கோள்களும் ஒன்றாய் காண... சூரிய குடும்பத்தில் பூமியை சேர்த்து எட்டு கோள்கள் சூரியனை வெவ்வேறு பாதையில், வேகத்தில் சுற்றுகின்றன. இந்த அடிப்படையில் சில நேரம் ஒரே நேர்க்கோட்டில் கோள்கள் வரும் வானியல் நிகழ்வு தோன்றும். இதன்படி கடந்த ஜன. 21ல் ஆறு கோள்கள் நேர்க்கோட்டில் வந்தன. தற்போது வரும் பிப். 28ல் ஏழு கோள்களும் ஒரே நேர்க்கோட்டில் வருகின்றன. பூமியில் இருந்து அவரவர் இருப்பிடம், வானிலையை பொறுத்து இதை பார்க்கலாம். இதில் யுரேனஸ், நெப்டியூன் கோள்களை பார்க்க 'டெலஸ்கோப்' தேவைப்படும் என விஞ்ஞானிகள் தெரிவித்துள்ளனர். தகவல் சுரங்கம் : முதல் மாவட்டம் எது மாவட்டம் எது இந்தியாவில் 2024 டிச. 26 கணக்கின் படி 788 மாவட்டங்கள் உள்ளன. இதில் அதிகபட்சமாக உ.பி.,யில் 75 மாவட்டங்கள் உள்ளன. அடுத்த நான்கு இடங்களில் ம.பி., 55, ராஜஸ்தான் 41, பீஹார் , தமிழகம் தலா 38, மஹாராஷ்டிரா 36 உள்ளன. நாட்டில் முதன்முதலாக உருவாக்கப் பட்ட மாவட்டம் தமிழகத்தின் சேலம். 1792 ஏப். 4ல் ஆங்கிலேயரால் ஏற்படுத்தப்பட்டது. தற்போதைய நாமக்கல், தர்மபுரி, கிருஷ்ணகிரி மாவட்டங்களை உள்ளடக்கி இருந்தது. அப்போது இதன் பரப்பளவு 7530 சதுர கி.மீ., மாவட்டத்தின் முதல் கலெக்டராக அலெக்ஸாண்டர் ரீட் (1792 - 1799) பதவி வகித்தார்.
25.02.2025 - தனிமங்களின் சிறப்பு அறிவியலில் தனிமம் என்பது தனி இயல்புடைய ஒரு பொருளைக் குறிக்கும். இரும்புடன் தங்கத்தை ஒப்பிட்டால் இரும்பு எளிதில் துருப்பிடிக்கும். ஆனால் எத்தனை ஆண்டுகள் ஆனாலும் தங்கத்தின் நிறம், குணம் மாறுவதில்லை. அதே வேளை இரும்பின் வலிமை தங்கத்தின் வலிமையை விட அதிகம். இவ்வாறு ஒவ்வொரு பொருளும், அவற்றின் அடிப்படை இயற்பியல், வேதியியல் பண்பு அடிப்படையில் வெவ்வேறு தனிமங்களாகின்றன. இவை இரும்பு போன்ற திடப்பொருளாகவோ, பாதரசம் போன்ற நீர்மமாகவோ, ஆக்சிஜன் போன்ற வாயுவாகவோ இருக்கும். தகவல் சுரங்கம் அணையாத நெருப்பு கிழக்கு ஐரோப்பா - மேற்கு ஆசியா இடையே உள்ளது அஜர்பைஜான் நாடு. ரஷ்யா, காஸ்பியன் கடல், ஜார்ஜியா, அர்மேனியா, ஈரான் ஆகிய நாடுகள் இதன் எல்லைகளாக உள்ளன. இங்கு 'யானர் டாக்' என்ற இடம் உலக சிறப்பு மிக்கது. இது 'நெருப்பின் நிலம்' என அழைக்கப்படுகிறது. இங்கு இயற்கையாகவே தீ எப்போதும் எரிந்து கொண்டிருக்கிறது. 4000 ஆண்டுகளாக மழை, பனி, காற்று என எந்த சூழலிலும் அணையாமல் தீ எரிகிறது. இதற்கு அப்பகுதியில் இயற்கையாக அமைந்துள்ள எண்ணெய் வளமே காரணம் என நிபுணர்கள் தெரிவிக்கின்றனர்.
26.02.2025 - தகவல் சுரங்கம் உயரமான ரயில் நிலையம் இந்தியாவில் உயரமான ரயில் நிலையம் மேற்குவங்கத்தின் டார்ஜிலிங் மாவட்டத்தில் சராசரி கடல்நீர் மட்டத்தில் இருந்து 7407 அடி உயரத்தில் உள்ளது. இதன் பெயர் ஹூம் ரயில் நிலையம். டார்ஜிலிங் ஹிமாலயன் ரயில்வேயின் கீழ் செயல்படுகிறது. இது 1881 ஏப்.4ல் ஆங்கிலேயரால் அமைக்கப்பட்டது. டார்ஜிலிங்கில் இருந்து 7 கி.மீ., தொலைவில் உள்ளது. இரண்டு பிளாட்பார்ம் உள்ளது. ஒரு நாளைக்கு 14 ரயில்கள் நின்று செல்கின்றன. இரண்டு பெட்டிகளை கொண்ட நீராவி ரயிலாக இயக்கப்படுகிறது. இது யுனெஸ்கோவின் உலக பண்பாட்டு சின்னங்கள் பட்டியலிலும் உள்ளது.
27.02.2025 - விண்வெளியில் கடல் விண்வெளியில் 'ரைகு' விண்கல்லில் இருந்து மண், பாறை மாதிரியை 2020ல், ஜப்பானின் ஹயபுசா விண்கலம் பூமிக்கு கொண்டு வந்திருந்தது. இந்த விண்கல்லை ஆய்வு செய்ததில், சோடியம் கார்பனேட்,சோடியம் சல்பேட் உள்ளிட்ட உப்பு மினரல்கள் இருந்ததை ஜப்பானின் கியோட்டா பல்கலை விஞ்ஞானிகள் கண்டுபிடித்துள்ளனர். இது ஒரு காலத்தில் கடல் போன்ற திரவ உப்பு நீராக இருந்திருக்கலாம் என்பதற்கு வழிகாட்டுகிறது என தெரிவித்துள்ளனர். தகவல் சுரங்கம் உலக தொண்டு நிறுவன தினம் ago-btn உலக தொண்டு நிறுவன தினம் அரசு சாரா தொண்டு நிறுவனங்களின் (என்.ஜி.ஓ.,) பணிகளை பாராட்டும் வகையில், அவை நேர்மையாக செயல்பட வேண்டும் என வலியுறுத்தியும் பிப்.27ல் உலக தொண்டு நிறுவன தினம் கடைபிடிக்கப்படுகிறது. உலகில் 89 நாடுகளில் கடைபிடிக்கப்படுகிறது. சுற்றுச்சூழல், மனித உரிமை, கல்வி, குழந்தைகள் நலன், சமூக சேவை உட்பட பல்வேறு துறைகளில் என்.ஜி.ஓ., ஈடுபடுகிறது. இது தவிர போர் பாதிப்பு, தொற்றுநோய் காலங்களில் இதன் பணி மகத்தானது. உலகளவில் 1 கோடி என்.ஜி.ஓ.,க்களும், இந்தியாவில் 30 லட்சம் என்.ஜி.ஓ.,க்களும் செயல்படுகின்றன.
28.02.2025 - ஏன் நீல நிறம் ராமன், 'கடல் ஏன் நீல நிறமாக இருக்கிறது' என்ற கேள்விக்கு விடை தேடி ஆராய்ந்து 1928 பிப்.28ல், 'ராமன் விளைவை' கண்டுபிடித்தார். இத்தினமே (பிப்.28) தேசிய அறிவியல் தினமாக கடைபிடிக்கப்படுகிறது. 'நீர், காற்று போன்ற தடையற்ற ஊடகத்தில் ஒளி ஊடுருவும் போது, சிதறல் அடைந்து அதன் அலை நீளம் மாறுகிறது. அப்போது அதிகமாக சிதறல் அடையும் நீல நிறம் தண்ணீரில் தோன்றுகிறது. இதன்படி அதிகமாக சிதறல் அடையும் நீல நிறத்தால் கடல் நீர் இவ்வாறு தெரிகிறது' என கண்டுபிடித்தார். இதற்காக 1930ல் இயற்பியலுக்கான நோபல் பரிசு பெற்றார். தகவல் சுரங்கம் : அரிதான நோய் தினம் உலகில் 7000 விதமான அரிதான நோய்கள் உள்ளன. உலகில் 35 கோடி பேர், இந்தியாவில் 7 கோடி பேர் இதனால் பாதிக்கப்பட்டுள்ளனர். அரிய நோயால்பாதிக்கப்பட்டவர், அவரது குடும்பங்களுக்கு சிகிச்சை உள்ளிட்ட உதவிகள் கிடைக்க வலியுறுத்தி பிப்.28ல் அரிதான நோய் தினம் கடைபிடிக்கப்படுகிறது. அரிதானநோய் என்பதற்கான வரையறை நாட்டுக்கு நாடு வேறுபடும். இந்திய மருத்துவ ஆராய்ச்சி கவுன்சில் 2500 பேரில் ஒன்று அல்லது அதற்கும்குறைவானபாதிப்புடன் கூடிய பலவீனமான வாழ்நாள் நோய், கோளாறு என வரையறை செய்துள்ளது.
01.03.2025 - பல் துலக்குவதில் கவனம் பற்களை சுத்தம் செய்ய தினமும் பல் துலக்குதல் அவசியம். இந்நிலையில் அதற்கான 'டூத் பிரஷ்', கழிப்பறையுடன் கூடிய பாத்ரூமில் இருப்பின் முற்றிலும் தவறான செயல் என ஆய்வு தெரிவித்துள்ளது. ஏனெனில் கழிப்பறையில் உள்ள பாக்டீரியாக்கள், டூத் பிரஷ் மீது படியும். இதை பயன்படுத்தும் போது பாதிப்பு ஏற்படும். எனவே டூத் பிரஷ்-ஐ, பாத்ரூம்க்கு பதிலாக வேறு அறையில் வைப்பது நல்லது. அதே போல 'வெஸ்டர்ன்' டாய்லெட்டில் பிளஷ் செய்யும் போது, அதன் மூடி மூடியிருப்பது அவசியம். ஏனெனில் அதிலுள்ள பாக்டீரியா 6 அடி உயரம் பரவும் என எச்சரித்துள்ளனர். தகவல் சுரங்கம் கடல் புற்கள், பாகுபாடு ஒழிப்பு தினம் * கடலுக்கு அடியில் வாழும் கடல் புற்கள், கடல்வாழ் உயிரினங்களுக்கு உணவாகவும், மாசுக்களையும் குறைக்கிறது. இவை குறைந்தால், அது கடல் வளம், கடல்வாழ் உயிரினங்களுக்கு பாதிப்பாக அமையும். இவற்றை பாதுகாக்க வலியுறுத்தி ஐ.நா., சார்பில் மார்ச் 1ல் உலக கடற்புற்கள் தினம் கடைபிடிக்கப்படுகிறது. * உலகில் வயது, பாலினம், நிறம், இனம், மொழி, உயரம், எடை உள்ளிட்ட எவ்வித பாகுபாடின்றி கண்ணியத்துடன் வாழ அனைவருக்கும் உரிமை உள்ளது. இதை வலியுறுத்தி ஐ.நா., சார்பில் மார்ச் 1ல் பாகுபாடு ஒழிப்பு தினம் கடைபிடிக்கப்படுகிறது.
02.03.2025 - வீணாகும் உணவில் கட்டடம் வீணாகும் உணவுகளை, நோய்கிருமி இல்லாத பாக்டீரியாவுடன் கலந்து, கான்கிரீட்களில் பயன்படுத்தும் போது அதன் வலிமை இரு மடங்காகிறது. கார்பன் வெளியீட்டையும் குறைக்கிறது என இந்துார் ஐ.ஐ.டி., கண்டுபிடித்துள்ளது. உணவு கழிவுகள் அழுகும் போது கார்பன் டை ஆக்சைடு வெளியாகிறது. இது கான்கிரீட்டில் உள்ள கால்சியம் அயனிகளுடன் வினைபுரிந்து கால்சியம் கார்பனேட் படிகங்களை உருவாக்குகிறது. இவை கான்கிரீட்டில் உள்ள துளை, விரிசல்களை நிரப்பி, கான்கிரீட்டை பலப்படுத்துகிறது என தெரிவித்துள்ளது தகவல் சுரங்கம் சுவை அறியும் கால் உலகில் 15 ஆயிரம், இந்தியாவில் 1100 வகை வண்ணத்து பூச்சிகள் உள்ளன. சிறகடித்து பறக்கும் போது இதன் பல வண்ண நிறங்கள் நம்மை ஈர்க்கின்றன. இவை குளுமையான ஈரப்பதம் உள்ள இடங்களில் வாழும். பருவநிலை மாற்றம் காரணமாக பல வகைகள் அழியும் நிலையில் உள்ளன. செடிக்கு செடி தாவி, பூவில் உள்ள தேனை உறிஞ்சும் இவற்றுக்கு வாய் கிடையாது. இதற்கு பதிலாக பிரத்யேக உறிஞ்சு குழல் உள்ளது. ஆனால் இந்த குழலுக்கு சுவை அறியும் தன்மை கிடையாது. எனவே வண்ணத்து பூச்சி தன் கால்களால் சுவையை அறிகின்றன.
03.03.2025 - விண்வெளியில் ஆக்சிஜன் விண்கலத்தில் உள்ள விண்வெளி வீரர்கள் மூச்சு விடும்போது விண்கலத்தில் உள்ள ஆக்சிஜனை எடுத்து கார்பன் டை ஆக்சைடை வெளியிடுவார்கள். இதை விண்கலத்தில் ஒரு சிறப்புக் கருவி உறிஞ்சிக் கொள்ளும். இதை வேதிவினை செய்து உடைத்து ஆக்சிஜனை மறுபடி தனியே பிரித்து எடுப்பர். அவ்வாறு பிரித்தெடுக்கும் ஆக்சிஜன் மறுபடி விண்கலத்தில் புகுத்தப்படும். ஆபத்துக் காலத்துக்கென ஆக்சிஜன் சிலிண்டர் இருந்தாலும் இவ்வாறு செயற்கைச் சுழற்சி முறையில்தான் விண்வெளி வீர்களுக்கு வேண்டிய சுத்தமான காற்று தயார் செய்யப்படுகிறது. தகவல் சுரங்கம் வனவிலங்கு தினம் உலகில் ஐந்தில் ஒருவர் உணவு, வருமானத்துக்காக வன உயிரினங்களை சார்ந்து உள்ளனர். 240 கோடி பேர் சமையலுக்காக மர எரிபொருளை நம்பி உள்ளனர். சமூக, பொருளாதார, சுற்றுச்சூழல் உட்பட மனிதனின் வளர்ச்சிக்கு வன உயிரினங்கள், தாவரங்கள் முக்கிய பங்கு வகிக்கின்றன. பூமி, மனிதர்களுக்கு உதவும் வன விலங்குகள், தாவரங்களை பாதுகாக்கும் விதமாக ஐ.நா., சார்பில் மார்ச் 3ல் உலக வனவிலங்கு தினம் கடைபிடிக்கப்படுகிறது. 'வனவிலங்கு பாதுகாப்பு நிதி: மக்கள், பிரபஞ்சத்தில் முதலீடு' என்பது இந்தாண்டு மையக்கருத்து.
04.03.2025 - வெப்பநிலையில் 'ஹாட்ரிக்' இந்தியாவில் மும்பை, பெங்களூரு உள்ளிட்ட நகரங்களில் பிப்ரவரியில் இதுவரை இல்லாத அளவில் வெப்பநிலை பதிவாகியது. டில்லியில் பிப்., மாத வெப்பநிலையில் 74 ஆண்டுகளில் இல்லாத அளவில் 2025 பிப்., உள்ளது. அதே போல உலகளவில் 2023, 2024ம் ஆண்டை தொடர்ந்து மூன்றாவது ஆண்டாக 2025ம் வெப்பமான ஆண்டாக அமையும் என உலக வானில மையம் எச்சரித்துள்ளது. வளிமண்டலத்தில் கார்பன் டை ஆக்சைடு, மீத்தேன், நைட்ரஸ் ஆக்சைடு உள்ளிட்ட பசுமை இல்ல வாயுக்கள் அதிகரித்து வருவதே வெப்பநிலை உயர்வுக்கு காரணம் என தெரிவித்துள்ளனர். தகவல் சுரங்கம் தேசிய பாதுகாப்பு தினம் தேசிய பாதுகாப்பு கவுன்சில் 1966 மார்ச் 4ல் உருவாக்கப்பட்டது. இதன் நினைவாக 1972 முதல், தொழிற்சாலை நிர்வாகம், தொழிலாளர்களிடையே பாதுகாப்பு விழிப்புணர்வு ஏற்படுத்த மார்ச் 4ல் தேசிய பாதுகாப்பு தினம் கொண்டாடப்படுகிறது. நிதி, வருவாய் இழப்பு, சுகாதார பிரச்னை உட்பட பல பிரச்னைகளில் இருந்து மக்கள் பாதுகாப்பாக இருப்பது பற்றி இத்தினம் விழிப்புணர்வு ஏற்படுத்துகிறது. விபத்து, தொழில்சார் நோய்கள் தேசிய பொருளாதாரத்தில் சரிவை ஏற்படுத்துகிறது. அவை மரணம், உடல் குறைபாடு, பொருள் சேதம், என சமூக சூழலில் பாதிப்பை ஏற்படுத்துகிறது.
05.03.2025 - மேகங்கள் மிதப்பது எப்படி கடல் நீரின் மீது இரும்பு, கல் உள்ளிட்ட பொருளை எறிந்தால் அது நீரில் மூழ்குகிறது. ஆனால் ரப்பர் பந்தை எறிந்தால் அது மிதக்கும். இதற்கு காரணம் காற்றடைத்த ரப்பர் பந்தின் அடர்த்தி, நீரைவிடக் குறைவு. நீரைவிட அடர்த்தி குறைவான பொருட்கள் நீரில் மிதக்கும். வளிமண்டலம் என்பதும் கடல் நீர் போல ஒரு பாய்மம். காற்றைவிட அடர்த்தி குறைவான பொருட்கள் அதில் மிதக்கும். எனவேதான் வெப்பமான புகை மேலே எழுகிறது. வெப்பம் மிகுந்த நீராவியைச் செறிவாகக் கொண்டுள்ள மேகத்தின் அடர்த்தி, காற்றின் அடர்த்தியைவிடக் குறைவு என்பதால் மேகங்கள் மிதக்கின்றன. தகவல் சுரங்கம் : ஆயுத குறைப்பு தினம் அ உலகில் எந்த பிரச்னைக்கும் வன்முறை தீர்வாகாது. அமைதி மட்டுமே நாட்டுக்கும், அதன் மக்களுக்கும் வளர்ச்சியை தரும். போரில் பயன்படுத்தும் பல்வேறு ஆயுதங்களால் அப்பாவி மக்கள் பாதிக்கப்படுகின்றனர். உலகில் அணு ஆயுதம் உட்பட ஆயுதங்களை குறைப்பது, அதன் பரவலை தடுக்க வலியுறுத்தி ஐ.நா., சார்பில் மார்ச் 5ல் சர்வதேச ஆயுத குறைப்பு தினம் கடைபிடிக்கப்படுகிறது. உலகில் ராணுவத்துக்கு செலவிடும் நிதி, தொடர்ந்து 9வது ஆண்டாக அதிகரித்துள்ளது. 2023ல் 209 லட்சம் கோடி ரூபாய் செலவிடப்பட்டுள்ளது. உலக நாடுகளிடம் 12,400 அணு ஆயுதங்கள் உள்ளன.
06.03.2025 - கடலுக்கு அடியில் விண்வெளி மையம் விண்வெளியில் அமெரிக்கா, ரஷ்யா, ஐரோப்பா இணைந்து சர்வதேச விண்வெளி மையம் அமைத்து ஆய்வில் ஈடுபடுகின்றன. அதேபோல சீனாவும் 'டியாங்யங்' பெயரில் விண்வெளி மையத்தை அமைத்து வருகிறது. இந்நிலையில் சீனா புதிய முயற்சியாக, தென் சீன கடலில் 650 அடி ஆழத்தில் விண்வெளி மையம் அமைக்கும் திட்டத்தை செயல்படுத்த உள்ளது. பணி முடிந்து 2030ல் செயல்பாட்டுக்கு வரும் என தெரிவிக்கப்பட்டுள்ளது. இது உலகில் இதுவரை மனிதர்கள் உருவாக்கிய தொழில்நுட்பங்களில், மிக சிக்கலான ஒன்று என நிபுணர்கள் தெரிவித்துள்ளனர். தகவல் சுரங்கம் : கிர் தேசிய பூங்கா ஆப்ரிக்காவுக்கு வெளியே சிங்கத்தை அதன் இயற்கையான வாழ்விடத்தில், கிர் தேசிய பூங்காவில் தான் பார்க்க முடியும். சமீபத்தில் பிரதமர் மோடி இங்கு சென்று வந்தார். இது குஜராத்தின் ஜூனாகத், கிர் சோம்நாத், அம்ரெலி மாவட்ட எல்லையில் உள்ளது. சிங்கங்களை பாதுகாக்க 1965ல் இப்பூங்கா உருவாக்கப்பட்டது. அப்போது 200 சிங்கங்கள் வாழ்ந்தன. இது 2020ல் 674 என அதிகரித்தது. பரப்பளவு 1430 சதுர கி.மீ. சிங்கம் தவிர புலி, சிறுத்தை, மான் உள்ளிட்ட பல்வேறு விலங்குகள், பறவைகள் வாழ்கின்றன. ஆண்டுதோறும் மழைக்காலத்தில் (ஜூன் 16 - அக். 15), சுற்றுலா பயணிகளுக்கு அனுமதி இல்லை.
07.03.2025 -
08.03.2025 - தண்ணீரின் பூர்வீகம் தண்ணீரின் பூர்வீகம் அனைத்து உயிரினங்களுக்கும் தண்ணீர் அவசியம். பூமி 70 சதவீதம் தண்ணீரால் சூழப்பட்டுள்ளது. 1370 கோடி ஆண்டுக்கு முன் பிரபஞ்சத்தில் 'பிக் பேங்க்' எனும் பெரு வெடிப்பு ஏற்பட்டது. இதிலிருந்து 10 - 20 கோடி ஆண்டுக்குப் பின் 'சூப்பர்நோவா' (நட்சத்திரம்) வெடிப்புகளின் குப்பைகளில் தண்ணீர் முதன்முதலில் உருவாகியது என பிரிட்டனின் போர்ட்ஸ்மவுத் பல்கலை விஞ்ஞானிகள் கண்டுபிடித்துள்ளனர். ஹைட்ரஜன், ஆக்சிஜன் இணைந்தது தான் தண்ணீர். பெரு வெடிப்பின் போது ஹைட்ரஜனும், 'சூப்பர்நோவா' வெடிப்புக்கு பின் ஆக்சிஜனும் உருவாகியது என தெரிவித்துள்ளனர். தகவல் சுரங்கம் : சர்வதேச பெண்கள் தினம் சர்வதேச பெண்கள் தினம் உலகில் முந்தைய காலங்களில் இருந்த பல அடக்குமுறைகளை தாண்டி தான், இன்று அனைத்து துறைகளிலும் பெண்கள் சாதிக்கின்றனர். அவர்களுக்கான சம உரிமை, வாய்ப்புகளை வழங்க வலியுறுத்தி மார்ச் 8ல் உலக பெண்கள் தினம் கடைபிடிக்கப்படுகிறது. பெண் என்பவள் மகள், சகோதரி, மனைவி, தாய் என பல பரிணாமங்களாக திகழ்கின்றனர். பெண் முன்னேற்றமே நாட்டின் முன்னேற்றத்துக்கு அடிப்படை. பெண்களுக்கு எதிரான பாலியல், வன்கொடுமை உள்ளிட்டவை தடுக்கப்பட வேண்டும் என இத்தினம் வலியுறுத்துகிறது.
09.03.2025 - மறைகிறதா ஓசோன் துளை ூரிய ஒளியின் ஒரு பகுதியான தீமை விளைவிக்கும் புற ஊதாக் கதிர்வீச்சைத் தடுத்து, மக்களை பாதுகாக்கும் வளையமே ஓசோன் படலம். இது கடல் மட்டத்தில் இருந்து 20 கி.மீ., - 50 கி.மீ., உயரத்தில் உள்ள 'வாயு அடுக்கு மண்டலத்தில்' உள்ளது. இதில் ஏற்பட்ட துளையை 1980களில் விஞ்ஞானிகள் கண்டறிந்தனர். குளோரோபுளுரோகார்பன் உள்ளிட்ட வாயுக்களே இதற்கு காரணம். 1985ல் அண்டார்டிகா பகுதியில் கண்டறியப்பட்ட ஓசோன் படலத்தின் துளை மெல்ல இயல்புநிலைக்கு திரும்புகிறது. 2035ல் முற்றிலும் மறையும் என விஞ்ஞானிகள் தெரிவித்துள்ளனர். தகவல் சுரங்கம் உலகில் பெரும்பாலான நாடுகளிலும் பஸ், ரயில் போக்குவரத்து வசதி உள்ளன. இதில் பயணிக்க கட்டணம் உண்டு. ஆனால் ஐரோப்பிய நாடான லக்சம்பர்க்கில் பஸ், ரயிலில் மக்கள் இலவசமாகவே பயணிக்கலாம். பொது போக்குவரத்தை அதிகரித்து, நெரிசலை குறைக்கும் வகையில் இத்திட்டம் செயல்படுத்தப்பட்டுள்ளது. ஐரோப்பிய நாடுகளில் தனிநபர் மொத்த உள்நாட்டு உற்பத்தியில் முதலிடத்தில் இந்நாடு உள்ளது. பரப்பளவு 2586 சதுர கி.மீ. மக்கள் தொகை 6.72 லட்சம். தலைநகரம் லக்சம்பர்க் சிட்டி. பெல்ஜியம், பிரான்ஸ், ஜெர்மனியை எல்லையாக கொண்டுள்ளது.
10.03.2025 - மறைகிறதா ஓசோன் துளை சூரிய ஒளியின் ஒரு பகுதியான தீமை விளைவிக்கும் புற ஊதாக் கதிர்வீச்சைத் தடுத்து, மக்களை பாதுகாக்கும் வளையமே ஓசோன் படலம். இது கடல் மட்டத்தில் இருந்து 20 கி.மீ., - 50 கி.மீ., உயரத்தில் உள்ள 'வாயு அடுக்கு மண்டலத்தில்' உள்ளது. இதில் ஏற்பட்ட துளையை 1980களில் விஞ்ஞானிகள் கண்டறிந்தனர். குளோரோபுளுரோகார்பன் உள்ளிட்ட வாயுக்களே இதற்கு காரணம். 1985ல் அண்டார்டிகா பகுதியில் கண்டறியப்பட்ட ஓசோன் படலத்தின் துளை மெல்ல இயல்புநிலைக்கு திரும்புகிறது. 2035ல் முற்றிலும் மறையும் என விஞ்ஞானிகள் தெரிவித்துள்ளனர். தகவல் சுரங்கம் பெண் நீதிபதிகள் தினம் நீதியை நிலைநாட்டுவதில் நீதிபதிகள் முக்கிய பங்கு வகிக்கின்றனர். இந்நிலையில் பெண் நீதிபதிகளின் பணிகளை அங்கீகரிக்கும் வகையிலும், அனைத்து நாடுகளும் நீதித்துறையில் பாலின சமத்துவத்தை நிலைநாட்ட வலியுறுத்தியும் ஐ.நா., சார்பில் மார்ச் 10ல் பெண் நீதிபதிகளுக்கான சர்வதேச தினம் கடைபிடிக்கப்படுகிறது. பெரும்பாலான ஐரோப்பிய நாடுகளில் ஆண்களை விட பெண் நீதிபதிகள் அதிகம் உள்ளனர். அங்குள்ள உச்சநீதிமன்றங்களில் 41 சதவீதம் பெண் நீதிபதிகள் உள்ளனர். இதை மற்ற நாடுகளும் பின்பற்ற வேண்டும்.
11.03.2025 - பனிச்சரிவு ஏற்படுவது ஏன் தண்ணீர் குளிர்நிலையால் உறைந்து, அதன் வெப்ப நிலை பூஜ்யம் டிகிரி செல்சியசுக்கு கீழ் குறையும் போது திடப்பொருளாக மாறுவது தான் பனிக்கட்டி. இதுபோன்ற அதிக பனிக்கட்டிகள் ஒன்று சேர்ந்து மலைப்பகுதிகளில் படர்ந்திருக்கும். இவை வானிலை காரணமாக சரிகின்றன. பனிபடர்ந்த சாய்வான மலைப்பகுதியில் இருந்து பனிக்கட்டிகள் சரிவது பனிச்சரிவு எனப்படுகிறது. பனிக்கட்டிகள் சரியும் போது வேகமாக கீழ்நோக்கி விழுகின்றன. வழியில் இருக்கும் மரங்கள், பொருட்கள், மக்கள் என அனைத்தையும் அடித்துச் சென்று மூடி மறைக்கின்றது தகவல் சுரங்கம் பெரிய கடிகாரம் சவுதி அரேபியாவின் மெக்கா நகரில் 120 மாடிகள் கொண்ட 'ராயல் டவர்' கட்டடம் உள்ளது. இதன் உயரம் 1972 அடி. இதில் பொருத்தப்பட்டுள்ள கடிகாரத்தின் விட்டம் 141 அடி. 2012ல் திறக்கப்பட்டது. இதுதான் உலகில் பெரியது. இது இங்கிலாந்து தலைநகர் லண்டனில் உள்ள புகழ்பெற்ற 'பிக் பென்' எனும் கடிகாரத்தை விட ஆறு மடங்கு பெரியது. லண்டனின் வெஸ்ட்மின்ஸ்டரில் எலிசபெத் டவரில் (முன்னதாக 'பிக்பென்') 312 அடி உயரத்தில் 1859ல் கடிகாரம் அமைக்கப்பட்டது. இந்த கடிகாரத்தின் விட்டம் 22.5 அடி. இது லண்டனின் அடையாளங்களில் ஒன்றாக உள்ளது.
13.03.2025 - ரத்த நிலா சந்திர கிரகணம் மார்ச் 14ல் நிகழ்கிறது. சூரியன், பூமி, நிலவு ஒரே நேர்கோட்டில் வரும்போது, பூமி நடுவில் வரும். சூரிய ஒளியை பூமி மறைக்கிறது. இதனால் பூமியின் நிழல்தான் நிலவில் விழுகிறது. இதுதான் சந்திர கிரகணம். இது இந்தியாவில் தெரியாது. இது 'சூப்பர் மூன்' நிகழ்வும் கூட. அன்று நிலவானது பூமிக்கு அருகில் வருவதால் சூரிய ஒளி பூமியின் காற்று மண்டலத்தில் பட்டுச் சிதறுகிறது. இதனால் அலை நீளம் அதிகமுள்ள சிவப்பு நிறம், நிலவின் மேற்பரப்பில் பட்டு பிரதிபலிக்கும். அதனால் 'ஆரஞ்சு' முதல் ரத்த சிவப்பு நிறத்தில் நிலா தெரியும். இது 'ரத்த நிலா' எனப்படுகிறது. தகவல் சுரங்கம் உலக கிட்னி தினம் PUBLISHED ON : மார் 13, 2025 12:00 AM உலக கிட்னி தினம் உடல் உறுப்புகளில் முக்கியமானது 'கிட்னி' எனும் சிறுநீரகம். இது ரத்தத்தை சுத்திகரித்து கழிவுகளை வெளியேற்றுகிறது. இதன் முக்கியத்துவம் பற்றி விழிப்புணர்வு ஏற்படுத்த மார்ச் இரண்டாவது வியாழன் (மார்ச் 13) உலக கிட்னி தினமாக கடைபிடிக்கப்படுகிறது. 'ஆரோக்கியமான கிட்னிக்கு ஆரம்பகால சோதனைக்கு முன்னுரிமை அளித்தல்' என்பது இந்தாண்டு மையக்கருத்து. உலக மக்கள்தொகையில் 10 சதவீதம் பேர் கிட்னி பாதிப்பால் அவதிப்படுகின்றனர். ஆண்டுதோறும் 10 லட்சம் பேர் உயிரிழக்கின்றனர். 20 லட்சம் பேர் டயாலிசிஸ் உள்ளிட்ட சிகிச்சை பெறுகின்றனர்.
14.03.2025 - பாதிப்பில் நீர்வாழ் தாவரங்கள் உலகில் அதிகரிக்கும் வெப்பநிலையால் நீருக்கடியில் வாழும் காடுகளுக்கும் ஆபத்து ஏற்பட்டு உள்ளது என ஆய்வு தெரிவித்துள்ளது. பருவநிலை மாற்றத்தால் பூமியின் வடதுருவத்தில் உள்ள ஆர்க்டிக் பகுதியில் பனிக்கட்டி ஆண்டுக்கு 13 சதவீதம் உருகுகிறது. இது பூமியில் ஆண்டுக்கு 2.2 மி.மீ., கடல் நீர் மட்டம் உயர்வுக்கும் காரணமாகிறது. கடற்கரை முகத்துவார பகுதிகளில் வாழும் 'கெல்ப்' எனும் பழுப்பு நிற கடற்பாசி தாவரங்களை இது பாதிக்கிறது. இவற்றை மீன்கள் உள்ளிட்ட கடல்வாழ் உயிரினங்கள் சார்ந்திருக்கின்றன. தகவல் சுரங்கம்: கணிதத்தின் முக்கியம் கணிதத்தின் முக்கியம் கணிதத்தில் 'பை' முக்கியமானது. 1706ல் கணித அறிஞர் வில்லியம் ஜோன்ஸ் 'பை' என்ற எண்ணுக்கு நாம் பயன்படுத்தும் குறியீடை வடிவமைத்தார். எங்கெல்லாம் வட்ட வடிவம் தோன்றுகிறதோ அங்கெல்லாம் 'பை' என்ற மிக முக்கிய எண் தோன்றுகிறது. ஆண்டுதோறும் மார்ச் 14ல் உலக 'பை' தினம் கொண்டாடப்படுகிறது. இதற்குக் காரணம் 'பை'யின் மதிப்பான '3.14' என்ற எண்ணை, மார்ச் 14 (அமெரிக்க முறையில் தேதி) குறிப்பதுதான். அறிவியல் மேதை ஆல்பர்ட் ஐன்ஸ்டீன் இத்தினத்தில் பிறந்தவர். 1988ல் அமெரிக்க இயற்பியல் அறிஞர் லேரி ஷா இத்தினத்தை உருவாக்கினார்.
16.03.2025 - அதிகரித்த நிலவு சூரிய குடும்பத்தில் எட்டு கோள்கள் உள்ளன. இந்த கோள்களுக்கு தனியாக துணைக்கோள்கள் (நிலவு) உள்ளன.இந்நிலையில் சனி கிரகத்தை சுற்றி வரும் 128 புதிய நிலவுகளை விஞ்ஞானிகள் கண்டுபிடித்துள்ளனர். இதையடுத்து சனியின் மொத்த நிலவு எண்ணிக்கை 274 என உயர்ந்தது. இரண்டாவது இடத்தில் வியாழன் கோளுக்கு 95 நிலவுகள் உள்ளன. மனிதர்கள் வாழும் பூமிக்கு ஒரே ஒரு துணைக்கோள் (நிலவு) உள்ளது. செவ்வாய்க்கு இரண்டு நிலவு உள்ளது. நெப்டியூன் 16, யுரேனஸ் 28 நிலவுகளை கொண்டுள்ளது. இதில் புதன், வெள்ளி கோள்களுக்கு மட்டும் நிலவுகளே இல்லை. தகவல் சுரங்கம் : தேசிய தடுப்பூசி தினம் தேசிய தடுப்பூசி தினம் காசநோய், போலியோ, அம்மை, கொரோனா உட்பட பல்வேறு உயிர்க்கொல்லி நோய்களை தடுப்பூசியால் வெல்ல முடிந்தது. இந்தியாவில் குழந்தைகள், கர்ப்பிணிகளுக்கு தடுப்பூசி செலுத்தப்படுகிறது. நாட்டில் 1995 மார்ச் 16ல் முதன்முறையாக போலியோ சொட்டு மருந்து வழங்கப்பட்டது. இந்நாளை நினைவுபடுத்துதல், தடுப்பூசியின் பயன்கள் பற்றி விழிப்புணர்வு ஏற்படுத்துதல், அனைத்து குழந்தைகளுக்கும் தடுப்பூசி அளிப்பதை உறுதி செய்யும் சுகாதார ஊழியர்களின் பணியை அங்கீகரிக்கும் விதமாக மத்திய அரசு சார்பில் மார்ச் 16ல் தேசிய தடுப்பூசி தினம் கடைபிடிக்கப்படுகிறது.
17.03.2025 - அதிகரிக்கும் துாக்கமின்மை உடல்நலனுக்கு துாக்கம் மிக அவசியம். இந்தியாவில் 54% பேர் துாக்கம் தொடர்பான பிரச்னையால் பாதிக்கப்பட்டுள்ளனர். தினமும் ஒரே நேரத்தில் இல்லாமல் வெவ்வேறு நேரத்தில் துாங்குவதே இதற்கு காரணம் என தெரிவிக்கப்பட்டுள்ளது. தனியார்அமைப்பு, டில்லி, பெங்களூரு உட்பட 10 இடங்களில் 18 வயதிற்கு மேற்பட்ட 1000 பேரிடம் ஆய்வு நடத்தியது. இதில் 54 சதவீதம் பேர் துாக்கம் தொடர்பான பிரச்னை இருப்பதாகவும், ஆனால் துாங்கும் நேரத்தை ஒரே மாதிரி அமைத்துக் கொண்டால், அப்பிரச்னையிலிருந்து விடுபட முடிகிறது எனவும் தெரிவித்துள்ளனர். தகவல் சுரங்கம் : பெரிய தீபகற்பம் ஒரு பகுதி நிலப்பரப்புடனும், மற்ற மூன்று பகுதிகள் நீராலும் சூழப்பட்ட பகுதி தீபகற்பம் என அழைக்கப்படுகிறது. இந்தியா ஒரு தீபகற்ப நாடு. உலகில் பல்வேறுதீபகற்ப பகுதிகள் உள்ளன. இவற்றில் பரப்பளவில் அரேபிய தீபகற்பம் தான் பெரியது. இதன் ஒரு பகுதி நிலப்பரப்பு ஆசிய கண்டத்துடனும், மற்றவை பெர்சியன்வளைகுடா, அரேபியன் கடல், செங்கடலை சூழ்ந்துஉள்ளது. ஓமன், கத்தார், சவுதி, ஐக்கிய அரபு எமிரேட்ஸ், ஏமன் மற்றும் ஈரான், ஜோர்டானின் தெற்கு பகுதிகள் போன்றவை இந்த தீபகற்பத்தில் அடங்கியுள்ளன. இந்த நாடுகளில் பெரியது சவுதி.
19.03.2025 - புயல் இல்லாத பகுதி உலகில் புயல், சூறாவளியே ஏற்படாத பகுதி ஒன்று உள்ளது. அதன் பெயர் பூமத்திய ரேகை. இது நிலநடுக்கோடு எனவும் அழைக்கப்படுகிறது. இதாற்று கட்சியினர் கற்பனை கோடு. இதற்கு வடக்கே வட அரைக்கோளம், தெற்கே தென் அரைக்கோளம் எனப்படுகிறது. மற்ற பகுதிகளை விட, இங்கு 'கொரியாலிஸ் விசை' (புவி சுழற்சியால் காற்று தன் பாதையில் இருந்து விலகி வீசுவது) காரணமாக புயல், சூறாவளி உருவாகாது. நி லநடுக்கோட்டுப் பகுதியிலிருந்து 5 டிகிரி வடக்கு - 5 டிகிரி தெற்கு அட்சங்களில் இருந்தே (சுமார் 500 கி.மீ., வடக்கு, 500 கி.மீ., தெற்கு) புயல் உருவாகும் தகவல் சுரங்கம் ஆயுத தொழிற்சாலை தினம் மத்திய அரசின் கீழ் செயல்படும் ஆயுத தொழிற்சாலை வாரியம் 1787ல் மேற்கு வங்கத்தில் தொடங்கப்பட்டது. 1802 மார்ச் 18ல் உற்பத்தியை தொடங்கியது. இந்நாளே (மார்ச் 18ல்) தேசிய ஆயுத தொழிற்சாலை தினமாக கடைபிடிக்கப்படுகிறது. இது 'பாதுகாப்பு துறையின் நான்காவது கை' என அழைக்கப்படுகிறது. இதன்கீழ் 41 ஆயுதத் தொழிற்சாலைகள், 9 பயிற்சி நிறுவனங்கள், மூன்று மண்டல மார்க்கெட்டிங் மையங்கள் செயல்படுகின்றன. தரை, ஆகாயம், கடல் பகுதி பாதுகாப்புக்கு தேவையான ஆராய்ச்சி, மேம்பாடு, தயாரிப்பு, பரி சோதனை பிரிவுகளில் செயல்படுகிறது.
19.03.2025 - உயர்கிறது கடல் நீர்மட்டம் சர்வதேச அளவில் கடல் நீர்மட்ட உயர்வு எதிர்பார்க்காதஅளவில் கடந்தாண்டு அதிகரித்துஉள்ளது என 'நாசா' எச்சரித்துள்ளது. 2024ல் கடல் நீர்மட்டம் 0.43 செ.மீ., உயரும் என கணிக்கப்பட்டிருந்த நிலையில் 0.59 செ.மீ., உயர்ந்துள்ளது. சமீபகாலமாக ஆண்டுதோறும் கடல்நீர்மட்டம் உயர்கிறது. 1993ல் இருந்து இதுவரை 10.1 செ.மீ., உயர்ந்துள்ளது. இந்நிலை தொடர்ந்தால் மக்கள்தொகை அதிகமுள்ள 100 கடற்கரை நகரங்கள் நீரில் மூழ்கும்ஆபத்து ஏற்பட்டுள்ளது. அதிகரித்த கடல் வெப்பமயமாதல், பனிப்பாறை உருகுதல் போன்றவையே இதற்கு காரணம் என நாசா தெரிவித்துள்ளது. தகவல் சுரங்கம் : வண்ணமயமான தேசிய கொடி ்வொரு நாட்டுக்கும் தேசிய கொடி இருக்கும். இந்திய தேசிய கொடியில் நான்கு நிறம் உள்ளது. உலகில் அதிக நிறமுடைய தேசிய கொடி பெலீசு நாட்டில் உள்ளது. இதில் 12 நிறங்கள் உள்ளன. இது மத்திய அமெரிக்காவின்வடகிழக்கில் உள்ள கடற்கரை நாடு. தலைநகரம் பெல்மோபன். இதன் எல்லையாக மெக்சிகோ, கவுதமாலா,கரீபியன் கடல் உள்ளன. பரப்பளவு 22,970 சதுர கி.மீ. மக்கள்தொகை 3.97 லட்சம். இது மத்திய அமெரிக்காவில் மக்கள் அடர்த்தி குறைவான நாடு. 1981 செப்.21ல் பிரிட்டனிடம் இருந்து சுதந்திரம் பெற்றது. அதே தினம் தேசிய கொடியும் அங்கீகரிக்கப்பட்டது.
20.03.2025 - விண்வெளியில் தலைமுடி எப்படி சர்வதேச விண்வெளி மையத்தில் குறிப்பாக பெண் விஞ்ஞானிகள் தங்கள் தலைமுடியை கட்டியிருக்க மாட்டார்கள். இதற்கு அறிவியல் காரணங்கள் உள்ளன. பூமியை போல அங்கு ஈர்ப்பு விசை இல்லாததால் தலைமுடி அனைத்து திசைகளிலும் செல்லும். அதனால் அதை சீவி கட்டுவது சிரமம், அதற்கு அவசியமும் இல்லை. ஈர்ப்பு விசை இல்லாததால் அங்கு முடி சிக்கலாகவும் வாய்ப்பில்லை. மேலும் விண்வெளியில் பெரும்பாலான நேரம், தலைக்கவசம் அணியும் சூழல் ஏற்படும். அப்போது முடியை கட்டாமல் இருப்பதால், முடிக்கு தேவையான காற்றோட்டம், குளிர்ச்சியும் கிடைக்கும் தகவல் சுரங்கம் : சிட்டுக்குருவி தினம்,உலக மகிழ்ச்சி தினம் * அழிந்து வரும் சிட்டுக்குருவிகளை பாதுகாக்கும் நோக்கில் இந்திய இயற்கை பாதுகாப்பு சமூகம், பிரான்ஸ் சுற்றுச்சூழல் அமைப்பு சார்பில் மார்ச் 20ல் உலக சிட்டுக்குருவி தினம் கடைபிடிக்கப்படுகிறது. பறவைகளில் சிறியதாகவும், அனைவரையும் கவரும் வகையில் 'கீச் கீச்' எனக் கூக்குரலிடும் பறவை சிட்டுக்குருவி. இவை புழுக்களை உண்டு வாழ்வதால் சுற்றுச்சூழலுக்கு உகந்தவை. * மக்கள் தங்களது வாழ்வில் மகிழ்ச்சியின் முக்கியத்துவத்தை உணரச் செய்யும் விதமாக ஐ.நா., சார்பில் மார்ச் 20ல் உலக மகிழ்ச்சி தினம் கடைபிடிக்கப்படுகிறது.
21.03.2025 - எல்லையற்றது வானம் அறிவியல் படி வானம் என்ற ஒன்று இல்லை. ஏனெனில் இதில்தான் வளிமண்டலம், விண்வெளி அடங்கியுள்ளன. பிரபஞ்சத்தில் உள்ள பூமி உட்பட அனைத்தும் சேர்ந்தது தான் விண்வெளி. எனவே விண்வெளிக்கு ஆரம்பம், முடிவு இல்லை. விண்வெளிக்கு செல்லும்வாகனம் விண்கலம், மனிதர் விண்வெளி வீரர் எனப்படுகின்றனர். 1905ல் உருவான சர்வதேச வானுார்தி அமைப்பு, பூமியில் இருந்து 100 கி.மீ., உயரத்தை பூமியின் வளிமண்டலம் - விண்வெளி எல்லை என மதிப்பிட்டுள்ளது. விஞ்ஞானி கார்மன் உருவாக்கியதால் இது கார்மன் கோடு என அழைக்கப்படுகிறது. தகவல் சுரங்கம் : உலக காடுகள், கவிதை, பனிப்பாறைகள் தினம் * காடுகள் அழிவதால் ஏற்படும் பாதிப்பு பற்றி விழிப்புணர்வு ஏற்படுத்த ஐ.நா., சார்பில் மார்ச் 21ல் சர்வதேச காடுகள் தினம் கடைபிடிக்கப்படுகிறது. 'காடு மற்றும் உணவு' என்பது இந்தாண்டு மையக்கருத்து. * கவிதை எழுதுதல், வாசித்தலை ஊக்குவிக்கும் விதமாக ஐ.நா.,சார்பில் மார்ச் 21ல் உலக கவிதை தினம் கடைபிடிக்கப்படுகிறது. * பனிப்பாறைகளின் முக்கியத்துவம் பற்றி வெளிப்படுத்தும் விதமாக ஐ.நா., சார்பில் மார்ச் 21ல் உலக பனிப்பாறை தினம் கடைபிடிக்கப்படுகிறது. நன்னீரில் 70 சதவீதம் இவற்றை சார்ந்தே உள்ளது.
22.03.2025 - விண்வெளி மைய வரலாறு பூமியில் இருந்து 433 - 422 கி.மீ., உயரத்தில் சர்வதேச விண்வெளி மையம் அமைந்துள்ளது. இது 1998 நவ. 20ல் விண்வெளியில் ஏவப்பட்டது. நீளம் 358 அடி, அகலம் 239 அடி. எடை 4.19 லட்சம் கிலோ. 90 நிமிடத்துக்கு ஒருமுறை பூமியை சுற்றுகிறது. வேகம் மணிக்கு 27,600 கி.மீ. ஆறு பெட்ரூம் வீட்டை விட பெரியது. 6 துாங்கும் பகுதி, 2 பாத்ரூம், ஜிம், 360 டிகிரி பார்க்கும் வசதி உள்ளன. 8 சோலார் பேனலில் 75 - 90 கிலோவாட் மின்சாரம் உற்பத்தி செய்யப்படுகிறது. 2000 நவ. 2ல் மூன்று விஞ்ஞானிகள் கொண்ட முதல் குழு விண்வெளி மையத்தில் தங்கி ஆய்வை தொடங்கியது. தகவல் சுரங்கம் உலக தண்ணீர் தினம் அவசியம். இது இயற்கை வளங்களில் ஒன்று. தண்ணீரை சேமித்தல், பாதுகாப்பான தண்ணீர் பற்றி விழிப்புணர்வு ஏற்படுத்தும் விதமாக 1993 முதல் மார்ச் 22ல் உலக தண்ணீர் தினம் கடைபிடிக்கப்படுகிறது. 'பனிப்பாறை பாதுகாப்பு' என்பது இந்தாண்டு மையக்கருத்து. உலகில் பனிப்பாறை உருகுவது அதிகரித்து வருகிறது. இதனால் வெப்பமயமாதல், குடிநீர் பற்றாக்குறை உள்ளிட்ட ஆபத்து உருவாகிறது. வெள்ளம், கடல் நீர்மட்ட உயர்வுக்கும் காரணமாகிறது. பூமியின் 70 சதவீத நன்னீர் பனிப்பாறையை சார்ந்தே உள்ளது.
23.03.2025 - கண்ணாடி தயாரிக்கும் முறை முகம் பார்த்தல், கண் பார்வை, வாகனம், ஜன்னல், அறிவியல் ஆய்வக கண்ணாடி என பல விதமான கண்ணாடிகள் உள்ளன. இதில் சில ஒளி ஊடுருவும், சில ஊடுருவாது. கண்ணாடியானது சிலிக்கா (மணல்), கால்சியம் கார்பனேட் (சுண்ணாம்புக்கல்), சோடியம் கார்பனேட் வேதிப்பொருள்களால் ஆனது. இவற்றை அதிக வெப்பநிலையில் வெப்பப்படுத்தும்போது அக்கலவை உருகிப் பாகுபோல ஆகிவிடும். உருகிய கண்ணாடியை வெவ்வேறு வடிவிலான வார்ப்புகளில் ஊற்றி அதை ஒரே சீராகவும், மெதுவாகவும் குளிரச் செய்து கண்ணாடிப் பொருள்கள் தயாரிக்கப்படுகின்றன. தகவல் சுரங்கம் உலக வானிலை தினம் உலக வானிலை அமைப்பு சுவிட்சர்லாந்தின் ஜெனிவா நகரில் 1950 மார்ச் 23ல் துவங்கப்பட்டது. இத்தினம் உலக வானிலை தினமாக கடைபிடிக்கப்படுகிறது. காலநிலை, வானிலை, தண்ணீர் போன்றவற்றில் ஆய்வுகளை மேற்கொள்வதில் ஐ.நா.,வின் துணை அமைப்பாக உள்ளது. இதில் இந்தியா உட்பட 191 நாடுகள் உறுப்பினர்களாக உள்ளன. 'முன்னெச்சரிக்கை இடைவெளியை ஒன்றுசேர்ந்து தடுத்தல்' என்பது இந்தாண்டு மையக்கருத்து. பூமியில் 70 சதவீதம் உள்ள கடல், உலகின் வானிலை, காலநிலையில் முக்கிய பங்கு வகிக்கிறது.
24.03.2025 - காற்றிலிருந்து தண்ணீர் காற்றிலிருந்து தண்ணீரை உருவாக்கும் தொழில் நுட்பத்தை இந்திய தனியார் நிறுவனம் கண்டு பிடித்துள்ளது. இதன்படி மூன்றடுக்கு வடிகட்டுதல் அமைப்பு மூலம் வளிமண்டல காற்று உள் இழுக்கப் படுகிறது. பின் இது கன்டென்சரில் குளிர்விக்கப் படுகிறது. இதனால் வெப்பநிலை பனி புள்ளிக்கு கீழே குறையும் போது ஈரப்பதம் நீர் துளியாக மாறுகிறது. இந்த நீர் ஒரு தொட்டியில் சேமிக்கப்படுகிறது. பின் குடிப்பதற்கு ஏற்ப சுத்திகரிப்பு செய்யப்படுகிறது. தண்ணீர் தட்டுப்பாடு பிரச்னைக்கு இது தீர்வாக அமையும் என தெரிவித்துள்ளனர். தகவல் சுரங்கம் உலக காசநோய் தினம் உலக காசநோய் தினம் ஜெர்மன் விஞ்ஞானி ராபர்ட் கோச், 1882 மார்ச் 24ல் 'காசநோயை' உருவாக்கும் பாக்டீரியாவை கண்டு பிடித்தார். இது அந்நோயை கண்டறிந்து குணப்படுத்த உதவியது. இவரின் சாதனையை அங்கீகரிக்கும் விதமாக மார்ச் 24ல் உலக காசநோய் தினம் கடை பிடிக்கப்படுகிறது. 'ஆம், காசநோயை முடிவுக்கு கொண்டு வர முடியும்: உறுதிசெய், முதலீடு, விடுவித்தல்' என்பது இந்தாண்டு மையக்கருத்து. 2023ல் 1.08 கோடி பேர் காசநோயால் பாதிக்கப்பட்டனர். 12.5 லட்சம் பேர் உயிரிழந்தனர். 2000ல் இருந்து 7.9 கோடி பேர் உயிர்பிழைத்தனர்.
25.03.2025 - நான்கு கிரகணம் இந்தாண்டு (2025) நான்கு கிரகணம் ஏற்படுகிறது. மார்ச் 14ல் முழு சந்திர கிரகணம் ஏற்பட்டது. இது இந்தியாவில் தெரியவில்லை. அடுத்து மார்ச் 29ல் பகுதி சூரிய கிரகணம் வருகிறது. பின் செப். 7ல் முழு சந்திர கிரகணம், செப். 21ல் பகுதி சூரிய கிரகணம் ஏற்படும். சந்திர கிரகணம் என்பது சூரியன், பூமி, நிலவு ஒரே நேர்கோட்டில் வரும்போது, பூமி நடுவில் வந்து சூரிய ஒளியை மறைப்பதால், பூமியின் நிழல் நிலவில் விழுகிறது. சூரிய கிரகணம் என்பது நேர்கோட்டில் சூரியன், நிலவு, பூமி வரும்போது நடுவில் உள்ள நிலவு சூரியஒளியை மறைக்கிறது. அதன் நிழல் பூமியில் விழுகிறது. தகவல் சுரங்கம் ஐ.நா., ஊழியர்களுக்கு பாதுகாப்பு சர்வதேச நாடுகள் அங்கம் வகிக்கும் ஐ.நா., சபை ஊழியர்களை பாதுகாக்கும் விதமாக மார்ச் 25ல் ஐ.நா., சார்பில் கைது செய்யப்பட்ட, காணாமல் போன ஊழியர்களுடன் ஒற்றுமை தினம் கடைபிடிக்கப்படுகிறது. 1945ல் ஐ.நா., சபை தொடங்கிய பின் நுாற்றுக்கணக்கான ஆண், பெண் ஊழியர்கள் பணியில் இருந்த போது
26.03.2025 - நிறம் மாறும் மீன் 'கனவாய்' மீனின் இதயம் பார்க்க பெரிதாக ஒரே இதயமாகத் தோன்றும். ஆனால் மூன்று இதயங்கள் உள்ளன. இதில் இரண்டு செவுள்களுக்கும், மூன்றாவது இதயம் பிற உறுப்புகளுக்கு ரத்தத்தை கொண்டு செல்லும். இதன் உடல் தட்டையாக இருப்பதால் கடலில் வாழ்வதற்கு ஏற்றதாக உள்ளது. இவை சிறிய மீன்களை உண்ணும். பிற உயிர்களிடம் இருந்து தன்னை பாதுகாக்க பச்சோந்தி போலத் தன் நிறத்தைப் பின்புல நிறத்திற்கு ஏற்ப மாற்றும் இயல்புடையது. இதற்காக கறுப்பு நிறத் திரவத்தை வெளியிடும். அது தண்ணீரில் கலந்தவுடன் தற்காலிகமாகத் தப்பிக்கும். தகவல் சுரங்கம் உலக ஊதா தினம் உலக ஊதா தினம் மூளை நரம்பியல் செயல்பாடுகளில் ஏற்படும் பாதிப்பால் வலிப்பு ஏற்படுகிறது. இது பற்றி விழிப்புணர்வு ஏற்படுத்தும் விதமாக மார்ச் 26ல் உலக ஊதா தினம் கடைபிடிக்கப்படுகிறது. உலகில் 6.5 கோடி பேர் வலிப்பு நோயால் பாதிக்கப்பட்டுள்ளனர். இதில் 80 சதவீதம் பேர் ஏழை, நடுத்தர நாடுகளில் உள்ளனர் என உலக சுகாதார நிறுவனம் தெரிவிக்கிறது. இந்தியாவில் 1.5 கோடி பேர் இப்பிரச்னையால் பாதிக்கப்பட்டுள்ளனர். வலிப்பு நோய் பாதிக்கப்பட்டவர்களுக்கு முறையாக சிகிச்சையளித்தால், அதில் இருந்து மீள முடியும் என டாக்டர்கள் கூறுகின்றனர்.
27.03.2025 - நிலவில் மோதிய விண்கலம் அமெரிக்காவின் 'நாசா' அனுப்பிய 'அப்பல்லோ 11' விண்கலம் 1969 ஜூலை 20ல் நிலவை சென்றடைந்தது. இதில் நீல் ஆம்ஸ்ட்ராங், புஜ் ஆல்ட்ரின், மைக்கேல் கொலின்ஸ் சென்றனர். நீல் ஆம்ஸ்ட்ராங் முதலில் நிலவில் காலடி வைத்தார். இதற்கு முன் நிலவின் தரைப்பரப்பு குறித்து அறிந்து கொள்ள, அதன் மீது வேண்டுமென்றே மோதி ஆய்வு செய்ய 1965 மார்ச் 24ல் 'ரேஞ்சர் 9' விண்கலத்தை 'நாசா' அனுப்பியது. அது மோதுவதற்கு 0.25 வினாடிக்கு முன்பு வரை, 5814 புகைப்படங்களை பூமிக்கு அனுப்பியது. இது நிலவின் தரைபரப்பு குறித்து விஞ்ஞானிகள் அறிந்து கொள்ள உதவியது. தகவல் சுரங்கம் : உலக திரையரங்கு தினம் லக திரையரங்கு தினம் ஐ.நா., வின் யுனெஸ்கோ முயற்சியால் 1948ல் சர்வதேச திரையரங்க நிறுவனம் உருவாக்கப்பட்டது. இதன் சார்பில் 1960 முதல் மார்ச் 27ல் உலக திரையரங்கு தினம் கொண்டாடப்படுகிறது. உலகின் முதல் தியேட்டர் 1895ல் அமெரிக்காவின் பிட்ஸ்பர்க்கில் கட்டப்பட்டது. பெயர் நிகெலோடியான். இந்தியாவின் முதல் தியேட்டர் 1907ல் மேற்கு வங்கத்தின் கோல்கட்டாவில் கட்டப்பட்டது. பெயர் 'எல்பின்ஸ்டன் பிக்சர் பேலஸ்'. 1914ல் கோவையில் கட்டப்பட்ட 'டிலைட் தியேட்டர்' தான் தமிழகத்தின் முதல் திரையரங்கு. சினிமாவை மக்களிடம் கொண்டு சேர்க்கும் விதமாக தியேட்டர்கள் கட்டப்பட்டன.
28.03.2025 - அதிகரிக்கும் வெப்பநிலை பூமி வெப்பமயமாதல், கட்டுப்பாட்டை மீறும் சூழலில் உள்ளது. கார்பன் வெளியீடு மிதமாக இருந்தாலே, 2200ல் பூமியின் சராசரி வெப்பநிலை 7 சதவீதம் அதிகரிக்கும் என விஞ்ஞானிகள் ஆய்வு எச்சரித்துள்ளது. அதிகரிக்கும் வெப்ப அலையால் உணவு பற்றாக்குறை, பஞ்சம், வெள்ளம், வறட்சி, பேரழிவு உள்ளிட்ட ஆபத்துகள் ஏற்படும் வாய்ப்புள்ளது. இதற்கிடையே வெப்பநிலை உயர்வால் பனிப்பாறைகள் உருகி சராசரி கடல்நீர்மட்டம் உயர்வதால், கடற்கரை பகுதிகளில் வசிக்கும் மக்கள், அவர்களது இருப்பிடத்தை காலி செய்ய நேரிடும் என தெரிவித்துள்ளனர். தகவல் சுரங்கம்: நீண்டகால அரியணை உலகில் இன்றும் சில நாடுகளில் மன்னர்கள் உள்ளனர். இந்நிலையில் உலகில் நீண்டகாலம் மன்னராக இருந்தவர் பிரான்சின் 14ம் லுாயிஸ். இவர் 1643ல் தன் ஐந்து வயதில் மன்னரானார். அன்றிலிருந்து 1715ல் மறையும் வரை 72 ஆண்டுகள், 110 நாட்கள் அரியணையில் இருந்தார். இப்பட்டியலில் இரண்டாவது இடத்தில் பிரிட்டன் ராணி இரண்டாம் எலிசபெத் உள்ளார். இவர் 70 ஆண்டு, 214 நாள் அரியணையில் இருந்தார். மூன்றாவது இடத்தில் உள்ள தாய்லாந்து மன்னர் பூமிபோல் அதுல்யதேஜ், 70 ஆண்டு 126 நாட்கள் பதவி வகித்தார். 29.030.2025 பிளாஸ்டிக் ஆபத்து பிளாஸ்டிக் நுண்துகள்களின் பாதிப்பு உயர்ந்த மலை, கடல், சுவாசிக்கும் காற்று என அனைத்து இடங்களிலும் பரவி வருகிறது. நம் உடல் உறுப்புகளுக்கு உள்ளும் பிளாஸ்டிக் நுண்துகள் கலப்பதை விஞ்ஞானிகள் கண்டறிந்துள்ளனர். இந்நிலையில் மெல்லும் சுவிங்கத்தில் இருந்து நுாற்றுக் கணக்கான பிளாஸ்டிக் நுண்துகள்கள் வெளியேறி வாய்க்குள் செல்கின்றன என பாரிசில் நடத்திய ஆய்வு தெரிவித்துள்ளது. 1.5 கிராம் சுவிங்கத்தில் 600 பிளாஸ்டிக் நுண்துகள் வெளிப்படுகிறது. ஆண்டுக்கு 180 சுவிங்கம் சாப்பிடுபவர்களுக்கு 30 ஆயிரம் நுண்துகள் வெளிப் படுகிறது என தெரிவிக்கப்பட்டுள்ளது. தகவல் சுரங்கம் : உலக பியானோ தினம் உலக பியானோ தினம் இசை கருவிகளில் ஒன்று 'பியானோ'. இந்த கீபோர்டில் 88 கட்டைகள் உள்ளன. இதை உணர்த்தும் விதமாக ஆண்டின் 88வது நாள், மார்ச் 29ல் (லீப் ஆண்டில் மார்ச் 28) உலக பியானோ தினம் கடை பிடிக்கப் படுகிறது. பியானோ இசைக்கருவி 1709ல் இத்தாலியின் பிரான்சிஸ்கோ கிறிஸ்டோபொரியால் முதலில் வடிவமைக்கப்பட்டது. பியானோ இசைப்பவர்களை ஒருங்கிணைத்து, பியானோ இசையை பிரபலப்படுத்துவதே இத்தினத்தின் நோக்கம். திரைப்பட பாடல்கள், பின்னணி இசை உள்ளிட்டவற்றில் இக்கருவி பயன்படுத்தப்படுகிறது.
30.03.2025 - பாதிப்பில் கடல்வாழ் உயிரினங்கள் பூமியில் அரிதாக கிடைக்கும் சில கனிமங்கள், தாதுக்கள் கடல்பரப்பில் உள்ளன. இதில் கோபால்ட், மாங்கனீசு, நிக்கல், மோனசைட் உள்ளிட்டவை அடங்கும். இதை வெட்டி எடுப்பதன் காரணமாக கடல்வாழ் உயிரினங்கள் பாதிக்கப்படும். மேலும் இவை உருவாக பல ஆயிரம் ஆண்டுகள் ஆகியது என்பதால், இதை மீட்டெடுப்பதும் கடினம் என பசிபிக் பெருங்கடலில் 16 ஆயிரம் அடி ஆழத்தில் நடத்திய ஆய்வு எச்சரித்துள்ளது. கடல் பரப்பில் இந்த அரிதான தனிமங்களை எடுத்து விட்டால் ஆக்சிஜன் பற்றாக்குறை ஏற்படும். இது கடல்வாழ் உயிரினங்களுக்கு ஆபத்தை ஏற்படுத்தும் என தெரிவித்துள்ளனர். தகவல் சுரங்கம் : பூஜ்ஜிய கழிவு மேலாண்மை தினம் பூஜ்ஜிய கழிவு மேலாண்மை தினம் பிளாஸ்டிக், மின்னணு என பல்வேறு பொருட்களின் கழிவுகளை முறையாக மேலாண்மை செய்ய வலியுறுத்தி ஐ.நா., சார்பில் மார்ச் 30ல் உலக பூஜ்ஜிய கழிவு மேலாண்மை தினம் கடைபிடிக்கப்படுகிறது. உலகில் ஆண்டுக்கு 230 கோடி டன் திட கழிவு மனிதர்களால் உருவாக்கப்படுகிறது. இதில் 55 சதவீதம் மட்டுமே முறையாக மேலாண்மை செய்யப்படுகிறது. 2050ல் இது 388 கோடி டன்னாக உயரும் என ஐ.நா., மதிப்பிட்டுள்ளது. 2040ல் ஆண்டுக்கு உணவு கழிவு 93 கோடி டன் பிளாஸ்டிக் கழிவு 3.7 கோடி டன் கடலில் கலக்கும் என மதிப்பிடப்பட்டுள்ளது.
31.03.2025 - நீரில் கரையும் பிளாஸ்டிக் உலகில் ஆண்டுக்கு 40 கோடி டன் பிளாஸ்டிக் உற்பத்தி செய்யப்படுகிறது. பெரும்பாலானவை மறுசுழற்சி செய்யப்படாமல், குப்பையாக தான் மாறுகிறது. இவை மண்ணில் மட்குவதற்கு நீண்டகாலம் ஆகிறது. இதனால் சுற்றுச்சூழல் பாதிக்கிறது. இந்நிலையில் ஜப்பான் விஞ்ஞானிகள் புதிய வகை பிளாஸ்டிக்கை கண்டுபிடித்துள்ளனர். இது தரத்தில் இதர வகை பிளாஸ்டிக் போல இருக்கும். ஆனால் இதை உப்புத்தண்ணீரில் விடும் போது, விரைவில் கரைந்து விடுகிறது. இது கரைந்த உடன் பிளாஸ்டிக் பாதிப்பில்லாத சேர்மங்களாக உடைந்து சுற்றுச்சூழல் பாதிப்பை குறைக்கிறது. தகவல் சுரங்கம் ஈபிள் டவர் தினம் ஈபிள் டவர் தினம் உலக அதிசயங்களில் ஒன்று பிரான்ஸ் தலைநகர் பாரிசில் உள்ள ஈபிள் டவர். உயரம் 1083 அடி. தரைப் பகுதியில் அகலம் 410 அடி. நான்கு மாடிகள் உள்ளன. கோபுரத்துக்கு மேல் செல்வதற்கு 300 படிகள் உள்ளன. 5 லிப்ட் வசதியும் உள்ளது. 7300 டன் இரும்பு பயன்படுத்தப்பட்டது. 7 ஆண்டுக்கு ஒருமுறை வண்ணம் தீட்டப்படுகிறது. இதை வடிவமைத்தவர் கஸ்டேவ் ஈபிள். இதன் கட்டுமானப்பணி 1887 ஜன. 28ல் தொடங்கப்பட்டது. 22 மாதங்களுக்குப்பின் 1889 மார்ச் 31ல் முடிக்கப்பட்டது. இத்தினத்தை நினைவுபடுத்தும் விதமாக மார்ச் 31ல் ஈபிள் டவர் தினம் கடைபிடிக்கப்படுகிறது.
01.04.2025 - ஒளியின் வேகம் பிரபஞ்சத்தில் கோள்கள், நட்சத்திரங்கள் இடையே உள்ள துாரத்தை அளப்பது பிரமாண்டமானது. நம் கற்பனைக்கு எட்டாத அந்தத் தொலைவுகளை 'ஒளி ஆண்டு' என விஞ்ஞானிகள் குறிப்பிடுகின்றனர். ஒளி, ஓராண்டில் செல்லும் துாரம் 'ஒளி ஆண்டு' என அழைக்கப்படுகிறது. இது துாரத்தைக் கணக்கிடப் பயன்படுத்தப்படுகிறது. வெற்றிடத்தில் ஒளியின் வேகம் வினாடிக்கு 3 லட்சம் கி.மீ., ஓர் ஒளி ஆண்டு தூரம் என்பது சுமார் 9,46,000 கோடி கி.மீ., துாரம். சூரியனிலிருந்து ஒளியைப் பிடித்துக்கொண்டு பூமிக்கு வந்தால் சுமார் 8 நிமிடங்கள் 20 விநாடி ஆகும். தகவல் சுரங்கம் முட்டாள்கள் தினம் ஜூலியன் காலண்டரில் ஏப். 1 தான் புத்தாண்டு. பின் 13ம் போப் கிரிகோரி 1582ல் புதிய காலண்டரை அறிமுகப்படுத்தினார். இதில் ஜன. 1 புத்தாண்டாக மாற்றப்பட்டது. இதை ஜெர்மனி உள்ளிட்ட பல நாடுகள் ஏற்கவில்லை. ஸ்பெயின், போர்ச்சுக்கல், இத்தாலி போன்றவை பயன்படுத்த துவங்கின. 1752ல் இங்கிலாந்து, அமெரிக்காவிலும், ஆங்கிலேயர் ஆட்சியின் போது இந்தியாவிலும் இக்காலண்டர் புழக்கத்திற்கு வந்தது. புதிய காலண்டரை ஏற்காத நாடுகளை கிண்டல் செய்வதற்காக ஏப்.1ல் 'முட்டாள்கள் தினம்' அறிமுகமானது. பின் அனைத்து நாடுகளில் கடைபிடிக்கப்படுகிறது.
02.04.2025 - வானில் தோன்றும் ஒளி வட்டம் வானில் எப்போதாவது நிலவை சுற்றி ஒளிவட்டம் தோன்றுவதை பார்த்திருப்போம். இது ஒன்றும் அதிசய நிகழ்வு அல்ல; இயல்பாக தோன்றும் வானியல் நிகழ்வு தான். நிலவு ஒளியானது, வானில் மேல் மண்டலத்திலுள்ள பனி படிகங்கள் மீது படுகிறது. இது கண்ணாடியைப் போல் செயல்பட்டு ஒளியைப் பிரதிபலிக்கின்றன. இதனால் நிலவை சுற்றி வட்டம் உருவாகிறது. அப்போது வெள்ளி அல்லது வானவில்லை போல பல வண்ணங்களில் இந்த வட்டம் இருக்கும். இதுபோல் சில நேரங்களில் சூரியனைச் சுற்றி ஒளிவட்டம் ஏற்படுவதுண்டு. தகவல் சுரங்கம் : உலக ஆட்டிசம் தினம் PUBLISHED ON : ஏப் 02, 2025 12:00 AM உலக ஆட்டிசம் தினம் உலகில் 6.10 கோடி பேர் 'ஆட்டிசம்' பாதித்தவர்கள். 100ல் ஒரு குழந்தை ஆட்டிசத்தால் பாதிக்கப்படுகிறது. ஆட்டிசம் என்பது குழந்தையின் மூளையிலுள்ள நரம்பு மண்டலத்தில் ஏற்படும் வளர்ச்சிக் குறைபாடு. குழந்தையின் 10 - 18 மாதங்களில் இப்பாதிப்பை கண்டறிய முடியும். இப்பாதிப்பு உள்ளவர் மற்றவர்களோடு தொடர்பு கொள்ளும் திறன், சமூகத்தில் கலந்து பழகும் திறன் போன்றவற்றில் சிக்கல் கொண்டிருப்பர். ஒரே மாதிரி விஷயங்களைத் திரும்பத் திரும்பச் செய்வர். ஆட்டிசம் பற்றி விழிப்புணர்வை ஏற்படுத்தும் விதமாக ஏப். 2ல் உலக ஆட்டிசம் விழிப்புணர்வு தினம் கடைபிடிக்கப்படுகிறது.
05.04.2025 - உலகின் சிறிய 'பேஸ்மேக்கர்' இதய பாதிப்பு தொடர்பான ஆப்பரேஷன் உள்ளிட்ட சிகிச்சையின் போது சிலருக்கு தற்காலிகமாக 'பேஸ்மேக்கர்' பொருத்தப்படும். இந்நிலையில் உலகின் சிறிய அளவிலான தற்காலிக 'பேஸ்மேக்கர்' கருவியை அமெரிக்காவின் நார்த்வெஸ்டர்ன் பல்கலை விஞ்ஞானிகள் உருவாக்கியுள்ளனர். இதுகுறித்து அப்பல்கலை விஞ்ஞானி ரோஜர்ஸ் கூறும்போது, 'இது அரிசியை விட சிறியது. உடலில் பொருத்திய பின் 'பேஸ்மேக்கர்' பணி இலக்கு முடிந்ததும் உடலுக்கு உள்ளேயே கரைந்து விடும் இக்கருவி ஐந்தாண்டு காலம், சோதனையில் ஈடுபடுத்தப்படும்' என்றார். தகவல் சுரங்கம் : தேசிய கடல்சார் தினம் தேசிய கடல்சார் தினம் இந்தியாவின் முதல் நீராவிக் கப்பலான 'எஸ்.எஸ்.லாயல்டி', 1919 ஏப்., 5ல் மும்பையில் இருந்து லண்டனுக்கு பயணித்தது. அதை நினைவுகூறும் வகையில் அந்நாளே தேசிய கடல்சார் தினமாக கொண்டாடப்படுகிறது. இந்திய கப்பல் துறையின் மகத்தான பணிகளை சமூகத்திற்கு வெளிப்படுத்துவதே இத்தினத்தின் நோக்கம். இந்திய கடற்கரையின் நீளம் 7517 கி.மீ., நாட்டின் பொருளாதார வளர்ச்சியில் கப்பல் துறை முக்கிய பங்கு வகிக்கிறது. நாட்டின் வெளிநாட்டு ஏற்றுமதியில் 90 சதவீதம் துறைமுகம் மூலமே நடைபெறுகிறது. இந்தியாவில் 13 பெரிய துறைமுகங்கள் உள்ளன.
06.04.2025 - ஆபத்தாகுமா விண்வெளி குப்பை பல்வேறு ஆய்வுக்காக செயற்கைக்கோள், விண்கலத்தை உலக நாடுகள் அனுப்புகின்றன. விண்வெளியில் சுற்றும் இவை, பயன்பாடு முடிந்ததும் விண்வெளி குப்பையாக (செயற்கைக்கோளின் உடைந்த பாகம்) மாறி சுற்றி வரும். இதனால் ஆபத்து உள்ளது என பல ஆய்வுகள் தெரிவித்த நிலையில், 'கடந்த 50 ஆண்டுகளில் தினமும் ஒரு விண்வெளி குப்பை பூமியின் ஏதாவது ஒரு இடத்தில் விழுகிறது. இதனால் ஒருவருக்கு பெரிய காயமோ, உயிரிழப்போ ஏற்பட்டதில்லை. ஏனெனில் விண்வெளி குப்பை, பூமியின் வளிமண்டலத்துக்குள் வரும்போதே எரிந்து விடும் என அமெரிக்காவின் 'நாசா' தெரிவித்துள்ளது.
07.04.2025 - மன அழுத்தம் தரும் காற்றுமாசு மன அழுத்தம் ஏற்படுவதற்கு பல காரணங்கள் உள்ளன.ஆனால் காற்றுமாசு இதில் அதிக பங்கு வகிக்கிறது என ஆய்வில் தெரிவிக்கப்பட்டுள்ளது. காற்றுமாசு முதலில் செல்களை பாதிக்கிறது. பின் உடலில் வளர்சிதை மாற்றம், அறிவாற்றலை பாதித்து மன அழுத்த பாதிப்பை உருவாக்குகிறது. நீண்ட காலம் காற்றுமாசு பகுதிகளில் வசிப்போர், குறிப்பாக சல்பர் ஆக்சைடு, கார்பன் மோனாக்சைடை அதிகளவில் சுவாசித்தவர்கள், மன அழுத்த பாதிப்புக்கு உள்ளாகின்றனர். மக்கள், மன அழுத்த பாதிப்பில் இருந்து விடுபட, காற்றுமாசுவை குறைக்க வேண்டும் என வலியுறுத்தியுள்ளனர். தகவல் சுரங்கம் : உலக சுகாதார தினம் உலக சுகாதார தினம் சுகாதாரத்தின் முக்கியத்துவம் பற்றி விழிப்புணர்வு ஏற்படுத்த ஏப்.7ல் உலக சுகாதார தினம் கடைபிடிக்கப்படுகிறது. உலக சுகாதார நிறுவனம் 1948 ஏப்.7ல் நிறுவப்பட்டது. இந்நாளே உலக சுகாதார தினமாக உருவாக்கப்பட்டது. உலகில் ஆண்டுதோறும் 3 லட்சம் பெண்கள், பிரசவத்தின் போது உயிரிழக்கின்றனர். ஆண்டுக்கு 20 லட்சம் குழந்தைகள் பிறந்த ஒரு மாதத்துக்குள் உயிர்இழக்கின்றனர். எனவே பெண்கள், குழந்தைகளை பாதுகாக்க வேண்டும் என உலக சுகாதார நிறுவனம் வலியுறுத்துகிறது. 'ஆரோக்கியமான தொடக்கம், நம்பிக்கையான எதிர்காலம்' என்பது இந்தாண்டு மையக்கருத்து.
08.04.2025 - வருமானத்தை குறைக்கும் வெப்பநிலை உலகில் அதிகரிக்கும் வெப்பமயமாதலால் வறட்சி, பனிக்கட்டி உருகுதல் உள்ளிட்ட பல பாதிப்புகள் உருவெடுத்துள்ளன. இந்நிலையில் வெப்பமயமாதல் காரணமாக மக்களின் பொருளாதாரம் குறைகிறது என ஆஸ்திரேலிய விஞ்ஞானிகள் ஆய்வு தெரிவித்துள்ளது. உலக வெப்பநிலை 4 டிகிரி செல்சியஸ் அதிகரித்தால்,சராசரி மக்களின் பொருளாதாரத்தை 40 சதவீதம் குறைக்கிறது. இது ஏற்கனவே மதிப்பிட்டதை விட நான்கு மடங்கு அதிகம். உலக வெப்பநிலை 2 டிகிரி செல்சியஸ் குறைந்தால் உலகின் ஜி.டி.பி.,யில் 16 சதவீதம் குறைகிறது என தெரிவித்துள்ளனர்.
09.04.2025 - நிலவை மோதுமா விண்கல் '2024 ஒய்.ஆர்.4' எனும் விண்கல் 2032 டிச.22ல் பூமி மீது மோதுவதற்கான வாய்ப்புள்ளது என அமெரிக்காவின் 'நாசா', 2024 இறுதியில் கண்டுபிடித்தது. துவக்கத்தில் வாய்ப்பு ஒரு சதவீதம் என இருந்தது. பின் 2.1%, 3.1% என அதிகரித்தது. ஆனால் அடுத்த ஆய்வுகளில் இது 0.004 சதவீதமாக குறைந்து விட்டது. தற்போது இது நிலவு பக்கம் திரும்பியுள்ளது. இந்த விண்கல், 2032 டிச. 22ல் நிலவின் மீது மோதுவதற்கான வாய்ப்பு முன்பு 1.7% என இருந்தது. தற்போது 3.8% ஆக அதிகரித்து உள்ளது. விண்கல் அகலம் 200 அடி. இது 2024 டிச.27ல் 4.34 கோடி கி.மீ., துாரத்தில் இருந்தது. தகவல் சுரங்கம் ஜப்பான் முதலிடம் ஜப்பான் முதலிடம் உலகளவில் தானியங்கி 'விற்பனை இயந்திரங்கள் (வென்டிங் மிஷின்) அதிகளவில் பயன்பாட்டில் உள்ள நாடு ஜப்பான். இங்கு தோராயமாக 55 லட்சம் விற்பனை இயந்திரங்கள் செயல்படுகின்றன. ஒரு 25 நபர்களுக்கு ஒரு 'விற்பனை இயந்திரம்' என்ற அளவில் உள்ளது. ஜப்பானில் ரயில், விமானம், பேருந்து நிலையம் உட்பட பெரும்பாலான இடங்களிலும் தானியங்கி விற்பனை மிஷின் செயல்படுகிறது. இதில் உணவு, குளிர்பானம், ஐஸ்கிரீம், அரிசி, நுாடுல்ஸ், ஸ்நாக்ஸ் உள்ளிட்ட பல பொருட்களை இந்த மிஷினில் பணம் செலுத்தி, பெற்றுக்கொள்ளலாம்.
10.04.2025 - பாதிக்கும் கடல்வாழ் உயிரினங்கள் உலகில் கடல்நீர் வெப்பநிலை கடந்த 40 ஆண்டுகளில் நான்கு மடங்கு உயர்ந்துள்ளது என இங்கிலாந்தின் ரீடிங் பல்கலை ஆய்வு தெரிவித்துள்ளது. ஒவ்வொரு பத்தாண்டுக்கு 0.27 டிகிரி செல்சியஸ் அதிகரிக்கிறது. மேலும் கடந்த 40 ஆண்டு உயர்வை, அடுத்த 20 ஆண்டிலேயே எட்டிவிடும் என ஆய்வு தெரிவிக்கிறது. உலகின் கார்பன் வெளியீடு அளவை 'பூஜ்யம்' நிலையை நோக்கி குறைப்பதே இதற்கு தீர்வு என தெரிவிக்கப்பட்டுள்ளது. கடல் வெப்பமடைவதால், மீன்கள் உள்ளிட்ட கடல்வாழ் உயிரினங்கள் பாதிக்கப்படுகிறது. இதனால் மக்களின் வாழ்வாதாரமும் பாதிக்கிறது. தகவல் சுரங்கம்: கடலோர காவல் படை தினம் PUBLISHED ON : பிப் 01, 2025 12:00 AM கடலோர காவல் படை தினம் இந்திய கடலோர பாதுகாப்பை உறுதி செய்வதில் கப்பல்படைக்கு உதவும் விதமாக 1977 பிப்.1ல் கடலோர காவல் படை உருவாக்கப்பட்டது. இது கப்பல்படையுடன் இணைந்துசெயல்படுகிறது. இதன் தலைமையகம் டில்லி. இது தவிர மும்பை, சென்னை, கோல்கட்டா, போர்ட் பிளேர், காந்திநகரில் மண்டல தலைமையகங்கள் உள்ளன. கப்பல், ரோந்து படகு, போர் விமானங்கள் இப்படையிடம் உள்ளன. 20 ஆயிரம் வீரர்கள் பணியாற்றுகின்றனர். கடலோர காவல் படையினரின் அர்ப்பணிப்பை பாராட்டும் விதமாக பிப்.1ல் கடலோர காவல் படை தினம் கடைபிடிக்கப்படுகிறது.
12.04.2025 - மாலை நேர பொழுது... சூரியனிலிருந்து வெளிவரும் ஒளிக்கதிர்கள் காலை, மாலை வேளைகளில் சாய்வாகவும், மதிய நேரத்தில் செங்குத்தாகவும் விழுகின்றன. பூமியில் செங்குத்தாக விழும் சூரிய ஒளிக்கதிர்கள், வெப்பத்தை அதிகமாகத்தருகின்றன. அதனால் மதிய நேரத்தில் வெப்பம் அதிமாகவும், காலை,மாலை நேரங்களில் குறைவாகவும் உள்ளது. அதே போல சூரிய உதயமாகும் காலை, மறையும் மாலை நேரத்தில் அதிக வளிமண்டலம் இருக்கும். ஆனால் மதிய நேரத்தில் வளிமண்டலத்தில் ஒரு அடுக்கு தான் இருக்கும். இதனால் காலை, மாலை நேரத்தில் வெப்பம் குறைவாகவும், மதியம் அதிகமாகவும் இருக்கும். தகவல் சுரங்கம் : விண்வெளி பயணம் விண்வெளி வளர்ச்சியின் துவக்கமாக 1957 அக்.4ல் உலகின் முதல் செயற்கைக்கோளான ரஷ்யாவின் 'ஸ்புட்னிக்' விண்ணில் செலுத்தப்பட்டது. உலகில் 1961 ஏப்.12ல் முதன்முதலாக விண்வெளிக்கு சென்று சாதித்தவர் ரஷ்யாவின் யூரி காகரின். இச்சாதனையை அங்கீகரிக்கும் விதமாகவும், விண்வெளியை ஆக்கப்பூர்வ, அமைதி வழியில் பயன்படுத்த வலியுறுத்தியும் ஏப்.12ல் மனிதர்களின்விண்வெளி பயணத்துக்கான சர்வதேச தினம் கடைபிடிக்கப்படுகிறது. இன்று நிலவு, செவ்வாய் கோள்களில்மனிதன் வசிப்பதற்கான சூழல் பற்றி ஆராய்ச்சி செய்யும் அளவுக்கு விண்வெளி வளர்ச்சி பெற்றுள்ளது.
14.04.2025 - மலை உருவாவது எப்படி தண்ணீருக்கு ஆதராமாக இருப்பது மலைகள். பூமியின் உள்ளே இருந்து வெளியே வருவது தான் மலைகள். இதில் கற்கள் பகுதி என்றால் கற்கள் நிரம்பி இருக்கும். இமயமலைபோல கடலின் அடியிலிருந்து உருவாகிறது என்றால் கடலடி மண், கற்கள், மீனின் புதைபடிவங்கள் இருக்கும். நீரில் மிதக்கும் கப்பலைப் போல, பூமியின் மேலோடு அதற்குக் கீழே குழம்பு நிலையில் இருக்கும் அடுக்கின் மீது அங்கும் இங்கும் நகர்கிறது. மேலோடு, பல்வேறு சில்லுகளாக உடைந்துள்ளதால் சில சமயம் பக்கவாட்டில் உரசிக்கொண்டு எரிமலை, பூகம்பத்தை ஏற்படுத்தும். தகவல் சுரங்கம் : அதிக ஏரிகள் உள்ள நாடு அதிக ஏரிகள் உள்ள நாடு பூமியின் சுற்றுச்சூழலை சமநிலைப்படுத்துவதில் ஏரிகள் முக்கிய பங்கு வகிக்கின்றன. சமவெளி, மலைப்பகுதி, பாலைவனம், கடலோரம் உட்பட பூமியின் அனைத்து பகுதிகளிலும் ஏரிகள் அமைந்துள்ளன. உலகில் 0.1 சதுர கி.மீ., அளவுக்கு மேல், மொத்தம் 14 லட்சம் ஏரிகள் உள்ளன. இதில் அதிகபட்சமாக 62 சதவீத ஏரிகள் கனடாவில் தான் உள்ளன. இதற்கடுத்து ஏரிகள் அதிகமுள்ள நாடுகளாக ரஷ்யா, அமெரிக்கா, சீனா, ஸ்வீடன் உள்ளன. கனடாவில் உள்ள ஏரிகளில் பெரியது 'கிரேட் பீர்' ஏரி. பரப்பளவு 31,130 சதுர கி.மீ. சராசரி ஆழம் 235 அடி. இது உலகில் 8வது பெரிய ஏரி.
15.04.2025 - நிலவில் சுத்திகரிப்பு உலகில் 55 ஆண்டுகளுக்கு முன் நிலவில் காலடி வைத்து சாதித்தனர் அமெரிக்க விண்வெளி வீரர்கள். நாசாவின் 'அப்பல்லோ' விண்கலத்தில் சென்ற வீரர்களான நீல் ஆம்ஸ்ட்ராங், ஆல்ட்ரின் 1969 ஜூலை 20ல் நிலவில் காலடி வைத்தனர். மைக்கேல் காலின்ஸ் விண்கலத்தில் இருந்தார். இந்நிலையில் இந்த விஞ்ஞானிகள் குழு, நிலவில் விட்டுச்சென்ற 96 பை, மனித கழிவுகளை சுத்திகரித்து தண்ணீர், எரிசக்தி, உரம் உள்ளிட்டவையாக மாற்றும் திட்டத்தை செயல்படுத்த முன்வருபவர்களுக்கு ரூ. 25.82 கோடி பரிசுத்தொகை வழங்குவதாக நாசா அறிவித்துள்ளது. தகவல் சுரங்கம் உலக ஓவிய தினம் ஓவியம் என்பது அழகியல் சார்ந்த கலை. இது நம் சிந்தனை திறனை வளர்க்கிறது. இதன் முக்கியத்துவம் பற்றி விழிப்புணர்வு ஏற்படுத்தும் விதமாக, உலக புகழ்பெற்ற ஓவியரான இத்தாலியின் லியோனார்டோ டா வின்சியின் பிறந்த தினமான ஏப். 15, யுனெஸ்கோ சார்பில் உலக ஓவிய தினமாக கொண்டாடப்படுகிறது. ஓவியர்களின் திறமையை அங்கீகரிப்பது, படைப்பாற்றல் திறனை வெளிக்கொண்டு வருவதே இதன் நோக்கம். இது ஒரு சிறந்த பொழுதுபோக்கு அம்சமாகவும் பார்க்கப்படுகிறது. குழந்தைப்பருவத்தில் இருந்து ஓவியத்திறனை வளர்க்க வேண்டும் என இத்தினம் வலியுறுத்துகிறது.
16.04.2025 - பெரிய வெள்ளம் பூமியின் மிகப்பெரிய வெள்ளம் 50 லட்சம் ஆண்டுகளுக்கு முன் ஏற்பட்டது. இது அட்லாண்டிக் பெருங்கடலில் இருந்து தண்ணீரை, ஜிப்ரால்டர் நீரீணை வழியாக, மத்திய தரைக்கடலில் நிரப்பியது. அதற்கு முன்பு வரை மத்திய தரைக்கடலில் தண்ணீரே இருந்ததில்லை என ஆய்வில் தெரிவிக்கப்பட்டுள்ளது.இந்த வெள்ளத்தால் உருவான தண்ணீர் என்பது, தற்போது அமேசான் ஆற்றில் செல்லும் தண்ணீரை விட, 1000 மடங்கு அதிகமாக இருந்தது. இருப்பினும் இந்த ஆய்வு முடிவை, அனைத்து ஆராய்ச்சியாளர்களும் ஏற்கவில்லை என தெரிவிக்கப்பட்டுள்ளது. தகவல் சுரங்கம் :வரிகள் இல்லாத தேசிய கீதம் வரி இல்லாத தேசிய கீதம் நாட்டுப்பற்றை வளர்ப்பதில் தேசிய கீதம் முக்கிய பங்கு வகிக்கிறது. இது அந்நாடுகளின் கலாசாரம், பாரம்பரியம், வரலாறு போன்றவற்றை குறிப்பிடும் விதமாக இருக்கும்.இந்திய தேசிய கீதம் 1950ல் அங்கீகரிக்கப்பட்டது. இந்நிலையில் வரிகள் இல்லாத தேசிய கீதம் என்பது தேசிய கீத பாடலில், வரி இல்லாமல் இசை மட்டும் இருப்பதை குறிக்கிறது. உலகில் ஸ்பெயின், போஸ்னியா ஹெர்ஜ்கோவின்யா, சான் மரினோ, கொசவோ ஆகிய நான்கு நாடுகளில் மட்டும் இந்த வரி இல்லாத தேசிய கீதம் உள்ளது. இதில் ஸ்பெயினை தவிர மற்ற மூன்றும் சிறிய நாடுகள்.
17.04.2025 - , பாரன்ஹீட் சுவாரஸ்யம் வெப்பநிலையை அளவிடுவதில் செல்சியஸ்,பாரன்ஹீட் முறைகள் பயன்படுத்தப்படுகின்றன. ஒரு செல்சியஸ் என்பது 32 பாரன்ஹீட்க்கு சமம். 1724ல் பாரன்ஹீட் அளவீடு முறையை கண்டுபிடித்தவர் போலந்து விஞ்ஞானி டேனியல் கேப்ரியல் பாரன்ஹீட். அதே போல 1742ல் செல்சியஸ் அளவீடு முறையை கண்டுபிடித்தவர் சுவிட்சர்லாந்தின் ஆன்ட்ரஸ் செல்சியஸ், இந்த இரண்டு அளவு முறையும், ஒரு அளவில் சமமாக இருக்கும். அது என்னவெனில் மைனஸ் 40 டிகிரி. வெப்பநிலை மைனஸ் 40 டிகிரி செல்சியஸ் என்பது,மைனஸ் 40 டிகிரி பாரன்ஹீட்டுக்கு சமமாக இருக்கும். உலக ஹீமோபிலியா தினம் சிறு காயம் ஏற்பட்டாலும் தொடர்ந்து ரத்தம் வருவது 'ஹீமோபிலியா'. இவர்களுக்கு காயம் ஏற்பட்டால் ரத்தம் உறையாமல் வழிந்து கொண்டே இருக்கும். இப்பாதிப்பு பற்றி விழிப்புணர்வு ஏற்படுத்தும் விதமாக 1989 முதல் ஏப்.17ல் உலக ஹீமோபிலியா தினம் கடைபிடிக்கப்படுகிறது. 'அனைவருக்கும் வசதி; பெண்கள், சிறுமிகளுக்கும் ரத்தப்போக்கு' என்பது இந்தாண்டு மையக்கருத்து. உலகில் 10 ஆயிரம் பேரில் ஒருவருக்கு இந்நோய் பாதிப்பு உள்ளது. ஏழை, நடுத்தர நாடுகளில் இப்பிரச்னைக்கு சிகிச்சை வசதிகள் மிக குறைவாக உள்ளன.
18.04.2025 - பூமியில் தண்ணீரின் ஆதாரம் அனைத்து உயிரினங்களும் உயிர் வாழ்வதற்கு தண்ணீர் மிக அவசியம். ஹைட்ரஜன், ஆக்சிஜன் இணைந்தது தான் தண்ணீர். இந்நிலையில் பூமிக்கு தண்ணீர் எப்படிவந்தது என பிரிட்டனின் ஆக்ஸ்போர்டு பல்கலை விஞ்ஞானிகள் ஆய்வு நடத்தினர். இதில் விண்கல் பூமியின் மீது மோதியதால் தண்ணீர் வந்தது என்ற முந்தைய கூற்றை, விஞ்ஞானிகள் மறுத்துள்ளனர். பெரும்பாலான அளவு தண்ணீர் என்பது, கோடிக்கணக்கான ஆண்டுகளுக்கு முன்பு பூமி தோன்றிய போதே கடல், ஆற்று நீருக்கான மூலக்கூறுகள் தோன்றியிருந்தன என ஆய்வில் தெரிவித்துள்ளனர். தகவல் சுரங்கம் : உலக பாரம்பரிய தினம் உலக பாரம்பரிய தினம் ஒரு நாட்டுக்கு பெருமை சேர்ப்பதில் பாரம்பரிய சின்னங்கள் முக்கிய பங்கு வகிக்கின்றன. இவற்றை பாதுகாப்பது பற்றி விழிப்புணர்வை ஏற்படுத்த யுனெஸ்கோ சார்பில் ஏப்.18ல் உலக பாரம்பரிய தினம் கொண்டாடப்படுகிறது. 'பேரழிவு, போர்களில் இருந்து பாரம்பரியத்துக்கு ஆபத்து: 60 ஆண்டுகால நடவடிக்கையில் இருந்து தயார்நிலை, கற்றல்' என்பது இந்தாண்டு மையக்கருத்து. உலகின் பாரம்பரிய பண்பாட்டு சின்னங்களை பட்டியலிட்டு, அவற்றை யுனெஸ்கோ பாதுகாத்து வருகிறது. இதில் இந்தியாவின் 43 இடங்கள் இடம்பெற்றுள்ளது. இதில் 35 கலாசாரம், 7 இயற்கை, ஒன்று இரண்டும் கலந்தது.
19.04.2025 - சிலிகான் எங்கு அதிகம் எளிதில் ஆக்சிஜனேற்றம் அடைந்துவிடும் சிலிக்கானை 1823ல் சுவீடன் வேதியியலாளர் ஜான்ஸ் ஜேகப் பெர்ஸேலியஸ் முதன்முதலில் துாய்மையான வடிவத்தில் உற்பத்தி செய்தார். இதன் அணு எண் 14. வாகன உதிரிப்பாகங்களுக்கான அலுமினிய வார்ப்பு, எக்கு சுத்திகரிப்பு, வேதியியல் தொழிற்சாலைகள், கட்டுமான துறை, செராமிக் போன்றவற்றில் சிலிக்கான் பயன்படுத்தப்படுகிறது. கம்ப்யூட்டர் உட்பட பல்வேறு மின்னணு சாதனங்கள் தயாரிப்புக்கு உதவுகிறது. சிலிகான்உற்பத்தியில் 'டாப்-5' இடங்களில் சீனா, ரஷ்யா, பிரேசில், நார்வே, அமெரிக்கா உள்ளன. தகவல் சுரங்கம்: உலக கல்லீரல் தினம் உலக கல்லீரல் தினம் உடல் உறுப்புகளில் கல்லீரல் முக்கியமானது. இது உடலில் தேவையற்ற நச்சுக்களை நீக்குதல், ரத்த சர்க்கரை அளவை சீராக வைத்திருத்தல், வைட்டமின், ஊட்டச்சத்துகளை சேமித்து வைத்தல், பித்த உற்பத்தி சமன் உட்பட பல பணிகளை மேற்கொள்கிறது. துரித உணவு, உடற்பயிற்சியின்மை, மது, புகைப்பிடித்தல் காரணமாக கல்லீரல் பாதிக்கிறது. இதன் முக்கியத்துவம்பற்றி விழிப்புணர்வு ஏற்படுத்தும் விதமாக ஏப்.19ல் உலக கல்லீரல் தினம் கடைபிடிக்கப்படுகிறது. 'உணவே மருந்து' என்பது இந்தாண்டு மையக்கருத்து. உலகில் 150 கோடி பேர் கல்லீரல் நோயால் பாதிக்கப்பட்டுள்ளனர்.
20.04.2025 - புதிய கோள் சூரிய குடும்பத்துக்கு வெளியே உயிரினங்கள் வாழும் சூழல் உள்ள கோள்கள் பற்றி அமெரிக்காவின் நாசா ஆய்வு நடத்துகிறது.தற்போது அதன் ஜேம்ஸ்வெப் தொலைநோக்கியை பயன்படுத்தி 'கே2-18பி' கிரகத்தை பிரிட்டனின் கேம்பிரிட்ஜ் விஞ்ஞானிகள் கண்டுபிடித்து உள்ளனர்.இது பூமியில் இருந்து 11.2 லட்சம் கோடி கி.மீ., தொலைவில் உள்ளது.இதில் பிளாங்டன், பாக்டீரியா உள்ளிட்ட உயிரினங்கள் வாழும் சூழல் உள்ளது. கடல் நுண்ணுயிரிகள் வெளியிடும் டைமெத்தில் சல்பைடு, டைமெத்தில் டைசல்பைடு வாயுக்கள், பூமியை விட ஆயிரம் மடங்கு அதிகமாக இக்கோளில் உள்ளது. தகவல் சுரங்கம் சீன மொழி தினம் சீன மொழி தினம் ஐ.நா., சபையில் அங்கீகரிக்கப்பட்ட மொழியாக ஆங்கிலம், சீனம், அரபு, பிரெஞ்சு, ரஷ்ய, ஸ்பானிஷ் என மொத்தம் ஆறு மொழிகள் உள்ளன. பன்மொழி, கலாசார பன்முகத்தன்மையை நிலைநாட்டுதல், அங்கீகரிக்கப்பட்ட ஆறு மொழிக்கும் சம வாய்ப்பு அளிக்கும் விதமாக, இதிலுள்ள ஒவ்வொரு மொழிக்கும் ஒரு தினத்தை ஐ.நா., உருவாக்கியது. இதன்படி ஏப். 20ல் உலக சீன மொழி தினம் கடைபிடிக்கப்படுகிறது. உலகில் அதிக பேர் (130 கோடி) பேசும் மொழியாக சீனம் உள்ளது. இது 1946ல் ஐ.நா., சபையின் அங்கீகரிக்கப்பட்ட மொழியாக சேர்க்கப்பட்டது.
21.04.2025 - செவ்வாயில் வாழ முடியுமா... செவ்வாய் கோளின் பாறைகளில் கார்பன் எச்சம் இருப்பதை, 'நாசா'வின் கியூரியாசிட்டி ரோவர் விண்கலம் சேகரித்த மாதிரிகளில் விஞ்ஞானிகள் கண்டுபிடித்துள்ளனர். இது அங்கு பல நுாறு கோடி ஆண்டுக்கு முன், உயிரினங்கள் வாழக்கூடியதாக இருந்திருக்கிறது என்பதை காட்டுகிறது. மேலும் செவ்வாய் கோளில் அடர்த்தியான, கார்பன் டை ஆக்சைடு நிறைந்த வளிமண்டலம், அதன் மேற்பரப்பில் திரவ நீர் இருந்திருக்கிறது. இவையிரண்டும், பாறைகளுடன் வினைபுரிந்து கார்பனேட் தாதுக்களை உருவாக்கியிருக்க வேண்டும் என விஞ்ஞானிகள் தெரிவித்துள்ளனர். தகவல் சுரங்கம் : குடிமை பணிகள் தினம் குடிமை பணிகள் தினம் இந்தியாவின் வளர்ச்சியில் ஐ.ஏ.எஸ்., / ஐ.பி.எஸ்., / ஐ.ஆர்.எஸ்.,/ ஐ.எப்.எஸ்., உள்ளிட்ட சிவில் சர்வீஸ் (குடிமை பணி) அதிகாரிகளின் பங்கு முக்கியமானது. 1947 ஏப்., 21ல் டில்லி 'மெட்கால்பே' இல்லத்தில், இந்தியாவின் முதல் உள்துறை அமைச்சரான வல்லபாய் படேல், சிவில் சர்வீஸ் அதிகாரிகளின் முதல் குழுவிடம் (பேட்ஜ்) உரையாற்றினார். இதை நினைவுபடுத்தும் விதமாக 2006ல் ஏப். 21ல் தேசிய குடிமை பணிகள் தினம் தொடங்கப்பட்டது. நாட்டின் வளர்ச்சிக்கு பணியாற்றும் சிவில் சர்வீஸ் அதிகாரிகளை கவுரவிக்கும் விதமாக இத்தினம் கொண்டாடப்படுகிறது.
22.04.2025 - வானில் தோன்றும் சிரித்த முகம் சூரிய குடும்பத்தில் உள்ள கோள்கள் வெவ்வேறு வேகத்தில், சுற்றுவட்டப்பாதையில் சூரியனை சுற்றுகின்றன. சில சமயங்களில் சில கோள்கள் ஒரே நேர் கோட்டில் வரும் வானியல் நிகழ்வு நடைபெறுகின்றன. இவ்வரிசையில் ஏப்.25ல் சூரிய உதயத்துக்கு முன் அதிகாலை 5:30 மணிக்கு வெள்ளி, சனி, நிலவு ஆகிய மூன்றும் முக்கோண அமைப்பில் 'சிரித்த முக' வடிவில் தோன்றும் வானியல் நிகழ்வு நடக்க உள்ளது. இதில் மேலே வெள்ளி மிக பிரகாசமாகவும், கீழே சனியும், அதற்கு கீழே நிலவும் தோன்றும். இது பார்ப்பதற்கு சிரித்த முகம் போல தெரியும் என விஞ்ஞானிகள் தெரிவித்துள்ளனர். தகவல் சுரங்கம் உலக பூமி தினம் மனிதர்கள் வாழும் ஒரே கோள் பூமி. இதை பாதுகாப்பது பற்றி விழிப்புணர்வு ஏற்படுத்த ஏப்.22ல் உலக பூமி தினம் கடைபிடிக்கப்படுகிறது. 'நமது பலம், நமது பிரபஞ்சம்' என்பது இந்தாண்டு மையக்கருத்து. இதன்படி உலகில் 2040க்குள் அனைத்து வித பிளாஸ்டிக் உற்பத்தியை 60 சதவீதம் குறைக்க வேண்டும் என வலியுறுத்தப்படுகிறது.பிளாஸ்டிக் நுண்துகள்கள் நிலம், நீர், ஆகாயம்என உலகம் முழுவதும் பரவி விட்டது. இயற்கை வளம், சுற்றுச்சூழலை பாதிக்கும் பிளாஸ்டிக் பயன்பாட்டை தவிர்க்க அனைவரும் முயற்சிக்க வேண்டும். 1970 ஏப்.22ல் பூமி தினம் தொடங்கப்பட்டது.
23.04.2025 - ஐந்து நிமிட உடற்பயிற்சி இன்றைய சூழலில் நடைபயிற்சி, சைக்கிளிங், நீச்சல் உட்பட ஏதாவது ஒரு உடற்பயிற்சியை மேற்கொள்வது அவசியம் என நிபுணர்கள் தெரிவிக்கின்றனர். இந்நிலையில் ஒரு நாளைக்கு ஐந்து நிமிடம் வீதம் தினமும் உடற்பயிற்சி செய்வது, உடல்நல, மனநல ஆரோக்கியத்தை அதிகரிக்கும் என ஆஸ்திரேலியாவின் எடித் கோவான் பல்கலை ஆய்வு தெரிவித்துள்ளது. இதன்படி வீட்டிலேயே நாற்காலியில் அமர்ந்த நிலையில் சில அசைவுகள், 'புஷ்-அப்' உள்ளிட்ட சில உடற்பயிற்சியில் ஈடுபடுவது தசை வலிமை, நெகிழ்வுத்தன்மை முன்னேற்றங்களுக்கு வழிவகுக்கும் என தெரிவிக்கப்பட்டுள்ளது. தகவல் சுரங்கம் : உலக புத்தக தினம் தகவல் சுரங்கம் உலக புத்தக தினம் உடலுக்கு உடற்பயிற்சி போல மனதுக்கு புத்தகம் வாசித்தல். இதை பழக்கமாக்கினால் தன்னம்பிக்கைவளரும். மக்களை நல்வழிப்படுத்துவதில் புத்தகம் சிறந்தவழிகாட்டி. உலகில் வாசித்தல், பதிப்பித்தல்,அறிவாற்றல் சொத்துகளை பதிப்புரிமை மூலம்பாதுகாக்கும் நோக்கில் ஐ.நா., சார்பில் ஏப்.23ல் உலகபுத்தகம், பதிப்புரிமை தினம் கொண்டாடப்படுகிறது.*உலகில் அதிக நாடுகளில் பேசும் மொழியாகஆங்கிலம் உள்ளது. இதன் சிறப்புகளை வெளிப்படுத்தும் விதமாக ஐ.நா., சார்பில் ஏப். 23ல் உலக ஆங்கில தினம்கடைபிடிக்கப்படுகிறது.
24.04.2025 - தகவல் சுரங்கம் : தேசிய பஞ்சாயத்துராஜ் தினம் தேசிய பஞ்சாயத்துராஜ் தினம் கிராமங்களும் வளர்ச்சி பெற வேண்டும் என்ற நோக்கில் பஞ்சாயத்து ராஜ் அமைப்புகள் உருவாக்கப்பட்டன. உள்ளாட்சி அமைப்பு தங்களின் தேவை, வளர்ச்சியை திட்டமிட்டு நிறைவேற்றி கொள்ள பஞ்சாயத்துராஜ் சட்டம் வழி வகுக்கிறது. 1993 ஏப்.,24-ல் இச்சட்டம் அமலுக்கு வந்ததை நினைவுபடுத்தும் விதமாக ஏப்.,24-ல் தேசிய பஞ்சாயத்து ராஜ் தினம் கடைபிடிக்கப்படுகிறது. இந்தியாவில் சுமார் 2.55 லட்சம் கிராகம ஊராட்சி, 6,904 ஊராட்சி ஒன்றியம், 66 மாவட்ட ஊராட்சிகள் என 262 லட்சம் ஊரக உள்ளாட்சிகள் உள்ளன. இவற்றிற்கு ஐந்தாண்டுகளுக்கு ஒரு முறை தேர்தல் நடைபெறுகிறது.
25.04.2025 - தண்ணீர் பற்றாக்குறை ஆசியாவின் தண்ணீர் ஆதாரத்திற்கு இமயமலை முக்கிய பங்கு வகிக்கிறது. இமயமலையில் 23 ஆண்டுகளில் இல்லாத அளவில் பனிப்பொழிவில் பாதிப்பு ஏற்பட்டு உள்ளது. பனிப்பொழிவு, பனிப்பாறை, அடர்த்தி குறைவதால் இமயமலையை நம்பியுள்ள ஆசிய நாடுகளில் விவசாயம், தண்ணீர் பற்றாக்குறை, நீர்மின்சார உற்பத்திக்கு பாதிப்பு உருவாகி உள்ளது. என விஞ்ஞானிகள் எச்சரித்து உள்ளனர். இதை தடுப்பதற்கு கார்பன்வெளியீடு அளவை குறைப்பதை உள்ளிட்ட நடவடிக்கைகளை இப்பகுதி நாடுகள் இணைந்து மேற்கொள்ள வேண்டும் என வலியுறுத்தி உள்ளனர். தகவல் சுரங்கம் : பென்குயின், மலேரியா தினம் மலேரியா பற்றி விழிப்புணர்வை ஏற்படுத்த ஐ.நா சார்பில் ஏப். 25ல் உலக மலேரியா தினம் கடைபிடிக்கப்படுகிறது. 'நம்முடன் மலேரியா முடிகிறது : மீண்டும் நிதி வழங்குதல், கற்பனை செய்தல், ஒன்று கூடுதல்' என்பது இந்தாண்டு மையக்கருத்து. பிளாஸ்மோடியம் ஒட்டுண்ணி அனோபிலிஸ் பெண் கொசுவின் வயிற்றில் தொற்றிக்கொள்கிறது. இது ஒருவரை கடிப்பதின் மூலம் மலேரியா பரவுகிறது. 2023ல் 26.30கோடி பேர் பாதிக்கப்பட்டனர். 5.97 லட்சம் பலியாகினர். *பென்குயின்களை பாதுகாக்க வலியுறுத்தி ஏப்.25ல் உலக பென்குயின் தினம் கடைபிடிக்கப்படுகிறது.
26.04.2025 - பாட்டிலில் ஒட்டாத பசை காகிதம், பிளாஸ்டிக், மரச்சாமான்கள் என ஒவ்வொரு பொருளையும் ஒட்டுவதற்கு, வெவ்வேறு விதமான பசை பயன்படுத்தப்படுகிறது. ஆனால் இவற்றில் ஒட்டும் பசை, அதன் பாட்டிலில் மட்டும் ஓட்டுவதில்லை. இதற்கு காரணம் காற்று. எதையாவது ஒட்டுவதற்குப் பசையைப் பயன்படுத்தும் போது அது எளிதில் காய்ந்து, இறுக்கமாக ஒட்டிக்கொள்ள வேண்டும். பசை இறுக வேண்டுமானால் காற்று பட வேண்டும். பாட்டிலுக்குள் பசை இருப்பதால் எளிதில் காயாமல், நெகிழும் தன்மையுடன் இருக்கிறது. மூடியைக் கழற்றி வைத்துவிட்டால், பாட்டிலில் இருக்கும் பசையும் காய்ந்து ஒட்டிக்கொள்ளும். தகவல் சுரங்கம் : அறிவுசார் சொத்துரிமை தினம் அறிவுசார் சொத்துரிமை தினம் எழுத்தாளர்கள், கலைஞர்கள், கண்டுபிடிப்பாளர்கள், வணிகர்கள் தங்களின் அறிவுசார் சொத்துகளை மற்றவர்கள் முறைகேடாக திருடிவிடாமல் பாதுகாப்பது அவசியமாகிறது. இதற்கு அதை காப்புரிமை, பதிப்புரிமை செய்வது அவசியம். இதுகுறித்து விழிப்புணர்வு ஏற்படுத்தும் விதமாக ஏப்., 26ல் உலக அறிவுசார் சொத்துரிமை தினம் கடைபிடிக்கப்படுகிறது. ஒருவரின் அறிவின் வெளிப்பாடான கருத்துகள், வணிக முறைகள், அறிவியல் கண்டுபிடிப்புகள், கலை படைப்புகள் போன்றவை அறிவுசார் சொத்தாக வகைப்படுத்தப்பட்டுள்ளது.
27.04.2025 - புதிய கண்டம் உலகில் ஆசியா, ஆப்ரிக்கா, ஐரோப்பா, வட அமெரிக்கா, தென் அமெரிக்கா, ஆஸ்திரேலியா, அண்டார்டிகா என ஏழு கண்டங்கள் உள்ளன. இந்நிலையில் வடக்கு அட்லாண்டிக் பெருங்கடலில், கிரீன்லாந்து - கனடா இடையே சிறிய கண்டத்தை விஞ்ஞானிகள் கண்டறிந்துள்ளனர். இது 19 - 24 கி.மீ., தடிமன் கொண்டது. இது 650 கி.மீ., அகலம் கொண்டது. உலகின் நிலப்பரப்புகள் நிலையானது போல தோன்றலாம். ஆனால் உண்மை நிலவரம் அதுவல்ல. தற்போதைய கடல் பகுதி மறைந்து, புவி தட்டுகள் இணைந்து புதிய கண்டங்கள் உருவாகலாம் என விஞ்ஞானிகள் தெரிவிக்கின்றனர். தகவல் சுரங்கம்: உலக வடிவமைப்பு தினம் உலக வடிவமைப்பு தினம் தினசரி வாழ்க்கையில் வடிவமைப்புகள் பல வழிகளில் பயன்படுத்தப்படுகின்றன. இது நம் வாழ்க்கையை மிக அழகாக மாற்றுகிறது. ஓவியம், ஆடைகள், வீடுகள், கட்டடங்கள், பாலங்கள், சாலைகள், நாற்காலி என ஒவ்வொரு பொருளுக்கும் வடிவமைப்பு முக்கியம். இதில் பல வகைகள் உள்ளன. உலக வடிவமைப்பு கவுன்சில் 1963 ஏப். 27ல் உருவாக்கப்பட்டது. இதை நினைவுபடுத்தும் விதமாக ஏப். 27ல் உலக வடிவமைப்பு தினம் கடைபிடிக்கப்படுகிறது. வடிவமைப்புகளின் பயன்கள், வடிவமைப்பாளர்களின் பங்களிப்பை கவுரவிப்பதே இதன் நோக்கம்.
28.04.2025 - ஆராய்ச்சியில் நிலவு மண் அமெரிக்கா, ரஷ்யா, சீனா, இந்தியா, ஜப்பான் ஆகிய ஐந்து நாடுகள் நிலவில் லேண்டரை தரையிறக்கி சாதித்துள்ளன. இதில் அமெரிக்கா, ரஷ்யாவுக்குப்பின் மூன்றாவதாக 2020ல் சீனாவின் 'சாங்கி - 5' விண்கலம் நிலவில் மண், பாறை துகள் மாதிரியை பூமிக்கு கொண்டு வந்தது. இந்நிலையில் ஆராய்ச்சிக்காக இதன் ஒரு பகுதியை அமெரிக்காவின் 'நாசா' நிதியுதவியில் செயல்படும் புரவுன் பல்கலை, நியூயார்க் பல்கலைக்கு கடனாக வழங்குவதாக சீனா அறிவித்துள்ளது. இதற்கிடையே 2026ல் 'சாங்கி - 7', 'சாங்கி - 8' விண்கலத்தை நிலவுக்கு அனுப்ப சீனா திட்டமிட்டுள்ளது. தகவல் சுரங்கம் : சுகாதாரமான பணியிடம் சுகாதாரமான பணியிடம் விவசாயம், கட்டடம், துப்புரவு, சாலை, மின்சாரம், குடிநீர் வாரியம், சுரங்கம், அலுவலகம் உட்பட பல துறைகளிலும் தொழிலாளர்கள் பணிபுரிகின்றனர். இவ்வாறு பணியிடங்களில் அவர்களது சுகாதாரம், பாதுகாப்பை வலியுறுத்தி உலக தொழிலாளர் அமைப்பு ஏப். 28ம் தேதியை உலக பணியிட சுகாதாரம், பாதுகாப்பு தினமாக அறிவித்தது. பணியில் உள்ள தொழிலாளர்களுக்கு ஏற்படும் விபத்து, நோய்களை தடுப்பது பற்றி விழிப்புணர்வு ஏற்படுத்துவதே இதன் நோக்கம். 'ஆரோக்கியம், பாதுகாப்பில் புரட்சியை ஏற்படுத்துதல்; ஏ.ஐ., டிஜிட்டல் துறையின் பங்கு' என்பது இந்தாண்டு மையக்கருத்து.
29.04.2025 - பனி விழும் செவ்வாய் செவ்வாய் கோளில் இன்றும் பனி விழுகிறது. ஆனால் இதை எந்தவொரு விண்கலம் அல்லது ரோவரும் படம் பிடித்ததில்லை. அதே போல நுாறு கோடி ஆண்டுகளுக்கு முன் மழைப் பொழிவும் இருந்தது என அமெரிக்காவின் கொலராடோ பல்கலை ஆய்வு தெரிவித்துள்ளது. செவ்வாய் ஒரு குளிர்ச்சியான, வறண்ட கிரகமாகக் காணப்படுகிறது. ஒரு காலத்தில் அது வெப்பம், ஈரப்பதமாக இருந்ததாக ஆராய்ச்சியாளர்கள் நம்புகின்றனர். பழமையான ஆற்று டெல்டா இருந்ததை ஏற்கனவே அமெரிக்காவின் பெர்சிவிரன்ஸ் ரோவர் கண்டு பிடித்திருந்தது. தகவல் சுரங்கம் உலக நடன தினம் சர்வதேச தியேட்டர் நிறுவனம், ஐ.நா.,வின் யுனெஸ்கோ அமைப்பின் சார்பில் ஏப். 29ல் உலக நடன தினம் கொண்டாடப்படுகிறது. நடனம் ஒரு சிறந்த கலை. இது மனதிற்கும் உடலுக்கும் புத்துணர்ச்சி அளிக்கிறது. நடனத்தில் பங்கேற்பது, அதை கற்றுக்கொடுப்பது, அவர்களது திறமையை அங்கீகரிப்பதே இத்தினத்தின் நோக்கம். பிரான்ஸ் நடனக் கலைஞர் ஜான் ஜார்ஜ் நுாவர், பாலே நடனக் கலையில் சிறந்து விளங்கியவர். இவரை கவுரவிக்கும் விதமாக இவரது பிறந்த தினம் (ஏப். 29) உலக நடன தினமாக கொண்டாடப்படுகிறது.
30.04.2025 - தகவல் சுரங்கம் சர்வதேச 'ஜாஸ்' தினம் பொதுவாக இசை என்பது மனதை மகிழ்விப்பதுடன், உலக மக்களை ஒருங்கிணைக்கும் கருவியாகவும் செயல்படுகிறது. உலகளவில் பல்வேறு இசை வகைகள் உள்ளன. 'ஜாஸ்' என்பது அமெரிக்காவின் பாரம்பரிய இசையாக கருதப்படுகிறது. 'ஜாஸ்' இசைக்கலைஞர்களை அங்கீகரிக்கும் விதமாக ஐ.நா.,வின் யுனெஸ்கோ சார்பில் ஏப். 30ல் சர்வதேச 'ஜாஸ்' தினம் கடைபிடிக்கப்படுகிறது. 'ஜாஸ்' தினம் என்பது இசையை கொண்டாடுவது மட்டுமல்ல. உலகளவில் கல்வி, பல்வேறு கலாசாரத்தை புரிந்து கொள்வதற்கான வாய்ப்பாகவும் அமைகிறது.
01.05.2025 - பூமியை நோக்கி விண்கலம் சூரியனில் இருந்து இரண்டாவதாக உள்ள வெள்ளி கிரகத்தை ஆய்வு செய்ய 1972 மார்ச் 31ல் சோவியத் யூனியன் 'காஸ்மாஸ் 482' விண்கலத்தை அனுப்பியது. இது வெள்ளியின் சுற்றுவட்டப் பாதையை சென்றடைய வில்லை. 'விண்வெளி குப்பையாக' பூமியின் சுற்றுவட்டப் பாதையை சுற்றியது. 53 ஆண்டுக்குப்பின், மே., 8 - மே 11ல் இதை பூமியில் விழ வைக்க ரஷ்ய விஞ்ஞானிகள் திட்டமிட்டுள்ளனர். 3.2 அடி அகலம், 495 கிலோ எடை மிக்க இந்த விண்கலம், பூமியின் வளிமண்டல ஈர்ப்பை விட்டு விலகிய பின் மணிக்கு 242 கி.மீ. வேகத்தில் பூமியை நோக்கி வரும். பெரும்பாலும் கடலில் விழ வாய்ப்புள்ளது. தகவல் சுரங்கம் : உலக தொழிலாளர் தினம் உலக தொழிலாளர் தினம் உலகின் சமூக, பொருளாதார வளர்ச்சியில் தொழிலாளர்களின் அர்ப்பணிப்பு, உழைப்பை அங்கீகரிக்கும் விதமாக உலக தொழிலாளர் அமைப்பு சார்பில் மே 1ல் உலக தொழிலாளர் தினம் கடைபிடிக்கப்படுகிறது. தொழிலாளர்களுக்கு '8 மணி நேர வேலை, 8 மணி நேர ஓய்வு, 8 மணி நேர துாக்கம்' என்ற வகையில் இருக்க வேண்டும் என்பதை இத்தினம் வலியுறுத்துகிறது 19ம் நுாற்றாண்டில் வளர்ந்த நாடுகளில் 12 - 18 மணி நேரம் கட்டாய வேலை என இருந்தது. இதை எதிர்த்து தொழிலாளர்கள் போராட்டங்களை நடத்தினர். இந்தியாவில் 1923ல் இத்தினம் தொடங்கப்பட்டது.
04.05.2025 -
05.05.2025 - அரிதான தாவரம் பூமியில் பல்வேறு வகையான தாவரங்கள் வாழ்கின்றன. இந்நிலையில் 'என்சிபலரேட்டஸ் வூடி' என்பது உலகின் அரிதான தாவரங்களில் ஒன்று என விஞ்ஞானிகள் கண்டுபிடித்து உள்ளனர். உலகில் மிக அரிதான தாவரமான இது, தென் ஆப்ரிக்காவில் உள்ளது. இது பார்ப்பதற்கு தென்னை மரம் போல இருக்கிறது. இதன் உயரம் 20 அடி. விட்டம் 30 - 50 செ.மீ. கீழிருந்து உயரம் வரை 50 - 100 இலைகள் இருக்கும். அடர் பச்சை நிறமான இதன் ஒரு இலையின் நீளம் 5 - 8 அடி. இத்தாவரத்தில் இதுவரை ஆண் இனம் மட்டுமே கண்டுபிடிக்கப்பட்டுள்ளது. தகவல் சுரங்கம் இரட்டை சகோதரி குழு பார்லிமென்ட் நடைமுறையில் உள்ள பல கமிட்டிகளில், மதிப்பீட்டு குழு, பொதுக்கணக்கு குழு என இரண்டும் 'இரட்டை சகோதரி குழு' என அழைக்கப்படுகிறது. இரு குழுவின் பணியும் நிதி தொடர்பாக இருப்பதால் இப்பெயர் வந்தது. மதிப்பீட்டுக்குழு 1950ல் உருவாக்கப்பட்டது. இதில் 30 லோக்சபா எம்.பி.,க்கள் உறுப்பினராக உள்ளனர். மத்திய பட்ஜெட்டின் மதிப்பீடுகளை ஆய்வு செய்வது இதன் பணி. பொதுக்கணக்கு குழு 22 எம்.பி.,க்களுடன் (லோக்சபா 15, ராஜ்யசபா 7) செயல்படுகிறது. மத்திய அரசின் வருவாயை தணிக்கை செய்தல், செலவுகளை ஆய்வு செய்வது இதன் பணி.
06.05.2025 - எந்த தண்ணீர் சிறந்தது தற்போது அக்னி வெயில் தொடங்கி விட்டதால் வெப்பநிலை அதிகரித்துள்ளது. வெயில் காலத்தில் உடலில் நீர்சத்தை பராமரிப்பதில் தண்ணீர் முக்கிய பங்கு வகிக்கிறது. எந்த ஒரு உணவும் உடலுக்குள் சென்றால், உடலின் வெப்பநிலையை அடைய வேண்டும். வெயிலில் அலைந்து விட்டு வீட்டுக்கு வந்ததும் உடனே குளிர்ந்த நீர், மென்பானம் அருந்துவது தவறு. அது உடலின் வெப்பநிலையை அடைய, கலோரிகளை உடலில் இருந்து தான் எடுக்கிறது. மென்பானங்களில் பழத்தின் சுவை, மணம், நிறம் இருக்கும். சத்துக்கள் குறைவு. எனவே சாதாரண தண்ணீரே நல்லது. தகவல் சுரங்கம் /தd தகவல் சுரங்கம் உலக ஆஸ்துமா தினம் ஆஸ்துமா ஒரு சுவாசக் கோளாறு. சுவாச மண்டலத்தின் காற்றுப் பாதைகள் சுருங்குவதால் இப்பாதிப்பு ஏற்படுகிறது. இதுபற்றி விழிப்புணர்வு ஏற்படுத்தும் விதமாக மே மாதத்தின் முதல் செவ்வாய் (மே 6) உலக ஆஸ்துமா தினமாக கடைபிடிக்கப்படுகிறது. 'அனைவருக்கும் இன்ஹேலர் சிகிச்சை வசதியை ஏற்படுத்துதல்' என்பது இந்தாண்டு மையக்கருத்து. உலகில் ஆண்டுக்கு 26 கோடி பேர் ஆஸ்துமாவால் பாதிக்கப்படுகின்றனர். 4.5 லட்சம் பேர் உயிரிழக்கின்றனர். இதில் பெரும்பாலான மரணம் தடுக்க முடிந்தவை என உலக சுகாதார நிறுவனம் தெரிவித்துள்ளது.
07.05.2025 - உலகின் பெரிய வெப்ப பாலைவனம் சஹாரா. இதன் பரப்பளவு 94 லட்சம் சதுர கி.மீ. இந்த பாலைவனத்தில் இருந்து ஆண்டுக்கு நுாறு கோடி டன் துாசி வளிமண்டலத்தை அடைகிறது. இந்நிலையில் இதன் துாசியால் ஐரோப்பா பாதிக்கப்படும் என விஞ்ஞானிகள் தெரிவித்துஉள்ளனர். இதன்படி பலத்த காற்றால் பாலைவனத்தில் இருந்து கிளம்பும் கனிம துாசி துகள், ஐரோப்பிய பகுதியில் சூரிய ஒளியை சிதறடித்து உறிஞ்சி, அதன் கதிர்வீச்சை குறைக்கிறது. இதனால் சூரிய ஒளி வெளிச்சம் குறைவதால், சோலார் பேனல் செயல்திறன் பாதித்து, மின்சார உற்பத்தி குறையும் என எச்சரித்துள்ளனர். தகவல் சுரங்கம் தடகள விளையாட்டு தினம் விளையாட்டு போட்டிகளில் முக்கியமானது தடகளம். இது ஓட்டம், நடைபயிற்சி, குதிப்பது, ஈட்டி எறிதல், நீளம் தாண்டுதல், உயரம் தாண்டுதல் உட்பட பல்வேறு பிரிவுகளை உள்ளடக்கியது. பள்ளி, கல்லுாரிகளில் தடகள விளையாட்டு போட்டிகளில் மாணவர்கள், இளைஞர்களின் பங்கேற்பை ஊக்கப்படுத்தும் விதமாக மே 7ல் உலக தடகள தினம் கடைபிடிக்கப்படுகிறது. சர்வதேச தடகள கூட்டமைப்பு 1996ல் இத்தினத்தை உருவாக்கியது. இளைஞர்கள் உடல்நலனை ஆரோக்கியமாக வைத்திருக்க வேண்டும் என்பதை இத்தினம் வலியுறுத்துகிறது.
08.05.2025 - ரயில் பாதையில் சோலார் ரயில் தண்டவாளம் இடையே சோலார் பேனல்கள் நிறுவி, ரயிலுக்கான மின்சாரம் வழங்கும் தொழில்நுட்பத்தை சுவிட்சர்லாந்தின் 'சன்-வேய்ஸ்' நிறுவனம் உருவாக்கிஉள்ளது. சோதனை முறையில் 100 மீட்டர் துாரம், 48 சோலார் பேனல் அமைக்கப்பட்டுள்ளது. முன்னதாக ரயில் பாதுகாப்பு, தண்டவாள பராமரிப்பில் பாதிப்பை ஏற்படுத்தும் என 2023ல் இதற்கு அந்நாட்டு அரசு அனுமதி மறுத்தது. சோலார் பேனல் வழக்கமாக நிரந்தரமாக அமைக்கப்படும். ஆனால் இம்முறையில் பாரமரிப்பு உட்பட தேவைப்படும் போது அகற்றி கொள்ளலாம் என அந்நிறுவனம் தெரிவித்துள்ளது. தகவல் சுரங்கம் செஞ்சிலுவை சங்க தினம் * உலகில் போரில் பாதிக்கப்படும் மக்களுக்கு உதவும் விதமாக 1919ல் சர்வதேச செஞ்சிலுவை சங்கம் தொடங்கப்பட்டது. இதன் நிறுவனர்களின் ஒருவரான சுவிட்சர்லாந்தின் ஹென்றி துனாத் பிறந்த தினமான மே 8, உலக செஞ்சிலுவை சங்க தினமாக கடைபிடிக்கப் படுகிறது. இந்த அமைப்புக்கு 1917, 1944, 1963 என 3 முறை அமைதிக்கான நோபல் பரிசு வழங்கப்பட்டது. * இரண்டாம் உலகப்போரில் (1939 - 1945) பலியானோருக்கு நினைவஞ்சலி, அவர்களது குடும்பத்தினருக்கு ஆறுதல் அளிக்கும் தினம் ஐ.நா., சார்பில் மே 8ல் கடைபிடிக்கப்படுகிறது.
09.05.2025 - இலை சுடுமா... சுட்டெரிக்கும் வெயிலில் காகிதத்தையோ,உலோகத்தையோ சிறிதுநேரம் வைத்தால் விரைவில்சூடாகி விடுகிறது. ஆனால் எவ்வளவு வெயில் அடித்தாலும், மரத்தின் இலைகள் மட்டும் குளிர்ச்சியாகவே இருக்கிறது. இதற்கு காரணம் இலைகளிலுள்ள இலைத் துளைகள் தான். இலைத்துளைகள் மூலமாக எப்போதும் ஓரளவு நீர் தொடர்ந்து ஆவியாகிக் கொண்டே இருக்கிறது. இதனால் இலை பசுமையாக காணப்படுகிறது. மேலும் நீர் ஆவியாகி செல்லும்போது, இலைகளில் உள்ள ஓரளவு வெப்பத்தையும் எடுத்துச் செல்வதால் இலைகள் குளிர்ச்சியாக இருக்கின்றன. தகவல் சுரங்கம் ரயில்களின் மியூசியம் ரயில்பாதை நீளத்தில் (1.35 லட்சம் கி.மீ., துாரம்) உலகின் நான்காவது பெரியதாக இந்திய ரயில்வே உள்ளது. துவக்கத்தில் நிலக்கரியில் இயங்கிய இந்திய ரயில்கள், இன்று மின்சாரத்தில் இயங்குகின்றன. 'வந்தே பாரத்', மெட்ரோ உள்ளிட்ட நவீன ரயில்கள் வந்துவிட்டன. இந்திய ரயில்வே துறையின் வளர்ச்சியை அறிந்து கொள்ளும்விதமாக டில்லியில் 'தேசிய ரயில் மியூசியம்', 1977 பிப்.,1ல் திறக்கப்பட்டது. இங்கு ஒவ்வொரு கால கட்டத்திலும் பயன்படுத்திய ரயில் இன்ஜின்கள், ரயில் பெட்டி, சிக்னல் தொழில்நுட்பம் உள்ளிட்டவை மக்களின் காட்சிக்கு வைக்கப்பட்டுள்ளன. பரப்பளவு 11 ஏக்கர்.
10.05.2025 - வண்ணங்களில் தீப்பொறி மரக்கட்டையால் உருவாக்கப்படும் தீ, சிவப்பு நிறத்தில்எரிந்தாலும், ஆங்காங்கே ஆரஞ்சு நிற தீச்சுடரும் தெரியும். மரத்திலுள்ள சோடியம் எரியும்போது எழும் நிறமே இது. ஒவ்வொரு வேதிப்பொருளும் வெப்பநிலைக்கு ஏற்ப பல நிறங்களில் ஒளியை உமிழும். அதிக வெப்பநிலையில் சோடியம், ஆரஞ்சு நிற ஒளியை உமிழும். தீபாவளிப் பட்டாசில் வண்ணத் தீப்பொறி வருவதும் இதே போலதான். ஆனால் கேஸ் அடுப்பு 1900 டிகிரி வெப்பநிலையில் எரியும்போது நீல, ஊதா நிற தீப்பிழம்பு தான் ஏற்படும். இதற்கு இதில் உள்ள ஹைட்ரோகார்பன் மூலக்கூறு தான் காரணம். தகவல் சுரங்கம் பறவைகள், ஆர்கன் மரங்கள் தினம் வட ஆப்ரிக்கா முழுதும் இருந்த ஆர்கன் மரங்கள் இன்று மொரோக்கோவில் மட்டும் உள்ளது. இது 50 டிகிரி செல்சியஸ் வெப்பநிலையை தாங்கும். இதிலிருந்து ஆர்கன் எண்ணெய் தயாரிக்கப்படுகிறது. இது உணவு, மருந்துகள், அழகு சாதனப் பொருள் தயாரிக்கப் பயன்படுகிறது. இம்மரங்களை பாதுகாக்க வலியுறுத்தி ஐ.நா., சார்பில் மே 10ல் உலக ஆர்கன் தினம் கடைபிடிக்கப்படுகிறது. * இடம் பெயரும் பறவைகளை பாதுகாப்பது, அவற்றுக்கான வசதிகளை உருவாக்கும் விதமாக மே 10ல் இடம்பெயரும் பறவைகள் தினம் கடைபிடிக்கப்படுகிறது.
11.05.2025 - நாடுகளும் துாங்கும் நேரமும் தினமும் போதிய நேரம் துாங்குவது அவசியம். பொதுவாக ஒரு நாளைக்கு 7 - 8 மணி நேரம் துாங்குவது அவசியம் என நிபுணர்கள் தெரிவிக்கின்றனர். இந்நிலையில் உலகில் 20 நாடுகளில் 50 ஆயிரம் பேரிடம் ஆய்வு நடத்தப்பட்டது. இதில் நாட்டின் சராசரி துாங்கும் நேர அளவில் பிரான்ஸ் முதலிடத்தில் உள்ளது. இங்கு சராசரி துாக்கம் 7 மணி, 52 நிமிடமாக உள்ளது. இப்பட்டியலில் நெதர்லாந்து (7 மணி, 45 நிமிடம்), பெல்ஜியம் (7 மணி, 41 நிமிடம்), நியூசிலாந்து (7 மணி, 40 நிமிடம்), பிரிட்டன் (7 மணி, 33 நிமிடம்) உள்ளது. இதில் பத்தாவது இடத்தில் இந்தியா (7 மணி, 14 நிமிடம்) உள்ளது. தகவல் சுரங்கம் அன்னையர், தொழில்நுட்ப தினம் அன்னையர்கள் இல்லையெனில் நாம் இந்த மண்ணில் பிறந்திருக்க முடியாது. எந்த சூழலிலும் அன்னையை கைவிடக்கூடாது. வயதான காலத்திலும் அன்போடு நடத்த வேண்டும் என்பதை உணர்த்தும் விதமாக ஆண்டுதோறும் மே இரண்டாவது ஞாயிறு (மே 11) சர்வதேச அன்னையர் தினமாக கொண்டாடப்படுகிறது. * இந்தியா 1998 மே 11, 13ல் ராஜஸ்தானின் பொக்ரானில் நடத்திய அணுகுண்டு சோதனைகள் வெற்றி பெற்றன. உலகின் அணு ஆயுத நாடுகளின் பட்டியலில் ஆறாவதாக இணைந்தது. இச்சாதனையை அங்கீகரிக்கும் விதமாக மே 11ல் தேசிய தொழில்நுட்ப தினம் கடைபிடிக்கப்படுகிறது.
12.05.2025 - முதலில் வருவது மின்னலா... இடியா மழை மேகங்கள் ஒன்றுடன் ஒன்று முட்டிக்கொள்ளும் போது மின்னல் ஏற்படுகிறது. ஈரப்பதம் உள்ள மேகங்கள் காற்றில் உந்தப்பட்டு வேகமாக நகரும் போது, அதில் ஏற்படும் வெப்பத்தால் மேகத்தின் உள் இருக்கும் அணுக்களில் மின்சார சக்தி ஏறுகிறது. அவை ஒன்றுடன் ஒன்று மோதும் போது ஏற்படும் மின் கடத்தலால் மின்னல் உருவாகிறது. இடியும் மின்னலும் ஒருங்கிணைந்த நிகழ்வுகள் என்றாலும் ஒலியைவிட ஒளியின் வேகம் அதிகம் என்பதால் முதலில் மின்னல் நம் கண்களுக்குத் தெரிகிறது. இடிச்சத்தம் அதன்பின் நம் காதுகளை அடைகிறது. தகவல் சுரங்கம் : சர்வதேச செவிலியர் தினம் நோயாளிகளுக்கு சிகிச்சை அளிப்பதில் டாக்டர்கள் பங்கு எப்படி முக்கியமோ. அதே போல செவிலியர்களின் சேவையும் போற்றத்தக்கது. இவர்களது சவாலான பணியை அங்கீகரிக்கும் விதமாக மே 12ல் சர்வதேச செவிலியர் தினம் கடைபிடிக்கப்படுகிறது. 'நம் செவிலியர்கள்; நம் எதிர்காலம்; செவிலியர்களை கவனிப்பது பொருளாதாரத்தை உயர்த்துகிறது' என்பது இந்தாண்டு மையக்கருத்து. செவிலியர் பணியில் நவீன முறைகளை புகுத்திய பிரிட்டனின் புளோரன்ஸ் நைட்டிங்கேலை கவுரவிக்கும் விதமாக அவரது பிறந்ததினத்தை (மே 12) இத்தினமாக சர்வதேச செவிலியர் சங்கம் அறிவித்தது.
13.05.2025 - காலநிலை கண்காணிப்பு இந்திய விண்வெளி ஆய்வு மையம் (இஸ்ரோ), பி.எஸ்.எல்.வி., - சி61 ராக்கெட்டில் 'இ.ஓ.எஸ்.-09' செயற்கைக்கோளை மே 18ல் விண்வெளிக்கு அனுப்ப உள்ளது. இதன் எடை 1710 கிலோ. இது அனைத்து கால நிலைகளிலும், பூமியின் தரைப்பகுதியை இரவு, பகலாக கண்காணித்து ஆய்வு செய்யும். இதிலுள்ள அதிநவீன ரேடார் தொழில்நுட்பம் வழக்கமான மற்ற செயற்கைக் கோள்களிலிருந்து இதை வேறுபடுத்துகிறது. மேகம், மழை, இருள் என அனைத்தையும் ஊடுருவி ஆய்வு செய்வதே இந்த செயற்கைக் கோளின் சிறப்பம்சம். பேரிடர் மேலாண்மைக்கு இது உதவும். 'ரெட் அலர்ட்' சொல்வது என்ன மழைக்காலத்தில் 'ரெட் அலர்ட்' விடுத்தால், 24 மணி நேரத்தில் 205 மி.மீ., அளவு மழைக்கு வாய்ப்புள்ளது என அர்த்தம். இதுவே போர் நடைபெறும்போது, சில பகுதிகளுக்கு 'ரெட் அலர்ட்' அறிவிக்கப்படுவது வழக்கம். இச்சமயத்தில் எதிரிகள் தாக்குதல் நடத்துவதற்கான வாய்ப்பு அதிகமுள்ளது. மக்கள் வீடுகளுக்கு திரும்ப வேண்டும். கடைகளை மூட வேண்டும். பொதுப்போக்கு வரத்து நிறுத்தப்பட வேண்டும். பாதுகாப்பை அதிகப் படுத்த வேண்டும். மருத்துவமனை, தீயணைப்பு துறை, பேரிடர் மேலாண்மை உள்ளிட்டவை தயார் நிலையில் இருக்க வேண்டும் என்பதை குறிக்கிறது.
15.05.2025 - உலகின் பெரிய டெலஸ்கோப்
தென் அமெரிக்க நாடான சிலியின் அட்டகாமா பாலைவன மலைப்பகுதியில் ஐரோப்பிய
வானியல் அமைப்பு சார்பில் டெலஸ்கோப் அமைக்கப்பட்டு வருகிறது. சராசரி கடல்
நீர் மட்டத்தில் இருந்து 9993 அடி உயரத்தில் அமைகிறது. 2011ல்
திட்டமிடப்பட்டு 2012ல் பணி தொடங்கியது. 2023ல் இதன் பாதி பணி
நிறைவடைந்தது. 17 ஆண்டுகளுக்குப்பின் 2029ல் முழு பணியும் நிறைவடையும் என
தெரிவிக்கப்பட்டுள்ளது. இதன் உயரம் 260 அடி. விட்டம் 305 அடி. டெலஸ்கோப்
மொத்த எடை 6100 டன். டெலஸ்கோப்பின் முதன்மை கண்ணாடியின் அகலம் 129 அடி.
இதில் 798 அறுங்கோண பகுதிகள் உள்ளன.
01.01.2022
ஒளியின் வண்ணம் செடிகளின் இலை பசுமையாகக் காட்சி தருவதற்குக் காரணம், சூரியஒளியில் உள்ள பல்வேறு நிறங்கள்' என்பதை நிறப்பிரிகை பரிசோதனை மூலமாக அறிகிறோம். பல நிறங்களைக் கொண்ட சூரியஒளி, இலையில் படும்போது பச்சை நிறம் தவிர மற்ற நிறங்களை இலை உறிஞ்சிவிடுகிறது. பச்சை நிறத்தை மட்டும் ஏற்றுக்கொள்வதில்லை. எனவே இலை பச்சை நிறத்தில் தெரிகிறது. எல்லா நிறங்களையும் முற்றிலும் உறிஞ்சிக்கொள்வது தான் கருப்பு. எனவே கருமைப் பொருட்கள் சூரியஒளியை ஏறக்குறைய முற்றிலுமாக உள்வாங்கி விடுகிறது. தகவல் சுரங்கம் முதல் விருது இந்தியாவில் சிறந்த இலக்கிய படைப்புகளுக்கு சாகித்ய அகாடமி விருது 1955 முதல் ஆண்டுதோறும் வழங்கப்படுகிறது. தமிழ் உட்பட 24 மொழிகளில் வழங்கப்படுகிறது. விருதுடன் ரூ.1 லட்சம் வழங்கப் படுகிறது. சிறந்த எழுத்தாளர்களை அங்கீகரிப்பது, எழுத்து ஆர்வத்தை ஊக்குவிப்பது இதன் நோக்கம். தமிழ் மொழி பிரிவில் முதல் நபராக 1955ல் 'தமிழ் இன்பம்' நுாலுக்காக ரா.பி.சேதுப்பிள்ளை இவ்விருதை பெற்றார். தமிழ் மொழியில் இதுவரை 62 பேர் விருது பெற்றுள்ளனர். 1957, 1959, 1960, 1964, 1976 ஆகிய ஆண்டுகளில் இவ்விருது யாருக்கும் வழங்கப்படவில்லை. 02. 01.2022 மேக வெடிப்புக்கு காரணம் வெப்பமான காற்று தரைப் பரப்பிலிருந்து மேலே எழுந்து மேகத்திலிருந்து விழும் மழைத் துளிகளை கீழே விழாமல் தடுத்து, மறுபடியும் மேகத்துக்குள்ளேயே திரும்ப செய்கிறது. வரம்புக்கு மீறி ரப்பரை இழுத்தால் அறுபடுவது போல, மேகத்தில் திரண்டு கொண்டே இருக்கும் மழை நீர் தாங்க முடியாத அளவு கூடி திடீரென ஒரே சமயத்தில் கொட்டிவிடும். இதனால் குறைந்த நேரத்தில் எதிர்கொள்ள முடியாத அளவுக்கு பெரிய வெள்ளம் ஏற்படும். ஒரு மணி நேரத்தில் சுமார் 100 மி.மீ.,க்கு மேல் மழை பெய்யும். இதுவே மேக வெடிப்புப் பெருமழை என அழைக்கப்படுகிறது. தகவல் சுரங்கம் அட்லாண்டிக் கடலின் வடிவம் பூமியில் உள்ள ஏழு பெருங்கடல்களில் இரண்டாவது பெரியது அட்லாண்டிக் பெருங்கடல். பரப்பளவு 10.6 கோடி சதுர கி.மீ. இது பூமியின் பரப்பளவில் 20 சதவீத இடத்தையும், பூமியின் நீர் பரப்பளவில் 29 சதவீதத்தையும் கொண்டுள்ளது. சராசரி ஆழம் 11,962 அடி. இதன் ஆழமான அகழியாக பியூட்ரோ ரிகோ (27,480 அடி) உள்ளது. கிழக்கில் ஐரோப்பா, ஆப்ரிக்காவுக்கு இடையிலும், மேற்கில் அமெரிக்காவுக்கு இடையிலும் உள்ளது. எஸ் வடிவத்தை பெற்றுள்ளது. இக்கடலில் பல்வேறு தீவுகள் உள்ளன. இதில் பரப்பளவு அடிப்படையில் பெரிய தீவு கீரீன்லாந்து.
03.01.2022
பாலின் நிறத்துக்கு காரணம் பாலில் புரதம், கொழுப்பு, வைட்டமின் உள்ளன. இதிலுள்ள புரதங்களில் அதிகமாக 'கேசின்' புரதம் இருக்கிறது. இதில் கால்சியம், பாஸ்பேட்டுடன் சிறிய கொத்தாக சேர்ந்து 'மைக்கேல்ஸ்' எனும் சிறிய துகள்களை உருவாக்குகின்றன. இதை ஒளி தாக்கும்போது விலகி சிதறச் செய்கிறது. பால் அனைத்து ஒளி அலை நீளங்களையும் பிரதிபலிக்கிறது. எதையும் உறிஞ்சாது. இதனால் பால் வெள்ளை நிறமாக தோன்றுகிறது. பாலில் கொழுப்பு அதிகமாக இருப்பதாலும் பாலின் நிறம் வெண்மையாக இருக்கிறது. பால் உற்பத்தியில் இந்தியா முதலிடத்தில் உள்ளது. தகவல் சுரங்கம் உருளைக்கிழங்கு வரலாறு குழந்தைகளுக்கு அதிகம் பிடிக்கும் உணவுப்பொருளில் ஒன்று உருளைக்கிழங்கு. இதில் 78% தண்ணீரும், 18% ஸ்டார்ச் (பசை) வடிவிலான கார்போஹைட்ரேட்டும் இருக்கிறது. உலகில், அதிகம் விளைவிக்கப்படும் பயிர்களில் நெல், கோதுமை, சோளம் வரிசையில் நான்காவதாக உருளைக்கிழங்கு உள்ளது. இதன் விளைச்சலில் முதலிடத்தில் சீனாவும், இரண்டாவது இடத்தில் இந்தியாவும் உள்ளன. 10 ஆயிரம் ஆண்டுக்கு முன் தென் அமெரிக்காவின் பெரு - பொலிவியா நாடுகளுக்கு இடையே வசித்த மக்கள் இதை முதன்முதலில் பயிரிடத்தொடங்கினர். 03 01 2022. வருடத்தின் முதலாவது எரிக்கல் வீழ்ச்சியினை பார்வையிடும் வாய்ப்பு, இலங்கையர்களுக்கு இன்று நள்ளிரவு முதல் கிட்டவுள்ளதாக ஆதர் சி க்ளார்க் மையம் தெரிவித்துள்ளது. மணித்தியாலத்திற்கு 60 முதல் 200 வரையான எரிகற்கள் விழும் என எதிர்ப்பார்க்கப்படுவதாக ஆதர் சி க்ளார்க் மையத்தின் சிரேஷ்ட நிபுணர் ஜனக்க அடஸ்சூரிய தெரிவித்தார். நாளை (04) அதிகாலை 2 மணிக்கு அதனை மேலும் தெளிவாக அவதானிக்க முடியும்.
06.01.2022
எரியும் வாயு செவ்வாய் கோள் பற்றிய ஆராய்ச்சியில் பல நாடுகள் ஈடுபட்டுள்ளன. இதில் மீத்தேன் வாயுவை கண்டறிவதும் ஒன்று. ஏனெனில் மீத்தேன் இருப்பின் அது உயிரினங்கள் வாழ்வதற்கான ஆதாரம். உயிரினம் என்பது மனிதன், விலங்குகள் மட்டுமல்ல, நுண்ணியிரிகளாகக் கூட இருக்கலாம். மீத்தேன் வேதியியல் வாய்ப்பாடு சி.எச்4 (ஒரு கார்பன், 4 ஹைட்ரஜன் சேர்ந்தது). ஒரு மீத்தேன் மூலக்கூறு, 25 கார்பன் டை ஆக்சைடின் மூலக்கூறுகளுக்கு சமம். இது ஒரு நிறமற்ற எரிவாயு. எரியும் தன்மை கொண்டது. மீத்தேன், சமையல் எரிவாயுவில் இது முக்கிய பங்கு வகிக்கிறது. தகவல் சுரங்கம் போரின் மறுபக்கம் உலகில் நாடுகளுக்கு இடையே அல்லது உள்நாட்டுக்குள் நடக்கும் போரினால் பலர் ஆதரவற்றோர்களாக மாற்றப்படுகின்றனர். அதிலும் அதிகளவில் குழந்தைகள் தான் ஆதரவற்ற அனாதைகளாக மாறும் அவலத்துக்கு தள்ளப்படுகின்றனர். இவர்களுக்கு ஆதரவு, உரிய வசதிகள், பாதுகாப்பு வழங்க வலியுறுத்தி ஜன. 6ல் உலக போர் அனாதை தினம் கடைபிடிக்கப்படுகிறது. ஐ.நா., வின் யுனிசெப் அமைப்பின் 2015 கணக்கின் படி உலகில் 14 கோடி போர் அனாதைகளாக உள்ளனர். இதில் அதிகபட்சமாக 6.10 கோடி பேர் ஆசியாவை சேர்ந்தவர்கள்.
07.01.2022
கோள்களின் இயக்கம் ஜெர்மனி விஞ்ஞானி கெப்ளர் பல ஆண்டு ஆய்வுக்குப் பின் 'வானில் கோள்கள் அசைகின்றன. அவை ஒரு குறிப்பிட்ட விதியின்படி சீராக நகர்கின்றன' என கண்டுபிடித்தார். இது தொடர்பாக மூன்று விதியை கண்டறிந்தார். முதல் இரண்டு விதி ஒற்றைக் கோளின் இயக்கம் குறித்து இருந்தன. மூன்றாவது விதி இரண்டு கோள்களின் சுற்றுப்பாதைகளை ஒப்பீடு செய்வதாக இருந்தது. தொலைநோக்கியில் ஒளி எவ்வாறு ஊடுருவுகிறது என ஆய்வுசெய்து, மாதிரி தொலைநோக்கியை உருவாக்கினார். கிட்டப்பார்வை, துாரப்பார்வைக்கான கண்ணாடியைக் கண்டறிந்தார். தகவல் சுரங்கம் நீளமான மலைத்தொடர் உலகின் மிக நீளமான மலைத்தொடராக தென் அமெரிக்காவில் ஆண்டிஸ் மலைத்தொடர் உள்ளது. இதன் நீளம் 7000 கி.மீ. இதன் சராசரி அகலம் 500 கி.மீ. இதன் உயரமான சிகரம் அகோன்காகுவா (22,838 அடி). இது அர்ஜென்டினா, பொலிவியா, சிலி, கொலம்பியா, ஈக்குடார், பெரு, வெனிசுலா நாடுகளில் பரவி உள்ளது. நீளமான மலைத்தொடர்களில் இரண்டாவது இடத்தில் ஆப்ரிக்காவின் 'கிரேட் எஸ்கார்ப்மென்ட்' (5000 கி.மீ.,), மூன்றாவது இடத்தில் வட அமெரிக்காவின் ரூக்கி மலைத்தொடர் (4800 கி.மீ.) உள்ளன. ஆசியாவின் இமயமலை தொடர் (2600) ஆறாவது இடத்தில் உள்ளது.
08.01.2022
சுற்றுச்சூழக்கு ஏற்ற 'ரிமோட்' சுற்றுச்சூழக்கு ஏற்ற பேட்டரி இல்லாத 'டிவி' ரிமோட்டை சாம்சங் நிறுவனம் உருவாக்கி உள்ளது. அமெரிக்காவின் லாஸ் வேகாஸ் நகரில் நடந்த கண்காட்சியில் இது அறிமுகப்படுத்தப்பட்டுள்ளது. ரிமோட்டின் பின்புறம் பேட்டரிக்கு பதிலாக இதில் சிறிய சோலார் பேனல் பொருத்தப்பட்டுள்ளது. இதற்கு தேவையான சார்ஜ், வீட்டின் உள், வெளிப்புற ஒளியில் இருந்து கிடைக்கிறது. மேலும் இதிலுள்ள சிறிய ஆன்டனா வீடு, அருகிலுள்ள 'ரவுட்டர்ஸ்'ல் இருந்து ரேடியோ அலைகளையும் பெறுகிறது. அடுத்து ஏழு ஆண்டுகளில் 10 கோடி பேட்டரி தேவையை மிச்சப்படுத்துகிறது. தகவல் சுரங்கம் இலக்கிய விருது இந்தியாவின் பழமையான, இலக்கிய துறைக்கு வழங்கப்படும் உயரியது ஞானபீட விருது. பாரதிய ஞானபீட அமைப்பு இதை வழங்குகிறது.இந்தியாவின் அங்கீகரிக்கப்பட்ட மொழிகளில் எழுதும், இந்திய எழுத்தாளருக்கு மட்டும் வழங்கப்படுகிறது. 1965ல் முதல் விருதை பெற்றவர் கேரளாவின் சங்கர குரூப். 1968-1972 வரை ராஜ்யசபா நியமன எம்.பி.,யாக பதவி வகித்தார். பத்ம பூஷண் விருது பெற்றுள்ளார். தமிழகத்தில் அகிலன் (1975), ஜெயகாந்தன் (2002) மட்டும் ஞானபீட விருதை பெற்றுள்ளனர். அதிகமாக ஹிந்தி மொழிக்கு 11 முறை வழங்கப்பட்டுள்ளது.
09.01.2022
இருதயத்தை பாதுகாக்கும் பழம் இருதய பாதிப்பு, பக்கவாதம் போன்ற பாதிப்புகளை திராட்சை பழம் தடுக்கிறது என அமெரிக்க ஆய்வில் தெரிவிக்கப்பட்டுள்ளது. திராட்சையில் வைட்டமின் சத்து உள்ளன. கலிபோர்னியாவில் நடந்த ஆய்வில் பங்கேற்றவர்களுக்கு தினமும் 46 கிராம் அளவு திராட்சை பவுடர் வழங்கப்பட்டது. தொடர்ந்து நான்கு வாரம் சாப்பிட்டவர்களுக்கு எதிர்ப்பு சக்தி அதிகரித்துள்ளது. ரத்தத்தில் கொலஸ்ட்ரால் அளவும் குறைந்தது என தெரிவிக்கப்பட்டுள்ளது. ரத்த ஓட்டத்தை சீர் செய்வதால் ரத்த குழாய்களில் அடைப்பு போன்ற பாதிப்பு ஏற்படுவது தடுக்கப்படுகிறது. தகவல் சுரங்கம் வெளிநாடு வாழ் இந்தியர் தினம் இந்தியாவின் வளர்ச்சியில் வெளிநாடு வாழ் இந்தியர்களின் பங்கு முக்கியமானது. வெளிநாடு வேலைக்கு செல்லும் இந்தியர்களில் சிலர் காலப் போக்கில் அங்கேயே குடியுரிமை பெறுவது அதிகரிக்கிறது. அவர்களையும் நாம் இணைக்க வேண்டும் என்ற நோக்கில் 2003ல் ஜனவரி 9, வெளிநாடு வாழ் இந்தியர் தினமாக அப்போதைய பிரதமர் வாஜ்பாய் அறிவித்தார். காந்தியடிகள் தென் ஆப்ரிக்காவில் இருந்து 1915 ஜன. 9ல் இந்தியாவின் மும்பை வந்து சேர்ந்தார். இத்தினத்தை நினைவுபடுத்தும் விதமாக இந்த நாள் தேர்ந்தெடுக்கப்பட்டது.
10.01.2022
ஒமைக்ரான் வேகம் உலகம் முழுவதும் பரவியுள்ள ஒமைக்ரான் கொரோனா, டெல்டா வகையை விட 105 சதவீதம் கூடுதலாக பரவும் தன்மை உடையது என பிரான்ஸ் விஞ்ஞானிகள் ஆய்வில் தெரிவித்துள்ளனர். பிரான்சில் 2021 அக். 25 - டிச. 18 வரை 1.31 லட்சம் கொரோனா பரிசோதனைகள் ஆய்வுக்கு உட்படுத்தப்பட்டது. இதை மரபணு சோதனை செய்து, புள்ளியியல் கணக்கீட்டின் படி ஆய்வு செய்தனர். இதில் 21 நாட்களில் பாதிப்பு எண்ணிக்கையை ஆல்பா, டெல்டாவுடன் ஒப்பிடுகையில் ஒமைக்ரான் 105 சதவீதம் வேகமாக பரவுகிறது என கண்டுபிடித்தனர். தகவல் சுரங்கம் பெரிய விலங்கு பூமியில் வாழும் விலங்குகளில் மிகப்பெரியது நீலத்திமிங்கலம். கடல்வாழ் உயிரினமான இதன் அதிகபட்ச நீளம் 98 அடி. இதன் அதிகபட்ச எடை 1.80 லட்சம் கிலோ வரை இருக்கும். இதன் ஒலி அளவு 230 டெசிபல். தொடர்ந்து 70 டெசிபல் சத்தத்தை நீண்ட நேரம் கேட்டால் நம் செவித்திறன் பாதிக்கப்படும் என மருத்துவர்கள் எச்சரிக்கின்றனர். இது 80 - 90 ஆண்டுகள் உயிர்வாழும். இது ஒரு நாளைக்கு 3600 கிலோ எடையிலான உணவை எடுத்துக்கொள்கிறது. 2018 கணக்கின் படி 5000 முதல் 15,000 திமிங்கலங்களே உள்ளன.
11.01.2022
மறதிநோய் பாதிப்பு உலகில் 195 நாடுகளில் எடுக்கப்பட்ட கணக்கெடுப்பின் படி, 'டிமென்ஷியா' எனும் மனச்சோர்வு, மறதி நோயால் பாதிக்கப்படுபவர் எண்ணிக்கை அடுத்த 30 ஆண்டுகளில் மூன்று மடங்காக அதிகரிக்கும். 2019ல் 5.70 கோடியாக இருந்த இந்த எண்ணிக்கை 2050ல் 15.30 கோடியாக அதிகரிக்கும் என அமெரிக்க பல்கலை ஆய்வு முடிவு 'தி லான்செட்' இதழில் வெளியிடப்பட்டுள்ளது. சத்தான உணவு, உடற்பயிற்சி, குடும்பத்தினருடன் நேரம் செலவிடுவது, போதுமான துாக்கம் போன்றவற்றை பின்பற்றினால் 'டிமென்ஷியா' பாதிப்பை குறைக்கலாம். தகவல் சுரங்கம் நீளமான குகை அமெரிக்காவின் கென்டகி மாகாணத்தில் எட்மான்சன் என்ற இடத்தில் உள்ளது மம்மூத் குகை தேசியப்பூங்கா. இது உலகின் நீளமான குகை என அழைக்கப்படுகிறது. இதன் நீளம் 640 கி.மீ. 1941ல் இது தேசியப்பூங்காவாக அறிவிக்கப்பட்டது. 1981ல் யுனெஸ்கோவின் உலக பாரம்பரிய சின்னம் பட்டியலில் இடம் பெற்றது. 1990ல் இருந்து சர்வதேச பல்லுயிரி உயிர்க்கோள பகுதியாக பாதுகாக்கப்படுகிறது. இதன் பரப்பளவு 52,830 ஏக்கர். இந்த குகையை பார்ப்பதற்கு ஆண்டுதோறும் சராசரியாக 5.3 லட்சம் சுற்றுலா பயணிகள் வருகை தருகின்றனர். --
12.01.2022
தண்ணீரின் நிறம்சோடியம் மின்விளக்கு ஆரஞ்சு கலந்த மஞ்சள் நிறத்தில் ஒளிரும். அந்த மின்விளக்கு அந்த நிற ஒளியைத்தான் வெளிப்படுத்துகிறது. அதுபோல தானே ஒளியை உமிழும் பொருட்களைத் தவிர, ஒளியைப் பிரதிபலிக்கும் பொருட்களின் நிறம், அதன் வேதியியல் தன்மையைப் பொறுத்தே அமையும். தண்ணீர் எல்லா நிற ஒளியையும் பிரதிபலிக்கிறது. எனவே நம் பார்வைக்கு அது நிறமற்றதாகத் தென்படுகிறது. நீரின் மீது எந்த நிற ஒளி வந்து விழுந்தாலும் அதே நிற ஒளி பிரதிபலிக்கப்படும். முகம் பார்க்கும் கண்ணாடியும் அது போன்றதே. தகவல் சுரங்கம் தேசிய இளைஞர்கள் தினம்இளைஞர்களுக்கு வழிகாட்டியாக விளங்கிய சுவாமி விவேகானந்தரின் பிறந்த தினமான ஜன.12, தேசிய இளைஞர் தினமாக கொண்டாடப்படுகிறது. 1863 ஜன., 12ல் கோல்கட்டாவில் பிறந்தார். சிறுவயதிலிருந்தே ஆன்மிகம் சிந்தனை கொண்ட இவர் பிரம்ம சமாஜத்தில் சேர்ந்தார். 1881ல் ராமகிருஷ்ண பரமஹம்சரை சந்தித்தார். 1886ல் துறவியாக மாறினார். துறவிகள் என்றால் சாதுக்களாக மட்டுமல்லாமல் வீரமாகவும் இருக்க வேண்டும் என்பார். இந்தியாவின் அனைத்து பகுதிக்கும் சென்று பண்பாடு, கலாசாரம் குறித்து போதித்தார். வெளிநாடுகளிலும் சொற்பொழிவு நடத்தியுள்ளார்.
13.01.2022
நீந்துவதில் முதலிடம் மனிதனால் மணிக்கு 8 கி.மீ., வேகத்தில் தான் நீந்த முடியும். ஆனால் சில மீன்கள் மனிதர்களை விட வேகமாக நீந்துகின்றன. கடலில் மிக வேகமாக நீந்தும் மீன்களில் முதலிடத்தில் செயில் மீன் உள்ளது. இது மணிக்கு 110 கி.மீ. வேகத்தில் நீந்தக்கூடியது. அட்லாண்டிக் செயில் மீன், இந்தோ - பசிபிக் செயில் மீன் என இதில் இரண்டு வகைகள் உள்ளன. இது கடலில் குளிர்ச்சியான பகுதிகளில் வாழ்கின்றன. நீலம், சாம்பல் நிறத்தில் காணப்படுகின்றன. ஒரே ஆண்டில் 3.9 முதல் 4.9 அடி வரை வளரும். இந்த மீனின் அதிகபட்ச நீளம் 9.8 அடி. எடை 90 கிலோ வரை இருக்கும். தகவல் சுரங்கம் நீண்ட துார பஸ் இந்தியாவின் கோல்கட்டாவில் இருந்து இங்கிலாந்தின் லண்டன் வரை பஸ் போக்குவரத்து இருந்தது. இது உலகின் நீண்டதுார பஸ் சேவை என கருதப்படுகிறது. 1957 ஏப்., 15ல் லண்டனில் இருந்து முதல் பயணம் தொடங்கியது. பெல்ஜியம், ஜெர்மனி, ஆஸ்திரியா, பல்கேரியா, துருக்கி, ஈரான், பாகிஸ்தான் வழியாக ஜூன் 5ல் கோல்கட்டாவை வந்தடைந்தது. மொத்த துாரம் 32,669 கி.மீ. கோல்கட்டாவில் இருந்து லண்டன் செல்ல 50 நாட்கள் ஆகும். 1976 வரை இப்பஸ் பயணம் இருந்தது. உணவு, தங்கும் வசதி சேர்த்து இதற்கான பயணக்கட்டணம் ரூ. 8700 ஆக இருந்தது.
14.01.2022
அணு இயற்பியலின் முன்னோடி அணுவின் அடிப்படையில் ஒன்றான எலக்ட்ரானை முதலில் கண்டறிந்தவர் பிரிட்டன் விஞ்ஞானி ஜே.ஜே.தாம்சன். மின்சாரவியல், காந்தவியல், ஐசோடோப்புகள் உட்பட பல ஆராய்ச்சிகள் மேற்கொண்டார். நவீன அணு இயற்பியலின் தந்தை என அழைக்கப்படுகிறார். மின்னிறக்க குழாயில் மின்சாரத்தைச் செலுத்தும்போது ஏற்படும் விளைவுகளைக் கண்டறிந்ததற்காக 1906ல் இயற்பியலுக்கான நோபல் பரிசு பெற்றார். இவரது மாணவரான நியூசிலாந்தின் எர்னஸ்ட் ரூதர் போர்டு அணுவை பிளக்க முடியும் என நிரூபித்தார். இது அணுகுண்டு தயாரிக்க அடிப்படையாக அமைந்தது. தகவல் சுரங்கம் உயரமான தலைநகரம் தென் அமெரிக்க நாடான பொலிவியாவின் தலைநகர் லாபாஸ், உலகின் உயரமான தலைநகர் என அழைக்கப்படுகிறது. இது கடல் மட்டத்திலிருந்து 11,975 அடி உயரத்தில் உள்ளது. பரப்பளவு 472 சதுர கி.மீ. இதன் மக்கள்தொகை 7.5 லட்சம். இரண்டாவது உயரமானது ஈக்வடார் தலைநகரம் கியூட்டோ. இது 9350 அடி உயரத்தில் அமைந்துள்ளது. மூன்றாவதாக கொலம்பியாவின் பொகோடா (8612 அடி), நான்காவதாக எத்தியோப்பியாவின் அடிஸ் அபாபா (7726 அடி) உள்ளது. இந்திய தலைநகர் டில்லி, கடல் மட்டத்திலிருந்து 689 அடி உயரத்தில் உள்ளது.
15.01.2022
பெரிய தாவரம் உலகிலுள்ள தாவரங்களில் மிக வேகமாக வளரக் கூடியது மூங்கில். இது புல் வகை தாவரங்களில் மிக பெரியது. இதில் 1500 வகைகள் உள்ளன. குடிசை வீடு, சாரம் கட்ட, கைவினைப் பொருட்கள் தயாரிப்பு என பல வழிகளிலும் மூங்கில், மக்களுக்கு பயன்படுகிறது. உயரமான பகுதிகளில் தான் இவை நன்றாக வளரும். சீனா, இந்தியா, தாய்லாந்து, பிலிப்பைன்ஸ், இந்தோனேஷியா, நேபாளம் போன்ற நாடுகளில் இவை அதிகமாக வளருகின்றன. தெற்காசியா, தென்கிழக்கு ஆசியாவில் பொருளாதாரத்தில் மூங்கில் தாவரங்கள் முக்கிய பங்கு வகிக்கின்றன. தகவல் சுரங்கம் ராணுவ தினம் ஆங்கிலேயர் ஆட்சியில் ராணுவ தலைமை பொறுப்பு அவர்கள் வசம் தான் இருந்தது. 1949 ஜன., 15ல் இப்பொறுப்பை ஆங்கிலேயர் ராய் பட்சரிடம் இருந்து, இந்தியாவின் 'கரியப்பா' ஏற்றார். இந்த வரலாற்று நிகழ்வை கவுரவிக்கும் விதமாக ஜன. 15ல் ராணுவ தினம் கொண்டாடப்படுகிறது. தன்னலம் பார்க்காமல் நாட்டையும், நாட்டு மக்களையும் பாதுகாக்க எல்லையில் எந்நேரமும் விழிப்புடன் பணியாற்றும் நம் ராணுவ வீரர்கள் தான் தேசத்தின் உண்மையான ஹீரோக்கள். வெயில், குளிர், மழை, இரவு, பகல் என பார்க்காமல் மக்கள், நாட்டுக்காக உயிரையும் தியாகம் செய்கின்றனர்.
16.01.2022
செயற்கை நிலவு பூமியில் செயற்கையாக நிலவு போன்ற ஆய்வகம் அமைக்கும் பணியில் சீனா ஈடுபட்டுள்ளது. பூமியின் ஒரே துணைக்கோள் நிலவு. பூமியில் இருந்து 3.85 லட்சம் கி.மீ., துாரத்தில் நிலவு உள்ளது. எதிர்காலத்தில் நிலவில் மனிதர்கள் குடியேறுவதற்கான வாய்ப்புகள் குறித்த ஆய்வில் அமெரிக்கா, சீனா, இந்தியா உள்ளிட்ட நாடுகள் ஈடுபட்டுள்ளன. இந்நிலையில் பூமியிலேயே செயற்கை நிலவு போன்ற அமைப்பை உருவாக்கி ஆய்வு செய்யும் திட்டத்தை சீனா தொடங்கியுள்ளது. இதில் நிலவில் இருப்பது போன்ற புவிஈர்ப்பு விசை சூழல், நிலவில் பாறை அமைப்பு அமைக்கப்படுகிறது. தகவல் சுரங்கம் இயற்கை துறைமுகம் சரக்கு போக்குவரத்து அதிகளவில் கப்பல் மூலமே நடைபெறுகிறது. இதற்கு துறைமுகம் முக்கிய பங்கு வகிக்கிறது. ஆஸ்திரேலியாவின் சிட்னி துறைமுகம், உலகின் இயற்கையான பெரிய துறைமுகம் என அழைக்கப்படுகிறது. இதன் பரப்பளவு 54 சதுர கி.மீ. நீளம் 17.7 கி.மீ. இதன் ஆழம் 148 அடி. இத்துறைமுகம் 8 தீவுகளை உள்ளடக்கியுள்ளது. இங்கு 580 மீன் இனங்கள் வாழ்கின்றன. இத்துறைமுக பகுதியில் ஒபேரா ஹவுஸ், சிட்னி துறைமுக பாலம் உள்ளன. ஆங்கில புத்தாண்டின் போது, இங்கு நடக்கும் வாணவேடிக்கை உலக புகழ் பெற்றது.
17.01.2022
எதிர்கால போக்குவரத்து அதிகரித்து வரும் போக்குவரத்து நெரிசலுக்கு தீர்வு காணும் விதமாக பிரிட்டனின் 'பெல்வெதர் ஏரோஸ்பேஸ்' நிறுவனம் 'ைஹபர்கார்' என்ற பறக்கும் காரை தயாரித்துள்ளது. இது உலகில் இதுவரை தயாரிக்கப்பட்டுள்ள பறக்கும் கார்களில் மிகச்சிறிய இறக்கை கொண்டது. நகரங்களுக்கு இடையே இயக்கப்படும் வகையில் அமைக்கப்பட்டுள்ளது. அதிகபட்சம் மணிக்கு 217 கி.மீ., வேகத்தில் செல்லும். 3000 அடி உயரம் வரை பறக்கும்.. 13 அடி உயரத்தில் மணிக்கு 40 கி.மீ., வேகத்தில் பறக்கும். இதற்கான சோதனை ஓட்டம் துபாயில் நடந்தது. தகவல் சுரங்கம் பனிச்சிறுத்தை மத்திய, தென் கிழக்கு ஆசியாவில் இமயமலை, திபெத் பீடபூமி, சைபேரியா, மங்கோலியாவின் மலைப் பகுதிகளில் பனிச்சிறுத்தைகள் வாழ்கின்றன. இவை பூனைக் குடும்பத்தை சேர்ந்தவை. பனிமலையில் வாழும் சூழலை பெற்றது. இதன் மொத்த எண்ணிக்கை 10 ஆயிரத்துக்கு குறைவாகவே உள்ளது. 2040ம் ஆண்டுக்குள் இதன் எண்ணிக்கை 10 சதவீதம் குறையும் என மதிப்பிடப்பட்டுள்ளது. இது அழிந்து வரும் உயிரினங்கள் பட்டியலில் உள்ளது. பனிச்சிறுத்தை லடாக் யூனியன் பிரதேசத்தின் மாநில விலங்காக கடந்தாண்டு அறிவிக்கப்பட்டது.
18.01.2022
புதிய வரைபடம் உலக மக்கள்தொகையில் இந்தியாவில் 4 கோடி பேர் பார்வையற்றவர்களாக உள்ளனர். இதில் 16 லட்சம் பேர் சிறுவர்கள். இவர்கள் படிப்பதற்காக பிரெய்லி எழுத்து முறை பயன்பாட்டில் உள்ளது. அதே போல பல்வேறு துறைகளிலும், இடங்களிலும் இவர்களுக்கென பிரத்யேக வசதிகள் உருவாக்கப்பட்டுள்ளன. இந்நிலையில் உள்நாட்டு டிஜிட்டல் தொழில்நுட்பத்தில் தயாரிக்கப்படும் பிரெய்லி முறையிலான வரைபடத்தை (மேப்) தேசிய அட்லஸ், தெர்மேட்டிக் மேப்பிங் அமைப்பு (நாட்மோ) விரைவில் அறிமுகப்படுத்த உள்ளது. இது பார்வையற்றவர்கள் எளிதாக பயன்படுத்த ஏற்றது. தகவல் சுரங்கம் மனித உரிமை பாதுகாப்பு உலகில் நடக்கும் மனித உரிமை மீறல்களை தடுக்கும் நோக்கில் 2006ல் ஐ.நா., மனித உரிமை கவுன்சில் (யு.என்.எச்.ஆர்.சி.,) உருவாக்கப்பட்டது. தலைமையகம் ஜெனிவா. இதற்கு ஒரு தலைவர், நான்கு துணை தலைவர் உள்ளனர். தவிர 47 உறுப்பினர்கள் (ஆப்பிரிக்காவில் 13, ஆசியாவில் 13, லத்தீன் அமெரிக்காவில் 8, மேற்கு ஐரோப்பாவில் 7, கிழக்கு ஐரோப்பாவில் 6) உள்ளனர். இவர்களின் பதவிக்காலம் 3 ஆண்டுகள். ஒரு உறுப்பினர் இருமுறை மட்டுமே இப்பதவியில் நீடிக்க முடியும். இக்கவுன்சிலில் இந்தியா உட்பட 193 நாடுகள் உறுப்பினராக உள்ளன. --
19.01.2022
விண்மீன் ஒளிர்வது எப்படி எல்லா நட்சத்திரங்களும் சூரியன் போன்ற வான் பொருட்களே. இதில் ஹைட்ரஜன், ஹீலியம் போன்றவை மிகுந்து இருக்கும். அதன் மையத்தில் பெரும் அழுத்தம் காரணமாக உயர் வெப்பநிலையில் இருக்கும். அந்த மீ அழுத்தம், மீ வெப்ப நிலையில் ஹைட்ரஜன் அணுக்கருக்கள் ஒன்றுடன் ஒன்று பிணைந்து ஹீலியம் அணுக்கருவாக மாறும். சில விண்மீன்களில் ஹீலியம் அணுக்கருக்கள் பிணைந்து கார்பன் அணு உருவாகும். இவ்வாறு அணுக்கரு பிணைவு நடைபெறும்போது, வெளிப்படும் ஆற்றலே சூரியன் உட்பட விண்மீன்கள் ஒளிரக் காரணமாக அமைகிறது. தகவல் சுரங்கம் உயரமான மரம் பூமியில் உள்ள மரங்களில் மிக உயரமாக வளரும் மம் என அழைக்கப்படுவது 'கலிபோர்னியா செம்மரம்'. இது 379 அடி உயரம் வரை வளரும். இந்த மரத்தின் விட்டம் 29.2 அடி வரை இருக்கும். இது உலகின் பழமையான மரம் எனவும் அழைக்கப்படுகிறது. இந்த மரத்தின் பட்டை 30 செ.மீ., வரை இருக்கும். இதன் இலைகள் 15 முதல் 25 மி.மீ., நீளம் உடையது. இந்த மர வகை 1000 ஆண்டுகளுக்கு மேல் வாழக்கூடியது. இவ்வகையை சேர்ந்த 'ைஹபீரியன்' மரம் 380 அடி உயரம் உள்ளது. 2006ல் அமெரிக்காவில் கண்டுபிடிக்கப்பட்டது. இதுதான் உலகின் உயரமான மரம்.
20.01.2022
புதிய கோள் சூரியக்குடும்பத்தில் உள்ள பெரிய கோள் வியாழன். இந்நிலையில் வியாழன் போன்ற அளவுடைய கோள் கண்டறியப்பட்டுள்ளதாக அமெரிக்காவின் நாசா விண்வெளி மையம் தெரிவித்துள்ளது. புதிய கோள் கண்டறியும் நாசாவின் 'டி.இ.எஸ்.எஸ்.,' திட்டத்தின் கீழ் கண்டறியப்பட்டுள்ளது. இது 'டி.ஓ.ஐ., - 2180 பி' என அழைக்கப்படுகிறது. பூமியில் இருந்து 379 ஒளி ஆண்டுகள் துாரத்தில் இந்த கோள் உள்ளது. ஒளியாண்டு என்பது ஒளி ஓர் ஆண்டில் செல்லும் தொலைவைக் குறிக்கும் ஒரு வானியல் அலகு. இதன் வெப்பநிலை 76 டிகிரி செல்சியஸ் ஆக உள்ளது. தகவல் சுரங்கம் சர்வதேச வணிகம் உலக நாடுகளுக்கு இடையே சர்வதேச வர்த்தகம் நடைபெற ஒழுங்குமுறை, வசதிகளை ஏற்படுத்தும் நோக்கத்தில் உலக வர்த்தக அமைப்பு 1995 ஜன. 1ல் தொடங்கப்பட்டது. இதில் 164 நாடுகள் உறுப்பினர் களாக உள்ளன. இந்த அமைப்பில் 640 ஊழியர்கள் பணியாற்றுகின்றனர். இதுதான் உலகின் மிகப்பெரிய சர்வதேச பொருளாதார அமைப்பு. இதன் தலைமையகம் சுவிட்சர்லாந்தின் ஜெனிவா நகரில் உள்ளது. இது இயக்குனர் ஜெனரல் தலைமையில் செயல்படுகிறது. உறுப்பு நாடுகளுக்கிடையே வணிக பிரச்னைக்கு, ஒப்பந்தம் அடிப்படையில் தீர்வு காண வழிவகுக்கிறது.
21.01.2022
செவ்வாய் உயிரினம் அமெரிக்காவின் நாசா மையம் விண்வெளிக்கு அனுப்பிய 'கியூரியோசிட்டி' ரோவர் விண்கலம் 2012 ஆக. 6ல் செவ்வாயில் தரையிறங்கியது. அன்று முதல் செவ்வாய் கோளின் காலே கிரேட்டர் பகுதியில் பாறை மாதிரி சோதனை உட்பட பல்வேறு ஆய்வுகளில் ஈடுபட்டு வருகிறது. இந்நிலையில் தற்போது செவ்வாய் தரைப்பகுதியில் கார்பன் மூலக்கூறுகள் இருப்பதை கியூரியோசிட்டி விண்கலம் கண்டுபிடித்துள்ளது. இதன்மூலம் செவ்வாயில் பண்டைய காலத்தில் உயிரினங்கள் வாழ்ந்திருக்கலாம் என்பதற்கு வாய்ப்பு உள்ளது என விஞ்ஞானிகள் தெரிவித்துள்ளனர். தகவல் சுரங்கம் பென்சில் வரலாறு எழுதுவது மற்றும் வரைவதற்கு பென்சில் முக்கிய பங்கு வகிக்கிறது. கிராபைட் எனும் கார்பன் கரியால் பென்சில் தயாரிக்கப்படுகின்றன. இது படிக வடிவம் கொண்டது. நவீன பென்சிலை கண்டுபிடித்தவர் பிரான்ஸ் விஞ்ஞானி நிக்கோலஸ் ஜாக்கியுஸ். 1795ல் இதை கண்டுபிடித்தார். பென்சிலை வைத்து காகிதத்தில் எழுதும்போது கிராபைட் தட்டு ஒவ்வொன்றாக காகிதத்தில் படிகிறது. பென்சிலால் எழுதியதை அழிப்பானால் (ரப்பர்) அழிக்கும்போது காகித்தின் அந்த அடுக்கு அகற்றப்படுவதால், எழுத்துகள் அழிந்து விடுகின்றன.
22.01.2022
நடைப்பயிற்சியின் பலன் மெதுவாக நடப்பவர்களுடன் (மணிக்கு 3.2 கி.மீ.,க்கு குறைவு) ஒப்பிடுகையில் சராசரி வேகத்தில் (மணிக்கு 3.2 - 4.8 கி.மீ.,) நடப்பவர்களுக்கு இருதய பாதிப்பு ஏற்படுவதற்கு 27 சதவீதமும், அதே போல வேகமாக நடப்பவர்களுக்கு (மணிக்கு 4.8 கி.மீ.,க்கு அதிகம்) இருதய பாதிப்பு ஏற்படுவதற்கு 34 சதவீத வாய்ப்பு குறைவு என அமெரிக்காவின் பிரவுன் பல்கலை ஆய்வில் தெரிவிக்கப்பட்டுள்ளது. 50 வயதுக்கு மேலான 25 ஆயிரம் பெண்களின் நடைப்பயிற்சி வேகம் ஆய்வு செய்யப்பட்டது. இந்த ஆய்வு நடைப்பயிற்சியின் முக்கியத்துவத்தை வெளிப்படுத்துகிறது. தகவல் சுரங்கம் நீண்டகால இஸ்ரோ தலைவர் இந்திய விண்வெளி ஆராய்ச்சி மையத்தின் (இஸ்ரோ) தலைவராக இதுவரை 11 பேர் பதவி வகித்துள்ளனர். இதன் முதல் தலைவராக பதவி வகித்தவர் விக்ரம் சாராபாய். 1963 - 1971 வரை 8 ஆண்டுகள் பணியாற்றினார். இந்திய விண்வெளி திட்டத்தின் தந்தை என இவர் அழைக்கப்படுகிறார். இஸ்ரோவின் மூன்றாவது தலைவராக இருந்த சதீஸ் தவான், 1972 - 1984 வரை 12 ஆண்டுகள் இப்பதவியில் இருந்தார். இவரே இஸ்ரோவின் நீண்டகால தலைவர். இதற்கடுத்து நீண்டகாலம் இப்பதவி வகித்தவர் யு.ஆர்.ராவ். இவர் 1984 - 1994 வரை பத்தாண்டு பதவி வகித்தார்.
23.01.2022
நெருப்பு மேலே எரிவது ஏன் சூடான காற்றுக்கு அடர்த்தி குறைவு. குளிர்ச்சியான காற்றுக்கு அடர்த்தி அதிகம். வெப்பக்காற்று அடைக்கப்பட்ட பலுான் மேலே பறக்கிறது. காற்றடைத்த பந்து நீரில் மூழ்காமல் மிதக்கும். இதற்கு நீரைவிட காற்றடைத்த பந்தின் மொத்த அடர்த்தி குறைவே காரணம். எனவே பந்து மிதக்கிறது. காற்றைவிட வெப்பக்காற்றின் அடர்த்தி குறைவு. எனவே மேலே பறக்கின்றன. நெருப்பு என்பது காற்று சேர்ந்த வெப்பமான புகைதான். ஆகவே அடர்த்தி குறைவான நெருப்புப் பிழம்பும், அதிலிருந்து வரும் புகையும் புவிஈர்ப்பு விசையை மீறி மேல்நோக்கி எரிகின்றன. தகவல் சுரங்கம் ஆழமான இடம் பூமியின் ஆழமான அகழி என 'மரியான அகழி' அழைக்கப்படுகிறது. இது பசிபிக் கடலில் உள்ளது. இது கடல் மட்டத்தில் இருந்து 35,840 அடி ஆழத்தில் உள்ளது. இதன் நடுவில் உலகின் மிக ஆழமான பள்ளம் உள்ளது. இது 'சேலஞ்சர் டீப்' என அழைக்கப்படுகிறது. 'சேலஞ்சர்' கப்பல் இந்த ஆழத்தைக் கண்டறியப் பயன்படுத்தப்பட்டதால் இதற்கு இப்பெயர் வந்தது. மரியானா அகழி பகுதிக்கு 1950ல் டான் வால்ஷ், சாக்கஸ் பிக்கார்ட், 2012ல் ஆழ்கடல் ஆராய்ச்சியாளரும் திரைப்பட இயக்குநருமான 'ஜேம்ஸ் கேமரூன்' என இதுவரை மூன்று பேர் சென்று வந்துள்ளனர்.
24.01.2022
உடல் பருமனுக்கு காரணம் உலகில் ஐந்து வயதுக்குட்பட்ட 4 கோடி குழந்தைகள் உடல் பருமனால் பாதிக்கப்பட்டுள்ளனர். ஆஸ்திரேலியாவில் 25 சதவீத குழந்தைகள் உடல் பருமன் பாதிக்கப்பட்டவர்களாக உள்ளனர் என உலக சுகாதார நிறுவனம் தெரிவிக்கிறது. உடல்பருமனுக்கு நொறுக்குத்தீனி அதிகம் எடுத்துக்கொள்வது உடற்பயிற்சி இல்லாமை போன்ற பல காரணம் உள்ளது. இந்நிலையில் உலகளவில் 2 லட்சம் பேரை ஆய்வு செய்ததில் உடல் பருமனுக்கு, சம்பந்தப்பட்டவரது தாத்தா, பாட்டி உள்ளிட்ட குடும்பங்களின் தலைமுறை காரணமாக உள்ளன என தெரிய வந்துள்ளது. தகவல் சுரங்கம் தேசிய பெண் குழந்தைகள் தினம் சமூகத்தில் பெண் குழந்தைகளுக்கு சமமான வாய்ப்பு, உரிமை வழங்க வலியுறுத்தி விழிப்புணர்வு ஏற்படுத்தும் விதமாக ஜன.24ல் தேசிய பெண் குழந்தைகள் தினம் கொண்டாடப்படுகிறது. மத்திய பெண்கள், குழந்தைகள் முன்னேற்றம் அமைச்சகத்தின் சார்பில் 2008ல் இத்தினம் உருவாக்கப்பட்டது. பெண் குழந்தைகளுக்கு கல்வி, சுகாதாரம், சத்தான உணவு வழங்கப்பட வேண்டும் என இத்தினம் வலியுறுத்துகிறது. பெண் குழந்தையை சுமையாக கருதாமல், அவர்களை கொண்டாடும் இளம் தலைமுறை பெற்றோர்களால் சமூகம் மாறத் தொடங்கி இருக்கிறது.
25.01.2022
கின்னஸ் 'குமிழி' துணி துவைக்கும் சோப்பு நீரில் இருந்து குமிழிகள் உருவாவது இயல்பு. ஒவ்வொரு குமிழியின் அளவு, நீடித்திருக்கும் நேரம் வேறுபட்டிருக்கும். பொதுவாக சோப்பு, நீர் குமிழி சில வினாடியில் உடைந்து விடும். இந்நிலையில் பிரான்சின் லில்லி பல்கலை விஞ்ஞானிகள் குழு உருவாக்கிய குமிழி தொடர்ந்து 465 நாட்கள், அதன் வடிவத்தில் இருந்து மாறுபடாமல் உடையாமல் இருந்து உலக கின்னஸ் சாதனை புத்தகத்தில் இடம் பெற்றுள்ளளது. இது வழக்கமான நீர் குமிழியை விட 2 லட்சம் மடங்கு நீடித்த தன்மை பெற்றது. தகவல் சுரங்கம் தேசிய வாக்காளர் தினம் இந்திய தேர்தல் ஆணையம் 1950 ஜன. 25ல் தொடங்கப்பட்டது. இது ஒரு தன்னாட்சி அதிகாரம் மிக்கது. இதன் 60வது ஆண்டுவிழாவை சிறப்பிக்கும் விதமாக 2011 ஜன. 25ல் தேசிய வாக்காளர் தினம் தேர்தல் ஆணையத்தால் தொடங்கப்பட்டது. நாட்டில் ஊராட்சி தலைவர் முதல் பிரதமர் வரை மக்கள் ஓட்டளிப்பதன் மூலம் தேர்ந்தெடுக்கப்படுகின்றனர். 18 வயது நிரம்பிய ஒவ்வொருவரும் தவறாமல் ஓட்டளிப்பது ஜனநாயக கடமை. அதே போல 18 வயது நிரம்பியவர் வாக்காளர் பட்டியலில் பெயரை சேர்ப்பது அவசியம். அடையாள அட்டையும் பெற்றுக்கொள்ள வேண்டும். --
26.01.2022
வெப்பமான கோள் சூரிய குடும்பத்தில் புதன், வெள்ளி, பூமி, செவ்வாய், வியாழன், சனி, யுரேனஸ் மற்றும் நெப்டியூன் ஆகிய கோள்கள் உள்ளன. இதில் சூரியனுக்கு அருகில் உள்ள கோள் மற்றும் சிறிய கோள் புதன். இது 87.97 நாட்களில் சூரியனை ஒருமுறை சுற்றி விடுகிறது. சூரியனை வேகமாக சுற்றும் கோள் புதனில் சூரிய வெப்பத்தை தக்க வைத்துக்கொள்ள வளிமண்டலம் இல்லாததால் மற்ற கோள்களை விட வெப்பமாக இருக்கிறது. இதனால் 'வெப்பமான கோள் எனவும் அழைக்கப்படுகிறது. மெரினர் 10 மற்றும் மெசஞ்சர் ஆகிய இரண்டு விண்கலங்கள் புதனை ஆய்வு செய்துள்ளன. தகவல் சுரங்கம் உலக சுங்க தினம் உலக சுங்கத்துறை கழகம் 1952 ஜன. 26ல் தொடங்கப்பட்டது. இந்த அமைப்பில் 183 நாடுகள் உறுப்பினராக உள்ளன. தலைமையகம் பெல்ஜியத்தின் பிரஸ்செல்ஸ் நகரில் உள்ளது. அனைத்து நாடுகளிலும் சுங்கத் துறை உள்ளது. இத்துறை அதிகாரிகளின் சேவை முக்கியமானது. போதைப்பொருள், தங்கம் உட்பட சட்ட விரோதமாக கடத்தலை தடுப்பது, சுற்றுச்சூழல் பாதுகாத்தல், நாட்டின் நலனை பாதுகாத்தல் உட்பட பல்வேறு சேவைகளை செய்து வருகிறது. இவர்களை பாராட்டும் விதமாக ஆண்டுதோறும் ஜன.26ல் சுங்கத்துறை தினம் கடைபிடிக்கப்படுகிறது.
28.01.2022
முந்திய ஒமைக்ரான் முந்தைய கொரோனா வகையை விட ஒமைக்ரான் கொரோனா பிளாஸ்டிக் மனிதர்களில் தோல்களில் நீண்ட நேரம் நிலைத்திருக்கிறது என ஜப்பான் விஞ்ஞானிகள் ஆய்வில் தெரிவிக்கப்பட்டுள்ளது. முதன்முதலில் உருவான கொரோனா பிளாஸ்டிக் பொருட்களில் 56 மணி நேரமும், அடுத்து வந்த மரபணு மாறிய கொரோனா வகை ஆல்பா 191.3 மணி, பீட்டா 156 மணி, காமா 59.3 மணி, டெல்டா 114 மணி நேரம் சராசரியாக நீடித்திருந்தன. ஆனால் ஒமைக்ரான் கொரோனா இவை அனைத்தையும் விட அதிகமாக சராசரியாக 193.5 மணி நேரம் இருக்கிறது என ஆய்வு தெரிவிக்கிறது. தகவல் சுரங்கம் சிறிய பாலைவனம் மரங்களே இல்லாத மணல் சூழ்ந்த பகுதி 'பாலைவனம்' என அழைக்கப்படுகிறது. உலகின் பெரிய பாலைவனம் 'சஹாரா பாலைவனம்' என்பது அறிந்ததே. இதே போல கனடாவில் உள்ள 'கார்கிராஸ் பாலைவனம்' உலகின் சிறிய பாலைவனம் என்ற பெயரை பெற்றுள்ளது. இதன் பரப்பளவு 640 ஏக்கர் மட்டுமே. ஆயிரக்கணக்கான ஆண்டுகளுக்கு முன் இப்பகுதியில் ஏரி இருந்தது. நாளடைவில் இது பாலைவனமாக மாறியது. இப்பாலைவனம் அருகில் பென்னெட் என்ற ஏரி இருக்கிறது. இதன் சுற்றுப்புற பகுதிகளை விட இங்கு மழைப்பொழிவு மிகவும் குறைவு.
29.01.2022
இறப்பை குறைக்கும் 'நடை' தினமும் நடப்பது உடல்நலத்துக்கு நல்லது. அமெரிக்காவில் நேஷனல் கேன்சர் இன்ஸ்டிடியூட் நிறுவனம் சார்பில் நடுத்தர வயதை (40 - 60 ) சேர்ந்த 5000 பேரிடம் நடத்தப்பட்ட ஆய்வில் தினமும் கூடுதலாக 10 நிமிடம் வேகமாக நடப்பது வாழ்நாளை அதிகரிக்க உதவுகிறது. அமெரிக்கர்கள் நடைபயிற்சியை 10 நிமிடம் அதிகரித்தால், அந்நாட்டின் உயிரிழப்பு எண்ணிக்கையில் (1.11 லட்சம்) 7 சதவீதம் குறைகிறது. அதுவே தினமும் 20 நிமிடம் நடந்தால் (2.09 லட்சம்)13 சதவீதமும், தினமும் 30 நிமிடம் நடந்தால் (2.72 லட்சம்) 17 சதவீதம் குறைக்கிறது என கண்டறிந்தனர். தகவல் சுரங்கம் பெரிய ஏரி உலகின் உயரமான ஏரி என அழைக்கப்படுவது, தென் அமெரிக்காவில் உள்ள 'டிட்டிகாகா ஏரி'.இது பொலிவியா, பெரு எல்லையில் ஆன்டஸ் மலைத் தொடரில் உள்ளது. நீர்பிடிப்பு பரப்பளவு, நீர் கொள்ளளவு ஆகியவற்றில் தென் அமெரிக்காவின் பெரிய ஏரியாக திகழ்கிறது. இது கடல் மட்டத்திலிருந்து 12,507 அடி உயரத்தில் உள்ளது. ஏரியின் அதிகபட்ச நீளம் 190 கி.மீ. அதிகபட்ச அகலம் 80 கி.மீ. அதிகபட்ச ஆழம் 922 அடி. இதன் நீர்பிடிப்பு பரப்பளவு 8372 சதுர கி.மீ.1343 ஆண்டுகளுக்கு முன் உருவானவை என தொல்லியல் துறை வல்லுநர்கள் தெரிவித்துள்ளனர்.
30.01.2022
பருவநிலை மாற்றத்தின் தாக்கம் உலகில் பருவநிலை மாற்றத்தின் காரணமாக வெப்பநிலை அதிகரித்து வருகிறது. 1.2 டிகிரி முதல் 2050ல் 3 டிகிரி செல்சியஸ் வரை வெப்பநிலை உயர்ந்தால் காபி, முந்திரி, அவகோடா பழம் (பட்டர் புரூட்) போன்றவற்றின் விளைச்சல் பாதிக்கப்படும் என ஆய்வில் தெரிவிக்கப்பட்டுள்ளது. இவை விவசாயிகளுக்கு அதிக வருமானத்தை தருபவை. உலகில் இவை அதிகமாக விளையும் பிரேசில், இந்தோனேஷியா, வியட்நாம், கொலம்பியா ஆகிய நாடுகளில் இதன் விளைச்சல் குறைந்து 2050ம் ஆண்டுக்குள் 50 சதவீதமாக குறையும் என ஆய்வில் தெரிவிக்கப்பட்டுள்ளது. தகவல் சுரங்கம் தியாகிகள் தினம் உயிர் தியாகம் செய்த சுதந்திர போராட்ட வீரர்களுக்கு அஞ்சலி செலுத்தும் விதமாக மகாத்மா காந்தியின் நினைவு தினம் (ஜன.30) தியாகிகள் தினமாக கடைபிடிக்கப்படுகிறது. சுதந்திர போராட்ட வீரர்களின் வீரச் செயல்களை இன்றைய தலைமுறையினருக்கு தெரிவிப்பதே இதன் நோக்கம். சுதந்திர போராட்டத்தில் முக்கிய பங்காற்றிய காந்தி, 1948 ஜன.30ல் சுட்டுக் கொல்லப்பட்டார். * தொழுநோய் பற்றி விழிப்புணர்வு ஏற்படுத்தும் விதமாக ஆண்டுதோறும் கடைசி ஞாயிறு உலக தொழுநோய் தினமாக கடைபிடிக்கப்படுகிறது.
31.01.2022
கண்டுபிடிக்கப்படாத விண்கல் அண்டார்டிகா பனிப்பிரதேசத்தில் ஆராய்ச்சியாளர்களால் கண்டுபிடிக்கப்படாத விண்கற்களின் எண்ணிக்கை 3 லட்சம் இருக்கும் என்பதற்கான ஆதாரம் உள்ளது. இதில் 13 சதவீதம் கைப்பற்றப்பட்டுள்ளன என செயற்கை நுண்ணறிவு (ஆர்டிபிசியல் இன்டலிஜன்ஸ்) தொழில்நுட்பத்தை பயன்படுத்தி பெல்ஜியத்தின் பிரஸ்லஸ் பல்கலை ஆய்வில் தெரிவித்துள்ளனர். பனிப்பிரதேசத்தில் விண்கல் விழுந்ததற்கான பாறை துகள்கள் உள்ளன. இதில் பல, ஏற்கனவே சில நாடுகள் அமைத்துள்ள ஆய்வுக்கூடங்களின் அருகிலேயே உள்ளன. தகவல் சுரங்கம் சிறிய தீவு பரப்பளவு அடிப்படையில் உலகில் மிகச்சிறிய தீவு நாடு நவ்ரி தீவு. இதன் பரப்பளவு 21 சதுர கி.மீ. இது பசிபிக் பெருங்கடலில் அமைந்துள்ளது. மக்கள் தொகை 11,800. இது 1968 ஜன. 31ல் பிரிட்டன், ஆஸ்திரேலியா, நியூசிலாந்திடம் இருந்து சுதந்திரம் பெற்றது. இது 'இனிமையான தீவு' எனவும் அழைக்கப்படுகிறது. இந்நாட்டுக்கு அதிகாரப்பூர்வ தலைநகர் எதுவும் இல்லை. துவக்கத்தில் இந்நாட்டில் கிடைத்த 'பாஸ்பேட்' தாது காரணமாக அதிக வருமானம் கிடைத்தது. தற்போது அந்த வளம் குறைந்து விட்டதால் பொருளாதாரமும் குறைந்துவிட்டது.
01.02.2022
நிலக்கரி மின்சாரம் மின்சார உற்பத்தியில் அனல் மின்சாரம் முக்கிய பங்கு வகிக்கிறது. இதில் தமிழகத்தின் நெய்வேலி அனல் மின்சார நிலையம் முக்கியமானது. இது 1956ல் தொடங்கப்பட்டது. இங்கு 3240 மெகாவாட் மின்சாரம் உற்பத்தி செய்யப்படுகிறது. அனல் மின்சாரம் என்பது வெப்ப ஆற்றலை வெளிப்படுத்தக்கூடிய பொருட்களை எரித்து அதிலிருந்து வெளிப்படும் வெப்பத்தினால் நீராவி உற்பத்தி செய்து அதனால் நீராவிச்சுழலியை இயக்கி அதனுடன் இணைக்கப்பட்டுள்ள ஜெனரேட்டரிலிருந்து மின்சாரம் உற்பத்தி செய்யப்படுகிறது. இதில் மூலப் பொருளாக நிலக்கரி பயன்படுத்தப்படுகிறது. தகவல் சுரங்கம் கடலோர காவல்படை தினம் இந்தியாவின் கடல் எல்லை, கடல் வளத்தை பாதுகாக்கும் நோக்கில் கடலோர காவல்படை 1977 பிப்.1ல் தொடங்கப்பட்டது. இது ஆண்டுதோறும் கடலோர காவல்படை தினமாக கடைபிடிக்கப்படுகிறது. உலகின் நான்காவது பெரிய கடலோர காவல்படையாக உள்ளது. இதன் தலைமையகம் டில்லி. தவிர ஐந்து மண்டலமாகவும் பிரிக்கப்பட்டுள்ளது. இதில் கிழக்கு மண்டலத்தின் தலைமையகம் சென்னை. விமானம் தாங்கி கப்பல், நீர்மூழ்கி உட்பட 157 போர்க்கப்பல், 62 போர் விமானம், 20 ஆயிரம் வீரர்கள் உள்ளனர். இதன் இயக்குநர் ஜெனரலாக வீரேந்தர் சிங் உள்ளார்.
02.02.2022
நாய் தொலைந்தால்... உலகளவில் பலர் வீடுகளில் நாய் வளர்க்கின்றனர். இவை தொலைந்து விட்டால் கண்டுபிடிப்பதற்கு பிரிட்டனில் 'ஸ்மார்ட் ஸ்னவுட்' அலைபேசி செயலி உருவாக்கப்பட்டுள்ளது. ஒவ்வொரு நாய்க்கும் மூக்கு பகுதி தனித்தன்மையுடன் இருக்கும். இதை அடிப்படையாக கொண்டு இந்த செயலி வேலை செய்கிறது. செயலியில் நாயின் பெயர், இனம், நிறம், மூக்கு படம் போன்றவற்றை உரிமையாளர் பதிவேற்றம் செய்ய வேண்டும். தொலைந்த நாயை கண்டுபிடிப்பதற்கு நாயின் மூக்கு பகுதியை ஸ்கேன் செய்வதன் மூலம் உரிமையாளரை கண்டறிந்து சேர்க்கலாம். தகவல் சுரங்கம் உலக நன்செய் தினம் மக்களுக்கும், பூமிக்கும் அதிக முக்கியத்துவம் வாய்ந்த நன்செய் நிலங்களை பாதுகாக்க வலியுறுத்தி பிப்.2ல் உலக நன்செய் தினம் கடைபிடிக்கப்படுகிறது. 'இயற்கை, மக்களுக்காக நன்செய் நிலத்தை பாதுகாப்பதற்கான நடவடிக்கை' என்பது இந்தாண்டு மையக்கருத்து. அதிகம் நீர் பாய்ச்சி வேளாண்மை செய்யும் நிலங்கள் நஞ்சை நிலங்கள் என அழைக்கப்படுகின்றன. நெல், கரும்பு, மஞ்சள், வாழை, வெற்றிலை போன்ற பயிர்கள் இவ்வகை நிலத்தில் பயிரிடப்படுகின்றன. இன்றைய சூழலில் நன்செய் நிலங்களின் பரப்பளவு குறைகிறது.
03.02.2022
தென்னையின் பலம் புயல் வீசும் நேரத்தில் தென்னை மரங்கள் எளிதில் விழுவதில்லை. அதற்கு காரணம் அவற்றின் திசுக்களின் அமைப்பு தான். தென்னை மரத்தில் வெளிப்பகுதி கனமாகவும், உட்பகுதி பஞ்சு மாதிரியும் இருக்கும். அது, ஓரளவு வளைந்து கொடுக்கும் தன்மையைப் பெற்றிருக்கும். இதனால் காற்று வீசும் போது இணக்கமாக ஈடு கொடுத்து, மீண்டும் பழைய நிலைக்கே திரும்பி விடும். எனவே எளிதாக விழுவதில்லை. பனை போன்ற தாவரங்கள் புல்லினத்தை சேர்ந்தவை. அதன் திசுக்கள் மாறுபட்டுள்ளன. இதனால் புயல் நேரத்தில் இவை விழுவதற்கு வாய்ப்பு அதிகம். தகவல் சுரங்கம் நிலக்கரி மின்சாரம் மின்சார உற்பத்தியில் அனல் மின்சாரம் முக்கிய பங்கு வகிக்கிறது. இதில் தமிழகத்தின் நெய்வேலி அனல் மின்சார நிலையம் முக்கியமானது. இது 1956ல் தொடங்கப்பட்டது. இங்கு 3240 மெகாவாட் மின்சாரம் உற்பத்தி செய்யப்படுகிறது. அனல் மின்சாரம் என்பது வெப்ப ஆற்றலை வெளிப்படுத்தக்கூடிய பொருட்களை எரித்து, அதிலிருந்து வெளிப்படும் வெப்பத்தினால் நீராவி உற்பத்தி செய்து, அதனால் நீராவிச்சுழலியை இயக்கி, அதனுடன் இணைக்கப்பட்டுள்ள ஜெனரேட்டரிலிருந்து மின்சாரம் உற்பத்தி செய்யப்படுகிறது. இதில் மூலப் பொருளாக நிலக்கரி பயன்படுத்தப்படுகிறது.
04.02.2022
-- தாவரங்களுக்கான உரம் மனிதர்களின் சிறுநீரில் இருந்து தாவரங்களுக்கான உரம் தயாரிக்கும் ஆய்வு ஆஸ்திரேலியாவில் தொடங்கப்பட்டுள்ளது. இதற்காக பிரத்யேக டாய்லெட் வடிவமைக்கப்பட்டுள்ளது. இதில் சிறுநீரில் இருந்து நைட்ரஜன், பாஸ்பரஸ், பொட்டாசியம் போன்ற தனிமங்களை பிரித்து எடுக்கும் தொழில்நுட்பம் அமைக்கப்பட்டுள்ளது. இந்த தனிமங்களில் தாவரங்களுக்கு ஏற்ற சத்துகள் உள்ளன. இதனால் இவற்றை தாவரங்களுக்கு ஏற்ற உரமாக பயன்படுத்த உள்ளனர். முதல்கட்டமாக பொது பூங்காக்களில் இத்திட்டத்தை அமல்படுத்த முடிவெடுத்துள்ளனர். தகவல் சுரங்கம் உலக புற்றுநோய் தினம் புற்றுநோய் பாதிப்பை தடுப்பது, சிகிச்சை முறைகள், முன்னெச்சரிக்கை நடவடிக்கை குறித்து விழிப்புணர்வு ஏற்படுத்த பிப்.4ல் உலக புற்றுநோய் தினம் கடைபிடிக்கப்படுகிறது. 'புற்றுநோய் இல்லாத உலகம் படைப்போம். செயல்பட வேண்டிய நேரம் இது' என்பது இந்தாண்டு மையக்கருத்து. உயிர்க்கொல்லி நோயில் புற்றுநோயும் ஒன்று. இது உடலில் உள்ள ஒரு செல்லில் இருந்து மற்றொரு செல்லுக்கு பரவுகிறது. இதனை கட்டுப்படுத்த முடியாததால், உடலின் அனைத்து உறுப்புகளுக்கும் பாதிப்பை ஏற்படுத்துகிறது. இதில் பல வகைகள் உள்ளன.
05.02.2022
விமான இருக்கை தரையில் நிற்கும் விமானத்தின் சமநிலையை பாதுகாக்க வால் பகுதி இருக்கையில் பயணிகளை முதலில் அனுமதிப்பதில்லை. விமானத்தின் சக்கரங்கள் அதன் அடிப்பகுதியில் முக்கோண அமைப்பில் பொருத்தப் பட்டுள்ளன. விமானத்தின் முன், நடுப்பகுதியில் அதன் இருபுற இறக்கைகளின் அடியில் சக்கரங்கள் உள்ளன. வால் பகுதியின் கீழ் சக்கரம் ஏதும் இல்லை. எனவே பின்பகுதியில் பயணிகளை முதலில் அமர்த்தினால் விமான சமநிலையில் பாதிப்பு வரும். அதே போல விமானத்தில் இருந்து இறங்கும் போது, பின்பகுதி பயணிகள் முதலில் இறக்கப்படுவர். தகவல் சுரங்கம் அமைதி பெண் நோபல் பரிசு வழங்கப்படும் ஆறு பிரிவுகளில் ஒன்று அமைதி. 1901 முதல் அமைதிக்கான நோபல் பரிசு ஆண்டுதோறும் வழங்கப்படுகிறது. இவ்விருதை முதலில் வென்றவர் சுவிட்சர்லாந்தின் ஹென்றி டுனான்ட். 1905ல் இவ்விருதை வென்ற முதல் பெண்மணி ஆஸ்திரியாவின் பெர்தா வோன் சட்னர். ஒட்டுமொத்தமாக மேரி கியூரிக்கு பின் நோபல் பரிசு பெற்ற இரண்டாவது பெண் இவரே. எழுத்தாளரான இவர் உலகின் அமைதிக்கு உதவும் விதமாகவும் இவரது எழுத்து அமைந்தன. பல்வேறு நுால்களை ஆங்கிலத்தில் மொழி பெயர்த்துள்ளார். --
06.02.2022
உருகும் கிரீன்லாந்து உலகின் பெரிய தீவு கிரீன்லாந்து. பெரும்பாலும் பனிக்கட்டியால் சூழப்பட்டது. இந்நிலையில் 2002 முதல் கிரீன்லாந்தில் உருகிய பனிப்பாறைகளின் அளவு 4700 ஜிகாடன் (ஒரு ஜிகாடன் என்பது ஒரு லட்சம் கோடி கிலோ) இது உலகில் கடல் நீர்மட்டம் 0.47 இன்ச் அளவு உயர்வதற்கு சமம். அல்லது அமெரிக்க நிலப்பரப்பு முழுவதையும் 1.5 அடி உயர தண்ணீரில் மூழ்கடிப்பதற்கு சமம் என ஆய்வில் தெரிவிக்கப்பட்டுள்ளது. இதே வேகத்தில் சென்றால் 2100ல் உலகின் கடல்நீர்மட்டம் 3 - 5 இன்ச் அளவு உயரும் என ஆய்வில் எச்சரிக்கப்பட்டுள்ளது. தகவல் சுரங்கம் அதிக மதிப்புள்ள நாணயம் இந்தியாவுக்கு ரூபாய் இருப்பது போல பெரும்பாலான நாடுகள் தனி நாணயங்களை வைத்துள்ளன. ஒவ்வொரு நாட்டின் நாணயத்துக்கும் சர்வதேச மதிப்பு மாறுபட்டதாக இருக்கும். உலக நாணயங்களுடன் ஒப்பிடுகையில் அதிக மதிப்பை பெற்றது 'குவைத் தினார்'. இதற்கு எதிரான இந்திய ரூபாயின் மதிப்பு சுமார் 247 ரூபாய். குவைத் தினார் 1960ல் அறிமுகப்படுத்தப்பட்டது. துவக்கத்தில் பிரிட்டனின் 'பவுன்ட் ஸ்டெர்லிங்' நாணயத்துக்கு (ஒரு பவுன்ட் ஸ்டெர்லிங் என்பது இந்திய மதிப்பில் ரூ.101) இணையான மதிப்பை பெற்றிருந்தது.
07.02.2022
தாழ்வான இடம் ஜோர்டான் - இஸ்ரேல் இடையே சாக்கடல் உள்ளது. இது கடல் அல்ல. உப்பு நீர் ஏரி. இங்கு மீன், நண்டு உட்பட உயிரினங்கள் வாழ இயலாது. இதனால் 'சாக்கடல்' என அழைக்கப்படுகிறது. இதன் உப்புத்தன்மை 34.2 சதவீதம். இது மற்ற கடல்களைவிட 10 மடங்கு அதிகம். இதனால் இந்நீரின் அடர்த்தி மனித எடையை விட அதிகம். இதனால் மிதக்க முடிகிறது. இது கடல் மட்டத்தில் இருந்து, 1,412 அடி தாழ்வாக அமைந்துள்ளது. இது, 67 கி.மீ. நீளமும், 18 கி.மீ. அகலமும் கொண்டது. இங்கு வெப்பநிலை அதிகம். மழைப்பொழிவும் குறைவு. தகவல் சுரங்கம் சிக்கிம் மாநில விலங்கு இமயமலை, தென்மேற்கு சீனாவில் 'சிவப்பு பாண்டாக்கள்' வாழ்கின்றன. இது அழிந்து வரும் விலங்கினம் பட்டியலில் உள்ளது. தற்போது 10 ஆயிரத்துக்கும் குறைவான எண்ணிக்கையில் மட்டுமே சிவப்பு பாண்டாக்கள் உள்ளன. இதன் நீளம் 2 அடி. இது காடுகளில் வாழ்கிறது. இதன் கால்கள், வயிறு பகுதி கருப்பு நிறத்தில் இருக்கும். காது, வாய் பகுதி வெள்ளை நிறத்தில் இருக்கும். சிறிய கண்கள் இருக்கும். உருவத்தில் பூனையை விட சற்று பெரியது. மூங்கிலை உணவாக உட்கொள்கிறது. இது சிக்கிம் மாநில விலங்காக திகழ்கிறது.
08.02.2022
அழகாகுமா கடற்கரை உலக மக்கள்தொகையில் 74 சதவீதம் பேர் கடற்கரையில் இருந்து 50 கி.மீ., சுற்றளவுக்குள் வசிக்கின்றனர். இந்நிலையில் உலகளவில் 16 சதவீத கடற்கரை பகுதி தான் வாழ்வதற்கு ஏற்ற வகையில் உள்ளன. மீதி பெரும்பாலானவை அதன் பழைய நிலைக்கு மீண்டும் வரமுடியாத அளவுக்கு பாதிக்கப்பட்டுள்ளன என ஆய்வில் தெரிவிக்கப்பட்டுள்ளது. நிலப்பகுதி கடலுடன் சேரும் பகுதி பல்லுயிரினங்கள், லட்சக்கணக்கான மக்களுக்கு மிக முக்கியமானது. அனைத்து நாடுகளும் தங்கள் கடற்கரை பகுதிகளை சீரமைக்க நடவடிக்கை எடுக்க வேண்டும் என வலியுறுத்தப்பட்டுள்ளது. தகவல் சுரங்கம் இன்டர்நெட் பாதுகாப்பு தினம் இன்டர்நெட் (இணையம்) மூலம் பல பணிகள் மேற்கொள்ளப்படுகிறது. சில நிமிடங்கள் கூட இன்டர்நெட் இல்லாமல் இருக்க முடியாதவர்களும் உள்ளனர். இணைய பயன்பாடு கிராமம் வரை விரிவடைந்துள்ளது. ஸ்மார்ட்போன் வரவுக்குப்பின் இது பல மடங்கு அதிகரித்துள்ளது. கொரோனா காலத்தில் ஆன்லைனில் தான் கல்வி கற்றனர். இன்டர்நெட் பாதுகாப்பாக பயன்படுத்த வலியுறுத்தி பிப். 8ல் உலக இன்டர்நெட் தினம் கடைபிடிக்கப்படுகிறது. 'சிறந்த இணையத்திற்காக ஒன்றாக இணைந்து செயல்படுவோம்' என்பது இந்தாண்டு மையக்கருத்து.
09.02.2022
முகக்கவசம் சிரமமா... கொரோனா பாதிப்பை தடுப்பதில் முகக்கவசம் முக்கிய பங்கு வகிக்கிறது. இந்நிலையில் முகக்கவசம் அணிவதால் குழந்தைகள் தங்களது நண்பர்களை கண்டறிவதற்கு சிரமப்படுகின்றனர் என கனடாவின் யார்க் பல்கலை ஆய்வில் தெரிவிக்கப்பட்டுள்ளது. 6 - 14 வயதுக்குட்பட்ட 72 குழந்தைகளின் முகக்கவசம் அணிந்த, அணியாத புகைப்படங்கள் காட்சி படுத்தப்பட்டன. இதில் குழந்தைகளில் 20 சதவீதம் பேர் முகக்கவசம் அணிந்தவர்களை கண்டுபிடிக்க சிரமப்பட்டனர். அதே நேரத்தில் இளைஞர்களிடம் இது 15 சதவீதமாக உள்ளது. தகவல் சுரங்கம் முதல் போர் விமானம் இந்துஸ்தான் ஏரோநாட்டிக்ஸ் நிறுவனம் (எச்.ஏ.எல்.,) ராணுவத்துக்கான விமான தயாரிப்பு நிறுவனம். இது 1940ல் 'இந்துஸ்தான் ஏர்கிராப்ட் லிமிடெட்' என தொடங்கப்பட்டது. 1964ல் பெயர் மாற்றப்பட்டது. பாதுகாப்பு அமைச்சகத்தின் கீழ் செயல்படுகிறது. போர் விமானம், ஜெட் இன்ஜின், ஹெலிகாப்டர் போன்றவற்றுக்கான வடிவமைப்பு, உதிரி பாகத்தை தயாரிக்கிறது. இதன் தலைமையகம் பெங்களூரு. 2019 கணக்கின்படி 28,345 பேர் பணிபுரிகின்றனர். இது 1960ல் 'எச்.ஏ.எல்., எச்.எப் - 24 மாருட்' என்ற நாட்டின் முதல் போர் விமானத்தை தயாரித்தது.
10.02.2022
நீல நிறம்.... சூரிய குடும்பத்தில் உள்ள எட்டாவது, துாரத்தில் உள்ள கோள் நெப்டியூன். சுற்றளவு அடிப்படையில் நான்காவது பெரியகோள். சூரியன் - நெப்டியூன் இடையேயான துாரம் 450 கோடி கி.மீ. இது நீல நிறக்கோள் என அழைக்கப்படுகிறது. இதை 1846 செப்., 23ல் ஜோஹான் காலே, யுர்பெய்ன் லீ வெர்ரீயர் இணைந்து கண்டுபிடித்தனர். இக்கோள் சூரியனை ஒரு முறை சுற்றி வர 164 ஆண்டுகள் எடுத்துக்கொள்கிறது. இது எப்பொழுதும் மைனஸ் 346 டிகிரி வெப்ப நிலையிலேயே உறைந்து இருக்கிறது. இதனால் குளிர்ச்சியான கோள் எனவும் அழைக்கப்படுகிறது. தகவல் சுரங்கம் உலக பயறு வகை தினம் பயறு வகைகளின் முக்கியத்துவம் பற்றி விழிப்புணர்வு ஏற்படுத்தும் விதமாக ஐ.நா., சார்பில் 2019 முதல் பிப்.10ல் உலக பயறு வகை தினம் கடைபிடிக்கப்படுகிறது. தினசரி உணவில் பருப்பு வகை இல்லாமல் சமையல் இல்லை. ஏதாவது ஒரு உணவில் ஒரு வகை பயறு நிச்சயம் இடம் பெறும். தாவரங்களை விட அதிக சத்து நிறைந்தவையாக இவை உள்ளன. புரதச்சத்து அதிகமுள்ளவைகளில் பயறு வகை முக்கிய இடம் வகிக்கின்றன. ஒருவர் தினமும் 85 கிராம் பருப்பை தனது உணவில் சேர்த்து கொள்ள வேண்டும் என உலக சுகாதார நிறுவனம் பரிந்துரைக்கிறது.
11.02.2022
முதல் விண்வெளி பெண் உலகின் முதன்முதலில், குறைந்த வயதில் விண்வெளி சென்றவர் ரஷ்ய விண்வெளி வீராங்கனை வேலன்டினா டிரிஸ்கோவா, 1937ல் பிறந்த இவர் 26 வயதில் 1963 ஜூன் 16ல் வோஸ்டாக் விண்கலம் மூலம் தனி ஒருவராக விண்வெளிக்கு சென்றார். விண்வெளியில் 48 முறை பூமியை சுற்றி வந்தார். மூன்று நாள் விண்வெளியில் தங்கியிருந்தார். இன்ஜினியரிங் முடித்த இவர் துவக்கத்தில் டெக்ஸ்டைல் தொழிற்சாலையில் பணியாற்றினார். பின் ரஷ்ய விமானப்படையில் சேர்ந்தார். விண்வெளி பணியில் இருந்து ஓய்வு பெற்ற பின் அரசியலில் ஈடுபட்டுள்ளார். தகவல் சுரங்கம் அறிவியலில் பெண்கள் அறிவியலில் பெண்களுக்கும் சம வாய்ப்பு வழங்க வலியுறுத்தி ஐ.நா., சார்பில் பிப்.11ல் அறிவியலில் பெண், பெண் குழந்தைகளுக்கான சர்வதேச தினம் கடைபிடிக்கப்படுகிறது. சர்வதேச அளவில் ஒப்புக் கொள்ளப்பட்ட வளர்ச்சி இலக்கை அடைவதற்கு அறிவியல், பாலின சமத்துவம் இரண்டும் முக்கியமானவை. கடந்த சில ஆண்டுகளாக பெண்களை அறிவியல் துறையில் ஊக்குவிப்பதிலும் ஈடுபடுத்துவதிலும் சர்வதேச சமூகம் நிறைய முயற்சி எடுத்தாலும், இன்னும் அறிவியலில் முழுமையாக பங்கேற்பதில் இருந்து பெண்கள் விலகியே உள்ளனர்.
12.02.2022
சுவாசித்தல் எப்படி காற்றில் நைட்ரஜன் 78.08 சதவீதம், ஆக்சிஜன் 20.95 சதவீதம் உள்ளன. தவிர கார்பன்-டை-ஆக்சைடு, ஹீலியம், மீத்தேன், நைட்ரஜன் உள்ளிட்ட சில வாயுக்களும் உள்ளன. இதில் சுவாசிக்கும் காற்று, மூச்சுக்குழாய் வழியே நுரையீரலை அடைகிறது. அங்கு வேதியியல் மாற்றத்தால் ஆக்சிஜன் மட்டும் சிறிதளவு, ரத்தத்திலுள்ள ஹீமோகுளோபினுடன் கலந்து செல்களுக்கு அனுப்பப்படுகிறது. உடலில் எதனுடனும் வினை புரியாத நைட்ரஜன், கார்பன் - டை - ஆக்சைடு போன்றவை வெளியேற்றப்படுகிறது. முக்கு வழியே சுவாசிக்க வேண்டும். வாய் வழி சுவாசிப்பது நல்லதல்ல. தகவல் சுரங்கம் பரிணாமத்தின் துவக்கம் அறிவியல் துறைக்கு சார்லஸ் டார்வினின் பங்களிப்பை கவுரவிக்கும் விதமாகவும், மாணவர்களிடம் அறிவியல் ஆர்வத்தை ஏற்படுத்தவும் டார்வின் பிறந்த தினமான பிப்.11 'டார்வின் தினமாக' கடைபிடிக்கப்படுகிறது. 167 நாடுகளின் 400 விஞ்ஞானிகள் 1909ல் லண்டனின் கேம்ப்ரிட்ஜ் பல்கலையில் சந்தித்தபோது, இத்தினம் உருவாக்கப்பட்டது. இவர் 1809 பிப். 12ல் பிரிட்டனில் பிறந்தார். தன் அறிவியல் கண்டுபிடிப்புகளை 1859ல் 'உயிரினங்களின் தோற்றம்' என்ற நுாலாக வெளியிட்டார். 'குரங்கில் இருந்து பரிணாம வளர்ச்சி பெற்று மனிதன் உருவானான்' என கூறினார். 1882 ஏப். 19ல் மறைந்தார்.
13.02.2022
ரேடியோ தினம் மக்களின் முக்கிய தகவல் தொடர்பு, பொழுதுபோக்கு சாதனமாக விளங்கிய ரேடியோவின் (வானொலி) பங்களிப்பை அங்கீகரிக்கும் விதமாக ஐ.நா., சார்பில் பிப். 13ல் உலக ரேடியோ தினம் கடைபிடிக்கப்படுகிறது. ஜேம்ஸ் கிளார்க் மாக்ஸ்வெல், மைக்கேல் பாரடே எதிரொலி அடிப்படையில் மின்காந்த அலைகளை, ஒலி அலை களாக மாற்றும் கருவியை கண்டறிந்தனர். இவர்களை பின்பற்றி ஹென்றிச் ஹெர்ட்ஸ் மின்காந்த அலைகளை, டிரான்ஸ்மீட்டராக மாற்றினார். பின் இத்தாலியின் குலீல்மோ மார்க்கோனி வானொலியை கண்டுபிடித்தார். இயற்பியலுக்கான நோபல் பரிசு (1909) பெற்றவர். தகவல் சுரங்கம் உலக திருமண தினம் * சுதந்திர போராட்ட வீரர், உ.பி.,யின் முதல் பெண் கவர்னர், 1925ல் காங்., தலைவர், கவிஞர் என பல பெருமைக்குரியவர் சரோஜினி நாயுடு. 1942ல் வெள்ளையனே வெளியேறு போராட்டத்தின் போது, ஆங்கிலேயரால் 21 மாதம் இவர் சிறையில் அடைக்கப் பட்டார். தேச விடுதலை குறித்து பல கவிதை, பாடல் எழுதியுள்ளார். இவர் பிறந்த தினமான பிப்.13ல் தேசிய பெண்கள் தினம் கடைபிடிக்கப்படுகிறது. * கணவன் - மனைவி ஒருவருக்கொருவர் புரிந்துகொண்டு விட்டுக்கொடுத்து ஒற்றுமையுடன் வாழவேண்டும் என வலியுறுத்தி பிப்., இரண்டாவது ஞாயிறு உலக திருமணம் தினம் கொண்டாடப்படுகிறது.
14.02.2022
ஆபத்தில் அமேசான் உலகின் மிகப்பெரிய மழைக்காடு அமேசான். தென் அமெரிக்காவின் பிரேசில் உட்பட 9 நாடுகளில் பரவியுள்ளது. கடந்தாண்டு ஜனவரியுடன் ஒப்பிடுகையில் இந்தாண்டு ஜனவரியில் ஐந்து மடங்கு கூடுதல் பரப்பளவு (430 சதுர கி.மீ., ) காடு அழிக்கப்பட்டுள்ளது என ஆய்வில் தெரிவிக்கப்பட்டு உள்ளது. கடந்த 2015ல் இருந்து கணக்கிடுகையில் 2022 ஜனவரி தான் அதிகம். கடந்தாண்டு நடந்த சர்வதேச பருவநிலை மாநாட்டில் அமேசான் காட்டை பாதுகாக்க வேண்டும் என அமெரிக்கா, ஐரோப்பா உட்பட பெரும்பாலான நாடுகள் ஆதரவு தெரிவித்தன. தகவல் சுரங்கம் காதலர் தினம் இன்று பிப். 14 'காதலர் தினம்'. இது உருவான கதை சுவராஸ்யமானது. 14ம் நுாற்றாண்டில் ரோம் அரசர் 2ம் கிளாடியஸ், இளைஞர்களை ராணுவத்தில் சேர அழைத்தார். இதற்கு வரவேற்பு இல்லாததால் காதல், திருமணத்திற்கு தடை விதித்தார். இதை மீறி பாதிரியார் வேலன்டைன், காதலிக்கும் இளைஞர்களுக்கு ரகசிய திருமணம் செய்து வைத்தார். இதனால் ஆத்திரமடைந்த அரசன் அவருக்கு மரண தண்டனை விதித்தார். அவரது நினைவுநாளையே 'வேலன்டைன் தினமாக' கொண்டாட தொடங்கினர். 20ம் நுாற்றாண்டின் பிற்பகுதியில் வேலன்டைன் தினம் 'காதலர் தினமாக' மாறியது
15.02.2022
குழந்தைக்கு உணவு குழந்தைகள் வளர்ப்பில் பெரிய சவாலாக இருப்பது குழந்தைகளை ஆரோக்கிய உணவை சாப்பிட வைப்பது. இதற்கு முதலில் தாய்மார்கள் அதிகளவில் காய்கறியை உணவில் சேர்க்க வேண்டும். இதுகுறித்து நடத்தப்பட்ட ஆய்வில் தாய்மார்கள் கர்ப்பகாலத்தின் போது அதிகளவில் பச்சை காய்கறி எடுத்துக்கொண்டால் பிரசவத்துக்கு பின், குழந்தையும் காய்கறியை விரும்பி சாப்பிடும் என அமெரிக்கா, பிரான்ஸ் விஞ்ஞானிகள் ஆய்வில் பரிந்துரைக்கப்பட்டுள்ளது. அதே போல பிரசவத்துக்கு பின்பும் தாய்மார்கள் காய்கறி சேர்த்துக்கொள்வதை நிறுத்தக்கூடாது. தகவல் சுரங்கம் சுற்றி வரும் பூமி... பூமி உட்பட அனைத்து கோள்களும், சூரியனைச் சுற்றி வருகின்றன என்ற உண்மையைக் கண்டறிந்து 1616ம் ஆண்டில் உலகிற்கு தெரியப்படுத்தியவர் 'கலிலியோ கலிலி'. ஆனால் அவர் கூறியதை உண்மை என யாரும் அப்போது நம்பவில்லை. பின்னர் கலிலியோவின் கூற்று உண்மைதான் என உலகம் உணர்ந்தது. இத்தாலியில் பிப்.15ல் பிறந்தார். கணிதப் பேராசிரியரான அவர் இயற்பியல், வானவியலில் அதிக ஆர்வம் கொண்டிருந்தார். வானியல் ஆய்வுகளுக்குப் பயன்படுகிற தொலைநோக்கியை (டெலஸ்கோப்) முதன் முதலில் கண்டுபிடித்தார்.
16.02.2022
அலைபேசியில் அதிக நேரம் சில மணி நேரம் கூட அலைபேசி இல்லாமல் இருப்பது பலருக்கு சிரமமாக உள்ளது. உலகில் ஸ்மார்ட்போனை அதிக நேரம் பயன்படுத்துபவர் எண்ணிக்கையில் சீனா முதலிடத்தில் உள்ளது என கனடாவின் மெக்கில் பல்கலை ஆய்வு தெரிவித்துள்ளது. 2014 முதல் 2020 வரை 24 நாடுகளை சேர்ந்த 34,000 பேர் ஆய்வில் பங்கேற்றனர். இதில் 2வது இடத்தில் சவுதி, 3வது இடத்தில் மலேசியா உள்ளன. முன்னணி நாடுகளான பிரிட்டன் 16, அமெரிக்கா 18வது இடத்தில் உள்ளன. இந்தியா 17வது இடத்தில் உள்ளது. 23வது இடத்தில் பிரான்ஸ், கடைசி இடத்தில் ஜெர்மனி உள்ளன. தகவல் சுரங்கம் புவியியல் ஆய்வு மையம் இந்திய புவியியல் ஆய்வு மையம் ஆங்கிலேயர் ஆட்சியில் 1851 மார்ச் 4ல் தொடங்கப்பட்டது. நில அளவை, ஆய்வுகளை மேற்கொள்வதற்காக இது உருவாக்கப்பட்டது. இதன் தலைமையகம் கோல்கட்டா. மத்திய சுங்கத்துறையின் கீழ் செயல்படுகிறது. உலகின் பழமையான ஆய்வு மையங்களில் ஒன்று. இந்தியாவில் புவியியல் தொடர்பான ஆய்வுகளை மேற்கொள்வதோடு, அரசு, தொழில்துறை, மக்களுக்கு அடிப்படை புவி அறிவியல் தகவல்களை வழங்குகிறது. எக்கு, இரும்பு, சிமென்ட், மின்தொழில் குறித்து ஆய்வை அரசு, தனியார் நிறுவனங்களுக்கு வழங்குகிறது.
17.02.2022
நீளமான கடற்கரை...கடலின் அழகை ரசித்துக் கொண்டே கடற்கரை மணலில் நேரம் செலவிடுவது பலருக்கும் பிடித்தமானது. உலகில் நீண்ட கடற்கரையை கொண்ட நாடு கனடா. இங்கு கடற்கரையின் துாரம் 2,02,080 கி.மீ. இரண்டாவது இடத்தில் உள்ள இந்தோனேஷியாவில் 54,716 கி.மீ. துார கடற்கரை உள்ளது. இங்கு 18,307 தீவுகள் உள்ளன. 3வது இடத்தில் கிரீன்லாந்து (44,087 கி.மீ., ) உள்ளது. அடுத்தடுத்த இடங்களில் ரஷ்யா (37,633 கி.மீ.,), பிலிப்பைன்ஸ் (36,289 கி.மீ., ), ஜப்பான் (29,751 கி.மீ., ) , ஆஸ்திரேலியா (25,760 கி.மீ., ) உள்ளன. இதில் இந்தியா (7516 கி.மீ., ) 20வது இடத்தில் உள்ளது. தகவல் சுரங்கம் முதல் வீராங்கனைஆங்கிலக் கால்வாயை நீந்திக்கடந்த முதல் ஆசிய பெண் என்ற சாதனை படைத்தவர் இந்தியாவின் ஆரதி குப்தா. மேற்கு வங்கத்தில் 1940 செப். 24ல் பிறந்தார். நான்கு வயதில் இருந்தே நீச்சல் பயிற்சியை தொடங்கினார். கங்கை ஆற்றில் நீச்சல் பயிற்சி மேற்கொண்டார். 1952 ஒலிம்பிக் போட்டியில் பங்கேற்றார். 1959 செப். 29ல் ஆங்கிலக் கால்வாயை 16 மணி நேரம் 20 நிமிடத்தில் நீந்திக் கடந்தார். இவரது சாதனையை அங்கீகரிக்கும் விதமாக 1960ல் மத்திய அரசின் பத்ம ஸ்ரீ விருது பெற்றார். இவரே இவ்விருதை பெற்ற முதல் விளையாட்டு வீராங்கனை. --
18.02.2022
ஆறுகளில் மாசு உலகளவில் ஆறுகளில் கலக்கப்படும் மருந்து பொருட்களால் பூமியின் சுற்றுச்சூழல், மக்களின் சுகாதாரத்துக்கு ஆபத்து ஏற்பட்டுள்ளது என இங்கிலாந்தின் யார்க் பல்கலை ஆய்வு தெரிவித்து உள்ளது. இதற்காக 100 நாடுகளில் 1000 இடங்களில் நீரில் இருந்து மாதிரி சேகரிக்கப்பட்டன. இதில் நீரிழிவு, வலிப்பு நோய் பாதிப்புக்கான மருந்துகள், நிகோடின் போன்ற மருத்துவ கழிவுகள் கண்டெடுக்கப்பட்டன. இதில் பாகிஸ்தான், பொலிவியா, எத்தியோப்பியா ஆறுகள் மிக மோசமாக பாதிக்கப்பட்டுள்ளது. ஐஸ்லாந்து, நார்வே ஆறுகள் சுத்தமாக உள்ளன. தகவல் சுரங்கம் கரும்பின் வரலாறு சர்க்கரைக்கான மூலப் பொருள் கரும்பு. அறிவியல் பெயர் 'ஆபிசினேரம்'. இது 'கிராமினோ' தாவரக்குடும்பத்தை சேர்ந்தது. உலகளவில் கரும்பு பயிரிடப்படுகிறது. ஆனால் இது இந்தியாவில் தான் முதலில் பயிரிடப்பட்டது. இந்தியாவில் வேளாண்மை சாகுபடி பயிர்களில் கரும்பு இரண்டாவது இடத்தில் உள்ளது. தமிழகத்தில் விழுப்புரம், கடலுார், திருவண்ணாமலை, தஞ்சாவூர் மாவட்டங்களில் அதிகளவில் பயிரிடப்படுகிறது. இதில் பல்வேறு ரகங்கள் உள்ளன. இது 6 - 20 அடி உயரம் வளரும். நாட்டின் பொருளாதாரத்திலும் முக்கிய பங்கு வகிக்கிறது.
19.02.2022
பாதி கடல்... பாதி நிலம் பென்குயின் பறக்க முடியாத பறவை இனத்தை சேர்ந்தது. இதன் உயரம் சராசரியாக 3 அடி, 7 இன்ச். எடை 35 கிலோ இருக்கும். தென் அரைக்கோளம் பகுதியில் மட்டும் காணப்படுகிறது. மீன் உட்பட கடல்வாழ் உயிரினங்களை உண்டு வாழ்கின்றன. மணிக்கு 6 முதல் 9 கி.மீ., வேகத்தில் நீந்தும். உப்புதன்மையுள்ள கடல்நீரையும் குடித்து வாழும். மிகச்சிறப்பான செவி உணர்வை கொண்டவை. இதனால் கடலின் மேற்புறத்தில் அதிக துாரம் பார்க்க முடியாது. பென்குயின் வாழ்க்கையில் பாதி காலம் நிலத்திலும், பாதி காலம் கடலிலும் வாழும். தகவல் சுரங்கம் ஆயிரம் ஏரிகளின் நாடு ஐரோப்பிய நாடான பின்லாந்து 'ஆயிரம் ஏரிகள் கொண்ட நாடு' என அழைக்கப்படுகிறது. இங்கு எண்ணற்ற ஏரிகள் உள்ளதால் இதற்கு இப்பெயர் வந்தது. 10 ஆயிரம் ஆண்டுகளுக்கு முன் வெப்ப நிலை உயர்ந்ததால் இங்கிருந்த பனிப்பாறைகள் உருகி இந்த ஏரிகள் உருவாகின. இங்கு 1.87 லட்சம் ஏரிகள் உள்ளன. 26 பேருக்கு ஒரு ஏரி என்ற வகையில் உள்ளது. மொத்த நிலப்பகுதியில் 10 சதவீதம் ஏரிகள் சூழ்ந்துள்ளது. மூன்றில் ஒரு பகுதி வனப்பகுதியாக உள்ளது. இதனால் இந்நாடு இயற்கை வளம் மிகுந்த நாடாக திகழ்கிறது.
20.02.2022
மன அழுத்த பாதிப்பு கொரோனா பாதித்து குணமடைந்தவர்கள் மன அழுத்தம், பதட்டம், துாக்க பிரச்னை, மருந்துகளை தவறாக பயன்படுத்துதல் உள்ளிட்ட பாதிப்புக்கு உள்ளாவதற்கு 40 சதவீத வாய்ப்புகள் உள்ளன என அமெரிக்காவின் லுாயிஸ் பல்கலை ஆய்வில் தெரிவிக்கப்பட்டுள்ளது. கொரோனா பாதித்த 60 வயதுக்கு மேற்பட்ட 1.50 லட்சம் பேர் ஆய்வுக்கு உட்படுத்தப்பட்டனர். இதில் பெரும்பாலானோர் ஆண்கள். 45 சதவீதம் பேர் உடல்பருமன் மிக்கவர்கள். இதே பிரிவை சேர்ந்த கொரோனா பாதிக்காதவர்களுடன் ஒப்பிடுகையில் இவர்களுக்கு இப்பாதிப்பு இருப்பது கண்டறியப்பட்டது. தகவல் சுரங்கம் உலக சமூகநீதி தினம் உலகில் மக்கள் அனைவருக்கும் கல்வி, வேலைவாய்ப்பு, சுகாதாரம் உணவு, பொருளாதாரம், பாலினம், மொழி உட்பட எவ்வித பாகுபாடும் இல்லாமல் ஒரே சமூகமாக மகிழ்வுடன் வாழ வேண்டும் என்பதை வலியுறுத்தி ஐ.நா., சார்பில் பிப்.20ல் உலக சமூகநீதி தினம் கடைபிடிக்கப் படுகிறது. 2007ல் இத்தினம் உருவாக்கப்பட்டது. 'முறையான வேலைவாய்ப்பு மூலம் சமூக நீதியை நிலைநாட்டுவோம்' என்பது இந்தாண்டு மையக்கருத்து. சமூக வளர்ச்சிக்கு 'சமூக நீதி' மிக அவசியம். மக்களிடையே வறுமை, வேலைவாய்ப்பின்மையை போக்கவும் இத்தினம் வலியுறுத்துகிறது.
21.02.2022
செயற்கை ஏரிராஜஸ்தானின் உதயர்பூர் மாவட்டத்தில் உள்ள தெபர் அல்லது ஜெய்சமந்த் ஏரி, இந்தியாவின் பெரிய, உலகளவில் இரண்டாவது பெரிய செயற்கை ஏரி என அழைக்கப்படுகிறது. இதை 1685ல் ஜெய் சிங் என்பவர் அமைத்தார். இதன் நீளம் 14 கி.மீ. நீர்ப்பிடிப்பு பரப்பளவு 87 சதுர கி.மீ. அதிகபட்ச ஆழம் 101 அடி கொண்டது. இந்த ஏரியில் 10 முதல் 40 ஏக்கர் பரப்பளவிலான மூன்று தீவுகளும் உள்ளன. 'கோமதி' என்ற சிறிய ஆற்றின் குறுக்கே இந்த ஏரி அமைக்கப்பட்டுள்ளது. இந்த ஏரியை சுற்றி ஜெய்சமந்த் வனவிலங்கு சரணாலயம் அமைந்துள்ளது. தகவல் சுரங்கம் உலக தாய்மொழி தினம்ஒருவருக்கொருவர் தொடர்பு கொள்ள இணைப்பு பாலமாக விளங்குவது மொழி. இது சமூக ஒருங்கிணைப்பு, கல்வி, வளர்ச்சிக்கு முக்கியமானதாக விளங்குகிறது. தாய்மொழியின் தனித்தன்மை, பண்பாட்டை பாதுகாக்கும் நோக்கில் ஐ.நா., சார்பில் பிப்., 21ல் உலக தாய்மொழி தினம் கடைபிடிக்கப்படுகிறது. கிழக்கு பாகிஸ்தானில் (தற்போது வங்கதேசம்) 1952ல் உருது மொழிக்குப் பதிலாக வங்க மொழியை ஆட்சி மொழியாக்க வேண்டும் என போராடியதால் உயிரிழந்த தாகா பல்கலை மாணவர்கள் நினைவாக 'யுனஸ்கோ' 1999ல் இத்தினத்தை உருவாக்கியது.
22.02.2022
பச்சை காய்கறியின் பலன் அதிக காய்கறி எடுத்துக்கொள்வது இருதய பாதிப்பை தடுக்க உதவாது என பிரிட்டனின் ஆக்ஸ்போர்டு பல்கலை ஆய்வில் தெரிவிக்கப்பட்டுள்ளது. பிரிட்டனில் 4 லட்சம் பேரின் இருதய செயல்பாடு பற்றி 12 ஆண்டுகள் ஆய்வு நடத்தப்பட்டது. இதில் 18 ஆயிரம் பேருக்கு இருதய பாதிப்பு, பக்கவாதம் இருந்தது. அதிக காய்கறி சாப்பிடுவது இருதய பாதிப்பை தடுக்க உதவவில்லை என கண்டறிந்தனர். குறைவாக காய்கறி எடுப்பவர்களுடன் ஒப்பிடுகையில் சமைக்காத பச்சை காய்கறி அதிகம் சாப்பிடுபவர்களுக்கு இருதய பாதிப்பு வாய்ப்பில் 15 சதவீதம் குறைவு என தெரிவிக்கப்பட்டுள்ளது. தகவல் சுரங்கம் மரத்தில் உயர்ந்த ரகம் மர வகையில் உயர்ந்த ரகம் தேக்கு. இதனால் வீடுகளுக்கு தேக்கு மர பலகையில் செய்த கதவு, ஜன்னல் வேண்டும் என விரும்புகின்றனர். இது வெப்ப மண்டல காலநிலையில் வளரும் தன்மை கொண்டது. இது இந்தியா உட்பட தென்கிழக்கு ஆசிய நாடுகளில் பரவலாக காணப்படுகிறது. உலகில் தேக்கு மர எண்ணிக்கையில், அதிகபட்சமாக மூன்றில் ஒரு பங்கு மியான்மர் நாட்டில் உள்ளது. இது 131 அடி உயரம் வளரும். ஆயுட்காலம் 100 ஆண்டுகளை தாண்டியும் நிலைத்திருக்கும். வீடுகள், கப்பல் கட்டுதல், தளவாடங்கள் உற்பத்தி என பல வழிகளில் பயன்படுகிறது.
23.02.2022
முதல் சொகுசு கார் உலகின் முதல் சொகுசு விளையாட்டு கார் (ஹோவர்கிராப்ட்) பிரிட்டனில் அறிமுகப்படுத்தப் பட்டுள்ளது. இதன் விலை ரூ. 74 லட்சம். இது நீரில் மணிக்கு 96 கி.மீ., வேகத்திலும், நிலத்தில் மணிக்கு 50 கி.மீ., வேகத்தில் செல்லும். ஏற்கனவே நிலம், நீர், மணல் பகுதியில் செல்லும் 'ேஹாவர்கிராப்ட்' வாகனங்கள் அறிமுகப்படுத்தப்பட்டாலும், தற்போது இது மின்சாரத்தில் இயங்கும் வகையில் தயாரிக்கப்பட்டுள்ளது. இதிலுள்ள லித்தியம் அயன் பேட்டரி மூலம் ஒருமுறை சார்ஜ் செய்தால் 64 கி.மீ., வேகத்தில் தொடர்ந்து 193 கி.மீ., துாரம் செல்லும். தகவல் சுரங்கம் ஆசியாவில் வளர்ச்சி ஆசியாவில் சமூக, பொருளாதார வளர்ச்சியை ஏற்படுத்துதல், கடன்கள், தொழில்நுட்ப உதவி, மானியங்கள், பங்கு முதலீடுகளை வழங்குவதன் மூலம் அதன் உறுப்பு நாடுகளுக்கு ஆசிய வளர்ச்சி வங்கி உதவுகிறது. ஆசிய வளர்ச்சி வங்கி 1966 டிச. 19ல் தொடங்கப்பட்டது. இதன் தலைமையகம் பிலிப்பைன்சின் மணிலா நகரில் உள்ளது. தவிர ஆசியாவில் 42 இடங்களில் கிளை அலுவலகமும் உள்ளது. 61 நாடுகள் இதன் உறுப்பினர்களாக உள்ளனர். இதில் 3092 பேர் பணியாற்றுகின்றனர். இதன் தற்போதைய தலைவராக மசாட்சுகு அசாகவா உள்ளார்.
24.02.2022
மத்திய கலால் வரி தினம் நம் நாட்டுக்குள் தயாரிக்கப்படும் பொருட்கள், உற்பத்தியின் மீது விதிக்கப்படுவது கலால் வரி. தயாரிக்கப்பட்ட நிலையில் உள்ள பொருட்கள் தொழிற்சாலையில் இருந்து வெளியேறும் போது, பொருளின் தயாரிப்பாளரால் இந்த வரி செலுத்தப்படும். கலால் வரி விதிப்பை மேற்கொள்ள, கலால் வரித்துறை ஊழியர்களை ஊக்குவிக்கும் விதமாக பிப்.24ல் தேசிய கலால் வரி தினம் கடைபிடிக்கப்படுகிறது. 1944 பிப்.24ல் மத்திய கலால் மற்றும் உப்பு வரி சட்டம் உருவாக்கப்பட்டது. இது 1966ல் மத்திய கலால் வரி சட்டம் என பெயர் மாற்றப்பட்டது. தகவல் சுரங்கம் பெண் குழந்தை பாதுகாப்பு பெண் குழந்தைகள் நலனுக்கு முன்னாள் முதல்வர் ஜெயலலிதா ஆற்றிய சேவையை நினைவு கூறும் வகையில் அவரது பிறந்த தினமான பிப்.24ல் பெண் குழந்தை பாதுகாப்பு தினமாக தமிழக அரசால் கடைபிடிக்கப்படுகிறது. கர்நாடகாவின் மைசூரில் 1948 பிப்.24ல் பிறந்தார். இளம் வயதில் பரத நாட்டியம், கர்நாடக இசையில் பயிற்சி பெற்றார்; சென்னையில் பள்ளி படிப்பை முடித்தார். குடும்ப சூழல் இவரை சினிமாவில் நுழைத்தது. தன் திறமையால் 17 ஆண்டுகள் சினிமாவில் கோலோச்சினார். அரசியலிலும் சாதித்த இவர் ஆறு முறை தமிழக முதல்வராக பதவி வகித்தார்.
25.02.2022
நீளமான கடற்கரை உலகின் பல்வேறு நாடுகளும் கடற்கரையை கொண்டுள்ளது. உலகில் நீண்ட கடற்கரையை கொண்ட நாடு கனடா. இங்கு கடற்கரையின் மொத்த துாரம் 2,02,080 கி.மீ. இரண்டாவது இடத்தில் இந்தோனேஷியா உள்ளது. துாரம் 54,716 கி.மீ. இந்நாட்டில் 18,307 தீவுகள் உள்ளன. மூன்றாவது இடத்தில் கிரீன்லாந்து (44,087 கி.மீ.,) உள்ளது. அடுத்தடுத்த இடங்களில் ரஷ்யா (37,633 கி.மீ.,), பிலிப்பைன்ஸ் (36,289 கி.மீ., ), ஜப்பான் (29,751 கி.மீ., ) , ஆஸ்திரேலியா (25,760 கி.மீ.,) உள்ளன. இப்பட்டியலில் இந்தியா (7516 கி.மீ.,) 20வது இடத்தில் உள்ளது. தகவல் சுரங்கம் நீண்ட நாள் அடைகாக்கும் பறவை பறவைகளில் பல இனங்கள் உள்ளன. 'அல்ப்ட்ராஸ்' என்ற கடல் பறவை, வட பசிபிக் மற்றும் தெற்குமுனை கடலில் காணப்படுகின்றன. இவை வெள்ளை நிற கழுத்தும், பெரிய அலகும் கொண்டவை. இதன் இறக்கைகள் 12 அடி வரை விரிக்கும் திறன் பெற்றது. இது இரண்டு ஆண்டுகளுக்கு ஒருமுறை முட்டையிட்டு, அதிகபட்சமாக 70 நாட்கள் வரை அடைகாக்கிறது. அதிக நாட்கள் அடைகாக்கும் பறவை களில் இதுவும் ஒன்று. இவை வானில் நீண்ட நேரம், இறக்கையை அடிக்காமலே மிதந்து கொண்டிருக்கும். இப்பறவையினத்தில் 21 வகைகள் உள்ளன. --
26.02.2022
வெயிலும் மழையும் கடல், ஏரி, ஆறுகளில் இருக்கும் நீர், வெப்பம் காரணமாக நீராவி நிலைக்கு மாறி, காற்றில் கலந்து மேகங்களை உருவாக்குகின்றன. இந்த நீரே மழையாகப் பெய்கிறது. இது நீர்ச் சுழற்சி என அழைக்கப்படுகிறது. பகலில் சூரியன் இருக்கும்வரை வெயில் இருக்கும். ஒருவேளை அடர்ந்த மேகம் இடையில் வந்துவிட்டால், அங்கு வெயில் குறையும். அதாவது, மறைக்கப்பட்ட வெயில் மேகத்தின் மீது படர்கிறது. மேகம் தொடர்ச்சியாக படர்ந்து இல்லாமல், இடைவெளி இருந்தால், அதன் வழியாக வெயில் பூமியில் விழும். அச்சமயத்தில் மழையும் வெயிலும் ஒரே சமயத்தில் வரலாம். தகவல் சுரங்கம் 'இரு வாய்' பறவை தென்னிந்தியாவின் மேற்குத் தொடர்ச்சி மலையில் காணப்படும் அரிய வகைப் பறவை இனம் 'இருவாய்ச்சி பறவை' (ஹார்ன்பில்). இதன் அலகுக்கு மேலே உள்ள 'காஸ்க்' என்ற கொண்டை அமைப்பு, பார்ப்பதற்கு இரு வாய் இருப்பதைப் போல தெரியும். கேரளாவின் மாநிலப் பறவை 'இருவாய்ச்சி'. முன்பு இப்பறவை மேற்குத் தொடர்ச்சி மலைக்காடு முழுவதும் பரவி இருந்தது. காடுகள் அழிப்பு, சுற்றுலாப் பகுதிகளாக மாற்றப்படுதலால் தற்போது இது அழிவின் விளிம்பில் இருக்கும் உயிரினங்கள் பட்டியலில் இடம்பெற்றுள்ளது. இதில் 54 வகை உள்ளது.
27.02.2022
கண்டங்கள் நகருமா... நீரால் சூழப்பட்ட, உடைபடாத பெரும் நிலப்பரப்பு தான் கண்டம். இவற்றை இணைக்கும் பாலங்களாக நிலப்பரப்புகள் காணப்படுகின்றன. பூமி ஏழு கண்டங்களாக பிரிக்கப்பட்டு உள்ளது. உலகில் உள்ள கண்டங்கள் எல்லாம் பல்வேறு திசையில் நகர்ந்தன, நகர்கின்றன, எதிர்காலத்திலும் நகரும். ஆனால் அவை நகரும் வேகம் வெகு குறைவு என்பதால் நம்மால் அவற்றை எளிதில் உணர முடிவதில்லை. அவ்வாறு நகரும் கண்டங்கள் மோதிக்கொள்வதும் ஒன்றையொன்று உரசிக்கொள்வதன் காரணமாகவே எரிமலைகள், பூகம்பங்கள் ஏற்படுகின்றன. தகவல் சுரங்கம் உலக தொண்டு நிறுவன தினம் அரசு சாரா தொண்டு நிறுவனங்களின் (என்.ஜி.ஓ.,) பணிகளை பாராட்டும் வகையில், அவை நேர்மையாக செயல்பட வேண்டும் என வலியுறுத்தியும் பிப்.27ல் உலக தொண்டு நிறுவன தினம் உலகில் 89 நாடுகளில் கடைபிடிக்கப்படுகிறது. சுற்றுச்சூழல், மனித உரிமை, கல்வி, குழந்தைகள் நலன், சமூக சேவை உட்பட பல்வேறு துறைகளில் என்.ஜி.ஓ., ஈடுபடுகிறது. இது தவிர போர் பாதிப்பு, தொற்றுநோய் காலங்களில் இவர்களது பணி மகத்தானது. உலகளவில் 1 கோடி என்.ஜி.ஓ.,க்களும், இந்தியாவில் 30 லட்சம் என்.ஜி.ஓ.,க்களும் செயல்படுகின்றன
06.03.2022
எத்தனை முறை சுவாசம்காற்றில் நைட்ரஜன் 78.08%, ஆக்சிஜன் 20.95% உள்ளன. தவிர கார்பன்- டை -ஆக்சைடு, ஹீலியம், மீத்தேன், நைட்ரஜன் உள்ளிட்ட சில வாயுக்களும் உள்ளன. நாம் மூக்கு வழியே சுவாசிக்கும் காற்று மூச்சுக் குழாய் வழியே நுரையீரலை அடைகிறது. அங்கு வேதியியல் மாற்றத்தால் ஆக்சிஜன் மட்டும் சிறிதளவு ரத்தத்திலுள்ள ஹீமோகுளோபினுடன் கலந்து உடல் செல்களுக்கு அனுப்பப்படுகிறது. உடலில் எதனுடனும் வினைபுரியாத நைட்ரஜன், கார்பன் - டை - ஆக்சைடு போன்றவை வெளியேற்றப்படுகிறது. சராசரியாக ஒரு நிமிடத்துக்கு 12-18 முறை சுவாசிக்கிறோம்.தகவல் சுரங்கம் முதல் துணை ராணுவப்படைஇந்திய துணை ராணுவப்படைகளில் மிக பழமையானது அசாம் ரைபிள்ஸ். இது 1835ல் ஆங்கிலேயரால் 'சச்சார் லெவி' என்ற பெயரால் உருவாக்கப்பட்டது. பின் பல்வேறு பெயர் மாற்றங்களுக்குப்பின் 1917ல் 'அசாம் ரைபிள்ஸ்' என பெயரிடப்பட்டது. இதன் தலைமையகம் ஷில்லாங். முதல் உலகப்போரில் ஐரோப்பா, மத்திய கிழக்கு பகுதிகளிலும், இரண்டாம் உலகப்போரில் பர்மாவிலும் பணியாற்றியது. இப்படையில் 65,143 வீரர்கள் உள்ளனர். இப்படையினர் தற்போது இந்தியா - மியான்மர் எல்லையில் பாதுகாப்பு பணியில் ஈடுபட்டுள்ளனர்.
07.03.2022
பெரிய அணுமின் நிலையம் ஜப்பானில் உள்ள காஷிவாஜகி - காரிவா அணுமின் நிலையம் தான் உலகின் பெரிய அணுமின் நிலையம். இது 1985 செப். 18ல் உருவாக்கப்பட்டது. இதில் ஏழு அணு உலைகள் உள்ளன. மொத்தம் 7965 மெகாவாட் மின்சாரம் உற்பத்தி செய்யப்படுகிறது. டோக்கியோ மின்சார நிறுவனம் இதனை நிர்வகிக்கிறது. இப்பட்டியலில் அடுத்தடுத்த இடங்களில் தென்கொரியாவின் கோரி அணுமின் நிலையம் (7489 மெகாவாட்), கனடாவில் புரூஸ் அணுமின் நிலையம் (6430 மெகாவாட்), சீனாவின் டியன்வான் அணுமின் நிலையம் (6070 மெகாவாட்) உள்ளன. தகவல் சுரங்கம் நேட்டோ படை இரண்டாம் உலகப்போருக்குப்பின் 1949 ஏப். 4ல் வட அட்லாண்டிக் ஒப்பந்தம் கையெழுத்தானதை தொடர்ந்து நேட்டோ அமைப்பு உருவாக்கப்பட்டது. இதில் 2 வட அமெரிக்க நாடு, 28 ஐரோப்பிய நாடு என மொத்தம் 30 நாடுகள் உறுப்பினராக உள்ளன. இது துவக்கத்தில் அரசியல் கூட்டணியாக செயல்பட்டாலும், பின் ராணுவக் கூட்டணியாக மாறியது. இதில் அங்கம் வகிக்கும் நாடுகளில், ஏதாவது ஒரு நாட்டுக்கு போர் பாதிப்பு ஏற்பட்டால், நேட்டோவில் உள்ள அனைத்து நாடுகளின் படைகள் அந்நாட்டுக்கு ஆதரவாக களமிறங்கும். இதன் தலைமையகம் பெல்ஜியத்தின் பிரஸ்ஸல்ஸ்.
28.02.2022
உள்ளங்கை ரகசியம் நமது உடலில் உள்ளங்கை, உள்ளங்கால் பகுதி மட்டும் வெளுப்பாக இருக்கிறது. இதற்கு காரணம் உள்ளது. தோலில் உள்ள மெலனோசைட் எனும் நிறமி செல்கள் ஏற்படுத்தும் நிறமி காரணமாகவே தோல் கறுமை அடைகிறது. தோலுக்கு ஆபத்து ஏற்படுத்தும் சூரியனின் புற ஊதாக்கதிர்களை உறிஞ்சிப் பாதுகாப்பதே இந்த மெலனின் எனும் நிறமி வேதிப்பொருளின் பணி. நமது உள்ளங்கை, உள்ளங்கால்களில் மெலனோசைட் செறிவு ஐந்தில் ஒரு பங்காகவே உள்ளது. எனவே ஒப்பீட்டளவில் இவை வெளுப்பாக இருக்கிறது. தகவல் சுரங்கம் தேசிய அறிவியல் தினம் அறிவியலின் வியத்தகு கண்டுபிடிப்புகளால் தான் உலகம் பல துறைகளிலும் முன்னேறியுள்ளது. தமிழக விஞ்ஞானி சி.வி.ராமன் ஒருமுறை கப்பலில் பிரிட்டனில் இருந்து இந்தியா திரும்பிக்கொண்டிருந்த போது, 'கடல் ஏன் நீல நிறமாக இருக்கிறது' என யோசித்தார். இக்கேள்விக்கு விடை தேடி ஆராய்ந்து “ராமன் விளைவு' என்ற ஒளி சிதறல் நிகழ்வை 1928 பிப்., 28ல் கண்டுபிடித்தார். இதற்கு நோபல் பரிசும் கிடைத்தது. இந்த நாளே தேசிய அறிவியல் தினமாக கடைபிடிக்கப்படுகிறது. மாணவர்களிடம் அறிவியல் ஆர்வத்தை ஏற்படுத்துவதே இதன் முக்கிய நோக்கம்.
01.03.2022
இயற்கை சமநிலை வெயில்காலத்தில் பனிப்பாறைகள் உருகுவதால் வடமாநில நதிகள் வற்றாத ஜீவ நதிகளாக உள்ளன. ஆர்டிக், அண்டார்டிகாவிற்கு வெளியே உள்ள பனி ஆறுகளில் பெரிய பனி ஆறு சியாசின். இதன் நீளம் 72 கி.மீ. காஷ்மீரில் சியாசின் தவிர பயாபோ, ஹிஸ்பூர், நுப்ரா, பால்ட்ரோயா போன்ற பனி ஆறுகள் உள்ளன. இவை கோடையில் உருகும் போது அதனை ஈடுகட்ட புதிய பனிக்கட்டிகள் தோன்றுகின்றன. கோடையில் உருகும் பனி ஆறு குளிர்காலத்தில் மீண்டும் பழைய நிலையை அடைகிறது. பனி ஆறுகள் ஏற்படுத்தும் இயற்கைச் சமநிலை வடமாநிலங்களை காக்கிறது. தகவல் சுரங்கம் உலக பாகுபாடு ஒழிப்பு தினம் ஒரு முழுமையான பயனுள்ள வாழ்க்கையை வாழ அனைவருக்கும் உரிமை உள்ளது. உலகில் அனைத்து மக்களுக்கும் பாகுபடின்றி அவர்களுக்கான உரிமைகள் கிடைக்க வலியுறுத்தி ஐ.நா., சார்பில் மார்ச் 1ல் உலக பாகுபாடு ஒழிப்பு தினம் கடைபிடிக்கப்படுகிறது. சட்டத்தின் முன் அனைவரும் சமம். யாரையும் எதற்காகவும் புறக்கணிக்கக்கூடாது என்ற நிலையை உருவாக்க வேண்டும் என இத்தினம் வலியுறுத்துகிறது. 'தீங்கு விளைவிக்கும் சட்டங்களை அகற்றவும் அதிகாரம் அளிக்கும் சட்டங்களை உருவாக்கவும்' என்பது இந்தாண்டு மையக்கருத்து.
02.03.2022
முதல் அறிவியல் மியூசியம்மத்திய கலாசார அமைச்சகத்தின் கீழ் செயல்படும், தேசிய அறிவியல் மையம் டில்லியில் உள்ளது. அறிவியல் மியூசியமாகவும் செயல்படுகிறது. 1992ல் தொடங்கப்பட்டது. இது 'நேஷனல் கவுன்சில் ஆப் சயின்ஸ் மியூசியம்' என்பதின் அங்கமாக செயல்படுகிறது. இதன்கீழ் தொடங்கப்பட்ட முதல் அறிவியல் மியூசியம் இதுவாகும். இங்கு அறிவியல், கட்டடக்கலை, வரலாறு என 3 பிரிவு உள்ளது. இங்கு மனித உயிரியல், டைனோசர், விளையாட்டு அறிவியல், புராதன இந்திய அறிவியல் பிரிவுகளில் பொருட்கள் காட்சிக்கு வைக்கப்பட்டுள்ளன. தகவல் சுரங்கம் மனித உரிமை கவுன்சில்உலகில் நடக்கும் மனித உரிமை மீறல்களை தடுக்கும் நோக்கத்தில் 2006ல், ஐ.நா., மனித உரிமை கவுன்சில் (யு.என்.எச்.ஆர்.சி.,) உருவாக்கப்பட்டது. இதன் தலைமையகம் ஜெனிவா. இதற்கு ஒரு தலைவர் மற்றும் 4 துணை தலைவர்கள் உள்ளனர். தவிர 47 உறுப்பினர்கள் (ஆப்பிரிக்காவில் 13, ஆசியாவில் 13, லத்தீன் அமெரிக்காவில் 8, மேற்கு ஐரோப்பாவில் 7, கிழக்கு ஐரோப்பாவில் 6) உள்ளனர். இவர்களின் பதவிக்காலம் 3 ஆண்டுகள். ஒரு உறுப்பினர் இருமுறை மட்டுமே இப்பதவியில் நீடிக்க முடியும். இந்த கவுன்சிலில் 193 நாடுகள் உறுப்பினராக உள்ளன.
03.03.2022
நிலநடுக்கங்களின் மையம் ஜப்பானில் தொடங்கி அமெரிக்காவின் கலிபோர்னியா வரை உள்ள பசிபிக் தட்டு பகுதி, புவியியலில் பசிபிக் நெருப்பு வளையம் (ரிங் ஆப் பயர்) எனப்படுகிறது. இப்பகுதியில் 452 எரிமலைகள் உள்ளன. உலகிலுள்ள எரியும் எரிமலைகளில் 75 சதவீதம் இங்குதான் உள்ளன. எனவே இது 'நெருப்பு வளையம்' என அழைக்கப்படுகிறது. மேலும் உலகிலேயே அதிகளவு நிலநடுக்கம் ஏற்படும் பகுதியாகவும் உள்ளது. இங்கு 90 சதவீத பகுதி நிலநடுக்கம் ஏற்படுபவை. மேலும் உலகின் பெரிய நிலநடுக்கங்களில் 80 சதவீதம் இங்குதான் ஏற்படுகிறது. தகவல் சுரங்கம் வனவிலங்கு தினம் அழிந்து வரும் வன விலங்குகளை பாதுகாக்க, இயற்கை சமநிலை மாறுபடாமல் இருக்க விழிப்புணர்வு ஏற்படுத்தும் விதமாக ஐ.நா., சார்பில் 2013 முதல் மார்ச் 3ல் உலக வனவிலங்கு தினம் கடைபிடிக்கப்படுகிறது. 'சுற்றுச்சூழல் மறுசீரமைப்புக்கான முக்கிய உயிரினங்களை மீட்பது' இந்தாண்டு மையக்கருத்து. சட்ட விரோதமாக பல்லுயிர் உயிரினங்கள் வேட்டையாடப் படுவது தடுக்கப்பட வேண்டும். சமூக, பொருளாதார, அறிவியல் கல்வி, சுற்றுச்சூழல், மரபணு உட்பட மனிதனின் வளர்ச்சிக்கு வன உயிரினங்கள், தாவரங்கள் முக்கிய பங்கு வகிக்கின்றன.
04.03.2022
முகம் அழகு பெற...அன்னாசிப்பழத்தில் உடலுக்குத் தேவையான பல்வேறு சத்துக்கள் உள்ளன. வைட்டமின் ஏ, பி, சி சத்துகள் நிறைந்துள்ளன. இப்பழத்தைத் தொடர்ந்து சாப்பிட்டு வந்தால், தொப்பை குறையும் வாய்ப்பு உள்ளது. முகம் பொலிவு பெறுவதற்கு அன்னாசி உதவுகிறது. நார்ச்சத்து, புரதச்சத்து, இரும்புச் சத்துக்களை கொண்ட இப்பழம் ஜீரண சக்தியை அதிகரிக்கும். உடலில் ரத்தத்தை விருத்தி செய்கிறது. உடலுக்கு பலத்தை தருகிறது. ரத்தசோகை பிரச்னையை போக்குவதற்கும் பயன்படுகிறது. இருதய நோய் பாதிப்பில் இருந்தும் பாதுகாக்கிறது.தகவல் சுரங்கம் தேசிய பாதுகாப்பு தினம்நிதி, வருவாய் இழப்பு, சுகாதார பிரச்னை உட்பட மக்கள் சந்திக்கும் பல்வேறு பிரச்னைகளில் இருந்து பாதுகாப்பாக இருப்பது பற்றி விழிப்புணர்வு ஏற்படுத்தும் விதமாக மார்ச் 4ல் தேசிய பாதுகாப்பு கவுன்சிலால் தேசிய பாதுகாப்பு தினம் கடைபிடிக்கப் படுகிறது. விபத்து, தொழில்சார் நோய்கள் தேசிய பொருளாதாரத்தில் சரிவை ஏற்படுத்துகிறது. அவை மரணம், உடல் குறைபாடு, பொருள் சேதம், சுற்றுப்புறச் சூழல் என சமூக சூழலில் பாதிப்பை ஏற்படுத்துகிறது. இதிலிருந்து மக்களை பாதுகாக்கும் விதமாக இத்தினம் கடைபிடிக்கப்படுகிறது. --
05.03.2022
கானல் நீர் ரகசியம்வெயில் அதிகமாக உள்ள காலத்தில் சாலைகளில் செல்லும் போது துாரத்தில் நீர் இருப்பதை போல தோன்றும். ஆனால் அருகில் சென்றால் நீர் இருக்காது. இது 'கானல் நீர்' என அழைக்கப்படுகிறது. வெயில் காலத்தில் தரையின் அருகே வெப்பம் அதிகமாகி காற்றின் அடர்த்தி குறைவாக இருக்கும். அதே சமயம் மேலே உள்ள காற்று ஒப்பீட்டளவில் வெப்பம் குறைந்து அடர்த்தி கூடுதலாக இருக்கும். எனவே இந்தக் காற்று அடுக்குகள் வழியே ஒளிக்கதிர்கள் வரும்போது அவை வளைந்து கானல் நீர் போன்ற தோற்ற மயக்கத்தை ஏற்படுத்துகின்றன. தகவல் சுரங்கம் மூன்று நோபல் பரிசுஉலகின் அனைத்து மக்களின் வாழ்க்கை, சுகாதாரத்தை காக்கும் நோக்கத்துடன் 1863ல் செஞ்சிலுவை சங்கம் தொடங்கப்பட்டது. இதில் உலகளவில் 1.7 கோடி பேர் (தன்னார்வலர்கள், உறுப்பினர்கள், ஊழியர்கள்) பணியாற்றுகின்றனர். உலகப் போர், உள்நாட்டுப் போர் என அனைத்து வித போர் முனைகளிலும் மக்களை காக்கும் இவர்களது பணி பாராட்டுக்குரியது. இந்த அமைப்பின் சேவையை பாராட்டி 1917, 1944, 1963 என மூன்று முறை அமைதிக்கான நோபல் பரிசு வழங்கப்பட்டது. இதன் தலைமையகம் சுவிட்சர்லாந்தின் ஜெனிவாவில் உள்ளது.
08.03.2022
பழமையான மலைத்தொடர் உலகின் பழமையான மலைத்தொடர்களில் ஒன்று ஆரவல்லி. இது 70 கோடி ஆண்டுகளுக்கு முன் தோன்றியிருக்கலாம் என கருதப்படுகிறது. வட இந்தியா - மேற்கு இந்தியாவை இணைக்கும் வகையில் உள்ளது. ராஜஸ்தான் மாநிலத்தில் கிழக்கு மேற்காக பிரிந்து இருக்கிறது. டில்லியின் தென்மேற்கே துவங்கி, ஹரியானா, ராஜஸ்தான் கடந்து கிழக்கு குஜராத் வரை 670 கி.மீ., நீளம் பரவியுள்ளது. இதிலுள்ள உயரமான சிகரம் 'குரு ஷிகார்'. ராஜஸ்தானில் உள்ளது. இதன் உயரம் கடல் மட்டத்திலிருந்து 5650 அடி. பனாஸ், லுனி, சபர்மதி ஆறுகள் இதிலிருந்து உருவாகின்றன. தகவல் சுரங்கம் உலக பெண்கள் தினம் அனைத்து துறைகளிலும் பெண்களுக்கான சம உரிமை, வாய்ப்புகளை வழங்க வலியுறுத்தி மார்ச் 8ல் உலக பெண்கள் தினமாக கடைபிடிக்கப்படுகிறது. 'பாரபட்சத்தை உடைக்கவும்' என்பது இந்தாண்டு மையக்கருத்து. இன்றைய சூழலில் படிக்கும், வேலைக்கு செல்லும் பெண்கள் அதிகரித்துள்ளனர். பெண் என்பவள் மகள், சகோதரி, மனைவி, தாய் என பல பரிணாமங்களாக திகழ்கின்றனர். 'உடல் வலிமை ஆண்களுக்கு பலம் என்றால், மன வலிமை பெண்களுக்கு பலம்' என வல்லுநர்கள் கூறுகின்றனர். பெண்களின் முன்னேற்றமே நாட்டின் முன்னேற்றம்.
09.03.2022
நெரிசல் இல்லா பயணம் ஒன்றுக்கும் மேற்பட்ட திசைகளில் இருந்து வரும் வாகனங்களை ஒழுங்குபடுத்தி நெரிசல் இல்லா பயணத்துக்கு டிராபிக் சிக்னல் பயன்படுகிறது. உலகின் முதல் போக்குவரத்து சிக்னல் 1890ல் லண்டன் நகரில் பயன்படுத்தப்பட்டது. அப்போது பெட்ரோல், டீசலில் இயங்கும் வாகனங்கள் கிடையாது. குதிரைகள் இழுத்துச் செல்லும் பஸ்கள் மட்டுமே இயங்கின. அமெரிக்காவில் 1890ல் தான் கார்கள் அறிமுகமாயின. மின்சாரத்தில் இயங்கும் உலகின் முதல் போக்குவரத்து சிக்னல் அமெரிக்காவின் ஓகியோ மாகாணத்தில் உள்ள கிளீவ்லாண்ட் நகரில் 1914ல் அறிமுகமானது. தகவல் சுரங்கம் ராணுவக்கல்லுாரி உத்தரகண்டின் டேராடூன் டூன் பள்ளத்தாக்கில் இந்திய ராணுவ பயற்சி அகாடமி செயல்படுகிறது. ராணுவத்தில் அதிகாரி பதவிகளுக்கு தேர்வு செய்யப்படுபவர்களுக்கு இங்கு பயிற்சி வழங்கப்படுகிறது. இது 1932 அக்., 1ல் தொடங்கப்பட்டது. 1400 ஏக்கர் பரப்பளவில் அமைந்துள்ளது. இதுவரை இங்கு இந்திய ராணுவத்தை சேர்ந்த 61 ஆயிரம் அதிகாரிகள் பயிற்சி முடித்துள்ளனர். மேலும் 30 வெளிநாடுகளை சேர்ந்த 3000 அதிகாரிகளுக்கும் பயிற்சி வழங்கப்பட்டுள்ளது. இங்கு பயிற்சி நிறைவு செய்தவர்கள் 'பரம் வீர் சக்ரா' உட்பட 73 விருதுகள் பெற்றுள்ளனர்.
10.03.2022
நம்பிக்கையின் பலம் 'நம்பிக்கை தான் வாழ்க்கை' என்பர். இது போல நேர்மறையான நம்பிக்கை கொண்டவர்கள், நம்பிக்கை அற்றவர்களை விட அதிக மகிழ்ச்சி, உடல் ஆரோக்கியம், நீண்ட ஆயுட்காலத்துடன் வாழ்கின்றனர். இதற்கு இவர்களிடம் மன அழுத்தம், எதிர்மறை எண்ணம் மிக குறைவாக இருப்பதே காரணம். மன அழுத்தம் நம் உடலில் பாதிப்பை அதிகப்படுத்துகிறது என அமெரிக்காவின் பாஸ்டன் பல்கலை ஆய்வு தெரிவித்துள்ளது. ஆய்வில் 233 முதியோர் பங்கேற்றனர். அவர்களின் 24 ஆண்டு வாழ்க்கை முறை ஆய்வுக்கு எடுக்கப்பட்டது. தகவல் சுரங்கம் பழமையான நீர்மின் நிலையம் மேற்கு வங்கத்தின் டார்ஜிலிங் அருகே ஆர்யா தேயிலை எஸ்டேட்டில் உள்ள சித்ரபாங்க் நீர் மின் நிலையம் தான் இந்தியாவின் முதல் நீர் மின் நிலையம். இது 1897 நவ. 10ல் தொடங்கப் பட்டது. துவக்கத்தில் தலா 130 கிலோ வாட் மின்சாரம் உற்பத்தி செய்யப்பட்டது. 1916ல் ஆயிரம் கிலோ வாட் (1 மெகாவாட்) மின்சார உற்பத்தி செய்யப்பட்டது. 1980ல் நிலச்சரிவு காரணமாக இது மூடப்பட்டது. இருப்பினும் 1997ல் அதன் நுாறாவது ஆண்டை கொண்டாடும் விதமாக புத்துயிர் பெற்றது. அன்று முதல் மத்திய அரசின் கலாசார பட்டியலில் உள்ளது.
11.03.2022
அதிகரித்த கார்பன் உலகளவில் 2021ல் கார்பன் டை ஆக்சைடு வெளியீடு 6% அதிகரித்துள்ளது. அதாவது இதுவரை எந்த ஆண்டிலும் இல்லாத வகையில் 3630 கோடி டன் கார்பன் வெளியிடப்பட்டுள்ளது. கார்பன் வெளியீட்டில் சீனா முதலிடத்தில் (75 கோடி டன் கார்பன்) உள்ளது. என சர்வதேச எரிசக்தி நிறுவன ஆய்வு தெரிவித்துள்ளது. 202௦ல் கொரோனா ஊரடங்கு காரணமாக -உலகில் எரிசக்திக்கான தேவை மிக குறைவாக இருந்தது. இதனால் அந்தாண்டு கார்பன் வெளியீடு 5.2 சதவீதம் குறைந்தது என தெரிவிக்கப்பட்டுள்ளது. கார்பன் அதிகரிப்பு பருவநிலை பாதிப்புக்கு காரணமாகிறது. தகவல் சுரங்கம் முதல் இந்தியர் உலக சுகாதார நிறுவனத்தின் துணை இயக்குநராக (2017 - 2019) பதவி வகித்த முதல் இந்தியர் சவுமியா சுவாமிநாதன். தற்போது இவர் உலக சுகாதார நிறுவனத்தின் தலைமை விஞ்ஞானியாக உள்ளார். தமிழகத்தின் கும்பகோணத்தில் 1959 மே 2ல் பிறந்தார். இவர் இந்திய பசுமைபுரட்சியின் தந்தை என அழைக்கப்படும் எம்.எஸ்.சுவாமிநாதனின் மகள். புனே ராணுவ மருத்துவக்கல்லுாரியில் எம்.பி.பி.எஸ்., டில்லி எய்ம்சில் எம்.டி., முடித்தார். 1992ல் தேசிய காசநோய் ஆராய்ச்சி நிறுவனத்தில் பணியில் சேர்ந்தார். 2015 - 2017 வரை ஐ.சி.எம்.ஆர்., தலைவராக இருந்துள்ளார்.
12.03.2022
பேச்சு சத்தம் எப்படி காற்றில் வேகவேகமாகக் கையை அசைத்தால் ஒருவித சத்தம் எழும். இவ்வாறு காற்றில் அழுத்த அலைகளை ஏற்படுத்துவதன் மூலமே எல்லா சத்தங்களும் ஏற்படுகின்றன. எடுத்துக்காட்டாக வீணையின் கம்பிகளை மீட்டும்போது இசை எழும். அதுபோல நாம் பேசும்போது நமது குரல்வளை நாளங்கள் அதிர்ந்து சத்தம் உருவாகிறது. வாய், நாக்கு, மூக்கு, உதடு முதலியவற்றைக் குவித்து விரித்து செயல்படுத்தும்போது பேச்சு உருவாகிறது. குரல் வளை என்பது மூச்சுக் குழலுக்குப் பாதுகாப்பாக இருப்பதுடன், ஒலி உருவாக்கத்துக்கும் உதவுகிறது. தகவல் சுரங்கம் உலக கிட்னி தினம் உடலில் முக்கியமானது 'கிட்னி'. இது ரத்தத்தை சுத்திகரித்து கழிவுகளை வெளியேற்றுகிறது. சிறுநீரகத்தின் முக்கியத்துவம் பற்றி விழிப்புணர்வு ஏற்படுத்த மார்ச் 12ல் உலக கிட்னி தினம் கடைபிடிக்கப் படுகிறது. சிறுநீரக பாதிப்புக்கான காரணம், வராமல் தடுப்பது எப்படி, வாழ்க்கை முறையில் என்ன மாற்றம் செய்ய வேண்டும் என்பது குறித்து அறிவுறுத்துவதே இதன் நோக்கம். உலகில் ஆண்டுதோறும் 10 லட்சம் பேர் சீறுநீரக பாதிப்பால் உயிரிழக்கின்றனர். இளைஞர் களில் 8 - 10 சதவீதம் பேர் ஏதாவது ஒரு வகையில் சிறுநீரக பாதிப்பால் அவதிப்படுகின்றனர். --
13.03.2022
வெங்காயம் - கண்ணீர் தொடர்புவெங்காயம் நறுக்கும் போது கண்களில் கண்ணீர் வருவது உண்டு. இதற்கு காரணம் வெங்காயத்தின் செல்களில் பொதிந்துள்ள ப்ரொப்பேன்தயால் ஆக்ஸைடு எனும் வேதிப்பொருள். இது எளிதில் ஆவியாகக்கூடியது. வெங்காயத்தை வெட்டும்போது, சில செல்கள் சிதைந்து இந்த வேதிப்பொருள் வெளிப்படும். எளிதில் ஆவியாகி உடனே கண்களைச் சென்றடைந்து, எரிச்சல் ஏற்படுத்தி கண்ணீரை துாண்டுகிறது. வெங்காயத்தை நசுக்கினால் கூடுதல் செல்கள் உடைந்து இந்த வேதிப் பொருள் அதிகமாக வெளிப்படும். அப்போது கண்ணீரும் அதிகம் வரும்.தகவல் சுரங்கம் முதல் பாதுகாப்பு அமைச்சர்இந்தியாவின் முதல் பாதுகாப்பு அமைச்சராக இருந்தவர் பல்தேவ் சிங். பஞ்சாபின் ருப்னாகரில் 1902 ஜூலை 11ல் பிறந்தார். சீக்கிய அரசியல் தலைவரான இவர் சுதந்திர போராட்டத்தில் பங்கு பெற்றார். இந்திய சுதந்திரத்துக்குப்பின் அமைந்த முதல் மத்திய அமைச்சரவையில் 1947 ஆக. 15 - 1952 மே 13 வரை பாதுகாப்பு அமைச்சராக இருந்தார். சிதறிக்கிடந்த சமஸ்தானங்களை இந்தியாவுடன் இணைப்பதில், அப்போதைய உள்துறை அமைச்சர் வல்லபாய் படேலுடன் இவர் இணைந்து செயல்பட்டார். 1952, 1957 என இருமுறை லோக்சபாவுக்கு தேர்வானார்.
14.03.2022
ஆண் - பெண் வித்தியாசம் ஒரு செயலில் பெண்கள் தோல்விடையந்தால் அதற்கான காரணத்துக்கு தாங்கள் தான் காரணம் என நினைக்கின்றனர். ஆனால் ஆண்கள் தோல்வி அடைந்தால், அதற்கு காரணமாக அதிர்ஷ்டம் இல்லை என்பதை கூறுகின்றனர் என இஸ்ரேல் கல்லுாரி ஆய்வு தெரிவித்துள்ளது. 72 நாடுகளில் 15 வயதுடைய 5 லட்சம் பேரிடம் போட்டி, தன்னம்பிக்கை, வேலை பற்றி ஆய்வு எடுக்கப்பட்டது. ஓட்டுநர் உரிமம், பள்ளி, கல்லுாரி தேர்வில் ஒழுங்காக செயல்படவில்லை எனில் பெண்கள் தங்கள் திறமையில் எதோ குறை உள்ளது என உணர்வர். ஆண்கள் வெளி காரணத்தை தேடுகின்றனர். தகவல் சுரங்கம் முதல் இந்தியர் பூமியில் மக்கள் வாழத்தகுதியற்ற இடம் அண்டார்டிகா. இது முழுவதும் பனிக்கட்டியால் சூழப்பட்டுள்ளது. இருப்பினும் ஆய்வுக்காக விஞ்ஞானிகள் மட்டும் அங்கு சென்று வருகின்றனர். அண்டார்டிகாவுக்கு சென்ற முதல் இந்தியர் லெப்டினல் ராம் சரண். இந்திய கப்பல்படையை சேர்ந்த வானிலை ஆய்வாளர். 1960ல் ஆஸ்திரேலியாவில் இருந்து தென் முனைக்கு சென்ற ஆராய்ச்சிக்குழுவில் இடம் பெற்றிருந்தார். உலகளவில் முதன்முதலாக அண்டார்டிகாவில் கால் பதித்தவர் நியூசிலாந்தின் அலெக்சாண்டர். 1895ல் அங்கு சென்றார்.
15.03.2022
ஐந்தில் ஒரு பகுதி மிக அதிகமான பரப்பளவில் மணல், மணற்குன்றுகள் நிறைந்த பகுதி பாலைவனம். இது உலகின் மொத்தப் பரப்பில் ஐந்தில் ஒரு பகுதி. இங்கு உயிரினங்கள் வாழ்வது கடினம். பாலைவனங்கள் ஆண்டுக்கு 250 மி.மீ., க்கு குறைவாக மழையைப் பெறுகின்றன. அதிக வறட்சியைத் தாங்கி வளரும் கள்ளி, பனை போன்ற சில தாவரங்களே இங்கு வளர்கின்றன. கங்காரு, எலி, சில வகைப் பாம்பு, ஒட்டகங்கள் போன்றவை பாலை வனச்சூழலைச் சமாளித்து உயிர்வாழும் உயிரினங்கள். மழைபெறாத பாலைவனம், மலைசார்ந்த பாலைவனம், குளிர் பாலைவனம் என 3 வகைகள் உள்ளன. தகவல் சுரங்கம் உலக நுகர்வோர் தினம் நுகர்வோர் பாதுகாப்பு, உரிமைகளை பெற்றிடவும், விழிப்புணர்வு ஏற்படுத்தவும் 1983 முதல் மார்ச் 15ல் உலக நுகர்வோர் உரிமை தினம் கடைபிடிக்கப்படுகிறது. சர்வதேச நுகர்வோர் அமைப்பு 1960ல் உருவாக்கப் பட்டது. இதில் 120 நாடுகள் உறுப்பினர்களாக உள்ளன. 1962ல் அமெரிக்க அதிபர் ஜான் கென்னடி, நுகர்வோரின் முக்கியத்துவம் குறித்து முதன்முதலில் வலியுறுத்தினார். 'பிளாஸ்டிக் மாசுபாட்டை கையாளுங்கள்' என்பது இந்தாண்டு மையக்கருத்து. 2040க்குள் கடலில் கலக்கும் பிளாஸ்டிக் மாசுபாடு மூன்று மடங்காக அதிகரிக்கும் என மதிப்பிடப்பட்டுள்ளது.
16.03.2022
மருதாணியின் நிறம் மருதாணி கைகளுக்கு அழகு தருகிறது. மருதாணி செடியின் இலைகளில் இருக்கும் 'லாசோன்' வேதிப்பொருள்தான் பழுப்பு அல்லது சிவப்பு நிறத்தில் தோலில் படிந்து கறை ஏற்படுத்துகிறது. எகிப்தில் 6000 ஆண்டுகள் முன்பிருந்தே மருதாணி இடும் பழக்கம் இருந்துள்ளது. இலையில் இயற்கையாக உள்ள இந்த லாசோன் நைசாக அரைத்து எடுக்கும்போதுதான் வெளிப்படும். கை, உடலின் மேற்புறத் தோலில் உள்ள சிலவகை கெரட்டின் புரதத்துடன் பிணைந்து கொண்டு நிலையாகப் படிந்துவிடும். இதற்கு சில மணிநேரம் ஆகும். தகவல் சுரங்கம் அட்லாண்டிக் சாகசம் பூமியில் உள்ள பெருங்கடல்களில் இரண்டாவது பெரிய கடல் அட்லாண்டிக். இதன் பரப்பளவு 10.64 கோடி சதுர கி.மீ. இது எஸ் வடிவில் அமைந்துள்ளது. கிழக்கில் ஐரோப்பா, ஆப்ரிக்காவும், மேற்கில் வட, தென் அமெரிக்காவும் உள்ளன. இதன் சராசரி ஆழம் 11,962 அடி. இதில் பல்வேறு தீவுகள் உள்ளன. அட்லாண்டிக் கடல் பரப்பின் மேல் 1927ல் 25 வயதில் சார்லஸ் லின்ட்பெர்க் தனிநபராக அமெரிக்காவின் நியூயார்க்கில் இருந்து பிரான்சின் பாரிசுக்கு இடைநில்லாமல் விமானத்தை இயக்கி சாதித்தார். இவர்தான் அட்லாண்டிக்கடலை தனியாக பறந்து கடந்த முதல் நபர்.
17.03.2022
புதிய வகை ரயில் உலகின் முதல் 'இன்பினிட்டி' ரயிலை ஆஸ்திரேலிய விஞ்ஞானிகள் உருவாக்கி வருகின்றனர். இது மின்சார பேட்டரியில் இயங்கும். இந்த பேட்டரியை சார்ஜ் செய்ய தேவையில்லை. ரயில் இயங்கும் போது, ரயில் பாதையின் கீழே உள்ள புவி ஈர்ப்பு விசையை பயன்படுத்தி தானாகவே சார்ஜ் செய்து கொள்ளும்.இதனால் இதற்கு 'இன்பினிட்டி ரயில் (முடிவிலி)'என பெயரிடப் பட்டு உள்ளது. இதன் காரணமாக சார்ஜ் செய்வதற்கான கட்டமைப்பு, டீசல் இன்ஜின் போன்றவற்றை ஒழித்து விடலாம். இதற்கான பட்ஜெட் ரூ. 381 கோடி. இரண்டு ஆண்டுகளில் பணி நிறைவு பெறும். தகவல் சுரங்கம் முதல் அதிகாரி இந்தியன் சிவில் சர்வீஸ் (இந்திய ஆட்சிப்பணி) அதிகாரியாக தேர்வான முதல் இந்தியர் சத்தியேந்திரநாத் தாகூர். 1864ல் சிவில் சர்வீஸ் பணியில் சேர்ந்தார். 1842 ஜூன் 1ல் கோல்கட்டாவில் பிறந்தார். கவிஞர், எழுத்தாளர், இசையமைப்பாளர், சமூக சீர்திருத்தவாதி, மொழியியலாளர் என பன்முக திறமை கொண்டவர். பிரம்ம சமாஜத்தின் உறுப்பினராகவும் இருந்துள்ளார். 1923 ஜன. 9ல் மறைந்தார். பெண்கள் விடுதலை குறித்து நுால்கள் எழுதியுள்ளார். தேசபக்தி பாடல்கள் உட்பட பல பாடல்களையும் எழுதியுள்ளார்.
18.03.2022
பெருங்கடலின் எதிர்காலம்எதிர்காலத்தில் பெருங்கடல்களின் தலைவிதி என்பது கழிவுநீர் கலப்பதை தடுப்பது, குப்பை மேலாண்மை செய்யப்படுவதை பொறுத்து அமையும் என ஆய்வில் தெரிவிக்கப்பட்டுள்ளது. பெருங்கடல்களை பேரழிவிலிருந்து காப்பாற்ற கழிவுநீர் தடுப்பு, கழிவு மேலாண்மை அவசியம். புவி வெப்பமயமாதல், கடலில் கலக்கும் மாசுபாடுகளால் பெருங்கடல்களில் ஆக்சிஜன் பற்றாக்குறை ஏற்பட்டுள்ளது. கடல் நீர் சூடாவதால் ஆக்சிஜன் குறைந்து, கடல் வாழ் உயிரினங்கள் பாதிக்கப் படும் அபாயம் உள்ளது என நிபுணர்கள் எச்சரித்துள்ளனர். தகவல் சுரங்கம் ஆயுத தொழிற்சாலை தினம்மத்திய அரசின் கீழ் செயல்படும் ஆயுத தொழிற்சாலை வாரியம் 1787ல் மேற்கு வங்கத்தில் தொடங்கப்பட்டது. 1802 மார்ச் 18ல் உற்பத்தி தொடங்கியது. இந்நாளே (மார்ச் 18ல்) ஆயுத தொழிற்சாலை தினமாக கடைபிடிக்கப்படுகிறது. இது 'பாதுகாப்பு துறையின் 4-வது கை' எனஅழைக்கப்படுகிறது.இதன்கீழ் 41 ஆயுதத்தொழிற்சாலைகள்,9 பயிற்சி நிறுவனங்கள், மூன்று மண்டல மார்க்கெட்டிங் மையங்கள் செயல் படுகின்றன. தரை, ஆகாயம், கடல் பகுதி பாதுகாப்புக்கு தேவையான ஆராய்ச்சி, மேம்பாடு, தயாரிப்பு, பரிசோதனை பிரிவுகளில் செயல்படுகிறது.
19.03.2022
பல நிறம் கொண்ட உயிரினம் கிராமங்களில் வீட்டு கூரை மீது அடை அடையாகப் பச்சை படர்ந்திருக்கும். இதை பாசி என சொல்வது உண்டு. ஆனால் இது பாசி என்ற ஒற்றை உயிரினம் கிடையாது. பாசியும் , பூஞ்சையும் சேர்ந்த கூட்டுயிரி. ஆங்கிலத்தில் 'லைக்கன்ஸ்' என பெயர். பாறைகள் மீது மஞ்சள் நிறத்தில் பஞ்சு போன்ற இழைகளைப் பார்த்திருப்பீர்கள். அதுவும் ஒரு வகை லைக்கன்தான். பாலைவனம் முதல் உறைபனி வரை எல்லா பிரதேசத்திலும் இவை வளரும். பல நிறங்களில், வடிவங்களில் இருக்கும். உலகில் இதுவரை 15 ஆயிரம் வகை லைக்கன்ஸ் கண்டறியப்பட்டுள்ளன. தகவல் சுரங்கம் இந்தியப் பெருஞ்சுவர் ராஜஸ்தானின் ராஜமந்த் மாவட்டத்தில் உள்ள கும்பல்கார்ஹ் கோட்டை, 15ம் நுாற்றாண்டில் ரானா கும்பா மன்னரால் கட்டப்பட்டது. இது யுனெஸ்கோ உலக பாரம்பரிய பண்பாட்டு சின்னங்கள் பட்டியலில் உள்ளது. இந்த கோட்டை சுவரின் நீளம் 38 கி.மீ. இது உலகின் நீளமான சீன பெருஞ்சுவருக்கு பின் இரண்டாவது பெரியது. 'இந்தியப் பெருஞ்சுவர்' என அழைக்கப்படுகிறது. கடல் மட்டத்தில் இருந்து 3600 அடி உயரத்தில் இச்சுவர் உள்ளது. இந்த கோட்டைக்குள் 360 கோயில்கள் உள்ளன. இது இந்தியாவின் முக்கிய சுற்றுலா தலங்களில் ஒன்று.
20.03.2022
பால் - நீர் வேறுபாடு பால், குழம்பில் தோன்றும் ஆடை போன்ற பகுதியை, ஆறியதும் எடுத்துப் பார்த்தால் சவ்வு போல இருக்கும். பாலில் உள்ள கொழுப்பு, புரதம் சீக்கிரம் கொதிநிலைக்கு வந்துவிடும். பால் என்ற கூழ்மத்திலிருந்து பிரிந்து வரும் அடர்த்தி குறைவான கொழுப்பு, மேலே வந்து மேற்பரப்பில் மெல்லிய படலமாகப் படிந்துவிடும். சாம்பாரில் சமையலின்போது நாம் சேர்க்கும் எண்ணெய், காய்கறிகளில் இருந்து பிரிந்துவரும் புரதம், கொழுப்பு முதலியவை மேலே படர்ந்து மெல்லிய படலமாகப் படியும். நீரில் கொழுப்பு முதலியவை இருக்காது. எனவே படலம் படிவது இல்லை. தகவல் சுரங்கம் சிட்டுக்குருவி தினம் * அழிந்து வரும் சிட்டுக்குருவிகளை பாதுகாக்கும் நோக்கில் இந்திய இயற்கை பாதுகாப்பு சமூகம், பிரான்ஸ் சுற்றுச்சூழல் அமைப்பு சார்பில் மார்ச் 20ல் உலக சிட்டுக்குருவி தினம் கடைபிடிக்கப்படுகிறது. பறவைகளில் சிறியதாகவும், அனைவரையும் கவரும் வகையில் 'கீச் கீச்' எனக் கூக்குரலிடும் பறவை சிட்டுக்குருவி. இவை புழுக்களை உண்டு வாழ்வதால் சுற்றுச்சூழலுக்கு உகந்தவை. * மக்கள் தங்களது வாழ்வில் மகிழ்ச்சியின் முக்கியத் துவத்தை உணரச் செய்யும் விதமாக ஐ.நா., சார்பில் மார்ச் 20ல் உலக மகிழ்ச்சி தினம் கடைபிடிக்கப்படுகிறது.
21.03.2022
இன பாகுபாடு ஒழிப்பு தினம் அனைத்து மக்களுக்கும் பாகுபடின்றி அவர்களுக்கான உரிமைகள் கிடைக்க வலியுறுத்தி ஐ.நா., சார்பில் மார்ச் 21ல் சர்வதேச இன பாகுபாடு ஒழிப்பு தினம் கடைபிடிக்கப்படுகிறது. 1960ல் தென் ஆப்ரிக்காவில் ஷர்ப்விலே பகுதியில் 'பாஸ் சட்டத்தை' எதிர்த்து நடந்த போராட்டத்தில் போலீசார் நடத்திய துப்பாக்கிச்சூட்டில் 69 பேர் பலியாகினர். இதை நினைவுபடுத்தும் விதமாக இத்தினம் உருவாக்கப்பட்டது. 'பாஸ் சட்டம்' என்பது கருப்பினத்தவர், புலம் பெயர்ந்தவர்கள் தங்கள் தகவல் அடங்கிய பாஸ்புக் (உள்நாட்டு பாஸ்போர்ட் போன்றது) வைத்திருக்க வேண்டும் என வலியுறுத்தியது. தகவல் சுரங்கம் உலக காடுகள் தினம் காடுகள் அழிவதால் ஏற்படும் பாதிப்பு பற்றி விழிப்புணர்வு ஏற்படுத்த மார்ச் 21ல் உலக காடுகள் தினம் கடைபிடிக்கப்படுகிறது. 'காடுகள், நிலையான உற்பத்தி, நுகர்வு' என்பது இந்தாண்டு மையக்கருத்து. உலக நிலப்பரப்பில் 30 சதவீதம் காடுகள். இதில் 60 ஆயிரம் வகை உள்ளன. காடுகளால் நிழல், விறகு, மழை, காற்று உட்பட பல நன்மை கிடைக்கிறது. காடு என்பது வெறும் மரங்களை மட்டும் குறிப்பிடுவதில்லை. இது வாழ்க்கை கட்டமைப்பில் ஒன்று. மரங்களும், காடுகளும் ஒன்றுக்கொன்று தொடர்புடையது. இது பூமியின் தட்பவெட்ப நிலையை சீராக வைக்கிறது.
22.03.2022
முதல் பறக்கும் கார் நான்கு பயணிகள் அமரும் வகையிலான உலகின் முதல் பறக்கும் காரை ஸ்லோவாக்கியாவின் ஏரோமொபில் நிறுவனம் தயாரித்துள்ளது. இது 160 கி.மீ., - 800 கி.மீ., துாரம் வரை செல்லும். இது சாலையில் மணிக்கு 160 கி.மீ., வேகத்தில் செல்லும். இந்த பறக்கும் காரை பயன்படுத்துவதற்கு பைலட் உரிமம் பெற்றிருக்க வேண்டும். சாலையில் பயணிக்கும் கார், பறக்க விரும்பினால் மூன்று நிமிடத்தில் பறக்கும் காராக மாறி விடும். இதற்கு முந்தைய பறக்கும் கார்கள் இரண்டு இருக்கைகள் கொண்டதாக வடிவமைக்கப்பட்டிருந்தது. தகவல் சுரங்கம் உலக தண்ணீர் தினம் மனிதர்கள் மட்டுமல்லாமல் பூமியில் வாழும் அனைத்து உயரினம், தாவரங்களுக்கு தண்ணீர் மிக அவசியம். தண்ணீர் இயற்கை வளங்களில் ஒன்று. தண்ணீர் அவசியம் பற்றி விழிப்புணர்வு ஏற்படுத்தும் விதமாக 1993 முதல் மார்ச் 22ல் உலக தண்ணீர் தினம் கடைபிடிக்கப்படுகிறது. 'நிலத்தடி நீர்; கண்ணுக்கு தெரியாததை தெரிய வைப்போம்' என்பது இந்தாண்டு மையக்கருத்து. பூமியில் 70 சதவீதம் நீர்பரப்பு தான். ஆனால் இதில் 97.5 சதவீதம் கடலில் இருக்கும் உப்பு நீர். மீதியுள்ள 2.5 சதவீத அளவிற்கே நிலத்தடிநீர் உள்ளது. இதிலும் ஒரு சதவீதம் தான் குடிப்பதற்கு ஏற்றது.
23.03.2022
வினாடிக்கு 20 முறை மரப்பட்டைகளில் உள்ள குட்டிப் பூச்சிகளை சாப்பிடத்தான் மரங்கொத்தி பறவை மரத்தைக் கொத்துகிறது. அதற்கேற்ப அதன் அலகு பலமாக உள்ளது. வினாடிக்கு 20 முறை கொத்தும். உலகில் 180 வகை உள்ளன. மரத்தைக் குடைந்து பொந்து ஏற்படுத்தி அதில் வசிக்கின்றன. விதை, பூச்சி, பழங்களை உண்கிறது. பூச்சியை பிடிப்பதற்கு ஏற்ப நாக்கு நீளும் தன்மை கொண்டது. பசையுள்ளது. இவை மரப் பொந்துகளில் முட்டையிடுகின்றன. 2 வார அடை காத்தலுக்குப் பின் குஞ்சுகள் வெளிவருகின்றன. 30 நாட்களில் குஞ்சுகள் இறக்கை முளைத்துப் பறக்கும். தகவல் சுரங்கம் வானிலை தினம் உலக வானிலை அமைப்பு சுவிட்சர்லாந்தின் ஜெனிவா நகரில் 1950 மார்ச் 23ல் துவங்கப்பட்டது. இத்தினம் உலக வானிலை தினமாக கடைபிடிக்கப்படுகிறது. காலநிலை, வானிலை, தண்ணீர் போன்றவற்றில் ஆய்வுகளை மேற்கொள்வதில் ஐ.நா., வின் துணை அமைப்பாக உள்ளது. இதில் இந்தியா உட்பட 191 நாடுகள் உறுப்பினர்களாக உள்ளன. 'ஆரம்ப எச்சரிக்கை மற்றும் ஆரம்ப நடவடிக்கை' என்பது இந்தாண்டு மையக்கருத்து. பூமியில் 70 சதவீதம் உள்ள கடல், உலகின் வானிலை, காலநிலையில் முக்கிய பங்கு வகிக்கிறது. காலநிலையை பாதுகாக்க அனைவரும் உதவவேண்டும்.
24.03.2022
எண்ணெய்யில் நிறங்கள் நீரின் மீது எண்ணெய் படலமாகப் படரும். இவ்வாறு படரும்போது மையத்தில் தடிமனாகவும் விளிம்பில் மெலிதாகவும் இருக்கும். சூரிய ஒளி போன்ற வெள்ளை நிற ஒளி என்பது பல நிறங்களின் கலவை. இந்த ஒளி, நீர் - எண்ணெய் என்ற அடுக்கின் மீது விழும்போது ஒளியின் ஒரு பகுதி மேற்பகுதியில் இருந்து பிரதிபலிக்கப்படும். ஒரு பகுதி ஒளி, நீரும் எண்ணெய்யும் சேரும் பகுதியில் இருந்து பிரதிபலிக்கப்படும். எங்கெல்லாம் எண்ணெய்யின் தடிமன் குறைவாக இருக்கிறதோ அங்கு ஊதா நிறமும், கூடுதலாக இருந்தால் சிவப்பு நிறமும் தென்படும். தகவல் சுரங்கம் உலக காசநோய் தினம் காசநோய் பரவுதல் பற்றியும், அதை தடுப்பது குறித்தும் மக்களிடம் விழிப்புணர்வு ஏற்படுத்தும் விதமாக மார்ச் 24ல் உலக காசநோய் தினம் கடைபிடிக்கப்படுகிறது. 'டியூப்பர்குளோசிஸ்' பாக்டீரியா நுண்கிருமிகளால் காசநோய் பரவுகிறது. 'கடிகாரம் துடிக்கிறது' என்பது இந்தாண்டு மையக்கருத்து. 2019ல் ஒரு கோடி பேர் காசநோயால் பாதிக்கப்பட்டனர். 14 லட்சம் பேர் உயிரிழந்தனர். 2022க்குள் காசநோயால் பாதிக்கப்படுபவர்களின் எண்ணிக்கை 4 கோடியாக உயரும் என ஐ.நா., மதிப்பிட்டுள்ளது. 2000 முதல் உலக நாடுகளின் முயற்சியால் 6.30 கோடி பேர் உயிர் காக்கப்பட்டுள்ளது.
25.03.2022
புறக்கோள்கள் எத்தனைசூரிய குடும்பத்தில் பூமி, செவ்வாய், வியாழன் உட்பட 8 கோள்கள் உள்ளன. சூரிய குடும்பத்துக்கு வெளியே கண்டறியப்பட்டவை புறக்கோள்கள் எனப்படுகிறது. 1992ல் முதன்முறையாக 2 புறக்கோள் கண்டுபிடிக்கப்பட்டது. அடுத்து 30 ஆண்டுகளில் இதுவரை 5005 புறக்கோள்கள் கண்டறியப்பட்டுள்ளன என அமெரிக்க விண்வெளி மையம் நாசா தெரிவித்துள்ளது. இதில் பெரும்பாலானவை வியாழன், நெப்டியூன், வாயுக் கோளங்களை போல உள்ளது. இவற்றில் சூரியனுக்கு அருகிலுள்ள (4.2 ஒலி ஆண்டுகள்) கோள் 'பிராக்ஸிமா சென்டவ்ரி'. தகவல் சுரங்கம் அடிமைத்தனத்தை அகற்றுவோம்அடிமைத்தனம், அடிமை வணிகத்தை ஒழிக்கும் விதமாக ஐ.நா., சார்பில் மார்ச் 25ல் அடிமைப்படுத்துதல், அடிமை வணிகத்தால் பாதிக்கப்படுபவர்களை நினைவுகூறும் தினம் கடைபிடிக்கப்படுகிறது. 400 ஆண்டுகளுக்கு மேலாக ஆண், பெண், குழந்தைகள் உட்பட 1.5 கோடி பேர் அடிமை வர்த்தகத்தால் விற்பனை செய்யப்பட்டனர். இது வரலாற்றில் இடம்பெற்ற மிக மோசமான மனித உரிமை மீறல்' என கருதப்படுகிறது. 'தைரியத்தின் கதைகள்: அடிமைத்தனத்திற்கு எதிர்ப்பு மற்றும் இனவெறிக்கு எதிரான ஒற்றுமை' என்பது இந்தாண்டு மையக்கருத்து.
27.03.2022
ரத்தத்தில் பிளாஸ்டிக் சுற்றுச்சூழல் பாதிக்கப்படுவதற்கு பிளாஸ்டிக் குப்பைகள் முக்கிய பங்கு வகிக்கின்றன. இந்நிலையில் உடலின் ரத்தத்தில் பிளாஸ்டிக் நுண் துகள்கள் கலந்திருப்பதை முதன்முதலாக டென்மார்க் விஞ்ஞானிகள் கண்டுபிடித்துள்ளனர். இந்த நுண்துகள் என்பது 0.2 இன்ச் விட்டம் கொண்டது. ரத்த தானம் செய்த 22 கொடையாளர்களிடம் பெறப்பட்ட ரத்தம் ஆய்வுக்கு எடுக்கப்பட்டது. இதில் 17 பேரின் ரத்த மாதிரிகளில் பிளாஸ்டிக் நுண் துகள் இருந்தது கண்டறியப்பட்டது. இதன் பாதிப்பு எந்தளவுக்கு இருக்கும் என ஆய்வு நடத்தப்படும். தகவல் சுரங்கம் உலக திரையரங்கு தினம் ஐ.நா., வின் யுனெஸ்கோ முயற்சியால் 1948ல் சர்வதேச திரையரங்க நிறுவனம் உருவாக்கப்பட்டது. இதன் சார்பில் 1960 முதல் மார்ச் 27ல், உலக திரையரங்கு தினம் கொண்டாடப்படுகிறது. உலகின் முதல் தியேட்டர் 1895ல் அமெரிக்காவின் பிட்ஸ்பர்க்கில் கட்டப்பட்டது. அதன் பெயர் நிகெலோடியான். இந்தியாவின் முதல் தியேட்டர் 1907ல் மேற்கு வங்க தலைநகர் கோல்கட்டாவில் 'எல்பின்ஸ்டன் பிக்சர் பேலஸ்' பெயரில் உருவாக்கப்பட்டது. 1913ல் சென்னையில் கட்டப்பட்ட 'எலக்டரிக் தியேட்டர்' தான் தமிழகத்தின் முதல் திரையரங்கு.
28.03.2022
அல்சைமர் ஆபத்து தனது 30 வயதில் ரத்தத்தில் சுகர், கொலஸ்ட்ரால் அதிகமாக இருப்பவர்களுக்கு எதிர்காலத்தில் டிமென்ஷியா (மனச்சோர்வு) , அல்சைமர் (மறதி நோய்) பாதிப்பதற்கு வாய்ப்பு அதிகம் என அமெரிக்காவின் பாஸ்டன் பல்கலை ஆய்வு தெரிவித்துள்ளது. ஆய்வில் 5000 பேர் பங்கேற்றனர். 1976 - 2016 வரை 4 ஆண்டுக்கு ஒருமுறை இவர்களது சுகர், கொலஸ்ட்ரால் அளவு சோதனை செய்யப்பட்டது. இதில் 30, 40 வயதில் சுகர், கொலஸ்ட்ரால் அளவு குறைவாக இருப்பவர்களுக்கு அவர்களது 70 வயதில், மற்றவர்களுடன் ஒப்பிடுகையில் அல்சைமர் பாதிப்பு ஏற்பட 15 சதவீத வாய்ப்பு குறைவு. தகவல் சுரங்கம் ஆந்திராவின் ஊட்டி ஆந்திராவின் விசாகபட்டினத்தில் இருந்து 111 கி.மீ., துாரத்தில் கிழக்கு தொடர்ச்சி மலைத்தொடரில் 'அரக்கு பள்ளத்தாக்கு அமைந்துள்ளது. இது கடல் மட்டத்தில் இருந்து 2990 அடி உயரத்தில் உள்ளது. இதன் சராசரி மழையளவு 1700 மி.மீ. இது 'ஆந்திராவின் ஊட்டி' என அழைக்கப்படுகிறது. பள்ளத்தாக்கு என்பது இரு மலைகளுக்கு இடையில் உள்ள ஆழமான பகுதி. பெரும்பாலான பள்ளத்தாக்குகளின் கீழே ஆறு ஓடும். பள்ளத்தாக்குகள் 'யு' அல்லது 'வி' வடிவத்தில் இருக்கும். சில இரண்டும் கலந்து இருக்கும். பள்ளத்தாக்கின் அகலத்தை விட அதன் ஆழம் அதிகமாக இருக்கும்.
29.03.2022
விமானத்தின் வண்ணம் பெரும்பாலான விமானம் வெள்ளை நிறத்தில் தான் உள்ளன. இதற்கு காரணம் உள்ளது. விமானம் பறக்கும் போதும், விமான நிலையத்தில் இருக்கும் போது சூரிய ஒளியை அதிகம் எதிர்கொள்கிறது. மற்ற நிறங்கள் அதிக வெயில், புற ஊதா கதிர்வீச்சு பட்டால் மங்கி விடும். மேலும் வெப்பத்தை விரைவாக உள்வாங்கும் தன்மை கொண்டது. இதனால் விமானம் சூடாகும் வாய்ப்பு உள்ளது. ஆனால் வெள்ளை நிறம், ஒளியின் அலைநீளத்தை பிரதிபலித்து வெப்பம் உள்வாங்காமல் தடுப்பதால், விமானம் அதிகம் சூடாகாது. இதனால் தான் வெள்ளை நிறம் தேர்வு செய்யப்படுகிறது. தகவல் சுரங்கம் சிறிய மாநிலங்கள் இந்தியாவில் 28 மாநிலங்கள் உள்ளன. இதில் பரப்பளவு அடிப்படையில் சிறிய மாநிலம் கோவா. இதன் பரப்பளவு 3702 சதுர கி.மீ. மக்கள் தொகை அடிப்படையில் சிறிய மாநிலம் ஹிமாச்சல பிரதேசம். 2011 சென்சஸ் கணக்கின் படி இங்கு 6.10 லட்சம் பேர் வாழ்கின்றனர். மக்கள் அடர்த்தி குறைந்த மாநிலம் அருணாச்சல பிரதேசம். இங்கு 1 கி.மீ., சதுர பரப்பளவில் 17 பேர் வாழ்கின்றனர். குறைந்த கல்வியறிவு சதவீதம் கொண்ட மாநிலம் பீஹார். இதன் சதவீதம் 61.80%. ஆண் - பெண் பாலின விகிதம் குறைந்த மாநிலம் ஹரியானா. இங்கு 1000 ஆண்களுக்கு 879 பெண்கள் உள்ளனர்.
30.03.2022
மழையை அளக்கும் கருவி மழைக்காலங்களில் ஒவ்வொரு பகுதியின் மழை அளவை வானிலை மையம் வெளியிடும். இதற்கு வானிலை ஆராய்ச்சி மையங்களில் 'ரெயின்கேஜ்' என்ற கருவி இருக்கும். இது 'மழைமானி' எனப்படுகிறது. அதைப் பயன்படுத்தித்தான் மழையை அளந்து 'இத்தனை மி.மீ. மழை பெய்தது' என தெரிவிக்கப் படுகிறது. ஒரு சதுர மீட்டருக்கு 24 மணி நேர கால அளவில் எவ்வளவு மழை பொழிந்திருக்கிறது என்பதை அதன் மூலம் அறிவார்கள். ஒரு மி.மீ., மழை என்பது ஒரு சதுர மீட்டருக்கு 1 லிட்டர் என்பதற்குச் சமம். தகவல் சுரங்கம் நின்றபடி துாங்கும் விலங்கு குதிரை இனத்தை சேர்ந்த விலங்குகளில் ஒன்று வரிக்குதிரை. பாலுாட்டி வகையை சேர்ந்தது. இவை கூட்டமாக வாழும். நின்றுகொண்டே துாங்கும் பண்பு கொண்டது. இரண்டு வரிக்குதிரைகள் ஒன்றின் மீது ஒன்று தங்களின் கழுத்துப் பகுதியை வைத்துக் கொண்டு நின்று ஓய்வு எடுக்கும். இது 3 - 7 அடி உயரமும், 7 அடி - 10 அடி நீளம் வரை வளரும். இது மணிக்கு 68 கி.மீ., வேகத்தில் ஓடும். இதன் எடை 250 கிலோ - 500 கிலோ வரை இருக்கும். இதன் ஆயுட்காலம் 20 - 30 ஆண்டுகள். ஒரு வரிக்குதிரையின் வரிகள், மற்ற வரிக்குதிரையிடம் இருந்து வேறுபட்டது.
31.04.2022
ஒலி மாசு தரும் ஆபத்துவிமானம் பறந்து செல்லும் சத்தம் கேட்டாலே பலரும் வானத்தை நோக்கி அதை பார்த்து ரசிப்பர். இந்நிலையில் விமானம் தாழ்வாக பறந்து செல்லும் வழி, போக்குவரத்து நெரிசல் மிகுந்த சாலைகளின் அருகில் தொடர்ந்து வசிப்பவர்களுக்கு இருதய பாதிப்பு வாய்ப்பு அதிகம் என வாஷிங்டனில் உள்ள அமெரிக்கன் கல்லுாரி ஆய்வில் தெரிவிக்கப்பட்டுள்ளது. ஒலியின் அளவு 65 டெசிபில் அளவுக்கு மேல் இருக்கும் இடங்களில் தொடர்ந்து வசிப்பவர்களுக்கு, மற்ற இடங்களில் வசிப்பவர்களைவிட இருதய பாதிப்பு ஏற்படுவதற்கு 72% கூடுதல் வாய்ப்பு உள்ளது.தகவல் சுரங்கம் வண்ணமயமான தேசியக்கொடிஒவ்வொரு நாட்டுக்கும் ஒரு தேசியக்கொடி இருக்கும். உலகில் அதிக நிறங்கள் (வண்ணம்) இடம்பெற்றுள்ள தேசியக்கொடியை கொண்டுள்ள நாடு பெலிஜி. இதன் தேசியக்கொடி 1981 செப். 21 முதல் அமலில் உள்ளது. இதில் மொத்தம் 19 நிறங்கள் உள்ளன. இதில் அதிகபட்சமாக ஊதா நிறம் (63 சதவீதம்) உள்ளது. அடுத்ததாக சிவப்பு 19.5%, வெள்ளை 8.2 %, பச்சை 3.7 சதவீதம் உள்ளது. மற்ற 15 நிறங்கள் சேர்த்து 5 சதவீதம் உள்ளன. இந்நாடு வடக்கில் மெக்சிகோ, கிழக்கில் கரீபியன் கடல், மேற்கு, தெற்கில் கவுதமாலாவை எல்லையாக கொண்டுள்ளது.
01.04.2022
மாசுவை தடுக்கும் 'ஹெட்போன்' நகரங்களில் வாகன பெருக்கத்தின் காரணமாக ஏற்படும் ஒலி மாசு, காற்று மாசுவில் இருந்து தப்பிக்கும் வகையில் புதிய வகை 'ஹெட்போன்' சிங்கப்பூர் நிறுவனம் தயாரித்துள்ளது. இந்த ஹெட்போன் வாய், மூக்கு, காது வரை 'கவர்' செய்திருக்கும். இதை அணிந்து கொண்டால் காற்றில் நிலவும் மாசுவை வடிகட்டி, காற்றை சுத்தப்படுத்தி சுவாசிப்பதற்கு மூக்கு வழியே உள்ளே அனுப்புகிறது. அதே போல வெளிப்புற சத்தம் (ஒலி) காதுக்குள் கேட்காதவாறு தடுக்கிறது. இதன் விலை பற்றி அந்நிறுவனம் தெரிவிக்கவில்லை. தகவல் சுரங்கம் முட்டாள்கள் தினம் ஜூலியன் காலண்டரில் ஏப். 1 தான் புத்தாண்டு. பின் 13ம் போப் கிரிகோரி 1582ல் புதிய காலண்டரை அறிமுகப்படுத்தினார். இதில் ஜன. 1 புத்தாண்டாக மாற்றப்பட்டது. இதை ஜெர்மனி உள்ளிட்ட பல நாடுகள் ஏற்கவில்லை. ஸ்பெயின், போர்ச்சுக்கல், இத்தாலி போன்றவை பயன்படுத்த துவங்கின. 1752ல் இங்கிலாந்து, அமெரிக்காவிலும், ஆங்கிலேயர் ஆட்சியின் போது இந்தியாவிலும் இக்காலண்டர் புழக்கத்திற்கு வந்தது. புதிய காலண்டரை ஏற்காத நாடுகளை கிண்டல் செய்ய 'ஏப்.1ல் முட்டாள்கள் தினம்' அறிமுகமானது. பின் அனைத்து நாடுகளிலும் கடைபிடிக்கப்படுகிறது.
02.04.2022
'அவகோடா' அற்புதம் வாரத்தில் ஒரு 'அவகோடா' பழம் சாப்பிடுபவர்களுக்கு, மற்றவருடன் ஒப்பிடுகையில் இருதயம், பக்கவாதம் பாதிப்புக்கான வாய்ப்பு 21 சதவீதம் குறைகிறது என அமெரிக்காவின் ஹார்வர்டு பல்கலை ஆய்வு தெரிவித்து உள்ளது. அமெரிக்காவில் 30 - 75 வயதுக்குட்பட்ட பெண் உட்பட 1.10 லட்சம் பேரிடம் ஆய்வு நடத்தப்பட்டது. இந்த பச்சை நிற அவகோடா பழத்தில் நல்ல கொழுப்பு அதிகமாகவும், கெட்ட கொழுப்பு குறைவாகவும் உள்ளது. இது ரத்த தமனிகளில் அடைப்பு ஏற்படுவதை தடுக்கிறது. வைட்டமின் சி, இ, பி6 சத்து உள்ளது. மெக்சிகோ, அமெரிக்காவில் அதிகம் விளைகிறது. தகவல் சுரங்கம் உலக ஆட்டிசம் தினம் ஆட்டிசம் என்பது குழந்தையின் மூளையிலுள்ள நரம்பு மண்டலத்தில் ஏற்படும் வளர்ச்சிக் குறைபாடு. குழந்தையின் 10 - 18 மாதங்களில் இப்பாதிப்பை கண்டறிய முடியும். இப்பாதிப்பு உள்ளவர் மற்றவர்களோடு தொடர்பு கொள்ளும் திறன், சமூகத்தில் கலந்து பழகும் திறன் போன்றவற்றில் சிக்கல் கொண்டிருப்பர். ஒரே மாதிரி விஷயங்களைத் திரும்பத் திரும்பச் செய்வர். இக்குறைபாடு உள்ளவர்கள் என்ன செய்ய வேண்டும் என்பது பற்றி விழிப்புணர்வை ஏற்படுத்த ஏப்., 2ல் உலக ஆட்டிச விழிப்புணர்வு தினம் கடைபிடிக்கப்படுகிறது.
03.04.2022
மின்னல் வேக பறவை பறவை இனங்களில் மிக வேகமாக பறப்பது 'பெரிகிரீன் பால்கன்' பறவை. ஆண் பறவையை விட பெண் பறவை பெரியது. இது மணிக்கு 320 கி.மீ வேகத்தில் பறக்கும். 'நேஷனல் ஜியோகிராபிக்' சேனல் இப்பறவை மணிக்கு 389 கி.மீ., வேகத்தில் பறந்தது என பதிவு செய்தது. இது வேகமாக பறந்து கொண்டே உயரே பறந்து செல்லும் பிற பறவையை வேட்டையாடும். இவை வல்லுாறு இனத்தைச் சேர்ந்தவை. இதன் இறக்கையின் நீளம் 106 செ.மீ.,. இவை அழிந்து வரும் பறவையினங்களில் ஒன்று. துருவப்பகுதிகள், மலை பகுதிகளை விட மற்ற இடங்களில் வாழ்கின்றன. தகவல் சுரங்கம் ஆசியாவின் பெரிய தோட்டம் ஆசியாவின் பெரிய துலிப் மலர் தோட்டம் ஜம்மு காஷ்மீரின் ஸ்ரீநகரில் ஜபர்வான் மலை அடிவாரத்தில் உள்ளது. இதன் பரப்பளவு 74 ஏக்கர். தால் ஏரியின் பின்னணியில் உள்ளது. காஷ்மீர் பள்ளத்தாக்கில் மலர் வளர்ப்பு, சுற்றுலாவை ஊக்கப்படுத்தும் விதமாக இத் தோட்டம் 2007ல் அமைக்கப்பட்டது. இங்கு பல வண்ணங்களில் 15 லட்சம் மலர் செடிகள் வைக்கப்பட்டுள்ளன. நெதர்லாந்து தலைநகர் ஆம்ஸ்டர்டாம், ஹாலந்தில் இருந்து இவை கொண்டு வரப்பட்டது. 65 வகையான துலிப் மலர்கள் உள்ளன. 2021ல் 2.5 லட்சம் பேர் பார்வையிட்டுள்ளனர்.
04.04.2022
அதிகரித்த இயற்கை மின்சாரம் தொழில்நுட்பங்களின் பயன்பாடு அதிகரிப்பால், மின்சார தேவையும் அதிகரிக்கிறது. மின்சார உற்பத்தியில் நீர்மின், அனல்மின், அணுமின், காற்றாலை, சூரிய சக்தி என பல வகைகள் உள்ளன. இதில் இயற்கை வகை மின்சாரம் எனில் அது காற்றாலை, சோலார் மின்சாரம் தான். இந்நிலையில் இந்த இரண்டும் உலகின் மின்சார உற்பத்தியில் பத்து சதவீதத்தை எட்டியுள்ளது. முதன்முறையாக 2021ல் இந்த அளவை எட்டியுள்ளது. 2015ம் ஆண்டுடன் ஒப்பிடுகையில் இது இரு மடங்கு உயர்ந்துள்ளது என ஆய்வில் தெரிவிக்கப்பட்டுள்ளது. தகவல் சுரங்கம் உலக கேரட் தினம் ஆரோக்கியமான கண், சருமம், உடல் வளர்ச்சிக்கு கேரட் பயன் தருகிறது. இதில் வைட்டமின் ஏ, வைட்டமின் கே, வைட்டமின் பி6 சத்துகள் உள்ளன. கேரட்டின் முக்கியத்துவம் பற்றி விழிப்புணர்வு ஏற்படுத்தும் விதமாக ஏப். 4ல் உலக கேரட் தினம் கடைபிடிக்கப்படுகிறது. பொதுவாக ஆரஞ்சு நிறத்தில் இருக்கும். ஊதா, கருப்பு, வெள்ளை, சிவப்பு, மஞ்சள் நிற கேரட்களும் பயிரிடப்படுகிறது. உலகளவில் 2018ல் 4 கோடி டன் கேரட் விளைவிக்கப்பட்டது என ஐ.நா.,வின் உணவு விவசாய அமைப்பு தெரிவித்துள்ளது. கேரட்டின் பூர்வீகம் ஈரான், ஆப்கனில் இருந்து பரவியது.
05.04.2022
திரவம் திடப்பொருளாவது எப்படி திரவப்பொருளை பிரிட்ஜில் வைத்து எடுக்கும் போது திடப்பொருளாக மாறுவதை பார்க்கிறோம். இதற்கு காரணம் உள்ளது. திரவம், திடம் என்பது வெப்பம் சார்ந்து அமையும் பொருள்களின் நிலை. சற்று கூடுதல் வெப்ப நிலை ஏற்பட்டால் பொருட்களில் உள்ள அணுக்கள் கூடுதல் இயக்கம் பெற்று நகரும். இது திரவ நிலை. அதுவே வெப்பம் குறைவாக இருந்தால் பொருளில் உள்ள அணுக்கள் அவை இருக்கும் இடத்தில் அங்கும் இங்கும் அசையும். இது திட நிலை.இந்த அடிப்படையில் பிரிட்ஜில் வைக்கப்படும் திரவம் வெப்பம் இழந்து திடநிலைக்கு மாறுகிறது. தகவல் சுரங்கம் தேசிய கடல்சார் தினம் இந்தியாவின் முதல் நீராவிக் கப்பலான 'எஸ்.எஸ்.லாயல்டி', 1919 ஏப்., 5ல் மும்பையில் இருந்து லண்டனுக்கு பயணித்தது. அதை நினைவுகூறும் வகையில் அந்நாளே தேசிய கடல்சார் தினம் கொண்டாடப்படுகிறது. இந்திய கப்பல் துறையின் மகத்தான பணிகளை சமூகத்திற்கு வெளிப்படுத்துவதே இத்தினத்தின் நோக்கம். இந்திய கடற்கரையின் நீளம் 7517 கி.மீ. நாட்டின் பொருளாதார வளர்ச்சியில் கப்பல் துறை முக்கிய பங்கு வகிக்கிறது. வெளிநாட்டு ஏற்றுமதியில் 90 சதவீதம் துறைமுகம் மூலமே நடைபெறுகிறது. இந்தியாவில் 13 பெரிய துறைமுகங்கள் உள்ளன.
06.04.2022
அதிகரித்த காற்றுமாசு ஏறக்குறைய உலகம் முழுவதும் அசுத்தமான காற்றை சுவாசிக்கிறது. உலகின் 700 கோடி மக்கள்தொகையில் 99% சதவீத மக்கள், உலக சுகாதார நிறுவனம் வரையறுத்துள்ள காற்றின் தரத்தை விட கூடுதலான காற்றுமாசுபாடு உள்ள இடங்களில் வசிக்கின்றனர் என ஆய்வில் தெரிவிக்கப்பட்டுள்ளது. 4 ஆண்டுகளுக்கு முன் இது 90 சதவீதமாக இருந்தது. காற்று மாசு காரணமாக உலகில் ஆண்டுக்கு 10 லட்சம் பேர் உயரிழக்கின்றனர் என உலக சுகாதார நிறுவனம் தெரிவித்துள்ளது. உலகில் மத்திய தரைக்கடல்,தென்கிழக்கு ஆசியா, ஆப்ரிக்காவில் காற்றின் தரம் மோசமாக உள்ளது. தகவல் சுரங்கம் அமைதிக்கு விளையாட்டு உடல், மனதை ஆரோக்கியமாக வைக்க விளையாட்டு உதவுகிறது. பல்வேறு மொழி, கலாசார வேறுபாடுகளை கடந்து விளையாட்டு உலக மக்களை ஒருங்கிணைக்கிறது. விளையாட்டுக்கு உலகை மாற்றும் சக்தி உண்டு. இது உலகில் நிலையான வளர்ச்சி, அமைதி, ஒற்றுமைக்கு வழிவகுக்கிறது. ஐ.நா., சார்பில் ஏப். 6ல் வளர்ச்சி, அமைதிக்கான சர்வதேச விளையாட்டு தினம் கடைபிடிக்கப்படுகிறது. 'விளையாட்டின் பங்களிப்பு மூலம் அனைவருக்கும் நிலையான, அமைதியான எதிர்காலத்தை பாதுகாப்பது' இந்தாண்டு மையக்கருத்து.
07.04.2022
பனிக்கட்டி மிதப்பது ஏன் பொதுவாக திடப்பொருட்களின் அடர்த்தி தண்ணீரின் அடர்த்தியைவிட அதிகம் இருப்பதால் அவை நீரில் இடும்போது மூழ்கிவிடுகின்றன. ஆனால் பனிக்கட்டி, வெண்ணெய் போன்ற திடப்பொருள் மூழ்குவதில்லை. இவற்றின் அடர்த்தி நீரின் அடர்த்தியைவிடக் குறைவாக இருப்பதால் இவை மிதக்கின்றன. நீரின் மூலக்கூறு (எச்2ஓ). இரண்டு ஹைட்ரஜன் அணு, ஒரு ஆக்சிஜன் அணுவால் ஆனது. இரண்டு ஹைட்ரஜன் அணுக்களும் எலக்ட்ரான்களைச் சமமாக வழங்கி, சமமாகப் பகிர்ந்துகொள்கின்றன இதனால் பனிக்கட்டியின் அடர்த்தி குறைகிறது. தகவல் சுரங்கம் உலக சுகாதார தினம் சுகாதாரத்தின் முக்கியத்துவம் பற்றி விழிப்புணர்வு ஏற்படுத்தும் விதமாக ஏப். 7ல் உலக சுகாதார தினம் கடைபிடிக்கப்படுகிறது.உலக சுகாதார நிறுவனம் 1948 ஏப்.7ல் நிறுவபட்டது. இதை நினைவுபடுத்தும் விதமாக இந்நாளில் இத்தினம் உருவாக்கப்பட்டது. 'நமது கோள்; நமது சுகாதாரம்' என்பது இந்தாண்டு மையக்கருத்து.அதுவும் தற்போதைய கொரோனா சூழலில் சுகாதாரம் மிக அவசியம். உடல் நலம் சரியாக இருந்தால் தான், எந்த வேலையையும் செய்ய முடியும். சரியான சத்தான உணவு எடுப்பது, தினமும் யோகா, உடற்பயிற்சி செய்தால் நோயின்றி வாழலாம்.
08.04.2022
கடுகின் சிறப்பு சமையலில் முக்கியமான பொருள் கடுகு. சிறிய செடியாக வளரும். கடுகுத் தாவரத்தில் இருந்து பெறப்படும் விதையே கடுகு. இது 1 - 2 மி.மீ., விட்டம் கொண்டது. இதன் தாவரக் குடும்பம் 'பிராசிகேசியே'. பூர்வீகம் ஐரோப்பா. கடுகுச் செடி நீளமான இலைகளுடன் மென்மையான தண்டுப் பகுதி கொண்டது. 90 செ.மீ. முதல் 4 அடி உயரம் வளரும். பூக்கள் மஞ்சள் நிறத்தில் சிறியதாக இருக்கும். 'சிலிகுவா' எனப்படும் பச்சைக் காய்களில் கடுகு விதைகள் பொதிந்து இருக்கும். 150 நாட்களில் செடி வளர்ந்து, முதிர்ந்து அறுவடைக்குத் தயாராகும். மருத்துவ குணம் வாய்ந்தது. தகவல் சுரங்கம் நீர் அருந்தாத உயிரினம் மனிதர்கள் உட்பட உயிரினங்களுக்கும் தண்ணீர் மிக அவசியம். வாழ்நாள் முழுதும் நேரடியாக தண்ணீர் அருந்தாமலே வாழும் சில உயிரினங்கள் உள்ளன. இவை பாலைவனத்தில் வாழ்கின்றன. இதில் முக்கியமானது கங்காரு எலி. உருவத்தில் சிறியது. கங்காருவை போல நீண்ட கால்கள் கொண்டதால் கங்காரு எலி எனப்படுகிறது. இது தன் கண்ணங்களில் உணவை சேமித்து வைக்கிறது. இதன் உடலில் எண்ணெய் பிசுபிசுப்பு ரோமங்களை கொண்டுள்ளதால் இதற்கு வியர்வை ஏற்படாது. இதனால் உடல் வறட்சி இல்லாமல் நீண்ட நேரம் இருக்க முடிகிறது.
09.04.2022
உருகும் அண்டார்டிகா மேற்கு அண்டார்டிகாவின் பனிப்படலம் கடந்த 44 ஆண்டுகளில் பாதி அளவுக்கு உருகி உள்ளது. அண்டார்டிகா பனிப்படலத்தின் 1991 - 2020 சராசரி அளவை விட, கடந்த மார்ச் 26ல் 26 சதவீதம் குறைவாக இருந்தது. மேற்கு அண்டார்டிகா பனிப்படலம் முழுவதும் உருகினால் உலகில் கடல் நீர்மட்டம் 10 அடி வரை உயரும். அதிகரிக்கும் பசுமை இல்ல வாயுக்கள் வெளியேற்றமே பனிப்படலம் உருகுவதற்கு காரணம் என ஆய்வில் தெரிவிக்கப்பட்டுள்ளது. அண்டார்டிகா பனிப்படலம் முழுதும் உருகினால் கடல் நீர்மட்டம் 183 அடி உயரும். தகவல் சுரங்கம் புவிசார் குறியீடு ஒரு இடத்தில் தயாரிக்கப்படும் பொருள் அப்பகுதியின் நிலம், நீரின் தன்மைக்கு ஏற்பவே அமையும். அதை வேறு இடங்களில் தயாரித்தால் அதே சுவை, தன்மை இருக்காது. இதுபோன்ற புவிசார் தன்மைகளைப் பாதுகாக்கும் பொருட்டு ஏற்பட்ட ஒரு சர்வதேச அறிவுசார் சொத்துரிமையே புவிசார் குறியீடு. அந்தப் பகுதியில் குறிப்பிட்ட முறையைக் கையாளாமல் யாராவது தயார் செய்து விற்றால் அது போலி, குற்றம் என ஆகிவிடும். தமிழகத்தில் காஞ்சிபுரம் பட்டுச்சேலை, மதுரை மல்லிகைப் பூ, திண்டுக்கல் பூட்டு உட்பட சுமார் 40 பொருட்களுக்கு புவிசார் குறியீடு வழங்கப்பட்டுள்ளது.
10.04.2022
கப்பலின் எடை கப்பலை கட்டி முடித்த பின்னர் அதில் பொருட்கள் நிரப்பாமல் நீரில் விடுவார்கள். கப்பல் நீரில் மிதக்கும்போது நீரின் அளவு உயரும். ஆர்க்கிமிடிஸ் கோட்பாட்டின்படி உயரும் நீரின் நிறை கப்பலின் நிறைக்குச் சமமாக அமையும். அதன்படி கப்பலின் நிறையைக் கணக்கிடுவார்கள். கப்பலின் பக்கவாட்டில் கிடைநிலையில் சில கோடுகள் இருக்கும். சரக்கு ஏற்றியவுடன் கப்பல் நீரில் அமிழ்ந்ததும், எந்தக் கோடு வரை கப்பல் அமிழ்கிறது என்பதை வைத்து, சரக்கு ஏற்றிய கப்பலின் எடையைக் கணக்கிடுவார்கள். டன் அளவு துல்லியத்தில் கணக்கிடப்படுகிறது. தகவல் சுரங்கம் ஓமியோபதி தினம் மாற்று மருத்துவ முறைகளில் ஒன்று ஓமியோபதி. இதை கண்டறிந்தவர் ஜெர்மனியை சேர்ந்த டாக்டர் சாமுவேல் ஹனிமன். இவரது சாதனையை அங்கீகரிக்கும் விதமாக அவரது பிறந்தநாளான ஏப். 10 உலக ஓமியோபதி தினமாக கடைபிடிக்கப்படுகிறது. இந்தியாவில் ஆயுஷ் அமைச்சகத்தின் கீழ் ஓமியோபதி செயல்படுகிறது. இம்முறையில் ஒருவர் எவ்வாறு நோய்வாய்ப்படுகிறார் என்பதை உணவின் வரலாறு மூலமும், அவருக்கு நிகழ்ந்த மகிழ்ச்சி, கவலை, மன அழுத்தம் போன்ற மனம் சார்ந்த நிகழ்வுகள் மூலம் அறிந்து, அதற்கேற்ப மருந்து வழங்கப்படுகிறது.
11.04.2022
'டயர்' நிறத்துக்கு காரணம் வாகனங்களுக்கு மிக முக்கியானது டயர். கார், பஸ், ஆட்டோ, டூவீலர் என அனைத்து வாகனங்களும் பல வண்ணங்களில் இருந்தாலும், அவற்றின் சக்கர டயர்களின் நிறம் கருப்பாகவே உள்ளது. இதற்கு காரணமும் உள்ளது. துவக்க காலத்தில் வெள்ளை நிறத்தில் டயர் தயாரிக்கப்பட்டது. ஆனால் அவை நீண்டகாலம் உழைக்கவில்லை. அதனால் துாய்மையான ரப்பருடன் 'கார்பன் பிளாக்' வேதி சேர்மத்தை கலந்து டயர்கள் தயாரிக்கப்பட்டன. இதன் காரணமாகதான் டயர்களின் நிறமும் கருப்பாக உள்ளது. இவை நீண்டகாலம் உழைத்தது. தகவல் சுரங்கம் தாழ்வான பகுதி கேரளாவின் குட்டநாடு என்ற பகுதி இந்தியாவிலேயே தாழ்வான பகுதி. உலகில் கடல் மட்டத்திலிருந்து தாழ்வாக இருந்தும் வேளாண்மை செய்யப்படும் ஒரு சில இடங்களில் இதுவும் ஒன்று. இப்பகுதி கடல் மட்டத்தில் இருந்து 4 முதல் 10 அடி உயரம் வரை தாழ்வாக உள்ளது. இது கேரளாவின் ஆலப்புழா, பத்தனம்திட்டா, கோட்டயம் மாவட்டங்களை உள்ளடக்கிய பகுதியாக திகழ்கிறது. கேரளாவின் ஐந்து முக்கிய ஆறுகளில் பம்பா, மீனாச்சி, அச்சன்கோவில், மணிமாலா ஆகிய 4 ஆறுகள் இப்பகுதியில் பாய்கிறது. இதனால் இப்பகுதி ஆண்டு முழுவதும் தண்ணீரால் சூழப்பட்டிருக்கும்.
12.04.2022
கண் இமைப்பது ஏன் நாம் மூச்சு விடுவது போல கண் இமைப்பதும் ஒரு அனிச்சை செயல் தான். இது கண்ணை உலராமல் இருக்கவும் சுத்தம் செய்யவும் நடைபெறும் ஓர் உடலியல் நிகழ்வு. சராசரியாக நிமிடத்துக்கு 15 முதல் 20 முறை கண் இமைக்கிறோம். காரின் முன்புறத்தில் இருக்கும் வைபர், கண்ணாடியைத் தேய்த்து சுத்தம் செய்யும். அதுபோல கண் இமைத்தல் என்பது, கண்ணின் மேற்புறத்தை சிறிதளவு கண்ணீரால் தேய்த்து உலர்ந்துவிடாமல் ஈரப்பதத்துடன் வைக்கிறது. கண்ணில் நீர் படுவது இல்லாத போது மூளை, கண்ணீர் சுரப்பிகளை துாண்டிவிட்டு கண்ணீரைச் சுரக்கும். தகவல் சுரங்கம் விண்வெளி பயணத்தின் துவக்கம் இன்று பல்வேறு நாடுகளில் இருந்தும் விண்வெளி வீரர்கள் விண்வெளி பயணம் மேற்கொள்கின்றனர். ஆனால் முதலில் இச்சாதனையை நிகழ்த்தியவர் ரஷ்யாவின் யூரி காகரின். இவர் கடந்த 1961 ஏப்., 12ல் ரஷ்யா 'வோஸ்டாக் 1 விண்கலம் மூலம் முதன்முதலாக விண்வெளிக்கு சென்று, பின் பூமியை வந்தடைந்து சாதனை படைத்தார். விண்வெளியில் 1 மணி, 48 நிமிடம் தங்கி பூமியை ஒருமுறை சுற்றி வந்தார். இச்சாதனையை அங்கீகரிக்கும் விதமாக 2011ல் ஐ.நா., சபை ஏப்., 12ம் தேதி உலக மனித விண்வெளி பயண தினமாக அறிவித்தது.
13.04.2022
முதல் கண் வங்கி கண் தானம் மூலம் பெறப்படும் கருவிழிகளைச் சேகரித்து, முறையாகப் பரிசோதித்து அதைக் கருவிழி மாற்று சிகிச்சை செய்யும் மருத்துவருக்கு அனுப்பும் பணியைக் கண் வங்கிகள் செய்து வருகின்றன. உலகின் முதல் கருவிழி (கார்னியா) மாற்று அறுவை சிகிச்சை 1905ல் வெற்றிகரமாக செய்யப்பட்டது. பின் 1944ல் உலகில் முதல் கண் வங்கி அமெரிக்காவின் நியூயார்க்கில் தொடங்கப்பட்டது. பின் பல்வேறு நாடுகளில் கண் வங்கிகள் தொடங்கப்பட்டன. இந்தியாவில் முதன்முதலாக 1945ல் சென்னையில் கண் வங்கி தொடங்கப்பட்டது. தகவல் சுரங்கம் ஜாலியன் வாலாபாக் படுகொலை ஆங்கிலேயரின் 'ரவுலட்' சட்டத்துக்கு எதிர்ப்பு தெரிவித்து 1919 ஏப்., 13ல் பஞ்சாபில் ஜாலியன் வாலபாக் திடலில் கண்டன பொதுக்கூட்டம் நடந்தது. பெண்கள், குழந்தைகள் உட்பட ஆயிரக்கணக்கானோர் கூடினர். இந்த திடலில் உள்ளே, வெளியே செல்ல ஒரு குறுகிய வழி மட்டுமே இருந்தது. போராட்டத்தை கண்டு கொதிப்படைந்த ஆங்கிலேய அரசு, ஜெனரல் டயர் தலைமையில் ஒரு படையை அனுப்பியது. அப்படை மனிதாபிமானமற்ற முறையில் 10 நிமிடம் நடத்திய துப்பாக்கி சூட்டில் ஆயிரக்கணக்கானோர் பலியாகினர்.
14.04.2022
அணுவின் துவக்கம் அணுவின் அடிப்படைகளில் ஒன்றான எலக்ட்ரானை முதலில் கண்டறிந்தவர் பிரிட்டன் விஞ்ஞானி ஜே.ஜே.தாம்சன். மின்சாரவியல், காந்தவியல், ஐசோடோப்புகள் உட்பட பல ஆராய்ச்சிகள் மேற்கொண்டார். நவீன அணு இயற்பியலின் தந்தை என அழைக்கப்படுகிறார். மின்னிறக்க குழாயில் மின்சாரத்தைச் செலுத்தும்போது ஏற்படும் விளைவுகளைக் கண்டறிந்ததற்காக 1906ல் இயற்பியலுக்கான நோபல் பரிசு பெற்றார். இவரது மாணவரான நியூசிலாந்தின் எர்னஸ்ட் ரூதர்போர்டு, அணுவைபிளக்க முடியும் என நிரூபித்தார். இது அணுகுண்டு தயாரிக்க அடிப்படையாக அமைந்தது. தகவல் சுரங்கம் இனிமையான தீவு உலகில் தீவு நாடுகள் பல உள்ளன. இதில் பரப்பளவில் சிறிய தீவு நாடு நவ்ரி தீவு. இதன் பரப்பளவு 21 சதுர கி.மீ. இது பசிபிக் பெருங்கடலில் அமைந்துள்ளது. இதன் மக்கள்தொகை 11,800. இது 1968 ஜன. 31ல் பிரிட்டன், ஆஸ்திரேலியா, நியூசிலாந்திடம் இருந்து சுதந்திரம் பெற்றது. இது 'இனிமையான தீவு' எனவும் அழைக்கப்படுகிறது. இந்நாட்டுக்கு அதிகாரப்பூர்வ தலைநகர் எதுவும் இல்லை. துவக்கத்தில் இந்நாட்டில் கிடைத்த 'பாஸ்பேட்' தாது காரணமாக அதிக வருமானம் கிடைத்தது. தற்போது அந்த வளம் குறைந்து விட்டதால் பொருளாதாரமும் குறைந்துவிட்டது.
15.04.2022
குளிரும் நெப்டியூன் சூரிய குடும்பத்தில் உள்ள எட்டு கோள்களில் கடைசியாக இருப்பது நெப்டியூன். சூரியனில் இருந்து 447 கோடி கி.மீ., துாரத்தில் நெப்டியூன் உள்ளது. இதன் வெப்பநிலை மைனஸ் 207 டிகிரி செல்சியஸ் (மைனஸ் 373 டிகிரி பாரன்ஹீட்). இது 'குளிர்ச்சியான கோள்' என அழைக்கப்படுகிறது. இந்நிலையில் இந்த கோள் ஏற்கனவே விஞ்ஞானிகள் மதிப்பிட்டதை விட மிக குளிர்ச்சியாக இருக்கிறது என ஆய்வில் கண்டறியப்பட்டுள்ளது. 2003 -2018 வரை ஆய்வு செய்ததில் நெப்டியூனில் வெப்பநிலை 14 டிகிரி பாரன்ஹீட் அளவு கூடுதலாக குறைந்துள்ளது. தகவல் சுரங்கம் 'ரிக்டர்' வரலாறு நில அதிர்வுகளை நிர்ணயிக்க ரிக்டர் அளவுகோல் பயன்படுகிறது. இதை 1935ல் அமெரிக்க நில அதிர்வியலாளர் சார்லஸ் பிரான்சிஸ் ரிக்டர் கண்டுபிடித்தார். இதனால் இதற்கு 'ரிக்டர்' என பெயர் வந்தது. நில அதிர்வின் அளவு 2க்கு குறைவாக இருக்கும் போது மனிதர்களால் உணரமுடியாது. இவை மைக்ரோ நிலநடுக்கம் என அழைக்கப்படும். இவை சாதாரணமாக தொடர்ந்து நடைபெறும். ரிக்டர் அளவில் 6க்கும் மேல் பதிவாகும் நிலநடுக்கம் மோசமான பாதிப்புகளை ஏற்படுத்தும். மேலும் நிலநடுக்கம் ஏற்படும் இடத்தை பொறுத்து பாதிப்பு அளவு வேறுபடும்.
16.04.2022
முதல் மின்சார படகு முழுவதும் மின்சாரத்தில் இயங்கும் முதல் 'ரேஸ்' படகின் சோதனை ஓட்டம் இத்தாலியின் 'போ' ஆற்றில் வெற்றிகரமாக நடத்தப்பட்டது. 'ைஹட்ரோபாய்ல்' தொழில்நுட்பத்தில் இயங்கும். படகின் எடை 800 கிலோ. நீளம் 23 அடி. அகலம் 6.5 அடி. ஒரு மாலுமி இயக்கும் வகையில் வடிவமைக்கப்பட்டுள்ளது. ஒருமுறை சார்ஜ் செய்தால் 92 கி.மீ., சுற்றளவு வரை செல்லும். 150 கிலோவாட் மின்சாரத்தில் இயங்கும் இப்படகு மணிக்கு 93 கி.மீ., வேகத்தில் செல்லும். இது 2023ல் முதன்முறையாக நடைபெற உள்ள மின்சார படகு போட்டியில் பங்கு பெறும் என அறிவிக்கப்பட்டுள்ளது. தகவல் சுரங்கம் சர்வதேச வர்த்தகம் உலக வர்த்தக அமைப்பு 1995 ஜன.1ல் தொடங்கப் பட்டது. இது உலகின் பெரிய சர்வதேச பொருளாதார அமைப்பு. தலைமையகம் சுவிட்சர்லாந்தின் ஜெனிவாவில் உள்ளது. இந்தியா உட்பட 164 நாடுகள் உறுப்பினர்களாக உள்ளன. இந்த அமைப்பில் உள்ள நாடுகள் இடையே சர்வதேச வணிகத்தை ஒழுங்குமுறைபடுத்துதல், வணிக உடன்பாடுகளை மேற்கொள்ளுதல், ஒப்பந்தம் செய்த இரு நாடுகளுக்கு இடையே ஏற்படும் வணிக பிரச்னைகளுக்கு தீர்வு காணுதல் முக்கிய பணிகள். ஆங்கிலம், பிரஞ்சு, ஜப்பானிய மொழிகள் அலுவல் மொழியாக உள்ளது.
18.04.2022
பெரிய நிலநடுக்கம் சிலியின் வடக்கு பகுதியில் 3800 ஆண்டுகளுக்கு முன் நிலநடுக்கம் ஏற்பட்டது. இது ரிக்டர் அளவில் 9.5 என பதிவாகியது. இதுதான் உலகின் மிகப்பெரிய நிலநடுக்கம். இதன் காரணமாக சுனாமி அலையும் உருவாகியது. அது 8000 கி.மீ., துாரத்தில் உள்ள நியூசிலாந்து வரை சென்றது என பிரிட்டனின் சவுத்தாம்பன் பல்கலை ஆய்வில் தெரிவிக்கப் பட்டுள்ளது. சிலியின் அடகோமா பாலைவனத்தில் சுனாமி அலையால் சேதமடைந்த கற்களால் ஆன கட்டடங்களை ஆய்வு செய்து இதை விஞ்ஞானிகள் கண்டறிந்தனர். தகவல் சுரங்கம் உலக பாரம்பரிய தினம் ஒரு நாட்டுக்கு பெருமை சேர்ப்பதில் பாரம்பரிய சின்னங்கள் முக்கிய பங்கு வகிக்கிறது. இவற்றை பாதுகாப்பது பற்றிய விழிப்புணர்வை ஏற்படுத்த ஏப். 18ல் உலக பாரம்பரிய தினம் ஐ.நா., சார்பில் கொண்டாடப் படுகிறது. 'பாரம்பரியம் மற்றும் காலநிலை' என்பது இந்தாண்டு மையக்கருத்து. உலகிலுள்ள பண்பாட்டு, கலாசார இடங்களை பாதுகாக்க, அவற்றை உலகின் பாரம்பரிய பண்பாட்டு சின்னங்கள் பட்டியலில் ஐ.நா., வின் யுனேஸ்கோ சேர்த்து வருகிறது. இதில் இந்தியா சார்பில் 40 இடங்கள் இடம்பெற்றுள்ளது. இதில் 32 கலாசாரம், 7 இயற்கை, ஒன்று இரண்டும் கலந்தது.
19.04.2022
யார் வேலைக்கு பாதிப்பு தொழில்நுட்ப வளர்ச்சியால் பல்வேறு பணிகளுக்கும் இயந்திரம் வந்து விட்டது. இந்நிலையில் எதிர்காலத்தில் எந்தெந்த துறையில் ரோபோக்கள் ஆதிக்கம் செலுத்தும் என சுவிட்சர்லாந்தில் ஆய்வு நடத்தப்பட்டது. இதில் இறைச்சி பேக்கிங், துப்புரவு, கட்டடம் கட்டுபவர் போன்ற பணிகள் இயந்திரமயமாக (ரோபோ உட்பட) மாறுவதற்கு அதிக வாய்ப்பு உள்ளது. இதனால் இவர்களது பணி பாதிக்கும் வாய்ப்பு உள்ளது. அதே நேரத்தில் ஆசிரியர், வக்கீல், இயற்பியலாளர் போன்ற பணிகளில் ரோபோ வாய்ப்பு குறைவால் அவர்களுக்கு பாதிப்பில்லை.*** தகவல் சுரங்கம்: எல்லையில் சாலை பாதுகாப்பு அமைச்சகத்தின் கீழ் செயல்படும் எல்லைச்சாலை கழகம் (பி.ஆர்.ஓ.,) 1960 மே 7ல் தொடங்கப்பட்டது. இந்திய ராணுவத்துக்கான உள் கட்டமைப்புகளை அமைக்கும் பணியில் ஈடுபடுகிறது. வங்கதேசம், சீனா உட்பட அண்டை நாடுகளுடனான இந்திய எல்லைகளில் சாலைகளை அமைக்கிறது. 2015 அடிப்படையில் 50 ஆயிரம் கி.மீ., துார ரோடு, 450 நிரந்தர பாலங்கள், 19 விமான ஓடுபாதைகளை அமைத்துள்ளன. 2021 நவம்பரில் உலகின் உயரமான இடத்தில் (லடாக்கின் உம்லிங் லா, கடல் மட்டத்தில் இருந்து 19,024 அடி) சாலை அமைத்து உலக கின்னஸ் சாதனை படைத்தது.
20.04.2022
வெயில் காலத்தில் மண்பானை நீர் ஏற்றதாக இருக்கும். களிமண், நீரைக்கொண்டு கைகளால் உருட்டி மண் பானை செய்யப்படுகிறது. ஈர நிலையில் செய்யப்படும் பானையை உலரவைத்து சூடுபடுத்திய பின் விற்பனை செய்கிறார்கள். மண்பானையைக் கூர்ந்து கவனித்தால் அதில் சிறு நுண் துளைகள் இருக்கும். மண் பானையில் வைக்கும் நீர், தந்துகிக் கவர்ச்சியின் காரணமாக இந்தத் துளைகளில் நுழையும். சிறிது சிறிதாக பானையின் மேலே கசிந்து ஆவியாகும். ஆவியாகி பானையின் வெப்பத்தை எடுத்துக்கொள்ளும். எனவே, பானையில் உள்ள நீர் சற்றே குளிர்ந்துவிடும். தகவல் சுரங்கம்: உயரமான கட்டடம் இந்தியாவின் உயரமான கட்டடம் மும்பையில் கட்டப்பட்டுள்ளது. 'வேர்ல்டு ஒன்' எனும் இந்த தனியார் அடுக்குமாடி குடியிருப்பு கட்டடத்தின் உயரம் 919 அடி. இதில் 76 மாடி உள்ளது. துவக்கத்தில் 1450 அடி உயரம் கட்ட திட்டமிடப்பட்டது. ஆனால் இதற்காக இந்திய விமானக்கட்டுப்பாட்டு அமைப்பின் (ஏ.ஏ.ஐ.,) அனுமதியை பெறுவதில் கட்டுமான நிறுவனம் தோல்வியை தழுவியது. 2011ல் பணி தொடங்கி 2019ல் நிறைவடைந்தது. 2020ல் கட்டடம் பயன்பாட்டுக்கு திறக்கப்பட்டது. இதன் அருகிலேயே இரண்டாவது உயரமான கட்டடம் (911 அடி) 'வேர்ல்டு வீவ்' உள்ளது.
21.04.2022
குழலின் தடிமன், திரவத்தின் பாகுதன்மையை பொறுத்து தந்துகி கவர்ச்சி விசை அமையும். ஒரு கண்ணாடி டம்ளரில் நீரை நிரப்பி 'ஸ்ட்ராவை' நேராக நீரில் அமிழ்த்தி பிடித்தால் டம்ளரின் நீர் மட்டத்தை விட ஸ்ட்ராவில் நீர் மட்டம் சற்று மேலே இருக்கும். இதுவே ஸ்ட்ரா தடிமன் இன்னும் மெல்லியதாக இருந்தால் ஸ்ட்ராவில் நீரின் உயரம் மேலும் உயரும். புவிஈர்ப்பு விசைக்கு எதிரான திசையில் நீரை உந்துவதுதான் தந்துகி கவர்ச்சி விசை. அகல் விளக்கில் திரியின் வழியாக எண்ணெய் உயரத்தை நோக்கிக் கசிகிறது. இதற்கும் தந்துகி கவர்ச்சி விசை தான் காரணம். தகவல் சுரங்கம்: குடிமை பணிகள் தினம் நாட்டின் வளர்ச்சியில் 'சிவில் சர்வீஸ்' எனும் குடிமைப்பணி அதிகாரிகளின் பங்கு முக்கியமானது. 1947 ஏப்., 21ல் டில்லி 'மெட்கால்பே' இல்லத்தில் நாட்டின் முதல் உள்துறை அமைச்சரான வல்லபபாய் படேல், நாட்டின் முதல் இந்திய குடிமைப்பணி அதிகாரிகளின் முதல் குழுவிடம் (பேட்ஜ்) ஆற்றிய உரையை நினைவு கூர்ந்திடும் வகையில் 2006ல் ஏப். 21ல் தேசிய குடிமை பணிகள் தினம் தொடங்கப்பட்டது. நாட்டின் வளர்ச்சிக்கு முக்கியமாக கருதப்படும் ஐ.ஏ.எஸ்., - ஐ.பி.எஸ்., - ஐ.எப்.எஸ்., அதிகாரிகளை கவுரவிக்க இத்தினம் கொண்டாடப்படுகிறது.
22.04.2022
உப்பு இல்லாமல் உப்பின் சுவை உணவில் சுவையை கூட்டுவதில் உப்பு முக்கிய பங்கு வகிக்கிறது. அதே நேரம் உப்பு அதிகம் எடுப்பது உடலுக்கு நல்லதல்ல. இந்நிலையில் உப்பின் சுவையும் கிடைத்தது போல, உப்பு அதிகமாக எடுப்பதை தடுக்கும் நோக்கிலும் 'மின்சார சாப்ஸ்டிக்ைஸ' ஜப்பான் விஞ்ஞானிகள் தயாரித்துள்ளனர். இது மின் துாண்டுதல், மணிக்கட்டு சாதனத்தை பயன்படுத்தி நமது உணவில் இருந்து 'சோடியம் அயனை' மாற்றி வாய்க்கு உப்பு சுவையை உணர வைக்கிறது. அதுவும் சாதாரண நிலையை விட 1.5 மடங்கு கூடுதல் உப்பு சுவையை உணர செய்கிறது. தகவல் சுரங்கம்: உலக பூமி தினம் சூரிய குடும்பத்தில் பூமியில் மட்டுமே மக்கள் வாழ்கின்றனர். இயற்கை வளம், சுற்றுச்சூழலை பாதிக்கும் பிளாஸ்டிக் பயன்பாட்டை தவிர்க்க வேண்டும். பூமியை பாதுகாப்பது பற்றி விழிப்புணர்வு ஏற்படுத்த ஏப்., 22ல் உலக பூமி தினம் கடைபிடிக்கப்படுகிறது. 'நம் பூமியில் முதலீடு செய்யுங்கள்' என்பது இந்தாண்டு மையக்கருத்து. கடந்த 1970 ஏப்., 22ல் 150 ஆண்டுகால தொழிற்சாலை கழிவால் பாதிக்கப்பட்ட சுற்றுச்சூழலை பாதுகாக்கக்கோரி அமெரிக்கா உள்ளிட்ட சில நாடுகளில் லட்சக்கணக்கானோர் போராட்டம் நடத்தினர். இதுவே பூமி தினமாக உருவெடுத்தது.
23.04.2022
ஸ்மார்ட்போன் பயன்படுத்தும் நேரத்தை குறைப்பதால் ஏற்படும் பயன்கள் பற்றி ஆய்வு நடத்தப்பட்டது. 619 பேர் ஆய்வில் பங்கேற்றனர். 200 பேர் ஒரு வாரத்துக்கு அலைபேசி பயன்படுத்துவதை நிறுத்தினர். 226 பேர் ஒரு மணி நேரம் மட்டும் பயன்படுத்தினர். 193 பேர் இதில் எந்த மாற்றமும் செய்யவில்லை. ஆய்வு முடிவில் முற்றிலும் அலைபேசி பயன்படுத்துவதை நிறுத்தியவர்கள், நேரத்தை குறைத்தவர்களுக்கு கவலை குறைவாகவும், வாழ்க்கை நிம்மதியாகவும் இருக்கிறதாம். மேலும் உடற் பயிற்சி செய்வதற்கான வாய்ப்பும் அதிகரிக்கிறது என தெரிவிக்கப்பட்டுள்ளது. தகவல் சுரங்கம்: உலக புத்தக தினம் உடலுக்கு உடற்பயிற்சி போல மனதுக்கு புத்தகம் வாசித்தல். புத்தகம் படிப்பதை பழக்கமாக்கினால் தன்னம்பிக்கை வளரும். மக்களை நல்வழிப்படுத்துவதில் புத்தகம் சிறந்த வழிகாட்டி. உலகில் வாசித்தல், பதிப்பித்தல், அறிவாற்றல் சொத்துகளை பதிப்புரிமை மூலம் பாதுகாக்கும் நோக்கில் ஐ.நா., சார்பில் ஏப்., 23ல் உலக புத்தகம், பதிப்புரிமை தினம் கொண்டாடப்படுகிறது. புகழ்பெற்ற இலக்கிய வாதிகளான ஷேக்ஸ்பியர், செர்வாண்டிஸ், இன்கா கார்சிலாசோ போன்றோர் 1616 ஏப்., 23ல் மறைந்தனர். இவர்களது பங்களிப்பை போற்றும் வகையில் இத்தினம் உருவாகியது.
24.04.2022
ஆக்சிஜனை கவர்வது எதுநாம் சுவாசிக்கும் போது எல்லா வாயுக்களும் கலந்த கலவை காற்று தான். காற்று தான் நுரையீரலுக்குள் செல்கிறது. அங்கு ஆல்வியோலி என்னும் மூச்சுச் சிற்றறைக்குள் புகும். அந்த நுண்ணறைகளின் உட்சுவரில் சிறுசிறு ரத்த நுண்குழாய்கள் இருக்கும். இவை காற்றில் உள்ள ஆக்சிஜன் மூலக்கூறுகள் ரத்தத்தில் கலக்கச் செய்யும். ரத்தத்தில் உள்ள ஹீமோகுளோபினகள் ஆக்சிஜனை கவர்ந்து பற்றிக் கொள்ளும். ரத்தத்தில் உள்ள கார்பன்டைஆக்சைடு நுரையீரலுக்கு வந்து விடும். இவ்வாறு தான் ஆக்சிஜனை மட்டும் நுரையீரல் பிரித்தெடுத்து ரத்தத்தில் கலக்கச் செய்கிறது. தகவல் சுரங்கம்பஞ்சாயத்துராஜ் தினம்கிராமங்கள் வளர்ச்சி பெற வேண்டும் என்ற நோக்கில் பஞ்சாயத்து ராஜ் அமைப்புகள் உருவாக்கப்பட்டன. உள்ளாட்சி அமைப்பு தங்களின் தேவை, வளர்ச்சியை திட்டமிட்டு நிறைவேற்றிக் கொள்ள பஞ்சாயத்து ராஜ் சட்டம் வழிவகுக்கிறது. 1993ல் ஏப் 24ல் இச்சட்டம் அமலுக்கு வந்ததை நினைவு படுத்தும் விதமாக ஏப்., 24ல் பஞ்சாயத்துராஜ் தினம் கடைப்பிடிக்கப்படுகிறது. இந்தியாவில் சுமார் 2.39 லட்சம் கிராம ஊராட்சி , 6,904 ஊராட்சி ஒன்றியம், 589 மாவட்ட ஊராட்சி என 2.51 லட்சம் ஊரக ஊராட்சிகள் உள்ளன. இவற்றுக்கு ஐந்தாண்டுக்கு ஒரு முறை தேர்தல் நடக்கிறது
25.04.2022
வியாழன் நிலவில் தண்ணீர் பூமிக்கு ஒரு துணைக்கோள் (நிலவு) மட்டும் உள்ளது. வியாழன் கோளுக்கு 79 துணைக்கோள்கள் (நிலவுகள்) உள்ளன. இதில் ஒன்றான 'யரோப்பா' நிலவில் 30 கி.மீ., தடிமன் அளவில் பனிக்கட்டியால் உறைந்த நிலையில் தண்ணீர் இருப்பதற்கான வாய்ப்பு உள்ளது என நாசா விஞ்ஞானிகள் கண்டறிந்துள்ளனர். சூரியனில் இருந்து (74.40 கோடி கி.மீ., துாரம்) ஐந்தாவது கோளாக வியாழன் உள்ளது. இது சூரியக்குடும்பத்தின் பெரிய கோள். மற்ற கோள்களை சேர்த்தால் வரும் எடையை விட இரண்டு பங்கு பெரியது. வியாழன் சூரியனை ஒருமுறை சுற்றுவதற்கு 4333 நாட்கள் ஆகிறது. தகவல் சுரங்கம் உலக மலேரியா தினம் மலேரியாவால் ஏற்படும் பாதிப்பு, கட்டுப்படுத்துதல் பற்றி விழிப்புணர்வை ஏற்படுத்த ஐ.நா சார்பில் ஏப்.,25ல் உலக மலேரியா தினம் கடைபிடிக்கப்படுகிறது. 'புதுமைகளை கண்டுபிடித்து மலேரியா நோய்பாதிப்பை குறைத்தல், மக்களை பாதுகாத்தல்' என்பது இந்தாண்டு மையக்கருத்து. பிளாஸ்மோடியம் ஒட்டுண்ணி மூலமாக மலேரியா ஏற்படுகிறது. இது அனோபிலிஸ் எனும் பெண் கொசுவின் வயிற்றில் தொற்றிக்கொள்கிறது. பின் இது ஒருவரை கடிப்பதின் மூலம், மலேரியா பரவுகிறது. இது உடலில் கல்லீரலை தாக்குகிறது. பின் ரத்த சிவப்பு அணுக்களை தாக்கி அழிக்கிறது.
26.04.2022
மெதுவாக செல்லும் உயிரினம் மற்ற உயிரினம் போல நத்தையிலும் பல வகை உள்ளன. இவை நிலத்தில் மட்டுமல்லாமல் குளம், குட்டை, ஆறு, கடல் போன்ற நீர்நிலைகளிலும் வாழ்கின்றன. இது எலும்புகள் இல்லாத உயிரினங்களுள் ஒன்று. இதற்கு கால்கள் இல்லை என்றாலும் அதன் அடிப்பாகம் முழுவதும் தட்டையான பாதம்போல செயற்படும். வயிற்றுப்பகுதியை உந்தித் தள்ளி ஊர்ந்து செல்லும். இதற்கு வழவழப்பான சளி போன்ற பிசின் உதவுகிறது. சராசரியாக நொடிக்கு ஒரு மில்லி மீட்டர் வேகத்தில் மட்டுமே நகர்ந்து செல்லும். உடலிலேயே வீடும் உள்ளதால் உணவைத் தேடுவது மட்டுமே அதன் வேலை. தகவல் சுரங்கம் அறிவுசார் சொத்துரிமை தினம் எழுத்தாளர்கள், கலைஞர்கள், கண்டுபிடிப்பாளர்கள், வணிகர்கள் தங்களின் அறிவுசார் சொத்துகளை மற்றவர்கள் முறைகேடாக திருடிவிடாமல் பாதுகாப்பது அவசியமாகிறது. இதற்கு அதை காப்புரிமை, பதிப்புரிமை செய்வது அவசியம். இதுகுறித்து விழிப்புணர்வு ஏற்படுத்தும் விதமாக ஏப்., 26ல் உலக அறிவுசார் சொத்துரிமை தினம் கடைபிடிக்கப்படுகிறது. ஒருவரது அறிவின் வெளிப்பாடான கருத்துகள், வணிக முறைகள், அறிவியல் கண்டுபிடிப்புகள், கலை படைப்புகள் போன்றவை அறிவுசார் சொத்தாக வகைப்படுத்தப்பட்டுள்ளது.
27.04.2022
பறவைகளில் கழுகு உயரமாக பறக்கும் தன்மை கொண்டது. தன் ஆற்றலைப் பயன்படுத்தி இறக்கையை அசைத்து மேலே எழும்பாமல், வீசும் காற்று, வெப்பச் சலனத்தை பயன்படுத்தி உயரே எழுகிறது. மலைத்தொடருக்கு சற்றேறக்குறைய செங்குத்து திசையில் காற்று வீசும்போது, வீசும் காற்றில் மிதந்து கழுகு உயரே எழும்பிப் பறக்கிறது. சில சமயம் சூரிய ஒளியில் தரை வெப்பமடைந்து வெப்பக்காற்றுக் குமிழிகள் உருவாகும். இந்தக் குமிழியில் உள்ள காற்றின் அடர்த்தி, குறைவு என்பதால் பலுான் போல மேலே எழும். இந்த குமிழிகளைப் பயன்படுத்தியும் உயரே பறக்கும். தகவல் சுரங்கம்: நான்காவது பெரிய ரயில்வே ரயில் பாதைகளின் துாரம் அடிப்படையில் உலகின் நான்காவது பெரியது இந்திய ரயில்வே. இந்தியாவில் 2021 டிச. 31ன் படி 67,956 கி.மீ., துார ரயில் பாதைகள் அமைக்கப்பட்டுள்ளன. இந்திய ரயில்வேயின் கீழ் மத்திய ரயில்வே, கொங்கன், மெட்ரோ ரயில்வே, வடக்கு ரயில்வே வட மத்திய ரயில்வே, வடகிழக்கு ரயில்வே, வடகிழக்கு முன்னணி, வடமேற்கு, கிழக்கு ரயில்வே, கிழக்கு மத்திய, கிழக்கு கடலோர, தெற்கு ரயில்வே, தெற்கு மத்திய, தெற்கு கடலோர, தென்கிழக்கு, தென்கிழக்கு மத்திய, தென்மேற்கு, மேற்கு ரயில்வே, மேற்கு மத்திய ரயில்வே என 19 மண்டலங்களாக பிரிக்கப்பட்டுள்ளன.
28.04.2022
அனைத்து திரவங்களும் குறிப்பிட்ட குளிர் நிலைக்கு உட்படுத்தப்பட்டால் உறையும். அதன் உறை நிலை மட்டும் மாறுபடும். நீரின் உறை நிலை 0 டிகிரி செல்சியஸ். அறை வெப்ப நிலையில் திரவமாக இருக்கும் உலோகமான பாதரசத்தின் உறை நிலை மைனஸ் 38.9 டிகிரி செல்சியஸ். ஆல்கஹாலின் உறைநிலை மைனஸ் 114 டிகிரி செல்சியஸ். சில திரவங்கள் உறை நிலையை எட்டும்போது நுண்ணிய உறை படிகங்கள் உருவாகாமல் செய்தால், அவை உறைவது சற்று தாமதிக்கலாம். இப்படி கவனமாக குளிரூட்டப்பட்ட திரவம் 'சூப்பர் கூல்ட் லிக்விட்' எனப்படுகிறது. தகவல் சுரங்கம்: சுகாதாரமான பணியிடம் விவசாயம், கட்டடம், துப்புரவு, சாலை, மின்சாரம், குடிநீர் வாரியம், சுரங்கம், அலுவலகம் உட்பட பல துறைகளிலும் தொழிலாளர்கள் பணிபுரிகின்றனர். இவ்வாறு பணியிடங்களில் அவர்களது சுகாதாரம், பாதுகாப்பை வலியுறுத்தி உலக தொழிலாளர் அமைப்பு ஏப். 28ம் தேதியை உலக பணியிட சுகாதாரம், பாதுகாப்பு தினமாக அறிவித்தது. பணியில் உள்ள தொழிலாளர்களுக்கு ஏற்படும் விபத்து, நோய்களை தடுப்பது பற்றி விழிப்புணர்வு ஏற்படுத்துவதே இதன் நோக்கம். 'அனைவரும் இணைந்து பணியிடங்களில் சிறந்த சுகாதார, பணி பாதுகாப்பு சூழலை கட்டமைப்போம்' என்பது இந்தாண்டு மையக்கருத்து.
29.04.2022
பருவநிலையை பாதிக்கும் கார்பன் உள்ளிட்ட பசுமை இல்ல வாயுக்கள் வெளியீட்டை 2050க்குள் பூஜ்யமாக குறைக்க பிரிட்டன் திட்டமிட்டுள்ளது. இதற்காக பல நடவடிக்கைகளை எடுத்துள்ளது. பருவநிலை மாற்றத்தை சமாளிக்க மின்சார கார் வாங்குவது பெரும்பாலான பிரிட்டன் மக்களுக்கு சாத்தியமில்லை. ஆனால் இறைச்சி குறைவாக எடுப்பது, சைக்கிளில் செல்வது, விமான பயன்பாட்டை குறைப்பது போன்றவை மூலம் பருவ நிலையை காக்க உதவலாம் என அந்நாட்டின் தலைமை அறிவியல் ஆலோசகர் பேட்ரிக் வாலனஸ் தெரிவித்துள்ளார். தகவல் சுரங்கம்: உலக நடன தினம் சர்வதேச தியேட்டர் நிறுவனம், யுனெஸ்கோ இணைந்து ஏப். 29ல் உலக நடன தினத்தை கடைபிடிக்கின்றன. நடனம் ஒரு சிறந்த கலை. நடனத்தில் பங்கேற்பது, பலருக்கும் நடனம் கற்றுக்கொடுப்பது, அவர்களது திறமையை அங்கீகரிக்க ஏப்.29ல் உலக நடன தினம் கொண்டாடப்படுகிறது. சர்வதேச தியேட்டர் இன்ஸ்டிடியூட், ஐ.நா.,வின் யுனெஸ்கோ இணைந்து இத்தினத்தை உருவாக்கியது. பிரான்ஸ் நடனக் கலைஞர் ஜான் ஜார்ஜ் நுாவர், பாலே நடனக் கலையில் சிறந்து விளங்கியவர். இவரை கவுரவிக்கும் விதமாக இவரது பிறந்த தினம் (ஏப். 29) உலக நடன தினமாக தொடங்கப்பட்டது.
30.04.2022
இருவகை உயிரினங்கள் உயிரினங்கள் செல் எனும் மிகச்சிறிய செயல்படும் அலகுகளால் ஆனவை. உயிரினங்களின் உடலின் அனைத்து பணிகளும் இந்த நுண்ணிய செல்களின் மூலமே செயல்படுத்தப்படுகின்றன. இது ஒரு செல் உயிரி, பல செல் உயிரி என இரு வகைப்படும். வெறும் கண்களால் பார்க்க முடியாத, நுண்ணோக்கியால் மட்டுமே பார்க்க முடிபவை ஒரு செல் உயிரினங்கள். உதாரணம் அமீபா, பாரமீயம், யூக்ளினா. மனிதர்கள், விலங்குகள் உட்பட பெரும்பாலான உயிரினங்கள் பல செல் உயிரிகள். உதாரணம் மண்புழு, மீன், தவளை, பாம்பு, புறா, புலி, குரங்கு. தகவல் சுரங்கம் தென்னிந்தியாவின் காஷ்மீர் கேரளாவின் இடுக்கி மாவட்டத்தில் உள்ள மூணாறு, கோடைகால சுற்றுலா தலங்களில் ஒன்று. இதன் பரப்பளவு 187 சதுர கி.மீ. மேற்குத்தொடர்ச்சி மலைத்தொடரில், கடல் மட்டத்திலிருந்து 5200 அடி உயரத்தில் அமைந்துள்ளது. இது 'தென்னிந்தியாவின் காஷ்மீர்' என அழைக்கப்படுகிறது. முதிரப்புழா, நல்லதண்ணி, குண்டலை ஆகிய மூன்று ஆறுகள் சங்கமிக்கும் இடம் என்பதால் மூணாறு என பெயர் வந்தது. இங்கு பிரதான தொழில் தேயிலை உற்பத்தி. குளிர்பிரதேசம், இயற்கை சூழல் காரணமாக சிறந்த சுற்றுலா தலமாகவும் திகழ்கிறது.
01.05.2022
நீருக்குள் பயணம் தண்ணீரில் மூழ்கி செல்லும் சொகுசு நீர்மூழ்கி கப்பலை நெதர்லாந்து நிறுவனம் உருவாக்கியுள்ளது. 'யு போட் வொர்க்ஸ் நெக்சஸ் சீரிஸ்' என பெயரிடப்பட்டுள்ளது. 656 அடி ஆழம் வரை செல்லும். இதில் மாலுமி உட்பட 9 பேர் அமர்ந்து பயணிக்கலாம். கண்ணாடி வழியாக சுறா, ஆமை உட்பட பல்வேறு கடல்வாழ் உயிரினங்களை ரசிக்கலாம். உயிர்க்கவசம் உள்ளிட்ட பாதுகாப்பு உபகரணங்களும் இதில் உள்ளன. இது மணிக்கு 5.47 கி.மீ., வேகத்தில் செல்லும். இதிலுள்ள 62 கிலோ வாட் பேட்டரி திறன் தொடர்ந்து 18 மணி நேரம் செயல்படும். இதன் எடை 11 ஆயிரம் கிலோ. தகவல் சுரங்கம் தொழிலாளர் தினம் சமூக, பொருளாதார உலகில் தொழிலாளர்களின் பங்களிப்பை கவுரவிக்கும் விதமாக உலக தொழிலாளர் அமைப்பு சார்பில் மே 1ல் உலக தொழிலாளர் தினம் கடைபிடிக்கப்படுகிறது. தொழிலாளர்களுக்கு '8 மணி நேர வேலை, 8 மணி நேர ஓய்வு, 8 மணி நேர துாக்கம்' என்ற வகையில் இருக்க வேண்டும் என்பதை இத்தினம் வலியுறுத்துகிறது. 19ம் நுாற்றாண்டில் வளர்ந்த நாடுகளில் 12 - 18 மணி நேரம் கட்டாயம் வேலை என இருந்தது. இதை எதிர்த்து தொழிலாளர்கள் போராட்டங்களை நடத்தினர். இந்தியாவில் 1923ல் இத்தினம் தொடங்கப்பட்டது.
02.05.2022
மிதக்கும் பலுான் பலுானில் உள்ள காற்றை வெப்பப்படுத்தும்போது அது விரிவடைகின்றது. இதன் காரணமாக பலுானில் உள்ள காற்றின் அடர்த்தி குறைகிறது. அதனால் பலுானில் உள்ள காற்றின் அடர்த்தி வெளிப்புறத்தில் உள்ள காற்றின் அடர்த்தியைவிட குறைகின்றது. இந்த அடர்த்தி வேறுபாட்டின் காரணமாக வெப்பக்காற்று அடைக்கப்பட்ட பலுான் காற்றில் மிதக்கின்றது. நெருப்பு என்பது, காற்று சேர்ந்த வெப்பமான புகைதான். ஆகவே அடர்த்தி குறைவான நெருப்புப் பிழம்பும், அதிலிருந்து வரும் புகையும் புவிஈர்ப்புவிசையை மீறி மேல்நோக்கி எரிகின்றன. தகவல் சுரங்கம் உலக சூரை மீன் தினம் கடலில் பிடிக்கப்படும் மீன்களில் அதிகபட்சமாக 20 சதவீதம் சூரை மீன் (டுனா). அதே போல் உலகில் விற்பனை செய்யப்படும் மீன், இந்த மீனில் ஒமேகா - 3, மினரல், புரோட்டின், வைட்டமின் பி12 போன்ற சத்துக்கள் உள்ளன. இந்த மீன் வகையை பாதுகாக்கும் விதமாக ஐ.நா., சார்பில் மே 2ல் உலக சூரை மீன் தினம் கடைபிடிக்கப்படுகிறது. இதில் வரிச்சூரை, மஞ்சள் துடுப்பு சூரை, பெரிய கண் சூரை என மூன்று வகை உள்ளன. இவை ஒரே சீரான தட்பவெப்ப நிலையை விரும்பும். அந்த நீரோட்டத்தை அடையாளம் கண்டு கண்டம் விட்டு கண்டம் செல்லும் இயல்புடையது.
03.05.2022
ஆஸ்துமா தினம் ஆஸ்துமா என்பது ஒரு சுவாசக் கோளாறு. சுவாச மண்டலத்தின் காற்றுப் பாதைகள் சுருங்குவதால் ஏற்படுகிறது. இதுபற்றிய விழிப்புணர்வு ஏற்படுத்தும் விதமாக மே மாதத்தின் முதல் செவ்வாய் (மே 3) உலக ஆஸ்துமா தினமாக கடைபிடிக்கப்படுகிறது. 2019ல் 26.20 கோடி பேர் ஆஸ்துமாவால் பாதிக்கப்பட்டனர். 4.6 லட்சம் பேர் பலியாகினர் என உலக சுகாதார நிறுவனம் தெரிவித்துள்ளது. 'ஆஸ்துமா சிகிச்சையில் உள்ள இடைவெளியை மூடுதல்' என்பது இந்தாண்டு மையக்கருத்து. ஆஸ்துமா நோயாளிகளுக்கு இன்ேஹலர் உதவிகரமாக அமையும். தகவல் சுரங்கம் பத்திரிகை சுதந்திர தினம் உள்ளூர் முதல் உலக நிகழ்வுகளை உண்மை நிலையில் இருந்து தவறாமல், யாருக்கும் அஞ்சாமல் மக்களுக்கு வழங்குவதே பத்திரிகை. இவை சுதந்திரமாக செயல்பட்டால் தான்,உண்மை நீடிக்கும். பத்திரிகை சுதந்திரத்தை காப்பது, பத்திரிகையாளர் மீதான தாக்குதலை தடுக்கும் விதமாக ஐ.நா., சார்பில் 1993 முதல் மே 3ல் உலக பத்திரிகை சுதந்திர தினம் கடைபிடிக்கப்படுகிறது. ஆபத்து காலத்தில் பத்திரிகை சுதந்திரம் பாதிக்கப்பட்டால், அதற்கு எதிராக போராடும் தனி நபர், பத்திரிகை, தொண்டு நிறுவனத்துக்கு 'யுனெஸ்கோ' சார்பில் விருது வழங்கப்படுகிறது.
04.05.2022
மின்னல் வேக பயணம் அமெரிக்க விண்வெளி மையமான நாசாவின் கென்னடி விண்வெளி மையத்தில், முழுவதும் தானாகவே இயங்கும் 'பாலிமூவ்' ரோபோ கார் மணிக்கு 309 கி.மீ., வேகத்தில் இயக்கி சாதனை நிகழ்த்தியது. இதற்கு முன் பிரிட்டனின் 'ரோபோரேஸ்' நிறுவனத்தின் கார் மணிக்கு 282 கி.மீ., வேகத்தில் இயங்கியதே சாதனை. இத்தாலியின் டாலரா நிறுவனம் 'பாலிமூவ்' காரை உருவாக்கியது. கேமரா, ரேடார், சென்சார் மூலம் தானாக இயங்குகிறது. 360 டிகிரியில் சுழலும் சென்சார் பொருத்தப்பட்டுள்ளதால் வேகமாக சென்றாலும், பாதுகாப்பாக பயணிக்க உதவுகிறது. தகவல் சுரங்கம் நிலக்கரி சுரங்க தினம் மின்சாரம், இரும்பு உள்ளிட்ட பல்வேறு பணிகளுக்கு நிலக்கரி மிக அவசியம். நிலக்கரி சுரங்கங்களில் தினமும் தோண்டுதல், நிலக்கரியை பிரித்தெடுத்தல் போன்ற ஆபத்தான பணியில் ஈடுபடும் தொழிலாளர்களின் உழைப்புக்கு மரியாதை அளிக்கும் விதமாக மே 4ல் நிலக்கரி சுரங்க தினம் கடைபிடிக்கப்படுகிறது. * தீ விபத்துகளின் போது உயிரை பணயம் வைத்து, தீயை அணைப்பது, மீட்பு பணிகளில் ஈடுபடும் தீயணைப்பு வீரர்களின் பணியை அங்கீகரிக்கும் விதமாக மே 4ல் சர்வதேச தீயணைப்பு வீரர்கள் தினம் கடைபிடிக்கப்படுகிறது.
05.05.2022
ஏழு மணி நேர துாக்கம் ஆரோக்யமான உடல்நலனுக்கு தினமும் இரவில் 7 மணி நேர ஆழ்ந்த துாக்கம் அவசியம் என பிரிட்டனின் கேம்பிரிட்ஜ் பல்கலை ஆய்வில் தெரிவிக்கப்பட்டுள்ளது. 38 - 73 வயதுக்குட்பட்ட 5 லட்சம் பேரிடம் ஆய்வு நடத்தப்பட்டதில் 7 மணி நேரத்துக்கு குறைந்த அல்லது அதிகமாக துாங்குபவர்களிடம் மனநலம், அறிவாற்றல் பிரச்னைகளை ஏற்படுத்துகிறது என கண்டறியப்பட்டது. துாக்க நேரம், மனநல கோளாறு, டிமென்ஷியா ஒன்றுக்கொன்று தொடர்புடையவை. துாக்கத்தின் போது நமது மூளையில் நடக்கும் செயல்பாடு, உடல், மனநலம், நினைவாற்றலுக்கு மிக முக்கியம். தகவல் சுரங்கம் முதல் நியமன எம்.பி., பல்வேறு துறைகளில் சாதனை படைத்தவர்கள், ராஜ்யசபாவில் நியமன எம்.பி.,யாக ஜனாதிபதியால் நியமிக்கப்படுகின்றனர். மொத்த நியமன எம்.பி.,க்களின் எண்ணிக்கை 12. இதில் முதல் பெண் நியமன எம்.பி.,யாக நியமிக்கப்பட்டவர் ருக்மிணி தேவி அருண்டேல். இவர் 1952 ஏப்., 3 - 1962 ஏப்., 2 வரை நியமன எம்.பி., ஆக பணியாற்றினார். 1904 பிப்., 29ல் மதுரையில் பிறந்தார். பரதநாட்டியக் கலைஞர். விலங்குகள் நல ஆர்வலராகவும் இருந்தார். 'கலாஷேத்ரா' கலைப்பள்ளியை தொடங்கினார். பத்ம பூஷண் விருது பெற்றவர். 1986 பிப். 24ல் மறைந்தார்.
06.05.2022
எதிரொலி கேட்பது எப்படி காற்றில் ஒலியின் வேகம் வினாடிக்கு 330 மீட்டர்(1080 அடி). ஒலியலைகள் சற்றுத் தொலைவில் உள்ள ஏதோ ஒரு பொருளின் மீது மோதி நமது திசை நோக்கிப் பிரதிபலிப்பதே எதிரொலி. அதாவது ஒலிபடும்பொருள், ஒலியைக் கிரகிக்கும் தன்மை இல்லாமல் பிரதிபலிக்கும் தன்மையுடன் இருக்க வேண்டும். பிரதிபலிக்கும் பொருள் நம்மிடம் இருந்து 17 மீட்டருக்கு (56 அடி) அப்பால் இருந்தால் தான் எதிரொலி கேட்க வாய்ப்பு உருவாகும். மலைப்பகுதிகளில் சத்தமிடும்போது பாறை போன்றவை 17 மீட்டருக்கு அப்பால் இருப்பதால் அதன் மீது பட்டு, ஒலி எதிரொலிக்கிறது. தகவல் சுரங்கம் இரட்டை சகோதரி குழு பார்லிமென்டில் உள்ள மதிப்பீட்டுக்குழு 1950ல் உருவாக்கப்பட்டது. இதில் 30 லோக்சபா எம்.பி.,க்கள் உறுப்பினர்களாக உள்ளனர். மத்திய பட்ஜெட்டின் மதிப்பீடுகளை ஆய்வு செய்வது இதன் பணி. இதன் காலம் ஓராண்டு. மற்றொரு கமிட்டியான பொதுக்கணக்கு குழு 22 எம்.பி.,க்களுடன் (லோக்சபா 15, ராஜ்யசபா 7) செயல்படுகிறது. இது வருவாயை தணிக்கை செய்வதற்கும், மத்திய அரசின் செலவுகளை ஆய்வு செய்யும் விதமாக உருவாக்கப் பட்டது. இந்த இரண்டு குழுக்களும் 'இரட்டை சகோதரி குழு' என அழைக்கப்படுகிறது.
07.05.2022
அடுத்த இலக்கு 'வெள்ளி' நிலவு, செவ்வாய் கிரகத்தை அடுத்து வெள்ளி கிரகத்தை ஆய்வு செய்ய உள்ளதாக இஸ்ரோ தெரிவித்துள்ளது. சூரியக்குடும்பத்தில் புதன் - பூமி இடையே வெள்ளி உள்ளது. இது கிழக்கில் இருந்து மேற்கு நோக்கி சுழல்வதால், இங்கு சூரியன் மேற்கில் உதிக்கிறது. இது சூரியனை சுற்ற 225 நாட்கள், தன்னைத்தானே சுற்றுவதற்கு 243 நாட்கள் ஆகிறது. அடர்த்தியான வளிமண்டலத்தை கொண்டுள்ளதால் சூரியனில் இருந்து வரும் வெப்பத்தை, வெள்ளி அப்படியே வைத்துக்கொள்கிறது. இதனால் வெப்பமான கோளாக திகழ்கிறது. வெப்பநிலை 482 டிகிரி செல்சியஸ். தகவல் சுரங்கம் தடகள விளையாட்டு தினம் விளையாட்டு போட்டிகளில் முக்கியமானது தடகளம். இது ஓடுதல், நடைபயிற்சி, குதிப்பது, ஈட்டி எறிதல், நீளம் தாண்டுதல், உயரம் தாண்டுதல் உட்பட பல்வேறு பிரிவுகளை உள்ளடக்கியது. பள்ளி, கல்லுாரிகளில் தடகள விளையாட்டு போட்டிகளில் மாணவர்கள், இளைஞர்களின் பங்கேற்பை ஊக்கப்படுத்தும் விதமாக மே 7ல் உலக தடகள தினம் கடைபிடிக்கப்படுகிறது. சர்வதேச தடகள கூட்டமைப்பு 1996ல் இத்தினத்தை உருவாக்கியது. இளைஞர்கள் உடல்நலனை ஆரோக்கியமாக வைத்திருக்க வேண்டும் என்பதை இத்தினம் வலியுறுத்துகிறது.
08.05.2022
நட்சத்திரம் மின்னுவது ஏன் சூரியனை விடவும் பல கோடி கி.மீ., அப்பால் நட்சத்திரங்கள் இருக்கின்றன. அதனால் அவை நம் கண்களுக்கு குட்டியாகத் தெரிகின்றன. சூரியன்தான் நமக்கு அருகில் உள்ள நட்சத்திரம். சூரியனுக்கு அடுத்து உள்ளது பிராக்சிமா சென்டாரி நட்சத்திரம். இதன் ஜொலிப்பு குறைவு எனவே கண்ணுக்கு தெரிவதில்லை. அல்பா சென்டாரி நட்சத்திரம் பிராக்சிமாவை விட துாரம். இதன் ஜொலிப்பு அதிகம் எனவே கண்களுக்குத் தெரியும். நட்சத்திரங்கள் மின்னுவதில்லை. வளிமண்டல காற்றை அவற்றின் ஒளி கடந்து வரும்போது நம் கண்களுக்கு மின்னுவது போல் தோற்றமளிக்கின்றன. தகவல் சுரங்கம் அன்னையர் தினம் அன்னையர்கள் இல்லையெனில் நாம் இந்த மண்ணில் அவதரித்திருக்க முடியாது. வயதான காலத்திலும் அன்னையை அன்போடு நடத்த வேண்டும் என்பதை உணர்த்தும் விதமாக, ஆண்டுதோறும் மே இரண்டாவது ஞாயிறு (மே 8) உலக அன்னையர் தினம் கொண்டாடப்படுகிறது. * போர் நடைபெறும் இடங்களில் பாதிக்கப்படும் மக்களுக்கு மனிதநேயத்துடன் உதவி செய்யும் விதமாக 1919ல் செஞ்சிலுவை சங்கம் தொடங்கப்பட்டது. இதை நிறுவியவர்களில் ஒருவரான ஹென்றி துனாத் பிறந்த தினமான மே 8 உலக செஞ்சிலுவை சங்க தினமாக கடைபிடிக்கப்படுகிறது.
09.05.2022
மேகம் மிதப்பது எப்படி வானில் மேகக்கூட்டங்கள் மிதப்பதை காண்கிறோம். இவை எப்படி தனியாக மிதக்கிறது என்பதற்கு காரணம் உள்ளது. திரவம் அல்லது வாயு பொருட்களில், பொதுவாகவே 'திணிவு அடர்த்தி' அதிகமாக இருக்கும் பொருட்கள் மூழ்கும். ஆனால் அடர்த்தி குறைவாக உள்ள பொருட்கள் மிதக்கும். நீரில் மரக்கட்டை மிதக்கிறது என்றால், மரக்கட்டையின் 'திணிவு அடர்த்தி' என்பது நீரைவிட குறைவு என பொருள். நீராவி நிரம்பிய மேகத்தின் திணிவு அடர்த்தி என்பது காற்றின் திணிவை விடக் குறைவு என்பதால்தான் மேகம் காற்றில் மிதக்கிறது. தகவல் சுரங்கம் மின்சார 'மீன்' மீன்களில் வித்தியாசமானது 'ஈல்' எனும் விலாங்கு மீன். இது எதிரிகளிடம் இருந்து தன்னை பாதுகாத்துக் கொள்வதற்காக மின்னாற்றலை உற்பத்தி செய்து வெளியிடுகிறது. உடல் பாம்பை போன்று இருக்கும். தென் அமெரிக்காவின் அமேசான் ஆறுகளின் கிளை நதிகளில் வாழ்கின்றன. இதன் உடலில் இரண்டு வித்தியாசமான மின்சாரம் உற்பத்தி செய்யும் உறுப்புகள் உள்ளன. இவை குறிப்பிட்ட துாரத்திற்கு மின்சாரத்தைப் பாய்ச்சியும் தன் இரையைக் கொல்லும். தன் உடலில் 650 வோல்ட்ஸ் மின் அழுத்தத்தை கொண்டுள்ளது. உலகில் சுமார் 800 வகை ஈல்கள் உள்ளன.
11.05.2022
கார்பன் அதிகரிப்பு பூமியில் இதுவரை இல்லாத அளவாக ஏப்ரல் மாத சராசரி கார்பன் வெளியீடு அளவு முதன்முறையாக 420 பி.பி.எம்., (பார்ட்ஸ் பெர் மில்லியன்) அளவை தாண்டியது. உலகில் 1958 முதல் கார்பன் வெளியீடு அளவு விஞ்ஞானிகளால் பதிவு செய்யப்படுகிறது. அப்போது முதல் பதிவான மாத சராசரி கார்பன் வெளியீடு களுடன் ஒப்பிடுகையில் 2022 ஏப்ரலில் கார்பன் அளவு அதிகளவை எட்டியது. அதே போல வளிமண்டலத்தில் ஆண்டுதோறும் 4000 கோடி மெட்ரிக் டன் கார்பன் டை ஆக்சைடு கலக்கிறது. வெப்பநிலை உயர்வு, பருவநிலை பாதிப்புக்கு கார்பன் அதிகரிப்பு முக்கிய காரணம். தகவல் சுரங்கம் தேசிய தொழில்நுட்ப தினம் இந்தியா 1998 மே 11, 13ல், ராஜஸ்தானின் பொக்ரானில் நடத்திய அணுகுண்டு சோதனைகள் வெற்றி பெற்றன. உலகின் அணு ஆயுத நாடுகளின் பட்டியலில் ஆறாவது நாடாக இணைந்தது. இச்சாதனையை அங்கீகரிக்கும் விதமாக இந்நாள் தேசிய தொழில்நுட்ப தினமாக அறிவிக்கப்பட்டது. அறிவியல், தொழில்நுட்ப துறையில் நாட்டின் சாதனைகளை அங்கீகரிப்பது, புதிய தொழில் நுட்பங்களை உருவாக்குவது, இளைஞர்களுக்கு அறிவியல் மீதான ஆர்வத்தை ஏற்படுத்துதல் ஆகியவற்றை வலியுறுத்துவதே இத்தினத்தின் நோக்கம்.
12.05.2022
பசியை போக்கும் தாவரங்கள் பூமி, மனிதர்களின் சுகாதார நலன் தாவரங்களை சார்ந்தே உள்ளது. நமது உணவு தேவையில் 80%, சுவாசிக்கும் ஆக்சிஜனில் 98% தாவரங்களே பூர்த்தி செய்கின்றன. ஆரோக்கியமான தாவரம் பசியை போக்குகிறது, வறுமையை குறைக்கிறது, சுற்றுச்சூழலை காக்கிறது, பொருளாதார வளர்ச்சியை மேம்படுத்துகிறது. இவ்வளவு முக்கியத்துவம் வாய்ந்த தாவரங்களை பாதுகாக்க வலியுறுத்தி ஐ.நா., சார்பில் மே 12ல் சர்வதேச தாவர சுகாதார தினம் கடைபிடிக்கப்படுகிறது. ஆண்டுதோறும் தாவர பூச்சி நோய்களால் 40% வரை உணவுப்பயிர் பாதிக்கப்படுகின்றது. தகவல் சுரங்கம் உலக செவிலியர் தினம் நோயாளிகளுக்கு மருத்துவ சிகிச்சை அளிப்பதில் செவிலியர்களின் சேவை போற்றத்தக்கது. இவர்களது சவாலான பணியை அங்கீகரிக்கும் விதமாக மே 12ல் உலக செவிலியர் தினம் கடைபிடிக்கப்படுகிறது. 'உலகலாளவிய சுகாதாரத்தை பாதுகாக்க செவிலியர் உரிமைகளை மதித்தல், அதற்காக குரல் கொடுத்தல்' என்பது இந்தாண்டு மையக்கருத்து. செவிலியர் பணியில் நவீன முறைகளை புகுத்திய பிரிட்டனின் புளோரன்ஸ் நைட்டிங்கேல் பிறந்தநாளை (மே 12) கவுரவிக்கும் விதமாக 1974ல் சர்வதேச செவிலியர் சங்கத்தால் இத்தினம் தொடங்கப்பட்டது.
13.05.2022
மீன்களுக்கு ஆபத்தாகும் கப்பல் திமிங்கல சுறா மீன்கள், சரக்கு கப்பல்கள், மீன்பிடி படகுகளில் மோதி பலியாவதால் உலகில் அதன் எண்ணிக்கை குறைகிறது என பிரிட்டனின் சவுத்தாம்டன் பல்கலை ஆய்வில் தெரிவிக்கப்பட்டுள்ளது. ஏனெனில் 90 சதவீத திமிங்கல சுறா மீன்கள், கப்பல் வழித்தடத்தையே பயன்படுத்துகின்றன என செயற்கைக்கோள் மூலம் கண்டுபிடித்துள்ளனர். திமிங்கல சுறா 20 அடி முதல் 62 அடி நீளம் வரை வளரும். இவை கடலின் பிளாங்க்டன் அளவைக் கட்டுப்படுத்துகின்றன. மேலும் கடல் உணவு வலை, ஆரோக்கியமான கடல் சுற்றுச்சூழல் அமைப்புகளில் முக்கிய பங்கு வகிக்கின்றன. தகவல் சுரங்கம் ஐ.நா., பல்கலையின் நோக்கம் ஐ.நா., சபை நோக்கம், கொள்கைகளை மேம்படுத்துவதில் ஆராய்ச்சி படிப்புகளை வழங்கும் விதமாக ஐ.நா., பல்கலை 1972ல் ஐ.நா., சபை சார்பில் ஜப்பான் தலைநகர் டோக்கியோவில் தொடங்கப்பட்டது. 2017 கணக்கின் படி இங்கு 335 மாணவர்கள் படிக்கின்றனர். முதுநிலை, பி.எச்டி., படிப்பு வழங்கப்படுகிறது. ஜப்பான் மட்டுமல்லாமல் பெல்ஜியம், ஜெர்மனி, மலேசியா, சீனா, கானா, நெதர்லாந்து, கனடா, பின்லாந்து, போர்ச்சுக்கல், வெனிசுலா, ஐஸ்லாந்து, அமெரிக்கா என மொத்தம் 12 நாடுகளில் இதன் கேம்பஸ் செயல்படுகிறது. இந்தியாவில் இதன் கிளை இல்லை.
14.05.2022
இடம் பெயரும் பறவைகள் தினம் உலகளவில் ஆண்டுதோறும் 4000 பறவை இனங்கள் இடம் பெயர்கின்றன. ஆண்டுக்கு இருமுறை குளிர்காலத்தில், வெப்பமான காலநிலையை தேடி இடம்பெயர்கின்றன. இவ்வகை பறவைகள், அவற்றின் வாழ்விடங்களை பாதுகாக்க வலியுறுத்தி ஐ.நா., சார்பில் மே மாதம் இரண்டாவது சனி (மே 14) சர்வதேச இடம்பெயரும் பறவைகள் தினமாக கடைபிடிக்கப் படுகிறது. இடம் பெயரும் பறவைகள் எதிர்கொள்ளும் பிரச்னைகள், சூழலியல் முக்கியத்துவம், பாதுகாப்பதற்கான சர்வதேச ஒத்துழைப்பு ஆகியவற்றில் கவனம் செலுத்துவதே இதன் முக்கிய நோக்கம். தகவல் சுரங்கம் பேட்டரிக்கு உதவும் அமிலம் சல்பர், ஆக்சிஜன், ைஹட்ரஜன் ஆகியவை கலந்தது சல்ப்யூரிக் அமிலம். இதன் வேதியியல் குறியீடு 'எச்2எஸ்ஓ4' இந்த அமிலம் கார் பேட்டரிகளில் பயன்படுத்தப்படுகிறது. இது நிறமற்ற, மணமற்ற, பிசுபிசுப்பான திரவம். இது நீரில் எல்லா அளவிலும் கலந்து விடும். இது அனைத்து உலோகங்களுடனும் அவற்றின் ஆக்சைடுகளுடனும் தொடர்பு கொள்கிறது. இது இல்லாமல் பேட்டரியை சார்ஜ் செய்ய முடியாது. உரம் தயாரித்தல், கனிமங்களை பிரித்தெடுத்தல், வெடிமருந்து தயாரித்தல் போன்றவற்றில் இது பயன்படுத்தப்படுகிறது.
15.05.2022
ஐக்கிய நாடுகள் பொதுச்சபையானது 1993ஆம் ஆண்டு செப்டம்பர் 20 இல் சர்வதேச குடும்ப தினம் மே 15 அன்று அனுசரிக்க வேண்டும் என முடிவு செய்தது. குடும்பத்தை சமத்துவத்தோடு நடத்துவது, குடும்ப வன்முறையை தடுத்தல் போன்ற விழிப்புணர்வுகளை குடும்பங்களில் ஏற்படுத்தவே இத்தினம் கொண்டாடப்படுகிறது. சிட்டுக்குருவிக்கும் சிறு கூடு உண்டு. குடும்பத்திற்காக கூடு அமைத்து, அதில் தன் குஞ்சுகளை குடியேற்றும். இரையை தேடிச் சென்று வாயில் கவ்வி, குஞ்சுகளுக்கு ஊட்டி மகிழ்ந்து, சுகமான குடும்ப பந்தத்தை அனுபவிக்கும். சந்தோஷங்கள், சிறு சிறு சண்டைகள், சமாதானங்கள் என அனைத்தும் நிறைந்த அற்புத அமைப்பு குடும்பம். அது அனைத்து உறவுகளும் சங்கமித்திருக்கும் சமுத்திரம். இன்று கூட்டுக் குடும்பங்கள் சிதைந்து… தனிக் குடும்பங்களாய் பிரிந்து வாழ்கிறோம். காலத்தின் கட்டாயமாய்… இன்றைய நவீன உலகில், வாழ்வாதாரத்திற்காக, சொந்த இடங்களை விட்டு, வெவ்வேறு இடங்களில் பணியாற்றுவோரின் எண்ணிக்கை அதிகரிக்கிறது. குடும்ப உறுப்பினர்கள் ஒன்றாக இருப்பது அரிதாக உள்ளது. குடும்ப கட்டமைப்பிலும் “விரிசல்’ உருவாகிறது. இதைக் கவனத்தில் கொண்டுதான் ஒவ்வொருவரும், குடும்பத்துக்கு முக்கியத்துவம் தர வலியுறுத்தி, மே 15ம் தேதி சர்வதேச குடும்ப தினம் கடைபிடிக்கப்படுகிறது. இன்றைய காலகட்டத்தில் இப்படி ஒரு தினம் கடைப் பிடிக்கப்படுகிறது என்பதைக் கூட வாட்ஸ் அப் மற்றும் பேஸ் புக் மூலம் அறிந்துக் கொள்ள வேண்டிய சூழ்நிலை இருப்பது வேதனையிலும் வேதனை. ஆம்.. இளைய தலைமுறையினரின் மெத்தனப்போக்கு, தான்தோன்றித் தனம், கட்டுப்பாடில்லா வாழ்க்கை முறை போன்றவை தற்போது அதிகரித்து வருவதைக் காணமுடிகிறது. காதல், திருட்டு, வன்முறை போன்றவற்றால் பிஞ்சு மனம் நஞ்சாகும் அபாயம் ஏற்பட்டுள்ளது. இதற்கு பெற்றோரின் அலட்சியமே காரணம். மேலும் சீரழிந்து வரும் கலாசார மாறுபாடும் இது போன்ற சம்பவங்களுக்கு அடிக்கல்லாக அமைந்துவிடுகிறது. கணவன், மனைவி உறவில் விரிசல், மாமியார், மருமகளிடையே நல்லிணக்கம் இல்லாமை போன்றவற்றால் காலம் காலமாக கருத்து மோதல்கள் ஏற்படுகின்றன. கடந்த 30 ஆண்டுகளுக்கு முன்பெல்லாம் கிராமத்திலும், நகரத்திலும்கூட கட்டுப்பாடான வாழ்க்கை முறை, பெற்றோருக்கு அடங்கிய பிள்ளைகள், கூட்டுக் குடும்ப வாழ்க்கை என நன்றாகவே இருந்தது. ஆனால், அண்மைக்காலமாக இவை அனைத்துமே புறந்தள்ளப்பட்டு நேர்மாறாகி விட்டன. மாறிவரும் நகர வாழ்க்கை, மேற்கத்திய நாகரிகம், அறிவியல் வளர்ச்சி இவற்றின் தாக்கம் மெல்ல மெல்ல நம்மையும் மாற்றிவிட்டது. இதனால்தான் கொலை, கொள்ளை, தீவிரவாதம் போன்ற கொடும் செயல்கள் நடந்துவருகின்றன இதை உடனே தடுப்பதுடன், மனநல ஆலோசனை அளிக்க வேண்டிய கட்டாயம் ஏற்பட்டுள்ளது. கூட்டுக்குடும்ப வாழ்க்கையைப் பொருத்தவரை வீட்டில் மூத்தவர்கள் இருப்பதால் தவறுகளைச் சுட்டிக்காட்டுவதுடன், கட்டுப்பாடும் நிறைந்திருக்கும். இதனால் உள்ளூர பயம் மேலோங்கும். ஆனால், இன்றோ பலரும் தன்னிச்சையாக வாழவும், முடிவுகளை மேற்கொள்ளவும் கற்றுக்கொண்டுவிட்டனர். தாய், தந்தை கண்டிப்புடன் இருப்பதால் குழந்தைகளைச் சிறப்பாக வளர்க்க முடிகிறது. ஒரு குடும்பத்தில் பெற்றோர் வேலைக்குச் செல்ல நேரிடும்போது குழந்தைகளைப் பொறுப்பாக யாரும் கவனிக்க முடியாத நிலை ஏற்படுகிறது அத்துடன் அவர்கள் என்ன படிக்கிறார்கள், எங்கு செல்கிறார்கள் போன்றவற்றைக் கவனிக்கக்கூட நேரமிருப்பதில்லை. எனவே பலர் கணினி, அலைபேசி, இணையதளம், திரைப்படம், நண்பர்களுடன் கேளிக்கை, விருந்து என்று திரியநேரிடுகிறது. இதே கூட்டுக் குடும்ப வாழ்க்கையாக இருந்தால் அரவணைப்பும், கண்டிப்பும் கிட்டும். இன்றுள்ள இளம் தலைமுறையினரில் 90 சதவிகிதம் பேருக்கு தங்களது பெற்றோரைத் தவிர, வேறு உறவு முறைகளைத் தெரியவாய்ப்பே இல்லை. உறவினர்கள் வீட்டு விசேஷங்களிலும், நிகழ்ச்சிகளிலும் கலந்துகொள்வதற்கு இவர்களுக்கு நேரமோ, வாய்ப்போ கிடைப்பதில்லை. பெரும்பாலான நேரங்களை தனிமையிலும், பொழுதுபோக்கு அம்சங்களிலுமே கழிக்க நேரிடுகிறது. இதனால் மன அழுத்தம், வெறுப்பு, நிம்மதியின்மை போன்ற பாதிப்புகள் உண்டாகின்றன. தங்களுடைய குறைகளையோ, நிறைகளையோ மனம் விட்டு யாரிடமும் பேச முடிவதில்லை. குறைந்தபட்சம் தான் செய்வது சரியா, தவறா என்று முடிவெடுக்கக்கூடத் தெரிவதில்லை. இதனால் அவர்களின் எதிர்காலம் பாதிக்கப்படுகிறது. தவறான வழிகளை நாட நேரிடுகிறது.தனிக்குடித்தனம் என்றால் யாரும் நம்மைத் தட்டிக் கேட்க மாட்டார்கள், சுதந்திரமாக இருக்கலாம் என்ற பரவலான கருத்து நிலவுகிறது. இது முழுக்க முழுக்க தவறு. எல்லாமே நமது செயல்களில்தான் உள்ளது. இன்றைய சூழ்நிலையில் கூட்டு வாழ்க்கை ஏன் தேவை என சற்று நிதானமாகச் சிந்தித்துப் பார்த்தால் அதில் உள்ள நிறைகளை உணர முடியும். இதைவிட மற்றொரு அழுத்தமான காரணத்தை மனதில் கொண்டால் கூட்டுக் குடும்பவாழ்க்கை முறை அவசியம் என்ற எண்ணம் ஏற்படும். நாளுக்குநாள் அதிகரித்துவரும் விலைவாசியைக் கணக்கில்கொண்டு பார்க்கும்போது, தனிக்குடித்தனம் இருப்பவர்கள் கூட்டுக் குடும்பத்தில் சேரும்போது அவர்களுக்கு பலவகைகளிலும் சிக்கனம் உண்டாகும். அதிலும் முன்னரே குறிப்பிட்ட இன்டர்நெட் வாழ்வியல் முறையில், சமூக வலைதளங்களில் மட்டும் தான் உறவுகள் கூட்டாக இருக்கின்றன. அதாவது ஃபேஸ் புக், வாட்ஸ்-அப்களில் குரூப் உருவாக்கி அதில் ஓர் குடும்பமாக வாழ்கின்றனரே தவிர, கூட்டு குடும்பமாக வாழ்வது என்பது அதிசயமாக இருக்கின்றது. அதிலும் ஃபிளாட்டுகள் வந்தவுடன் கிட்டத்தட்ட முற்றிலுமாக அழிந்துவிட்டது கூட்டு குடும்ப வாழ்வியல் முறை. தாத்தா, பாட்டி, பெரியப்பா, மாமா, அத்தை, பேரக்குழந்தைகள், என்ற வாழ்வியல் முறை மிகவும் இன்பமானது என்பதை மறந்தே போ விட்டோம். முன்னெல்லாம் கோடை விடுமுறைகளில் மட்டுமே ஒன்றாக இருந்தவர்கள் சிலர் இருந்தன்றனர். அதையும் கூட தற்போதைய ஸ்மார்ட் ஃபோன்கள் கொஞ்சம் கொஞ்சமாக சீரழித்து வருகிறது. ஷாப்பிங் மால், பார்ட்டி கிளப், தியேட்டர், பார்க், பீச் இதையெல்லாம் தாண்டி நிறைய சந்தோசங்களும், நன்மைகளும் கொண்டக் குடும்ப வாழ்க்கையை நினைவூட்டும் தினமின்று மட்டுமல்ல என்பதை நினைவில் கொள்ளுங்கள். பழமையான விண்கல் ஆஸ்திரேலியாவின் மேற்கில் யரபுபா என்ற இடத்தில் 69 கி.மீ., அகலத்தில் ஒரு பள்ளம் இருக்கிறது. இது 200 கோடி ஆண்டுகளுக்கு முன், விண்கல் விழுந்ததால் ஏற்பட்ட பள்ளம் என ஆய்வில் விஞ்ஞானிகள் உறுதிபடுத்தியுள்ளனர். இதுதான் உலகின் பழமையான விண்கல் எனவும் தெரிவித்துள்ளனர். சூரிய குடும்பம் நானுாறு கோடி ஆண்டுகளுக்கு முன் உருவானபோது கிரகங்களாக உருவாகாமல் நின்றுபோன எச்சங்கள் தான் விண்கற்கள் என வானியல் வல்லுனர்கள் கூறுகின்றனர். இவை 20 அடி விட்டத்திலிருந்து, பல 100 கி.மீ., வரையிலான அளவுகளில் இருக்கின்றன தகவல் சுரங்கம் சர்வதேச குடும்ப தினம் ஒவ்வொருவரும் தன் குடும்பத்துக்கு முக்கியத்துவம் கொடுக்கும் நோக்கில் ஐ.நா., சார்பில் மே 15ல் சர்வதேச குடும்ப தினம் கடைபிடிக்கப்படுகிறது. எந்த சூழ்நிலையிலும் யாரும் தங்கள் குடும்பத்தை கைவிடக்கூடாது என இத்தினம் வலியுறுத்துகிறது. குடும்பங்களுக்கிடையே சமத்துவத்தை வளர்க்கவும், வீட்டு பொறுப்பு, தொழில் வாய்ப்பு பற்றி குடும்பங்களின் பங்களிப்பையும் இத்தினம் உணர்த்துகிறது. 'குடும்பங்கள் மற்றும் நகரமயமாக்கல்' என்பது இந்தாண்டு மையக்கருத்து. 2015ன்படி உலகில் 96 சதவீத நாடுகளில் மகப்பேறு விடுமுறை வழங்கப்படுகிறது.
16.05.2022
தண்ணீர் குடிக்காத விலங்கு வட அமெரிக்காவில் வறண்ட பாலைவனத்தில் கங்காரு எலிகள் உள்ளன. இவை கங்காருவை போல தன் பின்னங்கால்களினால் தாவி, தாவி ஓடுவதால் இதற்கு இப்பெயர் வந்தது. பல வகையான பருப்பு விதைகளே இதன் உணவுகள். விதைகளை உடனே சாப்பிடாமல், அதை தன் தாடையிலுள்ள பையில் வைத்து கொண்டு, தன் பொந்தில் கொண்டு போய் சேர்க்கிறது. அந்த விதைகள் நிலத்தின் ஈரத்தை கிரகித்து மெதுவாக பெருக்கிறது. அதன்பின் இவ்விதைகளை சாப்பிடும். இப்படி விதையிலுள்ள ஈரம்தான் இதற்கு நீராகிறதே தவிர இவை தண்ணீர் குடிப்பதே கிடையாது. தகவல் சுரங்கம் சர்வதேச ஒளி தினம் அமெரிக்க இயற்பியலாளர் தியோடர் மைமான் 1960 மே 16ல் லேசர் ஒளிக்கற்றையை இயக்கிக்காட்டி சாதித்தார். இதை அங்கீகரிக்கும் விதமாக ஐ.நா., சார்பில் மே 16ல் உலக ஒளி தினம் கடைபிடிக்கப்படுகிறது. இன்றைய சூழலில் அறிவியல், கலாசாரம், கலை, கல்வி, மருத்துவம், தொலைத்தொடர்பு, எரிசக்தி உட்பட பல்வேறு துறைகளில் லேசர் தொழில்நுட்பம் பயன்படுத்தப்படுகிறது. இதை வெறும் கண்களால் பார்க்க முடியாது. லேசர் (சீரொளி) என்பது ஒரே அதிர்வெண் கொண்ட, ஒரே வண்ணம் கொண்ட ஒளி. இது சாதாரண ஒளியைவிட பன்மடங்கு வலிமையானது.
18.05.2022
தற்போது அக்னி நட்சத்திரம் காலம் என்பதால் வெயில் அதிகம். கோடை வெயிலுக்கும் நட்சத்திரங்களுக்கும் தொடர்பு இல்லை. பூமியின் சுழல் அச்சு 23.5 டிகிரி சாய்வாக சூரியனை நீள் வட்டப் பாதையில் சுற்றுகிறது. அப்போது பூமியின் வடபுலம், 6 மாதம் சூரிய ஒளி நேராக விழும் வகையிலும், அடுத்த 6 மாதம் தென்புலத்தில் நேராக விழும் வகையிலும் அமையும். சூரிய ஒளி நேராக விழும் காலம் கோடை. சாய்வாகப் படியும் காலம் குளிர் காலம். நிலநடுக்கோட்டுக்கு அருகே உள்ள தமிழகப் பகுதியில் சூரிய ஒளி நேர்கோணத்தில் விழும் காலமே அக்னி நட்சத்திரக் காலம். தகவல் சுரங்கம்: உலக மியூசியம் தினம் * அருங்காட்சியகத்தின் (மியூசியம்) முக்கியத்துவம் பற்றி விழிப்புணர்வு ஏற்படுத்தும் விதமாக மே 18ல் உலக அருங்காட்சியக தினம் கடைபிடிக்கப்படுகிறது. உலகளவில் கலாசார பரிமாற்றம், மேம்படுத்துதல், மக்களிடம் ஒத்துழைப்பு, அமைதியை ஏற்படுத்துவது இதன் நோக்கம். * எச்.ஐ.வி., வைரசால் ஏற்படும் எய்ட்ஸ் நோய்க்கு தடுப்பூசி கண்டுபிடிக்க விஞ்ஞானிகள் முயற்சித்து வருகின்றனர். இது பற்றிய விழிப்புணர்வு ஏற்படுத்தும் விதமாக 1998 முதல் மே 18ல் உலக எய்ட்ஸ் தடுப்பூசி விழிப்புணர்வு தினம் கடைபிடிக்கப்படுகிறது.
19.05.2022
வெயில் காலத்தில் சாலைகளில் செல்லும் போது துாரத்தில் நீர் இருப்பது போல தோன்றும். ஆனால் அதன் அருகில் சென்றால் நீர் இருக்காது. இது 'கானல் நீர்' என அழைக்கப்படுகிறது. வெயில் காலத்தில், தரையின் அருகே வெப்பம் அதிகமாகி, காற்றின் அடர்த்தி குறைவாக இருக்கும். அதே சமயம் மேலே உள்ள காற்று ஒப்பீட்டளவில் வெப்பம் குறைந்து அடர்த்தி கூடுதலாக இருக்கும். எனவே இந்தக் காற்று அடுக்குகள் வழியே ஒளிக்கதிர்கள் வரும்போது, அவை வளைந்து, கானல் நீர் போன்ற தோற்ற மயக்கத்தை ஏற்படுத்துகின்றன. தகவல் சுரங்கம்: மூன்றாவது பெரிய விலங்கு நிலத்தில் வாழும் விலங்குகளில் யானை, காண்டா மிருகத்துக்கு அடுத்து மூன்றாவது பெரிய விலங்கு நீர்யானை. இவை ஆப்ரிக்க காடுகளில் அதிகம் வாழ்கின்றன. இவை கூட்டமாக வாழும் தன்மை யுடையவை. ஒரு கூட்டத்தில் சுமார் 40 நீர் யானைகள் இருக்கும். இதன் ஆயுட்காலம் 40 - 50 ஆண்டுகள். இதன் எடை 1500 கிலோ வரை இருக்கும். இது மணிக்கு 30 கி.மீ., வேகத்தில் ஓடும். இதன் உயரம் 5 அடி வரை இருக்கும். இது 180 டிகிரியில் வாயைத் திறக்கும், இதன் கடிக்கும் வலிமை முதலைக்கு நிகரானது. ஆண் நீர் யானையை விட பெண் நீர் யானை உருவத்தில் சிறியது.
22.05.2022
அதிகரிக்கும் ஆழ்கடல் வெப்பநிலை மனிதர்களால் ஏற்படும் வெப்பநிலை அளவில் 90 சதவீதத்தை கடல்நீர் உறிஞ்சுகிறது. இது ஆழ்கடலில் சென்று சேர்கிறது. இந்நிலையில் கடல்நீர்மட்ட மேற்பரப்பில் இருந்து 2300 அடி ஆழத்தில் உள்ள ஆழ்கடல் நீரின் வெப்பநிலை அடுத்த 50 ஆண்டுகளில் 0.36 டிகிரி பாரன்ஹீட் (0.2 டிகிரி செல்சியஸ்) உயரும் என பிரிட்டனின் எக்ஸ்டர் பல்கலை ஆய்வில் தெரிவிக்கப்பட்டுள்ளது. ஆழ்கடல் வெப்பநிலை தொடர்ந்து உயர்வது எதிர்காலத்தில் கடல்நீர்மட்டம் உயர்வுக்கும், கடல்வாழ் உயிரினங்கள் பாதிக்கப்படுவதற்கும் வழிவகுக்கும் என விஞ்ஞானிகள் எச்சரித்துள்ளனர். தகவல் சுரங்கம் பல்லுயிர் பாதுகாப்பு தினம் ஒவ்வொரு உயிரினத்துக்கும் தனி வாழ்க்கை முறை, வாழ்விடம் உள்ளது. ஒன்று மற்றொன்றை சார்ந்துள்ளது. பல்லுயிரிகள் இருந்தால் தான் பூமியில் சமநிலை ஏற்படும். நாம் உணவு, மருத்துவம் உள்ளிட்ட தேவைக்கு பல்லுயிர்களை சார்ந்து இருக்கிறோம். பல்லுயிர்களுக்கான வாழ்விடங்களை பாதுகாக்க வலியுறுத்தி ஆண்டுதோறும் ஐ.நா. சார்பில் மே 22ல் சர்வதேச பல்லுயிர் தினம் கடைபிடிக்கப்படுகிறது. நீர், நிலத்தில் வாழும் உயிரின வகைகளின் தொகுப்பு பல்லுயிர் பரவல் எனப்படுகிறது. 'அனைத்து உயிர்களுக்கும் பகிரப்பட்ட எதிர்காலத்தை உருவாக்குதல்' என்பது இந்தாண்டு மையக்கருத்து.
23.05.2022
மழை மேகங்கள் ஒன்றுடன் ஒன்று முட்டிக்கொள்ளும் போது மின்னல் ஏற்படுகிறது. ஈரப்பதம் உள்ள மேகங்கள் காற்றில் உந்தப்பட்டு வேகமாக நகரும் போது, அதில் ஏற்படும் வெப்பத்தால் மேகத்தின் உள் இருக்கும் அணுக்களில் மின்சார சக்தி ஏறுகிறது. அவை ஒன்றுடன் ஒன்று மோதும் போது ஏற்படும் மின் கடத்தலால் மின்னல் உருவாகிறது. இடியும் மின்னலும் ஒருங்கிணைந்த நிகழ்வுகள் என்றாலும் ஒலியைவிட ஒளியின் வேகம் அதிகம் என்பதால் முதலில் மின்னல் நம் கண்களுக்குத் தெரிகிறது. இடிச்சத்தம் அதன்பின் நம் காதுகளை அடைகிறது. தகவல் சுரங்கம்: உலக ஆமைகள் தினம் ஆமை இனங்களை அழிவிலிருந்து பாதுகாக்க வலியுறுத்தி 2000 முதல் ஆண்டுதோறும் மே 23ல் உலக ஆமைகள் தினம் கடைபிடிக்கப்படுகிறது. சித்தாமை, அலுங்காமை, பச்சை ஆமை, பெருந்தலை ஆமை உட்பட 300க்கும் மேற்பட்ட வகைகள் உள்ளன. இதன் ஆயுட்காலம் 150 - 300 ஆண்டுகள் வாழும். ஊர்வன இனத்தை சேர்ந்த இவை 50 - 200 முட்டை இடும். கடல் ஆமைகளில் மிகச்சிறியது சித்தாமை. ஆமைகள் மணிக்கு 5.5 கி.மீ., வேகத்தில் செல்வதால் எளிதில் சுறா, திமிங்கலங்களுக்கு இரையாகின்றன. மன்னார் வளைகுடா, வங்கக்கடலில் வாழ்கின்றன.
24.05.2022
கண்ணாடி போல தண்ணீரில் நம் முகம் பிரதிபலிப்பதை பார்க்கிறோம். குறிப்பிட்ட ஊடகத்தில் இருந்து அடர்த்தி மாறுபட்ட வேறு ஊடகத்துக்குள் ஒளி பாயும்போது, அதில் ஒரு பகுதி பிரதிபலிக்கும். ஒளி ஊடுருவும் ஜன்னல் கண்ணாடியில்கூட சில சமயம் பிம்பம் பிரதிபலிக்கும். நீர்நிலையானது மிக தெளிவாக சலனம் இல்லாமல் இருந்தால், அதிலிருந்து பிரதிபலிக்கும் ஒளிக்கற்றைகள் குவிந்து இருக்கும். எனவே கண்ணாடிபோல நீரிலும் பிம்பம் தென்படும். சாதாரணமாக ஒளி பிரதிபலிப்பின் மூலமே இந்தப் பிம்பங்கள் உண்டாகின்றன. தகவல் சுரங்கம்: சகோதரர்கள் தினம் சகோதரர்களுக்குள் அன்பை வெளிப்படுத்தும் விதமாக மே 24ல் சகோதரர்கள் தினம் கடைபிடிக்கப்படுகிறது. 2005ல் அமெரிக்காவில் இத்தினம் தொடங்கப்பட்டாலும் பல்வேறு நாடுகளிலும் கடைபிடிக்கப்படுகிறது. சின்ன சின்ன சண்டைகள் இருந்தாலும், உடன்பிறந்தவருக்கு ஒரு பிரச்னை என வந்துவிட்டால் அண்ணன் - தம்பி ஒருவருக்கொருவர் உதவியாக இருப்பர். 'தம்பியுடையான் படைக்கு அஞ்சான்' என்பார்கள். உடன் பிறந்த சகோதரர்கள் இல்லையென்றாலும், அவர்களுக்கு உறவினர், நண்பர்களிடம் இருந்து சிலர் சகோதரர்கள் போல இருப்பார்கள்.
25.05.2022
வளி மண்டலம் என்பது, பூமியின் மேற்பரப்பைச் சுற்றியுள்ள காற்றுப்பகுதி. காற்று நிறைந்திருக்கும் எல்லாப் பரப்புகளிலும் ஓர் அழுத்தம் இருக்கும். அவ்வகையில், நீருக்குள் கற்களைப் போடும்போது அதனுடன் காற்றும் சேர்ந்தே உள்ளே செல்கிறது. அக்காற்றே நீருக்குள் இருந்து குமிழியாக வெளிவரும். சில கற்களில் சிறு நுண் துளைகள் இருக்கும். நீருக்குள் செல்லும்போது அத்துளைகளில் உள்ள காற்று வெளியேறுவதாலும் குமிழ்கள் தோன்றக்கூடும். இது போல அலைகள் வட்ட வடிவமாக வெளிநோக்கிச் செல்லும். இவை ஈர்ப்பு அலைகள் எனப்படுகின்றன. தகவல் சுரங்கம்: தைராய்டு தினம் உலகில் 20 கோடி பேர் தைராய்டு பிரச்னையால் பாதிக்கப்பட்டுள்ளனர். தைராய்டு என்பது ஒரு சிறிய சுரப்பு. வண்ணத்துப்பூச்சி வடிவில் இருக்கும். இது கழுத்தின் கீழ்ப்பகுதி மையத்தில் அமைந்திருக்கும். உடலில் ஏற்படும் வளர்சிதை மாற்றங்களைக் கட்டுப்படுத்த இந்த தைராய்டு சுரப்பி, தைராய்டு ஹார்மோனை உற்பத்தி செய்கிறது. இது உடலில் உள்ள திசுக்கள், செல்கள், மூளை, இதயம் போன்றவை இயங்குவதற்கு உதவியாக இருக்கிறது. இப்பாதிப்பு குறித்து மக்களுக்கு விழிப்புணர்வு ஏற்படுத்த மே 25ல் உலக தைராய்டு தினம் கடைபிடிக்கப்படுகிறது.
26.05.2022
காலை, மாலையில் பூச்சிகள் அதிகளவில் பறந்து திரியும். அவற்றை வலையில் சிக்க வைக்க இந்நேரத்தில் மட்டுமே சிலந்தி வலை பின்னுகிறது. வலை வட்ட வடிவிலோ, எண் கோண வடிவிலோ இருக்கும். இதன் வயிற்றின் அடியில் உள்ள 2 சுரப்பிகள் சுரக்கும் திரவத்தால் வலை பின்னுகிறது. இத்திரவம் மீது காற்று பட்டவுடன் மெல்லிய கம்பி போல் மாறி விடுகிறது. இரண்டு சுரப்பிகளில், ஒரு சுரப்பியிலிருந்து வெளியேறும் திரவத்தினால் அமைந்த வலையில் பூச்சிகள் விழுந்தால் ஒட்டிக் கொள்ளும். மற்றொன்றில் ஒட்டிக் கொள்ளாது. இதனால் தான் பூச்சிகள் விழுந்ததும் தத்தளிக்கின்றன. தகவல் சுரங்கம்: பறக்காத பறவை பறக்காத பறவைகளில் ஒன்று 'கிவி'. இது கோழி இனத்தைச் சேர்ந்த பறவை. 'அப்டெரிகிடே' குடும்பத்தைச் சேர்ந்தது. கோழியின் அளவுதான் இருக்கும். இதன் இறக்கை சாம்பல் கலந்த பழுப்பு நிறத்தில் இருக்கும். இறக்கை வெளியே தெரியாத அளவுக்கு சிறியதாக இருக்கும். இறக்கைகள் இருந்தாலும் இவற்றால் பறக்க முடியாது. ஆனால் மணிக்கு 19 கி.மீ. வேகத்தில் ஓடும். முட்டைகளை ஆண், பெண் இரு பறவைகளும் அடைகாக்கின்றன. நியூசிலாந்திலும் அதைச் சுற்றி உள்ள சிறிய நாடுகளின் காடுகளிலும் இவை வாழ்கின்றன. நியூசிலாந்தின் தேசியப் பறவை கிவி.
29.05.2022
பருவநிலையை பாதுகாக்க பேரழிவை ஏற்படுத்தும் பருவநிலை மாற்றத்தை தடுப்பதற்கு, வெப்பநிலை கூடுதல் உயர்வை 1.5 டிகிரி செல்சியஸ்க்குள் கட்டுப்படுத்த, கார்பன் வெளியீடு அளவை குறைப்பது மட்டும் போதாது. பூமியை வெப்பப்படுத்தும் மீத்தேன், நைட்ரஸ் ஆக்சைடு போன்ற மற்ற வாயுக்களின் வெளியீடு அளவையும் குறைக்க வேண்டும் என அமெரிக்காவின் ஜார்ஜ்டவுன் பல்கலை ஆய்வில் தெரிவிக்கப்பட்டுள்ளது. கார்பன் டை ஆக்சைடை அளவை குறைப்பதில் மட்டும் கவனம் செலுத்தினால் 2035ல் 1.5 டிகிரி செல்சியஸ் வெப்பநிலை உயர்வை தாண்டிவிடும் என எச்சரித்துள்ளனர். தகவல் சுரங்கம் அமைதி படையின் சிறப்பு உலகில் போர், வன்முறை உள்ளிட்ட ஆபத்தான சூழல்களில் களமிறங்கி அமைதியை நிலைநாட்டுவதே ஐ.நா., அமைதிப்படையின் நோக்கம். இவர்களது சேவையை அங்கீகரிக்கும் விதமாக மே 29ல் ஐ.நா., அமைதிப்படைக்கான சர்வதேச தினம் கடைபிடிக்க படுகிறது. 'மக்கள், அமைதி, முன்னேற்றம் : கூட்டாட்சியின் பலம்' என்பது இந்தாண்டு மையக்கருத்து. இது 1945ல் உருவாக்கப்பட்டது. இந்தியா உட்பட பல நாட்டு வீரர்கள் உள்ளனர். காங்கோ, சோமாலியா, ருவாண்டா உட்பட பல போர்களில் அமைதியை ஏற்படுத்தும் பணியில் இவ்வீரர்கள் ஈடுபட்டுள்ளனர்.
30.05.2022
ஜோர்டான் - இஸ்ரேல் இடையே சாக்கடல் உள்ளது. இது கடல் அல்ல. உப்பு நீர் ஏரி. இங்கு மீன், நண்டு உட்பட உயிரினங்கள் வாழ இயலாது. இதனால் 'சாக்கடல்' என அழைக்கப்படுகிறது. இதன் உப்புத்தன்மை 34.2 சதவீதம். இது மற்ற கடல்களைவிட 10 மடங்கு அதிகம். இதனால் இந்நீரின் அடர்த்தி மனிதனின் எடையை விட அதிகம். இதனால் இந்த நீரில் மிதக்க முடிகிறது. இது கடல் மட்டத்தில் இருந்து, 1412 அடி தாழ்வாக அமைந்துள்ளது. இது, 67 கி.மீ. நீளமும், 18 கி.மீ. அகலமும் கொண்டது. இங்கு வெப்பநிலை அதிகம். மழைப்பொழிவும் குறைவு. தகவல் சுரங்கம்: குறைந்த துார கடற்கரை இந்தியா 7516.6 கி.மீ., துார கடற்கரையைக் கொண்டது. குஜராத், மஹாராஷ்டிரா, கோவா, கர்நாடகா, கேரளா, தமிழகம், ஆந்திரா, ஒடிசா, மேற்கு வங்கம் ஆகிய 9 மாநிலங்களிலும், டாமன் டையூ, லட்சத்தீவு, அந்தமான் நிகோபர் தீவுகள், புதுச்சேரி ஆகிய 4 யூனியன் பிரதேசங்களிலும் கடற்கரை உள்ளன. இதில் குறைந்த துார (158 கி.மீ.,) கடற்கரை உள்ள மாநிலம் மேற்கு வங்கம். நீண்ட துார (1215 கி.மீ.,) கடற்கரை உள்ள மாநிலம் குஜராத். யூனியன்களில் நீண்ட துார (1962 கி.மீ.,) கடற்கரையைக் கொண்டது அந்தமான். குறைந்த துாரம் (43 கி.மீ. ) டாமன் டையூ.
31.05.2022
இலையின் மீது பல்வேறு நிறங்களின் கலவையான சூரிய ஒளி விழுகிறது. ஆனாலும் பச்சையை தவிர மற்ற நிறங்களை இலையில் உள்ள நிறமிப் பொருட்கள் கவர்வதால் இலைகள் பச்சை நிறத்தை மட்டும் பிரதிபலிக்கின்றன. கருமைப் பொருள் என்றால் எல்லா நிறத்தையும் மொத்தமாக உறிஞ்சுகிறது என பொருள். வெண்மை பிரகாசிக்கிறது என்றால் எந்த நிறத்தையும் உறிஞ்சவில்லை என பொருள். பாலில் எந்த நிறமியும் போதுமான அளவு இல்லை, எல்லா நிறங்களும் பிரதிபலிக்கப்படுகின்றன. எனவேதான் பால் வெண்ணிறமாக இருக்கிறது. தகவல் சுரங்கம்: சுற்றுச்சூழலை பாதிக்கும் புகையிலை புகையிலை பயன்படுத்துவதால் ஏற்படும் தீமைகள் பற்றி விழிப்புணர்வு ஏற்படுத்துதல், அதன் பயன்பாட்டினை குறைக்க வலியுறுத்தி மே 31ல் உலக புகையிலை எதிர்ப்பு தினம் கடைபிடிக்கப்படுகிறது. புகையிலை பயன்படுத்துவதால் ஆண்டுக்கு 80 லட்சம் பேர் உயிரிழக்கின்றனர். சிகரெட் தயாரிப்பதற்காக 60 கோடி மரங்கள் வெட்டப்படுகின்றன. புகை பிடிப்பதால் அவர் மட்டுமல்ல அவரது குடும்பமும் பாதிக்கப்படுகிறது. புகைப்பவருக்கு அருகில் நிற்பவருக்கும் ஆபத்தை ஏற்படுத்துகிறது. 'புகையிலை - நமது சுற்றுச்சூழலுக்கு ஆபத்து' என்பது இந்தாண்டு மையக்கருத்து.
02.06.2022
திட, திரவ, வாயு வேறுபாடு நீர் குளிர்ந்து பனிக்கட்டியாகவும், வெப்பமடைந்து நீராவியாகவும் மாறுவது இயற்பியல் மாற்றத்தினால் நிகழ்கிறது. தண்ணீர், நீராவி, பனிக்கட்டியில் உள்ள வேதிப்பொருள் நீர். திரவமாக உள்ள நீரின் நிலையாற்றல் குறைந்து போனால், நீர் மூலக்கூறுகளின் இயக்கம் குறையும். 0௦c வெப்பநிலை வரும்போது, இயக்கம் வெகுவாகக் குறைந்து மூலக்கூறுகள் ஒன்றோடொன்று ஒட்டிக்கொண்டு பனிக்கட்டியாக மாறும். திரவ நீரில் வெப்பம் கூடும்போது மூலக்கூறுகளின் இயக்கம் தீவிரமடையும். மூலக்கூறுகளின் இடையே இடைவெளி கூடும். இதில்தான் நீர் நீராவியாக மாறுகிறது. தகவல் சுரங்கம் பெரிய ஆலமரம் மர வகைகளில் தனித்தன்மை அமைப்பு கொண்டது ஆலமரம். பரந்து விரிந்த கிளைகளுடன் இம்மரத்தைத் தாங்கிப்பிடிக்க விழுதுகள் உதவுகின்றன. இவை அதன் துாண்வேர்கள் எனப்படும். காலப்போக்கில் நிலத்தைத் தொடும் ஒவ்வொரு விழுதும் அடிமரமாக உருவாகி மரம் பரந்து விரியும். பரந்த கிளைகளின் வளர்ச்சிக்குத் தேவையானதைத் தரவும் விழுதுகள் தேவை. உலகின் பெரிய ஆலமரம் கோல்கட்டாவில் உள்ளது. இதன் உயரம் 79 அடி. 3.5 ஏக்கர் பரவியுள்ளது. 250 ஆண்டுகால பழமையானது. 1989ல் இது உலக கின்னஸ் சாதனை புத்தகத்தில் இடம் பெற்றது.
03.06.2022
பெரிய தாவரம் நிலப்பரப்பில் உள்ளதைப் போல கடலிலும் தாவரங்கள் வாழ்கின்றன. இந்நிலையில் உலகின் பெரிய தாவரமாக ஆஸ்திரேலியாவில் உள்ள கடல் தாவரம் அறிவிக்கப்பட்டுள்ளது. கடல் வாழ் தாவரங்கள் பற்றி அதன் மாதிரிகளை எடுத்து மேற்கு ஆஸ்திரேலியா பல்கலை, பிளின்டர்ஸ் பல்கலை விஞ்ஞானிகள் ஆய்வு நடத்தினர். மேற்கு ஆஸ்திரேலியாவின் ஷார்க் விரிகுடா கடலில் 'ரிப்பன் வீட் கடல் புல்' என்ற கடல் தாவரம் 200 சதுர கி.மீ., துாரத்துக்கு பரவி உள்ளது. இது 4500 ஆண்டுகளுக்கு முன் தோன்றியிருக்கலாம். இது எகிப்து பிரமிடுவை விட பழமையானது. தகவல் சுரங்கம் உலக சைக்கிள் தினம் சைக்கிள் பயன்பாட்டை மீண்டும் அதிகரிக்கும் விதமாக ஐ.நா., சார்பில் ஜூன் 3ல் உலக சைக்கிள் தினம் கடைபிடிக்கப்படுகிறது. தினமும் நடை, ஓட்டம், விளையாட்டு, சைக்கிள் ஓட்டுதல் என ஏதாவது ஒரு வகையில் உடற்பயிற்சி மேற்கொள்வது உடல்நலத்துக்கு நல்லது. இதிலும் நடை, சைக்கிள் பயிற்சி இருதய பாதிப்பு, பக்கவாதம், கேன்சர், நீரிழிவு போன்ற பாதிப்புகளை தடுக்கிறது. சைக்கிளுக்கு எரிபொருள் தேவையில்லை என்பதால் செலவு இல்லை. முக்கியமாக சுற்றுச்சூழல் பாதுகாப்புக்கு உதவுகிறது. தினமும் சைக்கிள் ஓட்டுவதால் உடல் புத்துணர்ச்சி அடைகிறது.
04.06.2022
துாங்காத மீன் சிலவகை சுறா மீன்களைத் தவிர வேறு மீன்களுக்கு கண் இமை இல்லை. எனவே கண்களைத் திறந்தபடிதான் துாங்கும். தன்னை நிலைப்படுத்திக் கொள்ள, தனது துடுப்பை மட்டும் அவ்வப்போது ஆட்டி அவை துாங்கும் போது கனவு நிலையில் உள்ளது போன்ற தோற்றம் தரும். நீரில் மிதந்தபடி, கல்லுக்குள் மறைந்தபடி என பல்வேறு நிலைகளில் துாங்கும். சில இரவிலும், சில பகலிலும் துாங்கும். காற்றுக்குள் வாழும் நமக்கு காற்று அடிக்கும்போது ஆழ்ந்த உறக்கம்தானே வருகிறது. அதுபோல நீரில் வாழும் உயிரினங்களுக்கு தண்ணீர் படும்போது விழிப்பு வராது. தகவல் சுரங்கம் குழந்தைகள் பாதுகாப்பு அப்பாவி குழந்தைகளை பாதுகாக்கும் நோக்கில் ஐ.நா., சார்பில் ஜூன் 4ல் ஆக்கிரமிப்பால் பாதிக்கப்பட்ட அப்பாவி சிறுவர்களுக்கான சர்வதேச தினம் கடைபிடிக்கப்படுகிறது. இது துவக்கத்தில் 1982 லெபனான் போரினால் பாதிக்கப்பட்ட குழந்தைகள் மீது கவனம் செலுத்தியது. பின் ஆக்கிரமிப்பு, ஒடுக்கு முறையால் உடல், மன ரீதியாகவும் உணர்ச்சி ரீதியாகவும் பாதிக்கப்பட்ட குழந்தைகளுக்காக கடை பிடிக்கப்படுகிறது. இத்தகைய மோசமான பாதிப்புகள் உலகில் இருந்து அகற்றப்பட வேண்டும் என்பது இத்தினத்தின் நோக்கம்.
05.06.2022
சிரிக்கும் ரோபா மனிதனின் பல்வேறு வேலைகளை குறைப்பதற்கு ரோபோக்கள் தயாரிக்கப்பட்டு பயன்படுத்தப்படுகிறது. இவை ஏற்கனவே எழுதப்பட்ட மென்பொருள் அடிப்படையில் தான் செயல்படும். இந்நிலையில் ரோபோக்களுக்கும் சிரிப்பு, அழுகை, வலி போன்ற உணர்வுகளை ஏற்படுத்தும் மின்னணு தோலை கண்டுபிடித்துள்ளதாக ஸ்காட்லாந்தின் கிளாஸ்கோ பல்கலை தெரிவித்துள்ளது. தோலில் இருந்து வரும் சமிக்ஞைகளை புறநரம்பு மண்டலம் எவ்வாறு ஈர்க்கிறது என்பதை அடிப்படையாக வைத்து இத்தொழில்நுட்பம் உருவாக்கப்பட்டுள்ளது. தகவல் சுரங்கம் உலக சுற்றுச்சூழல் தினம் சூரிய குடும்பத்தில் பூமியில் மட்டுமே மக்கள் வாழ்கின்றனர். சிறப்பு மிக்க பூமியின் சுற்றுச்சூழலை பாதுகாக்க வலியுறுத்தி ஐ.நா., சார்பில் ஜூன் 5ல் உலக சுற்றுலா தினம் கடைபிடிக்கப்படுகிறது. மாசுபாடு நமது நிலம், நீர், காற்றை மாசுபடுத்துகிறது. பருவநிலை மாற்றம் காரணமாக வெப்பநிலை அதிகரிக்கிறது. இதனால் பனிப்பாறைகள் உருகி கடல்நீர்மட்டம் உயரும் ஆபத்து உள்ளது. நவீன வளர்ச்சி என்ற பெயரில் அதிகரித்த பிளாஸ்டிக் பொருட்களின் பயன்பாடு காரணமாக பூமியின் இயற்கை வளம் பாதிக்கப்படுகிறது. 'ஒரே ஒரு பூமி' என்பது இந்தாண்டு மையக்கருத்து.
06.06.2022
கை வீசி நடப்பது ஏன் நடைபயிற்சியின் போது, இடது காலை முன் வைக்கும் போது, வலது கையை பின்னோக்கியும், வலது காலை முன் வைக்கும் போது இடது கையை பின்னோக்கியும் வீசிய படி நடக்கிறோம். கைகளை முன், பின் அசைக்காமல் நடப்பது கடினம் உடலின் பல்வேறு பாகங்கள் அங்கும் இங்கும் திரும்பும்போது, நமது உடலின் புவி ஈர்ப்பு மையமும் அங்கும் இங்கும் நகரும். அவ்வாறு நகரும்போது நாம் கீழே விழும் வாய்ப்பு உண்டு. எனவே புவி ஈர்ப்பு மையத்தைச் சமன் செய்து, கீழே விழாமல் இருக்கவே கைகளை முன்னும் பின்னும் நாம் அசைக்கிறோம். தகவல் சுரங்கம் பெரிய செயற்கை ஏரி ராஜஸ்தானின் உதய்பூர் மாவட்டத்தில் உள்ள தெபர் அல்லது ஜெய்சமந்த் ஏரி, இந்தியாவின் பெரிய, உலகின் இரண்டாவது பெரிய செயற்கை ஏரி என அழைக்கப்படுகிறது. 1685ல் ஜெய் சிங் என்பவரால் அமைக்கப்பட்டது. இதன் நீளம் 14 கி.மீ., நீர்ப்பிடிப்பு பரப்பளவு 87 சதுர கி.மீ. அதிகபட்ச ஆழம் 101 அடி கொண்டது. இந்த ஏரியின் நடுவே 10 முதல் 40 ஏக்கர் பரப்பளவில் மூன்று தீவுகளும் உள்ளன. 'கோமதி' என்ற சிறிய ஆற்றின் குறுக்கே இந்த ஏரி அமைக்கப்பட்டுள்ளது. இந்த ஏரியை சுற்றி ஜெய்சமந்த் வனவிலங்கு சரணாலயம் அமைந்துள்ளது.
07.06.2022
வானவில் தோன்றுவது எப்படி வானவில் ஒளிச்சிதறல் மூலம் உருவாகும் ஒரு பிம்பம். பொதுவாக காலை, மாலை நேரங்களில் தோன்றுகிறது. வானவில் சூரியனுக்கு எதிர்த் திசையில் தோன்றும். இது தோன்றுவதற்கு மழை மட்டுமே காரணம் இல்லை. பனி மூட்டம், காற்றில் மிதக்கும் கண்ணுக்குப் புலப்படாத துாசு, காற்றில் நிறைந்திருக்கும் நீர்த்துளிகளும் முக்கியக் காரணம். மழைக்காலத்தில் மேகங்களில் உள்ள நீர்த்துளிகளில் சூரிய ஒளி ஊடுருவும். அந்த ஒளி சிதறலடைந்து நீர்த்துளிகளின் பின்புறமாக எதிரொலிப்பதால் வானவில் தோன்றுகிறது. இதில் ஏழு நிறங்களை எதிரொலிக்கிறது. தகவல் சுரங்கம் உலக சாக்லெட் தினம் மகிழ்ச்சியான தருணங்களில் 'சாக்லேட்' தவறாமல் இடம் பெறுகிறது. உலகில் அமெரிக்கா உட்பட பல நாடுகளில் ஜூலை 7ல் உலக சாக்லேட் தினம் கடைபிடிக்கப்படுகிறது. ஐரோப்பாவில் 1550ல் சாக்லேட் அறிமுகமானது. பல வகைகள் உள்ளன. * ஆரோக்கியமான உடல்நலனை பேணுவதில் பாதுகாப்பான உணவு முக்கிய பங்கு வகிக்கிறது. இதுபற்றி விழிப்புணர்வு ஏற்படுத்த ஜூன் 7ல் உலக உணவு பாதுகாப்பு தினம் கடைபிடிக்கப்படுகிறது. 'பாதுகாப்பான உணவு, சிறந்த சுகாதாரம்' என்பது இந்தாண்டு மையக்கருத்து.
08.06.2022
வெப்பநிலை அளவீடு வெப்பநிலையை கணக்கிடுவதற்கு செல்சியஸ், பாரன்ஹீட் என இரண்டு முறைகள் பரவலாக பயன்படுத்தப்படுகிறது. இதில் ஜெர்மனியின் டேனியல் கேப்ரீல் பாரன்ஹீட் 1724ல் 'பாரன்ஹீட்' தொழில்நுட்பத்தை கண்டுபிடித்தார். 1742ல் ஸ்வீடனின் ஆன்டர்ஸ் செல்சியஸ், செல்சியஸ் அளவீடு முறையை கண்டுபிடித்தார். தற்போது அமெரிக்கா உள்ளிட்ட சில நாடுகளில் மட்டுமே 'பாரன்ஹீட்' அளவீடு பயன்படுத்தப்படுகிறது. இந்தியா உட்பட உலகின் மற்ற நாடுகளில் செல்சியசில் குறிப்பிடப்படுகிறது. ஒரு டிகிரி செல்சியஸ் என்பது, 33.8 டிகிரி பாரன்ஹீட். தகவல் சுரங்கம் ஆக்சிஜன் தரும் கடல் பூமியின் மொத்த ஆக்சிஜனில் 50 சதவீதம் கடல் மூலம் கிடைக்கிறது. பல வழிகளிலும் நன்மை அளிக்கும் கடல், கடல்சார் உயிரினங்களை பாதுகாக்க ஜூன் 8ல் உலக பெருங்கடல் தினம் கடைபிடிக்கப்படுகிறது. 'புத்துயிர்: பெருங்கடலுக்கான கூட்டு முயற்சி' என்பது இந்தாண்டு மையக்கருத்து. * மூளையின் எந்தப் பகுதியிலும் அசாதாரண செல்கள் உருவாகும்போது மூளைக் கட்டி பாதிப்பு ஏற்படுகிறது. இதில் தீங்கு, தீங்கற்ற என இரு வகைகள் உள்ளன. இதுபற்றி விழிப்புணர்வு ஏற்படுத்த ஜூன் 8ல் உலக மூளைக் கட்டி தினம் கடைபிடிக்கப்படுகிறது.
11.06.2022
உணவு பாதுகாப்பு அமைப்பு இந்திய உணவு பாதுகாப்பு, தர ஆணையம் (எப்.எஸ்.எஸ்.ஏ.ஐ.,) 2008 செப். 5ல் உணவு பாதுகாப்பு தரச்சட்டம் 2006ன் கீழ் ஏற்படுத்தப்பட்டது. இது மத்திய சுகாதார, குடும்ப நல அமைச்சகத்தின் கீழ் செயல்படுகிறது. இதன் தலைமையகம் டில்லி. இதுதவிர டில்லி, கவுகாத்தி, மும்பை, கோல்கட்டா, கொச்சின், சென்னை ஆகிய 6 இடங்களில் மண்டல அலுவலகங்கள் உள்ளன. உணவு பாதுகாப்பு கட்டுப்பாடு, மேற்பார்வை மூலம் மக்களின் சுகாதாரத்தை பாதுகாப்பது இந்த ஆணையத்தின் முக்கியப்பணி. இதன் தற்போதைய தலைவராக ராஜேஷ் பூஷன் பதவி வகிக்கிறார். தகவல் சுரங்கம் 'வெள்ளி' மங்குவது ஏன் பெண்கள் அணியும் ஆபரணங்களில் தங்கத்துக்கு அடுத்து வெள்ளி முக்கிய இடம் பிடிக்கிறது. வெள்ளியின் வேதியியல் குறியீடு 'ஏஜி'. இதன் அணு எண் 47. வினைத்திறன் குறைவான உலோகம் வெள்ளி. அதனால் இதை நைட்ரிக் அமிலம் வேகமாக கரைத்துவிடும். வெள்ளியும், காற்றில் உள்ள ஹைட்ரஜன் சல்பைடும் வினை புரிவதால் வெள்ளி சல்பைடு உருவாகிறது. இது வெள்ளி பொருட்களின் மீது படிவதால் வாங்கும்போது பளபளப்பாக உள்ள வெள்ளிப் பொருட்கள், நாட்கள் செல்லச்செல்ல கறுத்துப் போவதற்கு காரணமாக உள்ளது.
12.06.2022
பிரகாசமான கோள் சூரிய குடும்பத்தில் உள்ள கோள்களில் மிகப் பெரியது வியாழன். இது புறக்கோள்கள் வகையைச் சேர்ந்தது. சூரியனில் இருந்து ஐந்தாவது கோள். 1,42,800 கி.மீ., பரப்பளவு கொண்டது. இதன் சுற்றளவு பூமியைப் போல 11 மடங்கு பெரியது. இதற்கு 28 துணை கோள்கள் உள்ளன. முழுவதும் வாயுக்களால் நிரம்பி உள்ளது. வாயுக்களின் பிரதிபலிப்பால் பிரகாசமாக தெரிகிறது. சூரியனில் இருந்து 77.85 கோடி கி.மீ., துாரத்தில் உள்ளது. சூரியனை ஒருமுறை சுற்றிவர 11.9 ஆண்டுகள் ஆகிறது. தன்னைத் தானே 9 மணி நேரம் 50 நிமிடங்களில் சுற்றி விடுகிறது. தகவல் சுரங்கம் குழந்தை தொழிலாளர் ஒழிப்பு தினம் உலகில் 16 கோடி பேர் குழந்தை தொழிலாளர்களாக உள்ளனர். இதில் 6.3 கோடி பேர் பெண் குழந்தைகள். குழந்தை தொழிலாளர் எண்ணிக்கையில் ஆப்ரிக்கா முதலிடத்திலும், ஆசியா இரண்டாவது இடத்திலும் உள்ளது. இதில் 5 வயது குழந்தைகளும் அடங்குவர். குழந்தை தொழிலாளர் இல்லாத நிலையை உருவாக்க வலியுறுத்தி ஐ.நா., சார்பில் ஜூன் 12ல் உலக குழந்தை தொழிலாளர் ஒழிப்பு தினம் கடை பிடிக்கப்படுகிறது. 'குழந்தை தொழிலாளர் முறையை ஒழிக்க உலகளாவிய சமூகப்பாதுகாப்பு' என்பது இந்தாண்டு மையக்கருத்து.
13.06.2022
முட்டையின் ரகசியம் முட்டையில் வைட்டமின், பாஸ்பரஸ், கால்சியம் போன்ற சத்துக்கள் உள்ளன. அவித்த முட்டை மிகவும் நல்லது. முட்டையில் வெள்ளைக் கருவும், மஞ்சள் கருவும் திரவ நிலையில் இருந்தாலும், இரண்டும் சராசரியாக ஒரே அடர்த்தியைக் கொண்டுள்ளதால் ஒன்றுடன் ஒன்று கலப்பதில்லை. மேலும் மஞ்சள் கருவைச் சுற்றி மென்படல பொதி உள்ளது. கூடுதலாக மஞ்சள் கருவை நகர்ந்துவிடாமல் நிறுத்தும் இழை 'சூல்வித்து' இருபுறமும் உள்ளது. முட்டையை உடைக்கும்போது இந்த இழை முறிந்து மென்படலம் கிழிகிறது. அதன் பிறகே வெள்ளையையும் மஞ்சளையும் கலக்க முடிகிறது. தகவல் சுரங்கம் நீளமான நதி உலகின் மிக நீளமானது நைல் நதி. நீளம் 6650 கி.மீ. இது தான்சானியா, உகாண்டா, ருவாண்டா, புருண்டி, காங்கோ, கென்யா, எத்தியோப்பியா, எரிட்ரியா, தெற்கு சூடான், சூடான், எகிப்து ஆகிய 11 நாடுகளில் பாய்ந்து மத்திய தரைக்கடலில் கலக்கிறது. ஆப்பிரிக்காவின் மொத்த பரப்பளவில் 10 சதவீதம் இந்த நதி நீர் செல்கிறது. வெள்ளை நைல், ஊதா நைல், அட்பாரா என மூன்று முக்கிய கிளை நதிகள் இதற்கு உள்ளன. மக்களுக்கு மட்டுமல்ல, பல்வேறு உயிரினங்கள், தாவரங்களுக்கும் ஆதாரமாக விளங்குகிறது. இரண்டாவது நீளமான நதி அமேசான் (6575 கி.மீ.).
14.06.2022
'காந்தமலை' ரகசியம் லடாக் யூனியனில் லே நகரில் இருந்து 26 கி.மீ., தொலைவில் காந்தமலை கிராவிட்டி ரோடு உள்ளது. இதில் செல்லும் வாகனங்களை இம்மலை ஈர்க்கிறது என நம்பப்படுகிறது. இதனால் இதற்கு இப்பெயர் வைக்கப்பட்டுள்ளது. இம்மலைக்கு அருகிலுள்ள ரோட்டில் குறியிட்டுள்ள குறிப்பிட்ட கட்டத்திற்குள் கார் அல்லது இதர வாகனங்களின் இன்ஜினை ஆப் செய்து, நியூட்ரல் கியரில் நிறுத்தும்போது, அது தானாகவே மலை பக்கம் நகர்கிறது. மலையில் இருந்து கீழே இறங்கும் வாகனங்களையும் இம்மலை ஈர்க்கிறது. இம்மலைக்கு ஒருவித ஈர்ப்புவிசை இருக்கிறது என கூறப்படுகிறது. தகவல் சுரங்கம் உலக ரத்த தான தினம் ரத்த தானத்தின் அவசியத்தை வலியுறுத்தி உலக சுகாதார நிறுவனம் சார்பில் ஜூன் 14ல் உலக ரத்த தான தினம் கடைபிடிக்கப்படுகிறது. 'ரத்த தானம் செய்வது ஒற்றுமையின் செயல்; உயிர்களை காப்பாற்றும் முயற்சியில் இணைவோம்' என்பது இந்தாண்டு மையக்கருத்து. நல்ல உடல்நிலையில் உள்ள 18 -- 65 வயதுடைய எவரும் ரத்த தானம் செய்யலாம். உடல் எடை குறைந்தது 50 கிலோ இருக்க வேண்டும். ரத்த அழுத்தம், நாடித்துடிப்பு, ஹீமோகுளோபின் ஆகியவற்றை சோதனை செய்த பின் ரத்த தானம் செய்ய வேண்டும். 350 மில்லி மட்டுமே தானத்துக்கு எடுக்கப்படுகிறது.
15.06.2022
கொசுக்களை அதிகரிக்கும் பிளாஸ்டிக் பொதுவாக கொசு, முட்டை, லார்வா (கொசுப்புழு), பியூபா (கூட்டுப்புழு), பக்குவமடைந்த கொசு என நான்கு நிலையை கடந்து உருவாகிறது. இந்நிலையில் பிளாஸ்டிக் குப்பைகள் அடங்கிய கால்வாய் நீரில் பிளாஸ்டிக்கின் ரசாயன வெளியீடால் கொசு உற்பத்தியாகும் காலம் குறைகிறது. அதாவது மற்ற இடங்களில் 13 நாளில் உருவாகும் கொசு, இந்த இடங்களில் 10 நாட்களிலேயே உருவாகி விடுகிறது. இது கொசுக்களின் எண்ணிக்கை அதிகரிக்க காரணமாகிறது என திருவனவந்தபுரம் பல்கலை ஆய்வில் தெரிவிக்கப்பட்டுள்ளது. தகவல் சுரங்கம் உலக காற்று தினம் உயிரினங்கள் உயிர் வாழ காற்று மிக அவசியம். அதிகரிக்கும் தொழிற்சாலைகள், வாகன எண்ணிக்கை, 'ஏசி' பிரிட்ஜ் போன்ற மின் சாதனங்களின் பயன்பாட்டால் காற்று மாசுபடுகிறது. இதனால் உலகில் ஆண்டுதோறும் 70 லட்சம் பேர் உயிரிழக்கின்றனர். காற்றை பாதுகாக்க வலியுறுத்தி ஜூன் 15ல் உலக காற்று தினம் கடை பிடிக்கப்படுகிறது. * முதியோரை அரவணைக்க வலியுறுத்தி ஐ.நா., சார்பில் ஜூன் 15ல் உலக முதியோர் வன்கொடுமை ஒழிப்பு விழிப்புணர்வு தினம் கடைபிடிக்கப்படுகிறது. உலகில் 2030ல் 60 வயதுக்கு மேற்பட்டோர் 140 கோடியாக இருக்கும் என மதிப்பிடப்பட்டுள்ளது.
16.06.2022
புறக்கோள்கள் எத்தனை சூரியக்குடும்பத்தில் சூரியனை சுற்றி புதன், வெள்ளி, பூமி போன்ற கிரகங்கள் உள்ளன. இதுபோல நட்சத்திரங் களை சுற்றியும் கிரகங்கள் உள்ளன. சூரியனைச் சுற்றும் கிரகங்களை 'கோள்கள்' எனவும், சூரியன் அல்லாத நட்சத்திரங்களைச் சுற்றும் கிரகங்களை 'புறக்கோள்கள்' எனவும் விஞ்ஞானிகள் அழைக்கின்றனர். கடந்த 2022 ஜூன் 1 அடிப்படையில் 3733 நட்சத்திரங்களை சுற்றி வரும் 5059 புறக்கோள்களை விண்வெளி ஆராய்ச்சிகளின் மூலம் விஞ்ஞானிகள் கண்டறிந்து உள்ளனர். இதில் 824 நட்சத்திரங்களுக்கு ஒன்றுக்கு மேற்பட்ட புறக்கோள்கள் உள்ளன. தகவல் சுரங்கம் பெரிய மான் மான் இனங்களிலேயே மிகப் பெரிய, எடை மிக்கது 'மூஸ்' எனும் மான். இது 'எல்க்' எனவும் அழைக்கப்படுகிறது. மற்ற வகை மான்களைப் போல இவை கூட்டமாக வாழ்வது இல்லை. உடல் சாம்பல், பழுப்பு நிறங்களில் இருக்கும். பாலுாட்டி உயிரினமான இது வேகமாக நடக்கும். நன்றாக நீந்தவும் செய்யும். எதிரிகளைக் கண்டால் மூர்க்கத்தனத்துடனும் தாக்கும். கரடி, நரி போன்ற விலங்குகள் இவற்றின் எதிரிகள். இதன் உயரம் 8 அடி. எடை 750 கிலோ. வேகம் மணிக்கு 32 கி.மீ. ஆயுட்காலம் 16 ஆண்டுகள். கனடா, அமெரிக்கா, இங்கிலாந்து போன்ற நாடுகளில் வாழ்கின்றன.
17.06.2022
தனிமையின் கொடுமை கொரோனா சமயத்தில் தனிமையில் இருக்க வேண்டிய சூழலுக்கு உலகமே தள்ளப்பட்டது. இந்நிலையில் தொடர்ந்து சமூக தனிமை, தனிமையாக இருப்பது ஞாபக திறனுடன் தொடர்புடைய மூளை கட்டமைப்புகளில் மாற்றங்களை ஏற்படுத்துகிறது. இது மனச்சோர்வு ஏற்படுவதற்கு காரணமாக அமைகிறது என இங்கிலாந்தின் வார்விக் பல்கலை ஆய்வு தெரிவித்துள்ளது. பிரிட்டனில் 30 ஆயிரம் பேரிடம் 'நியூரோஇமேஜிங்' தரவுகளை பயன்படுத்தி வார்விக், கேம்ப்ரிட்ஜ், புடான் ஆகிய பல்கலைகள் இணைந்து ஆய்வை நடத்தின. தகவல் சுரங்கம் வறட்சியை முறியடிப்போம் நிலையான வளர்ச்சிக்கான அச்சுறுத்தல்களில் வறட்சி முக்கியமான ஒன்று. ஆண்டுதோறும் உலகில் 5.5 கோடி பேர் வறட்சியால் பாதிக்கப்படுகின்றனர். 2050ல் உலகில் மூன்றில் ஒரு பங்கு மக்கள் பாதிக்கப்படுவர். ஏற்கனவே உலகில் 230 கோடி பேர் தண்ணீர் பற்றாக்குறையால் பாதிக்கப்பட்டுள்ளனர். வறட்சி காரணமாக 1900 முதல் 2019 வரை 270 கோடி பேர் பாதிக்கப்பட்டுள்ளனர். 1.17 கோடி பேர் உயிரிழந்துள்ளனர். இயற்கை வளங்களை பாதுகாக்க வலியுறுத்தி ஜூன் 17ல் உலக பாலைவனமாக்கல் மற்றும் வறட்சியை எதிர்த்து போராடுதல் தினம் கடைபிடிக்கப்படுகிறது.
18.06.2022
பிளாஸ்டிக் நுண் துகளில் மருந்து ஆண்டுக்கு 50 லட்சம் முதல் 1.30 கோடி மெட்ரிக் டன் பிளாஸ்டிக் துகள்கள் கடலில் சேர்கின்றன. இந்நிலையில் கடலில் உள்ள பிளாஸ்டிக் நுண் துகளில் வளரும் பாக்டீரியாக்கள் வெளியிடும் ஆன்டிபயாடிக் (நோய் எதிர்ப்பு), எதிர்காலத்தில் உருவாகும் கிருமிகளை எதிர்த்து போராடும் மருந்துகளை உருவாக்கும் திறன் கொண்டுள்ளது என அமெரிக்காவின் தேசிய பல்கலை ஆய்வு தெரிவித்துள்ளது. கலிபோர்னியாவில் சான்டியாகோ கடலில் ஐந்து பிளாஸ்டிக் நுண்துகளில் இருந்த பாக்டீரியாக்களை தனிமைப்படுத்தி ஆய்வு செய்ததில் இதை தெரிவித்துள்ளனர். தகவல் சுரங்கம் கவலை போக்கும் 'பிக்னிக்' பரபரப்பான வாழ்க்கை முறையில் இருந்து விடுபட குறிப்பிட்ட இடைவெளியில் நண்பர்கள், குடும்பத்துடன் பிடித்த இடங்களுக்கு சென்று நேரம் செலவிட விரும்புவதுதான் 'பிக்னிக்'. இதுகுறித்து விழிப்புணர்வு ஏற்படுத்தும் விதமாக ஜூன் 18ல் உலக பிக்னிக் தினம் கடைபிடிக்கப் படுகிறது. 'பிக்னிக்' என்றாலே வேடிக்கை, சாகசம், சுத்தமான காற்று, சூரிய ஒளி, இயற்கையான சூழல், குடும்பம், நண்பர்கள் போன்றவை தான் நினைவுக்கு வரும். அவரவர் பொருளாதாரத்துக்கு ஏற்ப, வெளியிடங்களை தேர்வு செய்து கவலை மறந்து பொழுது போக்கலாம்.
19.06.2022
கண் இமைப்பது எப்படி மூச்சுவிடுதல் போல கண் இமைப்பதும் ஓர் அனிச்சை செயல்தான். இது கண்ணைச் சுத்தப்படுத்த உதவுகிறது என்றாலும், கண் இமைக்கும்போது எண்ணெய் கலந்த நீர்மப் பொருளைச் சுரக்கிறது. இந்த நீர் கண்ணின் மேல் படியும் பாக்டீரியா போன்ற கிருமிகளை அழிப்பதோடு கண்களை ஈரப்பசையுடனும் வைக்கிறது. பிரகாசமான ஒளி, துாசு போன்றவற்றில் இருந்தும் கண் இமைக்கும் செயல் கண்களுக்குப் பாதுகாப்பு தருகிறது. ஒரு நிமிடத்துக்கு 15 --- 20 முறை கண் இமைக்கிறோம் என்பது உடலியல் புதிராகவே இருக்கிறது. தகவல் சுரங்கம் உலக தந்தையர் தினம் குடும்பத்துக்காக கடைசி வரை உழைக்கும் தந்தையின் அர்ப்பணிப்பை அங்கீகரிக்கும் விதமாக ஜூன் மூன்றாவது ஞாயிறு (ஜூன் 19) உலக தந்தையர் தினமாக கடைபிடிக்கப் படுகிறது. அமெரிக்காவில் 1909ல் வாஷிங்டனின் 'சொனாரா லுாயிஸ்' என்ற இளம்பெண், முதன்முதலில் தந்தையர் தினம் கொண்டாடும் யோசனையை முன்வைத்தார். இவரது தாய், தன் ஆறாவது பிரசவத்தின் போது மரணமடைந்தார். தந்தை வில்லியம், ஆறு குழந்தைகளை சிரமங்களுக்கிடையே பராமரிப்பதை கண்டார். இதுதான் இத்தினத்தை கொண்டாடும் எண்ணத்தை அவருக்கு துாண்டியது.
20.06.2022
நெருப்பின் நிலம் கிழக்கு ஐரோப்பாவிற்கும், மேற்கு ஆசியாவுக்கு இடையில் உள்ளது அஜர்பைஜான் நாடு. ரஷ்யா, காஸ்பியன் கடல், ஜார்ஜியா, அர்மேனியா, ஈரான் ஆகிய நாடுகள் இதன் எல்லைகளாக உள்ளன. இங்கு 'யானர் டாக்' என்ற இடம் உலக சிறப்பு மிக்கது. 'நெருப்பின் நிலம்' என அழைக்கப்படும் இங்கு, இயற்கையாகவே தீ எப்போதும் எரிந்து கொண்டிருக்கிறது. கடந்த 4000 ஆண்டுகளாக மழை, பனி, காற்று என எந்த சூழலிலும் அணையாமல் தீ எரிகிறது. அப்பகுதியில் இயற்கையாக அமைந்துள்ள எண்ணெய் வளமே இதற்கு காரணம். தகவல் சுரங்கம் உலக அகதிகள் தினம் உலகில் போர், பயங்கரவாதம், பட்டினி, வறுமை உட்பட பல காரணங்களால் மக்கள் அகதிகளாக்கப்படுகின்றனர். இவர்களுக்கு தேவையான அடிப்படை வசதிகள், பாதுகாப்பு வழங்க வலியுறுத்தி ஜூன் 20ல் உலக அகதிகள் தினம் கடைபிடிக்கப்படுகிறது. 'யாராக இருந்தாலும். எங்கிருந்தாலும். எப்பொழுதும் பாதுகாப்பைத் தேடுவதற்கு அனைவருக்கும் உரிமை உண்டு' என்பது இந்தாண்டு மையக்கருத்து. உலகில் ஒவ்வொரு 20 நிமிடத்துக்கும் ஒருவர் அனைத்தையும் விட்டு வெளியேற நேர்கிறது. 2018 கணக்கின் படி 7 கோடி பேர் இடம்பெயர்ந்துள்ளனர். இதில் 3 கோடி பேர் 18 வயதுக்கு கீழ் உள்ளவர்கள்.
21.06.2022
உலக இசை தினம் இசைக்கு வசமாக இதயம் உண்டோ என கேட்கும் வகையில் இசை அனைவரது வாழ்க்கையிலும் முக்கிய பங்கு வகிக்கிறது. இன்பம், துன்பம் எதுவாக இருந்தாலும் அனைத்து தருணங்களிலும் இசை நமக்கு ஆறுதல் அளிக்கிறது. எதிர்கால தலைமுறையினருக்கு இசை ஆர்வத்தை அளிக்கவும், இசைத்துறையில் சாதனை படைத்தவர்களை பாராட்டும் விதத்திலும் ஜூன் 21ல் உலக இசை தினம் கொண்டாடப்படுகிறது. உலகில் ராக, சோல், பாப், டிஸ்கோ, போக், சிம்பொனி உட்பட பல இசை வகைகள் உள்ளன. இந்தியாவில் இந்துஸ்தானி, கர்நாடக என இரு இசை வகை உள்ளன. தகவல் சுரங்கம் மனிதநேயத்தை காக்கும் யோகா தினமும் யோகாசனம் செய்தால் உடலும், மனதும் இளமையாகவே இருக்கும். யோகாவின் முக்கியத்துவத்தை வெளிப்படுத்தும் விதமாக ஜூன் 21ல் உலக யோகா தினம் கடைபிடிக்கப்படுகிறது. 'மனித நேயத்துக்கு யோகா' என்பது இந்தாண்டு மையக்கருத்து. 2014ல் பிரதமர் மோடியின் கோரிக்கையை ஏற்று ஐ.நா., சபை இத்தினத்தை அங்கீகரித்தது. யோகாசனம் உடலுக்கு மட்டும் பயிற்சி அளிப்பதில்லை. அது மனதையும் மகிழ்ச்சியாக வைக்க உதவுகிறது. 'யோகம்' என்றால் ஒருங்கிணைத்தல், 'ஆசனம்' என்றால் உடலை அமர்த்தும் நிலை என அர்த்தம்.
22.06.2022
மரமும்... மழையும் மழைக்காலங்களில் சில சமயம் மரத்தால் செய்யப்பட்ட நம் வீட்டு கதவுகளை மூடுவதற்கு சிரமமாக இருக்கும். மற்ற காலங்களில் இப்பிரச்னை இருக்காது. மரத்துக்கு ஈரத்தை உறிஞ்சும் தன்மை உண்டு. காற்றில் ஈரப்பதம் கூடினால் அதன் தொடர்ச்சியாக நீரை உறிஞ்சி மரம் விரிவடையும். இதனால் தான் மழைக்காலங்களில் மரக்கதவு, ஜன்னல்களை எளிதாக மூட முடிவதில்லை. வெயில் காலத்தில் காற்றில் ஈரப்பதம் குறைவதால், நீரை வெளியேற்றி மரம் சுருங்கும். ஒவ்வொரு மரத்தின் சுருங்கி விரியும் தன்மை பொறுத்து இதன் அளவு வேறுபடும். தகவல் சுரங்கம் 'பசிபிக்' கடல் பெயர் எப்படி போர்ச்சுக்கல் நாட்டின் மெகல்லன் 1519ல் ஸ்பெயினில் இருந்து ஐந்து கப்பல்களில் 280 மாலுமிகளுடன் கிழக்கு இந்தியாவை நோக்கி பயணத்தை தொடங்கினார். ஒவ்வொரு பகுதியாக கண்டறிந்த இவர் பிலிப்பைன்ஸ் வந்த போது 1521ல் மரணமடைந்தார். இவர் அமெரிக்க கண்டத்துக்கு அப்பால், மேற்கே உள்ள கடலுக்கு 'பசிபிக்' என பெயர் வைத்தார். இவர் மறைவுக்குப்பின் ஸ்பெயினின் ஜூயான் செபாஸ்டியன் எல்கனோ, பிலிப்பைன்சின் மலுக்கு தீவில் இருந்து ஸ்பெயின் வரை பயணம் செய்து பூமியை சுற்றி வந்த முதல் மாலுமி ஆனார்.
23.06.2022
உப்புநீர் ஏரி ஜோர்டான் -- இஸ்ரேல் இடையே சாக்கடல் உள்ளது. இது கடல் மட்டத்தில் இருந்து 1412 அடி ஆழத்தில் அமைந்துள்ளது. இது கடல் அல்ல. உப்பு நீர் ஏரிதான். இங்கு மீன், நண்டு உட்பட உயிரினங்கள் வாழ இயலாது. இதனால் 'சாக்கடல்' என அழைக்கப்படுகிறது. இதன் உப்புத்தன்மை 34.2 சதவீதம். இது மற்ற கடல்களைவிட 10 மடங்கு அதிகம். இந்நீரின் அடர்த்தி மனித எடையை விட அதிகம். இதனால் இந்த நீரில் மிதக்க முடிகிறது. இது 67 கி.மீ. நீளமும், 18 கி.மீ. அகலமும் கொண்டது. இதன் ஆழம் 997 அடி. இங்கு வெப்பநிலை அதிகம். மழைப்பொழிவும் குறைவு. தகவல் சுரங்கம் சர்வதேச ஒலிம்பிக் தினம் * பல காரணங்களால் கணவனை இழந்து தவிக்கும் விதவைகள் மறு வாழ்வுக்கு உதவ வலியுறுத்தி ஐ.நா., சார்பில் ஜூன் 23ல் உலக விதவைகள் தினம் கடை பிடிக்கப்படுகிறது. உலகில் 25 கோடி பேர் விதவைகளாக உள்ளனர். இதில் பத்தில் ஒருவர் வறுமையில் உள்ளார். * நான்கு ஆண்டுகளுக்கு ஒருமுறை ஒலிம்பிக் போட்டிகள் நடத்தப்படுகின்றன. பல்வேறு வகை விளையாட்டுகள் உள்ளன. உலகளவில் இப்போட்டி நடப்பதால் இதில் பதக்கம் வெல்வது வீரர்களின் கனவாக உள்ளது. ஐ.நா., சார்பில் ஜூன் 23ல் சர்வதேச ஒலிம்பிக் தினம் கடைபிடிக்கப்படுகிறது.
24.06.2022
நீரில் மிதக்கும் செடி நீரை உறிஞ்சி வாழும் தாவரம் ஆகாயத் தாமரை. இவை நீரின் மேல் மிதக்கக் கூடியவை. வேர்களால் நீரை உறிஞ்சி வாழும் இந்தச் செடி தடித்த பசுமையான இலைகளும், ஊதா நிறத்தில் பூக்களும் கொண்டவை. இவை ஏரி, குளம், குட்டை போன்ற நீர்நிலைகளில் வாழ்கின்றன. நீர்ப்பரப்பு முழுவதும் பரவி விடும். இச்செடிகள் நீரை ஆவியாக்கும் தன்மை கொண்டவை. இதன் வேர், இலைகளில் கொசுக்கள் முட்டை இடுகின்றன. இந்தச் செடிகளால் நீர்ப்பரப்புக்கு ஆக்சிஜன் சூரிய ஒளி செல்வது தடைப்படுவதால் நீர்வாழ் உயிரினங்கள் அழிகின்றன. தகவல் சுரங்கம் விண்வெளியில் சுற்றுலா அமெரிக்காவின் டென்னிஸ் டிட்டோ. 1940 ஆக., 8ல் பிறந்த இவர் ஏரோநாட்டிகல் இன்ஜினியர், தொழிலதிபராக இருந்தவர். இவர் உலகின் முதல் விண்வெளி சுற்றுலாப் பயணி என அழைக்கப்படுகிறார். இவர் 2001 ஏப்., 28ல் ரஷ்யாவின் 'சோயுஜ் டி.எம் - 32' விண்கலம் மூலம் விண்வெளியில் அமைக்கப்பட்டுள்ள சர்வதேச விண்வெளி மையத்துக்கு சுற்றுலா சென்றார். ஏழு நாட்கள், 22 மணி, 4 நிமிடம் விண்வெளியில் தங்கியிருந்தார். இவர் தன் விண்வெளி பயணத்துக்காக, ரூ.137 கோடி பயணக்கட்டணமாக செலுத்தினார். இதன்பின் பலர் சென்றுள்ளனர்.
25.06.2022
செயற்கை மழை செயற்கை மழையை உருவாக்குவதில் 3 நிலைகள் உள்ளன. இதில் முதல்படி காற்றழுத்தம் உருவாக்குவது. மழை பெய்ய வேண்டிய இடத்திலுள்ள மேகங்கள் மீது கால்சியம் கார்பைடு, கால்சியம் ஆக்ஸைடு, யூரியா, அமோனியம் நைட்ரேட்டை துாவினால், அவை காற்றில் உள்ள ஈரத்தன்மையை உறிஞ்சி மழை மேகத்தை உருவாக்கும். இரண்டாவது சமையல் உப்பு, யூரியா, அமோனியம் நைட்ரேட்டை துாவி மழை மேகங்களை அதிகரிப்பது. இறுதியாக வெள்ளி அயோடைடு, உலர் பனி துாவினால் மேகங்களைக் குளிரச் செய்து நீர்த்துளிகளாக விழ வைக்கும். தகவல் சுரங்கம் இரண்டாவது சிகரம் இந்தியாவின் மிக உயரமான சிகரம் கஞ்சன்ஜங்கா. இரண்டாவது உயரமானது நந்தா தேவி. இது உலகளவில் 23வது உயரமான சிகரம். இது உத்தரகண்ட்டில் உள்ளது. 1975ல் சிக்கிம் மாநிலம் இந்தியாவுடன் இணைக்கப்படும் வரை இது இந்தியாவின் உயரமான சிகரமாக இருந்தது. இதன் உயரம் 25,643 அடி. இது ரிஷிகங்கா, கோரிகங்கா பள்ளத்தாக்கு இடையில் அமைந்துள்ளது. இச்சிகரத்தில் நந்தாதேவி தேசியப்பூங்கா 1982ல் அமைக்கப்பட்டது. இது கடல் மட்டத்தில் இருந்து 11,500 அடி உயரத்தில் உள்ளது. 1988ல் யுனெஸ்கோ பாரம்பரிய பட்டியலில் இடம் பெற்றது.
26.06.2022
உள்ளங்கையில் சிவப்பு கண்ணாடி போன்ற ஒளி ஊடுருவும் பொருள் அனைத்து நிற ஒளிகளையும் ஒரே அளவில் கடத்தும். எனவே ஒருபுறம் புகும் வெண்மை ஒளி மறுபுறமும் அதே நிறத்தில் உள்ளது. ஆனால் உள்ளங்கை போன்ற சில ஊடுருவும் பொருட்களில் அதன் தன்மைக்கு ஏற்ப சில நிறம் தவிர வேறு நிறங்களைக் கடத்தாது. இதன்படி 'டார்ச்' ஒளி உள்ளங்கை தோலுக்குள் சென்று சிதறும்போது, தோலின் அடியில் உள்ள பொருட்களின் நிறத்தை வெளிப்படுத்துகிறது. சிவப்பு நிறம் தவிர மற்ற நிறங்களை தோலின் அடியில் உள்ள திசுக்கள் உட்கவர்வதால் சிவப்பு நிறம் மட்டுமே வெளிப்படுகிறது. தகவல் சுரங்கம் போதைப்பொருள் ஒழிப்பு தினம் போதைப்பொருள் கடத்தலை ஒழிக்கும் விதமாக ஜூன் 26ல் சர்வதேச போதைப்பொருள், சட்டவிரோத கடத்தல் ஒழிப்பு தினம் கடைபிடிக்கப்படுகிறது. உலக வர்த்தகத்தில் பெட்ரோல், ராணுவ தளவாடங்களுக்கு அடுத்து, சட்டவிரோத போதைப்பொருள் வியாபாரம் உள்ளது. ஆண்டுக்கு ரூ.5 லட்சம் கோடிக்கு போதைப்பொருள் வியாபாரம் நடக்கிறது என ஆய்வு தெரிவிக்கிறது. போதைப்பொருளால் கேன்சர் உள்ளிட்ட பாதிப்புகளும் ஏற்படுகிறது. உடல் நலன், 'மனிதநேய நெருக்கடியில் போதைப்பொருள் சவால்களை எதிர்கொள்வது' என்பது இந்தாண்டு மையக்கருத்து.
27.06.2022
ஆழமான இடத்தில் கப்பல் இரண்டாம் உலகப்போரின் போது 1944 அக்டோபரில் பிலிப்பைன்ஸ் கடல் பகுதியில் நடந்த சண்டையின் போது, மூழ்கிய அமெரிக்க கப்பல்படையின் கப்பல் (எஸ்கார்ட் சாமுவேல் ரோபர்ட்ஸ்), 77 ஆண்டுகளுக்குப் பின் பசிபிக் பெருங்கடலின் கடல் மட்டத்திலிருந்து 22,600 அடி ஆழத்தில் கண்டு பிடிக்கப்பட்டது. இதுவரை உலகளவில் மூழ்கிய கப்பல்களில் மிக ஆழமான இடத்தில் கண்டுபிடிக்கப்பட்ட கப்பல் இதுதான். விபத்தின் போது, கப்பலில் 224 பேர் இருந்தனர். இதில் 89 பேர் கடலில் மூழ்கி பலியாகினர். மற்றவர்கள் காப்பாற்றப்பட்டனர். தகவல் சுரங்கம் ஜனாதிபதி தேர்தல் தகுதிகள் ஜனாதிபதி தேர்தலுக்கான வேட்புமனுத்தாக்கல் நாளை மறுநாளுடன் (ஜூன் 29) முடிகிறது. இதில் போட்டியிட சில தகுதிகள் தேவைப்படும். இந்திய குடிமகன், 35 வயது பூர்த்தியாகி இருக்க வேண்டும். லோக்சபா எம்.பி., ஆவதற்கான தகுதி பெற்றிருக்க வேண்டும். எம்.பி., / எம்.எல்.ஏ., / மத்திய, மாநில அரசு ஊழியர்களாக இருக்கக்கூடாது. போட்டியிட விரும்புபவர் பெயர், ஏதாவது ஒரு லோக்சபா தொகுதி வாக்காளர் பட்டியலில் இடம் பெற்றிருக்க வேண்டும். விண்ணப்பிப்பவரின் வேட்பு மனுவை தலா 50 எம்.பி., / எம்.எல்.ஏ.,க்கள் முன்மொழிய, வழிமொழிய வேண்டும். டெபாசிட் தொகை ரூ. 15,000.
28.06.2022
புதுமையான உரம் மேற்கு ஆப்ரிக்காவில் உள்ள நைஜர் வறட்சியான நாடுகளில் ஒன்று. இங்கு விவசாய உற்பத்தி குறைவு. இந்நிலையில் ஆர்கானிக் உரங்களுடன் மனிதர்களின் சிறுநீரையும் கலந்து பயன்படுத்தும் போது, விளைச்சல் அதிகரித்துள்ளது என பிரிட்டன், ஜெர்மனி விஞ்ஞானிகள் நைஜரில் நடத்திய சோதனையில் தெரிவிக்கப்பட்டுள்ளது. இதன்படி இந்த உரம் 2014 முதல் 2016 வரை பயன்படுத்தப்பட்டது. இதில் விவசாய உற்பத்தி 30 சதவீதம் அதிகரித்துள்ளது. இதில் உள்ள ஒரே மைனஸ் என்பது அதன் வாசனை. மற்றபடி பயிர்களின் வளர்ச்சிக்கு ஏற்றதாக உள்ளது. தகவல் சுரங்கம் நீளமான தொங்குபாலம் துருக்கியில் உள்ள கனக்கலே மாகாணத்தில் லேப்செகி - கெலிபோலு இடையே தொங்கு பாலம் அமைக்கப்பட்டுள்ளது. இதன் நீளம் 15,188 அடி. இதில் பாலத்தின் இரண்டு துாண்களுக்கு இடையேயான நீளம் 6637 அடி. இதுதான் உலகளவில் இரு துாண்களுக்கு இடையிலான நீளமான தொங்குபாலம். இப்பாலத்தின் அகலம் 148 அடி. உயரம் 1096 அடி. இது 2022 பிப். 26ல் திறக்கப்பட்டது. இப்பட்டியலில் இரண்டாவது இடத்தில் ஜப்பானின் அக்சி கைக்யோ பாலம் (6532 அடி) உள்ளது. இது 1988ல் திறக்கப்பட்டது. இப்பாலத்தின் மொத்த நீளம் 12,831 அடி.
29.06.2022
அமெரிக்க இளைஞர்களுக்கு ஆபத்து அமெரிக்காவில் 14 முதல் 18 வயதுக்குட்பட்ட இளைஞர்களில் நான்கில் மூன்று பேர், தினமும் தேவைப்படும் அளவுக்கு உடற்பயிற்சியில் ஈடுபடுவதில்லை என ஜார்ஜியா பல்கலை ஆய்வில் தெரிவிக்கப்பட்டுள்ளது. அதுவும் ஆண்களை விட பெண்கள் குறைவான அளவே உடற்பயிற்சி செய்வதால் உடல்பருமன், நீரிழிவால் பாதிக்கப்பட்டுள்ளனர். உயர்நிலைப்பள்ளிகளில் படிக்கும் 3.60 லட்சம் மாணவர்களிடம் ஆய்வு நடத்தப்பட்டது. அமெரிக்காவில் 20 சதவீத சிறுவர்கள் உடல்பருமனாலும், 2 லட்சம் பேர் நீரிழிவு பிரச்னையாலும் பாதிக்கப்பட்டுள்ளனர். தகவல் சுரங்கம் அரசியல்வாதிகளுக்கு அதிர்ஷ்டம் இன்றைய சூழலில் பெரும்பாலான அரசியல்வாதிகள் பொருளாதாரத்தில் மக்களை விட உயர்ந்த நிலையில் உள்ளனர். இந்நிலையில் வாழ்நாள் சராசரியிலும், மக்களை விட முன்னணியில் இருப்பது பிரிட்டனின் ஆக்ஸ்போர்டு பல்கலை ஆய்வில் தெரிவிக்கப் பட்டு உள்ளது. 11 நாடுகளில் 57,500 அரசியல்வாதிகளின் உடல்நலன் பற்றி ஆய்வு நடத்தப்பட்டது. இதில் மக்களை விட, இவர்களின் சராசரி வாழ்நாள் 4.5 ஆண்டுகள் அதிகம். இதிலும் நாடுகளை பொறுத்து வேறுபடும். சுவிட்சர்லாந்தில் 3.5 ஆண்டுகளும், இத்தாலியில் 7.5 ஆண்டுகள் வரையும் உள்ளது.
30.06.2022
ஓசோனுக்கு ஆபத்து விண்வெளிக்கு விஞ்ஞானிகள் தவிர, மக்களையும் அழைத்துச்செல்லும் விதமாக விண்வெளி சுற்றுலா திட்டங்களை விர்ஜின் கேலஸ்டிக்ஸ், ஸ்பேஸ்எக்ஸ், புளூ ஆர்ஜின் நிறுவனங்கள் தொடங்கியுள்ளன.இது போன்ற திட்டங்களால் சுற்றுச்சூழலுக்கு பாதிப்பு ஏற்படும் வாய்ப்பு அதிகம். அதிகளவிலான ராக்கெட்டுகளை ஏவும் போது அதிலிருந்து வெளிப்படும் கார்பன் போன்றவற்றால் வளிமண்டலத்தில் உள்ள ஓசோன் படலம் மீண்டும் பாதிக்கப்பட்டு, பூமியின் மீது விழும் புற ஊதாக்கதிர்களின் அளவு அதிகரிக்கும் என விஞ்ஞானிகள் எச்சரித்துள்ளனர். தகவல் சுரங்கம் சிறுகோள் தினம் சூரியனை சுற்றிவரும் பூமி, செவ்வாய் போன்ற கோள்களைப்போல 'அஸ்ட்ராய்டு' என அழைக்கப்படும் ஆயிரக்கணக்கான சிறுகோள்களும் சூரியனை சுற்றி வருகின்றன. இவை கோள்களை விட மிகச்சிறியது. 1908 ஜூன் 30ல் ரஷ்யாவின் துங்குஸ்கா பகுதியில் சிறுகோள் விழுந்து வெடிப்பு ஏற்பட்டது. 2150 சதுர கி.மீ., சுற்றளவு பரப்பளவில் இருந்த 8 கோடி மரங்கள் தரைமட்டமாகின. இந்நிகழ்வை நினைவுபடுத்தும் விதமாக ஜூன் 30ல் உலக சிறுகோள் தினம் கடைபிடிக்கப்படுகிறது. சிறுகோள்களில் இருந்து பூமியை பாதுகாப்பதே இத்தினத்தின் நோக்கம்.
01.07.2022
கண்ணாடியின் மூலப்பொருள் இன்றயை நவீன தொழில்நுட்பத்தில் வீடு, அலுவலக கட்டுமானங்களில் அழகு சேர்ப்பதற்காக பல்வேறு வகை கண்ணாடிகள் பயன்படுத்தப்படுகின்றன. பொதுவாக கண்ணாடி உற்பத்தி செய்வதற்கான அடிப்படைப் பொருள், மண். மாசற்ற துாய வெள்ளை நிறத்தில் கண்ணாடி வேண்டுமெனில் சிலிக்கா எனும் சிறப்பு மண்ணைப் பயன்படுத்த வேண்டும். சுண்ணாம்புக்கல், சோடா சாம்பலும் கண்ணாடி தயாரிப்புக்குத் தேவையான முக்கிய மூலப்பொருட்கள். பல்வேறு உலோக ஆக்சைடுகளைச் சிறிதளவு கலந்தால் பல்வேறு நிறங்களில் கண்ணாடிகளை உருவாக்கலாம். தகவல் சுரங்கம் டாக்டர்கள் தினம் மேற்கு வங்கத்தின் இரண்டாவது முதல்வராக இருந்தவர் டாக்டர் பி.சி.ராய். சுதந்திர போராட்ட வீரர், சிறந்த டாக்டராகவும் பணியாற்றினார். இவர் பிறந்ததும், மறைந்ததும் ஜூலை 1ல் தான். மருத்துவம், அரசியல், நிர்வாகம், கல்வி என தான் பங்கெடுத்த துறைகளில் முன்மாதிரியாக திகழ்ந்தார். 'சுதந்திரம் எனும் கனவு நிறைவேற இந்தியர்களுக்கு வலிமையான உடலும், மனமும் தேவை' என்றார். ஏழைகளுக்காக, பல மருத்துவமனைகளை தொடங்கினார். இவரது சேவைகளை போற்றும் வகையில், இவரது பிறந்தநாள் தேசிய டாக்டர்கள் தினமாக கடைபிடிக்கப்படுகிறது.
02.07.2022
நீண்ட ஆயுளுக்கு எட்டு 18 வயதுக்கு மேற்பட்டவர்கள் தினமும் குறைந்தது 7 - 9 மணி நேரம் இரவில் துாங்குவது இருதய பாதுகாப்புக்கு நல்லது என அமெரிக்காவின் இருதய கூட்டமைப்பு தெரிவித்துள்ளது. உணவுக்கட்டுப்பாடு, உடற்பயிற்சி, சரியான உடல் எடையை பேணுதல், கொலஸ்ட்ரால் கட்டுப்பாடு, துாக்க அளவு, ரத்தத்தில் சர்க்கரை அளவை கட்டுப்படுத்துவது, ரத்த அழுத்தத்தை கட்டுப்படுத்துதல், புகையிலை பயன்பாட்டை நிறுத்துவது என எட்டு விஷயங்களை தவறாமல் பின்பற்றினால் உடல்நலனுக்கு சிறந்தது. நீண்ட ஆயுள் வாழலாம் எனவும் தெரிவித்துள்ளனர். தகவல் சுரங்கம் விளையாட்டு பத்திரிகையாளர் தினம் விளையாட்டு நமது வாழ்க்கையுடன் இரண்டறக் கலந்தது. சிலர் மட்டுமே அதை தங்களது தொழிலாகவே மாற்றியிருப்பர். விளையாட்டு, பத்திரிகை என இரண்டையும் தொழிலாக கொண்டவர்கள் விளையாட்டு பத்திரிகையாளர்கள் என அழைக்கப்படுகின்றனர். இவர்கள் விளையாட்டு போட்டி தொடர்பான செய்தியை வெளியிடுகின்றனர். 1924 ஜூலை 2ல் சுவிட்சர்லாந்தில் விளையாட்டுக்கான பத்திரிகையாளர் சங்கம் தொடங்கப்பட்டது. இதை நினைவுபடுத்தும் விதமாக 1994 முதல் ஜூலை 2ல் உலக விளையாட்டு பத்திரிகையாளர்கள் தினம் கடைபிடிக்கப்படுகிறது.
04.07.2022
எரிமலையின் வயது எரிமலையின் வயதை அதன் லாவாவை (எரிமலை குழம்பு) வைத்து விஞ்ஞானிகள் கண்டறிகின்றனர். பூமிக்கு அடியில் இருக்கும் லாவா வெளியே வந்தபின் அதன் மீது காஸ்மிக் கதிர்கள் படும். அப்போது ஹீலியம் - -3 போன்ற வினோத ஐசோடோப்புகள் உருவாகும். ஒரு குறிப்பிட்ட லாவா பாறையில் எவ்வளவு செறிவான ஹீலியம்- - 3 இருக்கிறது எனக் கண்டறிவதன் மூலம், எவ்வளவு காலம் அது காஸ்மிக் கதிர்களால் தாக்கப்பட்டு வந்துள்ளது என்பதைக் குறிக்கும். அதாவது லாவா பொருள் எப்போது வெளியே வந்தது என அறிய முடியும். இதிலிருந்து அந்த எரிமலையின் வயதை கண்டறியலாம். தகவல் சுரங்கம் 'ஜி-20' நாடுகள் அடுத்தாண்டு 'ஜி - 20' மாநாடு இந்தியாவில் நடைபெறுகிறது. பொருளாதாரத்தில் ஒன்றுக்கொன்று பங்களிக்கும் விதமாக 1999 செப். 26ல் 'ஜி-20' அமைப்பு உருவாக்கப்பட்டது. உலகின் மொத்த உற்பத்தியில் 90 சதவீதத்தை இந்நாடுகள் கொண்டுள்ளன. இதில் அர்ஜென்டினா, ஆஸ்திரேலியா, பிரேசில், கனடா, சீனா, பிரான்ஸ், ஜெர்மனி, இந்தியா, இந்தோனேஷியா, இத்தாலி, தென்கொரியா, ஜப்பான், மெக்சிகோ, ரஷ்யா, தென் ஆப்ரிக்கா, சவுதி, துருக்கி, பிரிட்டன், அமெரிக்கா, ஐரோப்பிய யூனியன் உள்ளன. ஸ்பெயின், ஐ.நா., உலக வங்கி, ஆப்ரிக்க யூனியன் சிறப்பு விருந்தினராக பங்கேற்கின்றன.
05.07.2022
அமில மழைக்கு காரணம் சாதாரண மழையில் இருந்து வேறுபட்டது அமில மழை (ஆசிட் ரெயின்). இது அதிக அளவு அமிலத் தன்மை உடைய மழை. காற்றை மாசுபடுத்தும் சல்பர் டை ஆக்ஸைடு, நைட்ரஜன் ஆக்ஸைடு போன்றவை காற்றில் கலப்பதால் அமில மழை பெய்கிறது. சாதாரணமாகப் பெய்யும் மழையில் அமிலத் தன்மை மிகவும் குறைவாக இருக்கும். வாகனங்களின் புகை, தொழிற்சாலைப் புகை, குப்பைகள் எரிப்பதால் ஏற்படும் புகை போன்றவை காற்றில் கலப்பதன் மூலம் அமில மழை உண்டாகிறது. எரிமலை சீற்றத்தின் போது இயற்கையாகவே அமில மழை உண்டாகிறது. தகவல் சுரங்கம் சோலார் முக்கியத்துவம் சர்வதேச சோலார் கூட்டமைப்பு 2015 நவ. 30ல் பிரான்சின் பாரிஸ் நகரில் உருவாக்கப்பட்டது. சூரிய ஒளி மின்சார உற்பத்தி, பயன்பாட்டை அதிகரித்து, பசுமை இல்ல வாயுக்கள் வெளியீட்டை குறைப்பதே இதன் நோக்கம். இதன் மூலம் பருவநிலை மாற்றம், வெப்பநிலை உயர்வை தடுக்க வேண்டும் என்பது இக்கூட்டமைப்பின் நோக்கம். இதில் 106 நாடுகள் கையெழுத்திட்டுள்ளன. பிரதமர் மோடியின் முயற்சியால் இந்த அமைப்பு தொடங்கப்பட்டது. 86 நாடுகள் உறுப்பினர்களாக உள்ளனர். இதன் தலைமையகம் ஹரியானாவின் குருகிராமில் உள்ளது.
06.07.2022
தாவரவியல் அதிசயம் பிரிட்டன் தலைநகர் லண்டனில் உள்ள கீவ் தாவரவியல் பூங்காவில் உலகின் பெரிய இலையை கொண்ட தாவரம் கண்டறியப்பட்டுள்ளது. இதன் பெயர் 'வாட்டர்லில்லி'. இது தண்ணீரில் வளர்கிறது. இதன் இலை 10 அடி அகலம் வரை வளரும். இதன் பூ மனித தலையின் சராசரி அளவை விட பெரியது. இந்த பூவை விரிக்கும் போது இதன் விட்டத்தின் அளவு 36 செ.மீ., ஆக உள்ளது. ஏற்கனவே இப்பூங்காவில் இருந்து இத்தாவரம் 177 ஆண்டுகளுக்குப்பின் கண்டுபிடிக்கப்பட்டுள்ளது. இது தாவரவியல் உலகின் அதிசயம் என தெரிவிக்கப் பட்டுள்ளது. தகவல் சுரங்கம் நீளமான சுரங்கச்சாலை உலகில் நீளமான சுரங்கச்சாலை நார்வேயில் உள்ளது. அங்குள்ள லியர்டால் - அயுர்லாந்து பகுதிகளை இணைக்கிறது. இதன் நீளம் 24.51 கி.மீ. இதற்கான பணி 1995ல் தொடங்கி 2000ல் திறக்கப்பட்டது. இருவழிச்சாலையாக அமைக்கப்பட்டுள்ளது. தினமும் சராசரியாக 2050 வாகனங்கள் செல்கின்றன. சாலையின் அகலம் 30 அடி. மணிக்கு 80 கி.மீ., வேகத்தில் செல்லலாம். இச்சாலை அமைக்க 25 லட்சம் கன மீட்டர் அளவு பாறை கற்கள் உடைத்து எடுக்கப்பட்டன. இப்பட்டியலில் இரண்டாவது இடத்தில் ஜப்பானின் யமதே சுரங்கச்சாலை உள்ளது. இதன் நீளம் 18.20 கி.மீ.
07.07.2022
நெருப்பு கல் தீக்குச்சி கண்டுபிடிப்பதற்கு முன் 'சிக்கிமுக்கிக் கல் அல்லது தீக்கல்' கொண்டு தான் கற்காலத்தில் மனிதர்கள் தீ மூட்டினர். இது சிலிக்காவினால் ஆன ஒருவகை படிகப் பாறை. இதை ஒன்றுடன் ஒன்று வேகமாக உரசும்போது, உராய்வினால் ஏற்படும் வெப்பத்தால் தீப்பொறி உருவாகும். சில வகைப் படிகக் கற்கள், சில உலோகத்துடன் அடிபடும்போதும் தீப்பொறிகளை உருவாக்கும். இப்போதும் இவை பல இடங்களில் இருக்கின்றன. தீக்குச்சியை வைத்து தீ உருவாக்குவதைவிட, இக்கல்லை வைத்து தீ மூட்டுவதற்கு சாதுரியம் வேண்டும். தகவல் சுரங்கம் உலக சாக்லேட் தினம் பலருக்கும் பிடித்தமானது 'சாக்லேட்'. உலகில் அமெரிக்கா உட்பட பல நாடுகளில் ஜூலை 7ல் உலக சாக்லேட் தினம் கடைப்பிடிக்கப்படுகிறது. மகிழ்ச்சியின் வெளிப்பாடாக சாக்லேட் பரிமாறப்படுகிறது முதன்முதலில் 1550ல் ஐரோப்பாவில் சாக்லேட் அறிமுகமானது. இது 'கோகோ' மர கொட்டையின் விதைகளில் இருந்து பெறப்படும் கொழுப்பு பாகத்தின் கலவையை சர்க்கரை, பால், பல இடு பொருட்களை சேர்ப்பதன் மூலம் சாக்லேட் தயாரிக்கப்படுகிறது. இதில் பல வகைகள் உள்ளன. உலகில் கோகோ உற்பத்தியில் ஆப்ரிக்கா (30%) முன்னணியில் உள்ளது.
08.07.2022
பூமி சுற்றும் விதம் அனைத்து கோள்களும் சூரியனை நீள்வட்ட பாதையில் சுற்றுகின்றன. இதன்படி சூரியனுக்கு அருகிலும், தொலைவிலும் கடக்கும் நிகழ்வு நடக்கிறது. பூமி, சூரியனை ஒரு முறை சுற்ற 365 நாள் ஆகிறது. இவ்வாறு சுற்றும்போது ஆண்டு தோறும் ஜூலையில் பூமி, சூரியனுக்கு அப்பாலும் (அப்ஹீலியன்), ஜனவரி மாதத்தில் சூரியனுக்கு அருகிலும் (ப்ரீஹீலியன்) கடந்து செல்கிறது. தோராயமாக பூமி, சூரியனுக்கு அருகில் வரும்போது (ஜன.,) 14.7 கோடி கி.மீ., துாரத்திலும் தொலைவில் செல்லும் போது (ஜூலை) 15.2 கோடி கி.மீ., துாரத்திலும் இருக்கும். தகவல் சுரங்கம் நீண்ட துார ரயில் இந்திய ரயில்களில் நீண்டதுாரம் (4189 கி.மீ.,) அதிக நேரம் (75 மணி, 20 நிமிடம்) பயணிக்கும் ரயில் விவேக் எக்ஸ்பிரஸ். உலகில் நீண்டதுாரம் செல்லும் ரயில்களில் 24வது இடத்தில் உள்ளது. சுவாமி விவேகானந்தரின் 150வது பிறந்த தினத்தை முன்னிட்டு இந்த ரயில் சேவை தொடங்கப் பட்டது. இது கன்னியாகுமரியில் புறப்பட்டு 8 மாநிலங்களை கடந்து அசாமின் திப்ரூஹார்க் வரை செல்கிறது. வாரம் ஒருமுறை இயக்கப்படுகிறது. 56 நிறுத்தங்களில் நின்று செல்கிறது. கன்னியாகுமரியில் வியாழன் மாலை 5:30 மணிக்கு புறப்பட்டு, ஞாயிறு இரவு 8:50 மணிக்கு திப்ரூஹார்க் சென்றடைகிறது.
09.07.2022
இடியில் இருந்து பாதுகாப்பு உயரமான கட்டடங்களின் உச்சியில், கூர் முனை உள்ள ஒரு தடித்த கம்பி பொருத்தப்படுகிறது. அதுதான் இடிதாங்கி. அந்தக் கம்பி பூமி வரை இழுக்கப்பட்டு பூமியினுள் புதைக்கப்படும். இதற்கு எர்த்திங் என பெயர். தமிழில் புவித்தொடுப்பு அல்லது தரையிணைப்பு எனக் குறிப்பிடப்படுகிறது. இப்படிச் செய்வதன் மூலம் கட்டடத்தின் மேல் இடி, மின்னல் விழும்போது அதிலுள்ள மின்சாரம், இடிதாங்கி மூலம் பூமிக்கு அனுப்பப்படுகிறது. இதனால் கட்டடம் பாதிப்பது தடுக்கப்படுகிறது. இடிதாங்கியை கண்டுபிடித்தவர் அமெரிக்காவின் பெஞ்சமின் பிராங்ளின். தகவல் சுரங்கம் சாதனை புத்தகம் உலகளவில் மனிதர்கள், இயற்கை நிகழ்வுகளால் ஆண்டுதோறும் நிகழ்த்தப்படும் உலக சாதனைகளை பதிவு செய்வது 'கின்னஸ் உலக சாதனை புத்தகம்'. 1955ல் முதன்முதலாக ஆங்கிலத்தில் வெளியிடப் பட்டது. தற்போது 23 மொழிகளில் 100 நாடுகளில் வெளியிடப் படுகிறது. இதுவரை இப்புத்தகத்தில் 53 ஆயிரம் சாதனைகள் இடம் பெற்றுள்ளன. 1954 ஆகஸ்டில் நோரிஸ் மற்றும் ரோஸ் மெக்விர்டர் இரட்டை சகோதரர்கள் இணைந்து லண்டனில் இப்புத்தகத்தை தொடங்கினர். கின்னஸ் சாதனை படைப்பவர்களுக்கு சான்றிதழ் மட்டுமே வழங்கப்படும். ரொக்கம் வழங்கப்படாது.
10.07.2022
'ஏழு கடல்' பெண்மணி உலகிலுள்ள ஏழு பெருங்கடல்களை முதன்முதலில் நீந்திக்கடந்த பெண்மணி என்ற சாதனையை படைத்தவர் இந்தியாவின் புலா சவுத்ரி. இவர் மேற்கு வங்கத்தின் ஹூக்ளியில் 1970ல் பிறந்தார். ஹூக்ளி ஆற்றில் நீச்சல் பயிற்சி மேற்கொண்ட இவர், ஆறு வயதில் தேசிய நீச்சல் போட்டியில் பங்கேற்றார். ஆங்கில கால்வாயை இருமுறை நீந்தியுள்ளார். அர்ஜூனா விருது, பத்ம ஸ்ரீ விருது பெற்றுள்ளார். 2011ல் மேற்கு வங்க சட்டசபைக்கு தேர்வானார். 2004ல் 14 மணி நேரத்தில் இலங்கையின் தலைமன்னார் முதல் தனுஷ்கோடி வரை நீந்தி கடந்தார். தகவல் சுரங்கம் உறையும் கடல் உலகின் முக்கிய ஐந்து பெருங்கடல்களில் சிறியது ஆர்க்டிக். இதன் பரப்பளவு 1.40 கோடி. இது குளிரான கடல் எனவும் அழைக்கப்படுகிறது. சர்வதேச நீர்நிலையியல் நிறுவனம் இதை பெருங்கடல் என ஒப்புக்கொள்கிறது. ஐரோப்பா, ஆசியா, வட அமெரிக்கா கண்டங்களுக்கு நடுவே இக்கடல் அமைந்துள்ளது. குளிர்காலத்தில் இக்கடல் பகுதி பனிக்கட்டியாக உறைந்து விடுகிறது. கோடைகாலத்தில் 50 சதவீதம் உருகுகிறது. இதன் சராசரி ஆழம் 3406 அடி. இதை ஆர்க்டிக் மத்திய தரைக்கடல் என கடல் ஆராய்ச்சியாளர்கள் அழைக்கின்றனர்.
11.07.2022
பத்து கால் உயிரினம் நீர்நிலை, நிலம், கடற்கரைப் பகுதிகளில் காணப்படும் உயிரினம் நண்டு. இதில் பல வகைகள் உள்ளன. இரண்டு கூட்டுக்கண்களும் முதுகில் தட்டையான ஓடும், ஐந்து ஜோடிக் கால்களும் கொண்டவை. முன்புறம் உள்ள இரு கால்கள் இரையைப் பற்றிக்கொள்ள உதவும். மீதமுள்ள நான்கு ஜோடி கால்களும் பக்க வாட்டில் வேகமாய் நகரப் பயன்படும். கால்களின் மேற்பகுதி செதில்களால் இவை சுவாசிக்கின்றன. ஆண்டுக்கு ஒரு முறை இதன் முதுகுப்புற மேல் ஓடு கழன்று புதுப்பித்துக் கொள்ளும். இதில் பல சத்துகள் இருப்பதால், நண்டு விரும்பி உண்ணப்படும் கடல் உணவாகவும் உள்ளது. தகவல் சுரங்கம் மக்கள்தொகை தினம் மக்கள்தொகையை கட்டுப்படுத்துவது பற்றி விழிப்புணர்வு ஏற்படுத்த ஜூலை 11ல் உலக மக்கள்தொகை தினம் கடை பிடிக்கப்படுகிறது. 1987 ஜூலை 11ல் உலக மக்கள்தொகை 500 கோடியை தொட்டது. இதை நினைவுபடுத்தும் விதமாக ஜூலை 11ல் இத்தினத்தை ஐ.நா., உருவாக்கியது. உலக மக்கள் தொகை 1950ல் 253 கோடியாக இருந்தது. 2011ல் 700 கோடி ஆனது. தற்போது 800 கோடியாக உள்ளது. இது 2030ல் 850 கோடி, 2050ல் 970, 2100ல் 1090 கோடியாக உயரும் என மதிப்பிடப்பட்டுள்ளது. உலகில் அதிகபட்சமாக 1965 - 1970களில் மக்கள் தொகை வளர்ச்சி வீதம் 2.1சதவீதமாக இருந்தது. ப
12.07.2022
வேட்டையாடும் பறவை கடலில் வாழும் ஒரு வகைப் பறவை 'ஸ்குவாஸ்'. இது டெர்ன், பப்பின் உட்பட மற்ற கடல்பறவைகள் கொண்டு செல்லும் உணவை, இப்பறவை இடைமறித்து பறித்துக் கொள்ளும். வானில் பறந்துகொண்டே மற்ற பறவைகளை துரத்திச் சென்று வேட்டையாடுகிறது. இதனால் ஸ்குவாஸ் பறவைகளைக் கண்டாலே, மற்ற கடற்பறவைகள் கதிகலங்கும். இவை பெரும்பாலும் கடலிலேயே வாழும். இது நீண்டதுாரம் பறக்கவல்லவை. இது சிறிய விலங்குகளையும் மீன்களையும் உண்ணும் இயல்புடையது. ஆர்டிக் பகுதியில் வாழும் இவை குளிர்காலத்தில் பூமியின் தென்பகுதிக்கு இடம்பெயரும். தகவல் சுரங்கம் காகித பை தினம் பிளாஸ்டிக்கின் பாதிப்பு நிலம், நீர், மலை என எதையும் விட்டு வைக்கவில்லை. இதை ஒழிப்பதற்கு மத்திய, மாநில அரசு பல நடவடிக்கைகளை எடுத்து வருகின்றன. மக்காத பாலித்தீன் பைகளுக்கு பதிலாக, விரைவிலேயே மக்கி விடும் காகித பை பயன்பாட்டை அதிகரிக்க வலியுறுத்தி ஜூலை 12ல் உலக காகித பை தினம் கடைபிடிக்கப்படுகிறது.* வாழ்க்கையில் எப்போதும் எளிமையை கடைபிடிக்க வேண்டும் என வலியுறுத்தி பல புத்தகங்களை எழுதிய அமெரிக்க எழுத்தாளர், சுற்றுச்சூழல் ஆர்வலர் ெஹன்றி டேவிட் தோரோ பிறந்த தினம் தேசிய எளிமை தினமாக கடைபிடிக்கப்படுகிறது.
13.07.2022
அதிகபட்ச அழிவில் அமேசான் உலகின் மிகப்பெரிய அமேசான் காடு தென் அமெரிக்காவில் உள்ளது. இதன் பரப்பளவு 55 லட்சம் சதுர கி.மீ. இது பூமியின் நுரையீரல் என அழைக்கப்படுகிறது. 30 லட்சம் தாவரம், விலங்குகள், 10 லட்சம் மக்களுக்கு இருப்பிடமாக உள்ளது. இந்நிலையில் இதுவரை இல்லாத அளவில் முதல் அரையாண்டில் அதிக அழிவை இந்தாண்டு சந்தித்துள்ளது. 2022 ஜன., - ஜூன் வரை 3985 சதுர கி.மீ., பரப்பளவு காடுகள் அழிந்துள்ளன. இந்த பரப்பளவு நியூயார்க் நகரின் பரப்பளவில் ஐந்தில் ஒரு பகுதி. இதற்கு முன் 2021 ஜன., - ஜூன் காலத்தில் 3605 சதுர கி.மீ,. பரப்பளவு காடுகள் அழிந்திருந்தன. தகவல் சுரங்கம் உயரமான அருவி தமிழகத்தின் உயரமான அருவியாக 'தலையாறு அருவி' உள்ளது. இது 'எலிவால்' எனவும் அழைக்கப்படுகிறது. இதன் உயரம் 975 அடி. இதன் நீர் தேனி தேவதானப்பட்டி அருகேயுள்ள மஞ்சளாறு அணைக்கு வருகிறது. அக்டோபர், நவம்பரில் மழை பெய்யும் போது இந்த அருவியில் நீர் கொட்டுகிறது. வத்தலக்குண்டு - கொடைக்கானல் சாலையில் டம்டம் பாறையில் இருந்து இந்த அருவியின் அழகை ரசிக்கலாம். இந்திய அளவில் 6வது உயரமான அருவி. முதல் இடத்தில் கர்நாடகாவின் ஷிமோகா மாவட்டத்தில் குன்சிகல் அருவி உள்ளது. இதன் உயரம் 1493 அடி.
14.07.2022
உப்பு... தப்பு உணவில் உப்பு அதிகமாக சேர்ப்பவர்களுக்கு 75 வயதுக்குள் உயிரிழப்பு ஏற்படுவதற்கு 28 சதவீத வாய்ப்பு உள்ளது என பிரிட்டன் ஆய்வில் தெரிவிக்கப்பட்டுள்ளது. பிரிட்டனில் 5 லட்சம் பேரிடம் ஆய்வு நடத்தப்பட்டதில் இது கண்டறியப்பட்டது. இதன்படி உப்பு சேர்க்காமல், குறைந்தளவு உப்பு சேர்ப்பவர்களுடன் ஒப்பிடும் போது, உப்பு அதிகம் சேர்ப்பவர்களது வாழ்நாள் சராசரி ஆண்களுக்கு 2.5 ஆண்டு, பெண்களுக்கு 1.5 ஆண்டு குறைகிறது. அதிக உப்பு சேர்ப்பது உயர் ரத்த அழுத்தம், பக்கவாதம், இருதய பாதிப்பு ஏற்படுவதற்கு காரணமாக உள்ளது என தெரிவிக்கப்பட்டுள்ளது. தகவல் சுரங்கம் பாரம்பரிய நகரம் 14ம் நுாற்றாண்டில் விஜயநகர பேரரசின் தலைநகராக விளங்கியது ஹம்பி. இது கர்நாடகாவின் விஜயநகர மாவட்டத்தில் உள்ளது. துக்கபத்ரா ஆற்றின் கரையில் அமைந்துள்ளது. வரலாற்று சிறப்புமிக்க இந்நகரம் யுனெஸ்கோவின் உலக பாரம்பரிய பண்பாட்டு சின்னங்கள் பட்டியலில் இடம் பெற்றுள்ளது. வரலாற்றுத் தொன்மை வாய்ந்த இந்நகரம், பெங்களூருவில் இருந்து 420 கி.மீ., துாரத்தில் உள்ளது. இங்கு உலகப்புகழ்பெற்ற விருபாக்சர் கோயில் உள்ளது. இதுதவிர சிறியதும், பெரியதுமாய் 50க்கும் மேற்பட்ட கோயில்கள் உள்ளன. சிறந்த சுற்றுலாப்பகுதியாகவும் உள்ளது.
15.07.2022
'சூப்பர்மூன்' ரகசியம் பூமி - நிலவு இடையிலான சராசரி தொலைவை விட, குறைவாக இருக்கும் போது 'சூப்பர் மூன்' தோன்றுகிறது. அப்போது சாதாரணமாக தெரியும் நிலவை விட 14 சதவீதம் பெரியதாகவும், 30 சதவீதம் கூடுதல் ஒளியுடனும் தெரியும். பூமி -- நிலவு இடையே சராசரி துாரம் 3,84,400 கி.மீ. 'சூப்பர் மூன்' அன்று, இதைவிட குறைவான துாரத்தில் நிலா இருக்கும். சூரியனை பூமி ஒருமுறை சுற்றி வர 365.26 நாட்கள் ஆகிறது. நிலவு பூமியைச் சுற்ற 29.32 நாட்கள் ஆகும். இக்கணக்கீட்டு முறையில் சூரியன், பூமி (நடுவில்), நிலவு ஒரே நேர்கோட்டில் வரும்போது 'சூப்பர் மூன்' ஏற்படுகிறது. தகவல் சுரங்கம் கல்வி வளர்ச்சி தினம் தமிழக முதல்வராக 3 முறை இருந்த காமராஜரின் பிறந்த தினம் (ஜூலை 15) கல்வி வளர்ச்சி தினமாக கடைபிடிக்கப்படுகிறது. 1903 ஜூலை 15ல் விருதுநகரில் பிறந்தார். 1930ல் ராஜாஜி தலைமையில் வேதாரண்யத்தில் நடந்த உப்பு சத்யாகிரகத்தில் பங்கேற்று சிறை சென்றார். 1954 ஏப்., 13ல் தமிழக முதல்வரானார். இவரது ஆட்சியில் கல்விக்கு முக்கியத்துவம் கொடுத்தார். ஏழை எளிய மாணவர்களும் கல்வி கற்க வேண்டும் என்ற எண்ணத்தில் இலவச மதிய உணவு திட்டத்தை கொண்டு வந்தார். மத்திய அரசின் பல பொதுத்துறை நிறுவனங்களை தொடங்கினார்.
16.07.2022
தேசிய நீர்வாழ் விலங்கு டால்பின் வகைகளில் பெரும்பாலும் கடல்வாழ் உயிரினமாக இருந்தாலும், சிலவகை மட்டும் ஆற்றுநீரிலும் வாழ்கின்றன. இதன்படி இந்தியாவில் கங்கை, பிரம்மபுத்திரா ஆறுகளில் டால்பின்கள் வாழ்கின்றன. இதன் நீளம் 7 - 8 அடி வரை இருக்கும். இது கங்கை டால்பின் என அழைக்கப்படுகிறது. இதன் அறிவியல் பெயர் பிளாடனிஸ்டா கேன்ஜிட்டிக். இது 1801ல் அதிகாரப்பூர்வமாக கண்டுபிடிக்கப்பட்டது. இந்தியாவின் தேசிய நீர்வாழ் விலங்காகவும் உள்ளது. 3500 - 5000 எண்ணிக்கையில் உள்ளது. நேபாளம், வங்கதேசத்திலும் காணப்படுகிறது. தகவல் சுரங்கம் உலக பாம்புகள் தினம் பூமியில் 3500 வகை பாம்புகள் உள்ளன. இவை சுற்றுச்சூழல் சமநிலையை பராமரிப்பதில் முக்கிய பங்கு வகிக்கிறது. இவற்றை பாதுகாப்பது பற்றி விழிப்புணர்வு ஏற்படுத்தும் விதமாக ஜூலை 16ல் உலக பாம்புகள் தினம் கடைபிடிக்கப்படுகிறது. உலகின் நீளமான பாம்பாக 'கிங் கோப்ரா' உள்ளது. பாம்புக்கு வெளிப்புற காது கிடையாது. அதன் தாடையில் உள்ள எலும்புகள் ஒலியை உணரச்செய்கிறது. அதேபோல நாக்கின் மூலம் தண்ணீர், காற்று, நிலத்தில் உள்ள வாசனையை உணர்கிறது. இதனால் தான் எப்போதும் நாக்கை வெளியே நீட்டியவாறு உள்ளது.
17.07.2022
அலை ஏற்படுவது எப்படி கடலில் அலைகள் ஏற்படுகிறது. ஆனால் ஏரி, குளங்களில் அதுபோல ஏற்படுவதில்லை. நிலவின் ஈர்ப்பு விசையால் கடலில் அலைகள் தோன்றுகின்றன. ஈர்ப்பு விசையால் நீர் ஓரிடத்தில் இருந்து இன்னொரு இடத்துக்கு இடம்பெயர்வதே அலைகள். அலைகள் வீசும் ேவகம், காலம், தொலைவை பொறுத்து அலையின் உயரம் அமைகிறது. கடலில் நீண்ட தொலைவு காற்று வீசுவது போல, ஏரி குளங்களில் வீசுவதில்லை. அதுமட்டுமன்றி கடலோடு ஒப்பிடும்போது, ஏரி நீரின் பரப்பும் கனஅளவும் குறைவாக இருப்பதால் அலைகள் ஏற்படுவதில்லை. தகவல் சுரங்கம் சர்வதேச நீதி தினம் * சர்வதேச குற்றவியல் நீதிமன்றம் உருவாக அடிப்படையாக அமைந்த ரோம் ஒப்பந்தம் 1998 ஜூலை 17ல் கையெழுத்தானது. இதை நினைவுபடுத்தும் விதமாக ஜூலை 17ல் சர்வதேச நீதி தினம் கடைபிடிக்கப்படுகிறது. 123 நாடுகள் இதில் உறுப்பினர்களாக உள்ளனர். * நேருக்கு நேர் பேசும் போது முகபாவனையை அறிய முடியும். அதுபோல இணையத்தில் 'சாட்டிங்' செய்யும் போது உணர்வு, தகவல், தேவை, துன்பம், மகிழ்ச்சியை தெரிவிப்பதற்காக 'எமோஜி' எனும் குறியீடுகள் பயன்படுத்தப்படுகிறது. ஆண்டுதோறும் ஜூலை 17ல் உலக எமோஜி தினம் கடைபிடிக்கப்படுகிறது.
18.07.2022
நிலவின் மறுபக்கம் பூமியின் ஒரே துணைக்கோள் நிலா. பூமியில் இருந்து பார்க்கும் போது நிலாவின் ஒரு பக்கத்தை மட்டுமே பார்க்க முடியும். இதற்குக் காரணம் நிலா தன்னைத்தானே சுற்றுவதும், புவியின் சுற்றுவட்டப் பாதையில் வருவதும் ஒரே நேரத்தில் நடப்பதுதான். இதனால் தொடர்ச்சியாக, நிலவின் ஒரு பக்கத்தை மட்டுமே நம்மால் பார்க்க முடிகிறது. பூமியிலிருந்து நாம் காணும் பக்கத்துக்கு நியர் சைட் அல்லது பேஸ் ஆப் மூன் என்றும், காண இயலாத பக்கத்துக்கு டார்க் சைட் என்றும் பெயர். 2019ல் நிலவின் மறுபக்கத்தில் (டார்க் சைட்) 'சாங்கி - 4 விண்கலத்தை தரையிறக்கி சீனா சாதனை படைத்தது. தகவல் சுரங்கம் மண்டேலா தினம் தென்னாப்பிரிக்காவில் இனவெறியை எதிர்த்து போராடிய அந்நாட்டின் முன்னாள் அதிபர் மறைந்த நெல்சன் மண்டேலாவை சிறப்பிக்கும் விதமாக அவரது பிறந்த தினம் (1918 ஜூலை 18), ஐ.நா. சார்பில் உலக நெல்சன் மண்டேலா தினமாக கடைபிடிக்கப்படுகிறது. நிறவெறியை எதிர்த்து தென் ஆப்ரிக்க அரசுக்கு எதிராக இவரது தலைமையில் பல போராட்டங்கள் நடைபெற்றன. இதனால் இவர் தொடர்ந்து 27 ஆண்டுகள் சிறையில் அடைக்கப்பட்டார். இவரை விடுதலை செய்ய உலகம் முழுவதும் கோரிக்கை எழுந்தது. 1990 பிப்., 11ல் விடுதலையானார். 1994 மே 10ல் அந்நாட்டின் அதிபரானார்.
19.07.2022
ஒரே செடியில் நான்கு காய்கறி சமையலில் தக்காளி, உருளைக்கிழங்குக்கு முக்கிய இடம் உண்டு. ஒரே செடியில் தக்காளி, உருளைக்கிழங்கு என இரண்டும் விளையும் தாவரச்செடியை வாரணாசியில் உள்ள இந்தியன் இன்ஸ்டிடியூட் ஆப் வெஜிடபிள் ரிசர்ச் நிறுவனம் கடந்தாண்டு உருவாக்கியது. இதன் பெயர் 'பொமெட்டோ'. இதன் ஒரு செடியில் 2 கிலோ தக்காளி, 600 கிராம் உருளைக்கிழங்கு வரை விளைவிக்கப் படுகிறது. தற்போது இதன் தொழில்நுட்பத்தை மேம்படுத்திய விஞ்ஞானிகள், அதில் மிளகாய், கத்தரிக்காய் காய்க்கும் வகையில் உருவாக்கியுள்ளனர். இதற்கு 'பிரிமட்டோ' என பெயரிடப்பட்டுள்ளது. தகவல் சுரங்கம் சைக்கிளின் தேசம் சைக்கிள் பயன்படுத்துவதன் மூலம் உடல்நலம் மேம்படுவதுடன் சுற்றுச்சூழலும் பாதுகாக்கப்படுகிறது. உலகில் அதிகபட்சமாக நெதர்லாந்தில் இருபாலரும் சைக்கிளை விரும்பி பயன்படுத்துகின்றனர். அந்நாட்டின் தலைநகர் ஆம்ஸ்டர்டாம் மட்டுமல்லாமல் அனைத்து பகுதியிலும் சைக்கிள் பயன்பாடு உள்ளது. அங்கு 36% மக்கள் சைக்கிள் பயன்படுத்துகின்றனர். இது ஆண்டுக்கு 5.4 கோடி மரங்கள் வளர்ப்பதற்கு சமம். இங்கு சைக்கிள் போக்குவரத்துக்கு பிரத்யேக பாதுகாப்பான தனிப்பாதை அமைக்கப்பட்டுள்ளது. இங்கு சைக்கிள் சுற்றுலா மிக பிரபலம்.
20.07.2022
பென்சில் வரலாறு எழுத, வரைய பென்சில் பயன்படுகிறது. கிராபைட் எனும் கார்பன் கரியால் பென்சில் தயாரிக்கப் படுகின்றன. இது படிக வடிவம் கொண்டது. 1564ல் பிரிட்டனில் ஒரு பெரிய ஓக் மரத்தின் வேரில் இருந்து கிடைத்த கார்பன் கரியை (அப்போது அதுதான் கார்பன் என தெரியாது) வைத்து எழுதத் தொடங்கினர். பின்னாளில் இதுவே பென்சில் உருவாக காரணமானது. நவீன பென்சிலை கண்டுபிடித்தவர் பிரான்ஸ் விஞ்ஞானி நிக்கோலஸ் ஜாக்கியுஸ். 1795ல் இதை கண்டுபிடித்தார். பென்சிலை வைத்து காகிதத்தில் எழுதும்போது கிராபைட் தட்டு ஒவ்வொன்றாக காகிதத்தில் படிகிறது. தகவல் சுரங்கம் நிலவின் தரையில்... மனிதன் நிலவில் காலடி வைத்த தினம் இன்று. அமெரிக்க விண்வெளி மையம் (நாசா), 1969 ஜூலை 16ல் அனுப்பிய 'அப்பல்லோ-11' விண்கலம் நிலவுக்கு சென்றது. இதில் கமாண்டர் நீல் ஆம்ஸ்ட்ராங், பைலட் மைக்கேல் காலியன்ஸ், பைலட் எட்வின் ஆல்ட்ரின் ஆகிய மூன்று விண்வெளி வீரர்கள் பயணித்தனர். இது ஜூலை 20 (இந்திய நேரம் நள்ளிரவு 12:48 மணிக்கு) நிலவில் இறங்கியது. 6 மணி நேரம் கழித்து நீல் ஆம்ஸ்ட்ராங் விண்கலத்தில் இருந்து இறங்கி நிலவில் காலடி வைத்தார். அமெரிக்க தேசியக் கொடியை நிலவில் பறக்க விட்டார்.
21.07.2022
பனித்துளி ஏற்படுவது எப்படி புல், செடி, கொடி, மரங்களின் மீது காலை வேளைகளில் பனித்துளிகள் மின்னுவதைப் பார்த்திருப்போம். ஒரு காலிப் பாத்திரத்தில் பனிக்கட்டியைப் போட்டால், பாத்திரத்தைச் சுற்றி நீர்த்துளிகள் உருவாவதைக் கவனித்திருப்பீர்கள். வெப்பக் காற்றில் கலந்திருக்கும் நீராவி குளிர்ந்த பரப்பைத் தொடும்போது, குளிர்ந்து நீர்த்துளிகளாக உருமாறுகிறது. தாவரங்கள் மீதும் பனித்துளி இவ்வாறுதான் உருவாகிறது. பொதுவாக காற்றில் ஓரளவு நீராவியும் கலந்திருக்கும். 'ஈரப்பதம்' என இதைக் குறிப்பிடுகிறோம். குளிர்ந்த காற்றில் இருப்பதைவிட, வெப்பக் காற்றில் நீராவி சற்று அதிகமாகவே இருக்கும். தகவல் சுரங்கம் பல்லுயிரினங்களின் மையம் இந்திய பெருங்கடலில் அமைந்துள்ள தீவு நாடு மடகாஸ்கார். கிழக்கு ஆப்ரிக்காவில் இருந்து 400 கி.மீ., துாரத்தில் உள்ளது. இது 8.8 கோடி ஆண்டுகளுக்கு முன் இந்திய துணைக்கண்டத்தில் இருந்து பிரிந்தது. பலவகை தாவரங்கள், மரங்கள், உயிரினங்கள் இங்கு வாழ்வதால் இது 'பல்லுயிரினங்களின் மையம்' என அழைக்கப்படுகிறது. இது உலகின் இரண்டாவது பெரிய தீவு நாடு. பரப்பளவு 5,92,800 சதுர கி.மீ. 1960 ஜூன் 26ல் பிரான்சிடம் இருந்து சுதந்திரம் பெற்றது. மக்கள்தொகை 2.48 கோடி. உலகில் மிக அதிகமான கிராம்பு, நவரத்தினங்கள் இங்கு கிடைக்கின்றன.
22.07.2022
சந்திரயான் - 2 'பிளாஷ்பேக்' மூன்றாண்டுக்கு முன் இதே நாளில் (ஜூலை 22) சந்திரயான் - 2 விண்கலத்தை இஸ்ரோ நிலவுக்கு செலுத்தியது. நிலவில் தரையிறக்கும் விதமாக ஆர்பிட்டருடன், லேண்டர், ரோவர் அனுப்பப்பட்டது. ஆனால் நிலவின் மேற்பரப்பில் இருந்து 2.1 கி.மீ., தொலைவில் இருந்தபோது, இஸ்ரோவின் கட்டுப்பாட்டு மையத்துடனான லேண்டரின் தொடர்பு துண்டிக்கப்பட்டது. இருப்பினும் நிலவின் சுற்று வட்டப்பாதையில் நிலை நிறுத்தப்பட்ட ஆர்பிட்டர் சாதனம், நிலவு பற்றிய பல தகவல்களை அனுப்பி வருகிறது. தகவல் சுரங்கம் தேசிய மாம்பழம் தினம் முக்கனிகளில் ஒன்று மாம்பழம். இதன் அறிவியல் பெயர் 'மேங்கிபெரா இன்டிகா'. இந்திய மாம்பழங்களில் 100க்கும் மேற்பட்ட வகைகள் உள்ளன. கிழக்கு ஆசியாவில் இருந்து உலகம் முழுவதும் பரவியுள்ளது. சில நாடுகளில் இது வெறும் பழம் மட்டுமல்ல. கலாசாரம், வரலாற்றின் ஒரு பகுதியாக உள்ளது. இதில் வைட்டமின் ஏ, சி, டி சத்துகள் உள்ளன. இதன் நன்மை பற்றி விழிப்புணர்வு ஏற்படுத்தும் விதமாக ஜூலை 22ல் உலக மாம்பழம் தினம் கடைபிடிக்கப்படுகிறது. இது ஜூஸ், கேக், ஐஸ்கிரீம், ஊறுகாய் என பல வழிகளில் பயன்படுத்தப்படுகிறது.
23.07.2022
புகை மேலே செல்வது ஏன் தீ எரியும் போது, வாகன இயக்கத்தின் போது புகை வெளிப்படுகிறது. இவை சிறிய அளவில் இருந்தாலும், பெரிய அளவில் இருந்தாலும் வானத்தை நோக்கி உயரே செல்வதை காண்கிறோம். இதற்கு காரணம் பூமியில் நிரம்பியுள்ள காற்றின் அடர்த்தி, புகையின் அடர்த்தியை விட அதிகம். புகையும் காற்றின் ஒரு விதம் தான் என்றாலும், இரண்டின் அடர்த்தியிலும் வேறுபாடு உள்ளது. புகையை விட காற்றின் அடர்த்தி அதிகம் இருப்பதால் காற்றின் மீது புவி ஈர்ப்பு விசை அதிகமாக இருக்கும். அப்போது காற்று கீழ்நோக்கியும், புகை மேல்நோக்கியும் செல்கிறது. தகவல் சுரங்கம் 'எஸ்' வடிவ பெருங்கடல் உலகில் பசிபிக், அட்லாண்டிக், இந்திய பெருங்கடல், ஆர்க்டிக், தென் முனைக்கடல் என ஐந்து பெருங்கடல் உள்ளன. இதில் மிகப்பெரிய பசிபிக் பெருங்கடல். பூமியின் பரப்பளவில் 30 சதவீதத்தை கொண்டுள்ளது. இதில் 2வது பெரியது அட்லாண்டிக் பெருங்கடல். பரப்பளவு 10.6 கோடி சதுர கி.மீ., பூமியின் பரப்பளவில் 20 சதவீத இடத்தையும், பூமியின் நீர் பரப்பளவில் 29 சதவீதத்தையும் கொண்டுள்ளது. சராசரி ஆழம் 11,962 அடி. கிழக்கில் ஐரோப்பா, ஆப்ரிக்காவுக்கு இடையிலும், மேற்கில் அமெரிக்காவுக்கு இடையிலும் இது உள்ளது. எஸ் வடிவத்தை பெற்றுள்ளது.
24.07.2022
இடைநில்லா பயணம் மத்திய ஆசியாவில் அதிகளவில் காணப்படும் வாத்து இனங்களின் ஒன்று 'பட்டைத்தலை வாத்து'. இதன் நீளம் 71 முதல் 76 செ.மீ., வரை இருக்கும். எடை 1.87 கிலோ முதல் 3.2 கிலோ வரை இருக்கும். இது மிக உயரமாக பறக்கும் பறவையினத்தைச் சேர்ந்தது. சுமார் 29 ஆயிரம் அடி உயரம் வரை பறக்கும். எவரெஸ்ட் சிகரத்தின் உயரத்துக்குச் சமமாக பறக்கக்கூடியது. ஒரே நேரத்தில் மூன்று முதல் எட்டு முட்டைகள் வரை இடும். தொடர்ந்து இடைநில்லாமல் 1000 கி.மீ., வரை பறக்க வல்லது. ஏழு மணி நேரம் வரை தொடர்ந்து பறக்கும். மணிக்கு 80 முதல் 160 கி.மீ., துாரம் வரை பறக்கும். தகவல் சுரங்கம் நீர்நிலைகளில் இருந்து பாதுகாப்பு ஆண்டுதோறும் 2.36 லட்சம் பேர் நீரில் மூழ்கி உயிரிழக்கின்றனர். 1 - 24 வயதுக்குட்பட்ட வர்களில் உயரிழப்பில் 'டாப் - 10' காரணங்களில் நீரில் மூழ்கி இறப்பதும் ஒன்று. நடுத்தர வருமானம் உடைய நாடுகளில் ஆறு, ஏரி, கிணறு, வீடுகளில் உள்ள நீர் பிடிப்பு தொட்டிகள் போன்றவற்றில் தான் 90 சதவீத இறப்புகள் நிகழ்கின்றன. நீச்சல், நீர் பாதுகாப்பு, நீர்நிலைகளில் இருந்து மீட்கும் பணி போன்றவற்றை குழந்தைகளுக்கு கற்றுத்தர வேண்டும். கப்பல், படகில் செல்லும் போது முறையான பாதுகாப்பு உபகரணங்களை கண்டிப்பாக பயன்படுத்த வேண்டும்.
25.07.2022
தோல் சுருக்கம் ஏன் நமக்கு அழகு சேர்ப்பதில் முகம் முக்கிய பங்கு வகிக்கிறது. வயது கூடும் போது, முகத்தில் தோல் சுருக்கம் ஏற்படுகிறது. இதற்கு காரணம் உடல், தோலுக்கு அருகில் உள்ள பல முக்கிய பாகங்களில், கொலாஜன் என்பதும் ஒன்று. இது மூன்று வகைகளில் உள்ளன. முதல் வகையில் கொலாஜன் 80 சதவீதம் உள்ளது. இது தோலுக்கு அண்மையிலுள்ள எலும்புகள், தசை நார்கள் ஆகியவற்றில் உள்ளது. இதுவே தோலை தடிப்பாகவும், முறுக்காகவும் வைத்துக் கொள்ள உதவுகிறது. வயது அதிகரிக்கும் போது அவர்களுக்கு இந்த கொலாஜன் அளவு குறைவதால் தோல் சுருங்குகிறது. தகவல் சுரங்கம் உலக மாங்குரோவ் தினம் நிலத்துக்கும் கடலுக்கும் இடையிலுள்ள சதுப்பு நிலப்பகுதிகளில் 'மாங்குரோவ்' காடுகள் உள்ளன. பல்லுயிர்களின் இருப்பிடமாக இருக்கிறது. கடல் அரிப்பு, சுனாமி பாதிப்புகளை தடுக்கிறது. இதன் பரப்பளவை அதிகரிக்க வலியுறுத்தி ஜூலை 26ல் உலக மாங்குரோவ் தினம் கடைபிடிக்கப்படுகிறது. இவை கடல் நீரை உறிஞ்சி அதிலுள்ள உப்பைப் பிரித்து நல்ல நீரில் வளர்கின்றன. மேற்கு வங்கத்தில் உள்ள சுந்தர்வன மாங்குரோவ் காடுகள் தான் உலகின் மிகப்பெரியது. உலகில் 2000ம் ஆண்டு கணக்கின் படி 1.37 லட்சம் சதுர கி.மீ., பரப்பளவில் இவை உள்ளன.
26.07.2022
உயிரி உலகம் வைரஸ்களை 1892ல் முதன்முதலில் கண்டுபிடித்து பெயர் சூட்டியவர் உயிரியல் அறிஞர் டிமிட்ரி ஐவனாஸ்கி. கண்டுபிடிக்கப்பட்ட போது அவை உயிரற்றவை என்றே கருதப்பட்டது. ஆகவே உயிரியல் அறிஞர்கள் அவற்றை பிற உயிரினங்களிலிருந்து வேறுபடுத்திக் காட்ட நினைத்தனர். அதற்காக வைரஸ் உலகம் என்றும், உயிரி உலகம் என்றும் இருவேறு நிலையில் பகுத்து வைத்திருந்தனர். ஆனால் தற்போது வைரஸ்களும் உயிரினங்களாக நிரூபிக்கப்பட்டு விட்டன. இவற்றை அவற்றின் உயிரி மூலக்கூறு அடிப்படையில் ஆர்.என்.ஏ., டி.என்.ஏ. என பிரிக்கலாம். பல உட்பிரிவுகள் உண்டு. தகவல் சுரங்கம் மிதக்கும் நகரம் இத்தாலியின் வெனிஸ் நகரம், 118 சிறிய தீவுகளைக் கொண்டது. இதனை 'மிதக்கும் நகரம்' என்பர். இங்கு ஓரிடத்தில் இருந்து மற்றொரு இடத்துக்கு படகில் தான் செல்வார்கள். அதே போல ஒரு இடம் இந்தியாவிலும் உள்ளது. கேரளாவில் உள்ள ஆலப்புழா 'கிழக்கின் வெனீஸ்' என அழைக்கப்படுகிறது. ஆழப்புழாவிலும் படகு போக்குவரத்து அதிகம் உள்ளன. கடற்கரையை ஒட்டிய இந்நகரில் கால்வாய்கள், காயல்கள், பீச் உள்ளன. படகு வீடுகள் சுற்றுலாப்பயணிகளை ஈர்க்கிறது. இங்கு ஆண்டுதோறும் படகு போட்டிகளும் நடக்கின்றன. கலங்கரை விளக்கமும் உள்ளது.
27.07.2022
நகங்களின் ரகசியம் நமது கால் விரல் நகங்களை விட, கை நகங்கள் மூன்று மடங்கு வேகமாக வளரும். இதற்கு இரண்டு காரணங்கள். முதலாவது இதயத்துக்கு மிகக் குறைந்த துாரத்தில் கை நகங்கள் இருக்கின்றன. இதனால் அவற்றிற்கு ரத்த ஓட்டமும் ஆக்சிஜனும் தாராளமாகக் கிடைக்கின்றன. இரண்டாவது கால்களை நாம் பயன்படுத்துவதை விட, கைகளை அதிகம் பயன்படுத்துகிறோம். இதுவும் கைவிரல் நகங்களின் வேகமான வளர்ச்சிக்குக் காரணம் என ஆய்வாளர்கள் கூறுகின்றனர். ஒரு மாதத்தில் 2.5 மில்லி மீட்டர் அளவுக்கு நம் கை நகங்கள் வளர்கின்றன. நகங்களை சுத்தமாக வைப்பது அவசியம். தகவல் சுரங்கம் கலாம் நினைவு தினம் இந்திய இளைஞர்களின் கனவு நாயகனாக திகழ்ந்தவர் முன்னாள் ஜனாதிபதி அப்துல் கலாம். இவர் 2015 ஜூலை 27ல் மறைந்தார். உடலால் மறைந்தாலும் இவரது கண்டுபிடிப்புகள், அறிவியல் தொழில்நுட்பத்துக்கு ஆற்றிய பங்கு, மாணவர்களிடம் தன்னம்பிக்கையை வளர்த்ததன் மூலம் அனைவரது மனதிலும் வாழ்கிறார். 1931 அக்., 15ல் ராமேஸ்வரத்தில் ஏழை குடும்பத்தில் பிறந்தார். ராக்கெட், ஏவுகணைகளை உருவாக்கினார். அணு ஆயுத நாடாக மாற்றுவதற்கு பாடுபட்டார். நாட்டின் ஜனாதிபதியாக பதவி வகித்தார். தன் உயிர் பிரியும் வரை இளைஞர்களுக்கு வழிகாட்டியாக திகழ்ந்தார்.
28.07.2022
எறும்பின் புத்திசாலித்தனம் எறும்பு எதிர்காலத்துக்கும் உணவை சேமிக்கும் பழக்கம் கொண்டது. உணவின் ஒரு பகுதியை புற்றுக்குச் சுமந்து வரும்போது, உணவின் இருப்பிடத்தைக் குறிக்கும்படி ஒருவகை பெரமோன் வேதிப்பொருளை வழியெங்கும் பரப்பும். இன்னொரு எறும்பு அந்த பெரமோன் வாசனையை வைத்து உணவை அடையும். உணவை எடுத்துப் புற்றுக்குத் திரும்பும்போது, அந்த எறும்பும் அதே பாதை மீது பெரமோன் உமிழ்ந்து மேலும் உறுதி செய்யும். இவ்வாறு அடுத்தடுத்த எறும்புகள் பெரமோன் வழித்தடத்தை ஏற்படுத்த எளிதில் மற்ற எறும்புகள் வரிசையாக செல்லும். தகவல் சுரங்கம் உலக ஹெப்பாடிடிஸ் தினம் ஹெப்பாடிடிஸ் (ஈரல் அலற்சி) 'பி', 'சி' வைரசால் கல்லீரல், கணையப் புற்றுநோய், கல்லீரல் சுருங்குதல் பாதிப்புகள் ஏற்படுகின்றன. உலகில் 32.5 கோடி பேர் பாதிக்கப்பட்டுள்ளனர். ஆண்டுதோறும் 9 லட்சம் பேர் உயிரிழக்கின்றனர். இதை துவக்கத்தில் கண்டறிந்து சிகிச்சை அளிப்பது அவசியம். உடல் வலி, பசியின்மை, காய்ச்சல், சிறுநீர் மஞ்சள் நிறத்தில் தொடர்ந்து வெளியேறுதல், கண் மஞ்சள் நிறமாக மாறுதல் போன்றவை இதன் அறிகுறி. இதுபற்றிய விழிப்புணர்வு ஏற்படுத்த ஐ.நா., சார்பில் ஜூலை 28ல் உலக ஹெப்பாடிடிஸ் தினம் கடைபிடிக்கப்படுகிறது.
30.07.2022
நன்னீர் எங்கு அதிகம் ஒரு குறிப்பிட்ட இடத்தில் பனிப்பொழிவின் வேகம், நீர் ஆவியாதலின் வேகத்தை விட அதிகமாக இருந்தால் அங்கு பனி ஆறு உருவாகும். துருவப்பகுதிகளின் பெரும்பகுதி பனி ஆறுகளால் மூடப்பட்டிருக்கிறது. பனிக்கட்டி உருகி, புவி ஈர்ப்பு காரணமாக மெதுவாக நகரத் தொடங்குவதால் பனி ஆறு உருவாகிறது. இது நிலப்பரப்புகளில் மட்டுமே உருவாகும். குளிர்காலத்தில் உறைநிலை, கோடையில் உருகுநிலையில் காணப்படும். பனி ஆற்றின் நகரும் வேகம், புவி வெப்பம், உராய்வு ஆகிய காரணங்களால் நிர்ணயிக்கப்படுகிறது. பூமியில் அதிகளவு நன்னீர் பனி ஆறுகளில்தான் உள்ளது. தகவல் சுரங்கம் லட்சத்தீவின் பெரிய தீவு இந்தியாவில் உள்ள எட்டு யூனியன் பிரதேசங்களில் ஒன்று லட்சத் தீவு. இது அரபிக் கடலில் கேரளா அருகே உள்ளது. இங்கு மொத்தம் 36 தீவுகள் உள்ளன. இதில் பத்து தீவுகளில் மட்டுமே மனிதர்கள் வசிக்கிறார்கள். இது ஒரே ஒரு லோக்சபா தொகுதியைக் கொண்டுள்ளது. இங்கு சட்டசபை கிடையது. இதன் தலைநகர் கவராத்தி. இங்கு வசிக்கும் மக்களில் பெரும்பாலானோர் மலையாள மொழி பேசுகின்றனர். இங்கு தென்னை உற்பத்தி அதிகளவில் உள்ளது. லட்சத்தீவில் உள்ள 36 தீவுகளில் பெரியது ஆன்ட்ராட் தீவு. இதன் பரப்பளவு 4.90 சதுர கி.மீ. நீளம் 4.66 கி.மீ., அகலம் 1.43 கி.மீ.,
31.07.2022
விண்வெளி மையத்தின் வரலாறு விண்வெளியில் அமைக்கப்பட்டுள்ள சர்வதேச விண்வெளி மைய ஆய்வு திட்டத்தில் இருந்து 2024க்குப்பின் வெளியேறுவதாக ரஷ்யா சமீபத்தில் அறிவித்தது. இது 1998 நவ. 20ல் விண்வெளிக்கு அனுப்பி நிலைநிறுத்தப்பட்டது. 2000ம் ஆண்டு அக்., 31ல் நாசா விஞ்ஞானி வில்லியம் ெஷப்பர்டு, ரஷ்ய கமாண்டர் யூரி கிட்ஜென்கோ இருவரும் முதன்முதலாக விண்வெளி மையத்தை அடைந்தனர். பின் பல்வேறு வீரர்கள் விண்வெளி மையம் சென்று, ஆய்வுக்கூடத்தை மேம்படுத்தினர். அமெரிக்கா, ரஷ்யா, ஐரோப்பா, கனடா விண்வெளி மையங்கள் இணைந்து இதை அமைத்துள்ளன. தகவல் சுரங்கம் சர்வதேச காவல்துறை சர்வதேச அளவிலான காவல்துறை அமைப்பின் பெயர் 'இன்டர்நேஷனல் கிரிமினல் போலீஸ் ஆர்கனைசேஷன்'. சுருக்கமாக 'இன்டர்போல்' என அழைக்கப்படுகிறது. இது 1923 செப். 7ல் லண்டனில் தொடங்கப்பட்டது. 1050 பேர் பணியாற்றுகின்றனர். இதில் இந்தியா உட்பட 195 நாடுகள் உறுப்பினராக உள்ளன. தங்கம், போதைப்பொருள் கடத்தல், கறுப்புப்பணம், ராணுவ உளவு மோசடி போன்ற குற்றங்களைக் களைய அதிகாரம் செலுத்துகிறது. சர்வதேச குற்றச் செயல் விசாரணைகளில் 'இன்டர்போல்' அந்தந்த நாடுகளின் காவல்துறைக்கு உதவியாகச் செயல்படுகிறது.
01.08.2022
குழந்தையின் முதல் உணவு குழந்தை பிறந்த முதல் ஒரு மணி நேரத்துக்குள் தாய்ப்பால் கொடுக்க வேண்டும். ஆறு மாதம் வரை கண்டிப்பாக கொடுக்க வேண்டும்; குழந்தையின் உடல்நிலையை பொறுத்து, டாக்டர்கள் ஆலோசனை படி இரண்டு வயது வரை வழங்கலாம். குழந்தைகளுக்கு தாய்ப்பால் தருவது, தாயின் உடல்நலனுக்கும் சிறந்தது. இதில் குழந்தைக்கு தேவையான நோய் எதிர்ப்பு சக்தி, புரதம் என இயற்கையாகவே அமைந்துள்ளது. தாய்ப்பால் கொடுப்பதன் முக்கியத்துவத்தை தாய்மார்களுக்கு உணர்த்தும் விதமாக உலக தாய்ப்பால் வாரம் (ஆக. 1 - 7) கடைபிடிக்கப்படுகிறது. தகவல் சுரங்கம் தேசிய காகித தினம் கல்வி, கருத்து, கண்டுபிடிப்பு, செய்திகளை உலகில் அனைவருக்கும் எடுத்துச் செல்லும் சாதனமாக காகிதம் உள்ளது. படிக்கும் புத்தகம், வாசிக்கும் நாளிதழ் என அன்றாட வாழ்க்கையில் காகிதம் முக்கிய பங்கு வகிக்கிறது. 'பேப்பர் டெல்ஸ்' எனும் இந்தியாவின் முதல் கைவினை காகித ஆலை மஹாராஷ்டிராவின் புனேயில் 1940 ஆக., 1ல் துவக்கப்பட்டது. இதை நினைவுபடுத்தும் விதமாக 2017 முதல் ஆக., 1ல் தேசிய காகித தினம் கடைபிடிக்கப்படுகிறது. காகிதம் 100 சதவீதம் சுற்றுச் சூழல், மறு சுழற்சிக்கு ஏதுவானது. எளிதில் மக்கும் தன்மை உடையது.
02.08.2022
குறைந்த துாக்கம் தரும் பாதிப்பு பத்து வயதுக்குட்பட்ட குழந்தைகளில் தினமும் இரவில் குறைந்தபட்சம் 12 மணி நேரம் துாங்குபவர்களுடன் ஒப்படுகையில், 9 மணி நேரத்துக்கு குறைவான நேரம் துாங்குபவர்களுக்கு நினைவாற்றல், அறிவுக்கூர்மை போன்றவற்றுக்கு தொடர்பான மூளைப்பகுதிகளில் குறிப்பிடத்தக்க வேறுபாடுகள் ஏற்படுகிறது என அமெரிக்காவின் மேரிலேண்ட் மருத்துவ பல்கலை ஆய்வில் தெரிவிக்கப்பட்டுள்ளது. இவை அந்த குழந்தைகளுக்கு மன அழுத்தம், பதட்டம், மனநல பாதிப்பு போன்ற பாதிப்புகளை ஏற்படுத்துகிறது. 8300 குழந்தைகளிடம் ஆய்வு நடத்தப்பட்டது. தகவல் சுரங்கம் துல்லியப்பார்வை பெரிய பறவை இனங்களில் கழுகு ஒன்று. இதில் 74 வகைகள் உள்ளன. இவை கழுகு, பருந்து, வல்லுாறு உட்பட பல பெயர்களில் குறிப்பிடப்படுகிறது. இதன் எடை 4 - 7 கிலோ இருக்கும். நீளம் 2 - 3.5 அடி இருக்கும். மற்ற பறவைகளை விட கழுகு அதிக உயரத்தில் பறக்கும். ஆனால் எவ்வளவு உயரத்தில் பறந்தாலும் கவனம் தவறாமல் கீழே பாய்ந்து வந்து, இரையைக் கவ்வும். இதனால் தான் துல்லியமான பார்வையை 'கழுகுப் பார்வை' என குறிப்பிடுகிறோம். காற்று வேகமாக வீசும்போது அதைப் பயன்படுத்தி அந்தரத்தில் நீந்தியவாறு ஓய்வெடுத்துக்கொள்ளும்.
04.08.2022
மிதக்கும் பாறை எரி நட்சத்திரம் என்பது விண்மீன் அல்ல. அவை வானில் மிதக்கும் பாறைகள். சில சமயம் இப்பாறைகள் பூமியின் ஈர்ப்பு விசையால் கவர்ந்திழுக்கப்படுகின்றன. அவ்வாறு பூமியை நோக்கி வரும்போது வளி மண்டலத்தில் புகும். வளிமண்டலத்தில் ஏற்படும் உராய்வு காரணமாக, வெப்பம் அதிகரித்து ஆவியாகி எரிந்துபோகும். அப்போதுதான் நமக்கு இவை எரி நட்சத்திரமாக காணப்படுகிறது. சிறு சிறு பாறைகள் முற்றிலும் எரிந்துபோக, சில சமயம் பெரிய பாறைகளின் எரியாத சிறு பகுதிகள் பூமியில் விழும். இவையே விண்கற்கள் என அழைக்கப்படுகிறது. தகவல் சுரங்கம் பெரிய நன்னீர் ஏரி மணிப்பூரில் உள்ள 'லோக்டாக் ஏரி' இந்தியாவின் பெரிய நன்னீர் ஏரி என அழைக்கப்படுகிறது. மணிப்பூரி மொழியில் 'லோக்' என்றால் சிற்றோடை 'டாக்' என்றால் முடிவு என அர்த்தம். மழைக்காலத்தில் இதன் நீர்பிடிப்பு பரப்பளவு 980 சதுர கி.மீ. இதன் நீளம் 35 கி.மீ. அகலம் 13 கி.மீ. சராசரி ஆழம் 9 அடி. விவசாய நிலங்களுக்கு பாசனம், குடிநீர், மின்சார உற்பத்தி உட்பட பல வழிகளில் இந்த ஏரி பயன்படுத்தப்படுகிறது. இந்த ஏரி பகுதியில் கெய்புல் லாம்சோ தேசியப்பூங்கா உள்ளது. இது உலகின் ஒரே மிதக்கும் தேசியப்பூங்கா என அழைக்கப்படுகிறது.
05.08.2022
நிறம் மாறும் இலை இலையுதிர் காலத்தில் குளிர்ப்பிரதேச மரங்களில்தான் இலைகளின் நிறம் மாறும். தாவரங்களில் ஒளிச்சேர்க்கை செய்ய உதவும் பச்சையம் கூடுதலாக இருப்பதால் இலை பச்சை நிறத்தில் தெரிகிறது. இருந்தாலும் கேரட் போன்ற காய்கறிகளில் உள்ள மஞ்சள், ஆரஞ்சு நிறம் தரும் 'கரோட்டினாய்டு நிறமியும் இலைகளின் நிறத்துக்குக் காரணமாக உள்ளன. குளிர்காலத்தில் ஒளிச்சேர்க்கை சாத்தியம் இல்லாதபோது தாவரங்கள் வீணாக புதிய பச்சையத்தைத் தயாரிப்பது இல்லை. எனவே குளிர் காலத்தில் பச்சையம் குறைந்து இலைகளில் உள்ள வேறு நிறமிகள் தரும் நிறம் இலைகளில் தெரிய ஆரம்பிக்கும். தகவல் சுரங்கம் பெரிய எண்ணெய் கிணறு உலகில் சில நாடுகளில் மட்டுமே பெட்ரோல், டீசல் தயாரிக்க தேவையான கச்சா எண்ணெய் வளம் உள்ளது. சவுதியில் உள்ள 'ஹாவ்கர் எண்ணெய் வயல்' தான் உலகின் மிகப்பெரிய எண்ணெய் கிணறு என அழைக்கப்படுகிறது. இதன் நீளம் 280 கி.மீ. அகலம் 40 கி.மீ. இதன் பரப்பளவு 13 லட்சம் ஏக்கர். இது 1948ல் கண்டறியப்பட்டு 1951ல் உற்பத்தி தொடங்கியது. இன்றும் சவுதி அரேபியாவின் மொத்த எண்ணெய் உற்பத்தியில் நான்கில் ஒரு பங்கு இங்கிருந்துதான் கிடைக்கிறது. தற்போது இதில் தினமும் 38 லட்சம் பேரல் எண்ணெய் உற்பத்தி செய்யப்படுகிறது.
06.08.2022
நீர் அருந்தா உயிரினம் டால்பின் கடலில் வாழும் பாலூட்டி இனம். நீரை அருந்தாத நீர்வாழ் உயிரினம் இதுவாகும். இதில் 40 வகைகள் உள்ளன. சில ஆற்று நன்னீரிலும் வாழும். இதன் உடல் திமிங்கிலத்தின் உடல் அமைப்பைப் போல இருக்கும். ஆழம் குறைந்த கடல் பகுதியில் காணப்படும். சராசரி ஆயுட்காலம் 20 ஆண்டுகள். அறிவுக்கூர்மை வாய்ந்த விலங்கான டால்பின்கள், மனிதர்களுடன் நன்கு பழகுகின்றன. டால்பின் நீளம் 25 அடி வரை இருக்கும். எடை 650 கிலோ வரை இருக்கும். குறைந்த துாரத்தில் மணிக்கு 40 கி.மீ., நீண்ட துாரத்தில் மணிக்கு 11 கி.மீ., வேகத்தில் செல்லும். தகவல் சுரங்கம் ஹிரோஷிமா தினம் இரண்டாம் உலகப்போரின் போது ஜப்பானின் ஹிரோஷிமா மீது 1945 ஆக., 6ல், அமெரிக்கா அணுகுண்டு வீசியதன் நினைவு தினம் இன்று கடைபிடிக்கப்படுகிறது. “லிட்டில்பாய்' எனும் 60 கிலோ எடையுள்ள அணுகுண்டை சுமந்து வந்த "பி-29 ரக எனோலாகெய்' என்ற அமெரிக்க விமானம், ஹிரோஷிமா மீது உலகின் முதல் அணுகுண்டை வீசியது. 4 சதுர மைல் சுற்றளவுக்கு அழிவை ஏற்படுத்தியது. இதில் 1.40 லட்சம் பேர் பலியாகினர். கதிர்வீச்சால் ஆயிரக்கணக்கானோர் உடல்நலம் பாதிக்கப்பட்டனர். ஆக., 9ல் நாகசாகி மீது அடுத்த அணுகுண்டை வீசியது.
07.08.2022
அரிதான தனிமம் பிளாட்டினம் தொகுதியைச் சேர்ந்த இடைநிலைத் தனிமங்களில் ஒன்று இரிடியம். இதன் அணு எண் 77. இது சிறந்த வினைவேகமாற்றி. இயற்கையாகவே பூமியில் மிக அரிதாகக் கிடைக்கும் இந்தத் தனிமம், தற்காலத்தில் மருத்துவ உபகரணம், மின்னணு சாதனம், போர் விமானத்தின் பாகங்கள் உட்பட பல்வேறு விதங்களில் பயன்படுகிறது. பூமி உருவானபோது, இரிடியம் மிகக் குறைவாகவே இருந்தது. ஆனால் 6 கோடி ஆண்டுகளுக்கு முன் விண்பாறை மோதலில், விண்ணிலிருந்து பெருமளவு இரிடியம் பூமிக்கு வந்து சேர்ந்தது எனக் கருதப்படுகிறது. தகவல் சுரங்கம் நண்பர்கள் தினம் அனைவருக்கும் இருக்கும் ஒரே உறவு 'நண்பர்கள்'. மற்ற உறவுகள் இயற்கையாக வருவது. நண்பர்கள் மட்டுமே நாம் தேர்வு செய்யக்கூடியது. அனைவரது வாழ்க்கையிலும் நண்பர்கள் முக்கிய பங்கு வகிக்கின்றனர். பல வேறுபாடுகளை கடந்தது நட்பு மட்டுமே. சொத்துகளை அதிகம் சேர்ப்பதை விட நண்பர்களை அதிகம் சேர்ப்பது முக்கியம். நண்பர்கள் தினம் பல நாடுகளில், பல்வேறு தேதிகளில் கடைபிடிக்கப்படுகிறது. ஐ.நா., ஜூலை 30ஐ உலக நண்பர்கள் தினமாக அறிவித்தது. ஆனால் இந்தியா உள்ளிட்ட நாடுகளில் ஆக., முதல் ஞாயிறு (ஆக., 7) நண்பர்கள் தினமாக கொண்டாடப்படுகிறது.
08.08.2022
புதிய ராக்கெட் இந்திய விண்வெளி ஆய்வு மையம் (இஸ்ரோ) முதன் முதலாக எஸ்.எல்.வி., ராக்கெட்டை உருவாக்கியது. அடுத்து ஏ.எஸ்.எல்.வி,. ராக்கெட்டை தயாரித்தது. பின் உருவாக்கிய பி.எஸ்.எல்.வி., ராக்கெட் தான் பல ஆண்டுகளாக பயன்படுத்தப்படுகிறது. அடுத்து அதிக எடை செயற்கைக்கோளை அனுப்ப ஜி.எஸ்.எல்.வி., ராக்கெட்டை உருவாக்கியது. தற்போது குறைந்த புவி வட்டப்பாதை (500 கி.மீ., உயரம் வரை) எடை குறைந்த (500 கிலோ வரை) சிறிய ரக செயற்கைக்கோளை அனுப்ப எஸ்.எஸ்.எல்.வி., ராக்கெட்டை தயாரித்துள்ளது. இதன் உயரம் 111 அடி. விட்டம் 6.5 அடி. தகவல் சுரங்கம் வெள்ளையனே வெளியேறு தினம் மும்பையில் 1942 ஆக. 8ல் “செய் அல்லது செத்துமடி' என்ற கோஷத்துடன் 'வெள்ளையனே வெளியேறு' போராட்டத்தை காந்தியடிகள் துவக்கி வைத்தார். இந்த வாசகம் மக்கள் மனதில் சுதந்திர வேட்கையை ஏற்படுத்தியது. காந்தி, நேரு, படேல் உள்ளிட்ட தலைவர்களை ஆங்கிலேயர் சிறை பிடித்தனர். இருப்பினும் ஆங்கிலேயரின் அடக்குமுறைக்கு பயப்படாமல் நாடு முழுவதும் மக்கள் வீதிகளில் இறங்கி போராடினர். லட்சக்கணக்கானோர் கைதாகினர். இது ஆங்கிலேயரிடம் இனியும் இந்தியாவை நம் ஆள முடியாது என்ற எச்சரிக்கையை ஆழமாக ஏற்படுத்தியது.
09.08.2022
குளிர்ச்சியான கோள் சூரியக்குடும்பத்தில் உள்ள கோள்களில் ஒன்று யுரேனஸ். சூரியனில் இருந்து ஏழாவது கோளாக உள்ளது. 1781ல் சர் வில்லியம் ெஹர்ெஷல் விஞ்ஞானி இதனை கண்டுபிடித்தார். இது சூரிய குடும்பத்தில் விட்டத்தின் அடிப்படையில் மூன்றாவது பெரிய கோள். இது மிக குளிர்ச்சியான வளிமண்டலத்தை கொண்டது. இங்கு வெப்பநிலை மைனஸ் 224 டிகிரி செல்சியஸ் ஆக உள்ளது. இது ஒருமுறை சூரியனை சுற்றிவர 84 புவி ஆண்டுகள் ஆகிறது. இதனை ஆய்வு செய்ய அனுப்பப்பட்ட ஒரே விண்கலம் 'வொயாஜர் 2'. இக்கோளுக்கு 27 நிலவுகள் உள்ளன. தகவல் சுரங்கம் பழங்குடியினர் தினம் பழங்குடியின மக்களின் உரிமைகளை பாதுகாப்பது, அவர்களது சாதனைகளை அங்கீகரிக்கும் நோக்கில் ஐ.நா., சார்பில் ஆக., 9ல் சர்வதேச பழங்குடியினர் தினம் கடைபிடிக்கப்படுகிறது. உலக மக்கள் தொகையில் 6 சதவீதமாக உள்ளனர். 4000 மேலான மொழிகளை பேசுகின்றனர். 2016 ஐ.நா., கணக்கின படி 2680 பழங்குடியின மொழிகள் அழியும் ஆபத்தில் உள்ளன. வேலைபார்க்கும் பழங்குடியின மக்களில் 47% பேர் படிப்பறிவு இல்லாதவர்கள். 'பாரம்பரிய அறிவை பாதுகாத்தல், பரப்புவதில் பழங்குடியினரின் பங்கு' என்பது இந்தாண்டு மையக்கருத்து.
10.08.2022
தோல்வி முடிவல்ல இஸ்ரோ உருவாக்கிய புதிய ராக்கெட்டான எஸ்.எஸ்.எல்.வி.,யின் முதல் பயணம்தோல்வியில் முடிந்தது. இதற்கு முன்பும் இஸ்ரோவின் ராக்கெட் திட்டங்கள் தோல்வியுடன் தான் துவங்கியது. 1979 ஆக., 10 எஸ்.எல்.வி.,-3 ராக்கெட்டினண முதல் பயணம் தோல்வியடைந்தது. 1987 மார்ச் 24 -ல் ஏ.எஸ்.எல்.வி., முதல் ராக்கெட் தோல்வியடைந்தது. இஸ்ரோவின் நம்பகமான பி.எஸ்.எல்.வி., ராக்கெட் 55 முறை ஏவப்பட்டதில் 53 ல் வெற்றி பெற்றது. 1993 செப்.,20 ல் இதன் முதல் பயணம் தோல்வியில் தான் முடிந்தது. 2006 ஜூலை 10 ல் ஜி.எஸ்.எல்.வி., முதல் ராக்கெட் தோல்வியடைந்தது. தகவல் சுரங்கம் உலக சிங்க தினம் 'காடுகளின் ராஜா' என சிங்கம் அழைக்கப்படுகிறது. வீரத்தின் உதாரணமாக இதை குறிப்பிடுகிறோம். சிங்கத்தின் வாழ்விடங்களை பாதுகாக்க வலியுறுத்தி ஆக., 10 ல் உலகசிங்க தினம் கடைபிடிக்கப்படுகிறது. முன்பு ஐரோப்பா, ஆசியா ஆப்ரிக்கா முழுவதும் சிங்கங்கள் வாழ்ந்தன.ஆனால் இன்று ஆப்ரிக்கா,ஆசியாவின் சில பகுதிகளில் மட்டுமே சிங்கம் வாழ்கின்றன. முன்பு ஆப்ரிக்காவில் 2 லட்சம் சிங்கங்கள் இருந்தன. இன்று 20 ஆயிரம் மட்டுமே உள்ளன. இந்தியாவில் 2015 ல் 523 ஆக இருந்த சிங்கங்களின் எண்ணிக்கை 2020-ன் படி 674 ஆக உள்ளது.
11.08.2022
இரண்டு வித பச்சை நிறம் தாவரத்தில் எப்போதும் இலையின் மேற்புறமே சூரியனை நோக்கி இருக்கும். ஒளிச்சேர்க்கை மூலம் தாவரத்துக்கு உணவு தயாரிக்க மேற்பகுதி உதவுவதால், குளோரோபில் எனும் பச்சையம் கூடுதலாக இருக்கும். எனவே இலைகளின் மேலே அடர் பசுமை நிறமும், கீழே வெளிர் பசுமை நிறமாகவும் காணப்படும். இதே காரணத்தினால்தான், இளம் இலைகள் வெளிர் பசுமை நிறத்தில் இருக்கின்றன. இளம் இலைகளில் பச்சையத்தின் அடர்த்தி குறைவாக இருக்கும். இலை முதிரும்போது, அடர்த்தி கூடி நிறம் மேலும் கரும் பச்சையாக மாறும். தகவல் சுரங்கம் அறிவியல் ஆராய்ச்சி மத்திய அறிவியல் தொழில்நுட்ப அமைச்சகத்தின் கீழ் அறிவியல், தொழில்துறை ஆராய்ச்சி கவுன்சில் (சி.எஸ்.ஐ.ஆர்., ) செயல்படுகிறது. 1942 செப். 26ல் தொடங்கப்பட்டது. 1860 சமூக சட்டத்தின் கீழ் தன்னாட்சி அதிகாரம் பெற்ற அமைப்பாக உள்ளது. இதன் தலைவராக பிரதமர், துணைத்தலைவராக மத்திய அறிவியல் துறை அமைச்சர் பதவி வகிக்கின்றனர். முதல் பெண்இயக்குனராக தமிழகத்தின் கலைச்செல்வி பதவியேற்றுள்ளார். இதன் கீழ் 38 ஆய்வகங்கள் செயல் படுகின்றன. 4600 விஞ்ஞானிகள், 8000 தொழில்நுட்ப பணியாளர்கள் பணியாற்றுகின்றனர்.
12.08.2022
முதல் கம்ப்யூட்டர் புரோகிராமர் தகவல் தொழில்நுட்ப துறையில் கம்ப்யூட்டர் புரோகிராமர் பணிக்கு நல்ல மவுசு உள்ளது. இதில் பல வகைகள் உள்ளன. உலகின் முதல் கம்ப்யூட்டர் புரோகிராமரை உருவாக்கியவர் இங்கிலாந்தின் பெண் கணிதவியலாளர் அடா லவ்லேஸ். மெக்கானிக்கல், துல்லிய இயந்திர கால்குலேஷனுக்கு பயன்படும் விதத்தில், சார்லஸ் பாபேஜ் கண்டறிந்த ஆரம்பகால கம்ப்யூட்டரான அனாலிடிக்கல் இன்ஜின் எனும் கருவிக்கு, அல்காரிதம் எழுதினார். இதுவே உலகின் முதல் கம்யூட்டர் புரோகிராம். இந்த 'புரோகிராம் லாங்குவேஜ்க்கு' பெயரே சூட்டப்பட்டது. தகவல் சுரங்கம் உலக யானைகள் தினம் உலகில் ஆண்டுதோறும் 35,000 யானைகள் வேட்டையாடப்படுகின்றன. யானைகளை பாதுகாப்பது பற்றி விழிப்புணர்வு ஏற்படுத்தும் விதமாக 2012 முதல், ஆக., 12ல் உலக யானைகள் தினம் கடைபிடிக்கப்படுகிறது. வனப்பரப்பு குறைவது, யானைகளுக்கு தேவையான உணவு, தண்ணீர் பற்றாக்குறையும் யானைகள் அழிவுக்கு காரணமாகிறது. இதனால் தான் சில நேரங்களில் காடுகளை விட்டு சாலை, குடியிருப்பு பகுதிகளுக்கு யானைகள் வருகின்றன. ஆப்ரிக்கா, ஆசியாவில் தான் யானைகள் அதிகம். ஆசிய யானைகளில் 44 சதவீதம் இந்தியாவில் உள்ளன.
13.08.2022
மழை மேகம் மிதப்பது எப்படி திரவம், வாயு பொருட்களில் பொதுவாகவே அடர்த்தி அதிகமாக இருக்கும் பொருட்கள் மூழ்கும். குறைவாக உள்ளவை மிதக்கும். நீரில் மரக்கட்டை மிதக்கிறது எனில் மரக்கட்டையின் அடர்த்தி நீரைவிட குறைவு என அர்த்தம். நீராவி நிரம்பிய மேகத்தின் அடர்த்தி, காற்றின் அடர்த்தியை விடக் குறைவு என்பதால்தான் மேகம் காற்றில் மிதக்கிறது. மழைமேகம் என்பது நீர் ஆவியாகி கூட்டம் கூட்டமாக சேர்ந்து காற்றினில் மிதக்கிறது. இந்த மேகக்கூட்டங்களின் மேல் குளிர்ந்தக்காற்று படும்போது மட்டுமே அது நீராக மாறி மழைத்துளியாக மண்ணில் விழுகிறது. தகவல் சுரங்கம் 'இடது கை' தினம் உலக மக்கள்தொகையில் 10 சதவீதம் பேர் இடது கை பயன்படுத்தும் பழக்கம் உடையவர்கள் என ஐ.நா., தெரிவிக்கிறது. இவர்களது சாதனைகளை பாராட்டுதல், அவர்கள் பயன்பாட்டுக்கு ஏற்ற பொருட்களை தயாரிக்க வலியுறுத்தி ஆக., 13ல் உலக இடது கை பழக்கம் உடையோர் தினம் கடைபிடிக்கப்படுகிறது. இடது கை பழக்கம் ஒருவருக்கு இயற்கையிலேயே அமைந்து விடுகிறது. இது மூளை வளர்ச்சியை பொறுத்து அமைகிறது. இவர்கள் வலது பக்க மூளையை அதிகளவில் பயன்படுத்துவர். இவர்களுக்கு ஞாபக திறன் அதிகமாக இருக்கும்.
14.08.2022
கண்ணீரை உருவாக்கும் வாயு சட்டம் ஒழுங்கை மீறும் போது கூட்டத்தை கலைக்க, கட்டுப்படுத்த 'கண்ணீர் புகை குண்டுகளை' போலீசார் பயன்படுத்துவது வழக்கம். இது வேதியியல் கலவையிலான உயிரை பறிக்காத ஒரு ஆயுதம். இதில் பயன்படுத்தப்படும் கண்ணீர் புகையின் வேதியியல் பெயர் 'குளோரோ செப்டோ பீனோன்'. இந்த வாயு ஈரம் பட்டதும் மெல்லிய அமிலமாகிறது. இது தொண்டை, நுரையீரலில் படும்போது கண்ணீர் வருகிறது. இதனால் இதற்கு இப்பெயர் வந்துள்ளது. இது இருமல், மூச்சு விடுவதில் சிரமம், தற்காலிக கண் பார்வை போதல் போன்ற சில பாதிப்புகளை ஏற்படுத்துகிறது. தகவல் சுரங்கம் மறக்க முடியாத பிரிவினை கடந்த 1947 ஆக. 14ல் இந்தியாவில் இருந்து பாகிஸ்தான் பிரிந்தது. உலகின் மிகப்பெரிய இடப்பெயர்வாக அது அமைந்தது. அப்போது நிகழ்ந்த வன்முறை காரணமாக லட்சக்கணக்கான மக்கள் உயிரிழந்தனர். பிரிவினையின் வலியை ஒரு போதும் மறக்க முடியாது. நம் மக்களின் போராட்டங்கள், தியாகங்களின் நினைவாக, இனி ஆண்டுதோறும் ஆக. 14ல் பிரிவினையின் அதிர்ச்சி ஏற்பட்டதன் நினைவு தினமாக அனுசரிக்கப்படும் என பிரதமர் மோடி கடந்தாண்டு அறிவித்தார். அதன்படி இன்று இத்தினம் அனுசரிக்கப்படுகிறது.
16.08.2022
மஞ்சள் நிறம் வந்தது எப்படி பள்ளி, கல்லுாரி பேருந்துகள் மஞ்சள் நிறத்தில் இருப்பதை பார்த்திருப்போம். மற்ற நிறங்களைவிட மஞ்சள் வேகமாக நம் கவனத்தை ஈர்க்கும். அது மட்டுமல்ல காலை, மாலை வேளைகளில் மஞ்சள் வண்ணமே பளிச்சென்று தெரியும். 1939ல் பள்ளி வாகனங்களின் அமைப்பு, நிறம் எப்படி இருக்கலாம் என முடிவு செய்ய நடந்த கூட்டத்தில் அமெரிக்காவின் கொலம்பியா பல்கலை பேராசிரியர் டாக்டர் ப்ராங்க், பள்ளி வாகனங்களுக்கு மஞ்சள் நிறம் அளிக்கலாம் என ஆலோசனை தெரிவித்தார். இவர் 'மஞ்சள் நிறப் பள்ளி வாகனங்களின் தந்தை' என அழைக்கப்படுகிறார். தகவல் சுரங்கம் உயரமான போர்முனை உலகின் மிக உயரமான போர்முனை சியாச்சின் பனிமலை. இது லடாக் யூனியனில் இமயமலையின் கரகோரம் மலைத்தொடரில் அமைந்துள்ளது. சியாச்சினில் பானே போஸ்ட் எனும் போர் நிலை 22 ஆயிரம் அடி உயரம் கொண்டது. இப்பகுதியை 1984ல் ஆக்கிரமித்த பாக்., ராணுவத்தை இந்திய படை விரட்டி அடித்து சியாச்சின் முழுவதையும் தன் கட்டுப்பாட்டில் கொண்டு வந்தது. ராணுவ முகாமையும் அமைத்தது. நடுங்க வைக்கும் குளிரில் இயற்கையின் சீற்றத்தை சமாளித்து தேச பாதுகாப்புக்காக பணியாற்றும் நம் ராணுவ வீரர்களின் தியாகத்தை போற்றுவோம்.
17.08.2022
நீருக்குள் சுவாசம் சுவாசம் என்பது வளிமண்டலக் காற்றை நமது நுரையீரலுக்கு எடுத்துச் சென்று அதிலிருந்து ஆக்சிஜனைப் பிரித்து எடுத்து, இருதயம் மூலம் உடல் முழுவதும் ரத்தத்தில் கலக்க செய்கிறது. நாம் சுவாசிக்கும் காற்றில் ஆக்சிஜனை மட்டும் நுரையீரல் எடுத்துக்கொண்டு மற்றதை திருப்பி அனுப்பி விடுகிறது. அதே நேரத்தில் நீருக்குள் நம்மால் சுவாசிக்க முடியாது. ஏனெனில் நீருக்குள் சுவாசித்தால் நுரையீரலுக்குள் நீர் சென்று விடும். நீரிலிருந்து ஆக்சிஜனைப் பிரிக்கும் தன்மை மனிதன் உட்பட விலங்கினங்களுக்கு இல்லை. ஆனால் மீன்களுக்கு உண்டு. தகவல் சுரங்கம் நிறம் மாறும் பாறை வடக்கு ஆஸ்திரேலியாவில் 'ஆலிஸ் ஸ்பிரிங்ஸ்' அருகே 'உலுரு' பாறை உள்ளது. ஒரே பாறையால் ஆன இந்தக் குன்று உலகில் பெரியது. அவ்வப்போது நிறம் மாறிக் காட்சி தருவது இதன் சிறப்பு. இதன் இயற்கை நிறம் கருங்கல் பாறைக்கே உள்ள நீலம் கலந்த சாம்பல். ஆனால் வெயில் படும்போது அது சிவப்பு நிறமாகவும், நண்பகலில் பழுப்பு நிறமாகவும், மாலைப் பொழுதில் நீலம் கலந்த சிவப்புப் பாறையாகவும் தோற்றமளிக்கும். பாறையில் உள்ள தனிமங்கள் சூரிய வெப்பத்தை உள்வாங்கும் போது ஏற்படும் மாற்றத்தாலேயே இப்படி வெவ்வேறு நிறங்களில் தோற்றமளிக்கின்றன.
18.08.2022
பூமிக்கு தண்ணீர் எப்படி பூமியில் நான்கில் மூன்று பங்கு தண்ணீர் உள்ளது. இந்நிலையில் பூமியில் உள்ள தண்ணீர் வானில் இருந்து பூமியில் விழுந்த சிறு கோள்களால் (அஸ்ட்ராய்டு) உருவாகியிருக்கலாம் என விண்கல ஆய்வு தெரி வித்துள்ளது. ஜப்பான் விண்வெளி மையம், வாழ்க்கை தோற்றம், பிரபஞ்சம் உருவானது எப்படி என அறிய விண்வெளியில் உள்ள 'ரைஜூ' என்ற சிறுகோளின் பாறை, மண் துகள்களை 2020ல் பூமிக்கு கொண்டு வந்து ஆய்வு செய்து வருகிறது. இதன் அடிப்படையில் சிறுகோள்கள் பூமியில் விழுந்து தண்ணீர் உருவாகியிருக்கலாம் என விஞ்ஞானிகள் தெரிவித்துள்ளனர். தகவல் சுரங்கம் ஆள்காட்டி குருவி பறவைகளில் ஆள்காட்டி குருவி என ஒரு பறவை உள்ளது. சிவப்பு, மஞ்சள் என 2 நிறங்களில் உள்ளன. இது மனிதர்கள், மற்ற வகை பறவை உள்ளிட்ட எதிரிகளை கண்டால் ஒலிஎழுப்பி மற்ற தன் இன பறவைக்கு தெரியப்படுத்தும். இதனால் இதற்கு இப்பெயர். இவை ஆள் இல்லாத தரைப்பகுதியில் சிறிய கற்களை குழி போன்ற வடிவில் செய்து அதனுள் முட்டையிட்டு அடைகாக்கும். இதன் முட்டை நிறம் அந்த மண்ணின் நிறத்தை ஓட்டி இருப்பதால் எதிரிகளால் அடையாளம் காண முடியாது. ஒன்று அடைகாக்கும் போது மற்றொன்று எதிரிகள் வருகின்றனரா என கண்காணிக்கும்.
19.08.2022
புற்றுநோய் வாய்ப்பு யாருக்கு அதிகம் புகைப்பிடித்தல், மது, உணவுப்பழக்கம், உடற்பயிற்சி, உடல் உயரம், எடை உள்ளிட்டவற்றில் ஆண், பெண் இடையே பல வேறுபாடுகள் இருந்தாலும், பாலின வேறுபாடு காரணமாக பெண்களை விட ஆண்களுக்கே புற்றுநோய் ஏற்படுவதற்கான வாய்ப்பு அதிகம் என அமெரிக்க தேசிய சுகாதார நிறுவனம், தேசிய கேன்சர் இன்ஸ்டிடியூட் இணைந்து நடத்திய ஆய்வு தெரிவித்துள்ளது. 1.71 லட்சம் ஆண்கள், 1.22 லட்சம் பெண் தன்னார்வலர்களிடம் ஆய்வு நடத்தப்பட்டது. இதில் உணவுக்குழாய் புற்றுநோய் ஏற்பட 11%, நுரையீரல் புற்றுநோய்க்கு 50% வாய்ப்பு அதிகம். தகவல் சுரங்கம் உலக புகைப்பட தினம் புகைப்படம் எடுப்பது ஒரு 'கலை'. வரலாற்று நிகழ்வுகள், சமூக பிரச்னைகள், சுப, துக்க நிகழ்ச்சிகள், மாநாடு, பொதுக்கூட்டம் என வாழ்வின் ஒவ்வொரு நிகழ்வுகளையும் நம் கண் முன் கொண்டு வருவது புகைப்படம். லுாகிஸ் டாகுரே 19ம் நுாற்றாண்டில் 'டாகுரியோடைப்' எனும் புகைப்படத்தின் செயல்பாட்டு முறையை வடிவமைத்தார். 1839 ஆக. 19ல் பிரான்ஸ் அரசு 'டாகுரியோடைப்' செயல்பாடுகளை 'ப்ரீ டூ தி வேர்ல்டு' என உலகம் முழுவதும் அறிவித்தது. இதை எடுத்துரைக்கும் வகையில் ஆக., 19ல் உலக புகைப்பட தினமாக கடைபிடிக்கப்படுகிறது.
20.08.2022
சூரியனுக்கு அருகிலுள்ள நட்சத்திரம் சூரியனை விடவும் பல கோடி கி.மீ.,க்கு அப்பால் எண்ணற்ற நட்சத்திரங்கள் இருக்கின்றன. அதனால் அவை நம் கண்களுக்கு சிறியதாக தெரிகின்றன. சூரியன் தான் நமக்கு அருகில் உள்ள நட்சத்திரம். சூரியனுக்கு அருகில் உள்ள நட்சத்திரம் பிராக்சிமா சென்டாரி. ஆனால் அதனுடைய ஜொலிப்பு குறைவு என்பதால் நம் கண்களுக்குத் தெரிவதில்லை. இது சூரியனில் இருந்து 4.2465 ஒளி ஆண்டுகள் தொலைவில் உள்ளது. (ஒரு ஒளி ஆண்டு என்பது ஓராண்டில் ஒளி பயணம் செய்த துாரத்தை குறிக்கிறது) 1915ல் ஸ்காட்லாந்தின் விஞ்ஞானி ராபர்ட் இன்னஸ் இதை கண்டுபிடித்தார். தகவல் சுரங்கம் கொசு ஒழிப்பு தினம் உருவத்தில் சிறியதாக இருக்கும் கொசு மனிதர்களுக்கு பல பாதிப்புகளை ஏற்படுத்துகிறது. மலேரியா, டெங்கு உள்பட பல நோய்களுக்கு கொசுக்களே காரணம். 'பிளாஸ்மோடியம்' ஒட்டுண்ணி 'அனாபெலஸ்' பெண் கொசுவின் வயிற்றில் தொற்றிக் கொள்கிறது. இது ஒருவரை கடிப்பதன் மூலம் தான் மலேரியா பரவுகிறது என்ற அறிவியல் உண்மையை பிரிட்டன் டாக்டர் ரொனால்டு ரோஸ் 1897 ஆக., 20ல் கண்டுபிடித்தார். இந்நாள் 'உலக கொசு ஒழிப்பு தினமாக' கடைபிடிக்கப்படுகிறது. இந்த கண்டுபிடிப்புக்காக இவருக்கு நோபல் பரிசு வழங்கப்பட்டது.
21.08.2022
தப்பிக்கும் உயிரினங்கள் எதிரிகளிடம் இருந்து தப்பிப்பதற்கு சில உயிரினங்கள் இயற்கையாகவே பிரத்யேக சிறப்பை பெற்றுள்ளன. அதன்படி நண்டு எதிரியிடம் சிக்காமல் இருக்க அதன் காலை துண்டித்து விட்டு தப்பித்து விடும். பின் அந்த உறுப்புகள் வளர்ந்து விடும். அதே போல நட்சத்திர மீன் தன் ஐந்து கைகளையும், பல்லி எதிரியிடம் பிடிபட்ட தன் வாலை துண்டித்து விட்டு தப்பிச் சென்று விடும். தேரை, தவளை போன்றவையும் தான் இழக்கும் உறுப்பை தானாகவே வளர்த்து விடும். மண்புழுவை இரண்டாக வெட்டினால், ஒவ்வொன்றும் தனித்தனி புழுவாக வளரும். தகவல் சுரங்கம் பயங்கரவாதத்துக்கு எதிர்ப்பு உள்நாடு, சர்வதேசம் என பயங்கரவாதம் எங்கு, எந்த வடிவில் வந்தாலும் ஆபத்தானது. பயங்கரவாதத்தால் ஆண்டுதோறும் ஆயிரக்கணக்கான அப்பாவி மக்கள் பலியாகின்றனர். இவர்களுக்கு மரியாதை செலுத்தும் விதமாக ஐ.நா., சார்பில் ஆக. 21ல் பயங்கரவாதத்தால் பாதிக்கப்பட்டோருக்கு அஞ்சலி செலுத்தும் தினம் கடைபிடிக்கப்படுகிறது. பயங்கரவாதத்தை முற்றிலும் ஒழிப்பதற்கு உலக நாடுகள் ஒன்றிணைந்து செயல்பட வேண்டும். அனைத்து தரப்பு மக்களும் வெறுப்புணர்வை மறந்து, சகோதரத்துவத்துடன் வாழ வேண்டும் என இத்தினம் வலியுறுத்துகிறது.
22.08.2022
தண்ணீர் ஒட்டாத இலை தாமரை இலை மீது நானோ அளவில், நுண்ணிய கூர் ஊசி போன்ற அமைப்பு உள்ளன. இதனால் நீர்த் துளி, தாமரை இலையின் மீது விழும்போது அந்தத் துளி, மூன்று நான்கு நுனிகளின் முகட்டில் படிகிறது. இவை மெழுகு போன்ற ஒரு பொருளினால் ஆனவை. எனவே இதற்கு நீரை விலக்கும் தன்மை உள்ளது. இதனால் இந்த ஊசி அமைப்பின் மீது நீர் ஒட்டுவதில்லை. துளியின் பரப்பு இழு விசை சிதையாத நிலையில், நீரானது துளியாகவே இருக்கிறது. அந்தத் துளி இலையின் மீது ஒட்டாமல் துளி வடிவிலேயே உருண்டு ஓடுவதால் தாமரை இலையில் நீர் ஒட்டுவதில்லை. தகவல் சுரங்கம் முதல் பெண் விமானி பெண்கள் இன்று அனைத்து துறைகளிலும் ஆண்களுக்கு நிகராக சாதித்து வருகின்றனர். 1950களிலேய விமானத்தை இயக்கி சாதித்தார் துர்பா பானர்ஜி. இவர் இந்தியாவின் முதல் பெண் விமானி என அழைக்கப்படுகிறார். முதலில் ஜப்பானின் ஒகினவோ விமான பைலட்டாக பணியில் சேர்ந்தார். பின் இந்தியன் ஏர்லைன்ஸ் விமானத்தின் பைலட்டாக பணியாற்றினார். டொரண்டோ, ஏர்பஸ், போயிங் போன்ற விமானங்களை இயக்கியுள்ளார். தன் முழு பணிக்காலத்தில் மொத்தமாக 9000 மணி நேரத்துக்கு மேல் விமானங்களை இயக்கியுள்ளார்.
23.08.2022
சைக்கிளின் வழிகாட்டி இயந்திர ஆற்றலின் மூலமாக நேரடியாக மின் ஆற்றலை உருவாக்கும் கருவி டைனமோ. இது சைக்கிள் சக்கரத்துடன் சேர்ந்து சுழலும் வகையில் பொருத்தப்பட்டு இருக்கும். அந்த உராய்வினால் உருவாகும் இயந்திர ஆற்றல், மின்னாற்றலாக மாறி விளக்கின் மின் இழையை அடையும். அது மின்னாற்றலை வெப்ப ஆற்றலாக மாற்றி விளக்கை எரியச் செய்யும். பிரிட்டனின் மைக்கல் பாரடே. 1831ல் டைனமோவை கண்டுபிடிக்க காரணமாக இருந்தவர். பின் இவரது கொள்கைகளை அடிப்படையாக வைத்து பிரான்சின் ஹிப்போலைட் பிக்ஸி, 1832ல் முதல் டைனமோவை வடிவமைத்தார். தகவல் சுரங்கம் அடிமை வர்த்தக ஒழிப்பு தினம் ஐ.நா.,வின் கீழ் செயல்படும் யுனெஸ்கோ சார்பில் ஆக. 23ல் சர்வதேச அடிமை வர்த்தக ஒழிப்பு தினம் கடைபிடிக்கப்படுகிறது. மனித வரலாற்றில் அடிமை வியாபார முறையையும், அதனை ஒழிப்பதற்காக மேற்கொள்ளப்பட்ட நடவடிக்கைகளை நினைவூட்டும் விதமாக இத்தினம் அனுசரிக்கப்படுகிறது. 1791 ஆக. 23ல் ஹைதி நாட்டில் அடிமை வியாபாரத்துக்கு எதிரான கிளர்ச்சி ஏற்பட்டது. இது கலவரமாக உருவெடுத்தது. இதனால் ஏற்பட்ட மோசமான விளைவுகள் இனியும் தொடரக் கூடாது என்பதை நினைவுகூரும் விதமாகவே இத்தினம் உருவாக்கப்பட்டது.
24.08.2022
இடி ஏற்படுவது எப்படி பூமியில் இருந்து ஈரக்காற்று மேலே எழும்புகிறது. பின் இவை குளிர்ச்சி அடைந்து நீர்த்துளிகள் உருவாகின்றன. நீர்த்துளிகள் மேகமாக மாறி ஏற்கனவே இருக்கும் மேகங்களுடன் உராய்கிறது. இவ்வாறு உராயும்போது 6 ஆயிரம் - 7 ஆயிரம் டிகிரி சென்டிகிரேடு வரை வெப்பம் உருவாகும். இதனால் அப்பகுதி விரிவடைந்து மின்னல் வெளிச்சமும், இடிச் சத்தமும் ஏற்படும். இவை இரண்டும் ஒரே நேரத்தில் ஏற்பட்டாலும், ஒளியின் வேகம் ஒரு நொடிக்கு 3 லட்சம் கி.மீ. என்பதால் மின்னல் முதலில் நம் கண்ணுக்குத் தெரியும். ஒலியின் வேகம் ஒரு நொடிக்கு 330 மீட்டர் மட்டுமே. தகவல் சுரங்கம் காற்றாலையில் யார் 'டாப்' மின்சார உற்பத்தி வகைகளில் காற்றாலை மின்சாரமும் ஒன்று. காற்றில் காற்றாடி சுற்றுவதைப் பயன்படுத்தி டைனமோவை சுழற்றி தயாரிப்பது தான் காற்றாலை மின்சாரம். காற்று அதிகமாக வீசும் பகுதியில் தான் இவற்றை நிறுவ வேண்டும். உலகளவில் காற்றாலை மின்சார உற்பத்தியில் முதலிடத்தில் சீனா உள்ளது. இங்கு 3.28 லட்சம் மெகாவாட் மின்சாரம் தயாரிக்கப்படுகிறது. அடுத்தடுத்த இடங்களில் ஐரோப்பிய யூனியன் (1.87 லட்சம் மெகாவாட்), அமெரிக்கா (1.32 லட்சம் மெகாவாட்), ஜெர்மனி (63,760 மெகாவாட்), இந்தியா (40,067 மெகாவாட்) உள்ளது.
25.08.2022
செவ்வாயில் முதல் சாதனை செவ்வாய் கிரகம் பற்றி பல நாடுகளும் ஆராய்ச்சியில் ஈடுபட்டுள்ளன. இந்நிலையில் உலகில் முதன்முதலில் செவ்வாய் தரைப்பகுதியில் 'வைகிங் - 1' என்ற லேண்டரை வெற்றிகரமாக தரையிறக்கிய நாடு அமெரிக்கா. 1975 ஆக. 20ல் 'டைட்டன் - 3இ' ராக்கெட் மூலம் 'வைகிங் - 1' ஆர்பிட்டர், லேண்டரை, நாசா விண்வெளி மையம் செவ்வாய்க்கு அனுப்பியது. இது 1976 ஜூலை 20ல் ஆர்பிட்டரில் இருந்து பிரிந்த லேண்டர் வெற்றிகரமாக செவ்வாயின் தரைப்பகுதியில் தரையிறங்கியது. 1982 நவ. 11 வரை 2307 நாட்கள் ஆய்வுப்பணிகளில் ஈடுபட்டது. தகவல் சுரங்கம் உலகை சுற்றிய முதல் பெண் விமானத்தில் தனியாக உலகை சுற்றி வந்த முதல் பெண் அமெரிக்காவின் ஜெர்ரி மாக். இவர் தன் 40 வயதில் 1964 மார்ச் 19ல் 'செஸ்னா 180' என்ற சிறிய விமானத்தில் அமெரிக்காவின் கொலம்பஸ் நகரில் தொடங்கிய இவரது உலகம் சுற்றும் பயணம் 29 நாட்கள் கழித்து ஏப். 17ல் மீண்டும் அந்நகரில் முடிவு பெற்றது. மொராக்கோ, சவுதி அரேபியா, வியட்நாம், எகிப்து உட்பட பல நாடுகள் வழியாக சுற்றி வந்தார். மொத்தம் 36,790 கி.மீ., துாரம் பயணம் செய்திருந்தார். தன் சுற்றுப்பயணத்தின் போது இடையே 21 இடங்களில் தரையிறங்கி மீண்டும் பயணித்தார்.
26.08.2022
முதல் விண்வெளி நடை உலகில் முதன்முதலாக விண்வெளியில் நடந்த விண்வெளி வீரர் என்ற சாதனை படைத்தவர் ரஷ்யாவின் அலெக்சி லியோனவ். 1953ல் பட்டப்படிப்பு முடித்த இவர், சோவியத் யூனியன் ராணுவத்தில் சேர்ந்தார். சோவியத் விண்வெளி மையம் 1965 மார்ச் 18ல் அனுப்பிய 'வோஸ்காட் - 2' விண்கலத்தில் விண்வெளி சென்ற இவர், அதிலிருந்து வெளியேறி 12 நிமிடம் 9 விநாடிகள் விண்வெளியில் நடந்தார். சோவியத் யூனியன் சார்பில் நிலவுக்கு மனிதர்களை அனுப்பும் திட்டத்தில் நிலவில் தரையிறங்க தேர்வு செய்யப்பட்டார். ஆனால் அத்திட்டம் பின் கைவிடப்பட்டது. தகவல் சுரங்கம் உலக நாய்கள் தினம் வீட்டு வளர்ப்பு பிராணிகளில் நாய்களுக்கு முக்கிய இடம் உண்டு. தன்னை வளர்ப்பவர்களுக்கு விசுவாசமாக இருக்கும். இது ஐந்தறிவு ஜீவன் என்றாலும், சில நேரங்களில் இதன் செயல்பாடு ஆறறிவு கொண்டது போல இருக்கும். வீட்டுக்கு காவலாக இருக்கும் இவற்றை பாதுகாக்க வலியுறுத்தி ஆக., 26ல் உலக நாய்கள் தினம் கடைபிடிக்கப்படுகிறது. ராஜபாளையம், கோம்பை, சிப்பிப்பாறை, கன்னி உட்பட பலவகை நாட்டு நாய்கள் உள்ளன. தற்போது வெளிநாட்டு வகை நாய்களும் வளர்க்கப்படுகிறது. நாய் வளர்ப்பவர்கள் அவற்றை முறையாக பராமரிக்க வேண்டும்.
27.08.2022
காலை உணவு அவசியம் காலை உணவு மிக அவசியம். காலையில் நார்சத்துள்ள சத்தான உணவை சாப்பிட வேண்டும். அப்போதுதான் அன்றைய நாள் முழுவதும் சுறுசுறுப்பாகவும், தேவையான எனர்ஜியுடனும் இருக்க முடியும். ஆனால் தற்போதைய அவசர உலகில் மாணவர்கள் காலை உணவை உண்ணாமல் பள்ளி, கல்லுாரிகளுக்கு செல்கின்றனர். இந்நிலையில் காலை உணவை தொடர்ந்து தவிர்ப்பதால், குழந்தைகளுக்கு உளவியல் ரீதியான உடல்நல பாதிப்பை ஏற்படுத்தும் என ஸ்பெயினின் காஸ்டிலா பல்கலை ஆய்வில் தெரிவிக்கப்பட்டுள்ளது. தகவல் சுரங்கம் மனித உரிமை விருது உலகளவில் மனித உரிமைகளை மேம்படுத்துவதற்கும், அதை பாதுகாப்பதற்கும் சிறந்த பங்களிப்பை வழங்கும் தனிநபர், நிறுவனங்களுக்கு 'ஐ.நா., மனித உரிமை விருது' வழங்கப்படுகிறது. இது 1966ல் தொடங்கப்பட்டது. இது ஐந்து ஆண்டுகளுக்கு ஒருமுறை அளிக்கப்படுகிறது. முதல் விருது 1968ல் 6 பேருக்கு வழங்கப்பட்டது. இவ்விருது பெற்ற முதல் இந்தியர் பாபா ஆம்தே. தொழுநோயால் பாதிக்கப்பட்டவர்களை கவனிப்பதில் சிறந்த முறையில் பணியாற்றினார். வழக்கறிஞரான இவர் சுதந்திர போராட்டத்தில் பல தலைவர்களுக்கு ஆதரவாக வாதாடினார்.
28.08.2022
தண்ணீர் கோள் பூமியில் இருந்து 100 ஒளி ஆண்டு தொலைவில் 'தண்ணீர் கோள்' இருப்பதை கனடாவின் மான்ட்ரியல் பல்கலை விஞ்ஞானிகள் நடத்திய ஆய்வில் தெரிவிக்கப்பட்டுள்ளது. இது தடிமனான நீர் அடுக்கை பெற்றுள்ளது. இது வியாழன், சனியின் நிலவுகளை போல உள்ளது. இது அளவு, நிறையில் பூமியை விட பெரியதாக உள்ளது. புறக்கோள்களை பற்றி ஆய்வு செய்யும் விதமாக 2018ல் 'டெஸ்' விண்கலத்தை அமெரிக்காவின் நாசா விண்வெளி மையம் அனுப்பியது. இது சூரிய குடும்பத்துக்கு வெளியே கோள்கள் இருக்கின்றனவா என ஆய்வு செய்து வருகிறது. தகவல் சுரங்கம் பெரிய தீபகற்பம் மூன்று பக்கம் கடலாலும், ஒரு பக்கம் நிலத்தாலும் சூழப்பட்ட பகுதி 'தீபகற்பம்' என அழைக்கப்படுகிறது. உலகில் இந்தியா உட்பட பல தீபகற்ப நாடுகள் உள்ளன. உலகின் மிகப்பெரிய தீபகற்பமாக, அரேபிய தீபகற்பம் விளங்குகிறது. இதன் பரப்பளவு 32.37 லட்சம் சதுர கி.மீ. இதில் குவைத், ஓமன், கத்தார், சவுதி, ஐக்கிய அரபு எமிரேட்ஸ், ஏமன் மற்றும் ஈராக், ஜோர்டானின் தெற்கு பகுதிகள் அடங்கியுள்ளன. இதில் பெரிய நாடு சவுதி. 2.3 கோடி ஆண்டுகளுக்கு முன் செங்கடலின் பிளவு காரணமாக இந்த அரேபிய தீபகற்பம் உருவானது. இந்நாடுகளில் எண்ணெய் வளம் அதிகம் உள்ளது.
29.08.2022
அணு ஆயுத எதிர்ப்பு அணு மிக சிறியது. கண்களால் பார்க்க முடியாது. ஆனால் இதன் சக்தி மிகப் பெரியது. அணு மூலம் மின்சாரம் உட்பட பல நன்மைகள் கிடைக்கிறது. ஆனால் இதை தவறான வழியில் பயன்படுத்தினால் சுற்றுச்சூழல் பாதிக்கப்படுகிறது. இதற்கு சான்று ஜப்பானின் ஹிரோஷிமா, நாகசாகி நகரங்கள். அணு ஆயுத சோதனையை தடுக்க வலியுத்தி ஐ.நா, சார்பில் ஆக. 29ல் உலக அணு ஆயுத சோதனை எதிர்ப்பு தினம் கடைபிடிக்கப்படுகிறது. அமெரிக்கா, ரஷ்யா, பிரிட்டன், பிரான்ஸ், சீனா, இந்தியா, பாக்., வடகொரியா, இஸ்ரேல் 'அணு ஆயுத நாடு' என கருதப்படுகின்றன. தகவல் சுரங்கம் தேசிய விளையாட்டு தினம் விளையாட்டு உடலுக்கும், மனதுக்கும் புத்துணர்ச்சி தருவது மட்டுமல்லாமல் உலகையும் ஒருங்கிணைக்கிறது. இந்தியாவின் சிறந்த ஹாக்கி வீரராக திகழ்ந்த 'தயான் சந்த்'தை கவரவிக்கும் விதமாக அவரது பிறந்த தினமான ஆக. 29, தேசிய விளையாட்டு தினமாக கொண்டாடப்படுகிறது. விளையாட்டு மீதான ஆர்வத்தை இளைஞர்களிடம் உருவாக்குவதே இதன் நோக்கம். தயான் சந்த் 1905 ஆக. 29ல் உ.பி.,யில் பிறந்தார். 14வது வயதில் ஹாக்கி விளையாட துவங்கினார். ராணுவத்தில் இருந்து ஹாக்கி அணியில் இடம்பெற்றார். உலகளவில் ஹாக்கியில் ஆயிரம் கோல் அடித்த ஒரே வீரர்.
30.08.2022
ஏவுகணை பெண் இந்தியாவில் ஏவுகணை திட்டங்களுக்கு தலைமைப் பொறுப்பை ஏற்ற முதல் பெண் விஞ்ஞானி டெஸ்லி தாமஸ். 'இந்தியாவின் ஏவுகணை பெண்' என அழைக்கப்படுகிறார். கேரளாவின் ஆழப்புழாவில் 1963ல் பிறந்தார். எம்.டெக்., முடித்த இவர் 1988ல் டி.ஆர்.டி.ஓ., வில் (பாதுகாப்பு ஆராய்ச்சி, வளர்ச்சி அமைப்பு) விஞ்ஞானியாக சேர்ந்தார். 'அக்னி - 4' , 'அக்னி - 5' ஏவுகணை திட்டங்களின் இயக்குநராக பணியாற்றியவர். 'பாலினம் முக்கியமல்ல. நீங்கள் விஞ்ஞானியாக பணியாற்றுகிறீர்கள். ஒரு பெண்ணாக அல்ல' என குறிப்பிட்டவர். தகவல் சுரங்கம் தேசிய சிறுதொழில் தினம் இந்தியாவில் சிறு தொழில்களை ஊக்குவிக்கும் விதமாக மத்திய அரசு சார்பில் ஆக. 30ல் தேசிய சிறுதொழில் தினம் கடைபிடிக்கப்படுகிறது. இந்தியா போன்ற வளரும் நாடுகளில் நாட்டின் பொருளாதார வளர்ச்சிக்கு சிறுதொழில் முக்கிய பங்கு வகிக்கிறது. பலருக்கு வேலைவாய்ப்பு அளிக்கும் துறையாகவும் சிறுதொழில் விளங்குகிறது. சிறுதொழில் துறையின் வளர்ச்சிக்கு மத்திய அரசு பல்வேறு திட்டங்களை செயல்படுத்தி வருகிறது. 2000 ஆக. 30ல் 'எஸ்.எஸ்.ஐ.,' எனும் சிறுதொழில் கொள்கையை மத்திய அரசு தொடங்கியது. இதை நினைவுபடுத்தும் விதமாக இத்தினம் கடைபிடிக்கப்படுகிறது.
31.08.2022
கடலுக்கு அருகே தடுப்புகள் எதுவும் இல்லை என்பதால், நம்மால் நான்கு பக்கத்தில் இருந்தும் காற்று வீசுவதை உணர முடிகிறது. இதனால்தான் கடலின் அருகே கூடுதல் காற்று உள்ளது என நாம் கருதுகிறோம். உள்ளபடியே கடலுக்குத் தொலைவிலும் இதே நிலைதான் நிலவுகிறது. பருவ காலங்களைச் சார்ந்து அடிக்கும் காற்றின் திசையும் வேகமும் மாறுபடும். தரை பரப்பின் மீது மரங்கள், வீடுகள் என பல்வேறு தடுப்புகள் உள்ளதால், நம்மால் காற்று வீசுவதை அவ்வளவாக உணர முடிவதில்லை. இதுதான் வேறுபாடு. தகவல் சுரங்கம் முதல் உலக அழகி ஸ்வீடனை சேர்ந்த கிகி ஹாக்கன்சென் முதல் உலக அழகி என்ற பெயர் பெற்றவர். 1951ல் பிரிட்டனில் நடந்த உலக அழகி போட்டியில் இவர் பட்டம் வென்றார். முன்னதாக இவர் ஸ்வீடன் அழகி பட்டத்தை வென்றிருந்தார். இவர் உலக அழகி போட்டியின் போது 'பிகினி' உடையில் இருந்தார். அதற்கு அப்போது கண்டனம் எழுந்தது. இதையடுத்து உலக அழகிப்போட்டியில் 'பிகினி' உடை நீக்கப்பட்டது. பின் சில ஆண்டுகளுக்குப்பின் மீண்டும் கொண்டு வரப்பட்டது. ஆனால் இன்று வரை 'பிகினி' உடையில் பட்டம் வென்றவர் இவர் ஒருவரே.
01.09.2022
கடற்கரையில் மணல் ஏன் பூமியில் உள்ள அனைத்து கடற்கரைகளும் மணல் பகுதிகளாகவே உள்ளன. கடல் உருவான காலத்தில் கடற்கரைகள் பாறைகள் சூழ்ந்ததாகவே இருந்துள்ளது. பின் காற்றின் மூலம் கடல் அலைகள் பல காலம் தொடர்ந்து கடற்கரையை ஓங்கி அடித்ததால், அங்கிருந்த பாறைகள் உடைந்து மணல் துாளாக மாறியுள்ளன. அதே போல கடலை வந்தடையும் ஆயிரக்கணக்கான நதிகள், வரும் வழியெல்லாம் உள்ள மண்ணை அடித்துக்கொண்டு கடற்கரையில் சேர்த்ததும், கடற்கரை மணல் பாங்காக இருப்பதற்கு காரணம் என விஞ்ஞானிகள் தெரிவிக்கின்றனர். தகவல் சுரங்கம் தேசிய ஊட்டச்சத்து வாரம் ஆரோக்கியமான உடல்நலனுக்கு ஊட்டச்சத்து மிக அவசியம். இதன் முக்கியத்துவம் பற்றி விழிப்புணர்வு ஏற்படுத்தும் விதமாக 1982 முதல் மத்திய அரசு சார்பில் தேசிய ஊட்டச்சத்து வாரம் (செப்.1-7) கடைபிடிக்கப்படுகிறது. 'நோயற்ற வாழ்வே குறைவற்ற செல்வம்' என்பது போல நலமுடன் இருப்பதற்கு இயற்கை, சத்தான உணவுகளை எடுத்துக்கொள்வது அவசியம். உணவில் பழங்கள், காய்கறி, தானியம், இறைச்சி என அனைத்து வித சத்துகளும் சமச்சீரான அளவில் இடம் பெறவேண்டும். பாரம்பரிய இயற்கை உணவில் கவனம் செலுத்துவது நல்லது.
02.09.2022
தும்மலுக்கு காரணம் சுவாசிக்கும் போது காற்று தவிர மற்றவை மூக்கினுள் நுழைந்தால், அதை வெளித்தள்ள உடல் செய்யும் அனிச்சை செயல் தும்மல். மூக்கின் உட்பகுதி சிறு முடியிழைகளால் நிரம்பியிருக்கிறது. இதன் கீழுள்ள மென்மையான சவ்வுப் படலம், நிறமற்ற திரவத்தைச் சுரந்து துாசு உள் செல்லாமல் தடுக்கிறது. அளவுக்கு அதிகமாக இத்திரவம் சுரந்தால் நுரையீரல், தொண்டை, வாய், வயிற்றுத் தசை துாண்டப்படுகின்றன. பின் சுவாசப் பாதையில் உள்ள காற்றை வெகு அழுத்தத்துடன் வேகமாக வெளியே தள்ளி துாசுக்களை வெளி யேற்றுகிறது. ஒவ்வாமைகளும் தும்மல் வரக் காரணம். தகவல் சுரங்கம் தேங்காய் தினம் தேங்காய் விளைச்சலில் உலகில் பிலிப்பைன்ஸ்க்கு அடுத்து 2வது இடத்தில் இந்தியா உள்ளது. இந்தியாவின் மொத்த தேங்காய் விளைச்சலில் 90 சதவீதம் கேரளா, கர்நாடகா, தமிழகம், ஆந்திராவில் உள்ளது. தேங்காய் பயன்பாட்டின் முக்கியத்துவம், பயன்கள் குறித்து விழிப்புணர்வு ஏற்படுத்தும் விதமாக செப். 2ல் உலக தேங்காய் தினம் கடைபிடிக்கப்படுகிறது. தென்னை மரத்தின் அனைத்து பாகமும் பயன்படுகிறது. லட்சக்கணக்கானோருக்கு வாழ்வாதாரமாகவும் உள்ளது. இது உணவு, எண்ணெய், மருத்துவம், அழகு சாதனப் பொருள் என பலவிதங்களில் பயனளிக்கிறது.
03.09.2022
எரிமலையின் வயது எரிமலை வெடிக்கும்போது உருகிய பாறைக் குழம்பு (லாவா) வெளிவருகிறது. இதன் வெப்பநிலை 700 - 1200 டிகிரி செல்சியஸ். லாவா வெளியே வந்தபின், அவற்றின் மீது படும் காஸ்மிக் கதிர்களால் 'ஹீலியம் -3' போன்ற ஐசோடோப்புகள் உருவாகும். ஒரு குறிப்பிட்ட லாவா பாறையில் எவ்வளவு செறிவான 'ஹீலியம்- 3' இருக்கிறது எனக் கண்டறிவதன் மூலம் எவ்வளவு காலம் அது காஸ்மிக் கதிர்களால் தாக்கப்பட்டுள்ளது என்பதை அறியலாம். அதாவது எப்போது அந்த லாவா வெளியே வந்தது என்பதை கண்டறியலாம். இவ்வாறு எரிமலையின் வயதை விஞ்ஞானிகள் கணக்கிடுகின்றனர். தகவல் சுரங்கம் உயரமான கட்டடம் வானுயர்ந்த கட்டடங்கள் (ஸ்கைகிராப்பர்) நகரின் பிரமாண்டத்தை காட்டுகிறது. எகிப்து பிரமிடு முதல் தற்கால வானளாவிய கட்டடங்கள் இதில் அடங்கும். 'ஸ்கைகிராப்பர்' தந்தை என அழைக்கப்படும் அமெரிக்காவின் லுாயிஸ் சுலிவான் பிறந்த தினமான செப்.௩ உலக ஸ்கைகிராப்பர் தினமாக கடை பிடிக்கப்படுகிறது. உலகின் முதல் ஸ்கைகிராப்பர் 1885ல் அமெரிக்காவின் சிகாகோவில் அமைக்கப்பட்டது. 10 மாடி கட்டடமான இதன் உயரம் 138 அடி. தற்போதைய உலகின் உயரமான கட்டடம் துபாயில் உள்ள புர்ஜ் கலிபா (2717 அடி).
04.09.2022
புதியவகை சிமென்ட் கொரோனா பரவலை தடுப்பதில் முகக்கவசம், கையுறை, கவச உடை (பி.பி.இ., கிட்) முக்கிய பங்கு வகிக்கிறது. உலகில் தினமும் 4.89 கோடி கிலோ கவச உடை பயன்பாட்டுக்குப்பின் வீணாக குப்பைக்கு செல்கின்றன. இது சுற்றுச்சூழலையும் பாதிக்கிறது. இந்நிலையில் இவற்றை சிமென்ட்டுடன் கலந்து பயன்படுத்தும் போது, கான்கிரீட் கட்டடங்கள் கூடுதல் வலிமையுடன் இருப்பதாக மெல்போர்ன் ஆர்.எம்.ஐ.டி., பல்கலை ஆய்வு தெரிவித்துள்ளது. இதன்படி ரப்பர் கையுறை 22%, கவச உடை 21%, முகக்கவசம் 17% கூடுதல் வலிமை தருகிறது. தகவல் சுரங்கம் நாளிதழ் வினியோகிப்பவர் தினம் மழை, குளிர் என பல இடர்பாடுகளை தாண்டி தினமும் நாம் கண் விழிக்கும் முன்பே நம் இல்லங்களில் நாளிதழ்களை பத்திரமாக கொண்டு வந்து சேர்ப்பவர்களை பாராட்டும் விதமாக, செப். 4ல் நாளிதழ் வினியோகிப்பவர் தினம் கடைபிடிக்கப்படுகிறது. தாமஸ் ஆல்வா எடிசன், வால்ட் டிஸ்னி, மார்ட்டின் லுாதர் கிங், முன்னாள் ஜனாதிபதி அப்துல்கலாம் உட்பட பல அறிஞர்களும் சிறு வயதில் நாளிதழ் வினியோகித்தவர்கள் தான். அறிவை வளர்க்கும் நாளிதழ்களை வினியோகிக்கும் இவர்களது பணி, கொரோனா ஊரடங்கிலும் தொடர்ந்தது பாராட்டத்தக்கது.
05.09.2022
உயரும் கடல்நீர் உலகின் பெரிய தீவு கிரீன்லாந்து. பரப்பளவு 20 லட்சம் சதுர கி.மீ. இந்நிலையில் பருவநிலை மாற்றத்தின் பாதிப்பு காரணமாக கிரீன்லாந்து பனிக்கட்டிகள் உருகுவது தவிர்க்க முடியாதது என டென்மார்க்கின் தேசிய புவியியல் ஆராய்ச்சி மையத்தின் ஆய்வு தெரிவித்துள்ளது. 20 ஆண்டுகளாக கிரீன்லாந்தின் பனிப்படலம் உருகும் விகிதம் பற்றி ஆராய்ச்சியாளர்கள் அளவீடு செய்தனர். இதன்படி 110 லட்சம் கோடி டன் அளவு பனிப்பாறை உருகுவதற்கு வாய்ப்புள்ளது. இது 2100ம் ஆண்டுக்குள் உலகளவில் கடல் நீர்மட்டம் 27 செ.மீ., உயர்வதற்கு வழிவகுக்கும் என தெரிவித்துள்ளனர். தகவல் சுரங்கம் ஆசிரியர் தினம் வாழ்க்கையில் உயர்வதற்கு கல்வியே சிறந்த வழி. மாணவர்களுக்கு கல்வி, நற்பண்புகளை கற்றுத்தரும் ஆசிரியர் பணி கடவுளுக்கு இணையானது என போற்றப் படுகிறது. ஒரு நாட்டின் தலைவிதி வகுப்பறைகளில் தான் தீர்மானிக்கப்படுகிறது. தன்னலமற்ற, தியாக மனப்பான்மை கொண்ட ஆசிரியரால் தான் சிறந்த மாணவ சமுதாயத்தை உருவாக்க முடியும். இந்தியாவின் இரண்டாவது ஜனாதிபதியாக இருந்த ராதாகிருஷ்ணன், ஆசிரியர் பணியில் ஈடுபாடு கொண்டவர். அவரது பிறந்த தினமான செப். 5, இந்தியாவில் ஆசிரியர் தினமாக கொண்டாடப்படுகிறது.
06.09.2022
கெட்டுப்போகாத பழங்கள் காய்கறி, பழங்கள் சில நாளில் அழுகி விடும். இந்தியாவில் பல இடங்களில் அறுவடைக்குப்பின் இவற்றை சேகரித்து வைக்க போதிய வசதி இல்லாததால் தினமும் 5 - 16 சதவீதம் வீணாகின்றன. இதனால் தட்டுப்பாடு ஏற்பட்டு விலை அதிகரிக்கிறது. இதற்கு தீர்வாக புதிய தொழில்நுட்பத்தை ஐ.ஐ.டி., கவுகாத்தி விஞ்ஞானிகள் கண்டுபிடித்துள்ளனர். 'மைக்ரோ ஆல்கா சாறு', 'பாலிசாக்ரைடுகள்' கலவையை பழம், காய்கறியில் மேல்பூச்சாக பயன்படுத்துகின்றனர். இது 2 மாதம் வரை அவற்றை கெட்டுப்போகாமல் பாதுகாக்கிறது என தெரிவித்துள்ளனர். தகவல் சுரங்கம் முதல் ஆறு வழிச்சாலை இந்தியாவில் தற்போது பல நகரங்களில் வாகனங்கள் அதி வேகமாக செல்வதற்காக 'எக்ஸ்பிரஸ்' சாலைகள் 6 வழிச்சாலையாக அமைக்கப்படுகின்றன. இந்நிலையில் இந்தியாவின் முதல் ஆறு வழிச்சாலை மஹாராஷ்டிராவின் மும்பை - புனே இடையே அமைக்கப்பட்டது. இதன் நீளம் 94.5 கி.மீ. இது 2002ல் தொடங்கி வைக்கப்பட்டது. இச்சாலையில் நடந்து செல்பவர்கள், இருசக்கர, மூன்று சக்கர வாகனங்கள், டிராக்டர், மாட்டு வண்டிகளுக்கு அனுமதி இல்லை. இச்சாலையின் வழியில் விலங்குகள் செல்வதற்கான மேம்பாலம், சுரங்கப்பாதைகள் அமைக்கப்பட்டுள்ளன.
08.09.2022
ஒளி ஏற்ற உதவுங்கள் ஒருவர் மறைவுக்குப்பின் பல உறுப்புகளை தானம் செய்யலாம். இதில் இந்த உலகை காண உதவும் கண் முக்கியமானது. பார்வையற்றவருக்கு ஒளி கிடைக்க கண் தானம் செய்வதை வலியுறுத்தி மத்திய அரசு சார்பில் செப். 8ல் உலக கண் தான தினம் கடை பிடிக்கப்படுகிறது. கண்களில் உள்ள கார்னியா (விழி வெண் படலம்) பாதிக்கப்பட்டால் ஒளிக் கதிர் உள்ளே செல்வது தடுக்கப்படுகிறது. விழித்திரையில் பிம்பம் படியாததால் பார்வை தெரிவதில்லை. இயற்கை, விபத்து, தொற்று நோய், ஊட்டச்சத்து குறைபாடு உட்பட பல காரணங்களால் பார்வை குறைபாடு ஏற்படுகிறது. தகவல் சுரங்கம் எழுத்தறிவு தினம் ஒரு மொழியில் புரிதலுடன் சரியாக பேச, எழுத தெரிந்தவரே எழுத்தறிவு பெற்றவர். இது ஒருவரின் அடிப்படை உரிமை. எழுத்தறிவு பெற்றால் தான், ஜனநாயகத்தில் உரிமைகளை நிலை நாட்ட முடியும். உலகில் 77 கோடி பேர் எழுத்தறிவு அற்றவர்களாக உள்ளனர். இதில் பெரும்பாலானோர் பெண்கள். ஒருவர் சமூக, பொருளாதார வளர்ச்சி பெறுவதற்கு எழுத்தறிவு அவசியம். உலகில் பாகுபாடின்றி அனைவரும் எழுத்தறிவு பெற வேண்டும் என்ற நோக்கத்தோடு ஐ.நா., சார்பில் 1967 முதல் செப்., 8ல் உலக எழுத்தறிவு தினம் கடைப்பிடிக்கப்படுகிறது.
09.09.2022
உதவும் உடற்பயிற்சி ஆரோக்கியமான உடல்நலனுக்கு தினமும் குறைந்தது 40 நிமிடம் நடைபயிற்சி உட்பட ஏதாவது ஒரு உடற்பயிற்சியில் ஈடுபட வேண்டும் என டாக்டர்கள் வலியுறுத்துகின்றனர். இந்நிலையில் ஒவ்வொரு வாரமும் குறைந்தது 150 - 300 நிமிட மிதமான உடற்பயிற்சி அல்லது 75 - 150 நிமிட தீவிர உடற்பயிற்சியில் ஈடுபடுபவர்களுக்கு இருதய பாதிப்பு, மாரடைப்பு உட்பட பாதிப்பு ஏற்படுவதற்கான வாய்ப்பு குறைகிறது என அமெரிக்க இருதய கூட்டமைப்பின் ஆய்வு தெரிவித்துள்ளது. பிரிட்டனில் 94 ஆயிரம் பேரிடம் ஆறு ஆண்டுகளாக ஆய்வு நடத்தப்பபட்டது. தகவல் சுரங்கம் எதிர்க்கட்சி தலைவர் பதவி லோக்சபாவில் மொத்தம் 543 எம்.பி.,க்கள் தேர்தல் மூலம் தேர்ந்தெடுக்கப்படுகின்றனர். இதில் பெரும் பான்மையை பெறும் கட்சி அல்லது கூட்டணி ஆட்சியை பிடிக்கும். இவை தவிர எதிர்க்கட்சிகளில் அதிக எம்.பி.,க்களை பெறும் கட்சியில் இருந்து எதிர்க்கட்சி தலைவர் தேர்ந்தெடுக்கப்படுவர். ஆனால் இதற்கு குறைந்தபட்சம் 55 எம்.பி.,க்களை பெற வேண்டும். அதாவது மொத்த எம்.பி.,க்களில் 10 சதவீதம் பெற வேண்டும். 2014, 2019 தேர்தலில் காங்., உள்ளிட்ட எந்த எதிர்க்கட்சியும் 55 எம்.பி.,க்களை பெறாததால் 2014ல் இருந்து எதிர்க்கட்சி தலைவர் பதவி காலியாக உள்ளது.
10.09.2022
உயரும் வெப்பநிலை பருவநிலை மாற்றம் காரணமாக மத்திய கிழக்கு, மத்திய தரைக்கடல் நாடுகளில் லட்சக்கணக்கானோர் பாதிக்கப்படுவர் என சர்வதேச விஞ்ஞானிகள் எச்சரித்துள்ளனர். இப்பகுதிகளில் 2100க்குள் வெப்ப நிலை 5 டிகிரி செல்சியஸ் அதிகரிக்கும். இது உலகின் மற்ற பகுதிகளை விட 2 மடங்கு கூடுதல் வெப்பநிலை ஆகும். மேலும் இதன் காரணமாக இப்பகுதிகளில் குறைந்த மழைப்பொழிவு, வறட்சி, குடிநீர், உணவுத் தேவைக்கு பற்றாக்குறை ஏற்படும். வெப்பநிலை உயர்வை கட்டுப்படுத்துவதில் உலக நாடுகள் ஒன்றிணைந்து செயல்பட வேண்டும். தகவல் சுரங்கம் வேண்டாம் தற்கொலை பிரச்னைகள் இல்லாத மனிதர்களே இல்லை. அதை சமாளித்து போராடி தான் வாழ்வில் முன்னேற வேண்டுமே தவிர எதிர்மறையாக சிந்திந்து தற்கொலை செய்வது கோழைத்தனமான செயல். பிரச்னைகளுக்கு உடனடி தீர்வு, தற்கொலை என சிலர் சிந்திக்காமல் முடிவெடுக்கின்றனர். இதனால் அவரை சார்ந்திருப்பவர் எந்தளவு கஷ்டப்படுவர் என அறிவதில்லை. தற்கொலை அறவே கூடாது என்பதை வலியுறுத்தி செப். 10ல் உலக தற்கொலை தடுப்பு தினம் கடைபிடிக்கப்படுகிறது. 'செயல்பாடுகள் மூலம் நம்பிக்கையை உருவாக்குதல்' என்பது இந்தாண்டு மையக்கருத்து.
11.09.2022
அதிகரிக்கும் கேன்சர் கடந்த 1990ம் ஆண்டில் இருந்து 50 வயதுக்குள் கேன்சரால் பாதிக்கப்படுபவர் எண்ணிக்கை அதிகரிக்கிறது என ஆய்வில் தெரிவிக்கப்பட்டுள்ளது. மார்பகம், பெருங்குடல், உணவுக்குழாய், சிறுநீரகம், கல்லீரல் உட்பட பல வகை கேன்சர்களும் இதில் அடக்கம். மது அருந்துதல், துாக்கமின்மை, புகைப்பிடித்தல், உடல்பருமன், பதப்படுத்தப்பட்ட, துரித உணவு போன்றவை கேன்சருக்கு காரணமாக அமைகிறது. 10 ஆண்டுக்கு முந்தைய சிறுவர்களுடன் ஒப்பிடுகையில் தற்போதைய சிறுவர்கள் குறைந்த நேரமே துாங்குகின்றனர் என தெரிவிக்கப்பட்டுள்ளது. தகவல் சுரங்கம் இரட்டை கோபுரம் தகர்ப்பு அமெரிக்காவின் நியூயார்க் உலக வர்த்தக மைய இரட்டை கோபுரம் தகர்க்கப்பட்ட 20வது ஆண்டு நினைவு தினம் இன்று கடைபிடிக்கப்படுகிறது. 2001 செப். 11ல் அமெரிக்க விமானத்தை கடத்திய அல் குவைதா பயங்கரவாதிகள் இரட்டை கோபுரம் மீது மோத செய்தனர். 2 மணி நேரத்துக்குள் மொத்த கட்டடமும் தரைமட்டமானது. இரண்டு விமானங்களில் இருந்த 147 பயணிகள், வணிக மைய கட்டடத்தில் இருந்த 2606 பேர் பலியாகினர். தாக்குதலுக்கு காரணமான ஒசாமா பின்லேடன் 2011 மே 2ல் பாகிஸ்தானில் பதுங்கியிருந்த போது அமெரிக்கா படையால் சுட்டுக்கொல்லப்பட்டார்.
13.09.2022
பனி அலை ரஷ்யாவின் சைபீரியாவில் உள்ள பைகால் ஏரி, உலகின் பெரிய, ஆழமான நன்னீர் ஏரி. உலகின் நன்னீரில் ஐந்தில் ஒரு பங்கு இந்த ஏரியில் உள்ளது. 300 சிற்றாறுகள், ஆறுகள் கலக்கின்றன. இதில் 27 தீவுகள் உள்ளன. 2000 தாவரங்கள், உயிரினங்களின் வாழிடமாக இது உள்ளது. 'அங்காரா' என்ற ஆறு இந்த ஏரியில் இருந்து உற்பத்தியாகிறது. குளிர் காலத்தில் இந்த ஏரி உறைந்து முழுவதும் பனிக்கட்டியாக மாறிவிடும். குளிர்காலம் முடிந்ததும் ஏரியில் எழும்பும் அலைகள் காரணமாக கரையத் தொடங்கும் பனிக்கட்டிகள், பனிக்கீற்று அலையாக மாறி பார்ப்பதற்கு அழகாகக் காட்சியளிக்கும். தகவல் சுரங்கம் ரயில்பாதையின் முன்னோடி பிரிட்டனின் ஸ்டீபன்சன். சிறுவயதில் வசதி இல்லாததால் மாடு மேய்த்தார். இயந்திரங்கள், இஞ்ஜின்களைக் கழற்றி சரியாகப் பொருத்துவதுதான் இவரது பொழுதுபோக்கு. 17 வயதில் தந்தையுடன் நிலக்கரிச் சுரங்க வேலைக்குச் சென்றார். அதில் கிடைத்த பணத்தில் இரவுப் பள்ளியில் படித்தார். நீராவி இயந்திரத்தை உருவாக்க ஆர்வம் கொண்டிருந்த இவர் ஒரு ரயிலை உருவாக்கினார். மரத் தண்டவாளத்தில் ஓடும் நீராவி இஞ்ஜினின் குறைகளை சரிசெய்தார். இரும்பு தண்டவாளத்தையும் அமைத்தார். இவர் நிர்ணயித்த ரயில் பாதைகளின் அகலமே உலகம் முழுவதும் பின்னாளில் பின்பற்றப்பட்டது.
14.09.2022
சிறந்த வெப்பக்கடத்தி அலுமினியம், எக்கு, இரும்புப் பாத்திரங்களை நெருப்பில் வைத்துச் சூடாக்கும்போது, உலோகம் செறிவாக உள்ள பகுதியில் கூடுதல் வெப்பமும் மற்ற இடத்தில் குறைவான வெப்பமும் ஏற்படும். இதன் காரணமாக சில சமயம் உணவு தீய்ந்து போகும் வாய்ப்பு ஏற்படும். ஆனால் தாமிரம் (காப்பர்) நல்ல வெப்பக்கடத்தி என்பதால் வெப்பம் சீராக எல்லா இடங்களிலும் சமமாகப் பரவும். அதில் உணவு சமைப்பது எளிதாக இருக்கும். எனவேதான் அடிப்பாகம் தாமிரத்தால் ஆன பாத்திரங்களை சமையலுக்குப் பயன்படுத்த விரும்புகிறார்கள். தகவல் சுரங்கம் வித்தியாசமான கூடு 'உழவாரன்' என்ற சிறிய பறவை இனம் கூடு கட்டும் முறை வித்தியாசமானது. இது தன் எச்சிலைப் பயன்படுத்தி கூடு கட்டுகிறது. பாறைக் குகைகளின் சுவர்களில் கிண்ண வடிவில் எச்சிலை ஒட்டிப் பின்னிக் கூடுகட்டும். கருப்பு, வெள்ளை, சிவப்பு நிறங்களில் கூடு காணப்படுகிறது. இந்தியா, சீனா, மியான்மர், சிங்கப்பூர் உள்ளிட்ட ஆசிய நாடுகளில் வாழ்கின்றன. கடல் பகுதி முதல் உயர்ந்த மலைப்பகுதி வரை வாழ்கிறது. கூட்டமாக வாழும். இருட்டான குகைகளில் வாழ்வதால் வவ்வாலைப் போன்று எதிரொலித்தல் மூலம் ஒன்றோடொன்று தொடர்புகொள்கின்றன.
15.09.2022
பூமிக்கு பாதுகாப்பு விண்வெளியில் உள்ள சிறுகோள் மீது மோதும் 'இரட்டை சிறுகோள் திசைமாற்ற' சோதனை திட்டத்தை அமெரிக்க விண்வெளி மையம் நாசா செயல்படுத்த உள்ளது. இதற்காக கடந்தாண்டு விண்கலம் ஒன்றை ஏவியது. இது விண்வெளியில் உள்ள 'டிமோர்போஸ்' சிறுகோள் மீது செப். 26ல் மோதுகிறது. இந்த 'டிமோர்போஸ்' சிறுகோள் 2003ல் கண்டறியப்பட்டது. இது பூமியில் இருந்து 1.09 கோடி கி.மீ., தொலைவில் உள்ளது. இத்திட்டம் வெற்றிபெறும்பட்சத்தில், இது போன்ற சிறுகோள் வரும் காலத்தில் ஒருநாள் பூமியின் மீது மோதுவதை தவிர்க்கும் என நாசா தெரிவித்துள்ளது. தகவல் சுரங்கம் தேசிய இன்ஜினியர் தினம் நாட்டில் அடிப்படை கட்டமைப்புகளை உருவாக்குவதில் இன்ஜினியர்களின் பணி மகத்தானது. இந்தியாவின் புள்ளியியல் நிபுணர், சிவில் இன்ஜினியருமான கர்நாடகாவின் விஸ்வேஸ்வரய்யாவின் பிறந்த தினமான செப்., 15 தேசிய இன்ஜினியர்கள் தினமாக கடைபிடிக்கப்படுகிறது. 1955ல் பாரத ரத்னா விருது வழங்கப்பட்டது. மத்திய, மாநில அரசின் சில கல்வி நிறுவனங்களுக்கு இவரது பெயர் சூட்டப்பட்டுள்ளது. கர்நாடகாவின் கே.ஆர்.எஸ்., அணையை கட்டிய தலைமை இன்ஜினியர் இவர். நாட்டின் கட்டப்பட்ட பல அணைக்கட்டுகளின் பின்னால் இவரது உழைப்பு உள்ளது.
16.09.2022
கொரோனாவை தடுக்கும் ஆயுர்வேதம் தீவிர கொரோனா பாதிப்புகளுக்கு எதிராக யோகா, ஆயுர்வேத மருத்துவம் சிறப்பாக செயல் படுகிறது என டில்லி ஐ.ஐ.டி., ஆய்வு தெரிவித்துள்ளது. தீவிர கொரோனா பாதிப்பில் இருந்த 30 நோயாளிகளிடம் நடத்திய ஆய்வில் அவர்களிடம் இருந்த கவலை, நோய் பாதிப்பில் இருந்து அவர்கள் வேகமாக குணமடைய யோகா, ஆயுர்வேதம் உதவியது என கண்டறியப்பட்டது. பாரம்பரிய இந்திய முறையை, நாட்டில் உள்ள உயர்கல்வி நிறுவனங்களில் அறிவியல் பூர்வமாக ஆய்வு செய்ய வேண்டிய அவசர தேவையையும் டில்லி ஐ.ஐ.டி., விஞ்ஞானிகள் வலியுறுத்தியுள்ளனர். தகவல் சுரங்கம் ஓசோன் தினம் சூரியனிடம் இருந்து வரும் புற ஊதாக் கதிர்களின் வீரியத்தை தடுத்து, கூடுதலான வெப்பத்தை குறைத்து பூமியை பாதுகாக்கிறது ஓசோன் படலம். இதன் அளவையும், பரப்பையும் செயற்கைக் கோள் மூலமாகத் துல்லியமாக அறியலாம். ஓசோன் படலத்தை பாதுகாக்க 1987 செப்.16ல் கனடாவின் மான்ட்ரியல் நகரில் 'மான்ட்ரியல் ஒப்பந்தம்' ஏற்பட்டது. இதை குறிக்கும் விதமாக ஐ.நா., சார்பில் 1987 முதல் செப்., 16ல் உலக ஓசோன் தினம் கடைபிடிக்கப்படுகிறது. 'பூமியில் வாழ்க்கையை பாதுகாக்க உலகளாவிய ஒத்துழைப்பு' என்பது இந்தாண்டு மையக்கருத்து.
17.09.2022
ஆபத்தாகும் உடல் பருமன் உடல் பருமன் பிரச்னை உலகளவில் பெரிய பிரச்னையாக, குறிப்பாக குழந்தைகளிடம் முக்கிய பிரச்னையாக உருவெடுத்துள்ளது. அமெரிக்காவில் உயர்நிலைப்பள்ளி மாணவர்களில் 40 சதவீதம் உடல் பருமனால் பாதிக்கப்பட்டுள்ளனர். உடல் பருமனால் பாதிக்கப்பட்டோர் எண்ணிக்கை உலகளவில் 1970ல் இருந்து மூன்று மடங்காக அதிகரித்துள்ளது. உலகில் 2030ம் ஆண்டுக்குள் ஒரு கோடி பேர் உடல் பருமனால் பாதிக்கப்படுவர். இது உயர் ரத்த அழுத்தம், நீரிழிவு நோய், இருதய பாதிப்பு உட்பட பல உடல்நல பாதிப்புக்கு வழி வகுக்கிறது என தெரிவிக்கப்பட்டுள்ளது. தகவல் சுரங்கம் பாதுகாப்பான மருத்துவம் பூமியில் உள்ள ஒவ்வொருவரும் வாழ்க்கையின் ஏதாவது ஒரு கட்டத்தில் உடல்நல குறைபாட்டுக்காக மருத்துவ உதவியை நாடியிருப்போம். நோயாளி பாதுகாப்பு பற்றி உலகளாவிய புரிதலை மேம்படுத்த, சுகாதார பாதுகாப்பில் மக்கள் பங்களிப்பை அதிகரிக்க வலியுறுத்தியும் உலக சுகாதார நிறுவனம் சார்பில் செப். 17ல் உலக நோயாளி பாதுகாப்பு தினம் கடைபிடிக்க படுகிறது. பாதுகாப்பற்ற மருத்துவம், மருந்துகளில் தவறு போன்றவை உலகளவில் சுகாதாரத்தில் தவிர்க்க கூடிய தீங்குகளுக்கு காரணமாக உள்ளது. 'தீங்கு விளை விக்காத மருந்து' என்பது இந்தாண்டு மையக்கருத்து.
18.09.2022
மூங்கிலின் ஆயுட்காலம் மூங்கில்களுக்கு இயற்கையிலேயே பாக்டீரியாக் களையும், பூஞ்சைகளையும் எதிர்க்கும் சக்தி இருக்கிறது. வீடு கட்ட, ஏணிகள் செய்ய மூங்கில்கள் பயன்படுகின்றன. கூடை, நாற்காலி, திரைகள் எனப் பல பொருட்களில் மூங்கில் பயன்படுகிறது. பிளாஸ்டிக்கிற்கு மாற்றாக மூங்கில் பொருட்கள் பயன்பாட்டை அதிகரிக்கவும், விழிப்புணர்வு ஏற்படுத்தவும் செப்., 18ல் உலக மூங்கில் தினம் கடைபிடிக்கப்படுகிறது. மூங்கிலில் 1400 வகைகள் உள்ளன. இதன் ஆயுட்காலம் 60 ஆண்டுகள். ஒரு நாளில் ஒரு மீட்டர் உயரம் வரை வளரும். தகவல் சுரங்கம் சம ஊதியம் சம வேலைக்கான ஊதியம் அனைவருக்கும் சம அளவில் வழங்கப்பட வேண்டும் என வலியுறுத்தி ஐ.நா., சார்பில் செப். 18ல் சர்வதேச சம ஊதிய தினம் கடைபிடிக்கப்படுகிறது. உலகில் சுகாதார துறையில் பணியாற்றும் பெண்களுக்கு, ஆண்களை விட 24 சதவீதம் குறைந்த ஊதியம் வழங்கப்படுகிறது. பல்வேறு துறைகளிலும் ஒரே வேலைக்கு, ஆண்களை விட பெண்களுக்கு குறைந்த ஊதியம் அளிக்கப்படுகிறது. இதனால் ஆண் - பெண் இடையே ஏற்றத்தாழ்வு உருவாகிறது. இந்த இன பாகுபாட்டை நீக்கவும் சம ஊதியம் அளிக்கவும் இத்தினம் வலியுறுத்துகிறது.
19.09.2022
என்ன வித்தியாசம் இந்தியாவில் சிறுத்தை இனங்கள் ஏற்கனவே உள்ளன. அழிந்து போன சிவிங்கிகளை மீட்டெடுக்க தான் தற்போது ஆப்ரிக்காவில் இருந்து கொண்டு வரப்பட்டுள்ளன. சிவிங்கி (சீட்டா), சிறுத்தை (லெப்பர்ட்) இரண்டும் வெவ்வேறானவை. சிறுத்தை புலியைப் போன்றது. உடல் மஞ்சள் நிறத்தில் இருக்கும். பெரிய கறுப்புத் திட்டுகள் பரந்து காணப்படும். சிவிங்கி உடல் வெளிறிய பழுப்பு நிறத்தில் இருக்கும். அதன் மேல் சிறிய கறுப்புப் புள்ளிகள் இருக்கும். சிறுத்தை மணிக்கு 58 கி.மீ., வேகத்தில் செல்லும். ஆனால் சிவிங்கி மணிக்கு 80 - 130 கி.மீ., வேகத்தில் செல்லும். தகவல் சுரங்கம் உயரத்தில் பறக்காத பறவை கவுதாரி பறவையின் உயரம் 34 செ.மீ. இதன் எடை 350 கிராம். இதன் உடலில் கருப்பு நிற கோடுகள் இருக்கும். சாதாரண நாட்டுக் கோழியை போன்ற பருத்த உடல் அமைப்பைக் கொண்டவை. குழுக்களாக வசிக்கும். பெரும்பாலும் நிலப்பகுதியிலேயே நடமாடும். 300 அடி உயரத்திற்கு மேல் பறக்காது. மிக வேகமாக ஓடும் திறன் பெற்றவை. ஆபத்து ஏற்பட்டாலும், மனிதர்களை கண்டாலும் ஓடி ஒளிந்தே தப்ப முயலும். பறக்கும்போது புறாக்களைப் போல படபடவென இறக்கைகள் அடிக்கும் சத்தம் கேட்கும். 6 முதல் 8 முட்டைகள் இட்டு அடைகாக்கும்.
20.09.2022
மூன்று சக்கர பறக்கும் கார் அமெரிக்காவின் 'சாம்சன் ஸ்கை' நிறுவனம் தயாரித்த உலகின் முதல் மூன்று சக்கர பறக்கும் ஸ்போர்ட்ஸ் காருக்கு அனுமதி வழங்கப்பட்டுள்ளது. இது மணிக்கு 322 கி.மீ., வேகத்தில் செல்லும். இது வானில் இருந்து தரையிறங்கியதும் மூன்று சக்கர ஸ்போர்ட்ஸ் காராக மாறி விடும். தரையில் இதன் நீளம் 16.8 அடி. வானில் 20.2 அடி. அகலம் 6 அடி. உயரம் 5.1 அடி. இறக்கையின் நீளம் 27 அடி. இந்த காருக்கு 52 நாடுகளில் இருந்து 2100 பேர் புக்கிங் செய்துள்ளனர். இதன் விலை ரூ. 1.35 கோடி.இது பறப்பதற்கு 1100 அடி நீள ஓடுபாதையும், தரையிறங்க 700 அடி ஓடுபாதையும் போதும். தகவல் சுரங்கம் ரயில்வே பாதுகாப்பு படை ரயில்வே பாதுகாப்பு படை (ஆர்.பி.எப்.,) துவங்கப்பட்ட தினம் (செப்., 20) இன்று கடைபிடிக்கப்படுகிறது. ரயில்வே சொத்துகள், ரயில் பயணிகளுக்கு பாதுகாப்பு வழங்கும் விதமாக 1872 ஜூலை 2ல் செக்யூரிட்டி படையாக தொடங்கப்பட்டது. பின் 1985 செப்., 20ல் ரயில்வே பாதுகாப்புபடையாக இது மாற்றப்பட்டது. மத்திய ரயில்வே அமைச்சகத்தின் கீழ் செயல்படும் இதில் 75 ஆயிரம் வீரர்கள் பணியாற்றுகின்றனர். தலைமையகம் டில்லி. 18 மண்டலங்கள் உள்ளன. 2019 டிசம்பரில் ஆர்.பி.எப்., என்பது இந்திய ரயில்வே பாதுகாப்பு படை (ஐ.ஆர்.பி.எப்.,) என பெயர் மாற்றப்பட்டது.
21.09.2022
சர்க்கரையில் மின்சாரம் ஒரு எரிபொருளைக் கொண்டு ஒன்றுக்கும் மேற்பட்ட ஆற்றலை உற்பத்தி செய்வது இணை மின்சார உற்பத்தி. சாதாரண மின் உற்பத்தியில் அதிக வெப்பம் வீணாக்கப்படும். ஆனால் இம்முறையில் வெப்பமானது சூடாக்கும் செயல்பாட்டுக்கு உபயோகிக்கப்படும். கரும்பைப் பிழிந்து அதன் சாற்றை எடுத்து சர்க்கரை போன்ற பொருட்களைத் தயாரிக்கிறார்கள். மிஞ்சும் சக்கை நல்ல எரிபொருள். அதைக் கொதிகலனில் எரித்தால் சர்க்கரை ஆலை செயற்படத் தேவையான வெப்பம், மின்சாரத்தைப் பெறலாம். இந்தியாவில் 200க்கு மேற்பட்ட சர்க்கரை ஆலைகள் உள்ளன. தகவல் சுரங்கம் உலக அமைதி தினம் அமைதியே ஒரு நாட்டின் வளர்ச்சிக்கு கைகொடுக்கும். உலக நாடுகளிடையே போர், வன்முறை ஏற்படுவதை தடுக்கும் விதத்தில் ஐ.நா., சார்பில் செப்., 21ல் உலக அமைதி தினம் கடைபிடிக்கப் படுகிறது. உலக நாடுகளிடையே சண்டை சச்சரவுகளை தீர்த்து, உலகில் அமைதியை ஏற்படுத்துவதே இதன் நோக்கம். 'இனவெறிக்கு முடிவு; அமைதியை கட்டமைப்போம்' என்பது இந்தாண்டு மையக்கருத்து. இன பாகுபாடு நிறுவனங்கள், சமூக கட்டமைப்பு, ஒவ்வொரு சமூகத்திலும் ஒவ்வொருவரையும் பாதிக்கிறது. சமத்துவமின்மைக்கு வழிவகுக்கிறது.
22.09.2022
பாக்டீரியாவின் எடை 'பாக்டீரியான்' கிரேக்க சொல்லுக்கு 'சிறு குச்சி' என பொருள். பாக்டீரியங்கள் அளவில் மிக நுண்ணியவை. நுண்நோக்கியில் தான் காண முடியும். பல நோய் உருவாகக் காரணமாக இருந்தாலும், பால் புளிப்பதற்கும், வியர்வை நாற்றம் அடிப்பதற்கும், பாக்டீரியாக்களைப் பயன்படுத்தி பெரும்பாலான ஆன்ட்டிபயாடிக் மருந்துகள் தயாரிக்கவும் காரணம் இவைதான். இறந்து போன தாவரங்கள், மிருகங்கள், பல வித கரிம கழிவுப் பொருட்களை அழுகச் செய்வதில் இயற்கைக்கும் இதன் தேவை அதிகமிருக்கிறது. நம் உடலில் உள்ள பாக்டீரியாக்களின் எடை சுமார் 1.8 கிலோ. தகவல் சுரங்கம் வலிமை தரும் ஆறுதல் புற்றுநோய் நோயாளிகளுக்கு தைரியம், நம்பிக்கை அளிக்கும் விதமாக செப்., 22ல் உலக ரோஸ் தினம் கடைபிடிக்கப்படுகிறது. இத்தினத்தில் அவர்களுக்கு 'ரோஸ்' வழங்கி மகிழ்விக்கலாம். ரத்த புற்றுநோயால் பாதிக்கப்பட்ட கனடாவின் 12 வயது மெலின்டா ரோஸ், சில வாரங்களே உயிரோடு இருப்பார் என டாக்டர்கள் தெரிவித்த நிலையில் ஆறு மாதங்கள் வாழ்ந்தார். இக்காலத்தில் அவர் மற்ற நோயாளிகள் உட்பட பலருக்கு கவிதை, இ-மெயில், கடிதம் எழுதி நம்பிக்கை ஏற்படுத்தினார். நோயாளிகளுக்கு நேரங்கள் ஒதுக்கி மகிழ்விக்க வேண்டும் என இத்தினம் வலியுறுத்துகிறது.
23.09.2022
ஆபத்தில் ஆயிரம் மரங்கள் மரங்கள் சுற்றுச்சூழலை மாசுபடுத்தும் கார்பனை உறிஞ்சி நாம் சுவாசிக்க ஆக்சிஜன், நிழல் தருகிறது. வெப்பநிலையை குறைத்து சுற்றுச்சூழலை குளுமையாக வைக்கவும் உதவுகிறது. இந்நிலையில் உலகளவில் 2050ம் ஆண்டுக்குள் நகரங்களில் உள்ள மரங்களில், 1000 வகை மரங்கள் அழியும் ஆபத்தில் உள்ளதாக ஆஸ்திரேலியாவின் சிட்னி பல்கலை நடத்திய ஆய்வில் தெரிவிக்கப்பட்டுள்ளது. இந்த மரங்களில் 'ஓக்' (கருவாலி) மர வகையும் ஒன்று. இந்த மரம் சமீபத்தில் மறைந்த பிரிட்டன் ராணி இரண்டாம் எலிசபெத்துக்கு மிகவும் பிடித்தமானது. தகவல் சுரங்கம் சைகை மொழி தினம் உலகில் 7 கோடி பேர் காது கேளாதவர்களாக உள்ளனர். இதில் 80 சதவீதம் பேர் வளரும் நாடுகளில் உள்ளனர். மொத்தமாக இவர்களிடம் 300 விதமான சைகை மொழிகள் பயன்பாட்டில் உள்ளன. 1951 செப். 23ல் உலக காதுகேளாதோர் கூட்டமைப்பு ஏற்படுத்தப்பட்டது. இந்நாளை அங்கீகரிக்கும் விதமாக இந்நாளே உலக காது கேளாதோர் தினமாக கடைபிடிக்கப்படுகிறது. 'சைகை மொழி நம்மை ஒருங்கிணைக்கிறது' என்பது இந்தாண்டு மையக்கருத்து. சைகை மொழி என்பது தெரியப்படுத்தும் தகவலை சைகை மூலம் மற்றவருக்கு காட்சிபடுத்துவது ஆகும்.
24.09.2022
எறும்புகளின் எண்ணிக்கை சுறுசுறுப்புக்கு எடுத்துக்காட்டாக திகழும் உயிரினம் எறும்பு. இவை மண்ணின் ஊட்டச்சத்துக்கும் பெரும் பங்காற்றுகிறது. இந்நிலையில் உலகளவில் எறும்புகள் தொடர்பான 489 ஆய்வுகளை பகுப்பாய்வு செய்து மொத்த எறும்புகள் எத்தனை என்பதை ஜெர்மனியின் ஜூலியஸ் மேக்ஸிமில்லியன்ஸ் பல்கலை ஆய்வு தெரிவித்துள்ளது. உலகில் தற்போது 780 கோடி மக்கள் வாழ்கின்றனர். ஆனால் எறும்புகள் எண்ணிக்கை என்பது ஒரு மனிதனுக்கு 25 லட்சம் எறும்புகள் என்ற அளவில் உள்ளது. எனில் உலகில் எத்தனை எறும்புகள் உள்ளன என்பதை அறியலாம். தகவல் சுரங்கம் நீளமான கப்பல் உலகின் மிகப்பெரிய கப்பல் 'சீவைஸ் ஜியான்ட்'. இது ஜப்பானின் சுமிடோமா ெஹவி இன்டஸ்ட்ரீஸ் நிறுவனத்தால் 1974 - 1979ல் கட்டப்பட்டது. இதன் மொத்த எடை 6.57 லட்சம் டன். உயரம் 81 அடி. இதன் நீளம் 1483 அடி. ஆங்கிலக்கால்வாய், சூயஸ் கால்வாய், பனாமா கால்வாய் ஆகியவற்றில் இக்கப்பலால் செல்ல முடியாது. 1988ல் ஈரான் -ஈராக் போரில் மூழ்கடிக்கப்பட்டது. 2004ல் மீண்டும் கட்டமைக்க பட்டது. இக்கப்பல் கச்சா எண்ணெய் ஏற்றி செல்ல பயன்படுத்தப் பட்டது. 40 லட்சம் பேரல் எண்ணெய் ஏற்றிச்செல்லலாம். வேகம் மணிக்கு 30.6 கி.மீ.
25.09.2022
மருந்தாளுநர் தினம் மக்களின் உடல்நலத்தை மேம்படுத்துவதில் மருத்துவ துறைக்கு உதவிகரமாக இருப்பவர்கள் மருந்தாளுநர்கள். இவர்களது பங்களிப்பை அங்கீகரிக்கும் விதமாக செப். 25ல் உலக மருந்தாளுநர் தினம் கடைபிடிக்கப்படுகிறது. 'ஆரோக்கியமான உலகுக்கு பார்மசி ஒன்றுபட்டு செயல்படுகிறது; என்பது இந்தாண்டு மையக்கருத்து. உலகளவில் 40 லட்சம் பார்மசிஸ்ட்கள் (மருந்தாளுநர்கள்) உள்ளனர். இதில் 78 சதவீதம் பேர் பெண்கள். டாக்டர்கள் பரிந்துரைக்கும் மருந்துகளை நோயாளிகளுக்கு சரியான முறையில் வழங்குவது மருந்தாளுநர்களின் பணி. தகவல் சுரங்கம் உலக மகள்கள் தினம் குழந்தைகள் என்பதே நமக்கு கடவுள் கொடுத்த வரம் தான். இதில் ஆண், பெண் வேறுபாடில்லை. பெண் குழந்தைகளை சுமையாக பார்க்காமல் வரமாக பார்க்க வேண்டும். கல்வி, மருத்துவம், உணவு, உடை என அனைத்து விஷயங்களிலும் ஆண் குழந்தையை போல பெண் குழந்தைகளையும் சமமாக கொண்டாட வேண்டும் என வலியுறுத்தி இந்தியாவில் ஆண்டுதோறும் செப்., நான்காவது ஞாயிறு (செப். 25) தேசிய மகள்கள் தினமாக கொண்டாடப்படுகிறது. பொதுவாக பெண் குழந்தைகள் அப்பாக்களின் செல்லமாக இருப்பர்.
26.09.2022
நிலத்தடி நீரோட்டம் தரையில் விழும் மழை நீர், மண், கற்கள் இடையே உள்ள சிறிய துவாரங்களின் வழியாக பூமிக்கடியில் செல்லும். ஒரே இடத்தில் தேங்காமல் பள்ளம் நோக்கிப் பாயும். அங்கு மண், கல் இடுக்கு இருந்தால் அங்கே நீர் சென்று குவியும். ஓரிடத்திலிருந்து மற்றொரு இடத்திற்கு நிலத்துக்குள்ளே நீர் பாய்வதுதான் நிலத்தடி நீரோட்டம். எனவேதான் சில இடங்களில் அதிகமாகவும் சில இடங்களில் குறைந்தும் நிலத்தடி நீர் காணப்படும். பாறை, மண் போன்ற அடுக்கில் நீர் அளவு குறைந்தும், சுண்ணாம்பு, கல், மணல் போன்ற செறிவு அதிகமாக உள்ள இடத்தில் கூடுதலாக நிலத்தடி நீர் கிடைக்கும். தகவல் சுரங்கம் உலக சுற்றுலா தினம் கொரோனாவால் தேக்கமடைந்த சுற்றுலா துறை மெல்ல மீண்டு வருகிறது. 2021ல் பதிவான சர்வதேச சுற்றுலா பயணிகளின் எண்ணிக்கை, 2022ல் இரு மடங்காக அதிகரித்துள்ளது. சுற்றுலா என்பது பொருளாதாரத்துடன் தொடர்புடையது. உலகில் பத்தில் ஒருவருக்கு சுற்றுலா மூலம் வேலைவாய்ப்பு கிடைக்கிறது. இது பல்வேறு கலாசாரத்தை அறிய, உலகை ஒருங்கிணைக்க உதவுகிறது. இதன் முக்கியத்துவத்தை வலியுறுத்தும் நோக்கில் செப். 27ல் உலக சுற்றுலா தினம் கடைபிடிக்கப்படுகிறது. 'சுற்றுலாவை மறுபரிசீலனை செய்தல்' என்பது இந்தாண்டு மையக்கருத்து.
27.09.2022
நிலத்தடி நீரோட்டம் தரையில் விழும் மழை நீர், மண், கற்கள் இடையே உள்ள சிறிய துவாரங்களின் வழியாக பூமிக்கடியில் செல்லும். ஒரே இடத்தில் தேங்காமல் பள்ளம் நோக்கிப் பாயும். அங்கு மண், கல் இடுக்கு இருந்தால் அங்கே நீர் சென்று குவியும். ஓரிடத்திலிருந்து மற்றொரு இடத்திற்கு நிலத்துக்குள்ளே நீர் பாய்வதுதான் நிலத்தடி நீரோட்டம். எனவேதான் சில இடங்களில் அதிகமாகவும் சில இடங்களில் குறைந்தும் நிலத்தடி நீர் காணப்படும். பாறை, மண் போன்ற அடுக்கில் நீர் அளவு குறைந்தும், சுண்ணாம்பு, கல், மணல் போன்ற செறிவு அதிகமாக உள்ள இடத்தில் கூடுதலாக நிலத்தடி நீர் கிடைக்கும். தகவல் சுரங்கம் உலக சுற்றுலா தினம் கொரோனாவால் தேக்கமடைந்த சுற்றுலா துறை மெல்ல மீண்டு வருகிறது. 2021ல் பதிவான சர்வதேச சுற்றுலா பயணிகளின் எண்ணிக்கை, 2022ல் இரு மடங்காக அதிகரித்துள்ளது. சுற்றுலா என்பது பொருளாதாரத்துடன் தொடர்புடையது. உலகில் பத்தில் ஒருவருக்கு சுற்றுலா மூலம் வேலைவாய்ப்பு கிடைக்கிறது. இது பல்வேறு கலாசாரத்தை அறிய, உலகை ஒருங்கிணைக்க உதவுகிறது. இதன் முக்கியத்துவத்தை வலியுறுத்தும் நோக்கில் செப். 27ல் உலக சுற்றுலா தினம் கடைபிடிக்கப்படுகிறது. 'சுற்றுலாவை மறுபரிசீலனை செய்தல்' என்பது இந்தாண்டு மையக்கருத்து.
28.09.2022
புகை காரணம் மரம், விறகு உள்ளிட்ட பல்வேறு பொருட்களின் மீது தீ பற்றி எரியும் போது, தீ அணைந்த பின்பும் புகைந்து கொண்டே இருக்கும். இதற்கு காரணம் உள்ளது. எந்தப் பொருளும்முழுமையாக எரிந்தால் அதிலிருந்து நீர், கார்பன்டை ஆக்சைடு மட்டுமே வெளியேற வேண்டும். ஆனால் எப்போதும் ஒரு பொருள் முழுமையாக எரிய போதுமான ஆக்சிஜனும் வெப்ப நிலையும் இருப்பதில்லை. எனவே முழுமையற்ற நிலையில் எரியாத பொருட்களே புகையாக வெளியேறுகிறது. ஆய்வுக் கூடங்களில் புகையே இல்லாமல் முழுமையாக எரிக்க முடியும், அப்போது புகை ஏற்படாது. தகவல் சுரங்கம் உலக ரேபிஸ் தினம் ரேபிஸ் வைரசால் ஏற்படும் பாதிப்புகள், முன்எச்சரிக்கை நடவடிக்கை பற்றி விழிப்புணர்வு ஏற்படுத்தும் விதமாக செப்., 28ல் உலக ரேபிஸ் தினம் கடைபிடிக்கப்படுகிறது. 1885ல் ரேபிஸ் வைரஸ்க்கு பிரான்சின் லுாயிஸ் பாஸ்டர் தடுப்பு மருந்து கண்டுபிடித்தார். இவரது சாதனையை அங்கீகரிக்கும் விதமாக அவரது நினைவு தினம் (செப். 28) உலக ரேபிஸ் தினமாக கடைபிடிக்கப்படுகிறது. 2030க்குள் ரேபிஸ் வைரசால் உயிரிழப்பே இருக்கக்கூடாது என உலக சுகாதாரநிறுவனம் இலக்கு நிர்ணயித்துள்ளது. 'ஒரு உடல்நலம்; பூஜ்ஜிய மரணம்' என்பது இந்தாண்டு மையக்கருத்து.
29.09.2022
காற்று வீசுவது எதனால்... மரம் ஆடுவதால் காற்று வீசுகிறதா அல்லது காற்று வீசுவதால் மரம் ஆடுகிறதா என கேட்டால் காற்று வீசுவதால் தான் மரங்கள் ஆடுகின்றன. சூரிய வெப்பம் நிலத்தையும் கடல் நீரையும் சூடுபடுத்தும். ஆனால் எல்லா இடங்களிலும் ஒரே அளவு சூடு இருக்காது. எனவே ஒப்பீட்டளவில் கூடுதல் சூடு அடைந்த பகுதியிலிருந்து வெப்பமுறும் காற்று, திணிவு குறைந்து மேலே எழும்பும். இந்த குறை காற்றழுத்தப் பகுதியை நோக்கி, உலகின் பிற பகுதியிலிருந்து காற்று செல்லும். இதுவே காற்று வீசுவது என கூறுகிறோம். எனவே அடிப்படையில் காற்று வீசுவது சூரிய ஒளியின் வினையால்தான். தகவல் சுரங்கம் உலக இருதய தினம் உலகளவில் அதிக உயிரிழப்பை ஏற்படுத்தும் 'டாப் - 10' நோய்களில் முதலிடத்தில் இருதய பாதிப்பு உள்ளது. இதுபற்றி விழிப்புணர்வு ஏற்படுத்தும் விதமாக செப்., 29ல் உலக இருதய தினம் கடைபிடிக்கப்படுகிறது. இயந்திரத்தனமான வாழ்க்கை முறை, மாறிய உணவுப் பழக்கம் போன்றவை இருதயத்தை பாதிக்கிறது. இதனால் வயது வித்தியாசமின்றி மாரடைப்பு வருகிறது. உடற்பயிற்சியின்மை, மது, புகையிலை பயன்பாடு, இரவுப் பணி, உடல் பருமன், நீரிழிவு போன்றவை இருதய பாதிப்பை உருவாக்குகிறது. 'அனைவருக்கும் இருதய பாதுகாப்பு' என்பது இந்தாண்டு மையக்கருத்து.
01.10.2022
1971ல் நாசாவின் 'அப்பலோ 15' திட்டத்தின் கீழ் 'லுானார் ரோவிங்' வாகனம் இயக்கப்பட்டது. இதன் நீளம் 10 அடி. உயரம் 3.6 அடி. இதன் எடை பூமியில் 210 கிலோ. அதுவே நிலவில் 34 கிலோ. ஒவ்வொரு கோள்களிலும் அதன் ஈர்ப்பு விசையை பொறுத்து எடை மாறுபடும். பூமியை விட நிலவில் ஈர்ப்பு விசை குறைவு என்பதால் பொருளின் எடை குறையும். தகவல் சுரங்கம் முதியோர், சைவ தினம் முதியோருக்கு அடிப்படை சுதந்திரத்தை வழங்க வலியுறுத்தி அக். 1ல் உலக முதியோர் தினம் கடைபிடிக்கப்படுகிறது. 60 வயதினை கடந்த இவர்களது வழிகாட்டுதல் இன்றையதலைமுறையினருக்கு மிக அவசியம். உலகில் முதியோர் எண்ணிக்கை 2050ல் 150 கோடியாக இருக்கும் என ஐ.நா., மதிப்பிட்டுள்ளது.* சைவ (வெஜிடேரியன்) உணவுகளின் நன்மை, பலன் பற்றி விழிப்புணர்வு ஏற்படுத்தும் விதமாக அக். 1ல் உலக சைவ தினம் கடைபிடிக்கப்படுகிறது. இவை உடலில் கொழுப்பு அதிகம் சேராமலும், இருதய, கேன்சர் பாதிப்பில் இருந்தும் தடுக்கிறது என நிபுணர்கள் தெரிவிக்கின்றனர்.
02.10.2022
எறும்பின் தனித்தன்மை எறும்பு போன்ற பூச்சிகளில் அதிர்வு, ஒளி, வேதிவாசனை என மூன்று உணரும் அமைப்புகள் இருக்கின்றன. உணவு பண்டங்கள், இறந்த உயிரிகள் வெளிப்படுத்தும் வேதி வாசனைகளை முகர்ந்தே அதனை நோக்கிப் பூச்சிகள் வருகின்றன. மற்ற பூச்சிகளுடன் ஒப்பிடும்போது வேதிவாசனையை உணரும் திறன் எறும்புக்கு மிக அதிகம். 400 வேதிவாசனைகளை உணரும்படியான வாசனை உணர்விகள் எறும்பின் மரபணுவில் உள்ளன. வாசனையை வைத்து மட்டுமே எறும்பால் உணர முடியும் என்பதால் உணவுப் பொருட்களை காற்றுப் புகாமல் மூடி வைத்தாலே எறும்பு வருவதைத் தவிர்க்கலாம். தகவல் சுரங்கம் உலக அகிம்சை தினம் காந்தியின் அகிம்சை கொள்கை தான் இன்றைய உலகுக்கு தேவை. அகிம்சை போராட்டங்களால் ஆங்கிலேயர்களை கலங்கடித்தார். கடைசி வரை அறவழி போராட்டத்தில் உறுதியாக இருந்து இந்தியாவுக்கு சுதந்திரம் கிடைக்க பாடுபட்டார். வாழ்க்கையில் எளிமையை கடைபிடித்த இவர் விவசாயிகளின் வறுமையை பார்த்து அரையாடை மனிதராக மாறினார். இது அவரை மகாத்மாவாக உயர்த்தியது. கொல்லாமை, துன்புறுத்தாமையை அடிப்படையாகக் கொண்ட அகிம்சை தத்துவத்தை பின்பற்றிய இவரது பிறந்த தினமான அக்., 2, ஐ.நா., சார்பில் உலக அகிம்சை தினமாக கடைபிடிக்கப்படுகிறது.
03.10.2022
மன அழுத்தம் நல்லதே... ஒருவருக்கு மன அழுத்தம் ஏற்படுவது இயல்பானது. இதற்கு பல காரணம் இருக்கும். சுற்றுப்புறம், நம்எண்ணங்கள், தேர்வு, வேலை, தொழிலில் சிலருக்கு பதற்றம் இருந்துகொண்டே இருக்கும், அது மன அழுத்தமாக மாறலாம். மன அழுத்தம் என்பது சோர்வு, மோசமான மனநலத்துடன் தொடர்புடையது. இந்நிலையில் குறைந்தளவு மன அழுத்தம் நல்லதுதான். குறிப்பிட்ட சூழ்நிலைகளில் அது நம் 'வொர்க்கிங் மெமரி' (ஞாபகதிறன்) செயல்பாட்டை சிறப்பாக வைக்க உதவுகிறது என அமெரிக்க ஆய்வு தெரிவித்துள்ளது. ஆனால் அதிகப்படியான மன அழுத்தம் நச்சுதன்மை வாய்ந்தது. தகவல் சுரங்கம் உலக வாழ்விட தினம் உலகில் நகரங்களில் குடிநீர் உட்பட போதுமான தங்குமிட அடிப்படை வசதி அனைவருக்கும் கிடைக்க வலியுறுத்தி ஐ.நா., சார்பில் அக்., முதலாவது திங்கள் (அக்.3) உலக வாழ்விட தினமாக கடைபிடிக்கப்படுகிறது. திடீரென ஏற்பட்ட கொரோனா, சில நாடுகளில் நடக்கும் உள்நாட்டு போர் காரணமாக, பட்டினிக்கு எதிரான ஐ.நா., முன்னேற்றத்தில் தடை ஏற்படுத்தி புதிய ஏழைகளை உருவாக்கியுள்ளனர். 'ஒருவரையும் விலகியிருக்க விடாதே; அவர்களுக்கு பின்னால் இருங்கள்' என்பது இந்தாண்டு மையக்கருத்து. சமத்துவமின்மை களையப்பட வேண்டும் என்பதே இத்தினத்தின் நோக்கம். 04.010.2022 வியக்கும் விண்வெளி விண்வெளி துறையில் பல சாதனைகள் நிகழ்த்தப்பட்டு உள்ளன. முதல் செயற்கைக்கோளை (ஸ்புட்னிக் 1) ரஷ்யா 1957 அக். 4ல் அனுப்பியது. இதன் பின் ரஷ்யாவும், அமெரிக்காவும் மாறி மாறி செயற்கைக்கோள்களை அனுப்பின. விண்வெளியை அமைதியான, பயனுள்ள வகையில் பயன்படுத்திக்கொள்ள உலக நாடுகளிடையே 1967 அக். 10ல் ஒப்பந்தம் கையெழுத்தானது. இதை நினைவுபடுத்தும் விதமாக ஐ.நா,. சார்பில் அக். 4 - 10 வரை உலக விண்வெளி வாரம் கொண்டாடப்படுகிறது. 'விண்வெளி மற்றும் நிலைத்தன்மை' என்பது இந்தாண்டு மையக்கருத்து. தகவல் சுரங்கம் உலக விலங்குகள் தினம் உலகில் பல்வேறு வகை விலங்குகள் உள்ளன. இவை நமக்கு பல வழிகளிலும் உதவுகின்றன. விலங்குகளை பாதுகாப்பது, அவை வேட்டையாடுவதை தடுப்பது பற்றி மக்களுக்கு விழிப்புணர்வு ஏற்படுத்தும் விதமாக அக்.,4ல் உலக விலங்குகள் தினம் கடைபிடிக்கப்படுகிறது. விலங்குகள் நல ஆர்வலரான இத்தாலியின் 'பிரான்சிஸ் ஆப் அசிசியின் நினைவு நாளை குறிப்பிடும் வகையில் இத்தினம் கடைபிடிக்கப்படுகிறது. 1931ல் இத்தாலியின் புளோரன்ஸ் நகரில் இத்தினம் தொடங்கப்பட்டது. வீடு, காட்டு விலங்குகள் என பிரிக்கப்படுகின்றன.பெரும்பாலானவை பாலுாட்டி வகையை சேர்ந்தவை. --
05.10.2022
இந்தியாவுக்கு பாதிப்பு அதிகரிக்கும் வெப்பநிலை உயர்வு காரணமாக இந்தியாவில் அடிக்கடி, நீடித்த வறட்சியை உருவாக்கும். இது உலகளவில் மக்கள், சுற்றுப்புற சூழலுக்கு பாதிப்பை ஏற்படுத்தும் என பிரிட்டனின் கிழக்கு ஆங்லியா பல்கலை ஆய்வு தெரிவித்துள்ளது. உலகளவில் வெப்பநிலை 1.5 டிகிரி செல்சியஸ் உயர்ந்தாலும் கூட, இந்தியா, சீனா, எத்தியோப்பியா, கானா, பிரேசில், எகிப்து ஆகிய நாடுகளில் கடும் விளைவுகளை ஏற்படுத்தும். உலகளவில் 2100க்குள் வெப்பநிலை 3 டிகிரி செல்சியஸ் வரை உயரக்கூடும் என விஞ்ஞானிகள் ஆய்வில் கணித்துள்ளனர். தகவல் சுரங்கம் உலக ஆசிரியர் தினம் மாணவர்களுக்கு அறிவு ஒளியை ஏற்றுபவர்கள் ஆசிரியர்கள். இவர்களின் சேவையை பாராட்டுதல், அவர்களின் பொறுப்பகளை உணர செய்யும் விதமாக ஐ.நா., சார்பில் அக்., 5ல் உலக ஆசிரியர் தினம் கடைபிடிக்கப்படுகிறது. கொரோனா சூழலிலும் மாணவர்களுக்கு ஆசிரியர்கள் கற்பித்தனர். 'கல்வியின் மாற்றம் ஆசிரியர்களிடமிருந்து தொடங்குகிறது' என்பது இந்தாண்டு மையக்கருத்து. தனது மாணவர்களை சமுதாயத்துக்கு ஏற்ற வகையில் சிறந்த நபராக மாற்ற வேண்டிய கடமை ஆசிரியர்களுக்கு உண்டு. மாணவர்களும் ஆசிரியர்களுக்கு மதிப்பளிக்க வேண்டும்.
07.10.2022
செயற்கை தண்ணீர் மனிதர்கள் உட்பட உயிரினங்கள் வாழ தண்ணீர் அவசியம். இது இயற்கையுடன் தொடர்புடையது. அறிவியல் வளர்ச்சியில் தண்ணீரை செயற்கையாக தயாரிக்க முடியும் என நிரூபித்தவர் பிரெஞ்சு வேதியியலாளர் ஆன்டோய்ன் லவாய்ஸியர். 1783ல் சிறுகுழாய் மூலம் ஆக்சிஜன், ஹைட்ரஜனை சரியான விகிதத்தில் ஒரு குடுவையில் புகுத்தி எரித்துப் பார்த்தார். அதில் மெல்ல மெல்ல நன்னீர் உருவானது. அதே போல நீரைப் பிரித்து அதில் ஆக்சிஜன், ஹைட்ரஜன் மட்டுமே உள்ளது என்றும், நீர் என்பது மூலக்கூறு என்றும் நிரூபித்தார். ஆனால் இதற்கான செலவு மிக அதிகம். தகவல் சுரங்கம் உலக பருத்தி தினம் விவசாயிகளுக்கு வருமானம், மக்களுக்கு ஆடை, உலகளவில் வர்த்தகம் என பல வழிகளிலும் பருத்தி முக்கிய பங்கு வகிக்கிறது. இது வறட்சியை தாங்கி விளையும் பயிர் என்பதால் உற்பத்தி செலவு குறைவு. உலகின் ஜவுளித்தேவையில் 27 சதவீதத்தை பருத்தி பூர்த்தி செய்கிறது. பருத்தி, துணி உலகில் 10 கோடி குடும்பங்களின் வாழ்வாதாரமாக உள்ளது. ஆப்பிரிக்காவின் பெனின், பர்கினோபாஷோ, சாட், மாலி நாடுகளின் வேண்டுகோளை ஏற்று உலக வர்த்தக அமைப்பு 2019 அக்., 7ல் இத்தினத்தை அறிவித்தது. பருத்தி விளைச்சலில் இந்தியா, அமெரிக்கா, சீனா முதல் 3 இடங்களில் உள்ளன.
08.10.2022
வெயிலை தடுக்கும் பெயின்ட் மற்ற நிறங்களுடன் ஒப்பிடும் போது வெள்ளை நிறம் சூரிய ஒளியை அதிகம் உள்வாங்காது. இந்நிலையில் சூரிய ஒளியை உள்வாங்காமல் 97.9 சதவீதம் திருப்பி அனுப்பும் 'அல்ட்ரா வயலெட்' மிக துாய்மையான வெள்ளை நிற பெயின்டை அமெரிக்காவின் புர்டியூ பல்கலை விஞ்ஞானிகள் கண்டறிந்துள்ளனர். இது கார், விமானங்களின் வெளிப்புறத்துக்கு பயன்படுத்தலாம். இதன்மூலம் வெயிலின் தாக்கத்தை குறைத்து உள்பகுதியை 'ஜில்' என வைப்பதுடன், 'ஏசி' பயன்படுத்தும் அளவையும் வெகுவாக குறைக்கிறது. தற்போதைய வெள்ளை பெயின்ட்கள் 80 - 90% மட்டுமே சூரிய ஒளியை தடுக்கிறது. தகவல் சுரங்கம் விமானப்படை தினம் நாட்டை பாதுகாப்பதில் இந்திய விமானப்படை முக்கிய பங்காற்றுகிறது. 1932 அக்.8ல் ஆங்கிலேயரால் உருவாக்கப்பட்டது. இந்நாளை நினைவுபடுத்தும் விதமாக அக்.8ல் விமானப்படை தினம் கொண்டாடப் படுகிறது. சுதந்திரம் பெற்ற பின் நான்கு முறை பாகிஸ்தானுடனும், ஒருமுறை சீனாவுடனும் இந்தியா போரில் ஈடுபட்டது.இதில்விமானப்படை முக்கிய பங்காற்றியது.இயற்கை பேரழிவுகளின் போது, மக்களை மீட்கும் பணியிலும் ஈடுபடுகிறது. ஐ.நா., வின் அமைதிப்படையிலும் இடம் பெற்றுள்ளது. 1.௭0 லட்சம் வீரர்கள் உள்ளனர். 1௯௨௬ போர் விமானங்கள் உள்ளன.
11.10.2022
வானில் மிதக்கும் பாறைகள் எரி நட்சத்திரம் என்பது விண்மீன் அல்ல. அவை வானில் மிதக்கும் பாறைகள். சில சமயம் இப்பாறைகள் பூமியின் ஈர்ப்பு விசையால் கவர்ந்திழுக்கப்படுகின்றன. அவ்வாறு பூமியை நோக்கி வரும்போது வளிமண்டலத்தில் புகும். வளிமண்டலத்தில் ஏற்படும் உராய்வு காரணமாக, வெப்பம் அதிகரித்து ஆவியாகி எரிந்துபோகும். அப்போதுதான் நமக்கு இவை எரி நட்சத்திரமாக புலப்படுகிறது. சிறு சிறு பாறைகள் முற்றிலும் எரிந்துபோக, சில சமயம் பெரிய பாறைகளின் எரியாத சிறு பகுதிகள் பூமியில் விழும்; இவை விண்கற்கள் என அழைக்கப்படுகிறது. தகவல் சுரங்கம் மனநிலை, மரண தண்டனை எதிர்ப்பு தினம் இந்தியா உள்ளிட்ட சில நாடுகளில் கொடுமையான குற்றங்களுக்கு மரண தண்டனை விதிக்கப்படுகிறது. உலகில் மூன்றில் 2 பங்கு நாடுகள் மரண தண்டனையை தடை செய்துள்ளன. இதை அனைத்து நாடுகளும் பின்பற்ற வலியுறுத்தி அக்.,10ல் உலக மரண தண்டனை எதிர்ப்பு தினம் கடைப்பிடிக்கப்படுகிறது.* மனதால் பாதிக்கப்பட்டோருக்கு ஆறுதல் அளிக்க வலியுறுத்தி ஐ.நா., சார்பில் அக்., 10ல் உலக மனநல தினம் கடைப்பிடிக்கப்படுகிறது. 'அனைவருக்கும் மன ஆரோக்கியம், நல்வாழ்வை உலகின் முன்னுரிமை ஆக்குங்கள்' என்பது இந்தாண்டு மையக்கருத்து.
12.10.2022
பனிக்கட்டிக்கு நிறம் எப்படி தண்ணீருக்கு நிறம் இல்லை. ஆனால் தண்ணீர் உறைந்து உருவாகும் பனிக்கட்டி வெள்ளையாக இருக்கிறது. ஏராளமான பனிப் படிகங்களின் (ஐஸ் கிரிஸ்டல்) இணைப்பே பனிக்கட்டி. இதன் இடையே உள்ள நுண்ணிய குமிழ்களின் இடைவெளியில் காற்று நிரம்பியிருக்கும். இந்தப் படிகக் குவியல் மீது ஒளிக் கதிர்கள் விழும்போது, அவை வளைந்து போவதுடன் எதிரொளிக்கவும் செய்கின்றன. எல்லாப் படிகங்களும் ஒளிக்கதிர்களை ஒரே திசையில் இல்லாமல் பல்வேறு திசைகளில் எதிரொளிக்கின்றன. சிதறிய இந்த ஒளி பனிக்கட்டியை வெள்ளை நிறமாகத் தோன்றச் செய்கிறது. தகவல் சுரங்கம் மூட்டுவலி தினம் மூட்டுகளை பாதுகாப்பது குறித்து விழிப்புணர்வு ஏற்படுத்தும் விதமாக அக். 12 உலக மூட்டுவலி தினமாக கடைபிடிக்கப்படுகிறது. மூட்டுவலி என்பது உடலில் எந்த மூட்டிலும் ஏற்படக்கூடியது. இருப்பினும் முழங்கால் மூட்டில் ஏற்படுகிற வலி 'மூட்டுவலி' (ஆர்த்ரிடிஸ்) எனப்படுகிறது. இதற்கு உடல்பருமன், முதுமை, அடிபடுதல், மூட்டுச்சவ்வு கிழிதல்,கிருமித்தொற்று, காச நோய், யூரிக் அமிலம் மூட்டுகளில் படிவது போன்றவை பொதுவான காரணங்கள். முதியோர் மட்டுமல்லாமல் இளைஞர்களும் பாதிக்கப்படுகின்றனர். பல்வேறு சிகிச்சை முறைகள் உள்ளன.
13.10.2022
வயதாகும் ஆண்கள்... பெண்களுடன் ஒப்பிடும் போது ஆண்கள் வயதானவர்களாக உள்ளனர் என பிரிட்டன் ஆய்வு தெரிவித்துள்ளது. இதன்படி ஒரே ஆண்டில் பிறந்த 50 வயதுடைய ஆண்கள் - பெண்களை ஒப்பிட்டால், 'பயோலாஜிக்கல்' ரீதியாக பெண்களை விட ஆண்கள் 4 வயது மூத்தவர்களாக உள்ளனர். இதுவே 21 - 42 வயதுக்குட்பட்டவர்களில் 1.2 வயது மூத்தவர்களாக உள்ளனர். மதுப்பழக்கம், புகைப்பிடித்தல், உடல்பருமன் இதற்கு காரணம். பிரிட்டனில் வாழ்நாள் சராசரி வயது ஆண்களுக்கு 79, பெண்களுக்கு 83 ஆக உள்ளது. அமெரிக்காவில் வாழ்நாள் சராசரி ஆண்கள் 75, பெண்கள் 80 என உள்ளது. தகவல் சுரங்கம் பேரழிவு தடுப்பு தினம் பூகம்பம், வறட்சி, சுனாமி, வெள்ளம், புயல் போன்ற இயற்கை பேரழிவுகளில் இருந்து மக்களை காப்பாற்றுவதற்கு அனைத்து நாடுகளும் முன்னெச்சரிக்கை, மீட்பு கட்டமைப்புகளை மேம்படுத்த வேண்டும் என்பதை வலியுறுத்தி ஐ.நா., சார்பில் 2009 முதல் அக்., 13ல் சர்வதேச பேரழிவு தடுப்பு தினம் கடைபிடிக்கப்படுகிறது. இயற்கை பேரழிவு, உயிரிழப்பை மட்டுமல்லாமல் பொருட்சேதத்தையும் ஏற்படுத்துவதால் பொருளாதாரமும் பாதிக்கப்படுகிறது. சுற்றுச்சூழல், இயற்கையை பாதுகாக்கும் திட்டங்களை அதிகளவில் செயல்படுத்த வேண்டும் என ஐ.நா., வலியுறுத்துகிறது.
14.10.2022
-- கின்னஸ் சாதனை ரோபோ அமெரிக்க நிறுவனம் உருவாக்கிய இரண்டு கால் ரோபோ, 100 மீட்டர் ஓட்டப்போட்டியில் மிக வேகமாக ஓடிகின்னஸ் சாதனை புத்தகத்தில் இடம் பெற்றுள்ளது. 24.73 விநாடியில் பந்தய துாரத்தை கடந்தது. இருப்பினும் ஒலிம்பிக் 100 மீட்டர் ஓட்டப்போட்டியில் பல தங்கப்பதக்கங்களை வென்ற ஜமைக்காவி உசைன் போல்ட் சாதனையை விட இது குறைவுதான். உசைன் போல்ட் 9.58 விநாடியில் பந்தய துாரத்தை கடந்தார். இந்த ரோபோ 2021ல் 5 கி.மீ., துாரத்தை 53 நிமிடங்களில் ஓடி சாதித்தது. இது பார்ப்பதற்கு நெருப்புக்கோழி போல இருக்கும். தகவல் சுரங்கம் தர நிர்ணய தினம் உலகில் நுகர்வோருக்குத் தரமான பொருட்களையே தயாரித்து வழங்க வேண்டும் என்பதை வலியுறுத்தி அக். 14ல் உலக தர நிர்ணய தினம் கடைபிடிக்கப்படுகிறது. சர்வதேச தர நிர்ணய அமைப்பு (ஐ.எஸ்.ஓ.,) உலக தொலைத்தொடர்பு யூனியன் (ஐ.டி.யூ.,), உலக மின் தொழில்நுட்ப ஆணையம் (ஐ.இ.சி.,) எலக்ட்ரிக்கல், எலக்ட்ரானிக்ஸ் இன்ஜினியர் (ஐ.இ.இ.இ.,) உள்ளிட்ட அமைப்புகளின் தரத்துக்கு உட்பட்டு தரமான பொருட்களை உருவாக்க பாடுபடும் தொழில்துறை வல்லுநர்களின் சேவைகளை பாராட்டும் விதமாகவும் இத்தினம் கடைபிடிக்கப்படுகிறது.
15.10.2022
கிரீன்லாந்துக்கு பாதிப்பு உலகின் மிகப்பெரிய தீவு கிரீன்லாந்து. உலகின் மொத்த பனிக்கட்டியில் 12 சதவீதம் இங்குள்ளது. கிரீன்லாந்து பனிப்பாறை மொத்தமும் உருகினால் கடல் நீர்மட்டம் 24 அடி உயரும். இந்நிலையில் பருவநிலை மாற்றம் காரணமாக கிரீன்லாந்து, முன்பு மதிப்பிட்டதை விட அதிக பாதிப்பை ஏற்படுத்தும் என பிரிட்டனின் எடின்பர்ஹ், அமெரிக்காவின் கலிபோர்னியா பல்கலை ஆய்வு தெரிவித்துள்ளது. காற்று, கடல் வெப்பநிலை உயர்வதே இதற்கு முக்கிய காரணம். வெப்பமான தண்ணீர் பனிப் படலத்தை உருகச்செய்கிறது. வெப்பமான காற்று, கடல் வெப்பநிலையை உயர்த்துகிறது. தகவல் சுரங்கம் இளைஞர் எழுச்சி தினம் இந்திய இளைஞர்களின் கனவு நாயகனாக திகழ்ந்த முன்னாள் ஜனாதிபதி அப்துல் கலாமின் பிறந்த தினமான அக். 15, தமிழகத்தில் இளைஞர் எழுச்சி தினமாக கடைபிடிக்கப்படுகிறது. உடலால் மறைந்தாலும் இவரது கண்டுபிடிப்புகள், அறிவியல் தொழில்நுட்பத்துக்கு ஆற்றிய பங்கு, மாணவர்களிடம் தன்னம்பிக்கையை வளர்த்ததன் மூலம் அனைவரது மனதிலும் வாழ்கிறார். 1931 அக்., 15ல் ராமேஸ்வரத்தில் ஏழை குடும்பத்தில் பிறந்து, ராக்கெட், ஏவுகணை, அணுவிஞ்ஞானி, நாட்டின் ஜனாதிபதியாக உயர்ந்தார். 2015ல் உயிர் பிரியும் வரை இளைஞர்களுக்கு வழிகாட்டியாக திகழ்ந்தார்.
16.10.2022
கடலுக்கடியில் ஆராய்ச்சி பனிப்படலம் நிறைந்த ஆர்டிக் கடல் பகுதியில் அதன் நீர்மட்டத்தில் இருந்து 32 அடி ஆழத்தில் ஆய்வகம் அமைத்து ஆராய்ச்சியில் ஈடுபட பிரான்சின் சாகச வீரர் ஆல்பன் மிக்ஹான் திட்டமிட்டுள்ளார். ஆய்வகத்துக்கு தேவையான நீர், காற்று, மின்சாரம் மறுசுழற்சி முறையில் பெறப்படுகிறது. ஆர்டிக் பகுதியில் வெப்பநிலை உயர்வால் ஏற்படும் விளைவுகள் பற்றி ஆய்வு செய்வதே இத்திட்டத்தின் நோக்கம். இத்திட்டத்தின்படி இந்த ஆய்வகத்தில் 6 மாதம் தங்கியிருந்து ஆய்வு செய்ய உள்ளனர். 2025ல் இதற்கான பணி தொடங்கும் என ஆல்பன் மிக்ஹான் தெரிவித்துள்ளார். தகவல் சுரங்கம் உலக உணவு தினம் உயிர் வாழ உணவு அவசியம். போதிய சத்தான உணவு அனைவருக்கும் கிடைக்க வலியுறுத்தி அக்.,16ல் உலக உணவு தினம் கடைபிடிக்கப்படுகிறது. பட்டினியால் அவதிப்படுபவர்களின் உணவு தேவையை பூர்த்தி செய்வதே இதன் நோக்கம். அனைவருக்கும் உணவு கிடைக்க வேண்டியது மனித உரிமையாக கருதப்படுகிறது. உலகில் 69 கோடி பேர் பட்டினியால் பாதிக்கப்பட்டுள்ளனர். உணவை வீணாக்காமல் தேவைப்படுவோருக்கு வழங்குவதே சிறந்த பணி. 'ஒருவரை கூட கைவிட்டு விடாதீர்கள்' என்பது இந்தாண்டு மையக்கருத்து.
17.10.2022
இயற்கை மின்சாரமே ஆதாரம் மின்சாரம் தவிர்க்க முடியாத ஒன்று. மின்சார உற்பத்தி என்பது அனல்மின் நிலையம், நீர்மின் நிலையம், காற்றாலை, சூரிய ஒளி, அணு மின்சாரம் என பல வழிகளில் நடைபெறுகிறது. இந்நிலையில் எதிர்காலத்தில் பருவநிலை பாதிப்பில் இருந்து உலகை பாதுகாக்க வேண்டுமெனில், 2050ம் ஆண்டுக்குள்காற்றாலை, சூரிய ஒளி, நீர்மின் போன்ற இயற்கை முறையில் மட்டுமே மின்சாரத்தை உற்பத்தி செய்யவேண்டும் என சர்வதேச வானிலை அமைப்புஎச்சரித்துள்ளது. இல்லையெனில் பருவநிலை மாற்றம் நமது மின் விநியோகஆற்றலில் பாதிப்பை ஏற்படுத்தும். தகவல் சுரங்கம் உலக வறுமை ஒழிப்பு தினம் ஒருவர் வறுமையால் பாதிக்கப்பட்டால் அவரது மனித உரிமை மீறப்படுகிறது என்கிறார் பிரான்சின் ஜோசப் ரெசின்கி. இவரது முயற்சியால் 1987 முதல் அக். 17ல் உலக வறுமை ஒழிப்பு தினம் கடைபிடிக்கப்படுகிறது. உலகில் 81 கோடி பேர் போதுமான உணவு கிடைக்காமலும், 69 கோடி பேர் பட்டினியாலும், 200 கோடி பேர் பாதுகாப்பான சுகாதார வசதி கிடைக்காமலும் பாதிக்கப்பட்டுள்ளனர். உணவு, குடிநீர், உடை,இருப்பிடம், கல்வி, வேலை இல்லாதவர்கள் வறுமையானவர்கள். 'நடைமுறையில் அனைவருக்கும் கவுரவம்' என்பது இந்தாண்டு மையக்கருத்து.
18.10.2022
நீருக்குள் சுவாசம் நம்மால் நீருக்குள் சுவாசிக்க முடியாது. ஆனால் மீன் போன்ற நீர்வாழ் உயிரினங்கள் இதற்கான சிறப்பை பெற்றுள்ளன. மீன்களின் உடல் அமைப்பில் நீருக்குள் இருக்கும் ஆக்சிஜனைப் பிரித்து எடுத்துக்கொண்டு கரியமில வாயுவை வெளியேற்றும் செவுள்கள் (கில்ஸ்) என்ற பாகம் உள்ளன. இதன் மூலமே அதன் சுவாசம் நடைபெறுகிறது. கடல் மீன்களின் வாய் வழியாக உள்ளே செல்லும் நீரில் இருந்து செவுள்களில் இருக்கும் நுண்ணிய துகள் ஆக்சிஜனை உறிஞ்சி ரத்தத்தில் சேர்க்கிறது. நன்னீர் மீன்கள், செவுள்கள் வழியாகவே நீரை உள்வாங்கி சுவாசிக்கின்றன. தகவல் சுரங்கம் இந்தியாவின் நீளமான கால்வாய் பஞ்சாபின் ஹர்கி என்ற இடத்தில் தொடங்கி ஹரியானா, ராஜஸ்தான் வரை செல்கிறது 'இந்திரா கால்வாய்'. இது 1984க்கு முன் ராஜஸ்தான் கால்வாய் என அழைக்கப்பட்டது. இதன் நீளம் 650 கி.மீ. பஞ்சாபில் 167 கி.மீ., துாரமும், ஹரியானாவில் 37 கி.மீ., துாரமும் பாய்கிறது. கால்வாயின் முக்கிய நோக்கம் ராஜஸ்தானின் விவசாய நிலங்களை வளப்படுத்துவதே என்பதால், இம்மாநிலத்தில் மட்டும் 445 கி.மீ,., துாரம் இக்கால்வாய் பாய்கிறது. 16 லட்சம் ஏக்கர் நிலம் பாசன வசதி பெறுகிறது. இந்தியாவின் நீளமான கால்வாய் என அழைக்கப்படுகிறது. --
19.10.2022
இன்றைய சூழலில் நாள்பட்ட, நிலையான மன அழுத்தம் காரணமாக இருதய, பக்கவாத பாதிப்பு அதிகரிக்கிறது. இந்நிலையில் மன அழுத்தத்தை குறைக்க, அதிலிருந்து விடுபட எளிமையான வழியை அமெரிக்க இருதய கூட்டமைப்பு தெரிவித்துள்ளது. இது குறித்து மக்களிடம் நடத்திய ஆய்வின்படி, நாம் வழக்கமாக சாப்பிடும் உணவை, குடும்பத்துடனோ, நண்பர்கள், உறவினர் களுடனோ சேர்ந்து சாப்பிட்டால் மன அழுத்தம் வெகுவாக குறைகிறது என தெரிவித்துள்ளது. சக பணியாளர்களுடன் சேர்ந்து சாப்பிடும் போது பணியில் மன அழுத்தம் குறைவதாக 69% பேர் தெரிவித்துள்ளனர். தகவல் சுரங்கம் கடல் எல்லை ஒரு நாட்டின் நிலப்பகுதி எல்லை வரையறுக்கப் பட்டுள்ளது போல, சர்வதேச கடல் சட்டம் 1982 டிச. 10ல் ஐ.நா., தீர்மானத்தின் படி வரையறுக்கப்பட்டது. 1994ல் அமலுக்கு வந்தது. இச்சட்டத்தின்படி ஒரு நாட்டின் கடற்கரையில் இருந்து 22.2 கி.மீ. வரை உள்ள கடல் பகுதி அந்நாட்டின் ஆளுகைக்குட்பட்டது. அதற்குட்பட்ட கடல், வான் பகுதி எல்லாம் அதன் எல்லை எனக் கருதுகின்றனர். இது தவிர கடற்கரைப் பகுதியைப் பாதுகாக்கும் பொருட்டு கடல் எல்லையில் இருந்து அடுத்த 22.2 கி.மீ. வரை உள்ள கடல் பகுதி அண்மை கடற்பரப்பு எனப்படுகிறது.
20.10.2022
எரிமலையின் பரிணாமம் பூமியின் தரைப்பகுதியின் கீழே மண், பாறைகள் நிரம்பி இருக்கின்றன. இது 24 கி.மீ., - 160 கி.மீ., ஆழம் இருக்கும். இதற்கு கீழே பாறைகள் உருகிய நிலையில் இருக்கும். இது 'மேன்டில். பூமியின் மையப்பகுதி 6000 டிகிரி செல்சியஸ் வெப்ப நிலையில் இருப்பதால் அதற்கு மேலே இருக்கும் மேன்டில் அடுக்கில் பாறைகள் உருகி குழம்பு மாதிரி ஓடி கொண்டிருக்கும். இது 'மாக்மா'. இவை சாம்பல், புகையுடன் சேர்ந்து தரைப் பரப்பின் மேல் இருக்கும் ஓட்டை வழியாக வெளியேறும். இதுதான் 'லாவா'. பின் இது காலப்போக்கில் மலை போன்ற அமைப்பு உருவாகிறது. இதுதான் எரிமலை. தகவல் சுரங்கம் நீண்டதுார பறவை பறவை இனங்களில் நீண்ட துாரம் செல்வது 'ஆர்க்டிக் டெர்ன்' பறவை. 'ஆர்டிக் ஆலா' எனவும் அழைக்கப்படுகிறது. உலகிலேயே அதிக துாரம் வலசை செல்லும் பறவை இதுதான். இதன் நீளம் 28 - 39 செ.மீ., இறக்கையின் நீளம் 65 - 75 செ.மீ. வெள்ளை நிறத்தில் காணப்படும். இதன் ஆயுட்காலம் 15 - 30 ஆண்டுகள். இதன் முக்கிய உணவு மீன், முதுகெலும்பு இல்லாத கடல்வாழ் உயிரினங்கள். இது ஒருமுறை வலசை சென்று திரும்பி வர 70,900 கி.மீ., துாரம் பயணம் செய்கிறது. தன் வாழ்நாளின் பெரும்பகுதியை, பறப்பதிலேயேசெலவிடுகிறது.
21.10.2022
'டிவி' சிக்னல் எப்படி இன்றைய சூழலில் 'டிவி' இல்லாத வீடுகளே இல்லை எனலாம். கண்ணாடி வழியாக ஒளி ஊடுருவும். ஆனால் காற்றால் கண்ணாடி வழியே புகுந்து கடக்க முடியாது. ஒலி பரவ காற்று வேண்டும். காற்றில் மிதந்துதான் ஒலி பரவும். அதாவது காற்றே இல்லாத வெற்றிடத்தில் ஒலி பரவாது. ஆனால் ரேடியோ, 'டிவி' போன்ற சாதனங்கள் இயங்கத் தேவையான மின்காந்த அலைகள், வெற்றிடத்தில் கூடப் பரவும். எனவே காற்று இருந்தாலும், இல்லாவிட்டாலும் அவற்றால் இயங்க முடியும். இந்த அடிப்படையில் தான் 'டிவி'க்கு காற்று வழியாக சிக்னல் கிடைக்கிறது. தகவல் சுரங்கம் காவல்துறை நினைவு தினம் சட்டம் ஒழுங்கு பாதுகாப்பு, மீட்பு பணி உட்பட பல்வேறு பணிகளில் போலீசார் ஈடுபடுகின்றனர். போலீசாரின் உயிர் தியாகத்துக்கு அஞ்சலி செலுத்தும் விதமாக அக்.20ல் தேசிய போலீஸ் நினைவு தினம் கடைபிடிக்கப் படுகிறது. 1959 அக். 21ல் லடாக்கில் எல்லையில் பாதுகாப்பு பணியில் ஈடுபட்ட 10 போலீசாரை சீனராணுவத்தினர் சுட்டுக்கொன்றனர். இவர்களின் தியாகத்தை அங்கீகரிக்கும் விதமாக 2018ல் இத்தினம் உருவாக்கப்பட்டது. புதுப்பிக்கப்பட்ட, மேம்படுத்தப்பட்ட தேசிய போலீஸ் நினைவகம், அருங்காட்சியகத்தை பிரதமர் மோடி 2018ல் நாட்டுக்கு அர்ப்பணித்தார்.
22.10.2022
குப்பையாகும் 500 கோடி அலைபேசி உலகில் 1600 கோடி அலைபேசிகள் உள்ளன. இதில் 500 கோடி மறுசுழற்சி செய்யப்படாமல் குப்பைக்கு செல்ல உள்ளது என சர்வதேச எலக்ட்ரிக்கல், எலக்ட்ரானிக்ஸ் கழிவுகளுக்கான ஆணையம் (டபிள்யூ.இ.இ.இ) தெரிவித்துள்ளது. இவை சுற்றுச் சூழலுக்கு அச்சுறுத்தலாக அமையும். பலர் தங்களது பழைய அலைபேசியை மறுசுழற்சி செய்யாமல் வைத்துள்ளனர். மின்னணு சாதனங்களில் உள்ள தாமிரம், ரீசார்ஜ் பேட்டரிகளில் உள்ள கோபால்ட் போன்ற பிரித்தெடுக்கப்படாத முக்கிய தாதுக்கள் மின்னணு கழிவில் இருந்து எடுக்கப்பட வேண்டும் என அந்த அமைப்பு வலியுறுத்தியுள்ளது. தகவல் சுரங்கம் இந்தியாவின் பெரிய கோட்டை ராஜஸ்தானில் தெற்கில் உள்ள சித்தோர்கார்ஹ் மாவட்டத்தில் சித்தோர்கார் கோட்டை உள்ளது. இது இந்தியாவின் பெரிய கோட்டை என அழைக்கப்படுகிறது. மலைப்பகுதியில் அமைந்துள்ள இந்த கோட்டையின் உயரம் 590 அடி. இதன் பரப்பளவு 692 ஏக்கர். இதற்குள் 4 அரண்மனை, 19 பெரிய கோயில்கள், 20 இயற்கை நீர் நிலைகள் (கிணறு, குளம்), 4 நினைவகம் உட்பட பல அம்சங்கள் உள்ளன. 2013ல் யுனெஸ்கோவின் உலக கலாசார பண்பாட்டு சின்னங்கள் பட்டியலில் இடம் பெற்றது. ராஜஸ்தானின் முக்கிய சுற்றுலா இடங்களில் ஒன்றாக திகழ்கிறது.
23.10.2022
மாணவிகள் அதிக மதிப்பெண் ஏன் பள்ளி, கல்லுாரி என தேர்வுகளில் மாணவர்களை விட மாணவிகள் அதிக மதிப்பெண் பெறுவதை பார்க்கிறோம். இந்நிலையில் கல்வியில் மாணவ - மாணவிகள் ஒரே அளவில் திறமையாக இருந்தாலும், மாணவிகளுக்கு ஆசிரியைகள் அதிக மதிப்பெண் தருவதாக இத்தாலியின் டிரன்டோ பல்கலை ஆய்வு தெரிவித்துள்ளது. 15 - 16 வயதுக்குட்பட்ட 40 ஆயிரம் மாணவர்களிடம் ஆய்வு நடத்தப்பட்டது. இதில் மாணவிகள் எப்போதும் சிறந்த நடத்தை, நேர்த்தி, அமைதி, கற்பிப்பதற்கு எளிதாக இருப்பதால் அவர்களுக்கு அதிக மதிப்பெண் வழங்குவதாக ஆசிரியர்கள் தெரிவித்துள்ளனர். தகவல் சுரங்கம் பனிச்சிறுத்தைகளின் பூங்கா லடாக் யூனியனில் அமைந்துள்ள 'ெஹமிஸ் தேசிய பூங்கா', இந்தியாவின் உயரமான பூங்கா என அழைக்கப்படுகிறது. கடல் மட்டத்தில் இருந்து 17,000 அடி உயரத்தில் அமைந்துள்ளது. இது 1981ல் தொடங்கப்பட்டது. இதன் பரப்பளவு 1400 சதுர கி.மீ. பனிச்சிறுத்தைகளுக்கு புகழ் பெற்றது. உலகில் அதிகபட்சமாக 200 பனிச்சிறுத்தைகள் இங்கு வாழ்கின்றன. இமயமலையின் வடக்கு பகுதியில் உள்ள ஒரே பூங்கா இதுதான். இங்கு சராசரி கோடைகால வெப்பநிலை 15 டிகிரி செல்சியஸ். குளிர்காலத்தில் மைனஸ் 30 டிகிரி செல்சியஸ். இங்கு 1500 பேர் வசிக்கின்றனர். புதிய செய்திகளுக்கு தினமலர் சேனலை SUBSCRIBE செய்யுங்கள
24.10.2022
கண் மூடினாலும் காட்சி வெளிச்சத்தில் ஒளிக்கதிர்கள் நம் கண் விழித்திரையில் விழுவதன் மூலம் காட்சி தோன்றுகிறது. ஆனால் கண்களை மூடும்போது நிறங்கள் தெரிவது 'ஒளியறு காட்சிப்போலி' எனப்படும். விழி மூடிய நிலையிலும் கண்கள், மூளையின் பார்வைப் பகுதியில் இயக்கம் நடந்துகொண்டேதான் இருக்கிறது. கண்கள் திறந்திருக்கும்போது விழித்திரையில் பதியும் ஒளிக்கதிர்கள், மூடிய நிலையிலும் விழித்திரையில் ஒளி துாண்டிய துடிப்பு என தவறாக மூளை விளங்கி அதனைக் காட்சிப்படுத்த முயலும்போதுதான் இவ்வாறு நிறங்கள், காட்சி தோன்றுகின்றன தகவல் சுரங்கம் போலியோ, ஐ.நா., தினம் உலகில் அமைதி, நல்லுறவை வளர்ப்பது, நோய், வறுமையை ஒழிப்பது உட்பட பல பணிகளில் ஐ.நா., சபை செயல்படுகிறது. இது 1945 அக்.,24ல் உருவாக்கப்பட்டது. இதன் சேவையை அங்கீகரிக்கும் விதமாக அக்., 24ல் ஐ.நா., சபை தினம் கடைபிடிக்கப்படுகிறது. * உலகை அச்சுறுத்திய போலியோ நோய்க்கு முதலில் தடுப்பு மருந்து கண்டுபிடித்த ஜோனாஸ் சால்க்கை கவுரவிக்கும் விதமாக அக். 24ல் உலக போலியோ தினம் கடைபிடிக்கப்படுகிறது. இளம்பிள்ளை வாதம் எனும் 'போலியோமியெலிட்டிஸ்' சுருக்கமே 'போலியோ'.
25.10.2022
பெண்களுக்கு அதிகம் உலகளவில் 2 ஆண்டுகளில் நீண்டகால கொரோனாவால் பாதிக்கப்பட்டவர்களில் 63 சதவீதம் பேர் பெண்கள் என அமெரிக்காவின் வாஷிங்டன் பல்கலை ஆய்வு தெரிவித்துள்ளது. இவர்களில் 51% பேருக்கு சோர்வுடன் கூடிய உடல்வலி, 60% பேருக்கு சுவாச பிரச்னை, 35% பேருக்கு மனநிலை, நினைவாற்றல் பாதிப்பு பிரச்னை மூன்று மாதங்களுக்கு மேல் தொடர்கிறது. கொரோனா பாதிப்பு ஏற்பட்டு மூன்று மாதங்களுக்குப்பின்பும் அதன் அறிகுறிகள் இருந்தால், அது நீண்டகால கொரோனா பாதிப்பு என உலக சுகாதார நிறுவனம் வரையறுத்துள்ளது. தகவல் சுரங்கம் தகவல் அறியும் உரிமை அரசு, அரசிடம் உதவி பெறும் நிறுவனங்களிடமிருந்து தகவல்களை மக்கள் அறிந்து கொள்ள மத்திய அரசு 2005ல் தகவல் அறியும் உரிமைச் சட்டத்தை கொண்டு வந்தது. இச்சட்டம் குறித்து மக்களிடம் விழிப்புணர்வு ஏற்படுத்தும் விதமாக அக். 25ல் தகவல் அறியும் உரிமை சட்ட தினம் கடைப்பிடிக்கப்படுகிறது. அரசு அதிகாரிகள் வெளிப்படையாக இருப்பதும், யார் கேட்டாலும் அவர்களுக்கு தகவல்களை தெரிவிப்பதும் அரசின் கடமை என இச்சட்டத்தில் உறுதிப்படுத்தப்பட்டுள்ளது. விண்ணப்பம் கிடைத்த 30 நாட்களுக்குள் தகவல் அலுவலர் பதிலளிக்க வேண்டும்.
26.10.2022
பூமியை சூடாக்கும் காற்றுமாசு வனப்பகுதிகளில் ஏற்படும் காட்டுத்தீ காரணமாக பூமியின் வெப்பநிலை நாம் நினைப்பதை விட கூடுதல் காலம் நீடிக்கும் என கனடாவின் டொரண்டோ பல்கலை ஆய்வில் தெரிவிக்கப்பட்டுள்ளது. காற்றுமாசுக்கு காட்டுத்தீ முக்கிய காரணமாக அமைகிறது. பருவநிலை மாற்றத்தின் விளைவுகளை இது மேலும் மோசமாக்கும். காட்டுத்தீயில் இருந்து வெளியாகும் புகையில் ரசாயன ஆர்கானிக் பழுப்பு நிற கார்பன் வெளியேறுகிறது. இது சூரிய ஒளியை உறிஞ்சி உலக வெப்பமயமாதலுக்கு காரணமாகிறது. பிளாஸ்டிக் நுண் துகள்களும் வெப்பநிலை உயர்வுக்கு காரணமாகிறது. தகவல் சுரங்கம் முதல் 'பனி' பெண் பூமியில் முழுவதும் பனிப்பாறையால் சூழப்பட்ட பகுதி அண்டார்டிகா. இங்கு மனிதர்கள் நிரந்தரமாக வசிக்க இயலாது. ஆராய்ச்சி பணிக்காக மட்டும் பல்வேறு நாடுகளின் விஞ்ஞானிகள் சென்று வருகின்றனர். அண்டார்டிகாவில் முதலில் காலடி எடுத்து வைத்த பெண்மணி என அழைக்கப்படுபவர் டென்மார்க்கின் கரோலின் மிக்கெல்சன். 1906ல் பிறந்த இவர் கணவருடன் நார்வேக்கு இடம்பெயர்ந்தார். 1935ல் கணவரும், கப்பல் கேப்டனுமான கிளாரஸ் மிக்கெல்சன் அடங்கிய ஆராய்ச்சி குழுவுடன் 'தோர்ஷவ்ன்' கப்பலில் அண்டார்டிகா சென்றார். பிப். 20ல் அங்கு காலடி வைத்தார்.
27.10.2022
புதிய கண்டம் பூமியில் அடுத்த 20 - 30 கோடி ஆண்டுகளில் பசிபிக் கடல் மறைந்து விட்டு ஆசியா கண்டம், அமெரிக்கா கண்டத்துடன் இணைந்து புதிய கண்டம் உருவாகும் என ஆஸ்திரேலியாவின் கர்டின் பல்கலை, சீனாவின் பெகிங் பல்கலை இணைந்து நடத்திய ஆய்வில் தெரிவிக்கப்பட்டுள்ளது. 'சூப்பர் கம்ப்யூட்டரை' பயன்படுத்தி கண்ட தட்டுகளின் நகர்வுகளை ஆராய்ந்து இம்முடிவை வெளியிட்டுள்ளனர். இக்கண்டத்திற்கு 'அமேசியா' என பெயரிட்டுள்ளனர். ஒவ்வொரு 60 கோடி ஆண்டுகளுக்கு ஒருமுறை கண்டங்கள் இணைந்து புதிய கண்டம் உருவாகிறது என தெரிவித்துள்ளனர். தகவல் சுரங்கம் பெரிய கடல் பறவை 'அல்பட்ராஸ்' பறவை உலகின் பெரிய கடல் பறவை என அழைக்கப்படுகிறது. அட்லாண்டிக் கடல், வடக்கு பசிபிக் கடல் பகுதியில் வாழ்கின்றன. இவை வெண்மை நிற கழுத்தும், பெரிய அலகும் கொண்டது. இதன் இறக்கை 12 அடி நீளம் வரை இருக்கும். கணவாய், கிரில், மீன் உள்ளிட்டவற்றை உணவாக உட்கொள்கிறது. இதில் 22 வகைகள் உள்ளன. இவற்றில் 19 வகைகள் அழிந்து வரும் பறவை இனங்கள் பட்டியலில் உள்ளன. இவை வெகுதுாரம் பறக்க வல்லவை. இவை தன் இறக்கையை அசைக்காமல் (பிளாப்) 1000 கி.மீ., துாரம் வரை செல்லும்.
28.10.2022
உருகும் ஆல்ப்ஸ் ஐரோப்பாவில் உள்ள ஆல்ப்ஸ் மலைத்தொடர் பனிப்பாறைகள் கடந்த 19 ஆண்டுகளில் இல்லாத அளவுக்கு இந்த கோடையில் மிக அதிகமாக உருகியுள்ளது என ஆய்வு தெரிவித்துள்ளது. கடந்தாண்டு ஐரோப்பிய நாடுகளில் அதிகபட்ச வெப்பநிலை பதிவானது. பிரிட்டனில் வரலாற்றில் இல்லாத அளவாக 40 டிகிரி செல்சியஸ் வெப்பநிலையை தாண்டியது. இதுவும் ஆல்ப்ஸ் பனிப்பாறைகள் உருகியதற்கு காரணம். ஆல்ப்ஸ் மலைத்தொடர் 1200 கி.மீ., துாரம் பரவியுள்ளது. அகலம் 250 கி.மீ. பரப்பளவு 2 லட்சம் சதுர கி.மீ. உயரம் 15,777 அடி. தகவல் சுரங்கம் அனிமேஷன் தினம் அனிமேஷனின் முக்கியத்துவம், அழகை ஒவ்வொரு நாளும் டிவியில் காண்கிறோம். அசையும் படங்களை கொண்டு உருவாக்கப்படும் அனிமேஷன் படங்கள் தற்போது குழந்தைகளை மட்டுமல்லாமல் அனைத்து தரப்பு மக்களையும் கவர்ந்துள்ளது. அனிமேஷனின் பயன் டிவி, இசை, மீடியா, இன்டர்நெட், விளையாட்டு துறைகளில் பயன்படுகிறது. பிரான்சின் சார்லெஸ் எமிலி ரொனால்ட், 1892 அக். 28ல் உலகின் முதல் அனிமேஷன் திரைப்படத்தை வெளியிட்டார். இச்சாதனையை நினைவு கூறும் விதமாக 2002ல் இத்தினத்தை சர்வதேச அனிமேஷன் சங்கம் துவக்கியது.
29.10.2022
வடகிழக்கு பருவமழை தமிழகத்தில் வடகிழக்கு பருவமழை காலம் தொடங்குகிறது. தென்மேற்கு பருவ மழை பெயர்ச்சியின் காரணமாக வட இந்தியாவில் காற்று குளிர்ச்சி அடைகிறது. இதனால் அடர்த்தி அதிகமாகிறது. இந்தியப் பெருங்கடலில் காற்று சூடாகிறது. காற்றின் அடர்த்தி குறைகிறது. இதனால் அடர்த்தி அதிகமான பகுதியில் இருந்து அடர்த்தி குறைவான பகுதியை நோக்கி காற்று வீசுகிறது. வடக்கில் இருந்து கிழக்கு நோக்கி வீசுவதால் இது வடகிழக்கு பருவக்காற்று எனப்படுகிறது. தென்மேற்கு பருவமழைக்கு பின்பு வருவதால் இதனை பின் பருவ மழைக்காலம் என்கின்றனர். தகவல் சுரங்கம் உலக இன்டர்நெட் தினம் உலகம் உள்ளங்கையில் உள்ளது என்றால் அது 'இன்டர்நெட்' தொழில்நுட்பத்தால் தான் சாத்தியமானது. 1969 அக். 29ல் கலிபோர்னியா பல்கலை மாணவர் சார்லி கிளைன் ஒரு கம்ப்யூட்டரில் இருந்து மற்றொன்றுக்கு மின்னணு செய்தி அனுப்பினார். இதை நினைவு படுத்தும் விதமாகவும், இன்டர்நெட்டை பயனுள்ள வகையில் பயன்படுத்த வலியுறுத்தியும் 2005 முதல் அக். 29ல் உலக இன்டர்நெட் தினம் கடைபிடிக்கப்படுகிறது. அப்போது இன்டர்நெட் பெயர் 'அர்பாநெட்' என அழைக்கப்பட்டது. உலகில் தற்போது 507 கோடி 'இன்டர்நெட்' பயனாளிகள் உள்ளனர்.
30.10.2022
காத்திருக்கு வெப்ப அலை உலகில் 2050க்குள் 200 கோடி குழந்தைகள், ஆண்டுக்கு 4 முறை வெப்ப அலையை (ஹீட் வேவ்) சந்திக்க நேரிடும் என ஐ.நா., ஆய்வு எச்சரித்துள்ளது. பசுமை இல்ல வாயு வெளியீடு உயர்வு அடுத்த 30 ஆண்டுகளில் 1.7 டிகிரி செல்சியஸ்க்குள் இருந்தாலும், வெப்ப அலையை தடுக்க முடியாது. இதிலிருந்து தப்பிக்க வேண்டுமெனில் குழந்தைளுக்கு சுகாதாரம், உணவை பூர்த்தி செய்வது, இளைஞர்களிடம் பருவநிலை மாற்றம் பற்றி விழிப்புணர்வு ஏற்படுத்துவது, அனைத்து நாடுகளும் பசுமை இல்ல வாயு வெளியீடு அளவை குறைப்பது போன்ற நடவடிக்கைகளை மேற்கொள்ள வேண்டும். தகவல் சுரங்கம் உலக சிக்கன தினம் சிக்கனமும் சேமிப்பும் ஒரு குடும்பத்துக்கு மட்டுமல்லாமல் நாட்டின் பொருளாதார வளர்ச்சியிலும் பங்கு வகிக்கிறது. சேமிப்பு பழக்கம் இருந்தால் எதிர்காலத்தை பற்றிய பயம் தேவையில்லை. சேமிப்பு என்பது பணத்தை சேமிப்பது மட்டுமல்ல. மின்சாரம், உணவு, குடிநீர், இயற்கை வளங்கள் என பலவற்றை உள்ளடக்கியது. நமது தேவைக்கு ஏற்ப மட்டும் செலவு செய்ய வேண்டும். 1924ல் இத்தாலியில் சர்வதேச சேமிப்பு வங்கிகளின் மாநாட்டில் சிக்கனத்தை வலியுறுத்தும் விதமாக அக்., 31ல் உலக சிக்கன தினம் உருவாக்கப்பட்டது. ஆனால் இந்தியாவில் அக். 30ல் கடைபிடிக்கப்படுகிறது.
31.10.2022
சிகரத்தில் வானவியல் ஆராய்ச்சி உத்தரகண்ட்டின் நைனிடால் நகரில் இருந்து 9 கி.மீ. துாரத்தில் மனோரா சிகரத்தில், ஆரியபட்டா ரிசர்ச் இன்ஸ்டிடியூட் ஆப் அப்சர்வேஷன் சயின்ஸ் (ஏ.ஆர்.ஐ.இ.எஸ்.,) ஆய்வு மையம் அமைந்து உள்ளது. இது 1954 ஏப்., 20ல் தொடங்கப்பட்டது. இது கடல்மட்டத்தில் இருந்து 6401 அடி உயரத்தில் உள்ளது. இங்கு வானவியல், வான் இயற்பியல் உள்ளிட்ட துறைகளில் ஆராய்ச்சிகள் மேற்கொள்ளப்படுகின்றன. இம்மையத்தில் கோள்கள், நட்சத்திரங்களை தொலைநோக்கி மூலம் காண்பதற்கான வசதி உள்ளது. முன் அனுமதியுடன் பார்வையாளர்கள் அனுமதிக்கப்படுகின்றனர். தகவல் சுரங்கம் ஒற்றுமை தினம் இந்தியாவின் முதல் துணை பிரதமர், உள்துறை அமைச்சராக இருந்த வல்லபாய் படேலின் பிறந்த தினமான அக்., 31 தேசிய ஒற்றுமை தினமாக கடைபிடிக்கப்படுகிறது. சுதந்திரத்துக்குப்பின் 565 சமஸ்தானங்களாக பிரிந்து கிடந்த இந்தியாவை ஒரே தேசமாக மாற்றி 'இரும்பு மனிதர்' ஆனார். 1875 அக். 31ல் குஜராத்தில் பிறந்தார். பிரிட்டனில் சட்டப்படிப்பு முடித்தார். உப்பு சத்யாகிரகத்தில் பங்கேற்று சிறை சென்றார். ஒத்துழையாமை இயக்கத்தின் படி, வெளிநாட்டு ஆடைகளை புறக்கணித்தார். 'வெள்ளையனே வெளியேறு' போராட்டத்திலும் முக்கிய பங்காற்றினார்.
01.11.2022
ரயில் பாதை ரகசியம் வெப்பத்தினால் பொருட்களின் நிலைமாற்றம் உட்பட பல செயல்கள் நடைபெறுகின்றன. அதில் வெப்ப விரிவும் ஒன்று. அதிக வெப்பம் காரணமாக கம்பி, இரும்பு உள்ளிட்ட பொருட்கள் வழக்கத்தை விட விரிவடையும். எனவேதான் ரயில் பாதை அமைக்கும்போது தண்டவாளத் துண்டுகளுக்கு இடையில் சிறிய இடைவெளி விடப்படுகிறது. இந்த இடைவெளி இல்லை என்றால், சாதாரண காலங்களில் கச்சிதமாக இருக்கும் தண்டவாளம், கோடைக் காலத்தில் வெப்ப விரிவு அடையும்போது நீளமும் அகலமும் அதிகமாகி ஒழுங்கு இல்லாமல் நெளிந்துவிடும். தகவல் சுரங்கம் நீளமான கால்வாய் சீனாவின் 'கிராண்ட் கால்வாய்' உலகில் செயற்கையாக உருவாக்கப்பட்ட பெரிய ஆறு என அழைக்கப்படுகிறது. இது சீன தலைநகர் பீஜிங்கில் தொடங்கி ெஹபேய், ஷாண்டாங், ஜியாங்ஷூ ஆகிய பகுதிகள் வழியாக ஹாங்ஷூ நகரில் யாங்ட்ஜ் ஆறு மற்றும் மஞ்சள் ஆற்றுடன் இணைகிறது. இக்கால்வாயின் உயரமான இடம் சான்டாங் மலை உச்சியில் (138 அடி) அமைந்துள்ளது. இதன் நீளம் 1776 கி.மீ., இக்கால்வாயில் கப்பல்கள் செல்கின்றன. இது யுனெஸ்கோவின் உலக கலாசார சின்னங்கள் பட்டியலில் உள்ளது. சீனாவின் சுற்றுலாத்தலங்களில் ஒன்றாக விளங்குகிறது.
02.11.2022
பகல் - இரவு ஏற்படுவது எப்படி சூரிய குடும்பத்தில் உள்ள கோள்களில் நாம் வாழும் பூமி கோள வடிவம் கொண்டது. வட - தென் துருவங்களை இணைக்கும் அச்சில், பூமி தன்னைத்தானே சுற்றுகிறது. அவ்வாறு சுற்றும்போது பூமியின் ஒரு குறிப்பிட்ட பகுதி சூரியனுக்கு நேராகவும், மறுபகுதி எதிர் திசையிலும் செல்லும். இதுவே பகல், இரவு ஏற்பட காரணம். சூரியனை நோக்கி அமைந்தால் அந்த பூமிப்பகுதி பகல். அதே நேரத்தில் சூரியனுக்கு எதிர் திசையில் உள்ள பூமிப்பகுதி இரவு. பூமி தன்னைத்தானே சுற்றும்போது பூமியின் ஒவ்வொரு பகுதியும், பகல் இரவை இவ்வாறுதான் சந்திக்கிறது. தகவல் சுரங்கம் பத்திரிகையாளர்களுக்கு பாதுகாப்பு பத்திரிகையாளர்களை பாதுகாக்கும் விதமாக ஐ.நா., சார்பில் நவ.2ல் பத்திரிகையாளர் மீதான குற்றங்களுக்கான தண்டனையின்மைக்கு முடிவு கட்டும் தினம் கடைபிடிக்கப்படுகிறது. உலகளவில் உண்மை செய்திகளை வெளிக்கொண்டு வந்ததற்காக 2006 முதல் 2020 வரை 1200 பத்திரிகையாளர்கள் பணி நேரத்தில் பலியாகியுள்ளனர். இவ்வாறான குற்றவாளிகளில் பத்தில் ஒன்பது பேர் எவ்வித தண்டனையுமின்றி தப்பி விடுகின்றனர். கடந்த 30 ஆண்டுகளில் அதிகபட்சமாக 2020ல் 274 பத்திரிகையாளர்களுக்கு சிறை தண்டனை விதிக்கப்பட்டது.
03.11.2022
தாவரங்களின் கழிவுகள் மற்ற உயிரினங்களை போல தாவரங்களும் கழிவுகளை வெளியிடுகின்றன. ஒளிச்சேர்க்கை வினையின்போது தாவரங்கள் வளிமண்டலத்தில் உள்ள கார்பன் டை ஆக்சைடை உள்வாங்கி, கழிவுப் பொருளாக ஆக்சிஜனை வெளியிடுகின்றன. இலை, மரப்பட்டைகளில் கழிவினைத் தேக்கி வைத்துவிடுகிறது. அவ்வப்போது இலைகள், மரப்பட்டை உதிர்ந்து கழிவுகள் வெளியேறுகின்றன. மரம், தாவரங்களில் கசியும் பிசின்,பிசுபிசுக்கும் பால், ரப்பர் உட்பட அனைத்தும் தாவரங்களின் கழிவுதான். தேயிலையின் சுவை, மணம் தரும் 'டானின்' வேதிப்பொருள் கூட அதன் கழிவுதான். தகவல் சுரங்கம் அகதிகளுக்கு ஆதரவு அகதிகளாக இடம் பெயர்வோர், சொந்த இருப்பிடம் இல்லாதோர் போன்றவர்களுக்கு பாதுகாப்பு அளிக்கும் வகையில் அகதிகளுக்கான ஐ.நா., ஆணையம் (யு.என்.எச்.சி.ஆர்.,) ஈடுபடுகிறது. இரண்டாம் உலகப்போருக்குப்பின் இது 1950 டிச. 14ல் தொடங்கப்பட்டது. இதன் தலைமையகம் சுவிட்சர்லாந்தின் ஜெனீவா. இந்த அமைப்பின் சார்பில் 135 நாடுகளில் 17,300 பேர் பணியாற்றுகின்றனர். இதன் சிறந்த சேவைக்காக 1954, 1981ல் அமைதிக்கான நோபல் பரிசு வழங்கப்பட்டது. உலகில் வலுக்கட்டாயமாக சொந்த நாட்டிலிருந்துவெளியேறியவர்கள் எண்ணிக்கை 10 கோடியாக உள்ளது. ப
04.11.2022
பிளாஸ்டிக் அவலம் கடல்வாழ் உயிரினங்களில் பெரியது திமிங்கலம். இதில் சில வகைகள் உள்ளன. இது கடலின் 165 அடி - 820 அடி ஆழத்தில் வாழும். இந்நிலையில் நீலத்திமிங்கலம் ஒரு நாளைக்கு 1 கோடி பிளாஸ்டிக் நுண் துகள்களை (43.6 கிலோ) உட்கொள்ள நேரிடுகிறது என கலிபோர்னியா பல்கலை ஆய்வு தெரிவித்துள்ளது. கடலில் 151 நீலத்திமிங்கலங்களை விஞ்ஞானிகள் கண்காணித்து இம்முடிவை வெளியிட்டுள்ளனர். 'ஹம்ப்பேக்' திமிங்கலங்கள் 40 லட்சம் பிளாஸ்டிக் நுண் துகள்களை உட்கொள்கிறது. பிளாஸ்டிக்கின் அச்சுறுத்தல் எந்தளவுக்கு உள்ளது என்பதை காட்டுகிறது. தகவல் சுரங்கம் நிலக்கரி மியூசியம் மின்சாரம் உட்பட பல வழிகளிலும் நிலக்கரி பயன்படுகிறது. ஆயிரக்கணக்கான மக்களின் வாழ்வாதாரமாகவும் உள்ளது. வடகிழக்கு மாநிலமான அசாமின் மார்ெஷரிட்டா நகரில் நிலக்கரி மியூசியம் உள்ளது. இது இந்தியாவின் ஒரே நிலக்கரி மியூசியம் என்ற சிறப்பு பெற்றது. 2012 அக். 29ல் சர்வதேச தரத்துடன் தொடங்கப்பட்டது. இங்கு ரயில் இன்ஜின், இரண்டாம் உலகப்போர் தொடர்பான அரிதான புகைப்படங்கள்,உலகளவிலான தபால் தலைகள் (ஸ்டாம்ப்), அசாம்ரயில்வேயின் வரலாறு போன்றவை பொதுமக்கள்பார்வைக்கு காட்சிப்படுத்தப்பட்டுஉள்ளன.
05.11.2022
சிறிய கொம்பு காண்டாமிருகம் காண்டாமிருகங்களில் வெள்ளை, கருப்பு, இந்தியன், ஜாவா, சுமத்ரா என வகைகள் உள்ளன. இந்நிலையில் உலகில் கடந்த 140 ஆண்டுகளை (1886 - 2019) சேர்ந்த 80 காண்டாமிருகங்களின் புகைப்படத்தை வைத்து பிரிட்டனின் கேம்ப்ரிட்ஜ் பல்கலை ஆய்வு நடத்தியது. இதில் இதன் கொம்புகளின் நீளம் படிப்படியாக குறைந்து வந்துள்ளது கண்டுபிடிக்கப்பட்டது. இதன் கொம்புகளுக்காக மனிதர்கள் நடத்திய வேட்டையே இதற்கு காரணம் என விஞ்ஞானிகள் கண்டறிந்தனர். இதன் கொம்புகள் மருத்துவம் உட்பட பல்வேறு தேவைகளுக்கு பயன்படுகிறது. தகவல் சுரங்கம் சுனாமி விழிப்புணர்வு தினம் சுனாமியை மூன்கூட்டியே அறிந்து நடவடிக்கை எடுப்பதில் உலக நாடுகள் ஒருங்கிணைந்து செயல்பட வலியுறுத்தி ஐ.நா., சார்பில் நவ. 5ல் உலக சுனாமி விழிப்புணர்வு தினம் கடைபிடிக்கப்படுகிறது. சுனாமி என்பது ஜப்பானிய மொழி சொல். இதற்கு 'துறைமுக அலை' எனப் பொருள். 'ஆழிப்பேரலை' எனவும் அழைக்கப்படுகிறது. கடலில் நிலநடுக்கம் ஏற்படும் போது சுனாமி உருவாகிறது. உலகில் 100 ஆண்டுகளில் 58 முறை சுனாமி ஏற்பட்டுள்ளது. இதில் 2.60 லட்சம் பேர் உயிரிழந்தனர். 2004ல் இந்தியா உள்ளிட்ட நாடுகளை தாக்கிய சுனாமியில் 2.27 லட்சம் பேர் பலியாகினர்.
06.11.2022
புதிய சிறுகோள் சிலியில் உள்ள தொலைநோக்கி மூலம் சமீபத்தில் விஞ்ஞானிகள் 3 சிறுகோள்களை (2021 பி.எச்.27, 2021 எல்.14, 2022 ஏ.பி.7), அவை சமீபத்தில் பூமியின் சுற்று வட்டப்பாதையை கடந்து சென்றதை கண்டறிந்தனர். இதில் பெரியது '2022 ஏ.பி.7' சிறு கோள். இதன் விட்டம் 1.5 கி.மீ. கொண்டது. பூமியில் இருந்து இதன் குறைந்தபட்ச துாரம் 16 லட்சம் கி.மீ., ஒரு கி.மீ., விட்டத்துக்கு மேல் உள்ள சிறுகோள்கள் 'பிளானட் கில்லர்' என அழைக்கப்படுகிறது. இதுவரை பூமியை நெருங்கி செல்லும் 30 ஆயிரம் சிறுகோள்கள் கண்டுபிடிக்கப்பட்டுள்ளன. தகவல் சுரங்கம் முதல் பெண் சபாநாயகர் மாநில சட்டசபையில் சபாநாயகர் பதவி வகித்த முதல் இந்திய பெண் ஷானோ தேவி. காங்., சார்பில் எம்.எல்.ஏ., வாக இருந்துள்ளார். ஹரியானாவின் முதல் பெண் சபாநாயகராக 1966 டிச. 6 முதல் 1967 மார்ச் 17 வரை பதவி வகித்தார். இதற்கு முன் 1951 மார்ச் 20 - மார்ச் 26, 1962 மார்ச் 19 -1966 அக். 31 வரை பஞ்சாப் சட்டசபையில் துணை சபாநாயகராக பணியாற்றினார். ஒன்றுபட்ட இந்தியாவில் முல்தான் நகரில் 1901 ஜூன் 1ல் பிறந்தார். இந்தியா - பாக்., பிரிவினைக்குப்பின் இவர் பஞ்சாபில் குடியேறினார்.
07.11.2022
மரத்தில் மீன் மீன் வகைகளில் ஒன்றான 'மட்ஸ்கிப்பர்' மரத்தில் ஏறும் திறன் பெற்றது. இதன் உயிரியல் பெயர் 'ஆக்சுடெரிசினே'. இதன் நீளம் ஒரு அடி. பழுப்பு, நீல நிறங்களில் காணப்படும். இவை கடல் முகத்துவாரம், மாங்குரோவ் காடுகளில் வாழும். இவை நீர், நிலம் என மாறிமாறி வாழும். ஒரு நாளைக்கு 8 மணி நேரம் வரை நிலப் பகுதியில் வாழும். தலையில் உள்ள ஒரு விசேஷ உறுப்பின் மூலம், ஆக்சிஜனை சுவாசிக்கிறது. செதில்களைச் சுற்றியுள்ள படலத்தின் மூலம் மூச்சுவிடும். மார்பு பகுதியில் உள்ள செதில்களைக் கால் போலப் பயன்படுத்தி, மரங்களில் ஏறிக்கொள்கின்றன. தகவல் சுரங்கம் புற்றுநோய் விழிப்புணர்வு தினம் இந்தியாவில் ஆண்டுதோறும் 14 லட்சம் பேர் புற்றுநோயால் பாதிக்கப்படுகின்றனர். 8.5 லட்சம் பேர் உயிரிழக்கின்றனர். புற்றுநோயில் பல வகைகள் உள்ளன. துவக்கத்திலேயே சிகிச்சை மேற்கொண்டால் புற்றுநோயை தடுக்கலாம். புற்றுநோய்க்கான ரேடியோதெரபி சிகிச்சைக்கு அடித்தளமிட்டவர் பிரான்சின் மேரி கியூரி. இவர் இயற்பியல், வேதியியல் என 2 நோபல் பரிசு பெற்றவர். இவரது சாதனையை அங்கீகரிக்கும் விதமாக இவரது பிறந்த தினமான நவ. 7, மத்திய அரசு சார்பில் தேசிய புற்றுநோய் விழிப்புணர்வு தினமாக கடைபிடிக்கப்படுகிறது.
08.11.2022
கதிரியக்க தினம் நவீன மருத்துவத் துறையில் கதிரியக்கவியல் (ரேடியாலஜி) நிபுணர்களின் பங்கு முக்கியமானது. ஜெர்மனி இயற்பியலாளர் ரான்ட்ஜென் 1895 நவ.8ல், 'எக்ஸ்-ரே' கருவியை கண்டுபிடித்தார். இவரது சாதனையை அங்கீகரிக்கும் விதமாக நவ. 8 உலக கதிரியக்கவியல் தினம் கடைபிடிக்கப்படுகிறது. எலும்பு முறிவு, காயங்களின் தன்மை உட்பட உடலுக்குள் ஊடுருவி சென்று படம் பிடித்து காண்பிக்கும் 'எக்ஸ் -ரே' பல வழிகளிலும் பயன்படுகிறது. ரான்ஜெனின் கண்டுபிடிப்புக்கு 1901ல் இயற்பியலுக்கான நோபல் பரிசு வழங்கப்பட்டது. தகவல் சுரங்கம் நகர திட்டமிடல் தினம் ஒரு நகரம் உருவாகும் போதே எதிர்காலத்தை மனதில் வைத்து திட்டமிட்டு உருவாக்கப்பட வேண்டும் என்பதை வலியுறுத்தி நவ., 8ல் 'உலக நகர திட்டமிடல் தினம்' கடைப்பிடிக்கப்படுகிறது. குடிநீர், சாலை, மின்சாரம் உட்பட அடிப்படை வசதிகள், தொழிற் சாலை, வர்த்தக நிறுவனம், அலுவலகம், குடியிருப்பு, கல்வி நிறுவனம், பஸ், ரயில் நிலையம், விமான நிலையம், விளையாட்டு மைதானம் ஆகியவற்றை கொண்டு புதிய நகரம் உருவாக்கப்பட வேண்டும். இந்தியாவில் ஜெய்ப்பூர், காந்திநகர், புபனேஷ்வர், சண்டிகர் போன்றவை திட்டமிட்ட நகரங்கள்.
09.11.2022
ஆய்வகத்தில் ரத்தம் நாம் உயிர்வாழ ரத்தம் மிக அவசியம். சராசரியாக இளைஞர்களது உடலில் 5 லிட்டர் ரத்தம் இருக்கும். இந்நிலையில் பிரிட்டன் விஞ்ஞானிகள் ஆய்வகத்தில் வளர்க்கப்பட்ட ரத்த செல்களை மனிதர்களுக்கு செலுத்தும் சோதனையை தொடங்கியுள்ளனர். உலகில் இம்மாதிரி சோதனை நடத்தப்படுவது இதுதான் முதல்முறை. இச்சோதனை பாதுகாப்பு, முழுமையான பயனுடன் வெற்றிபெற்றால், அரிதான ரத்த வகை உட்பட ரத்த பிரச்னை உள்ளவர்களுக்கு சிகிச்சை அளிப்பதில் பெரிய வரப்பிரசாதமாக அமையும் என விஞ்ஞானிகள் தெரிவித்துள்ளனர். தகவல் சுரங்கம் வேகமாக பறக்கும் பறவை உலகில் வாழும் உயிரினங்களில் வேகமாக பறக்கும் பறவை பொரி வல்லுாறு (பெரிகிரின் பல்கோன்). இது காகத்தின் அளவில் இருக்கும். இது இரையை தேடி கீழ்நோக்கி செல்லும் போது அதிகபட்சமாக மணிக்கு320 கி.மீ., வேகத்தில் பறக்கும். நேஷனல் ஜியோகிராபிக் 'டிவி' சேனல், இது மணிக்கு 389 கி.மீ., வேகம் வரை இருக்கும் என அளவிட்டுள்ளது. இது வட அமெரிக்காவில் அதிகளவில் காணப்படுகிறது. நீண்ட மூக்கு கொண்டது. இதன் பின்பகுதியில் நீலம் - சாம்பல் நிறத்தில் இருக்கும். இதில் ஆண் பறவையை விட, பெண் பறவை பெரியதாக இருக்கும்.
10.11.2022
உயரத்தில் புகை தெற்கு பசிபிக் கடல் பகுதியில் நீருக்கு அடியில் 'டோங்கா' எரிமலை உள்ளது. இது 2022 ஜனவரியில் வெடித்துச் சிதறியது. இதிலிருந்து வெளியான புகை 1.60 லட்சம் அடி (48 கி.மீ.,) உயரம் வரை சென்றது. உலகில் மிக அதிக உயரத்தில் எரிமலை லாவா புகை சென்றது இதுவே முதல்முறை. பிரிட்டனின் ஆக்ஸ்போர்டு பல்கலை விஞ்ஞானிகள் மூன்று வானிலை செயற்கைக்கோள்கள் மூலம் அளவிட்டு இதை தெரிவித்துள்ளனர். இதற்கு முன் 1991ல் பிலிப்பைன்சில் 'பைனாடுபோ' எரிமலை புகை 1.31 லட்சம் அடி (40 கி.மீ.,) உயரம் வரை சென்றதே உலக சாதனை. தகவல் சுரங்கம் உலக அமைதிக்கு அறிவியல் நமது சமூகத்தின் முன்னேற்றம், அமைதியில் அறிவியலின் பங்கு பற்றி விழிப்புணர்வு ஏற்படுத்தும் விதமாக ஐ.நா., வின் யுனெஸ்கோ சார்பில் நவ. 10ல் உலக அமைதி, வளர்ச்சிக்கான அறிவியல் தினம் கடைபிடிக்கப்படுகிறது. 'நீடித்த வளர்ச்சிக்கு அடிப்படை அறிவியல்' என்பது இந்தாண்டு மையக் கருத்து. அறிவியலின் பலன் அனைத்து தரப்பினருக்கும் சென்றடைய வேண்டும். அறிவியல் - சமூகத்துக்கு இடையே தொடர்பை அதிகரிப்பதன் மூலம் மக்களின் முன்னேற்றத்துக்கு உதவ முடியும் என விஞ்ஞானிகள் வலியுறுத்துகின்றனர்.
11.11.2022
மனம் கவரும் மண்வாசனை கோடை காலத்துக்குப்பின் முதல் மழை பெய்ததும் 'மண்வாசம்' ஏற்படுவது வழக்கம். இதற்கான காரணத்தை முதன்முதலில் அறிவியல்பூர்வமாக ஆஸி., விஞ்ஞானிகள் வெளியிட்டனர். எளிதில் ஆவியாகும் தாவர எண்ணெய், மண்ணில் உள்ள 'ஆக்டினோமைசைட்' நுண்ணுயிரி வெளிப்படுத்தும் ஜியோஸ்மின் எனும் வேதிப்பொருள் கலந்த கலவைதான் மண்வாசம் என 1964ல் கண்டறிந்தனர். இந்த சிறப்பு நறுமணத்துக்கு அறிவியல் பெயர் 'பெட்ரிகார்'. இதுதவிர தாவரங்கள் வெளியிடும் வியர்வை போன்ற எண்ணெய் பொருட்களும் காரணம். தகவல் சுரங்கம் தேசிய கல்வி தினம் சுதந்திர போராட்ட வீரர், எழுத்தாளர், இந்தியாவின் முதல் கல்வி அமைச்சராக பதவி வகித்தவர் அபுல் கலாம் ஆசாத்.இவரது பிறந்த தினம் நவ. 11,தேசிய கல்வி தினமாக கடைபிடிக்கப்படுகிறது. சுதந்திர இந்தியாவின் துவக்ககால கல்வி வளர்ச்சிக்கு அடித்தளமிட்டவர். காங்., தலைவராக இருந்துள்ளார். ஹிந்து - முஸ்லிம் ஒற்றுமைக்காக பாடுபட்டார். இவரது பதவிக்காலத்தில் 1951ல் நாட்டின் முதல் ஐ.ஐ.டி., 1953ல் பல்கலை மானியக் குழு (யு.ஜி.சி.,)தொடங்கப்பட்டன. 'சுதந்திரத்தை வென்ற இந்தியா' உட்பட பல புத்தகங்களை எழுதியுள்ளார். 12.112022 கூடுதல் வானவில் பருவநிலை மாற்றம் காரணமாக மக்கள் அடர்த்தி குறைவான இடங்களில் கூடுதல் 'வானவில்' நிகழ்வுகளை பார்க்கலாம் என அமெரிக்காவின் ஹவாலி பல்கலை ஆய்வு தெரிவித்துள்ளது. உலகில் 66 - 79% நிலப்பகுதிகளில் உள்ளவர்கள், வழக்கமான வானவில் எண்ணிக்கையை விட 5% கூடுதலாக பார்க்கும் வாய்ப்பு உள்ளது. அதே போல 21 - 34% பகுதிகளில் குறைவான வானவில் நிகழ்வு தென்படும். வானவில் ஏற்படுவதற்கு சூரிய ஒளி, மழை முக்கியம். மழைத் துளிகளின் உள்ளே சூரிய ஒளிக்கதிர் ஊடுருவிச் செல்லும்போது வானவில் தோன்றுகிறது. தகவல் சுரங்கம் முதல் பெண் துணை கவர்னர் இந்தியாவின் தலைமை வங்கியான ரிசர்வ் வங்கி 1935 ஏப். 1ல் தொடங்கப்பட்டது. இதுவரை 25 பேர் ரிசர்வ் வங்கி கவர்னராக இருந்துள்ளனர். ஆனால் ஒரு பெண் கூட இப்பதவியை வகித்ததில்லை. ஆனால் ரிசர்வ்வங்கியின் துணை கவர்னராக மூன்று பெண்கள்இருந்துள்ளனர். இப்பதவி வகித்த முதல் பெண் உதேஷி. 1943ல் பிறந்த இவர் எம்.ஏ., பொருளாதாரம் முடித்தார். 1965ல் ரிசர்வ் வங்கி பணியில் சேர்ந்தார். 2001ல் செயல் இயக்குனரானார். 2003ல் ரிசர்வ் வங்கியின் துணை கவர்னராக பொறுப்பேற்றார். 2005 அக். 12 வரை அப்பதவியில் இருந்தார்.
13.11.2022
2 கலங்கடிக்கும் காற்றுமாசு உலகில் அதிகரிக்கும் காற்றுமாசு கருவில் இருக்கும் குழந்தையை பாதிக்கும் வாய்ப்புள்ளது. அதாவது குறை பிரசவம், குறைந்த எடை உள்ளிட்ட பிரச்னைகள் ஏற்படலாம். காற்றுமாசு, தாய்மார்களின் நஞ்சுக்கொடியை பாதித்து குழந்தையின் சீரான வளர்ச்சியை தடுக்கிறது. காற்றுமாசு கருச்சிதைவுக்கும் காரணமாகிறது. எனவே கர்ப்ப காலத்தில் கர்ப்பிணிகள் கவனமுடன் செயல்பட வேண்டும் என உலக சுகாதார நிறுவனம் அறிவுறுத்தியுள்ளது. ஐந்து வயதுக்குஉட்பட்ட குழந்தைகள், 60 வயதுக்கு மேற்பட்ட முதியோர்க்கும் காற்றுமாசு பாதிப்பை ஏற்படுத்தும். தகவல் சுரங்கம் உலக கருணை தினம் ஜப்பானின் டோக்கியோவில் தொடங்கப்பட்ட கருணை அமைப்பு சார்பில் 1998 முதல் நவ. 13ல் உலக கருணை தினம் கடைபிடிக்கப்படுகிறது. கருணையுடன் இருப்பது மகிழ்ச்சிக்கான ஹார்மோனை அதிகரிக்கச் செய்யும். இதன் மூலம் உடலில் நோய் எதிர்ப்பு பெருகும். இதன் காரணமாகவே மருத்துவர்கள்மகிழ்ச்சியாக இருப்பதை போலவே கருணைஉணர்வோடும் இருக்க வேண்டும் என்பதைவலியுறுத்துகின்றனர். கருணை உணர்வோடுஇருப்பது நமக்கும், நம்மைச் சுற்றி இருப்பவர்களுக்கும் நன்மைகளை கொடுக்கக்கூடியது.
14.11.2022
உலக நீரிழிவு தினம் நீரிழிவு நோயை குணப்படுத்த 'இன்சுலின்' மருந்தை சார்லஜ் பெஸ்ட்டுடன் இணைந்து கண்டுபிடித்த கனடாவின் பிரெட்ரிக் பேண்டிங் பிறந்த தினமான நவ., 14, உலக நீரிழிவு தினமாக ஐ.நா. சார்பில் கடைபிடிக்கப்படுகிறது. உடலில் இன்சுலின் உற்பத்தி செயல்பாடுகளில் குறை ஏற்படுவதால் ரத்தத்தில் சர்க்கரையின் அளவு அதிகரித்து நீரிழிவு ஏற்படுகிறது. உலகில் 53 கோடி இளைஞர்கள் நீரிழிவால் பாதிக்கப்பட்டுள்ளனர். 'நீரிழிவு சிகிச்சைக்கான வழி' என்பது இந்தாண்டு மையக்கருத்து. நீரிழிவை தடுக்க உடற்பயிற்சி, சத்தான உணவு, எடை கட்டுப்பாடு அவசியம். தகவல் சுரங்கம் குழந்தைகள் தினம் ஒரு நாட்டின் வளர்ச்சி, சமூக முன்னேற்றத்துக்கு அடித்தளமாக விளங்குவது குழந்தைகளே. குழந்தை பருவத்தில் அவர்கள் கற்றுக்கொள்ளும் விஷயங்களே எதிர்காலத்திலும் பிரதிபலிக்கும். எனவே குழந்தை பருவம் முதலே அவர்களுக்கு நல்ல பண்புகளை கற்றுத்தருவது பெற்றோர், ஆசிரியரின் கடமை. இந்தியாவின் முதல் பிரதமர் நேருவின் பிறந்த தினமான நவ. 14, தேசிய குழந்தைகள் தினமாக கொண்டாடப்படுகிறது. குழந்தைகள் மீது நமது எண்ணங்களை திணிக்காமல், அவர்களது விருப்பத்தை அறிந்து அதற்கேற்ப பெற்றோர் செயல்பட வேண்டும்.
15.11.2022
மீத்தேன் எங்கு கிடைக்கும் ஒரு கார்பன் அணு, நான்கு ஹைட்ரஜன் அணுக்களை கொண்டது மீத்தேன். இது எரிவாயு, மின் உற்பத்திக்குப் பயன்படுகிறது. இயற்கையில் வாயு நிலையில் காணப்படும் மீத்தேன், காற்றுடன் கலந்து நன்கு எரியக்கூடியது. தாவரக்கழிவுகள், நீர் நிறைந்த இடங்கள், எரிமலைகள், கடலின் அடிப்பகுதி வெடிப்புகள், கண்டங்கள் இணையும் இடங்கள், நிலக்கரிச் சுரங்கங்கள் என பல இடங்களில் நமக்குக் கிடைக்கிறது. இவை தவிர உலகின் பல இடங்களில் பூமிக்கு அடியில் பாறைப் பரப்பில் மீத்தேன் வாயு நிலக்கரி போல பொதிந்துள்ளது. தகவல் சுரங்கம் மக்கள்தொகை 800 கோடி உலக மக்கள்தொகை எண்ணிக்கை இன்று 800 கோடியை தொடுகிறது என ஐ.நா., மதிப்பிட்டுள்ளது. மக்கள்தொகையில் பாதி பேர், சீனா, இந்தியா, அமெரிக்கா, இந்தோனேஷியா, பாகிஸ்தான், நைஜீரியா, பிரேசில் நாடுகளில் மட்டும் வாழ்கின்றனர். உலக மக்கள்தொகை 1804ல் நுாறு கோடியை தொட்டது. பின் 1987ல் 5௦௦ கோடி, 2011ல் 7௦௦ கோடியை தொட்டது. 2057ல் 1000 கோடியை எட்டும் என ஐ.நா., மதிப்பிட்டுள்ளது. மக்கள்தொகை உயரும் அதே நேரத்தில் மக்கள்தொகையை கட்டுப்படுத்த உலக நாடுகள் நடவடிக்கை எடுக்க வேண்டும்.
16.11.2022
சவால் தரும் வெப்பநிலை நுாறு விஞ்ஞானிகளால் தயாரிக்கப்பட்ட 'உலக கார்பன் வெளியீடு - 2022' வெளியிடப்பட்டது. கார்பன் வெளியீடு 2019ல் 4090 கோடி டன்னாக இருந்தது. 2022 இறுதியில் 4060 கோடி டன்னாக இருக்கும் என மதிப்பிடப்பட்டுள்ளது. இதிலிருந்து கார்பன் வெளியீடு அளவு குறையும் அறிகுறி இல்லை. இதனால் '2030க்குள் உலக சராசரி வெப்பநிலையை 1.5 டிகிரி செல்சியஸ் அதிகரிப்புக்குள் கட்டுப்படுத்துதல்' என்ற பாரிஸ் ஒப்பந்தத்தை கட்டாயமாக நிறைவேற்ற உலக நாடுகள் முன்வர வேண்டும் என விஞ்ஞானிகள் வலியுறுத்தியுள்ளனர். தகவல் சுரங்கம் தேசிய பத்திரிகை தினம் இந்திய பிரஸ் கவுன்சில் 1966 ஜூலை 4ல் தொடங்கப்பட்டு நவ 16ல் செயல்பட துவங்கியது. இதை அங்கீகரிக்கும் விதமாக நவ. 16ல் தேசிய பத்திரிகை தினம் கடைபிடிக்கப்படுகிறது. ஜனநாயகத்தின் 4வது துாண் பத்திரிகை, ஊடகம். மக்கள் பிரச்னைகளை அரசின் கவனத்துக்கு கொண்டு சென்று தீர்ப்பதில் பத்திரிகை முக்கிய பங்காற்றுகிறது. * உலகில் பல வேற்றுமைகள் இருந்தாலும் ஒற்றுமையுடன் வாழ்வதற்கு சகிப்புத்தன்மை அவசியம். இதை வலியுறுத்தும் விதமாக நவ. 16ல் உலக சகிப்புத்தன்மை தினம் கடைபிடிக்கப்படுகிறது.
17.11.2022
தேசிய வலிப்பு தினம் வலிப்பு நோய் பற்றி விழிப்புணர்வு ஏற்படுத்தும் விதமாக நவ. 17ல் தேசிய வலிப்பு தினம் கடை பிடிக்கப்படுகிறது. மூளை நரம்பு செல்களில் தகவல் பரிமாற்றம் செய்வதற்கு அந்த செல்களுக் கிடையில் இயல்பாகவே சிறிய அளவில் மின்சாரம் உற்பத்தியாகிறது. ஏதாவது ஒரு காரணத்தால் மூளையில் உண்டாகிற அதீத அழுத்தத்தால் இது அதிகமாகி நரம்பு வழியாக உடல் உறுப்புகளுக்குக் கடத்தப்படுகிறது. உறுப்புகளின் இயக்கம் மாறுபட்டு கை, கால் உதறத் தொடங்குகிறது. இது 'வலிப்பு' எனப்படுகிறது. தகவல் சுரங்கம் உலக தத்துவ தினம் தத்துவத்தின் முக்கியத்துவத்தை இளைஞர்களிடம் கொண்டு சேர்த்து, பல பிரச்னைகளுக்கு தீர்வு காண வேண்டும் என்ற நோக்கத்துடன் ஐ.நா.,வின் யுனெஸ்கோ சார்பில் ஆண்டுதோறும் நவ., மூன்றாவது வியாழன் (நவ. 17) உலக தத்துவ தினமாக கடை பிடிக்கப்படுகிறது. மனித நாகரிகத்தை வழிமொழிவதில் தத்துவஞானிகளின் பங்கு அளப்பரியது. நீதி, நேர்மை, அமைதி, சுதந்திரத்தை தத்துவங்கள் மூலம் வழங்க முடியும் என யுனெஸ்கோ கருதுகிறது. சாக்ரடீஸ் போன்ற அறிஞர்களின் வாழ்க்கை வரலாற்றை மாணவர்கள் படித்துணர்ந்து நடக்க வேண்டும்.
18.11.2022
காதை செவிடாக்கும் ஒலி இன்று பலரும் காதில் ஹெட்போன் மாற்றிய படி செல்கின்றனர். இந்நிலையில் நீண்ட நேரம் ஹெட்போன்' கேட்பது, அதிக ஒலியுடன் பாடல் கேட்பதால் உலகில் 100 கோடி இளைஞர்களுக்கு காது பிரச்னை ஏற்பட வாய்ப்புள்ளது என அமெரிக்காவின் கரோலினா பல்கலை ஆய்வு தெரிவித்துள்ளது. உலகில் 43 கோடி பேர் காதுகேட்கும் திறன் பாதிக்கப்பட்டுஉள்ளனர் என உலக சுகாதார நிறுவனம் தெரிவித்துள்ளது. எனவே பாதுகாப்பான அளவில் ஒலியை கேட்பதற்கு அனைத்து நாடுகளும் நடவடிக்கை எடுக்க வேண்டும் என வலியுறுத்தப்பட்டுள்ளது. தகவல் சுரங்கம் நீண்ட கடல் எல்லை தென் அமெரிக்க நாடான கனடா, உலகில் நீண்ட கடல் எல்லையை கொண்ட நாடு என அழைக்கப்படுகிறது. இந்நாட்டின் தீவுப்பகுதிகளை சேர்த்து இதன் மொத்த கடல் எல்லையின் நீளம் 2.02 லட்சம் கி.மீ. இதற்கு அடுத்தடுத்த இடங்களில் நார்வே 58,133 கி.மீ., இந்தோனேஷியா 54,716 கி.மீ., ரஷ்யா 37,653 கி.மீ., பிலிப்பைன்ஸ் 36,289 கி.மீ., ஜப்பான் 29,751 கி.மீ., ஆஸ்திரேலியா 25,760 கி.மீ., அமெரிக்கா 19,924, கி.மீ., அண்டார்டிகா 17,968 கி.மீ., உள்ளன. உலகின் மொத்த நாடுகளின் கடல் எல்லை நீளம் 3.5 லட்சம் கி.மீ., இந்தியாவின் கடல் எல்லை 7516 கி.மீ.
19.11.2022
தரையில் வானவில் மழை பெய்யும் போது தரையில் சில இடங்களில் வண்ணங்களாக இருப்பதை பார்த்திருப்போம். இதற்கு காரணம் உள்ளது. வாகனங்களை இயக்குவதற்கு பெட்ரோல், டீசல் போன்ற எரிபொருட்கள் தேவைப்படுகிறது. பயணத்தின் போது எரி பொருட்களில் இருந்து சில துளிகள் சாலைகளில் கசிந்திருக்கும். மழை பெய்யும்போது அந்த எரிபொருளின் மீது நீர் மெல்லிய படலமாகப் படர்கிறது. இந்த மென்படலம் முப்பெட்டகம்போல ஒளிச் சிதறலை உண்டாக்கும். அதன் வழியாக நிறப்பிரிகை ஏற்பட்டு, வானவில்போல பல நிறங்கள் தரையில் தெரிகின்றன. தகவல் சுரங்கம் உலக ஆண்கள் தினம் * குடும்பத்துக்காக உழைக்கும் ஆண்களின் தியாகத்தை பாராட்டுதல், அவர்களுக்கான உரிமைகளை வழங்க வலியுறுத்தி நவ. 19ல் உலக ஆண்கள் தினம் கடை பிடிக்கப்படுகிறது.* குழந்தைகள் மீதான பாலியல், வன்கொடுமைகளை தடுக்க வலியுறுத்தி நவ. 19ல் உலக குழந்தைகள்மீதான வன்கொடுமை தடுப்பு தினம் கடைபிடிக்கப்படுகிறது. * சுகாதாரத்தை பேணும் கழிப்பறை பயன்பாடு பற்றி விழிப்புணர்வு ஏற்படுத்தும் விதமாக ஐ.நா., சார்பில் நவ. 19ல் உலக கழிப்பறை தினம் கடைபிடிக்கப்படுகிறது.
20.11.2022
அடுத்த தொற்றுநோய் உலகில் அடுத்த தொற்றுநோய் பாதிப்புக்கு பருவநிலை மாற்றம் காரணமாக அமையும் என ஆஸ்திரேலிய ஆய்வு எச்சரித்துள்ளது. வவ்வால்களின் வாழ்க்கை முறை தொடர்பான 25 ஆண்டு தரவுகள் ஆய்வுக்கு உட்படுத்தப்பட்டன. இதில் பருவநிலை மாற்றத்தால் வவ்வால்களிடம் இருந்து அதிக நோய்க் கிருமிகள் பரவும். மேலும் வவ்வால்களின் இயற்கையான வாழ்விடங்களை அழிப்பது, அவை மக்கள்தொகை அதிகமுள்ள இடங்களுக்கு நகர காரணமாகிறது.இந்த வாழ்விடங்களை பாதுகாப்பதன் மூலம் வைரஸ் மனிதர்களுக்கு பரவுவதை தடுக்கலாம். தகவல் சுரங்கம் உலக குழந்தைகள் தினம் குழந்தைகளுக்கான வசதிகள், அடிப்படை உரிமைகளை வழங்க கோரி ஐ.நா., சார்பில் 1954 முதல் நவ. 20ல் உலக குழந்தைகள் தினம் கொண்டாடப்படுகிறது. 'பெற்றோர்கள் குழந்தைகளிடம் அதிக நேரம் செலவிட வேண்டும். அவர்களதுஎண்ணங்களுக்கு மதிப்பளிக்க வேண்டும். * மூலம் நோய் பற்றி விழிப்புணர்வு ஏற்படுத்தும் விதமாக நவ. 20ல் உலக மூல நோய் தினம் கடை பிடிக்கப்படுகிறது. காய்கறி, பழங்கள், கீரைகளை அதிகளவில் உணவில் சேர்த்துக்கொள்ள வேண்டும். கார உணவுகளை தவிர்க்க வேண்டும்.
21.11.2022
மீனவர்களுக்கு பாதுகாப்பு * கடல் மீன் உணவு உடலுக்கு மிக நல்லது. மீன்களில் பல வகைகள் உள்ளன. கடல் வளம், மீனவர் நலனை பாதுகாக்க வலியுறுத்தி நவ., 21ல் உலக மீனவர்கள் தினம் கடைபிடிக்கப்படுகிறது. கடலில் மீனவர்கள் சந்திக்கும் இன்னல்களுக்கு தீர்வு காணும் வகையில் 1997 நவ., 21ல் டில்லியில் நடந்த 40 நாடுகளின் மீனவ பிரதிநிதிகள் கூட்டத்தில் இத்தினம் உருவாக்கப்பட்டது. * சாலை பாதுகாப்பு விதிமுறைகளை தவறாமல் கடைபிடிக்க வலியுறுத்தி நவ. 21ல் சாலை விபத்தால் பாதிக்கப்பட்டோர் தினம் கடைபிடிக்கப்படுகிறது. தகவல் சுரங்கம் உலக ஹலோ, டிவி தினம் * எகிப்து - இஸ்ரேல் இடையே 1973ல் சண்டை முடிந்த தினத்தை (நவ. 21), உலக ஹலோ தினமாக கொண்டாடினர். உலக அமைதிக்கு அனைவரும் பங்களிக்க வேண்டும் என்பது இத்தினத்தின் நோக்கம். ஹலா, ஹொலா என்ற ஜெர்மன் மொழி வார்த்தையில் இருந்து 'ஹலோ' வந்துள்ளது. தமிழில் வணக்கம், அழைத்தல், நலம் என அர்த்தம். * உலக நாடுகள் அமைதி, பாதுகாப்பு, கலாசார நிகழ்ச்சிகளை பரிமாறிக் கொள்ளும் விதமாக ஐ.நா., சார்பில் நவ. 21ல் உலக 'டிவி' தினம் கடைபிடிக்கப்படுகிறது. இந்தியாவில் 1959ல் 'டிவி' அறிமுகமானது.
22.11.2022
குளிரில் புகை கண்ணாடி டம்ளருக்குள் ஐஸ் கட்டியை வைத்து வெளியே வைத்தால், அதன் வெளியே நீர்த்திவலைகள் திரண்டிருக்கும். காற்றில் உள்ள நீராவி, ஐஸ் நிரம்பிய டம்ளரில் பட்டுக் குளிர்ந்து திரவ நிலையை அடைவதால்தான் நீர்த் திவலைகள் தோன்றுகின்றன. அதே போல வாயிலிருந்து கொஞ்சம் ஈரப்பதத்துடன் காற்று வெளியே வரும்போது அதில் உள்ள நீராவி கடும் குளிரில் குளிர்ந்து திரவமாக மாறி நுண் திவலைகளாக உருவாகும். அதுதான் புகை போல நம் கண்ணுக்கு தென்படுகிறது. இவை மிக நுண்ணிய நீர்த் திவலைகளின் தொகுப்புதான். தகவல் சுரங்கம் ஆங்கில கால்வாயில் சாதனை அட்லாண்டிக் கடலில் பிரிட்டனின் தெற்கு பகுதியையும், பிரான்சின் வடக்குப் பகுதியையும் பிரிப்பது தான் ஆங்கிலக்கால்வாய். அதிகபட்சமாக இதன் நீளம் 560 கி.மீ. அகலம் 240 கி.மீ. ஆழம் 571 அடி. உலகில் பல்வேறு நாடுகளை சேர்ந்த வீரர்கள் இந்த கால்வாயை நீந்தி கடந்துள்ளனர். இக்கால்வாயை நீந்திக்கடந்த முதல் இந்தியர் மிஹிர் சென். மேற்கு வங்கத்தை சேர்ந்த இவர் 1958ல் 14 மணி நேரம், 45 நிமிட நேரத்தில் நீந்திக்கடந்தார். இதுதவிர இவர் 1966ல் ஐந்து கண்டங்களில் உள்ள வெவ்வேறு கால்வாய்களை நீந்தி கடந்து சாதனை படைத்தவர்.
23.11.2022
போர்க்களத்தில் உதவி போர்க்களத்தில் காயமடையும் வீரர்களுக்கு சிகிச்சையளிக்க நேரடியாக வீரர்களை அனுப்ப முடியாத சூழலில் ரத்தம் உட்பட ஆபத்துகால மருத்துவ உபகரணங்களை டிரோன் மூலம் அனுப்பும் தொழில்நுட்பத்தை அமெரிக்க ராணுவம் சோதனை செய்கிறது. இந்த டிரோன் செங்குத்தாக புறப்பட்டு, செங்குத்தாகவே தரையிறங்கும். எனவே இதற்கு ஓடுதளம் தேவையில்லை. 'எப்.வி.ஆர்.,' 10 எனும் இந்த டிரோன் 10 கிலோ எடை பொருட்களை சுமந்து செல்லும். தொடர்ந்து 12 - 18 மணி நேரம் பறக்கும். நிலம், நீர் என இரு இடங்களிலும் இயக்க முடியும். தகவல் சுரங்கம் பெரிய பூஞ்சை பூஞ்சைக் காளான்கள் பல வண்ணம், வடிவம் உடையது. இது தாவரம், மண், விலங்கு, கடல், உணவுப் பொருட்கள், மனிதர்களின் தோல் என எல்லாவற்றிலும் வாழும். இவற்றில் சில நஞ்சுள்ளவை. இவை ஒவ்வாமையை ஏற்படுத்தும். பூஞ்சைகளில் உலகில் மிகப்பெரியது தேன் பூஞ்சை. இது அமெரிக்காவின் ஓரிகான் பகுதியில் காணப்படுகிறது. 2500 ஆண்டு பழமையான இந்தக் காளான், 2200 ஏக்கர் பரப்பளவில் படர்ந்துள்ளது. இதன் மொத்த எடை 6 லட்சம் கிலோ. பூமியில் சுமார் 50 லட்சம் பூஞ்சை இனங்கள் உள்ளன.
24.11.2022
நிலவை தொட்ட முதல் விண்கலம் நிலவில் மீண்டும் மனிதர்களை தரையிறக்கும் முயற்சியில் நாசா ஈடுபட்டுள்ளது. முதலில் நிலவில் தரையிறங்கிய விண்கலம் வைகிங் - 1. இதனுடன் ஆர்பிட்டர், லேண்டர் அனுப்பப்பட்டது. 1975 ஆக. 20ல் நாசா இதை டைட்டன் ராக்கெட்டில் நிலவுக்கு அனுப்பியது. 1976 ஜூலை 20ல் லேண்டர் (வைகிங் - 1) நிலவில் தரையிறங்கியது. ஆர்பிட்டர் 1846 நாட்களும், லேண்டர் 2307 நாட்களும் பயன்பாட்டில் இருந்தன. இச்சாதனையை 2003ல் நாசா அனுப்பிய ஆப்பர்சூனிட்டி ரோவர் (14 ஆண்டு, 47 நாட்கள்) முறியடித்தது. தகவல் சுரங்கம் அக்மார்க் பெயர் காரணம் இந்தியாவில் விவசாய பொருட்களுக்கு வழங்கப்படும் சான்றிதழ் குறியீடு 'அக்மார்க்' என அழைக்கப்படுகிறது. 'அக்' என்றால் அக்ரிகல்சர். 'மார்க்' என்றால் சான்றிதழ் என பொருள். 1934 - 1941ல் இந்தியாவின் அக்ரிகல்சர் மார்க்கெட்டிங் ஆலோசகராக இருந்த ஆர்ச்சிபால்டு மெக்டொனால்டின் பெயர் சுருக்கமே அக்மார்க். தலைமையகம் ஹரியானாவின் பரிதாபாத். தவிர சென்னை, கொச்சி, மும்பை, கோல்கட்டா உட்பட 11 மண்டல ஆய்வகங்கள் உள்ளன. பருப்பு, எண்ணெய், பழங்கள், காய்கறிகளை சோதனை செய்து 'அக்மார்க்' முத்திரை வழங்கப்படுகிறது.
25.11.2022
புதிய நீர்மூழ்கிக்கப்பல் கடலுக்கு அடியில் சுறா, ஆமை உட்பட கடல்வாழ் உயிரினங்களை பார்த்து ரசிக்க விரும்பும் சுற்றுலாப் பயணிகளுக்காக பிரத்யேக நீர்மூழ்கி கப்பலை நெதர்லாந்தின் யு-போட் வொர்க்ஸ் நிறுவனம் தயாரித்துள்ளது. புல்லட் வடிவில் மின்சாரத்தில் இயங்கும் இதில் மூன்று பேர் பயணிக்கலாம். அமர்ந்த நிலையில் 360 டிகிரி கோணத்திலும் ரசிக்கலாம். பயணிகளுக்கு ஆக்சிஜன் 96 மணி நேரம் வரை கிடைக்கும் வசதி செய்யப்பட்டுள்ளது. 984 அடி ஆழம் வரை பயணிக்கும். மணிக்கு 18 கி.மீ., வேகத்தில் செல்லும். இதன் விலை ரூ. 47 கோடி. தகவல் சுரங்கம் பெண்களுக்கு பாதுகாப்பு பாலியல் தொந்தரவு, மனம், உடல் ரீதியான துன்புறுத்தல், குழந்தை திருமணம் உட்பட பெண்களுக்கு எதிரான வன்முறைகளை ஒழித்து அவர்களுக்கு கல்வி, நீதி, சுகாதார வசதி வழங்க வலியுறுத்தி ஐ.நா., சார்பில் நவ. 25ல் பெண்களுக்கு எதிரான வன்முறை ஒழிப்பு தினம் கடைபிடிக்கப்படுகிறது. 'பெண்களுக்கு எதிரான வன்முறைக்கு முடிவு கட்ட ஒன்றிணைந்து செயல்படுவோம்' என்பது இந்தாண்டு மையக்கருத்து. உலகில் மூன்றில் ஒரு பெண் தன் வாழ்நாளில் வன்முறைக்கு ஆளாகிறார். பத்தில் ஒரு பெண் போலீஸ் உதவியை நாடுகின்றனர்.
26.11.2022
செவ்வாய்க்கு முதல் விண்கலம் செவ்வாய் கிரகத்தை ஆய்வு செய்ய சென்ற முதல் விண்கலம் ரஷ்யாவின் (அப்போது சோவியத் யூனியன்) 1எம்.நம்பர் 1. 1960ல் அனுப்பப்பட்ட இது தோல்வியில் முடிந்தது. பின் அடுத்து 4 முறை முயற்சித்தும் தோல்வியே கிடைத்தது. 1964ல் அமெரிக்கா செவ்வாய்க்கு அனுப்பிய முதல் விண்கலம் (மரீனர் 3) தோல்வியடைந்தது. பின் மீண்டும் அனுப்பிய 'மரீனர் 4' விண்கலம் வெற்றிகரமாக செவ்வாய்க்கு சென்றது. இதுவே செவ்வாய்க்கு சென்ற முதல் விண்கலம். பல்வேறு முயற்சிக்குப்பின் 1971ல் ரஷ்யா அனுப்பிய 'மார்ஸ் 2' விண்கலம் வெற்றியில் முடிந்தது. தகவல் சுரங்கம் மும்பை தாக்குதல் தினம் பாகிஸ்தானில் இருந்து படகில் வந்த 10 பயங்கரவாதிகள் 2008 நவ. 26ல் மும்பையின் முக்கிய இடங்களில் தாக்குதல் நடத்தினர். இதில் வெளிநாட்டினர் உள்பட 166 பேர் x பலியாகினர். 300 பேர் காயமடைந்தனர். இதன் நினைவு தினம் இன்று அனுசரிக்கப்படுகிறது. 9 பயங்கரவாதிகள் கொல்லப்பட்டனர். கைதான கசாப் 2012ல் துாக்கிலிடப்பட்டார். * இந்திய அரசியலமைப்பு 1949 நவ. 26ல் அரசியல் நிர்ணய சபையால் ஏற்றுக்கொள்ளப்பட்டது. இதை அங்கீகரிக்கும் விதமாக 2015 முதல் நவ. 26ல் அரசியல் சாசன தினம் கடைபிடிக்கப்படுகிறது.
27.11.2022
தயிர் புளிப்பது ஏன் காய்ச்சி ஆற வைத்த பாலில் கொஞ்சம் தயிர் சேர்த்த பின் பாலில் நொதித்தல் வினை ஏற்படுகிறது. பாலில் 'லாக்டோஸ்' எனும் சர்க்கரைப் பொருள் உள்ளது.நொதித்தல் வினை நடக்கும்போது 'லாக்டோ பாசில்லஸ்' என்ற பாக்டீரியா, பாலில் இருக்கும் 'லாக்டோஸ்' சர்க்கரையை உண்டு, லாக்டிக் அமிலத்தை வெளியேற்றுகிறது. இந்த அமிலத்தின் தாக்கத்தால், பாலில் உள்ள 'கேசின்' புரதம் சிதைகிறது. உருண்டை வடிவில் உள்ள இப்புரதம் நார் போன்று மாறுகிறது. இது ஒன்றோடுஒன்று பிணைவதால் பால் உறைந்து தயிராகிறது. லாக்டிக் அமிலம் தான் தயிர் புளிக்கக் காரணம். தகவல் சுரங்கம் பெரிய மியூசியம் பிரான்ஸ் தலைநகர் பாரிசில் உள்ள லுவ்ரி மியூசியம், உலகின் மிகப் பெரியது. இது 1793ல் தொடங்கப்பட்டது. இதன் பரப்பளவு 7,82,910 சதுர அடி. ஆண்டுக்கு 27 லட்சம் பேர் இந்த மியூசியத்துக்கு வருகைதருகின்றனர்.இதன் நுழைவுவாயில் பிரமிடு வடிவில் அமைக்கப்பட்டு உள்ளது. இங்கு பிரபல மோனலிசா ஓவியம் உட்பட பல்வேறு படைப்புகள் உள்ளன. 2019 கணக்கின் படி இந்த மியூசியத்தில் 6,15,797 படைப்புகள்உள்ளன. 2021 கணக்கின் படி 28 லட்சம் பார்வையாளர்கள் வருகை தந்தனர். உலகளவில் அதிக பார்வையாளர்களை ஈர்த்த மியூசியம் இதுதான்.
28.11.2022
விலங்குகளுக்கு சிறப்பு சக்தி யானை, நாய் போன்ற சில விலங்குகள் அகஒலியை (இன்ப்ரா சவுண்ட்) கேட்கும் திறன் வாய்ந்தவை. இந்த அகஒலி மூலம் தான் கடலுக்குள் திமிங்கிலம் தமக்குள் செய்திப் பரிமாறுகின்றன. மனிதனின் கேட்கும் திறனுக்கும் அப்பால் உள்ள இந்த அலைநீளங்களில் வெளிப்படும் அகஒலியை சில விலங்குகள் உணர முடியும். இயற்கைப் பேரிடர் சமயத்தில் இயல்புக்கு மாறாக கூடுதலாக அகஒலி ஏற்படும்போது, அதில் குழம்பி என்ன, ஏது என்று தெரியாமல் பாதுகாப்பு தேடி விலங்குகள் ஓட்டம் எடுக்கும் என ஆய்வாளர்கள் தெரிவிக்கின்றனர். தகவல் சுரங்கம் ஏவுகணைகளின் தீவு ஒடிசாவின் பாலசோர் மாவட்டத்தில் அப்துல் கலாம் தீவு உள்ளது. பரப்பளவு 390 ஏக்கர். டி.ஆர்.டி.ஓ., தயாரிக்கும் அக்னி, பிரம்மோஸ், பிருத்வி உள்ளிட்ட பல்வேறு ஏவுகணைகளும் இங்குள்ள ஏவுதளத்தில் இருந்து சோதனை செய்யப்படுகிறது. இத்தீவுக்கு 2015 செப். 4ல் முன்னாள் ஜனாதிபதி கலாம் பெயர் சூட்டப்பட்டது. இதற்கு முன் ஆங்கிலேயரான ஹக் வீலர் பெயரில் இருந்தது. இத்தீவுக்கு அருகே காகிர்மாதா கடல் சரணாலயம் உள்ளது. ஒடிசாவின் முக்கிய சுற்றுலாத்தலங்களில் ஒன்று. இது ஆலிவ் ரிட்லி ஆமைகளின் இனப்பெருக்க இடமாகத் திகழ்கிறது.
29.11.2022
பெரிதாகும் கதவுகள் மழை, குளிர்காலங்களில் வீடுகளில் வாசல், ஜன்னல் கதவுகள் மூடுவதற்கு சிரமமாக இருப்பதை பார்த்திருக்கிறோம். மரம், அதன் பாகங்கள் செல்லுலோசால் ஆனவை. அவற்றின் செல்களில் நீரை உறிஞ்சும் கூழ்மப் பொருள் இருக்கும். இவை பருவநிலைக்கு ஏற்ப நீர், ஈரப்பதத்தை அதிகம் உறிஞ்சி, சிறிதளவு வெளியிடும் திறனைப் பெற்றிருக்கும். எனவே மழைக்காலங்களில் ஈரப்பதத்தை உறிஞ்சி கதவு இயல்பாக மூட முடியாத அளவுக்குப் பெரிதாகின்றன. குறிப்பிட்ட கால இடைவெளியில் கதவுகளுக்கு புதிதாக பெயின்ட் அடித்தால் இப்பிரச்னையைத் தீர்க்க முடியும். தகவல் சுரங்கம் தட்டச்சு வரலாறு இன்று பெரும்பாலான பணிகளும் கம்ப்யூட்டர் சார்ந்ததாக மாறி விட்டது. கம்ப்யூட்டரில் எழுத்துகளை உள்ளீடு செய்வதற்கு டைப்ரைட்டிங் தெரிந்திருப்பது அவசியம். இதற்கு அடிப்படையாக இருந்தது தட்டச்சு இயந்திரம். இது கம்ப்யூட்டர் கீபோர்டு போல இருப்பதால், டைப்ரைட்டிங் தெரிந்தவர்கள் கம்ப்யூட்டரில் பிழையின்றி, வேகமாக டைப் செய்யலாம். ஆங்கில டைப்ரைட்டிங் இயந்திரத்தை 1714ல் இங்கிலாந்தின் ஹென்றிமில் கண்டுபிடித்தார். பின் பல அறிஞர்களின் உழைப்பால் பல மாற்றங்கள் உருவாக்கப்பட்டு தற்போதைய டைப்ரைட்டர் வந்தது.
30.11.2022
மலைக்க வைக்கும் மலைப்பாம்பு மலைப்பாம்புகளின் உடலில் தலை முதல் வால் வரையிலும் முறையற்ற செதில் அமைப்பு காணப்படும். இந்திய, பர்மீஸ், ரெட்டிகுலேட் என இந்தியாவில் 3 வகை உள்ளன. இதில் இந்திய வகை தவிர மற்ற இரண்டும் வடகிழக்கு மாநிலங்களில் மட்டுமே காண படுகின்றன. இவை மான், முயல் போன்றவற்றை வேட்டையாடி உண்ணும். விழுங்கப்பட்ட உணவு செரிமானம் ஆக பல வாரம், மாதம் ஆகலாம். அதனால் இவை பல நாட்கள் உணவின்றி வாழும். அடர்ந்த வனத்தில் வாழும் இவை உணவுத் தட்டுப்பாடு ஏற்படும் போது மனிதர்கள் வாழும் பகுதிகளுக்கு வருகின்றன. தகவல் சுரங்கம் ரசாயன ஆயுதங்களுக்கு தடை உலகில் ஏதாவது ஒரு மூலையில் போர், சண்டை நடந்து கொண்டுதான் இருக்கிறது. அதில் பயன்படுத்தப்படும் கெமிக்கல் ஆயுதங்களால் அப்பாவி மக்கள் பாதிக்கப்படுகின்றனர். இவர்களுக்கு அஞ்சலி செலுத்தும் விதமாகவும், போரில் ரசாயன ஆயுதங்களை தடை செய்ய வலியுறுத்தியும் ஐ.நா., சார்பில் நவ. 30ல் கெமிக்கல் ஆயுதங்களால் பாதிக்கப்பட்டவர் களுக்கான நினைவு தினம் கடைபிடிக்கப்படுகிறது. உலகின் முதன்முதலாக ரசாயன ஆயுதங்கள் முதலாம் உலகப்போரில் பெருமளவில் பயன்படுத்தப்பட்டது. இதனால் 1 லட்சம் பேர் பலியாகினர். --
01.12.2022
பெரிய எரிமலை உலகின் பெரிய எரிமலையான மவுனா லாவ், 38 ஆண்டுகளுக்குப்பின் மீண்டும் வெடித்து எரிமலை குழம்பை (லாவா) வெளியிட்டு வருகிறது. இது அமெரிக்காவின் ஹவாய் தீவில் உள்ளது. ஹவாய் தீவில் உள்ள ஐந்து எரிமலைகளில் இதுவும் ஒன்று. இதன் மேற்பரப்பு 5100 சதுர கி.மீ. இது கடந்த 7 லட்சம் ஆண்டுகளாக எரிமலை குழம்பை வெளியிட்டு வருவதாகவும், 3 லட்சம் ஆண்டுகளுக்கு முன் கடல் மட்டத்துக்கு மேலே வந்தது என ஆய்வுகள் தெரிவிக்கின்றன. ஆனால் தரவுகளின் அடிப்படையில் 1843ல் தான் முதன்முதலில் வெடித்தது என விஞ்ஞானிகள் தெரிவித்தனர். தகவல் சுரங்கம் உலக எய்ட்ஸ் தினம் எய்ட்ஸ் பாதிப்பு, தடுக்கும் முறை குறித்து விழிப்புணர்வு ஏற்படுத்தும் விதமாக டிச. 1ல் உலக எய்ட்ஸ் தினம் கடைபிடிக்கப்படுகிறது. இது எச்.ஐ.வி., வைரசால் ஏற்படுகிறது. 'சமத்துவம்' இந்தாண்டு மையக்கருத்து. 1988ல் எய்ட்ஸ் பாதிப்பு கண்டறியப்பட்டது. உலகலாவிய சுகாதார அச்சுறுத்தலாக எய்ட்ஸ் இருப்பதை 2030க்குள் முடிவுக்கு கொண்டு வர ஐ.நா., இலக்கு நிர்ணயித்துள்ளது. உலகில் 2021ன் படி 3.84 கோடி நோயாளிகள் உள்ளனர். 2021ல் மட்டும் 15 லட்சம் பேர் பாதிக்கப்பட்டனர். 1988 முதல் இதுவரை 8.42 கோடி பேர் எய்ட்சால் பாதிக்கப்பட்டுள்ளனர்.
02.12.2022
உலகளவில் தண்ணீர் பிரச்னை நாம் உயிர்வாழ தண்ணீர் மிக அவசியம். உலகில் 360 கோடி பேர் ஆண்டுக்கு குறைந்தது ஒரு மாதம் போதிய குடிநீர் கிடைக்காமல் அவதிப் படுகின்றனர். இந்த எண்ணிக்கை 2050ல் 500 கோடியாக உயரும் என ஐ.நா., மதிப்பிட்டுள்ளது. 2001 - 2018 வரை 74 சதவீத இயற்கை பேரிடர் நிகழ்வுகளுக்கு தண்ணீர் தான் காரணமாக அமைந்துள்ளது. 2021ல் உலகில் அனைத்து பகுதிகளும் வறட்சி அல்லது வெள்ளம் என தண்ணீர் பிரச்னையை சந்தித்தன. பல பகுதிகளிலும் சாதாரண நிலையை விட வறண்ட நிலை ஏற்பட்டது என ஐ.நா., ஆய்வில் தெரிவிக்கப்பட்டுள்ளது. தகவல் சுரங்கம் மாசு இல்லா இந்தியா ம.பி.,யின் போபாலில் யூனியன் கார்பைட் நிறுவனத்தில் 1984 டிச., 2--3ல் 'மித்தோ ஐசோசைனட்' விஷவாயு கசிந்து தாக்கியதில், 3787 பேர் பலியாகினர். 5 லட்சம் பேர் பலவித பாதிப்புக்கு உள்ளாகினர். இதுபோன்று மீண்டும் ஒரு கொடிய சம்பவம் நிகழாமல் தடுக்கும் நோக்கில் மத்திய அரசு சார்பில் டிச. 2ல் தேசிய மாசு கட்டுபாட்டு தினம் கடைபிடிக்கப்படுகிறது. * உலகில் இன்றும் கட்டாய வேலை, கடன் கொத்தடிமை, குழந்தை திருமணம் போன்ற நவீன அடிமைத்தனம் தொடர்கிறது. இதை ஒழிக்க ஐ.நா., சார்பில் டிச. 2ல் உலக அடிமைத்தன ஒழிப்பு தினம் கடைபிடிக்கப்படுகிறது.
03.12.2022
அதிசய உயிரினம் பார்ப்பதற்கு முள்ளம்பன்றி போல இருக்கும் 'எகிட்னா' ஓர் அதிசய உயிரினம். பறவையை போல முட்டையிட்டுக் குஞ்சு பொரிக்கும். விலங்கை போல பாலும் கொடுக்கும் உலகில் முட்டையிடும் பாலுாட்டி இனம் இது மட்டுமே. முட்டைகளை தன் அடிவயிற்றில் உள்ள பைக்குள் அடைகாக்கிறது. வெளிவரும் குஞ்சுகள், தாயின் வயிற்றுப் பகுதியிலேயே 55 நாள் இருக்கும். தாயின் வயிற்றில் அமைந்துள்ள பால்சுரப்பிகளில் இவை பால் அருந்துகின்றன. ஆஸ்திரேலியா, தாஸ்மேனியா வனப்பகுதிகளே இவற்றின் வாழ்விடம். நீளம் 1.5 அடி. எடை 2--7 கிலோ. இனப்பெருக்க காலம் 27 நாட்கள். தகவல் சுரங்கம் மாற்றுத்திறனாளிகள் தினம் உலக மக்கள்தொகையில் 100 கோடி மாற்றுத்திறனாளிகள் உள்ளனர். இதில் 80 சதவீதம் பேர் வளரும் நாடுகளை சேர்ந்தவர்கள். உலகில் ஐந்தில் ஒரு பெண், பத்தில் ஒரு சிறுவர் மாற்றுத் திறனாளிகளாக உள்ளனர். இவர்கள் உடலால் பலவீனமாக இருந்தாலும் மன தைரியத்தால் பல துறைகளிலும் முத்திரை பதிக்கின்றனர். இவர்களது திறமைகளை வெளிக்கொண்டு வர உதவ வேண்டும். அவர்களது உரிமை, வசதிகளை வழங்க வலியுறுத்தி ஐ.நா., சார்பில் 1992 முதல் டிச.,3ல், 'சர்வதேச மாற்றுத்திறனாளிகள் தினம்' கடைபிடிக்கப்படுகிறது.
04.12.2022
மின்சார காரை விரும்பும் நாய் வீடுகளில் வளர்க்கப்படும் செல்லப்பிராணிகளில் நாய்களுக்கு முக்கிய இடம் உண்டு. இந்நிலையில் நாய்கள் டீசல் கார்களை விட மின்சார கார்களையே விரும்புகின்றன என பிரிட்டனின் லின்காய்ன் பல்கலை ஆய்வில் தெரிவிக்கப் பட்டுள்ளது. ஆராய்ச்சியில் 20 நாய்களை பத்து நிமிட பயணத்துக்கு, முதலில் மின்சார காரிலும், அடுத்து டீசல் காரிலும் அழைத்துச் சென்றனர். இதில் மின்சார காரில் செல்லும் போது மட்டும் நாய்கள் அமைதியாக இருந்தன. மேலும் இதன் இருதய துடிப்பும் 30 சதவீதம் வரை குறைவாக இருந்தது என ஆய்வில் கண்டறிந்தனர். தகவல் சுரங்கம் தேசிய கப்பல்படை தினம் இந்தியா மூன்று பக்கம் கடலால் சூழப்பட்ட தீபகற்ப நாடு. இந்திய கடற்கரையின் நீளம் 7517 கி.மீ. இதனால் கடலோர பாதுகாப்பு முக்கியமானது. நாட்டை எதிரிகளிடம் இருந்து காப்பதில் முப்படைகளில் ஒன்றான கப்பல்படை முக்கிய பங்கு வகிக்கிறது. இந்தியா - -பாக்., இடையே 1971 டிச., 4ல் நடந்த போரில் 'ஆப்பரேஷன் டிரைடன்ட்' பெயரில் இந்திய கப்பல்படை பாகிஸ்தானின் துறைமுக நகரான கராச்சி மீது தாக்குதல் நடத்தி வெற்றி பெற்றது. இதை நினைவுபடுத்தும் விதமாக டிச. 4ல் தேசிய கப்பல்படை தினம் -
05.12.2022
முதல் தொலைநோக்கி இத்தாலி விஞ்ஞானி கலீலியோ. இவரது காலத்தில் கண்ணாடி உற்பத்தியாளர்கள், துாரத்தில் உள்ள பொருட்களைக் காண உட்குவிந்த ஆடிகளைத் தயாரித்தார்கள். இவற்றால் கவரப்பட்ட கலீலியோ ஆய்வு செய்து, ஒரு நீண்ட உருளையை உருவாக்கி அதன் முன் பகுதியில் குவி ஆடி, பின் பகுதியில் குழி ஆடியை பொருத்தி தொலைநோக்கியை கண்டுபிடித்தார். இது நிலவு, சூரியன் உள்ளிட்ட கோள்களை பெரிதுபடுத்திக் காட்டின. 1609ல் தன் தொலை நோக்கியின் செயல்பாட்டை உலகுக்கு விளக்கினார். பூமி உட்பட அனைத்து கோள்களும் சூரியனை சுற்றுகின்றன எனவும் கண்டறிந்தார். தகவல் சுரங்கம் மண்வளம் காப்போம் மண் வளம் சிறப்பாக இருந்தால் விவசாய உற்பத்தி செழிக்கும். ஆனால் மண்ணில் கலக்கும் ரசாயனம், பிளாஸ்டிக் கழிவுகள், பூச்சிக்கொல்லி மருந்துகள் உட்பட பல காரணங்களால் மண் வளம் பாதிக்கிறது. அதிக விளைச்சல் பெறுவதற்காக ரசாயன உரம், பூச்சிக்கொல்லி அதிகம் பயன்படுத்துவதால் மண் மலடாகி, அதிலுள்ள உயிர்த்தன்மை அழிகிறது. மண்ணின் மகத்துவத்தை அறிவது, மண் வளத்தை காக்க வலியுறுத்தி டிச.5ல் சர்வதேச மண் தினம் கடைபிடிக்கப்படுகிறது. உலகில் 83.3 கோடி ெஹக்டேர் மண் பகுதி உப்பு பாதித்துள்ளது. இது பூமியில் 8.7 சதவீதம்.
06.12.2022
அழியும் அமேசான் உலகின் மிகப்பெரிய காடு அமேசான். இது ஆப்ரிக்காவின் பிரேசில், பெரு, கொலம்பியா உள்ளிட்ட ஒன்பது நாடுகளில் பரவியுள்ளது. இது பூமியின் நுரையீரல் என அழைக்கப்படுகிறது. இதன் பரப்பளவு 55 லட்சம் சதுர கி.மீ., இதில் அதிகபட்சமாக 60 சதவீத பகுதி பிரேசிலில் உள்ளது. இந்நிலையில் கடந்த 40 ஆண்டுகளில் 10 சதவீத வனப்பகுதிகளை இழந்துள்ளது. அதாவது 1985 - 2021 வரையிலான காலத்தில் காடுகள் அழிப்பு என்பது 4.90 லட்சம் சதுர கி.மீ., பரப்பளவில் இருந்து 12.50 லட்சம் சதுர கி.மீ., ஆக அதிகரித்தது என செயற்கைக்கோள் தரவுகளின் அடிப்படையில் தெரிவிக்கப்பட்டுள்ளது. தகவல் சுரங்கம் ஏரிக்குள் தீவு ஒடிசாவின் கட்டாக் அருகே உள்ள சில்கா ஏரி, உப்பு நீரும், நல்ல நீரும் கலந்துள்ள இந்த ஏரி, இந்தியாவின் பெரிய உவர்நீர் ஏரி என அழைக்கப்படுகிறது. இதன் நீர்பிடிப்பு பரப்பளவு 3560 சதுர கி.மீ. இதன் நீளம் 64 கி.மீ., அதிகபட்ச ஆழம் 13 அடி. தனித்துவமான நீர் அமைப்பால் பல்வேறு கடல் தாவரங்கள், மீன்கள் நிறைந்த பகுதியாக உள்ளது. இந்த ஏரி மகாநதியின் முகத்துவாரப்பகுதியில் அமைந்துள்ளது. குளிர்காலத்தில் அதிக பறவைகள் இங்கு வலசை வருகின்றன. இந்த ஏரியின் நடுவே நலபன் தீவு உள்ளது. இதன் பரப்பளவு 223 சதுர கி.மீ. இது பறவைகள் சரணாலயமாகவும், சுற்றுலாதலமாகவும் திகழ்கிறது.
07.12.2022
காற்றுமாசுவில் இருந்து எரிபொருள் உலகின் பல்வேறு பகுதிகள் காற்று மாசுவால் பாதிக்கப்பட்டுள்ளன. இந்நிலையில் காற்றுமாசுவில் இருந்து வாகனங்களுக்கு எரிபொருள், ஆடை என மறுசுழற்சி செய்யலாம் என அமெரிக்க ஆய்வில் கண்டறியப்பட்டுள்ளது. காற்றுமாசுவுக்கு காரணமாக இருக்கும் கார்பன் உள்ளிட்ட பசுமை இல்ல வாயுக்களை மறுசுழற்சி செய்து பயன்படுத்தும் பொருட்களாக மாற்றுவதுதான் இதன் இலக்கு. இதன்படி இந்த காற்று மாசுவை முதலில் எத்தனாலாக மாற்றுகின்றனர். பின் எத்தனாலை வைத்து பிளாஸ்டிக் பாட்டில், தடகள உடை உள்ளிட்டவை தயாரிக்க முடியும் என தெரிவித்துள்ளனர். தகவல் சுரங்கம் கொடி, விமான போக்குவரத்து தினம் முப்படையினர், முன்னாள் வீரர்களின் நலனுக்கு நிதி திரட்டும் வகையில் டிச.,7ல் கொடி நாள் கடைபிடிக்கப்படுகிறது. மக்களிடமிருந்து பணம் பெற்று, வீர மரணம் அடைந்த வீரர்களின் குடும்பங்கள், காயமடைந்த வீரர்களுக்கு நிதி உதவி வழங்கப்படுகிறது. * உலகில் சமூக, பொருளாதார வளர்ச்சியில் சர்வேதேச விமானப் போக்குவரத்தின் பங்களிப்பை அங்கீகரிக்கும் விதமாக டிச.,7ல் உலக விமான போக்குவரத்து தினம் கடைபிடிக்கப்படுகிறது. 'உலக விமான போக்குவரத்து வளர்ச்சிக்கு நவீன கண்டுபிடிப்பு' என்பது 2023 வரை இத்தினத்தின் மையக்கருத்து.
08.12.2022
டீசல் உருவான கதை ஒரு நாட்டின் பொருளாதார வளர்ச்சியில் கச்சா எண்ணெய் முக்கிய பங்கு வகிக்கிறது. இதிலிருந்து தான் பெட்ரோல், டீசல் தயாரிக்கப்படுகிறது. உலகில் முதன்முதலாக கச்சா எண்ணெயில் இருந்து பிரித்து எடுக்கப்பட்ட ஒருவித எண்ணெயைப் பயன்படுத்தி ருடால்ப் கார்ல் டீசல் எனும் விஞ்ஞானி 1893ல் ஓர் இன்ஜினை வடிவமைத்தார். அதற்கு அவரது பெயரை தழுவி டீசல் இன்ஜின் என பெயரிடப்பட்டது. இதற்கான காப்புரிமையும் பெற்றார். அதில் பயன்படுத்தப்பட்ட எண்ணெய் டீசல் என ஆனது. ருடால்ப் டீசல் 1858 மார்ச் 18ல் பிரான்சில் பிறந்து ஜெர்மனிக்கு குடிபெயர்ந்து ஆராய்ச்சியில் ஈடுபட்டார். தகவல் சுரங்கம் ஏழு கடல் பெண் மேற்கு வங்கத்தை சேர்ந்தவர் பூலா சவுத்ரி. 1970 ஜன. 2ல் ஹூக்ளியில் பிறந்தார். 9 வயதில் நீச்சல் போட்டியில் பங்கேற்க தொடங்கினார். உலகின் ஐந்து கண்டங்களில் உள்ள ஏழு கடல் கால்வாய்களில் நீந்திய முதல் பெண் வீராங்கனை என்ற சாதனை படைத்தவர். ஆங்கில கால்வாயை இருமுறை நீந்திக் கடந்துள்ளார். மேற்கு வங்கத்தின் நந்தன்பூர் தொகுதியில் 2006 - 2011ல் எம்.எல்.ஏ., வாக இருந்தார். இந்திய தேசிய நீச்சல் அணியில் பங்கேற்றவர். அர்ஜூனா விருது, பத்ம ஸ்ரீ விருதுகளை பெற்றுள்ளார். 30 கி.மீ., துாரத்தை 3 மணி நேரம், 26 நிமிடங்களில் நீந்திக்கடந்து சாதனை படைத்தவர்.
09.12.2022
பால் பொங்குவது எப்படி பாலை கொதிக்க வைக்கும்போது அதிலுள்ள கொழுப்பு, புரதம் போன்றவை அடர்த்தி குறைவு என்பதால் பாலின் மேற்புறத்தில் பாலாடையாக படர்கின்றன. இதற்கிடையில் பாலில் உள்ள நீர் கொதிநிலையை அடைந்ததும், கொதித்து நீராவியாக மேலே எழுகிறது. அதை மேலே செல்லவிடாமல் பாலாடை தடுக்கிறது. எனினும் அடர்த்தி குறைவான நீராவி அந்த பாலாடையை தள்ளிக்கொண்டு மேலே எழும்பி வெளியேறுகிறது. இதைத்தான் 'பால் பொங்குகிறது' என அழைக்கிறோம். அடுப்பின் வெப்ப அளவை குறைத்தால் நீர் கொதிநிலையை அடையும் வேகம் குறைந்து பொங்குவது அடங்கும். தகவல் சுரங்கம் உலகை அழிக்கும் ஊழல் பெரும்பாலான இடங்களிலும் ஊழல் பரவி விட்டது. இது சமூகத்தின் அனைத்து பிரிவுகளையும் பாதிக்கிறது. ஒரு நாட்டின் வளர்ச்சியை தடுப்பதில் ஊழல் முக்கிய காரணமாகிறது. 'ஊழலுக்கு எதிராக உலகை ஒன்றிணைப்போம்' என்பது இந்தாண்டு மையக்கருத்து. ஊழலின் பாதிப்புகள், அதன் தீமைகள் பற்றி விழிப்புணர்வு ஏற்படுத்தும் விதமாக டிச. 9ல் சர்வதேச ஊழல் எதிர்ப்பு தினம் கடைபிடிக்கப்படுகிறது. 'லஞ்சம் வாங்குவதும், கொடுப்பதும் குற்றம்'. ஊழலை ஒழிப்பதற்கு அனைவரும் இணைந்து செயல்பட வேண்டும். அனைத்து நிலைகளிலும் ஊழலை எதிர்த்து போராட தயங்கக்கூடாது.
10.12.2022
பறக்காத பறவை பென்குயின் பறக்க முடியாத பறவை இனத்தை சேர்ந்தது. நான்கு கோடி ஆண்டுகளுக்கு முன் உருவானதாக கூறப்படுகிறது. குளிர்ப்பிரதேசங்களில் அதிகம் காணப்படும். மீன், கடல்வாழ் உயிரினங்களை உண்டு வாழ்கின்றன. கடலில் ஒரு மணிநேரத்தில் 31 கி.மீ., தொலைவு நீந்தும். பென்குயின் உப்புதன்மையுள்ள கடல்நீரையும் குடித்து வாழும். மிகச்சிறப்பான செவி உணர்வை கொண்டவை. இதனால் கடலின் மேற்புறத்தில் அதிக துாரம் பார்க்க முடியாது. பென்குயின் வகைகளில் பெரியது, எடைமிக்கது 'எம்பெரரர் பென்குயின்'. நீளம் 100 செ.மீ. எடை 22 - 45 கிலோ. தகவல் சுரங்கம் மனித உரிமைகள் தினம் தான் வாழ்வதுடன் பிறரையும் வாழவிட வேண்டும் என வலியுறுத்தி டிச. 10ல் சர்வதேச மனித உரிமைகள் தினம் கடைபிடிக்கப்படுகிறது. 1948 டிச.10ல் ஐ.நா., பொது சபையால் உலக மனித உரிமைகள் பிரகடனம் ஏற்றுக் கொள்ளப்பட்டதை, பெருமைப்படுத்தும் விதத்தில் 1950ல் இத்தினம் தொடங்கப்பட்டது. 'அனைவருக்கும் கவுரவம், சுதந்திரம், நீதி' என்பது இந்தாண்டு மையக்கருத்து. உலகில் அனைவரும் சமமானவர்களே, நாம் மற்றவரிடம் எதிர்பார்க்கும் உரிமையை நாமும் அவர்களுக்கு வழங்க வேண்டும். மனித உரிமை பாதுகாக்க அனைவரும் இணைந்து செயல்படுவோம்.
11.12.2022
பெரிய மூளை மூளையின் அளவு என்பது சில நேரம் எடை, சில நேரம் நிறை மூலம் நிர்ணயிக்கப்படுகிறது. உலகிலுள்ள விலங்கு இனங்களில் மிகவும் அதிக எடை கொண்ட மூளையை கொண்டது ஸ்பெர்ம் திமிங்கலம். இதன் எடை 7 முதல் 9 கிலோ இருக்கும். மேலும் இதன் மூளையின் எடை, மனிதனின் மூளையை விட, ஐந்து மடங்கு அதிக எடை கொண்டது. இந்த திமிங்கலத்துக்கு பெரிய தலை இருக்கும். அதாவது தனது உடலின் மூன்றின் ஒரு பங்கு அளவுக்கு தலை இருப்பதால், மூளைக்கு அதிகமான இடம் உள்ளது. இந்த திமிங்கலத்தின் சராசரி நீளம் 52 அடி. ஆயுட்காலம் 70 ஆண்டுகள். தகவல் சுரங்கம் உலக மலைகள் தினம் மலைகளை பாதுகாக்க வலியுறுத்தி ஆண்டுதோறும் டிச. 11ல் உலக மலைகள் தினம் கடைபிடிக்கப்படுகிறது. உலக சுற்றுலாவில் 15 - 20 சதவீதம் மலைப்பகுதி சுற்றுலா தளங்களை சேர்ந்தவை. 'பெண்கள் மலைகளை நகர்த்துகிறார்கள்' என்பது இந்தாண்டு மையக்கருத்து. உலகில் 15 சதவீத மக்கள், 50 சதவீத பல்லுயிரினங்களுக்கு மலை தான் பிரதானமாக உள்ளது. நன்னீர், காய்கறி உள்ளிட்டவற்றுக்கும் மலையை நம்பியே உள்ளோம். பல்லுயிர் பாதுகாப்பு, நீர், உணவுப் பாதுகாப்பிற்கு கிராமப்புற மலைவாழ் பெண்கள் இன்றியமையாதவர்களாக உள்ளனர்.
12.12.2022
ஆபத்தில் கடல் பசு கடலில் வாழும் பாலுாட்டி விலங்கு கடல் பசு. இதில் சில வகைகள் உள்ளன. இது கடல் தாவரங்களை உண்டு வாழும். தற்போது இது அழிந்து வரும் விலங்கினங்கள் பட்டியலில் இடம் பெற்றுள்ளது.கிழக்கு ஆப்ரிக்காவில் கடலில் புதை படிவ எரிபொருள் ஆய்வு, மாசுபாடு காரணமாக இதன் முக்கிய உணவான கடற்புற்கள் சரிவை சந்திக்கிறது. இதனால் போதிய உணவு கிடைக்காததால் கடல் பசுக்கள் பாதிக்கப்படுகின்றன. இதன் நீளம் 8.2 அடி முதல் 13.1 அடி இருக்கும். எடை 1500 கிலோ. இதன் வேகம் மணிக்கு 8 கி.மீ., ஆனால் குறுகிய துாரங்களில் 20 கி.மீ., வேகத்தில் செல்லும். தகவல் சுரங்கம் சுகாதார பாதுகாப்பு தினம் உலகில் அனைவருக்கும், அனைத்து இடங்களிலும் மலிவான, தரமான மருத்துவ வசதி கிடைக்க வலியுறுத்தி ஐ.நா., சார்பில் டிச. 12ல் உலக சுகாதார பாதுகாப்பு தினம் கடைபிடிக்கப்படுகிறது. 'நாம் விரும்பும் உலகத்தை கட்டமைப்போம்; அனைவருக்கும் ஆரோக்கியமான எதிர்காலம்' என்பது இந்தாண்டு மையக்கருத்து. உலகில் 100 கோடி பேர் தங்களுக்குத் தேவைப்படும் சுகாதாரச் சேவைகளைப் பெற முடியவில்லை. மருத்துவச் செலவுகளினால் ஆண்டுதோறும் 1.50 கோடி பேர் பொருளாதார நெருக்கடிகளுக்கு உள்ளாகின்றனர் என உலக சுகாதார நிறுவனம் தெரிவிக்கிறது. 12.
14.12.2022
மருத்துவ தாவரத்துக்கு பாதிப்பு இந்தியாவில் ஆயுர்வேத மருத்துவத்துக்கு முக்கியத்துவம் உள்ளது. இது இயற்கை முறையிலானது. இந்நிலையில் நாட்டில் உள்ள முக்கிய 900 மருத்துவ தாவர இனங்களில் பத்து சதவீதம் அழியும் ஆபத்தில் உள்ளன என ஆயுர்வேத நிபுணர்கள் கவலை தெரிவித்துள்ளனர். இந்தியாவில் சுமார் 45,000 தாவர இனங்கள் உள்ளன, அவற்றில் 7333 மருத்துவ தாவரங்கள் உள்ளன. இதில் 15 சதவீத மருத்துவ தாவரங்களே பயிரிடப்படுகின்றன. மற்றவை காடுகள் உட்பட பிற இயற்கை வாழ்விடங்களில் இருந்து பெறப்படுகிறது. ஆண்டுக்கு 2 மருத்துவ தாவரத்தை பூமி இழக்கிறது. தகவல் சுரங்கம் எரிசக்தி சேமிப்பு தினம் எரிசக்தியை சிக்கனமாக பயன்படுத்த வலியுறுத்தி டிச. 14ல் தேசிய எரிசக்தி சேமிப்பு தினம் கடை பிடிக்கப்படுகிறது. நவீன உலகில் எரிசக்தியே பிரதானமாக உள்ளது. நாம் பயன்படுத்தும் பெரும்பாலான பொருட்கள் எரிசக்தி மூலமே இயங்குகிறது. இது புதுப்பிக்க இயலாதவை. நிலக்கரி, கச்சா எண்ணெய், மின்சாரம் என பல ஆற்றல் சக்திகளும் குறைந்து வருகின்றன. இவை இன்று போலவே எதிர்காலத்திலும் கிடைக்கும் என கூற முடியாது. அடுத்த ஐம்பது ஆண்டுகளில் எரிசக்திக்கு தட்டுப்பாடு ஏற்படும் என ஆராய்ச்சியாளர்கள் எச்சரிக்கின்றனர்.
15.12.2022
வருகிறது 'விண்கல்' '201 5ஆர்.என்35' பெயர் கொண்ட விண்கல், இன்று (டிச. 15) இந்திய நேரம் மதியம் 1:40 மணிக்கு பூமி அருகே (6.75 லட்சம் கி.மீ., துாரத்தில்) கடக்கிறது. இதனால் பூமிக்கு எந்த ஆபத்தும் இல்லை என ஐரோப்பிய விண்வெளி மையம் தெரிவித்துள்ளது. இதன் வேகம் மணிக்கு 21,276 கி.மீ. இந்த விண்கல் 2015 செப். 9ல் கண்டறியப்பட்டது. விட்டம் 196 அடி - 460 அடி. சூரிய குடும்பம் பல கோடி ஆண்டுக்கு முன் உருவானபோது கிரகங்களாக உருவாகாமல் நின்றுபோன எச்சங்கள் தான் விண்கற்கள். பெரும்பாலான விண்கல், செவ்வாய் - வியாழன் கோளுக்கு இடையில் சுற்றி வருகின்றன. தகவல் சுரங்கம் குகையில் ஆறு வியட்நாம் - லாவோஸ் எல்லையில் 'சன் டூங்' குகை அமைந்துள்ளது. இதன் நீளம் 9 கி.மீ. அகலம் 650 அடி. உயரம் 500 அடி. 'சன் டூங்' என்பதற்கு 'மலையாறு குகை' என பொருள். மலையில் ஓடும் ஆறு இந்த குகை வழியாக செல்கிறது. நுாற்றுக்கணக்கான ஆண்டுகளுக்கு முன் நீர் அரிப்பினால் இந்த குகை உருவாகி உள்ளது. இக்குகையை 1991ல் அப்பகுதியை சேர்ந்தவர் முதலில் கண்டுபிடித்தார். இது உலகின் பெரிய இயற்கை குகை என அழைக்கப்படுகிறது. 2009ல் 'பிரிட்டீஷ் குகை ஆராய்ச்சி கூட்டமைப்பினர்' ஆய்வுக்குப்பின் இக்குகை பிரபலமடைந்தது. --
16.12.2022
நிறமற்ற நீர் தானே ஒளியை உமிழும் பொருட்களைத் தவிர, ஒளியைப் பிரதிபலிக்கும் பொருட்களின் நிறம், அதன் வேதியியல் தன்மையைப் பொறுத்தே அமையும். தாவர இலைகளில் உள்ள பச்சையம், பச்சை நிற ஒளியைத் தவிர அதன் மீது விழும் எல்லா நிற ஒளியையும் உறிஞ்சும். எனவே அதிலிருந்து பிரதிபலிக்கும் ஒளி பச்சை நிறம் மட்டுமே. அதுபோல நீர், எல்லா நிற ஒளியையும் பிரதிபலிக்கிறது. எனவே நம் பார்வைக்கு அது நிறமற்றதாகத் தென்படுகிறது. முகம் பார்க்கும் கண்ணாடியும் நீர் போன்றதே. எந்த நிற ஒளி வந்து விழுந்தாலும், அதே நிற ஒளி பிரதிபலிக்கப்படும். தகவல் சுரங்கம் வெற்றி தினம் ஆங்கிலேயர் சுதந்திரம் வழங்கிய போது இந்தியா - பாக்., என பிரித்து வழங்கினர். பாகிஸ்தான் மேற்கு, கிழக்கு என இருந்தது. கிழக்கு பாக்., மக்கள் தனிநாடு வலியுறுத்தி 1971 மார்ச் 26ல் 'வங்கதேச விடுதலைப்போரை' தொடங்கினர். இந்த கோரிக்கைக்கு இந்தியா ஆதரவளித்து பாகிஸ்தானுக்கு எதிராக 1971 டிச. 3ல் போரில் இறங்கியது. இந்தியாவின் தாக்குதலை சமாளிக்க முடியாமல் 1971 டிச., 16ல் பாக்., படையினர் சரண் அடைந்தனர். இத்தினம் ஆண்டுதோறும் 'விஜய் திவாஸ்' என கொண்டாடப்படுகிறது. 13 நாள் போர் முடிவுக்கு வந்தது. வங்கதேசம் உருவாக்கப்பட்டது.
17.12.2022
மனிதனின் முதல்நடை பூமியில் லட்சக்கணக்கான ஆண்டுகளுக்கு முன் பழங்கால மனிதனின் முதல் நடை என்பது தரையில் இல்லாமல், மரங்களில் கீழ் இருந்து மேல்நோக்கி தான் இருந்திருக்கிறது என தான்சானியாவின் கென்ட் பல்கலை ஆய்வில் தெரிவிக்கப்பட்டுள்ளது. இதற்கு அடுத்த கட்டமாக தான் மனிதன், தரையில் நடக்க தொடங்கியிருப்பர். இதுபற்றி சிம்பன்சி குரங்குகளிடம் நடத்திய ஆய்வில் இந்த கருத்து எடுக்கப்பட்டுள்ளது. இதற்கு முந்தைய ஆய்வுகள் என்பது 'பழங்கால மனிதன் தரையில் தான் அவர்கள் நிறைய நேரம் செலவிட்டு இருப்பர்' என தெரிவித்திருந்தன. தகவல் சுரங்கம் எலி கோயில் ராஜஸ்தானின் பிகானேர் மாவட்டத்தில் தேஷ்னோக் நகரில் 'கரணி மாதா' கோயில் உள்ளது. இது 'எலிக் கோயில்' எனவும் அழைக்கப்படுகிறது. வளாகத்தில் வழிபாட்டுக்குரிய 20 ஆயிரம் கருப்பு எலிகள் வாழ்கின்றன. பறவைகளிடம் இருந்து இவற்றை காக்க கூரை மீது வலை அமைக்கப்பட்டுள்ளது. இவைகளுக்கு பிடித்த இனிப்பு, பால் வழங்கி பக்தர்கள் வழிபடுகின்றனர். ஆன்மிக சுற்றுலாதலங்களில் ஒன்றாக திகழும் இக்கோயிலுக்கு இந்தியா மட்டுமல்லாமல், உலகம் முழுவதிலும் இருந்து பக்தர்கள் வருகின்றனர். இக்கோயில் 1530ல் முகலாய, ராஜபுத்திர கட்டட கலையில் கட்டப்பட்டது.
18.12.2022
அணுவின் அடிப்படை அணுவின் அடிப்படையில் ஒன்றான எலக்ட்ரானை முதலில் கண்டறிந்தவர் பிரிட்டன் விஞ்ஞானி ஜே.ஜே.தாம்சன். மின்சாரவியல், காந்தவியல், ஐசோடோப்புகள் உட்பட பல ஆராய்ச்சிகள் மேற்கொண்டார். நவீன அணு இயற்பியலின் தந்தை என அழைக்கப்படுகிறார். மின்னிறக்க குழாயில் மின்சாரத்தைச் செலுத்தும்போது ஏற்படும் விளைவுகளைக் கண்டறிந்ததற்காக 1906ல் இயற்பியலுக்கான நோபல் பரிசு பெற்றார். இவரது மாணவரான நியூசிலாந்தின் எர்னஸ்ட் ரூதர் போர்டு அணுவை பிளக்க முடியும் என நிரூபித்தார். இது அணுகுண்டு தயாரிக்க அடிப்படையாக அமைந்தது. தகவல் சுரங்கம் புலம் பெயர்ந்தோர் தினம் உலகில் முறையாக இடம் பெயர்ந்தவர்களுக்கு உரிய மனித உரிமைகள் வழங்கப்பட வலியுறுத்தியும், சமூக பொருளாதாரத்தில் முன்னேறுவதற்குரிய வழிமுறைகளை அந்தந்த நாடுகள் செயல்படுத்த வலியுறுத்தியும் ஐ.நா., சார்பில் டிச. 18ல் உலக புலம் பெயர்ந்தோர் தினம் கடைபிடிக்கப்படுகிறது. * மத வழி சிறுபான்மையினர்களான முஸ்லிம், கிறிஸ்துவம், புத்த மதத்தினர், பாரசீகர்கள், சீக்கியர்கள், ஜெயின் சமூகத்தினரின் உரிமைகளை பாதுகாக்க வலியுறுத்தி டிச. 18ல் தேசிய சிறுபான்மையினர் தினம் கடைபிடிக்கப்படுகிறது. --
19.12.2022
மேகவெடிப்பு வெப்பமான காற்று தரைப் பரப்பிலிருந்து மேலே எழுந்து மேகத்திலிருந்து விழும் மழைத் துளிகளை கீழே விழாமல் தடுத்து, மறுபடியும் மேகத்துக்குள்ளேயே திரும்ப செய்கிறது. வரம்புக்கு மீறி ரப்பரை இழுத்தால் அறுபடுவது போல, மேகத்தில் திரண்டு கொண்டே இருக்கும் மழை நீர் தாங்க முடியாத அளவு கூடி திடீரென ஒரே சமயத்தில் கொட்டிவிடும். இதனால் குறைந்த நேரத்தில் எதிர்கொள்ள முடியாத அளவுக்கு பெரிய வெள்ளம் ஏற்படும். ஒரு மணி நேரத்தில் சுமார் 100 மி.மீ.,க்கு மேல் மழை பெய்யும். இதுவே மேகவெடிப்புப் பெருமழை என அழைக்கப்படுகிறது. தகவல் சுரங்கம் கோவா விடுதலை தினம் இந்தியா சுதந்திரம் பெற்ற போது, கோவா போர்ச்சுகீசியர்களின் ஆட்சியில் இருந்தது. பின் 1961 டிச. 19ல் 'ஆப்பரேஷன் விஜய்' என்ற பெயரில் இந்திய ராணுவத்தின் போர் நடவடிக்கை மூலம் இந்தியாவுடன் இணைக்கப்பட்டது. 450 ஆண்டுகால போர்ச்சுகீசியர் ஆட்சி முடிவுக்கு வந்தது. இத்தினம்'கோவா விடுதலை தினம்' என கடைபிடிக்கப்படுகிறது. கோவா மாநிலத்தின் பரப்பளவு 3702 கி.மீ. 2011 அடிப்படையில் மக்கள்தொகை 14.58 லட்சம். கல்வியறிவு சதவீதம் 88.70. இதன் தலைநகரம் பானாஜி. வடக்கு கோவா, தெற்கு கோவா என இரு மாவட்டம் உள்ளது. --
20.12.2022
நள்ளிரவில் சூரியன் பூமி கோள வடிவம் கொண்டது. வட - தென் துருவங்களை இணைக்கும் அச்சில், பூமி சூரியனை சுற்றுகிறது. பூமியின் ஒரு குறிப்பிட்ட பகுதி சூரியனுக்கு நேராகவும், மறுபகுதி எதிர் திசையிலும் செல்லும். இதுவே பகல், இரவு ஏற்பட காரணம். இந்நிலையில் பூமி அதன் அச்சில் 23.5 டிகிரி சாய்ந்திருப்பதின் அடிப்படையில் பூமியில் வட, தென் துருவ பகுதியில் சில நாடுகளில் (கனடாவின் சில பகுதிகள், கிரீன்லாந்து, ஐஸ்லாந்து, பின்லாந்து, நார்வே, ரஷ்யா, சுவீடன்) இரவிலும் சூரியன் தெரியும் நிகழ்வுகளை சந்திக்கின்றன. பூமி சற்று சாய்வாக இருப்பதும் இந்த விந்தைக்கு காரணம். *********** தகவல் சுரங்கம் சர்வதேச ஒற்றுமை தினம் 'ஒன்றுபட்டால் உண்டு வாழ்வு' என ஒற்றுமையின் வலிமையை பாடலால் அறிவுறுத்தியவர் பாரதியார். உலகில் ஒற்றுமையை வளர்க்கும் விதமாக 2005 முதல் டிச., 20ல் ஐ.நா., சார்பில் சர்வதேச மனித ஒற்றுமை தினம் கடைபிடிக்கப்படுகிறது. உலகில் அறிவியல் தொழில்நுட்பம் வளர்ந்தாலும், ஜாதி, மத மோதல், உள்நாட்டு சண்டை, பயங்கரவாத செயல் குறையவில்லை. போரினால் மக்கள் அகதியாக மாறும் அவலம் உள்ளது. மக்களிடம் ஒற்றுமை எண்ணத்தை வளர்த்து, ஏற்றத்தாழ்வுகளை குறைத்து வறுமையை ஒழிப்பதே இத்தினத்தின் நோக்கம்.
21.12.2022
அழியும் உயிரினங்கள் பூமியில் வாழும் பல்லுயிரினங்களில் நான்கில் ஒரு பகுதி, வரும் 2100க்குள் அழிவை சந்திக்கும் என சூப்பர் கம்ப்யூட்டரை பயன்படுத்தி ஆஸ்திரேலியா - ஐரோப்பிய விஞ்ஞானிகள் மேற்கொண்ட ஆய்வில் தெரிவிக்கப்பட்டுள்ளது. நில பயன்பாடு மாற்றம், காலநிலை மாற்றம், அதிக அறுவடை, மாசுபாடு, வளங்களை அதிகமாக சுரண்டுதல் போன்றவை இதற்கு காரணம் என விஞ்ஞானிகள் எச்சரிக்கின்றனர். பூமியில் வாழும் தாவரங்கள், விலங்குகளின் எண்ணிக்கையில் 10 சதவீதம் 2050ம் ஆண்டுக்குள் அழிவை சந்திக்கும். இது 2100க்குள் 27 சதவீதமாக உயரும். தகவல் சுரங்கம் சூரியன் உதிக்கும் மாநிலம் இந்தியாவில் முதலில் சூரியன் உதிக்கும் மாநிலம் அருணாச்சலப்பிரதேசம். இங்குள்ள 'டோங்' கிராமத்தில் சூரியன் முதலில் உதிக்கிறது. வடகிழக்கு மாநிலங்களில் மிகப்பெரியது அருணாச்சல் தான். இதன் பரப்பளவு 83,743 சதுர கி.மீ. இது பரப்பளவு அடிப்படையில் நாட்டின் 14வது பெரிய மாநிலம். 2011 சென்செஸ் படி இதன் மக்கள் தொகை 13.82 லட்சம். எழுத்தறிவு சதவீதம் 67. இது சீனாவின் திபெத் பகுதியுடன் 1129 கி.மீ., துாரத்துக்கு சர்வதேச எல்லையை பகிர்ந்துள்ளது. இது 1987 பிப். 20ல் மாநிலமாக அங்கீகரிக்கப்பட்டது. 25 மாவட்டங்கள் உள்ளன. இதன் தலைநகரம் இடாநகர். --
22.12.2022
தீக்குச்சி ரகசியம் தீப்பெட்டியின் மருந்துப் பட்டையில் தீக்குச்சியை உரசும்போது உராய்வால் ஏற்படும் வெப்பம் தீப்பெட்டியில் உள்ள சிவப்பு பாஸ்பரஸை, சிறிய அளவு வெப்பப்படுத்தி ஆவியாக்குகிறது. இந்த வேதியியல் வினையில் வெள்ளை பாஸ்பரஸ் தானாகவே ஆவியாக மாறும். இயல்பான வெப்பநிலையில் வெள்ளை பாஸ்பரஸ் தானாக எரியும் தன்மை கொண்டதால் அது எரியத் தொடங்குகிறது. அதன் தணலில் தீக்குச்சியில் உள்ள சல்பர் உருகி எரிகிறது. சல்பர் எரியும்போது வெளிப்படும் வெப்பம், தீக்குச்சியை முழுதாக எரிக்கப் போதுமானதாக அமைந்து விடுகிறது. தகவல் சுரங்கம் தேசிய கணித தினம் உலகின் சிறந்த கணித மேதைகளில் ஒருவர் சீனிவாச ராமானுஜன். இந்தியாவில் இளைஞர்களிடம் கணித ஆர்வத்தை வளர்க்கும் வகையில் இவரது பிறந்த தினமான டிச. 22, தேசிய கணித தினமாக கடைபிடிக்கப்படுகிறது. அனைத்து துறைகளிலும் கணிதம் முக்கியமானது. உலகின் ஆரம்பகால கணித வளர்ச்சிக்கு இந்தியா பல்வேறு பங்களிப்பை செய்துள்ளது. பூஜ்யத்தை உலகுக்கு அறிமுகம் செய்தது இந்தியாதான். விடை காண முடியாத 6 ஆயிரம் தேற்றங்களை நிரூபிக்க ராமானுஜன் முயற்சி எடுத்தார். ஆர்க்கிமிடிஸ், நியூட்டன் போன்ற விஞ்ஞானிகளுடன் ஒப்பிடப்பட்டவர்.
23.12.2022
பலுானில் சப்தம் வருவது எப்படி 'சப்தம்' என்பது காற்றில் ஏற்படும் அசைவு அல்லது அதிர்வுகள்தாம். காதின் அருகே கையை வேகவேகமாக அசைத்தால் 'விஷ்' என ஒருவித சப்தம் வருவதை கேட்கலாம். அதுபோல பலுான் வெடித்துச் சிதறும்போது, அதன் உள்ளே அழுத்தத்தில் இருக்கும் காற்றும் வெளிப்படுகிறது. இதன் தொடர்ச்சியாக அருகில் உள்ள காற்றில், மிக வேகமான வலுவான அதிர்வுகள் ஏற்படும். இதுவே பலுான் வெடிக்கும் போது நமக்கு சப்தமாகக் கேட்கிறது. ஊதிய பலுானில் ஊசியால் குத்துவது, பலுான் வெடிக்கும் வரை ஊதுதல் போன்ற சூழல்களில் பலுான் வெடிக்கிறது. தகவல் சுரங்கம் தேசிய விவசாயிகள் தினம் இந்திய மக்கள்தொகையில் பெரும்பான்மை மக்களின் பிரதான தொழில் விவசாயம். நாட்டின் முதுகெலும்பாக விவசாயம் உள்ளது. விவசாயத்திற்காக பல சட்ட திட்டங்களை கொண்டு வந்து மறுமலர்ச்சி ஏற்படுத்திய முன்னாள் பிரதமர் சரண்சிங் நினைவாக அவரது பிறந்த தினமான டிச.23ல் தேசிய விவசாயிகள் தினமாக கொண்டாடப்படுகிறது. மக்களின் பசியை போக்க உணவை படைத்து வரும் விவசாயிகள் போற்றத்தக்கவர்கள். இருப்பினும் பல்வேறு காரணங்களால் இன்றைய சூழலில் விவசாய தொழில் சவாலான ஒன்றாக மாறி வருகிறது. --
24.12.2022
தொலைநோக்கியின் அறிமுகம் பூமி உட்பட அனைத்து கோள்களும், சூரியனைச் சுற்றி வருகின்றன என்ற உண்மையைக் கண்டறிந்து 1616ம் ஆண்டில் உலகிற்கு தெரியப்படுத்தியவர் 'கலிலியோ கலிலி'. ஆனால் அவர் கூறியதை உண்மை என யாரும் அப்போது நம்பவில்லை. பின்னர் கலிலியோவின் கூற்று உண்மைதான் என உலகம் உணர்ந்தது. இத்தாலியில் பிப். 15ல் பிறந்தார். கணிதப் பேராசிரியரான அவர் இயற்பியல், வானவியலில் அதிக ஆர்வம் கொண்டிருந்தார். வானியல் ஆய்வுகளுக்குப் பயன்படுகிற தொலைநோக்கியை (டெலஸ்கோப்) முதன் முதலில் கண்டுபிடித்தார். தகவல் சுரங்கம் தேசிய நுகர்வோர் தினம் வியாபாரத்தில் நுகர்வோரே எஜமான். நுகர்வோர் உரிமை பற்றி விழப்புணர்வு ஏற்படுத்த டிச. 24ல் தேசிய நுகர்வோர் உரிமை தினம் கடைப்பிடிக்கப்படுகிறது. உலகில் அனைவருமே ஒரு விதத்தில் நுகர்வோர் தான். நுகர்வோரை வைத்து தான் வியாபார சந்தையே நடக்கிறது. நுகர்வோர் தங்களது அடிப்படை உரிமைகளை அறிந்து கொள்ள வேண்டும். அப்போதுதான் ஏமாறுவது தடுக்கப்படும். பாடப்புத்தகத்தில் நுகர்வோர் உரிமை பற்றிய பாடத்தை சேர்க்க வேண்டும். குறைபாடுகளை எதிர்த்து போராடினால் தான் தரமான பொருட்கள் சந்தையில் கிடைக்கும்.
25.12.2022
வெயிலுடன் மழை கடல், ஆறு, குளம் உள்ளிட்ட நீர் வெப்பநிலையால் நீராவி நிலைக்கு மாறி காற்றில் கலந்து மேகங்களை உருவாக்குகின்றன. இந்த நீரே பின் மழையாகப் பெய்கிறது. பகலில் சூரியன் இருக்கும் வரை வெயில் இருக்கும். ஒருவேளை அடர்ந்த மேகம் இடையில் வந்துவிட்டால், அப்பகுதியில் வெயில் குறையும். அதாவது மறைக்கப்பட்ட வெயில் மேகத்தின் மீது படர்கிறது. மேகம் தொடர்ச்சியாகப் படர்ந்து இல்லாமல் இடைவெளி இருந்தால், அந்த இடைவெளி வழியாக வெயில் பூமியில் விழும். இந்த மாதிரி நேரங்களில்தான் மழையும் வெயிலும் ஒரே சமயத்தில் ஏற்படுகிறது. தகவல் சுரங்கம் நல்லாட்சி தினம் கவிஞர், பத்திரிகை ஆசிரியர், சிறந்த மேடை சொற் பொழிவாளர் என பன்முக திறமை கொண்டவர் முன்னாள் பிரதமர் வாஜ்பாய். இவரது பிறந்த தினமான டிச. 25, 'தேசிய நல்லாட்சி தினமாக' கடைபிடிக்கப்படுகிறது. வாஜ்பாய் முதல்முறையாக 1957ல் லோக்சபா எம்.பி., ஆனார். 2004 வரை 10 முறை எம்.பி., ஆக தேர்வானார். மூன்று முறை பிரதமராக பதவி வகித்தவர். 1998ல் அணு ஆயுத சோதனையை வெற்றிகரமாக நடத்தி உலகை திரும்பி பார்க்க வைத்தார். நான்கு வழிச்சாலை திட்டத்தை அறிமுகப்படுத்தி, சாலை போக்குவரத்தில் புரட்சியை ஏற்படுத்தினார்.
26.12.2022
விமானம் பறப்பது எப்படி அமெரிக்காவை சேர்ந்த ரைட் சகோதரர்கள் உலகின் முதல் விமானத்தை பறக்க செய்து சாதனை படைத்தனர். விமானத்தில் ஜெட் இன்ஜின் அல்லது விசிறி சுழலும்போது விமான இறக்கையின் மேல் வந்து மோதும் காற்று இரண்டாகப் பிரிகிறது. அதில் ஒருபகுதி இறக்கையின் மேலேயும், மற்றொருபகுதி கீழேயும் பாய்ந்து செல்லும். இறக்கை வடிவமைப்பின் காரணமாக மேல் செல்லும் காற்று வேகமாகச் செல்லும். எனவே அழுத்தம் குறையும். கீழ் செல்லும் காற்று மெதுவாகச் செல்வதால் அழுத்தம் அதிகரிக்கும். இதன் காரணமாக மிதப்பு விசை ஏற்பட்டு விமானம் மேலே பறக்கிறது. தகவல் சுரங்கம் சுனாமி தினம் கடந்த 2004 டிச., 26ல் இந்தோனேஷியாவின் சுமத்ரா தீவின் கடல் பகுதியில் 9.1 ரிக்டர் அளவில் நிலநடுக்கம் ஏற்பட்டதால் எழும்பிய ஆழிப் பேரலைகள் இந்தோனேஷியா, இந்தியா, மியான்மர், இலங்கை, தாய்லாந்து உட்பட 14 நாடுகளில் கடலோர பகுதிகளை வாரி சுருட்டியது. இந்தியாவில் தமிழகம், ஆந்திரா, கேரளா, புதுச்சேரியை 'சுனாமி' தாக்கியது. 12,000 பேர் பலியாகினர். இதில் 7,000 பேர் தமிழகத்தை சேர்ந்தவர்கள். கடலோர மாவட்டங்களான சென்னை, நாகை, கடலுார், கன்னியாகுமரி பாதிக்கப்பட்டன. இதன் நினைவு தினம் இன்று அனுசரிக்கப்படுகிறது.
28.12.2022
சிலிண்டர் வாசனை சமையல் கேஸ் சிலிண்டருக்குள் அடைக்கப்பட்டுள்ள 'புரோப்பேன், பூட்டேன்' திரவ வடிவில் இருக்கும். ஆனால் அது அடுப்புக்கு வாயு வடிவில் வருகிறது. சிலிண்டரில் இருந்து 'கேஸ் லீக்' ஆனால், எளிதில் உணர 'எத்தில் மெர்கேப்டன்' ரசாயனம் சேர்க்கப்பட்டுள்ளது. இது வாசனை மூலம் நம்மை எச்சரிக்கை செய்யும். அப்போது எச்சரிக்கையுடன் அதை தடுக்கும் பணியில் ஈடுபட வேண்டும். வெளியாகும் திரவம் காற்றை விட கனமானது என்பதால், புகையை போல் மேலே பரவாமல் தரையில் பரவி விடும். சிறிய தீப்பொறி பட்டாலும் பெரியளவில் தீப்பற்றும் ஆபத்து உள்ளது. தகவல் சுரங்கம் ஓட்டுப்பதிவுக்கு அடையாளம் இந்தியாவில் தேர்தல் ஓட்டுப்பதிவின்போது, ஒருவர் ஒருமுறைக்கு மேல் வாக்களிப்பதை தடுக்கும் விதமாக விரலில் 'மை' வைக்கப்படுகிறது. 1962 தேர்தலில் இருந்து இந்நடைமுறை பின்பற்றப்படுகிறது. மைசூருவில் உள்ள 'மைசூரு பெயின்ட் அண்ட் வார்னிஷ்' நிறுவனம் மட்டுமே, இந்த அடையாள 'மை' தயாரிக்கிறது. 15 நாட்கள் வரை இது அழியாது. இயற்கை சாயங்கள், சில வாசனைப் பொருட்கள், சில்வர் நைட்ரேட் உள்ளிட்ட பொருட்களை கொண்டு 'மை' தயாரிக்கப்படுகிறது. எந்த வேதிப்பொருளைப் பயன்படுத்தினாலும், இது அழியாது என்பது அறிவியல் பூர்வ உண்மை.
29.12.2022
உயிரினங்களின் ஆதாரம் செவ்வாய்கிரக ஆய்வில், மீத்தேன் வாயுவை கண்டறிவதும் ஒன்று. ஏனெனில் மீத்தேன் இருப்பின், அது உயிரினங்கள் வாழ்வதற்கான ஆதாரம். உயிரினங்கள் என்பது மனிதன், விலங்குகள் மட்டுமல்ல, நுண்ணியிரிகளாகக் கூட இருக்கலாம்.இதன் வேதியியல் வாய்ப்பாடு சி.எச்4 (ஒரு கார்பன், 4 ஹைட்ரஜன் சேர்ந்தது). ஒரு மீத்தேன் மூலக்கூறு, 25 கார்பன்-டை-ஆக்சைடின் மூலக்கூறுகளுக்கு சமம். எரியும் தன்மை கொண்டது. மீத்தேன், சமையல் எரிவாயுவில் இது முக்கிய பங்கு வகிக்கிறது. குளிர்பதன பெட்டி தயாரிப்பு உள்ளிட்ட பலவற்றுக்கு பயன்படுகிறது. தகவல் சுரங்கம் பெரிய நன்னீர் ஏரி ரஷ்யாவின் சைபீரியாவில் உள்ள பைகால் ஏரி, உலகின் பெரிய மற்றும் ஆழமான நன்னீர் ஏரி. இதன் பரப்பளவு 31,722 சதுர கி.மீ. நீளம் 636 கி.மீ. அகலம் 79 கி.மீ. சராசரி ஆழம் 2442 அடி. அதிகபட்ச ஆழம் 5387 அடி. உலக நன்னீரில் ஐந்தில் ஒரு பங்கு இதில் உள்ளது. இந்த ஏரியில் 27 தீவுகள் உள்ளன. 2000க்கும் மேற்பட்ட தாவரங்கள், உயிரினங்களின் வாழிடமாக உள்ளது. 'அங்காரா' என்ற ஆறு இந்த ஏரியில் இருந்து உற்பத்தியாகிறது. குளிர் காலத்தில் உறைந்து முழுவதும் பனிக்கட்டியாக மாறிவிடும். குளிர்காலம் முடிந்ததும் ஏரியில் எழும்பும் அலைகளால் பனிக்கட்டி கரைந்து விடும். --
30.12.2022
கண்கவரும் பவளம் நிலத்தில் இருப்பது போலவே கடலிலும் பல்லுயிர் அமைப்புகள் அதிகளவில் இருக்கின்றன. அவற்றில் பவளப்பாறைகள் முக்கியமானது. 'பவளம்' எனும் ஒருவகை கூட்டுயிரிகள் சுரக்கும் சுண்ணாம்பு பிணைப்புகளால், பவளப்பாறைகள் உருவாகின்றன. பார்ப்பதற்கு அழுத்தமான சுண்ணாம்பு செடிகளின் தொகுப்பு போல இவை இருக்கும். இந்தத் தொகுப்புகளோடு, பல வகையான நுண்ணுயிரிகள் ஒட்டி வளர்ந்து பவளப்பாறைகளின் தன்மையை நிர்ணயிக்கின்றன. பவளப்பாறைகள் பல வண்ணங்களில் இருப்பதால் கண்கவரும் பூஞ்சோலை மாதிரி தெரியும். தகவல் சுரங்கம் 'பின் கோடு' பின்னணி இந்திய தபால் துறையில் 'பின் கோடு' எனும் அஞ்சல் குறியீட்டு எண் முறை முக்கிய பங்கு வகிக்கிறது. ஒருவருக்கு நாம் அனுப்பும் தபால் சேர வேண்டிய முகவரியை, கண்டுபிடிக்க இது உதவுகிறது. இது 1972 ஆக., 15ல் ஸ்ரீராம் பிகாஜி வேலங்கரால் அறிமுகமானது. இது ஆறு இலக்க எண் கொண்டது. முதல் எண் தபால் மண்டலத்தை குறிக்கிறது. இரண்டாவது எண் துணை மண்டலத்தையும், மூன்றாவது எண் மண்டலம், துணை மண்டலத்துக்கு கீழ் வரும் மாவட்டத்தையும், அடுத்த மூன்று எண், அந்த மாவட்டத்தில் உள்ள சம்பந்தப்பட்ட தபால் நிலையத்தை குறிக்கிறது.
31.12.2022
வேதியியல் வினை எந்த ஒரு மாற்றத்தில் புதிய பொருள் தோன்றுகிறதோ, அது வேதியியல் மாற்றம் அல்லது வேதியியல் வினை என அழைக்கப்படுகிறது. உதாரணமாக கற்பூரம் எரியும்போது, கார்பன் டை ஆக்சைடு, நீராவி ஆகிய புதிய பொருள்கள் தோன்றுகின்றன. ஒளிச்சேர்க்கை, வெள்ளி கருப்பாகுதல், இரும்பு துருப்பிடித்தல் போன்றவை வேதியியல் மாற்றங்களில் சில. வேதிவினை நிகழ்வதற்கு ஒரு குறிப்பிட்ட கட்டுப்பாடு தேவைப்படுகிறது. சில வினைகளுக்கு வெப்பம் தேவைப்படுகிறது. சிலவற்றுக்கு ஒளியும், சிலவற்றுக்கு உயர் அழுத்தமும் தேவைப்படுகிறது. தகவல் சுரங்கம் அதிக குளிர்... அதிக வெப்பம் உலகின் ஒவ்வொரு இடமும் வெவ்வேறு தட்பவெப்ப நிலையை கொண்டது. சில இடங்களில் குளிரும், சில இடங்களில் வெப்பமும் அதிகமாக இருக்கும். உலக வரலாற்றில் குறைந்தளவு வெப்பநிலை என்பது அண்டார்டிகாவில் உள்ள வோஸ்டாக் ஸ்டேஷன் என்ற இடத்தில் பதிவானது. இங்கு 1983 ஜூலை 21ல் வெப்பநிலை மைனஸ் 89.2 டிகிரி செல்சியஸாக பதிவானது. அதே போல உலகில் இதுவரை பதிவான வெப்பநிலைகளில், அதிகமாக 1913 ஜூலை 10ல் அமெரிக்காவின் கலிபோர்னியா மாகாணத்தில் 'டெத்' பள்ளத்தாக்கில் 56.7 டிகிரி செல்சியஸ் பதிவானது.